
第一世噶玛巴教言集1KM34དཔལ་རྒྱལ་དབང་ཀརྨ་པ་དུས་གསུམ་མཁྱེན་པའི་གསུང་འབུམ་ཁ་པ་བཞུགས་སོ།
2-0-1a
ཀརྨ་པ་དུས་གསུམ་མཁྱེན་པའི་གསུང་འབུམ། ཁ༽ དཔལ་བརྩེགས་བོད་ཡིག་དཔེ་རྙིང་ཞིབ་འཇུག་ཁང་གིས་བསྒྲིགས། དཔལ་རྒྱལ་དབང་ཀརྨ་པ་སྐུ་ཕྲེང་རིམ་བྱོན་གྱི་གསུང་འབུམ་ཕྱོགས་བསྒྲིགས་བཞུགས་སོ། ། ༼༢༽ 
2-0-1b
2-0-1c
༄༅། །དཔལ་རྒྱལ་དབང་ཀརྨ་པ་དུས་གསུམ་མཁྱེན་པའི་གསུང་འབུམ་ཁ་པ་བཞུགས་སོ། །དཔལ་བརྩེགས་བོད་ཡིག་དཔེ་རྙིང་ཞིབ་འཇུག་ཁང་གིས་བསྒྲིགས།
2-1-1a
༄༅། །ཀརྨ་པ་དུས་གསུམ་མཁྱེན་པའི་གསུང་འབུམ་ཁ་པའི་དཀར་ཆག་བཞུགས་སོ། །
༄༅། །ཀརྨ་པ་དུས་གསུམ་མཁྱེན་པའི་གསུང་འབུམ་ཁ་པའི་དཀར་ཆག་བཞུགས་སོ། །
2-1-1b
༄༅། །ཕག་མོའི་བསྟོད་པ་རོལ་པའི་ཕྲེང་བ། 1ཞལ་གཉིས་མའི་མངོན་རྟོགས། 5དཔལ་རྡོ་རྗེ་རྣལ་འབྱོར་མའི་གསང་སྒྲུབ་དང་རྗེ་བཙུན་མ་ལྷན་སྐྱེས། 24ཕག་མོ་ཞལ་གཉིས་མའི་སྒྲུབ་ཐབས། 62
2-1-2a
༄༅། །ཞལ་གཅིག་མའི་སྒྲུབ་ཐབས། 130རྫོགས་རིམ་རླུང་སེམས་གཉིས་མེད། 171ཕག་མོའི་བཀའ་སྡོད་ཀྱི་སྒྲུབ་ཐབས། 190དུས་གསུམ་མཁྱེན་པའི་ཞུས་ལན། 201
2-1-2b
དུས་གསུམ་མཁྱེན་པའི་ཞུས་ལན། 212ཆོས་དྲུག་གི་ཞལ་གདམས། 227ཞལ་གདམས། 248གཏུམ་མོ་གངས་སེང་མ། 260གཏུམ་མོ་ལ་བར་མ། 265མཆོག་གི་གཏུམ་མོ། 266
2-1-3a
༄༅། །བླ་མའི་གཏུམ་མོ། 271བསྲེ་བ་སྐོར་གསུམ། 272ཕྱག་རྒྱ་ཆེན་པོ་ཐོག་བབས། 277རྨི་ལམ་འབྲེལ་པ་གསུམ་ལྡན། 278བར་དོ་བཀའ་རྒྱ་མ། 317གེགས་སེལ་ཐོར་བུ་བ། 327
2-1-3b
གེགས་སེལ་ཞལ་གདམས་མ། 335མགོན་པོ་བྱ་རོག་མའི་སྒྲུབ་ཐབས་དྷརྨ་ཀིརྟིའི་ལུགས་ཀྱི་མགོན་པོའི་བདག་བསྒོམ། 357དྷརྨ་ཀིརྟིའི་ལུགས་ཀྱི་མགོན་པོ་བྱ་རོག་མའི་ཐོད་ནག་གི་སྒྲུབ་ཐབས། 366གསང་གཏོར་དང་སྒབ་འདྲེ་མནན་པའི་ཐབས། 394རང་བྱུང་རྒྱལ་མོའི་སྒྲུབ་ཐབས། 404དཔལ་རེ་མ་ཏིའི་སྲོག་སྒྲུབ་ཀྱི་མན་ངག 408
2-1-4a
༄༅། །དཔལ་ལྷ་མོའི་སྲོག་སྒྲུབ་ཀྱི་ལས་སྦྱོར། 427དཔལ་ལྷ་མོ་རང་བྱུང་རྒྱལ་མོའི་བྱིན་རླབས་ཀྱི་ཊཱིཀྐ། 447ལྷ་འདྲེ་སྟོང་གི་སྒྲིབ་ཤིང་། 458ལྷ་འདྲེ་སྟོང་གི་སྒྲིབ་ཤིང་བསྲུང་བ་བསྒོམས་ཆོག་ཡེ་ཐུབ། 472སྐུ་གསུང་ཐུགས་མི་འགྱུར་བ་གནད་ཀྱི་འཁོར་ལོ། བསྡོམས་ལྡེབ་། ༢༤༦ 483
2-2-1a
༄༅། །ཕག་མོའི་བསྟོད་པ་རོལ་པའི་ཕྲེང་བ་བཞུགས་སོ། །
༄༅། །ཕག་མོའི་བསྟོད་པ་རོལ་པའི་ཕྲེང་བ་བཞུགས་སོ། །
2-2-1b
༄༅། །རྒྱ་གར་སྐད་དུ། བཛྲ་བ་རཱ་ཧི་སྟོ་ཏྲ་ལ་ལི་ཏ་མཱ་ལ་ན་མ། བོད་སྐད་དུ། རྡོ་རྗེ་ཕག་མོའི་བསྟོད་པ་རོལ་པའི་ཕྲེང་བ་ཞེས་བྱ་བ། རྡོ་རྗེ་ཕག་མོ་ལ་ཕྱག་འཚལ་ལོ། །ཧཱུཾ་དུས་གསུམ་རྣམ་དག་ཟག་མེད་གཞལ་ཡས་ཁང་། །ཉེས་པའི་སྐྱོན་སྤངས་སྣ་ཚོགས་པད་མའི་དབུས། །བདག་མེད་ལྷུན་གྲུབ་མི་རོ་གདལ་བའི་སྟེང་། །གདུལ་བྱའི་དོན་སྟོན་ཉི་མའི་གདན་སྟེང་ན། །ཤེས་རབ་ང་ཕྱིན་ཐབས་མཆོག་རོལ་པའི་སྐུ། །བདེ་བའི་ཉམས་རྒྱས་བཅུ་དྲུག་ལོ་ལོན་ཚུལ། ཁམས་གསུམ་དབང་མཛད་ལེབ་རྒན་དམར་བའི་མདོག །མཐའ་གཉིས་མི་གནས་བརྐྱང་བསྐུམ་འགྱིང་བག་ཅན། །ཡེ་ཤེས་འོད་ཚོགས་བསྐལ་པའི་མེ་ལྟར་འབར། །ཀུན་རྫོབ་ཚུལ་སྟོན་ཞལ་གཡོན་ཁྲོ་མོ་སྟེ། །དོན་དམ་རྟོག་མེད་གཡས་པ་ཕག་གདོང་ཞལ། །སྐྱོན་གྱིས་མ་གོས་ན་བཟའ་དང་བྲལ་
2-2-2a
༄༅། །མ། །མཚན་མ་རྒྱུན་གཅོད་གཡས་པ་གྲི་གུག་སྟེ། །བདེ་བའི་རོ་མྱོང་གཡོན་པ་ཐོད་ཁྲག་བསྣམས། །རྣལ་འབྱོར་རྟགས་མཚན་ཁ་ཊྭཱཾ་གྱེན་དུ་འཛིན། །སེམས་བྱུང་རྣམ་དག་མགོ་རློན་དོ་ཤལ་ཅན། །བདག་མེད་རྒྱན་ཅན་རུས་པའི་འཁོར་ལོས་མཛེས། །རྟོག་པས་མ་བཅིངས་དབུ་སྐྲ་ཐུར་དུ་གྲོལ། །རྒྱལ་བའི་གདུང་སོབ་རིགས་ལྔའི་ཐོད་པས་བརྒྱན། །སྟོང་པའི་རྒྱས་བཏབ་རྡོ་རྗེའི་ཕྲེང་བས་བསྡུ། །རྣམ་ཐར་གསུམ་མཚོན་སྤྱན་གསུམ་དམར་ལ་བཟླུམ། །མི་བསྐྱོད་རིགས་འཛིན་སྤྱི་གཙུག་རྡོ་རྗེས་མཚན། །མ་ལུས་མཚན་སྤུས་གྲོལ་བས་ཅི་ཡང་སྣང་། །དབྱིངས་ལས་མ་གཡོས་རྡོ་རྗེ་ཕག་མོར་འདུད། །རྣལ་འབྱོར་མར་འདུད་མཁའ་འགྲོའི་གཙོ་མོར་འདུད། །རིགས་ཀྱི་ཡུམ་འདོད་འགྲོ་བའི་འབྱུང་གནས་འདུད། །ཉམས་དང་རྗེས་མཐུན་དབྱངས་ཀྱི་ང་རོ་ཡིས། །
2-2-2b
ཚེས་བཅུའི་དུས་སུ་དཔའ་བོ་སྟོན་བྱས་པས། །བདེ་བའི་རོ་མྱོང་དོན་གྱི་མཐའ་གསལ་ཏེ། །སྟོང་ཉིད་ངང་ནས་ཉམས་ཀྱི་དབང་ཐོབ་ཤོག །རྡོ་རྗེ་ཕག་མོའི་བསྟོད་པ་རོལ་པའི་ཕྲེང་བ་ཞེས་བྱ་བ། ཨུ་རྒྱན་གྱི་གནས་སུ་ཚོགས་གྲལ་དུ་དཔལ་འབིར་བ་པས་ཞལ་གཟིགས་ནས་དེའི་དུས་སུ་རོལ་པས་མགུར་དུ་བཞེངས་པ་རྫོགས་སོ།། །།
༄༅། །ཚིགས་སུ་བཅད་པ་བཅུའི་བསྟོད་པ།
ཆོས་ཀྱི་དབྱིངས་ཀྱི་ཕོ་བྲང་ནས། །སྟོང་ཉིད་སྙིང་རྗེའི་ངང་ལ་བཞུགས། །འགྲོ་ལ་སྙིང་རྗེའི་སྐུར་བསྟན་པའི། །རྗེ་བཙུན་མ་ལ་ཕྱག་འཚལ་ལོ། །གཡས་པའི་ཞལ་ནི་ཕག་ཞལ་ཏེ། །གཡོན་པའི་ཞལ་ནི་ཁྲོ་མོ་ཉིད། །ཀུན་རྫོབ་དོན་དམ་རང་བཞིན་གྱི། །ཞལ་གཉིས་མ་ལ་ཕྱག་འཚལ་ལོ། །སྤྱན་བགྲད་མཆེ་གཙིགས་ཁྲོ་བསྡུས་མ། །གཡས་པ་གྲི་གུག་ནམ་མཁར་ཕྱར། །གཡོན་པ་བནྡྷ་ཐུགས་ཀར་འཛིན། །སྐྲ་གྲོལ་གཅེར་བུ་ཕྱག་གཉིས་མ། །མགོ་བོའི་ཕྲེང་བའི་དོ་ཤལ་ཅན། །ཕྱག་རྒྱ་ལྔ་ཡི་གར་མཛད་མ། །རྣལ་འབྱོར་མ་ལ་ཕྱག་འཚལ་ལོ། །ཨོཾ་བཾ་ས་བོན་ལས་བྱུང་པའི། །ཟངས་ཀྱི་མདོག་ཅན་ལྷ་མོ་ནི། །གཡས་པ་གྲི་གུག་རྣོན་པོས་གཅོད། །ཕག་མོ་ཁྱོད་ལ་ཕྱག་འཚལ་བསྟོད། །ཧཾ་ཡཾ་ས་བོན་ལས་བྱུང་པའི། །མཐིང་ཤུན་མདོག་ཅན་ལྷ་མོ་ནི། །གཡོན་པ་ཐོད་ཁྲག་བདུད་བཞི་འཇོམས། །ཡ་མ་ནི་ལ་ཕྱག་འཚལ་བསྟོད། །གྲོགས་མོ་ས་བོན་ལས་བྱུང་པའི། །དུང་གི་མདོག་ཅན་ལྷ་མོ་ནི། །མགོ་བོ་རློན་པའི་དོ་
2-2-3a
༄༅། །ཤལ་བྱས། །རྨོངས་བྱེད་མ་ལ་བདག་བསྟོད་དོ། །ཧྲི་མཾ་ས་བོན་ལས་བྱུང་པའི། །གསེར་གྱི་མདོག་ཅན་ལྷ་མོ་ནི། །ཕྱག་རྒྱ་ལྔ་ཡིས་བརྒྱན་པ་སྟེ། །སྐྲག་བྱེད་མ་ལ་བདག་བསྟོད་དོ། །ཧཱུྃ་ཧཱུྃ་ས་བོན་ལས་བྱུང་པའི། །ལྗང་གུའི་མདོག་ཅན་ལྷ་མོ་ནི། ཁ་ཊྭཱཾ་རྩེ་གསུམ་ཕྱག་ན་བསྣམས། །སྲེག་བྱེད་མ་ལ་ཕྱག་འཚལ་བསྟོད། །ཕཊ་ཕཊ་ས་བོན་ལས་བྱུང་པའི། །དུ་བའི་མདོག་ཅན་ལྷ་མོ་ནི། །ཉི་མའི་གདན་ལ་བརྐྱང་བསྐུམ་བཞུགས། །ཙཎྜི་ཀ་ལ་ཕྱག་འཚལ་བསྟོད། །ཚིགས་སུ་བཅད་པ་བཅུའི་བསྟོད་པ་རྫོགས་སོ།། །།
༄༅། །ཞལ་གཉིས་མའི་མངོན་རྟོགས་སོ། །
༄༅། །ཞལ་གཉིས་མའི་མངོན་རྟོགས་སོ། །སངས་རྒྱས་ཀུན་གྱི་རང་བཞིན་སྐུ། །རྣལ་འབྱོར་མ་ཡི་ངོ་བོ་ཉིད། །སྟོང་ཉིད་སྙིང་རྗེའི་བདག་ཉིད་ཅན། །རིན་པོ་ཆེ་ལ་སྐྱབས་སུ་མཆི། །བདག་འདྲ་རྨོངས་པ་ཀུན་གྱི་ཕྱིར༑ ༑བླ་མའི་གསུང་བཞིན་ཉམས་ལེན་དགོད། །རྣལ་འབྱོར་མ་ཚོགས་བཟོད་མཛོད་ལ། །མཆོག་དང་ཐུན་མོང་དངོས་གྲུབ་སྩོལ། །དེ་ལ་བླ་མ་རིན་པོ་ཆེའི་ཞལ་ནས། སྤྱིར་ཇོ་མོ་རྗེ་བཙུན་མའི་ཆོས་འདི་ལ། ཐུན་མོང་གི་སྒྲུབ་ཐབས་དང་། ཐུན་མོང་མ་ཡིན་པའི་སྒྲུབ་ཐབས་གཉིས་ཏེ། དང་པོ་ལ་ཡང་གཉིས་ཏེ་ཐུན་མོང་གི་སྒྲུབ་ཐབས་དངོས་དང་། ཞར་ལ་བྱུང་པ་སྔགས་བསྡུ་བ་གཉིས་སོ། །ཐུན་མོང་གི་སྒྲུབ་ཐབས་
2-2-3b
ལ་དག་པ་དགུ་རུབ་ཞེས་བྱ་སྟེ། དག་པ་རྣམ་པ་དགུའི་སྒོ་ནས་སྟོན་ཏེ། དེ་ཡང་ཕྱི་དག་པར་བྱེད་པ་ཀུན་རྫོབ་ཀྱི་རྣལ་འབྱོར་མ། ནང་དག་པར་བྱེད་པ་དོན་དམ་གྱི་རྣལ་འབྱོར་མ། གསང་བ་དག་པར་བྱེད་པ་ཟུང་འཇུག་གི་རྣལ་འབྱོར་མ་དང་གསུམ་མོ། །དང་པོ་ལ་གསུམ་སྟེ། རྫས་ཀྱི་དག་པ། སྔགས་ཀྱི་དག་པ། ཏིང་ངེ་འཛིན་གྱི་དག་པ་ལ་ཡང་གསུམ་སྟེ། ལུས་དག་པ་གཞལ་ཡས་ཁང་དུ་བསྒོམ་པ་དང་། ངག་དག་པ་སྔགས་ཀྱི་འཁོར་ལོ་བསྒོམ་པ་དང་། ཡིད་དག་པ་རྣལ་འབྱོར་མར་བསྒོམ་པ་དང་གསུམ་མོ། །དང་པོ་རྫས་ཀྱི་དག་པ་ནི། གྲུབ་ན་ཐུན་བཞིའི་ཐུན་མགོ་ཐམས་ཅད་ལ་བྱ། མ་གྲུབ་ན་བྱིན་རླབས་བྱེད་པའི་དུས་དང་། ཆང་མཐུང་བའི་དུས་ཐམས་ཅད་དུ་བྱའོ། །གང་ཡིན་ཡང་དང་པོ་སེམས་བསྐྱེད་དེ། བྱིབས་དང་བྲལ་ནས། གཞན་དོན་བྱེད་པ་ལ་ཐུགས་སྤྲོ་སིངས་ཀྱིས་བཏང་ལ། བདག་གིས་ཚེ་འདི་ཉིད་དམ། ད་ལྟ་ཉིད་དུ་ཇོ་མོ་རྗེ་བཙུན་རྣལ་འབྱོར་མའི་གོ་འཕང་དངོས་སུ་ཐོབ་པར་བྱས་ལ། །སེམས་ཅན་ཐམས་ཅད་ཀྱང་རྡོ་རྗེ་རྣལ་འབྱོར་མའི་ཟག་པ་མེད་པའི་བདེ་བ་ལ་དགོད་པ་བྱ། དེའི་ཆེད་དུ་མཆོད་གཏོར་རྫས་ཀྱི་དག་པ་ལག་མཆོད་ནས་བཟུང་ནས། ཟུང་འཇུག་གི་བསྒོམ་བཟླས་ཡན་ཆད་བྱིན་རླབས་དབང་བསྐུར། ནང་གི་ཆོ་ག་ལ་སོགས་པ། ཚོགས་རླབས་པོ་ཆེ་བསགས་སྙམ་དུ་བསམ་ལ། ཤིན་ཏུ་དགའ་བདེ་དང་
2-2-4a
༄༅། །ལྡན་པར་བྱའོ། །གཞན་ཐམས་ཅད་དུ། བདག་གིས་ད་ལྟ་ཉིད་དུ། ཇོ་མོ་རྗེ་བཙུན་མ་རྡོ་རྗེ་རྣལ་འབྱོར་མའི་གོ་འཕང་དངོས་སུ་ཐོབ་པར་བྱས་ལ། སེམས་ཅན་ཐམས་ཅད་ཀྱང་རྡོ་རྗེ་རྣལ་འབྱོར་མའི་ཟག་པ་མེད་པའི་བདེ་བ་ལ་དགོད་པར་བྱ། དེའི་ཆེད་དུ་ཇོ་མོ་རྣལ་འབྱོར་མའི་བསྐྱེད་རྫོགས་བསྒོམ་སྙམ་དུ་བསམ་ལ། ངག་ཏུ། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ཉིད་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་བརྗོད་ལ། ཆང་བྱིན་གྱིས་རླབས་པ་གཏོར་མའི་ཆོ་ག་ལྟར་བྱས་ལ༑ ༑ལག་ལེན་པ། བླ་མ་ལ་སོགས་པ་ཡུལ་གོང་མ་མཆོད་འོས་རྣམས་ལ་མཆོད། དེ་ནས་ལག་པ་བྱིན་གྱིས་རླབས་པ་ནི། ལག་པ་གཡས་པའི་མཐིལ་དུ་ཨོཾ། གཡོན་པའི་མཐིལ་དུ་བཾ། གཡས་པའི་མཐེ་བོང་ལ་ཧཾ། གཡོན་པའི་མཐེ་བོང་ལ་ཡོཾ། གཡས་པའི་འཛུབ་མོ་ལ་ཧྲིཾ། གཡོན་པའི་འཛུབ་མོ་ལ་མོཾ། གུང་མོ་གཉིས་ལ་ཧྲིཾ་ཧྲིཾ། སྲིན་ལག་གཉིས་ལ་ཧཱུཾ་ཧཱུཾ། མཐེབ་ཆུང་གཉིས་ལ་ཕཊ་ཕཊ་བསམ་སྟེ། ཡིག་འབྲུ་དེ་རྣམས་ལོག་གིས་གྱུར་པ་ལས། ལག་པ་གཡས་པའི་སོར་མ་ལ་རིགས་ལྔ་ཧེ་རུ་ཀ་དང་དྲུག་བསམ། གཡོན་པ་ལ་ཕག་མོ་ལ་སོགས་པའི་ལྷ་མོ་དྲུག་བསམ། ཡབ་ཡུམ་བཅུ་གཉིས་པོ་ལ་བདུད་རྩིས་མཆོད་དེ། 
2-2-4b
ངག་ཏུ། ཨོཾ་བཾ། ཧཾ་ཡོཾ། ཧྲིཾ་མོཾ། ཧྲེཾ་ཧྲིཾ། ཧཱུཾ་ཧཱུཾ། ཕཊ་ཕཊ། ཞེས་པའམ། ཡང་ན། ཨོཾ་ཨོཾ་བཾ་སྭཱ་ཧཱ། ཨོཾ་ཧཾ་ཡོཾ་སྭཱ་ཧཱ། ཨོཾ་ཧྲིཾ་མོཾ་སྭཱ་ཧཱ། ཨོཾ་ཧྲེཾ་ཧྲིཾ་སྭཱ་ཧཱ། ཨོཾ་ཧཱུཾ་ཧཱུཾ་སྭཱ་ཧཱ། ཨོཾ་ཕཊ་ཕཊ་སྭཱ་ཧཱ། ཞེས་བརྗོད་ཅིང་། གཡོན་པའི་སྲིན་ལག་གིས་གཡས་པའི་མཐིལ་དུ་གཏོར། གཡས་པའི་སྲིན་ལག་གིས་གཡོན་པའི་མཐིལ་དུ་གཏོར། དེ་བཞིན་དུ་གཡས་གཡོན་གཉིས་ཀྱི་སྲིན་ལག་གིས། སོར་མོ་བཅུའི་ནང་ཕུན་ཚུན་དུ་གཏོར་བས། ཡབ་ཡུམ་བཅུ་གཉིས་པོ་དེ་དག་གི་ཞལ་དུ་བདུད་རྩི་སྐྱ་ཕུང་ཕུང་གསོལ་བས། ཟག་མེད་ཀྱི་བདེ་བ་སིངས་སིངས་སྐྱེས་པར་བསམ་མོ། །དེ་ནས་ཐལ་མོ་སྦྱར་བས་ཡབ་ཡུམ་བཅུ་གཉིས་པོ་སྙོམས་པར་ཞུགས་པས། བྱང་སེམས་བདེ་བའི་ངོ་བོར་ཞུ་བའི་ཁུ་བ་དེས། ཡན་ལག་དང་ཉིང་ལག་ཐམས་ཅད་ལ་དངོས་སུ་ཆང་གིས་བྱུགས་པས་རང་ལ་ཡང་ཟག་པ་མེད་པའི་བདེ་བ་སྐྱེས་པར་བསམ། ཆང་དེ་བླ་མ་ལ་སོགས་པ་ཡུལ་གོང་མ་མཆོད་འོས་ཀུན་ལ་གཏོར་བས་ཀྱང་། ཟག་པ་མེད་པའི་བདེ་བ་སྐུ་ཉམས་སུ་ལྟར་བར་བསམ། དེ་ནི་རྫས་ཀྱི་དག་པའོ། །སྔགས་ཀྱི་དག་པ་ནི། ཨོཾ་སྭཱ་བྷཱ་ཝ་ལ་སོགས་པ་སྔགས་ཚན་གསུམ་པོ་བརྗོད་པའི་ཆ་ནས་སྔགས་ཀྱི་དག་པའོ། །ཏིང་ངེ་འཛིན་གྱི་དག་པ་ནི། སྔགས་ཀྱི་དོན་བསྒོམ་པའི་ཆ་ནས་ཟེར་བ་ཡིན་ཏེ། དང་པོ་ལུས་དག་པ་གཞལ་ཡས་ཁང་དུ་བསྒོམ་པ་ནི། རང་གི་སྙིང་གའི་བཾ་ལས་པདྨ་འདབ་
2-2-5a
༄༅། །མ་བརྒྱད་པ། དེའི་སྟེང་དུ་ཨཱཿལས་ཟླ་བའི་དཀྱིལ་འཁོར་གྱི་སྟེང་དུ་བོ་དམར་པོ་བསམ་ལ། དེ་ལས་འོད་འཕྲོས་པས་བདག་གི་ལུས་ཐམས་ཅད་མ་ལུས་པར་འོད་དམར་པོས་ཁྱབ་པས། ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་མ་ལུས་པར་སངས་ཀྱིས་དག་ནས། ལུས་ཤེལ་སྒོང་དག་པ་ལྟ་བུར་གྱུར་པར་བསམ། ལུས་ངག་ཡིད་གསུམ་གྱི་སྡིག་སྒྲིབ་དག་པའི་སྟོབས་ཀྱིས། ཚོགས་གསོག་པའི་རྟེན་བསྒོམ་པ་ནི། སྐད་ཅིག་གིས་རང་གི་མདུན་དུ་བླ་མ་དང་བཅས་པའི་རྡོ་རྗེ་ཕག་མོ་གོ་ཆའི་ལྷ་མོ་དྲུག་གིས་བསྐོར་བ། ཤིན་ཏུ་གསལ་བར་དམིགས་ལ། མོས་གུས་དུངས་ཀྱིས་བྱས་ཏེ། ལུས་ངག་ཡིད་གསུམ་གྱིས་གུས་པས་ཕྱག་འཚལ་ལ། ཕྱི་ནང་གསང་གསུམ་གྱི་མཆོད་པ་འབྱོར་ན་དངོས་སུ་འབུལ། མ་འབྱོར་ན་ཡིད་ཀྱིས་འབུལ། ཕྱིའི་མཆོད་པ་སྤོས་དང་མེ་ཏོག་ལ་སོགས་པ་འབུལ། ནང་གི་མཆོད་པ་ཤ་དང་ཆང་༑ གསང་བའི་མཆོད་པ་ཤ་ལྔ་བདུད་རྩི་ལྔས་མཆོད་པར་བྱའོ། །དེ་ནས་ཐོག་མ་མེད་པ་ནས་བསགས་པའི་སྡིག་པ་ཐམས་ཅད་སྟོབས་བཞིའི་སྒོ་ནས་བཤགས། རྗེས་སུ་ཡི་རང་བ་ནི། སྤྱིར་སངས་རྒྱས་ཀྱི་བསྟན་པའི་སྒོར་ཞུགས་ཚད་ཐམས་ཅད་འོར་ཆེ། ཁྱད་པར་དུ་རྡོ་རྗེ་རྣལ་འབྱོར་མའི་སྒོར་ཞུགས་པ་རྣམས་འོར་ཆེ། རྗེས་སུ་ཡི་རང་སྙམ་དུ་བསམ། སྐྱབས་སུ་འགྲོ་བ་ནི། སྐྱབས་ཐམས་ཅད་ཀྱི་ནང་ནས་མཆོག་
2-2-5b
ཏུ་གྱུར་པ་ཇོ་མོ་རྣལ་འབྱོར་མ་སངས་རྒྱས་དཀོན་མཆོག །གོ་ཆའི་ལྷ་མོ་དྲུག་དགེ་འདུན་དཀོན་མཆོག །ཐུགས་ཁའི་པཾ་ཆོས་དཀོན་མཆོག །དེ་ལྟ་བུའི་དཀོན་མཆོག་གསུམ་པོ་ལ་སྙིང་ཐག་པ་ནས་སྐྱབས་སུ་མཆི་སྙམ་དུ་སྐྱབས་སུ་འགྲོ་བར་བྱའོ། །སེམས་བསྐྱེད་པ་ནི། བདག་གིས་ཇོ་མོ་རྣལ་འབྱོར་མའི་སྒོ་ནས་སངས་རྒྱས་ཐོབ་པར་བྱས་ལ། སེམས་ཅན་ཐམས་ཅད་ཀྱི་དོན་བྱ་སྙམ་དུ་སེམས་བསྐྱེད། ལམ་བསྟན་ནི༑ རྫོགས་པའི་བྱང་ཆུབ་ཐོབ་པར་བྱ་བའི་ཐབས་སམ། ལམ་རྣམས་ཀྱི་ནང་ནས་མཆོག་ཏུ་གྱུར་པ་ཇོ་མོ་རྣལ་འབྱོར་མ་འདི་ཡིན་པས། འདི་དག་གི་རྒྱུད་ལ་བསྟེན་པར་བྱ་སྙམ་དུ་ལམ་བསྟན་པར་བྱའོ། །དེ་ནས་སེམས་ཅན་ཐམས་ཅད་ཀྱི་དོན་དུ་ལུས་དབུལ། མྱ་ངན་ལས་མི་འདའ་བར་གསོལ་བ་གདབ་པ་ནི། ཁྱེད་ཀྱིས་སེམས་ཅན་གྱི་དོན་མང་པོ་མཛད་ཟིན་ནས། མྱ་ངན་ལས་འདའ་བར་བཞེད་པ་རྣམས་སེམས་ཅན་གྱི་དོན་དུ་མྱ་ངན་ལས་མི་འདའ་བར་གཏན་དུ་བཞུགས་པར་ཞུ་ཞེས་ཞུ་བ་སྙིང་ཐག་པ་ནས་ཕུལ་བས། ཞལ་གྱིས་བཞེས་པར་བསམ། ཆོས་ཀྱི་འཁོར་ལོ་བསྐོར་བར་བསྐུལ་བ་ནི། རང་གི་ལུས་རྡུལ་རྙེད་དུ་སྤྲུལ་ཏེ། གོང་མ་མ་ལུས་པ་རེ་རེའི་མདུན་དུ། གསེར་གྱི་འཁོར་ལོ་རྩིབས་སྟོང་དང་ལྡན་པ་ལ་སོགས་པའི་ཡོ་བྱད་མང་པོ་ཕུལ་ལ། སེམས་ཅན་གྱི་དོན་དུ་ཆོས་གསུང་བར་ཞུ་ཞེས་ཞུ་བ་སྙིང་ཐག་པ་ནས་ཕུལ་
2-2-6a
༄༅། །བས་ཞལ་གྱིས་བཞེས་པར་བསམ། དགེ་བའི་རྩ་བ་བསྔོ་བ་ནི། བདག་གི་དགེ་བའི་རྩ་བ་འདིས་སྣ་དྲངས་པའི་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་གཅིག་ཏུ་གྱུར་ནས། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཐོབ་པར་གྱུར་ཅིག་ཞེས་པའམ། ཡང་ན་ཇོ་མོ་རྗེ་བཙུན་མ་རྡོ་རྗེ་རྣལ་འབྱོར་མའི་གོ་འཕང་མྱུར་དུ་ཐོབ་པར་གྱུར་ཅིག །ཞེས་པ་ལན་གསུམ་མམ་གང་མོས་སུ་བྱའོ། །དེ་ནས་ཡི་གེ་བརྒྱ་པ་བཟླས་པའི་གཤམ་ལས། ཨོཾ་བཛྲ་མུཿ ཞེས་པས་དེ་རྣམས་རང་བཞིན་གྱི་གནས་སུ་གཤེགས་སུ་གསོལ་བའམ། ཡང་ན་མི་དམིགས་པར་བསམ་མོ། །དེ་ནས་རང་གི་སྙིང་གའི་བཾ་ལས་འོད་ཟེར་འཕྲོས་པས། རང་གི་ལུས་ཐམས་ཅད་ཁྱབ་སྟེ། རང་གི་ལུས་སེམས་ཀྱི་སྣང་བ་ཙམ་དུ་ཤེས་པར་བྱ། ཡང་འོད་འཕྲོས་པས་ཕྱི་སྣོད་དང་ནང་བཅུད་དུ་སྣང་བ་ཐམས་ཅད་ལ་ཕོག་པས། དེ་དག་ཐམས་ཅད་ཀྱང་སེམས་ཀྱི་སྣང་བ་ཙམ་དུ་ཤེས་པར་བྱ། དེ་ནས་ཁམས་གསུམ་གྱི་ཆོས་ཐམས་ཅད་ཀྱང་རང་གི་སེམས་ཀྱི་སྣང་བར་བྱས་པ་ནི་ཆོས་ལ་དམིགས་པར་བྱས་པའོ། །དེ་ནས་བཾ་གི་འོད་ཀྱིས་ཕྱི་ནང་གི་ཆོས་ཐམས་ཅད་དང་། རང་གི་སེམས་ཀྱི་མཚན་ཉིད་དུ་ཤེས་པར་བྱས་ནས། འོད་དེ་དག་ཚུར་ལ་བསྡུད་པའི་རིམ་པ་ནི། སྣོད་ཀྱི་འོད་བཅུད་ལ་བསྡུ། བཅུད་ཀྱི་འོད་རང་ལ་བསྡུ། རང་པདྨ་འདབ་བརྒྱད་
2-2-6b
ལ་བསྡུ། དེ་གདན་ཟླ་བ་ལ། དེ་བཾ་ལ་བསྡུ། བཾ་ཡང་རིམ་གྱིས་ནཱ་དར་གྱུར་པར་བསམ། དེ་ཡན་ཆད་བསོད་ནམས་ཀྱི་ཚོགས་སོ། །ཡེ་ཤེས་ཀྱི་ཚོགས་ནི། ནཱ་ད་ལས་སྔགས་ཀྱི་སྒྲ་བྱུང་བར་བསམ་ལ། ངག་ཏུ་བརྗོད་དེ། ཨོཾ་ཤུ་ནྱ་ཏ་ཛྙཱ་ན་བཛྲ་ཝ་བྷཱ་སྭ་ཨཱཏྨ་ཀོ ྅ཧཾ། ཞེས་པའི་སྒྲ་བྱུང་བས། ནཱ་དར་འཛིན་པ་ཡང་སྟོང་པ་ཉིད་དུ་ཕྱམ་གྱིས་བཏང་ངོ་། །ཚོགས་གཉིས་རྫོགས་པ་ལས་ཡང་དག་པར་རྫོགས་པའི་སངས་རྒྱས་འབྱུང་པའོ། །དང་པོ་རྡོ་རྗེའི་རྭ་གུར་གྱི་བསྲུང་འཁོར་བསྒོམ་པ་ནི། སྟོང་པའི་ངང་ལས་རཾ་ལས་ཉི་མའི་དཀྱིལ་འཁོར་གྱི་སྟེང་དུ། ཡི་གེ་ཧཱུྃ་ལས་རྡོ་རྗེ་རྒྱ་གྲམ། དེའི་ལྟེ་བ་ལ་ཧཱུཾ་སྔོན་པོ་བསམ། དེ་ལས་འོད་ཟེར་འཕྲོས་པས། དེ་དག་སྟེང་དུ་སོང་པས་རྡོ་རྗེའི་གུར་དང་། འོག་ཏུ་སོང་པས་རྡོ་རྗེའི་ས་གཞི་དང་། བར་སྣང་དུ་སོང་བས་རྡོ་རྗེའི་ར་བར་བསམ། སྣ་ཚོགས་རྡོ་རྗེ་དང་ཧཱུྃ་ཡང་གུར་ལ་ཐིམ་པར་བསྒོམ་པ་ནི་བསྲུང་འཁོར༑ ༑དེ་ནས་གདན་སུམ་བརྩེགས་བསྒོམ་པ་ནི། རྡོ་རྗེ་གུར་གྱི་ནང་དུ་ཧྲིཿ དམར་པོ་ལས་ཆོས་འབྱུང་དམར་པོ་གྲུ་གསུམ་བསྣོལ་མ་གཅིག་བསྒོམ། དེའི་ནང་དུ་ཧྲཱིཿ ལས་པདྨ་དམར་པོ་འདབ་མ་བརྒྱད་པ་གཅིག་བསྐྱེད། དེའི་ལྟེ་བར་རཾ་ལས་ཉི་མའི་དཀྱིལ་འཁོར་རོ། །དེའི་སྟེང་དུ་ཨ་ལས་ཟླ་བ་བསྒོམ་པ་ནི། གདན་སུམ་བརྩེགས་སོ། །ཟླ་བའི་སྟེང་དུ་བོ་དམར་པོ་བསྒོམ་ལ། གདན་སུམ་བརྩེགས་དང་བཾ་ལ་
2-2-7a
༄༅། །སྔགས་ཀྱི་སྒྲ་བྱུང་བའི་ཚུལ་དུ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཿསྭ་བྷཱ་ཝ་ཤུདྡྷོ ྅ཧཾ། ཞེས་པའི་སྒྲ་བྱུང་བར་བསམ། དངོས་སུ་རང་གིས་བརྗོད་པར་བསམ། སྔགས་ཀྱི་སྒྲ་དེ་དག་བྱུང་བའི་སྟོབས་ཀྱིས་རྐྱེན་བྱས་ནས་བཾ་ལོག་གིས་འགྱུར་ནས། རང་གི་ལུས་ཤ་ཁྲག་གི་གདོས་པ་ཅན་འདི། ཁམས་གསུམ་རྣམ་པར་དག་པའི་གཞལ་ཡས་ཁང་དུ་བསམ། ཞེས་པ་ནི་ལུས་རང་བཞིན་གྱིས་དག་པ་ཞེས་པའོ། །དེ་ཡང་དམིགས་པ་རྒྱ་ཆེ་ན། གཞལ་ཡས་ཁང་གྲུ་བཞི་སྒོ་བཞི་རྟ་བབས་དང་བཅས་པའི་གཞལ་ཡས་ཁང་ཤར་དཀར། ལྷོ་སེར། ནུབ་དམར། བྱང་ལྗང་། པཉྩ་རེ་ཁ་ནང་མ་ནག་པོ། དེའི་ཕྱི་རོལ་ལྗང་གུའོ། །དེའི་ཕྱི་རོལ་དམར་པོ། དེའི་ཕྱི་རོལ་སེར་པོ། དེའི་ཕྱི་རོལ་དཀར་པོ། ནང་ནས་བལྟས་ན་ཕྱི་གསལ་བའོ། །སྤྱིའི་རྣམ་པ་ནི། ནང་དམར་བ། འོད་ཟེར་ཁ་དོག་རྣམ་པ་ལྔ་འཕྲོ་བའོ། །ཕྱི་སྔོན་པོ་འོད་ཟེར་ཁ་དོག་རྣམ་པ་ལྔ་འཕྲོ་བའོ། །དེའི་ནང་ནས་འཁོར་ལོ་རྩིབས་དྲུག་ཡོད་པ་ལ་ཕག་མོ་ལྷ་བདུན་བསྐྱེད་པ་ཡིན། དམིགས་པ་རྒྱ་ཆུང་ན་ཕྱི་རྣལ་འབྱོར་མའི་རྣམ་པ་ལ་ནང་ལྟེ་བའི་ལྐོག་ཏུ་ཆོས་ཀྱི་འབྱུང་གནས་ཤིན་ཏུ་ཡངས་པ་ཟེར་ཙམ་ན། ཁམས་གསུམ་མམ། སྤྱིའི་རྣམ་པ་ནི་ལྷའི་གཞལ་ཡས་ཁང་ངམ། རྣལ་འབྱོར་མའི་རྣམ་པའམ། ཆོས་ཀྱི་འབྱུང་གནས་སམ། རྗེ་བཙུན་མའི་བྷ་ག་ལ་སོགས་པ་ཡོན་ཏན་ཐམས་ཅད་ཀྱི་འབྱུང་
2-2-7b
གནས་སམ། ཐམས་ཅད་ཀྱི་སྐྱེ་གནས་སུ་གྱུར་པའི་ཐ་ཚིག་ཡིན་ནོ། །དེའི་གནད་ཀས། དེ་ལྟ་བུ་ལ་སོགས་པའི་ནང་དུ་མོས་ན་དེ་བཞིན་དུ་བསྒོམ། གཞན་དུ་འཁོར་ལོ་རྩིབས་དྲུག་གི་ནང་དུ་བསྒོམ་པ་ནི། ལུས་དག་པ་གཞལ་ཡས་ཁང་དུ་བསྒོམ་པའོ། །ཡིད་དག་པར་བྱེད་པ་ཇོ་མོ་རྣལ་འབྱོར་མར་བསྒོམ་པ་ནི། འཁོར་ལོ་རྩིབས་དྲུག་གི་ལྟེ་བ་ལ་པཾ་ལས་པདྨ། རཾ་ལས་ཉི་མ། ཨ་ལས་ཟླ་བའི་སྟེང་དུ་བཾ་དམར་པོ་གཅིག་བསམ་ལ། ཨོཾ་ཡོ་ག་ཤུདྡྷ་སརྦ་དྷརྨ་ཡོ་ག་ཤུདྡྷོ ྅ཧཾ། ཞེས་པའི་སྒྲ་བྱུང་བར་བསམ་ཞིང་ངག་ཏུ་བརྗོད་པས། ཡི་གེ་བཾ་ལོག་གིས་གྱུར་པ་ལས། བདག་ཉིད་དཔལ་རྡོ་རྗེ་རྣལ་འབྱོར་མ་གོ་ཆའི་ལྷ་མོ་དྲུག་དང་བཅས་པ་རྩིབས་དྲུག་ལྟེ་བ་དང་བདུན་ལ་སྐད་ཅིག་གིས་བསམ་མོ། །སྐུ་མདོག་དང་ཕྱག་མཚན་ལ་སོགས་པ་སྒྲུབ་ཐབས་སམ་ཞལ་ནས་གསུངས་པ་བཞིན་བསྒོམ། བདག་དམ་ཚིག་སེམས་དཔར་བསྐྱེད་པའི་དུས་སུ། ཐུགས་ཀར་ཡེ་ཤེས་སེམས་དཔའ་ཚོན་གང་པ་གཅིག །ལུས་དང་གྲིབ་མར་ཡོད་པ་དེའི་ཐུགས་ཀར། ཏིང་ངེ་འཛིན་སེམས་དཔའ་པདྨ་དང་ཟླ་བའི་སྟེང་ན་བཾ་ལས་སྔགས་ཀྱིས་བསྐོར་བའོ། །སྤྲོས་པ་ལ་མི་དགའ་ན། འཁོར་གྱི་ལྷ་མོ་དྲུག་མ་བསྐྱེད་ཀྱང་ཆོག །བསྐྱེད་ན། ཝ། གྲུ་གསུམ་བསྣོལ་མའི་ཤར་ཕྱོགས་སུ་ཕག་མོ་དམར་མོ། དེ་བཞིན་དུ་གཡོན་བསྐོར་གྱི་གཡོན་དུ་གཤིན་རྗེ་མ་ནག་མོ། རྨོངས་བྱེད་མ་
2-2-8a
༄༅། །དཀར་མོ། སྒྲག་བྱེད་མ་སེར་མོ། བསྐྱོད་བྱེད་མ་ལྗང་གུ། གཏུམ་མོ་དུད་ཁའོ། །དེད་ཡང་། ཨོཾ་བཾ་ཧཾ་ཡོཾ་ལ་སོགས་རིམ་པ་བཞིན་དུ་ཡིན། དེ་ཐམས་ཅད་ཀྱང་ཕྱག་གཡས་གྲི་གུག །གཡོན་ཐོད་པ། ཞབས་གཡོན་བརྐྱང་གཡས་བསྐུམ། རུས་པའི་རྒྱན་ཆ་ལྔས་བརྒྱན་པའོ། །དེ་ནས་སྐྱེ་མཆེད་དྲུག་བྱིན་གྱིས་རླབས་པ་ནི། གཙོ་མོའི་ལྟེ་བར་ཨོཾ་བཾ་དམར་མོ། སྙིང་གར་ཧཾ་ཡོཾ་སྔོན་མོ། ཁར་ཧྲིཾ་མོཾ་དཀར་མོ། མགོ་བོར་ཧྲེཾ་ཧྲིཾ་སེར་མོ། སྤྱི་གཙུག་དུ་ཧཱུཾ་ཧཱུཾ་ལྗང་གུ །ཡན་ལག་ཐམས་ཅད་ལ་ཕཊ་ཕཊ་དུད་ཁའོ། །སྐུ་གསུང་ཐུགས་བྱིན་གྱིས་རླབས་པ་ནི། སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུཾ་སྔོན་པོ་བསམ༑ དེ་ནས་རང་གི་སྙིང་གའི་ཡེ་ཤེས་སེམས་དཔའི་ཐུགས་ཀའི་བཾ་དམར་པོ་ལས་འོད་འཕྲོས་པས། མདུན་གྱི་ནམ་མཁར་ཕག་མོ་ལྷ་བདུན་གྱི་དཀྱིལ་འཁོར་སྤྱན་དྲངས་ཏེ། དེ་ལ་བདག་གི་སྙིང་གའི་བཾ་ལས་འོད་འཕྲོས་པས། འོད་ཀྱི་རྩེ་མོ་ལ་ལྷ་མོ་མེ་ཏོག་མ་ལ་སོགས་པ། འདོད་ཡོན་གྱི་ལྷ་མོ་སྤྲོས་ལ། མཆོད་པ་ཕུལ་ལ། བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་ཆེ་བའི་ཆེ་སྦྱིན་ལྟར། །བདག་ཀྱང་སྐྱབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེ་དང་བདག་གསོལ། །ཞེས་གསོལ་བ་གདབ། དེ་ནས་ལྷ་མོ་བདུན་པོ་དེ་ལས། མེ་མར་ལས་མེ་མར་ཆད་པ་ལྟར་ལྷ་མོ་བདུན་ཆད་ནས། དེ་རྣམས་ཀྱིས། ཇི་ལྟར་བལྟམས་པ་
2-2-8b
ཙམ་གྱིས་ནི། །དེ་བཞིན་གཤེགས་པའི་ཁྲུས་གསོལ་བ། །ལྷ་ཡི་ཆུ་ཡིས་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨབྷི་ཥིཉྩ་ཏུ་མཾ། ཞེས་བརྗོད་ཅིང་། ལྷ་མོ་བདུད་རྩིའི་བུམ་པ་ཐོགས་པ་རྣམས་ཀྱིས་བདག་ལ་དབང་བསྐུར་བར་བསམ། ཆུའི་ལྷག་མ་སྤྱི་གཙུག་ཏུ་ལུད་པ་ལས། བདག་དང་ལྷ་མོ་དྲུག་ལ་རྣམ་སྣང་གིས་དབུ་བརྒྱན་པར་བསམ། དེ་ནས་ཡེ་ཤེས་སེམས་དཔའ་གཞུག་པ་ནི། ངག་ཏུ། ཛཿཞེས་བརྗོད་པས་ལྷ་རྣམས་གསལ་གདབ། ཧཱུཾ་ཞེས་བརྗོད་པས་གཉིས་སུ་མེད་པར་ཆུ་ལ་ཆུ་ཐིམ་པ་བཞིན་དུ་བསམ། བཾ་གྱིས་བཅིངས། ཧོཿདགྱེས་པར་བྱ། ཡེ་ཤེས་པ་དགུག་པ་ནི་གོང་དུ་བྱས་ཀྱང་ཆོག །གོང་དུ་བྱེད་ན་རང་གི་སྙིང་གའི་བཾ་ལས་འོད་འཕྲོས་པས། དཔལ་རྡོ་རྗེ་མ་ལྷ་བདུན་གྱི་དཀྱིལ་འཁོར་སྔར་བསྒོམ་པ་དེ་ཁོ་ན་འདྲ་བ་སྤྱན་དྲངས་ཏེ། དགུག་པ་དང་། ངག་ཏུ། ཛཿ་ཞེས་བརྗོད་པས། མདུན་དུ་བཀུག་པར་བསམ། ཧཱུཾ་ལ་སོགས་པ་དེས་འདྲེ། དེ་ནས་ཡང་ཏིང་ངེ་འཛིན་སེམས་དཔའི་བཾ་ལས་མཆོད་པའི་ལྷ་མོ་སྤྲོས་ནས་རང་ཉིད་འཁོར་གྱི་ལྷ་མོ་དང་བཅས་པ་ལ་མཆོད་པར་བསམ་ཞིང་། དངོས་སུ་ཡང་རང་གིས་མཆོད་ཡོན་དང་། ཞལ་བསིལ་སྔོན་དུ་སོང་བའི་སྒོ་ནས། ཕྱི་ནང་གསང་བ་གསུམ་གྱི་མཆོད་པ་བྱ། བདེ་བའི་རང་རིག་མ་སྐྱེས་པ། ཞེས་པ་ལ་སོགས་པས་བསྟོད་པར་བསམ། བདུད་རྩི་མྱང་བ་ནི་
2-2-9a
༄༅། །གཏོར་མ་དང་འདྲ་སྟེ། དེ་ཡང་གཏོར་མ་དངོས་སུ་ཡོད་ལ། བདུད་རྩི་མྱང་བ་ནི་ཏིང་ངེ་འཛིན་གྱི་ལས་ཡིན། གཏོར་མའི་མགྲོན་བསྐྱེད་མི་དགོས། དངོས་སུ་ཆང་ཡོད་ན་གཏོར་མ་བཞིན་དུ་བྱིན་གྱིས་རླབས་ལ། ཨོཾ་ཨཱ༔ཧཱུྃ་གསུམ་བརྗོད་ཅིང་སྲིན་ལག་གིས་བླངས་ལ། རང་གི་ལྕེ་ཐོག་ཏུ་བཞག་པས་བདེ་བ་སྐྱེས་པར་བསམ། དངོས་སུ་མེད་ན་ལྷ་མོ་རོ་རྡོ་རྗེ་མས་བདུད་རྩི་ཐོད་པ་གང་དྲངས་པས། རང་རྡོ་རྗེ་རྣལ་འབྱོར་མར་བསྒོམས་པའི་ལྗགས་ལ། རྡོ་རྗེ་དཀར་པོ་ནས་འབྲུ་ཙམ་གཅིག་བསམ་ལ། དེའི་འོད་ཟེར་གྱི་སྤུ་གུས་ཅིབ་ཅིབ་གསོལ་བས་གཉིས་སུ་མེད་པའི་བདེ་བ་ལུས་སེམས་ལ་ཕྲིལ་ཕྲིལ་སྐྱེས་པར་བསམ་གསུང་། དེ་ནས་རང་གཙོ་མོར་བསྒོམས་ནས། འཁོར་གྱི་ལྷ་མོ་རྣམས་གཅིག་ཆར་རམ། རིམ་གྱིས་གསལ་བར་བསྒོམ་མོ། །དེ་དག་གིས་ནི་ཡིད་དག་པར་བྱེད་པ་ཇོ་མོ་རྣལ་འབྱོར་མར་བསྒོམ་པ་བསྟན་ནོ༑ ༑ངག་དག་པ་སྔགས་ཀྱི་འཁོར་ལོ་བསྒོམ་པ་ནི། དེ་ཡང་བདག་ཉིད་ལྷར་སྐྱེད་པའི་རྗེས་ལ། ཨོཾ་བཛྲ་ཤུདྡྷ་སརྦ་དྷརྨ་བཛྲ་ཤུདྡྷོ ྅ཧཾ། ཞེས་བརྗོད་པས་ལྟེ་བ་ནས་སོར་བཞིས་དམའ་བའི་རྩ་མདུད་ཛཱ་ལདྷ་ར་ཞེས་བྱ་སྟེ། ཕྱི་ནི་མཁའ་འགྲོ་མའི་གནས་ཡིན། ནང་གི་ནི་དང་པོ་འབྱུང་བ་ཐམས་ཅད་དེ་ནས་ཆགས་པས་ན། རྩ་མདུད་དེ་འཁོར་ལོ་དམར་པོ་རྩིབས་དྲུག་དང་བཅས་པ་བསྒོམ་པ་ནི་ངག་དག་པ་སྔགས་ཀྱི་
2-2-9b
འཁོར་ལོའོ། །དེ་ཡན་ཆད་ཀྱིས་ནི། ཕྱི་དག་པར་བྱེད་པ་ཀུན་རྫོབ་ཀྱི་རྣལ་འབྱོར་མ་ཞེས་བྱ་སྟེ། དེ་ལ་ཕྱི་ནི་ཐ་མལ་གྱི་ལུས་ངག་ཡིད་གསུམ་ཡིན་ལ། དེ་དག་པར་བྱེད་པ་རྣལ་འབྱོར་མའི་སྐུ་གསུང་ཐུགས་སུ་བསྒོམ་པའོ། །ནང་དག་པར་བྱེད་པ་དོན་དམ་གྱི་རྣལ་འབྱོར་མ་ལ་གཉིས་ཏེ། དོན་དམ་གྱི་རྣལ་འབྱོར་མ་བསྒྲུབ་པ་དང་། དོན་དམ་གྱི་རྣལ་འབྱོར་མ་དངོས་སོ། །དང་པོ་ནི། དེ་ཡང་ལུས་ཀྱི་སྤྱོད་ལམ་ལྔ་སྔོན་དུ་སོང་བའི་སྒོ་ནས། ཞེས་པ་ནི། བསྒོམ་ཆེན་པ་གསར་པ་ཡིན་ན། ལུས་རྐང་པ་སྐྱིལ་མོ་ཀྲུང་བཅའ་བ་ལ་སོགས་པ་རྣམ་པར་སྣང་མཛད་ཀྱི་ཆོས་ལུགས་དང་མཐུན། བསྒོམ་ཆེན་པ་རྙིང་པ་ཡིན་ན་གཏུམ་མོའི་ལུས་གནད་དུ་བཞུགས་པས་ཆོག་གསུང་། དེ་ནས་སྔར་གྱི་གསང་གནས་སྔགས་ཀྱི་འཁོར་ལོ། གཡུང་དྲུང་དང་བཅས་པ་ཤིན་ཏུ་གསལ་བར་བསམས་ཏེ། སྟེང་རླུང་འོག་རླུང་གི་སྦྱོར་བ་དང་བསྟུན་ནས། སྔགས་ཀྱི་འཁོར་ལོ་གཡོན་བསྐོར་དུ་ཤིན་ཏུ་དྲག་པོ་འཁོར་བ་ལ་རྩོལ་བ་ནུས་ཚད་བྱའོ། །དེ་ནི་དོན་དམ་གྱི་བསྒྲུབ་པའོ། །དོན་དམ་གྱི་རྣལ་འབྱོར་མ་དངོས་ནི། ཐུན་གཏོང་བའི་དུས་སུ་རང་གི་སྙིང་གའི་པཾ་ལས་འོད་འཕྲོས་པས་སྣོད་བཅུད་ཐམས་ཅད་ལ་ཕོག་པས། དེ་དག་ཐམས་ཅད་རིམ་གྱིས་སྣོད་བཅུད་ཐམས་ཅད་རང་ལ་བསྡུ། རང་ཡང་མས་ཀྱི་འཁོར་ལོར་བསྡུ། འཁོར་ལོ་ཡང་ཡེ་ཤེས་སེམས་དཔའ་ལ་བསྡུ། ཡེ་ཤེས་
2-2-10a
༄༅། །སེམས་དཔའ་བཾ་ལ་བསྟིམ། བཾ་ཡང་ནཱ་ད་ལ་བསྟིམ། ནཱ་ད་ཇེ་འཕྲ་ཇེ་འཕྲ་ལ་སྟོང་ཕྱམ་གྱིས་བཏང་ངོ་། །དཔེར་ན་སྟོན་གྱི་ཉི་མ་ཕྱེད་ཀྱི་སྤྲིན་མེད་ནམ་མཁའ་ལྟ་བུ་སེང་ངེ་བ་དེ་ལ་བློ་བཞག །དེ་ལ་ཤེས་པ་གསལ་བ་བདེ་བ་འདུག་ན་ཡུན་རིང་དུ་བསྒོམ། མི་གསལ་ན་ཡུན་ཐུང་དུ་བསྒོམ། དེ་ནི་ནང་དག་པར་བྱེད་པ་དོན་དམ་གྱི་རྣལ་འབྱོར་མའོ། །གསང་བ་དག་པར་བྱེད་པ་ཟུང་འཇུག་གི་རྣལ་འབྱོར་མ་ནི༑ གསང་བ་འོད་གསལ་སྟོང་པ་དེ་མེད་པའི་མཐར་ལྟུང་གི་དོགས་པས། དེ་སྤང་བར་བྱེད་པ་ནི། འོད་གསལ་སྟོང་པའི་ངང་ལས། མཚོལ་ཉ་འཕར་བའམ། ནམ་མཁའ་ལ་སྤྲིན་འབྱུང་བ་ལྟར། སྐད་ཅིག་གིས་ཕག་མོ་ལྷ་བདུན་གྱི་དཀྱིལ་འཁོར་ཝལ་གྱིས་བསྒོམས་ཏེ། དེ་ཡང་སྒྱུ་མའམ་མེ་ལོང་གི་གཟུགས་བརྙན་ལྟར། སྣང་ལ་རང་བཞིན་མེད་པ། གསལ་ལ་རྟོག་པ་མེད་པའི་བདག་ཉིད་ཅན་ཏེ། དེ་ཡང་ལྷར་གསལ་བའི་དུས་ཉིད་ནས། ལྷ་དེ་གང་ནས་ཀྱང་མ་འོངས། གང་དུ་ཡང་མི་འགྲོ། གང་ན་ཡང་མི་གནས་པར་མངོན་སུམ་དུ་ཉམས་སུ་མྱོང་བ་དེ་ལ་ཟུང་འཇུག་ཞེས་བྱའོ། །སྐྱག་པ་ངས་རྟུག་པ་ཧེ་རུ་ཀ་བཏང་མ་ཐོག་ཏུ་རླངས་པ་ཐོ་ལོ་ལོ་ལ་ཞེས་པའི་དོན་ཡིན། དེ་ནས་བཟླས་པ་བྱ་བ་ནི། རང་ལྷར་གསལ་བའི་སྙིང་གར། ཡེ་ཤེས་སེམས་དཔའི་ཐུགས་རྗེའི་བཾ་ལས། རྩ་བའི་ཧྱ་སཾ། སྙིང་པོའམ། ཉེ་སྙིང་ངམ། བསྡུས་པ་
2-2-10b
ལ་སོགས་པ་རྒྱ་གཡོན་བསྐོར་དུ་འཁོར་བར་བསམ། རང་གིས་བཟླས་པས་འཁོར་གྱིས་ཀྱང་བཟླས་གྲོགས་བྱེད་པར་བསམ་ཞིང་། ལྷ་སྒྱུ་མ་ལྟ་བུ་ལ་བྱ་བྲག་ཆ་ལྟ་བུ་བཟླས་པར་བྱའོ། །ཧྱ་ཀྱི་ཁ་དོག །ཕྱི་ནང་གི་བར་ཆད་ཞི་བར་བྱ་བའི་ཕྱིར་ཁ་དོག་དཀར་པོར་བསམ། འོད་ཟེར་སྤྲོ་ཡང་དཀར་པོ་སྤྲོ་བསྡུ་བྱའོ། །ཚེ་དང་བསོད་ནམས་ལ་སོགས་པ་རྒྱས་པར་འདོད་ན། རྒྱ་ཀྱི་ཁ་དོག་སེར་པོར་བསམ། འོད་ཟེར་སྤྲོ་བ་ཡང་སེར་པོར་བྱ། དེ་བཞིན་དབང་དུ་བསྡུ་ན་དམར་པོ། དགྲ་བགེགས་ལ་སོགས་པ་ཚར་གཅོད་པར་འདོད་ན་ནག་པོར་སྤྲོ་བསྡུ་བྱའོ། །རྩ་བའི་རྒྱ་ཟེར་ཙ་ན། སྔགས་ཚན་གསུམ་ལ་ཟེར་བ་ཡིན། སྙིང་པོ་ནི། ཨོཾ་བཛྲ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པའོ། །ཉེ་བའི་སྙིང་པོ་ནི། ཨོཾ་བཛྲ་ཡོ་གི་ནཱི་ཡེ་ཧཱུཾ་ཧཱུཾ་ཕཊ། བསྡུས་པ་ནི། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པའོ། །དེ་བཞིན་དུ་བཤད་ཀྱང་ཕྱག་ལེན་ལ། བྱ་ཚན་གསུམ་ལ་སོགས་པ་ཡིན། ཤིན་ཏུ་བློ་དམན་པས་བསྡུས་པས་བཟློ་བ་ཡིན་གསུང་། བཟླས་ལུང་ཡང་དེ་གཉིས་ཁོ་ན་འབོགས་ཀྱིན་འདུག་གོ །དེ་ལྟར་ལྷ་སྣང་སྟོང་དབྱེར་མེད། བྱ་གྲགས་སྟོང་དབྱེར་མེད༑ སེམས་གསལ་སྟོང་དབྱེར་མེད་དུ་ཤེས་པར་བྱས་ལ། ཟུང་འཇུག་གི་བསྒོམ་བཟླས་ཐུན་བཞི་ལ་སོགས་པ་ནུས་ཚད་དུ་བྱའོ། །ཟུང་འཇུག་གི་འདི་བླ་མའི་བྱིན་རླབས་ཞུགས་ནས། བསྒོམ་ནང་ནས་སྐྱེས་
2-2-11a
༄༅། །ན་ཟུང་འཇུག་འོང་བ་ཡིན། བསྒོམས་པས་འོང་བའི་ཏིག་པོ་ཡང་མེད། འོ་ན་ཡང་དེ་ལྟར་མོས་པ་བྱེད་པ་ཡིན་གསུང་པ་དེ་ཀུན་ཉམས་ཐོག་ཏུ་བབ་པོ། །ཞང་རིན་པོ་ཆེ་འདི་རྗེས་སུ་ཡི་རང་ན། ངེད་ཕ་ཕད་ཀྱི་འདུན་མ་རྩེ་མོ་ལ་སོང་བས། ཀྱག་པ་ངས་ཁ་མ་འཁྱགས་པར་གྱིས་གཅིག ། སྒྲོ་མ་ཐེར་གཅིག །དུས་སྲགས་ཚོ་དར་དྲག་ལ་སྙིགས་བསྲིངས་གཅིག །ཐ་མས་ཀྱང་ཐུན་གཅིག་མ་ཆག་ཙམ་བསྒོམས་ཤིག ཁྱོད་ལ་ཅི་བྱར་ཡོད་པ་ཡིན། ཙབ་ཙུབ་རེ་མང་ན་བྱ་ཐབ་ཏུ་ཚུད་པ་བཞིན་དུ་མ་བྱེད་པར། སྙིང་ལ་རུས་པ་དུམ་གཅིག་ཀྱང་མེད་དམ། ཞེ་སྡང་ཆེན་པོ་བསྐྱེད་གཅིག །མན་ཀྱང་ཀུ་རེ་བགྱིས་པ་ལགས་སོ། །ཡས་ཙམ་པ་ཕྱ་ཆད། འ་ཚའི། དེ་ནས་ཐུན་གཏོང་བའི་དུས་སུ་གཏོར་མ་བཏང་། བསྟོད་པ་ལ་སོགས་པ་བྱ། འདོད་པའི་དོན་ལ་གསོལ་བ་གདབ། ཡི་གེ་བརྒྱ་པ་བརྗོད། དགེ་བའི་རྩ་བ་རྫོགས་པའི་བྱང་ཆུབ་ཏུ་བསྔོ་བ་བྱ། སྨོན་ལམ་དང་བཀྲ་ཤིས་ལ་སོགས་མཇུག་གི་ཆོ་ག་རྣམས་བྱའོ། །ཐུན་གཏོང་བའི་དུས་སུ་ཡེ་ཤེས་སེམས་དཔའ་གཤེགས་པ་ལ་མོས་ན་གཤེགས་སུ་གསོལ། །ཨོཾ་ཨཱཿཧཱུྃ། བཛྲ་མུཿ ཞེས་པའོ། །མི་མོས་ན་མ་གཤེགས་ཀྱང་ཆོག །དམ་ཚིག་སེམས་དཔའ་རང་ལ་བསྡུ་བ་ནི། ཨོཾ་ཨཱཿཧཱུྃ་ཞེས་པས་འཁོར་གྱི་ལྷ་མོ་དྲུག་དང་། ཕག་ཞལ་དང་རྒྱན་རྣམས་རང་གི་སྙིང་གའི་བཾ་ལ་བསྡུ་སྟེ། ཕྱག་མཚན་
2-2-11b
མི་དམིགས་པར་བྱས་ལ། རང་ཕག་མོ་ཞལ་གཅིག་ཕྱག་གཉིས་མའི་ང་རྒྱལ་གྱིས། སྤྱོད་ལམ་ལུང་མ་བསྟན་དུ་ཡང་མི་སྡད་པར་མཎྜལ་དང་གཏོར་མ་ལ་སོགས་པའི་སྒོ་ནས་དགེ་བ་འབའ་ཞིག་བྱའོ། །ཐུན་མཚམས་ཀྱི་བྱ་བ་སྤྱིར་བསྟན་པ་ནི། འཁོར་ལོ་བདེ་མཆོག་གི་ལུགས་ཀྱིས། ཕྱི་སྣོད་ཀྱི་འཇིག་རྟེན་ཐམས་ཅད་གཞལ་ཡས་ཁང་དུ་བསམ། ནང་བཅུད་ཀྱི་སེམས་ཅན་ཐམས་ཅད་ལྷ་དང་ལྷ་མོའི་དཀྱིལ་འཁོར་དུ་བསམ་མོ། །ཐུན་གཉིས་པ་ཡན་ཆད་ནས་སྤྲོས་པ་ལ་དགའ་ན། རྫས་ཀྱི་དག་པ་ནས། ཐུན་དང་པོ་ལྟར་ཆོ་ག་ཐམས་ཅད་ཚང་ཞིང་མ་ལུས་པར་བྱ། སྤྲོས་པ་ལ་མི་དགའ་ན། ལག་མཆོད་གྲུབ་ན་བྱ། དེ་ནས་དག་པ་གཉིས་བརྗོད་པས། གཞལ་ཡས་ཁང་ལྷ་དང་བཅས་པ་གསལ་བར་བསྒོམ་མོ། །དེ་ནས་མཆོད་པ་དང་། བདུད་རྩི་མྱང་བ་ཡན་ཆོད་ཐུན་དང་པོ་དང་མཐུན། དེ་ཁོ་ན་བཞིན་དུ་ཟུང་འཇུག་གི་རྣལ་འབྱོར་མ་ཡན་ཆད་བསྒོམ། རིན་པོ་ཆེའི་ཞལ་ནས། གྲུབ་ན་ངན་ལང་དུ་མ་སོང་བར་ཐུན་གཉིས་པ་ལ་སོགས་པ་ཡན་ཆད་དུ། ཆོ་ག་ཇི་ལྟར་རྒྱས་པ་བསོད་ནམས་ཆེ་གསུང་། དེ་ལྟར་ཉལ་བ་ཆོས་ཀྱི་སྐུའི་རྣལ་འབྱོར་མ༑ བསྒོམ་པ་ལོངས་སྤྱོད་རྫོགས་པ་སྐུའི་རྣལ་འབྱོར་མ། ཐུན་མཚམས་སུ་སྤྲུལ་པ་སྐུའི་རྣལ་འབྱོར་མའོ། །དེ་དག་གིས་ནི་གསང་བ་དག་པར་བྱེད་པ་ཟུང་འཇུག་གི་རྣལ་འབྱོར་མ་ཞེས་པ་བསྟན། དེ་ཚེ་ཡོ་
2-2-12a
༄༅། །ལོག་པས་དག་པ་དགུའི་ཚུལ་གྱིས་ཐུན་མོང་གི་བསྒྲུབ་ཐབས་དངོས་གཞི་བསྟན་པ་ཡིན་ནོ། །སློབ་དཔོན་རིན་པོ་ཆེའི་ཞལ་ནས། རྗེ་བཙུན་རིན་པོ་ཆེ་ཡེར་པ་བའི་ས་ན། ཇོ་མོའི་དག་པ་དགུ་ཤིན་ཕྱེད་དམ་མི་ཕྱེད་ཟེར་ནས། དག་པ་དགུ་ཤན་འབྱེད་པ་དང་། བྱ་བསྡུ་བ་གཉིས་ལ་དཀའ་ཤོས་སུ་བྱེད། ཧྱ་བསྡུ་བ་དང་སླ་སྟེ། དག་པ་དགུ་འདི་ཤན་འབྱེད་དགོས་གསུང་པས། ཐུལ་གོག་རས་པ་དག་གིས་མཁས་ནས་བྲིས་པ་མིན། བླ་མ་རིན་པོ་ཆེའི་ཐུགས་དམ་འདི་བསྒོམ་པར་འདོད་ཅིང་། རྩིས་བྱེད་པ་ནི་མང་པོ་ཡང་དག་པ་ཡོད། འོག་ལྡན་བྱེད་པ་འདི་ཉུང་པར་འདུག་པས། བདག་རང་ཁོ་ན་འདྲ་བའི་རྨོངས་པ་ཁ་ཡར་གྱི་དོན་དུ། རང་རེས་གོ་ཆོད་མེད་དེ། བཤད་འབུམ་དང་མངོན་རྟོགས་རྣམས་དང་མཐུན། བླ་མ་རིན་པོ་ཆེས་གསུངས་པ་ལ་བརྟེན་ནས། ཡི་གེར་བྲིས་པ་འདི་བདག་གི་དགེ་བའི་རྩ་བ་ལ་བརྟེན་ནས། སེམས་ཅན་ཐམས་ཅད་ཀྱི་མ་རིག་པའི་མིག་ཕྱེས་ནས། རིག་པ་ཡེ་ཤེས་དང་ལྡན་པར་ཤོག །འདི་ལ་ཐུགས་དམ་མཛད་པ་རྣམས། རིན་པོ་ཆེ་ཡན་ཆད་ཐམས་ཅད་འདི་ཡི་བདག་ཉིད་དུ་གྱུར་པས། བསྒྲུབ་ཐག་ཤིན་ཏུ་ཉེ། བྱིན་རླབས་གཞན་པས་ཆེ། ངེས་པ་ལགས་གཅིག །རང་རེ་རྗེ་བཙུན་སྤུན་གྲོགས་རྣམས་དང་། ཕྱི་རབས་རྣམས་ལ་ཕན་དུ་རེ་ནས་བྲིས་པ་ཡིན། མཁས་སུ་རེ་ལ་སོགས་པའི་རྒྱུའི་ཞེ་འདོད་སྤུའི་རྩེ་
2-2-12b
མོ་ཙམ་ཡང་མེད། འདི་ཁོ་ན་བཞིན་དུ་ནོར་བུ་ལུགས་སུ་ཉམས་སུ་བླངས་པས་ཆོག་པ་ཡོད། སློབ་མ་འཁྲིད་ན་ཡང་འདི་ཁོ་ན་བཞིན་དུ་ཉམས་སུ་ལེན་པ་ཡིན་ནོ། །ཨྠྀི།། །།
༄། །དཔལ་རྡོ་རྗེ་རྣལ་འབྱོར་མའི་གསང་བསྒྲུབ་སློབ་དཔོན་ཆེན་པོ་ནཱ་རོ་པས་མཛད་པ།
༄༅། །དཔལ་རྡོ་རྗེ་རྣལ་འབྱོར་མའི་གསང་སྒྲུབ་དང་རྗེ་བཙུན་མ་ལྷན་སྐྱེས་བཞུགས་སོ། །
༄། །དཔལ་རྡོ་རྗེ་རྣལ་འབྱོར་མའི་གསང་བསྒྲུབ་སློབ་དཔོན་ཆེན་པོ་ནཱ་རོ་པས་མཛད་པ།
༄༅། །དཔལ་རྡོ་རྗེ་རྣལ་འབྱོར་མའི་གསང་སྒྲུབ་དང་རྗེ་བཙུན་མ་ལྷན་སྐྱེས་བཞུགས་སོ། །རྒྱ་གར་སྐད་དུ། ཤྲཱི་བཛྲ་ཡོ་གི་ནི་གུ་ཧྱ་སཱ་དྷ་{ན་}[*]་ནཱ་མ། བོད་སྐད་དུ། དཔལ་རྡོ་རྗེ་རྣལ་འབྱོར་མའི་གསང་བསྒྲུབ་ཅེས་བྱ་བ། རྗེ་བཙུན་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །མཆོག་དང་ཐུན་མོང་དངོས་གྲུབ་ནི། །ཡིད་བཞིན་ནོར་བུ་རིན་ཆེན་ལྟར། །གསོལ་བ་གང་བཏབ་ཐོབ་འགྱུར་བ། །དེ་ཡི་སྒྲུབ་ཐབས་བཤད་པར་བྱ། །རི་བོའི་རྩེ་དང་དུར་ཁྲོད་དང་། །ཤིང་གཅིག་དྲུང་དང་ཕུག་སྟོང་དང་། །བས་མཐའ་དབེན་པའི་གནས་རྣམས་སུ། །ཡར་ངོ་ཡི་ནི་ཚེས་བཅུ་ལ། །མཛེས་པའི་མཎྜལ་ཆག་ཆག་གདབ། །དྲི་དང་ཆང་གིས་བྱུགས་པར་བྱ། །ཆོས་འབྱུང་པད་མར་ལྡན་པ་བྲི། །རང་རང་ཕྱག་མཚན་སྟེང་དུ་དགོད། །མེ་ཏོག་དམར་པོའི་ཚོམ་བུ་དགོད། །མཚན་དང་ལྡན་པའི་ཀ་པཱ་ལར། །བཏུང་བ་བཟང་པོས་ལེགས་པར་བཀང་། །བདུད་རྩི་ལྔ་དང་རྩ་བརྒྱད་སྟོང་༑ ༑རིན་ཆེན་འབྲུ་དང་སྙིང་པོ་ལྔ། །གང་འདོད་རྫས་རྣམས་བླུག་པར་བྱ། །མ་ཉམས་མེ་ལོང་གཙང་མ་ལ། །ཤེས་རབ་མཚལ་དང་སིན་དྷུ་རས། །ཆོས་འབྱུང་གྲུ་གསུམ་བསྣོལ་མར་བྲི། །དེ་དབུས་ཧྲིཿལས་
2-2-13a
༄༅། །གྱུར་པ་ཡིས། །བདུད་བཞི་ལས་རྒྱལ་ཁྲོ་མོར་བསྐྱེད། །ཕྱོགས་ཀྱི་པདྨ་འདབ་བཞི་ལ། །འབྱུང་བཞི་བསྐྱེད་པའི་ས་བོན་ལས། །རིགས་བཞི་མཁའ་འགྲོ་རྣམ་བཞི་བསྐྱེད། །ལེབ་རྒན་དམར་པོའི་སྟེང་དུ་བཞག །བདེ་བའི་སྟན་ལ་འདུག་ནས་ནི། །ཨཽ་རྒྱན་ཕྱོགས་སུ་ཁ་བལྟས་ལ། །བྱང་ཆུབ་སེམས་བསྐྱེད་སྔོན་འགྲོ་བས། །དཀྱིལ་འཁོར་མཆོད་པས་མཉེས་པར་བྱ། །ཡི་གེ་གསུམ་གྱིས་རང་ལ་བསྡུ། །བརྟན་དང་གཡོ་བའི་དངོས་པོ་ཀུན། །སྐད་ཅིག་ཙམ་གྱིས་སྟོང་པར་བསྒོམ། །སྟོང་པའི་ངང་ལས་ཡི་གེ་ཧྲཱིཿ བསྐལ་པ་མེ་ལྟར་འབར་བའི་འོད། །ཁྲོ་མོ་ཞལ་གཅིག་ཕྱག་གཉིས་མ། །མཛའ་བ་སིན་དྷུ་ར་དང་མཚུངས༑ ༑སྐུ་མདོག་འོད་ཟེར་སྟོང་གསུམ་ཁྱབ། །དབུ་སྐྲ་ཐོར་ཚུགས་ཚངས་པར་འཁྱིལ། །སངས་རྒྱས་ལྔ་མཚོན་ཐོད་པས་བརྒྱན། །རྡོ་རྗེ་ཐོད་ཁྲག་ཁ་ཊྭཱཾ་བཅས། །དར་དཔྱངས་ཅོད་པན་རྣམ་པར་འཕྲོ། །ཕྱག་རྒྱ་ལྔ་ཡིས་ཡང་དག་བརྒྱན། །མིག་མགོ་རློན་པའི་དོ་ཤལ་ཅན། །མེ་ཏོག་ཕྲེང་བའི་རྒྱན་གྱིས་སྤྲས། །པདྨ་རོ་དང་ཉི་མའི་སྟེང་། །གཡས་བརྐྱང་གཡོན་བསྐུམ་གར་གྱིས་བཞུགས། །ཆུ་ལས་ཉ་ལྡང་ཇི་བཞིན་དུ། །སྐད་ཅིག་ཙམ་གྱིས་རྫོགས་པར་བསྐྱེད། །དེ་ཡི་འཁོར་ལོ་རྣམ་བཞི་ལ། །མཁའ་འགྲོ་སྡེ་བཞི་འཁོར་བཅས་བསྐྱེད། །རང་བཞིན་གནས་པའི་ཕོ་བྲང་ནས། །སྤྱན་དྲངས་གཉིས་སུ་མེད་པར་བསྟིམ། །
2-2-13b
དེ་ཡང་ང་རང་རང་ཐུགས་ཀར་ནི། །གསང་སྔགས་ཡི་གེ་བཀོད་དེ་བཟླས། །ༀ་བཛྲ་བཻ་རོ་ཙ་ནཱི་ཡེ་ཧ་རི་ནི་ས། རི་ནི་ཧ་ས། ནི་རི་ཧ་ས། ས་ནི་རི་ཧ། འབྱུང་བཞི་དབང་བསྡུད་ཡི་གེ་བཞི། །སྡེ་བཞི་མཁའ་འགྲོ་གསང་བའི་གནས། འདོད་དགུ་འབྱུང་བའི་སྔགས་སུ་བཤད། །གྲངས་ཀྱི་བསྙེན་པ་འབུམ་ཚོ་བཞིས། །ཐ་མལ་ཤེས་པ་འགྱུར་བར་ནུས། །ཟླ་བ་དྲུག་གི་རྣལ་འབྱོར་གྱིས། །འཁྲུལ་པའི་རྟོག་པ་ཟད་པར་འགྱུར༑ ༑ཡ་ང་མེད་ཅིང་ཆེད་བཟུང་མེད། །རིག་པ་ངར་དང་བཅས་པ་ཡིས། །མི་ཕོད་རྫི་ཞིང་ཞེན་པ་བཟློག །འཁྲི་བ་བཙན་ཐབས་དག་ཏུ་བཅད། །རང་བྱུང་ཡེ་ཤེས་ཡི་གེ་བཞི། །དབྱིངས་སུ་ཤར་ནས་དབྱིངས་སུ་རོལ། །བཟུང་བའི་ཡུལ་དང་འཛིན་བྱེད་སེམས། །ཡང་དག་དོན་ལ་གྲུབ་པ་མེད། །རིག་པ་ངར་དང་བཅས་པ་ཡིས། །དེ་ལྟར་གདེང་ལྡན་རྣལ་འབྱོར་པས། །ནད་ལ་སྨན་དང་འདྲ་བར་སྤྱད། །ལྟོགས་ན་ཟས་དང་འདྲ་བར་སྤྱད། །འཁྱགས་ན་གོས་དང་འདྲ་བར་སྤྱད། །འཇིགས་ན་སྐྱབས་དང་འདྲ་བར་སྤྱད། །གནོད་སྦྱིན་ཕོ་མོའི་བར་ཆད་ལ། །བརྟུལ་ཞུགས་ཐུག་ཕྲད་ལམ་དུ་ཁྱེར། །ཧཱུཾ་གིས་མཁའ་འགྲོ་གནད་ནས་བསྐུལ། །ལམ་དུ་རྟེན་འབྲེལ་གང་འཕྲད་བསྒྲིག །ནང་དུ་གདེང་དང་ལྡན་ནས་ནི། །རིག་པ་བརྟུལ་ཞུགས་སྤྱོད་པར་བྱ། །གཅེར་བུ་སྟག་གི་ཤམ་ཐབས་བྱ། །ཐོད་པ་དང་ནི་ཁ་ཊྭཱཾ་ཐོགས། །དུར་
2-2-14a
༄༅། །ཁྲོད་ཀུན་ཏུ་རྒྱུ་བར་བྱ། །རིགས་ལྔའི་མཁའ་འགྲོ་མ་རྣམས་ཀྱི། །རྣལ་འབྱོར་དབང་དུ་བསྡུས་ལ་སྤྱད། །རླུང་དང་མེ་དང་བདེ་བའི་ཁམས། །བཅུ་དྲུག་ཕྱེད་ཕྱེད་ཐིག་ལེ་ཅན། །སྐྱིལ་དང་བཟློག་དང་བཀྲམ་ཞིང་བསྟིམ། །དགའ་བཞིའི་ཡེ་ཤེས་རང་ངོ་བཟུང་། །རིགས་ལྔའི་མཁའ་འགྲོ་མ་རྣམས་ཀྱི། །སོ་སོའི་དམ་ཚིག་བསྲུང་ཚུལ་ནི། །སངས་རྒྱས་མཁའ་འགྲོ་མའི་དམ་ཚིག་ཏུ། །བླ་མ་ལ་གུས་སྤྱི་བོར་བཀུར༑ ༑སེམས་ཅན་རྣམས་ལ་བྱམས་པ་བསྒོམ། །རྡོ་རྗེ་མཁའ་འགྲོའི་དམ་ཚིག་ཏུ། །ཤ་ལྔ་བདུད་རྩི་ལྔ་ལ་སྤྱད། །རྣམ་པར་མི་རྟོག་སྟོང་ཉིད་བསྒོམ། །རིན་ཆེན་མཁའ་འགྲོའི་དམ་ཚིག་ཏུ། །ཚོགས་དང་གཏོར་མ་རྒྱ་ཆེན་བྱ། །ཆགས་ཞེན་སྤངས་ལ་རི་ཁྲོད་འགྲིམ། །པདྨ་མཁའ་འགྲོའི་དམ་ཚིག་ཏུ། །ཕྱག་རྒྱ་བསྟེན་ཞིང་བདེ་བ་བསྒོམ། །མེ་མཆོད་འབུལ་ཞིང་གླུ་གར་བྱ། །ལས་ཀྱི་མཁའ་འགྲོའི་དམ་ཚིག་ཏུ། རྒྱུད་ལ་གང་སྐྱེས་ཤེས་པ་རྣམས། །མི་དགག་ཐད་ཀར་སྤྱད་པར་བྱ། །ཉམས་ན་ཚོགས་ཀྱི་འཁོར་ལོ་དང་། །ཡི་གེ་བརྒྱ་པས་བཤགས་པ་བྱ། །འབར་བ་གསུམ་དང་ཚུགས་པ་གསུམ། །འདུ་བ་གསུམ་དང་དྲོད་གསུམ་མོ། །ཤེས་པ་གཏིང་ནས་སློངས་པ་དང་། །ཡུལ་སེམས་གཉིས་ལ་ཞེན་མེད་དང་། །ངོ་བོ་འགྱུར་བ་མེད་པ་དང་། །རང་བཞིན་སྐྱེ་བ་མེད་པ་དང་། །མཚན་ཉིད་གཉིས་སུ་མེད་པ་དང་། །ཐུགས་རྗེ་འགག་
2-2-14b
པ་མེད་པར་འཆར། །དཔལ་རྡོ་རྗེ་རྣལ་འབྱོར་མའི་གསང་བསྒྲུབ་སློབ་དཔོན་ཆེན་པོ་ནཱ་རོ་པས་མཛད་པ་རྫོགས་སོ། །པཎྜི་ཏ་དེ་ཉིད་དང་བོད་ཀྱི་ལོ་ཙཱ་བ་མར་པ་ཆོས་ཀྱི་བློ་གྲོས་ཀྱིས་སེང་ལྡེང་འཐུག་པོའི་ནགས་གསེབ་དུ་བསྒྱུར་ཞིང་ཞུས་ཏེ་གཏན་ལ་ཕབ་པའོ།། །།
༄། །བསྐྱེད་རིམ་ལྷན་ཅིག་སྐྱེས་མ་རྡོ་རྗེ་ཕག་མོ་བཀོལ་བ་དུམ་བུའི་རྒྱུད་ལས་བྱུང་བའི་སྒྲུབ་ཐབས་ལས་ཚོགས་དང་བཅས་པ།
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྗེ་བཙུན་མར་པ་ལོ་ཙཱ་བ་ཆེན་པོ་དེས་དགུང་ལོ་བཅུ་གསུམ་ལ་ལས་སྟོད་མྱུ་གུ་ལུང་དུ་འབྲོག་མི་ཤཱཀྱ་ཡེ་ཤེས་ལ་སྒྲ་དང་ཡིག་ཚང་མང་དུ་བསླབས་ནས། དགུང་ལོ་བཅོ་ལྔ་ལ་བལ་ཡུལ་དུ་བྱོན་ཏེ། བླ་མ་བལ་པོ་ཕམ་ཐིང་པ་ལ་གདན་བཞིའི་ཕྲན་དང་དགྱེས་རྡོར་གྱི་བསྒྲུབ་ཐབས་རྣམས་གསན། བལ་པོར་ལོ་གཉིས་བཞུགས་ཏེ་ལོ་བཅུ་བདུན་ལ་རྒྱ་གར་དུ་བྱོན་ནས་དཔལ་ཡེ་ཤེས་སྙིང་པོ་ལ་དཔལ་གསང་བ་འདུས་པའི་རྒྱུད་མན་ངག་དང་བཅས་པ་གསན། དེ་ནས་དཔལ་ཞི་བ་བཟང་པོ་ལ་མ་ཧཱ་མ་ཡའི་རྒྱུད་གདམས་ངག་དང་བཅས་པ་གསན། བླ་མ་པེན་བ་ལ་གདན་བཞིའི་རྒྱུད་གདམས་ངག་དང་བཅས་པ་གསན། མངའ་བདག་མཻ་ཏྲི་པ་ལ་ཕ་རྒྱུད་ཀྱི་གདམས་ངག་ཆེ་ཆུང་གཉིས་ཤེས་པར་བསླབས། དཔལ་ནཱ་རོ་པ་ཆེན་པོ་ལ་དགྱེས་རྡོར་གཞུང་གདམས་ངག་དང་བཅས་པ་གསན། དེ་ནས་བླ་མ་ནཱ་རོ་པའི་ཞལ་ནས། ནག་པོའི་དུས་ཀྱི་ཚེས་བཅུ་ལ་ནུབ་ཕྱོགས་ཀྱི་དུར་ཁྲོད་དེར་སོང་དང་། མཁའ་འགྲོ་མ་ལྷན་ཅིག་སྐྱེས་མ་
2-2-15a
༄༅། །དང་ཞལ་མཇལ་བར་འགྱུར་རོ་གསུངས་ནས། དུར་ཁྲོད་དུ་བྱོན་ནས་ཚོགས་ཀྱི་འཁོར་ལོ་མཛད་ནས་གསོལ་བ་བཏབ་པས་མཁའ་འགྲོ་མ་ལྷན་ཅིག་སྐྱེས་མ་དང་མཇལ་ནས། ཤེལ་གྱི་གྲི་གུག་གིས་བྲང་ཁ་ཕྱེ་ནས་རྗེ་བཙུན་མ་རྡོ་རྗེ་ཕག་མོ་ལྷ་ལྔའི་དཀྱིལ་འཁོར་དང་། ཨཥྚ་སྔགས་ཀྱི་འཁོར་ལོ་བསྟན་ནས། དབང་བཞི་ངོ་སྤྲོད་ཀྱི་ཚུལ་དུ་བསྐུར་ཞིང་། བསྐྱེད་རིམ་ལྷན་ཅིག་སྐྱེས་མ་དང་། རྫོགས་རིམ་རླུང་སེམས་གཉིས་མེད་ཀྱི་གདམས་ངག་ལས་ཚོགས་དང་བཅས་པ་སྙན་རྒྱུད་དུ་གནང་ནས། ད་ཁྱོད་རང་རྡོ་རྗེ་གདན་དུ་སོང་ལ། བཅོམ་ལྡན་གྱི་ཞབས་རྗེས་དང་། ཚེམས་མཆེ་བ་རྣམས་ལ་ལྟོས་ལ་བོད་དུ་སོང་ཞིག་གསུངས་ནས་ལུང་བསྟན་ནས་མི་སྣང་བར་འགྱུར་ཏོ། །དེ་ནས་རྡོ་རྗེ་གདན་དུ་སོང་ནས་སྒོ་གཉེར་བ་ལ་ཞུ་བ་བྱས་པས་གནང་ནས། ཞབས་རྗེས་དང་དཀོར་མཛོད་རྣམས་གཟིགས་པས། བསེའི་སྒྲོམ་བུ་གཅིག་གི་ནང་ནས་དངུལ་གྱི་གའུ་གཅིག་བྱུང་། དེའི་ནང་ནས་ཤེལ་གྱི་གའུ་གཅིག་བྱུང་སྟེ། དེ་ནས་ཚེམས་མཆེ་བ་གཡས་པ་དང་། ཏ་ལའི་འདབ་མ་ལ་ལི་ཁྲིས་བྲིས་པའི་ཡི་གེ་དར་དམར་པོས་དྲིལ་བ་གཅིག་རྙེད་ནས་མཆོད་པ་ཆེན་པོ་བྱས་ཏེ་ཡི་གེ་གདན་དྲངས་སོ། །དེ་ནས་པཎྜི་ཏ་དེ་ཀུན་ལ་དྲིས་པས་གང་གིས་ཀྱང་མ་ཤེས་ཏེ། ཁ་ཆེའི་པཎྜི་ཏ་གཅིག་ན་རེ། སིང་ག་ལའི་སྒྲ་ཡིག་ཡིན་ཟེར་ནས་སིང་ག་ལའི་ཡུལ་དུ་
2-2-15b
བྱོན་པས་སྒྲ་རང་ཤུགས་ཀྱིས་ཤེས་པར་བྱུང་བ་དང་། གཟིགས་པས། བསྐྱེད་རིམ་ལྷན་ཅིག་སྐྱེས་མ་རྡོ་རྗེ་ཕག་མོ་བཀོལ་བ་དུམ་བུའི་རྒྱུད་ལས་བྱུང་བའི་སྒྲུབ་ཐབས་ལས་ཚོགས་དང་བཅས་པ། རྫོགས་རིམ་རླུང་སེམས་གཉིས་མེད་ཀྱི་གདམས་ངག །སྔར་རྗེ་བཙུན་མ་ལྷན་ཅིག་སྐྱེས་མས་གནང་བ་དེ་ཉིད་དུ་ལུང་བསྟན་པར་ཤེས་སོ། །དེ་རྣམས་དཔལ་ནཱ་རོ་པའི་བཀའ་དྲིན་དུ་གོ་ནས་ཞབས་ཏོག་བྱ་བར་དགོངས་ནས་བོད་དུ་གསེར་ཚོལ་དུ་བྱོན་པའི་ལམ་དུ་གཉོས་འབྱུང་པོ་དང་ཕྲད་ནས། ཕ་རྒྱུད་མ་རྒྱུད་ཀྱི་གདམས་ངག་ལ་གསུང་གླེངས་མཛད་པས་མར་པ་མཁས་པར་འགྱུར་ཏོ། །དེ་ནས་ལས་སྟོད་དགྱེར་ཕུར་གློག་སྐྱ་ཇོ་སྲས་ཀྱིས་གདན་དྲངས་ནས་ཆོས་གསུངས། དེ་ནས་དབུ་རུ་བྱང་ངོས་འགྲིམས་ནས་སྐུངས་ཀྱི་བྲག་རར་གསེར་རྡོལ་བ་དང་ཕྲད་ནས་གསེར་མང་དུ་རྙེད་ནས། འཕན་ཡུལ་དུ་མར་པ་མགོ་ཡགས་ལ་ལྷ་མོ་དུད་སོལ་མ་དང་། ཀང་ཀ་ལའི་ངན་སྔགས་བསླབས་པས་གསེར་སྲང་བཅུ་གཉིས་ཕུལ་བ་དེ་རྣམས་ཁྱེར་ཏེ་རྒྱ་གར་དུ་བྱོན་པས། བླ་མ་ནཱ་རོ་པ་སྤྱོད་པ་ལ་གཤེགས་ནས་མི་འདུག་པས། ཡང་དང་ཡང་དུ་གསོལ་བ་བཏབ་ནས་བཙལ་བས། རི་མུན་པ་ཅན་གྱི་ནགས་འདབ་ཏུ་མཇལ་ནས། གསེར་གྱི་མཎྜལ་ཕུལ་བས་བླ་མ་དཀོན་མཆོག་མཆོད་ཅིག་གསུངས་ནས་ནགས་གསེབ་ཏུ་གཏོར་བ་དང་། དེ་ལ་འཕངས་སེམས་སྐྱེས་
2-2-16a
༄༅། །པས། ནཱ་རོ་པས་ཞབས་མཐེ་བོང་ས་ལ་རེག་པ་དང་རྡོ་དང་བོང་པ་ཐམས་ཅད་གསེར་དུ་གྱུར་ཏོ། །དེ་ནས་ཚོགས་ཀྱི་མཆོད་པ་མཛད་པའི་དུས་སུ་རྒྱུད་ཆེན་གྱི་ཁོང་སྤྲུགས་དང་། བཀའ་ཆེན་གནད་ལ་དབབ་པའི་གདམས་ངག་ལ་སོགས་པ་ཟབ་མོའི་ཆོས་ཐམས་ཅད་སྙན་རྒྱུད་དུ་གནང་ནས། ད་སྟེ་ཞག་བདུན་ན་ཉི་མ་ལྡོག །དེ་ནས་ཞག་བདུན་ན་ཁ་ནིང་གི་དུར་ཁྲོད་དེར་སོང་དང་། མཁའ་འགྲོ་མ་ལྷན་ཅིག་སྐྱེས་མ་དང་མཇལ་བར་འགྱུར་རོ། །ཞེས་གསུངས་ནས་ནགས་ཀྱི་ཁྲོད་ན་ཕར་ལ་གཤེགས་སོ། །དེ་ནས་དུར་ཁྲོད་དུ་སོང་ནས་ཚོགས་ཀྱི་འཁོར་ལོ་མཛད་གསོལ་བ་བཏབ་ནས་མཇལ་བས་གསེར་གྱི་མཎྜལ་ཕུལ་ནས་ཞུས་པས། སྔར་གྱི་གདམས་ངག་རྣམས་སྙན་རྒྱུད་དུ་གནང་བས། སྔར་རྡོ་རྗེ་གདན་གྱི་བཀའ་དཔེ་དེ་མཁའ་འགྲོ་མའི་སྤྲུལ་པར་ཤེས་སོ། །དེར་འཕོ་བའི་གདམས་ངག་ཡང་དངོས་སུ་བསྟན་ནས་མི་སྣང་བར་འགྱུར་ཏོ། །དེ་ནས་བོད་དུ་བྱོན་ཏེ་མེས་ཚོན་པོ་ལ་དགྱེས་རྡོར་གཞུང་གདམས་ངག་དང་བཅས་པ་གནང་། རྔོག་ཆོས་རྡོར་ལ་མ་རྒྱུད་བཞིའི་བཀའ་རྒྱུད་གཞུང་གདམས་ངག་དང་བཅས་པ་གནང་༑ ཚུར་སྟོན་དབང་ངེ་ལ་གསང་བ་འདུས་པའི་རྒྱུད་གདམས་ངག་དང་བཅས་པ་གནང་། རྗེ་མི་ལ་རས་པ་ལ་ཕ་རྒྱུད་མ་རྒྱུད་ཀྱི་གདམས་ངག་ཉམས་ཁྲིད་དང་བཅས་པ་གནང་། ཁྱད་པར་དུ་གསང་བསྒྲུབ་
2-2-16b
ལྷན་ཅིག་སྐྱེས་མའི་གདམས་ངག་འདི་བླ་མའི་ཇོ་མོས་ཞུས་སྣ་མཛད་ནས་གནང་བ་ཡིན་ནོ། །མི་ལ་ཁོང་གིས་དཔལ་ལྡན་དྭགས་པོ་རིན་པོ་ཆེ་ལ་གཉིས་ལ་མ་སྤེལ་ཅིག །གཅིག་ལ་ནུབ་པར་མ་བྱེད་ཅིག་གསུངས་ནས་བཀའ་རྒྱས་བཏབ་ནས་གནང་བའོ། །བླ་མ་རིན་པོ་ཆེ་སྒམ་པ་པོས་གནས་ནང་པ་ཁམས་པ་སེ་བོ་ལ་གསུངས། རིན་པོ་ཆེ་གནས་ནང་པས་གནད་དང་བཅས་པ་རིན་པོ་ཆེ་རས་པ་ལ་གསུངས་ནས། ཁོང་གིས་ཐུགས་དམ་མཛད་པས་ཞལ་མང་དུ་གཟིགས་སོ། །དེ་ལ་བླ་མ་རིན་པོ་ཆེ་པམ་བྲག་པས་ཚོགས་ཆུང་ཅིག་མཛད་ནས་ཞུས་པས་ཚོམ་བུའི་སྟེང་དུ་རྗེ་བཙུན་མ་ལྷ་ལྔའི་དཀྱིལ་འཁོར་ཞལ་གཟིགས་གསུང་༑ དང་པོ་བྱིན་རླབས་ཞུ་དུས་ནས་ཞལ་མང་དུ་གཟིགས། ལུང་བསྟན་བསམ་གྱིས་མི་ཁྱབ་པ་ཐོབ། འགྲོ་དོན་དཔག་ཏུ་མེད་པ་མཛད། ཐུགས་དམ་གྱི་གཙོ་བོ་ཡིན། དེ་ལ་བླ་མ་རིན་པོ་ཆེ་ཀརྨ་པས་ཞུས་པའོ།། ༈ །།
༄། །རྗེ་བཙུན་རྡོ་རྗེ་རྣལ་འབྱོར་མའི་གསང་བསྒྲུབ་ཞལ་གྱི་གདམས་པ།
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྗེ་བཙུན་རྣལ་འབྱོར་མའི་གསང་སྒྲུབ་ཉམས་སུ་ལེན་པར་འདོད་པའི་རྣལ་འབྱོར་པས། དུར་ཁྲོད་དམ། ནགས་ཁྲོད་དམ། བྲག་དམར་པོ་ཁ་ནུབ་ཏུ་བལྟ་བ། བྱ་ཐལ་གྱིས་མ་གོས་པའི་གནས་ལ་སོགས་པར་ཟླ་བ་གང་ཡང་རུང་བའི་ཡར་རམ། མར་གྱི་ཚེས་བཅུ་ལ་ས་གཞི་ཕྱག་དར་དང་རྐྱང་ནུལ་བྱས་ཏེ་མི་རྟ་ཁྱི་གསུམ་གྱི་ཁྲག་དང་ཆང་སྦྱར་བས་
2-2-17a
༄༅། །བྱུགས་པ་བྱ། དེའི་སྟེང་དུ་མཎྜལ་བཟླུམ་པོ་རྒྱར་ཁྲུ་གང་པ། དཔངས་སུ་སོར་བཞི་པ་བྱས་ལ། མངལ་ཁྲག་དང་ཆང་དང་དྲི་ཡིས་བྱུགས་པ་བྱ། དེའི་དབུས་སུ་ཆོས་འབྱུང་དམར་པོ་གྲུ་གསུམ་བསྣོལ་མ་གཅིག་བྲི། དེའི་ཐ་མ་ཟླུམ་བསྐོར་བྱ། དེའི་ཕྱི་རོལ་པདྨ་འདབ་མ་བཞི་པ་བྲི། དེའི་དབུས་སུ་གྲི་གུག །ཤར་དུ་རྡོ་རྗེ། ལྷོར་རིན་ཆེན། ནུབ་ཏུ་པདྨ། བྱང་དུ་རང་གྲི་བྲིས་ལ། དེའི་སྟེང་དུ་ནས་ཀྱི་མེ་ཏོག་གི་ཚུམ་བུ་བཞི་དགྲམ། དེའི་ཁར་ཁྲིའུའམ་མན་འཇིའི་སྟེང་དུ། ཐོད་པ་མཚན་ལྡན་ཆང་གིས་བཀང་བའི་ནང་དུ། ཨ་མྲྀ་ཏའི་རི་ལུ་དང་། རིན་པོ་ཆེ་ལྔ་། ཨ་རུ་ར་དང་། འབྲུ་ལྔ་དང་། སྙིང་པོ་ལྔ་དང་། ཟངས་མཁར་དང་། གང་འདོད་པའི་རྫས་ཀྱིས་དགང་། དར་དམར་པོའི་ཞལ་གཡོགས་བྱ། དེའི་སྟེང་དུ་མེ་ལོང་གཙང་མ་ལ་ནང་ངོས་སུ་མངལ་ཁྲག་དང་། ཆང་དང་། གུར་གུམ་གྱིས་མཁའ་འགྲོ་མ་དབང་དུ་བསྡུད་པའི་འཁོར་ལོ་བྲིས་ལ་ཐོད་པ་ཁ་བཅད། དེའི་སྟེང་དུ་སིན་ར་བཙགས་ལ་གསེར་གྱི་སྨྱུ་གུས་ཆོས་འབྱུང་པདྨ་དང་བཅས་པ་བྲིས་ཏེ། རང་གི་སྔགས་བཀོད་པ་གཞུང་ན་གསལ། དེའི་མཐར་མར་གཏོར་དང་༑ མར་མེ་དང་། ལྷ་བཤོས་དང་། ལག་མཆོད་ཀྱི་རྒྱུ་དང་། ཚོགས་ཀྱི་མཆོད་པ་རྣམས་བཤམས་ལ། རང་ཉིད་སྟན་བདེ་བ་ལ་བསམ་གཏན་ལྔས་འདུག་ལ། སེམས་ཅན་ཐམས་ཅད་ཀྱི་དོན་དུ་རྫོགས་པའི་
2-2-17b
སངས་རྒྱས་ཐོབ་པར་བྱ། དེའི་ཆེད་དུ་རྗེ་བཙུན་མ་བསྒོམ་སྙམ་དུ་སེམས་བསྐྱེད་དེ། བྱང་ཆུབ་ཀྱི་སེམས་སྔོན་དུ་སོང་བས། སྐད་ཅིག་གིས་རྗེ་བཙུན་མར་བསྐྱེད། མདུན་གྱི་མཎྜལ་གྱི་སྟེང་དུ་མེ་ཏོག་གི་ཚོམ་བུ་ལྔ་པོ་ལས། དབུས་སུ་རྗེ་བཙུན་རྡོ་རྗེ་རྣལ་འབྱོར་མ། ཤར་དུ་རྡོ་རྗེ་མཁའ་འགྲོ་མ། ལྷོར་རིན་ཆེན་མཁའ་འགྲོ་མ། ནུབ་ཏུ་པདྨ་མཁའ་འགྲོ་མ། བྱང་དུ་ལས་ཀྱི་མཁའ་འགྲོ་མ། རྒྱན་ཆ་ལུགས་དང་བཅས་པ་སྐད་ཅིག་གིས་བསྐྱེད་ལ། རང་རང་གི་ཐུགས་ཀའི་ས་བོན་ལས་འོད་འཕྲོས་པས། ཨུ་རྒྱན་ནས་ཡེ་ཤེས་སེམས་དཔའ་སྤྱན་དྲངས་ལ་གཉིས་སུ་མེད་པར་བསམ། དེ་ནས་རང་གི་སྙིང་གར་ཉི་མའི་སྟེང་དུ་ཧྲི༔ དམར་པོ་གཅིག་བསམ། དེ་ལས་འོད་ཟེར་འཕྲོས་པས། འོད་ཟེར་གྱི་སྣ་ལ་མཆོད་པའི་ལྷ་མོ་སྤྲོས་ནས། བཛྲ་བཻ་རོ་ཙ་ནི་ཡེ་ཧ་རི་ནི་ས་པུཥྤེ་ཧཱུཾ་ཞེས་པ་དང་། རིམ་པ་བཞིན་དུ་དྷུ་པེ་དང་། ཨཱ་ལོ་ཀེ་དང་། གནྡྷེ་དང་༑ ནྦཻ་དྱེ་དང་། ཤཔྟ་ལ་སོགས་ཕྱིའི་མཆོད་པ་དང་། འདོད་ཡོན་གྱི་ལྷ་མོ་རྣམས་ཀྱིས་ཤ་ལྔ་དང་བདུད་རྩི་ལྔས་མཆོད་པ་དང་། ལག་མཆོད་དང་གཏོར་མས་མཉེས་པར་བྱས་ལ་བསྟོད་པ་བྱ། དེ་ནས་ལྷ་མོའི་ཐུགས་ཀ་ནས་ཡེ་ཤེས་ལྔའི་རང་བཞིན་གྱི་འོད་ཟེར་ཁ་དོག་ལྔ་བྱུང་ནས། བདག་གི་གནས་ལྔར་ཐིམ། སྡིག་པ་དང་སྒྲིབ་པ་ཐམས་ཅད་དག་ནས་རང་ཉིད་ལྷ་མོའི་རང་བཞིན་དུ་གྱུར་པར་བསམ་ལ་མི་རྟོག་པ་
2-2-18a
༄༅། །དར་གཅིག་བསྒོམ། དེ་དག་ནི་ཕྱིའི་པཱུ་ཛའོ། །དེ་ནས་ཚད་མེད་པ་བཞིའི་སྙིང་རྗེ་ལས་བྱུང་བའི་བྱང་ཆུབ་མཆོག་ཏུ་སེམས་བསྐྱེད་ལ། གཟུང་བ་དང་འཛིན་པས་བསྡུས་པའི་ཆོས་ཐམས་ཅད་སྐད་ཅིག་གིས་སྟོང་པ་ཉིད་དུ་བསྒོམ་པར་བྱའོ། །སྟོང་པའི་ངང་ལས་ཆོས་འབྱུང་གྲུ་གསུམ་གྱི་གཞལ་ཡས་ཁང་ཆེན་པོའི་དབུས་སུ། པདྨ་དང་རོ་དང་ཉི་མའི་དཀྱིལ་འཁོར་གྱི་སྟེང་དུ་ཡི་གེ་ཧྲིཿདམར་པོ་བསམ། ཧྲིཿདེ་ལས་འོད་ཟེར་འཕྲོས་པས་སེམས་ཅན་ཐམས་ཅད་ལ་ཕོག་པས་སྡིག་པ་དང་སྒྲིབ་པ་ཐམས་ཅད་དག་ནས་ཇོ་མོའི་སྐུར་གྱུར། ཚུར་འདུས་ཧྲིཿལ་ཐིམ་པས་ཆུ་ལས་ཉ་ལྡང་བའི་ཚུལ་དུ་རྗེ་བཙུན་རྡོ་རྗེ་རྣལ་འབྱོར་མའི་སྐུར་གྱུར་པར་བསམ། དེ་ཡང་ཆོས་ཐམས་ཅད་ཆོས་ཀྱི་སྐུར་རོ་གཅིག་པས་ཞལ་གཅིག་དང་ལྡན་པ། ཐབས་ཤེས་ཟུང་དུ་འཇུག་པའི་ཕྱིར་ཕྱག་གཉིས་དང་ལྡན་པ། རབ་ཏུ་འཇིགས་པའི་སྐུ་བདུད་དཔུང་གི་ཚོགས་ལས་ཁྲོས་ཤིང་ཆེར་ཁྲོས་པ། སྐུ་མདོག་དམར་ཞིང་འོད་ཟེར་རབ་ཏུ་འབར་བས་སྟོང་གསུམ་རབ་ཏུ་ཁྱབ་ཅིང་། བརྟན་པ་དང་གཡོ་བའི་བཅུད་འཕྲོག་པར་བྱེད་པ། ཕྱག་གཉིས་ཀྱིས་རྡོ་རྗེ་གྲི་གུག་དང་ཐོད་ཁྲག་བསྣམས་ཤིང་གར་ཐབས་སུ་འགྱིང་བ། ཡབ་ཧེ་རུ་ཀ་སྦས་པའི་ཚུལ་དུ་སྦྱོར་བས་ཁ་ཊྭཱཾ་ག་མཆན་ཁུང་ན་ཡར་བསྒྲེང་བ། བཅུ་དྲུག་ལོན་པའི་ན་ཚོད་ལྟར་བཅུད་ཀྱིས་རྒྱས་ཤིང་ནུ་མ་ལངས་པ། དུས་
2-2-18b
གསུམ་མཁྱེན་པའི་ཕྱིར་རབ་ཏུ་གཏུམ་པའི་སྤྱན་གསུམ་ཁྲག་ལྟར་དམར་ཞིང་བཟླུམ་ལ་གཡོ་བ། བདུད་འདུལ་བའི་ཕྱིར་ཁྲོ་གཉེར་དང་མཆེ་བ་རྣམ་པར་གཙིགས་ཤིང་མ་མཆུ་ཚེམས་ཀྱིས་མནན་པ། དབུ་སྐྲ་ཁམ་ནག་གྱེན་དུ་འཁྱིལ་ཞིང་རིགས་ལྔ་མཚོན་པའི་ཐོད་པ་ལྔའི་ཕྲེང་བས་བཅིངས་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པའི་ཕྱིར་ཐལ་བ་སྤངས་པའི་ཕྱག་རྒྱ་ལྔས་བརྒྱན་པ། འདུད་དེ་ལྔ་བཅུ་རྩ་གཅིག་དག་པའི་ཕྱིར་ཐོད་པ་ལྔ་བཅུ་རྩ་གཅིག་གི་དོ་ཤལ་བྱས་པ། མེ་ཏོག་གི་ཕྲེང་བ་དང་། དྲིལ་བུ་གཡེར་ཁ་དང་། རུས་པའི་རྒྱན་ཆ་དུ་མས་བརྒྱན་པ། འཁོར་འདས་གཉིས་ཀྱི་མཐའ་ལ་མི་གནས་པའི་ཕྱིར་གདན་པདྨ་དང་། རོ་དང་། ཉི་མའི་དཀྱིལ་འཁོར་གྱི་སྟེང་ན་ཞབས་བརྐྱང་བསྐུམ་དུ་བཞུགས་པར་བསྒོམ་མོ། །དེའི་སྤྱི་བོར་ཡི་གེ་ཧ་ལས་རྡོ་རྗེ་མཁའ་འགྲོ་མ་སྐུ་དོག་མཐིང་ཁ་ཕྱག་གཡས་ན་རྡོ་རྗེས་མཚན་པའི་གྲི་གུག་དང་། གཡོན་ན་ཐོད་པ་ཁྲག་གིས་བཀང་བ་བསྣམས་པ། མཆན་ཁུང་ན་ཡར་ལ་ཁ་ཊྭཱཾ་ག་བསྒྲེང་བ། འཁོར་རྒྱན་ཆ་ལུགས་དེ་ལྟ་བུ་སུམ་བཅུ་རྩ་གཉིས་ཀྱིས་བསྐོར་བར་བསམ་མོ། །མགྲིན་པར་རི་ལས་རིན་ཆེན་མཁའ་འགྲོ་མ་སྐུ་མདོག་སེར་མོ་ཕྱག་གཡས་རིན་པོ་ཆེས་མཚན་པའི་གྲི་གུག གཡོན་ན་ཐོད་པ་ཁྲག་གིས་བཀང་བ་དང་། ཁ་ཊྭཱཾ་ག་བསྣམས་པ། འཁོར་རྒྱན་ཆ་ལུགས་དེ་འདྲ་བ་བཅུ་དྲུག་གིས་བསྐོར་
2-2-19a
༄༅། །བར་བསྒོམ་མོ། །སྙིང་གར་ཡི་གེ་ནི་ལས་པད་མ་མཁའ་འགྲོ་སྐུ་མདོག་དམར་པོ་ཕྱག་གཡས་ན་པད་མས་མཚན་པའི་གྲི་གུག །གཡོན་ན་ཐོད་པ་ཁྲག་གིས་བཀང་བ་དང་། ཁ་ཊྭཱཾ་ག་བསྣམས་པ། འཁོར་རྒྱན་ཆ་ལུགས་དེ་ལྟ་བུ་བརྒྱད་ཀྱིས་བསྐོར་བར་བསྒོམ། ལྟེ་བར་ཡི་གེ་ས་ལས་ལས་ཀྱི་མཁའ་འགྲོ་མ་སྐུ་མདོག་ལྗང་གུ་གཡས་ན་རལ་གྲི། གཡོན་ན་ཐོད་པ་དང་ཁ་ཊྭཱཾ་ག །འཁོར་རྒྱན་ཆ་ལུགས་དེ་དང་འདྲ་བ་དྲུག་བཅུ་རྩ་བཞིས་བསྐོར་བར་བསམ་མོ། །གཙོ་མོའི་གསང་གནས་སུ་ཆོས་འབྱུང་གྲུ་གསུམ་གྱི་དབུས་སུ་ཡི་གེ་ཧྲིཿདམར་པོ་གཅིག་བསམ། འཁོར་བཞིའི་མཁའ་འགྲོ་མ་བཞིའི་ཐུགས་ཀར་ཧ་རི་ནི་ས་བསམ༑ ཡི་གེ་ལྔ་ལས་འོད་ཟེར་འཕྲོས་པས་རང་བཞིན་གྱི་གནས་ནས་རྗེ་བཙུན་རྡོ་རྗེ་རྣལ་འབྱོར་མ་རིགས་བཞི་མཁའ་འགྲོ་མའི་ཚོགས་དང་བཅས་པ་རྣམས་སྤྱན་དྲངས་ལ་མདུན་གྱི་ནམ་མཁར་བཞུགས་པར་བསམ༑ དེ་རྣམས་ཀྱི་སྐུ་ལས་རྗེ་བཙུན་མ་གཙོ་འཁོར་གྱི་སྐུ་དཔག་ཏུ་མེད་པ་བྱོན་ནས། རང་གི་སྤྱི་བོར་ཐིམ་པས་བདེ་བ་དང་ནུས་པ་བསྐྱེད་པར་བསམ། དེ་རྣམས་ཀྱི་གསུང་ལས་སྔགས་ཨཱ་ལཾ་ཀཱ་ལཾ་དཀར་པོ་དང་དམར་པོའི་ཕྲེང་བ་བྱོན་ནས། རང་གི་མགྲིན་པར་ཐིམ་པས་མཐུ་དང་ནུས་པ་བསྐྱེད་པར་བསམ། དེ་རྣམས་ཀྱི་ཐུགས་ལས་བྱང་ཆུབ་སེམས་ཀྱི་ཆུ་རྒྱུན་ཡེ་ཤེས་ལྔའི་རང་བཞིན་བྱོན་ནས་སྙིང་གར་ཐིམ་པས་
2-2-19b
བདེ་སྟོང་གི་ཡེ་ཤེས་རྒྱུད་ལ་སྐྱེས་པར་བསམ། དེ་ནས་ལྷ་མོ་རྣམས་རང་རང་གི་སྐུ་ལ་ཐིམ་པས་གཉིས་སུ་མེད་པར་བསམ་ལ། གཙོ་མོའི་གསང་གནས་ཆོས་འབྱུང་གྲུ་གསུམ་མེའི་དཀྱིལ་འཁོར་གྱི་དབུས་ན་ཡི་གེ་ཧྲིཿདམར་པོ་ལ་བཻ་རོ་ཙ་ནཱིའི་སྔགས་གཡོན་བསྐོར་དུ་སྦྲུལ་འཁྱིལ་བ་ལྟར་བསམ། གཞན་རྣམས་རང་གི་ཐུགས་ཀའི་ཡི་གེ་གསལ་བཏབ་ལ་བཟླས་པ་བྱའོ། །དེ་ལྟར་ལྷའི་ང་རྒྱལ་གསལ་བར་བསྒོམ་མོ། །འོག་རླུང་བསྡམས་ཞིང་བསྒུལ་བསྐྱོད་དྲག་ཏུ་བྱ་བ་ནི། ཕྱིའི་སྲོག་དབང་དུ་བསྡུ་བའོ། །བཟླས་པའི་སྔགས་གསལ་ཞིང་གཏམ་གྱི་བར་མ་ཆོད་པར་བཟླས་པ་ནི། གསང་བ་གསུང་གི་སྲོག་དབང་དུ་བསྡུ་བའོ། །སེམས་མི་རྟོག་པ་ཆོས་ཉིད་ཀྱི་དོན་ལ་མཉམ་པར་བཞག་པ་ནི་ནང་ཐུགས་ཀྱི་སྲོག་དབང་དུ་བསྡུ་བའོ། །དེ་ལྟར་མཁའ་འགྲོ་མའི་སྲོག་སུ་དབང་དུ་བསྡུ་ཞིང་མི་སྡོད་པ་གསུམ་གྱིས་དབང་དུ་བསྡུ་བའོ། །ཐུན་མཚམས་སུ་གནད་གསུམ་ལས་སྐྱོ་ན། ཚོགས་དང་གཏོར་མ་བྱིན་གྱིས་རླབས་ལ་འབུལ། ཏིང་ཏིང་ཤག་དང་ཌ་མ་རུ་འབུལ་ཞིང་བསྟོད་པ་བྱ། གསོལ་བ་བཏབ། བཤགས་པ་བྱ། དེ་ཡང་དུས་ཀྱི་བསྙེན་པ་ནི་རབ་ཟླ་བ་གསུམ། འབྲིང་ལྔ། ཐ་མ་ཡང་བདུན་གྱིས་འགྲུབ་པར་འགྱུར་རོ། །གྲངས་ནི། རབ་འབུམ་ཚོ་ལྔ། འབྲིང་བཅུ། ཐ་མ་ཡང་བཅོ་ལྔས་འགྲུབ་པར་འགྱུར་ཏེ། མཚན་མ་ནི། མ་དང་སྲིང་མོ་ལ་སོགས་
2-2-20a
༄༅། །པའི་བུ་མོ་དང་། བུད་མེད་ཆས་བཟང་པོ་དང་བཅས་པའི་བུད་མེད་རྣམས་ཀྱིས་གླུ་ལེན་པ་དང་། ཤོན་རྩེ་བ་དང་། ཕྱག་དང་བསྐོར་བ་བྱེད་པ་དང་། བཟའ་བཏུང་འདྲེན་པ་དང་། བག་འབེབས་པ་རྣམས་གྲུབ་པའི་རྟགས་ཡིན་ནོ། །ཕོ་མོ་འདྲེས་མར་བྱུང་ན་ཆོ་འཕྲུལ་སྟོན་པ་ཡིན་པས་ཏིང་ངེ་འཛིན་སྤར་རོ། །ཕོ་ཉི་ཚེ་བྱུང་ན་རྒྱལ་པོའི་བར་ཆད་ཡིན་པས་བདུད་རྩི་ལྔའི་སྦྱིན་སྲེག་བྱ་ཞིང་དགེ་སྦྱོར་དྲག་ཏུ་བྱའོ༑ ༑སྤྲང་པོ་བྱུང་ན་ཐུགས་དམ་མ་བསྐོངས་པ་ཡིན་པས། གཏོར་མ་དང་ཚོགས་ཀྱི་འཁོར་ལོ་བྱ། ཡུགས་ས་མོ་བྱུང་ན་རྣལ་འབྱོར་པ་ལ་བར་ཆད་བྱུང་དོགས་ཡོད་པས་རྐྱེན་བཟློག་དང་སྦྱིན་སྲེག་བྱའོ། །མཛེ་མོ་བྱུང་ན་དམ་ཚིག་ཉམས་པ་ཡིན་པས་ཚོགས་འཁོར་དང་བཤགས་པ་བྱ་། བུད་མེད་མང་པོ་ཕྱི་ལ་གྱེས་ནས་འདུག་ན་བསྒྲུབ་པ་ལ་ལེ་ལོ་སོང་བ་ཡིན་པས་བརྩོན་འགྲུས་དྲག་ཏུ་བྱའོ། །ཤོ་རེ་མར་བྱུང་ན་གསང་བ་གཞན་ལ་སྨྲས་པ་ཡིན་པས་ཕྱིས་མི་སྨྲ་བ་དང་བཤགས་པ་བྱ། མཁའ་འགྲོ་མ་རྣམས་ཀྱིས་ཆོས་གསུང་པ། ལུང་སྟོན་པ་དང་། སྐུ་མཐོང་བ་དང་། ཌཱ་མ་རུའི་སྒྲ་སྒྲོག་པ་དང་། ཆང་གི་རྒྱུན་འབབ་པ་དང་། ཉིན་མོ་མི་འདུ་བ་དང་། མཚན་མོ་མཁའ་འགྲོ་མ་འདུ་བ་དང་། ནང་ནུབ་ཟས་འདུ་བ་དང་། ལུས་ལ་བདེ་བ་འབར་བ་དང་། ངག་ལ་ནུས་པ་འབར་བ་དང་། སེམས་ལ་རྟོགས་པ་འཆར་བ་དང་། གཞན་གྱི་ལུས་ངག་
2-2-20b
ཡིད་གསུམ་བྱིན་གྱིས་བརླབ་ནུས་པ་དང་། སྡུག་བསྔལ་ལ་སྲན་ཚུགས་པ་དང་། ཉམས་ལ་ཡན་ཚུགས་པ་དང་། གདམས་ངག་ལ་རང་བྱན་ཚུད་པ་དང་། ཕྱི་དྲོད་ལུས་ཡོད་དུ་མི་ཚོར་བ་དང་། ནང་གི་དྲོད་དབུགས་རྒྱུ་བ་མི་ཚོར་བ་དང་། གསང་བའི་དྲོད་རྟོགས་པ་ལ་གསལ་འགྲིབ་མེད་པ་འབྱུང་བར་འགྱུར་རོ། །དེ་དག་ནི་ཁྱད་པར་གྱི་རྟགས་ཐོབ་པའོ། །དེ་ལྟ་བུའི་རྣལ་འབྱོར་པས་ལུས་ངག་ཡིད་གསུམ་སྐད་ཅིག་ཀྱང་ཐ་མལ་དུ་མི་སྡོད་པས་གནད་གསུམ་གྱིས་བསྐུལ། དབང་པོ་སྒོ་ལྔ་ཡན་པར་མི་གཏོང་པར་མི་རྟོག་པའི་ངང་དུ་ཡ་ང་ཆེད་བཟུང་མེད་པར་ངར་ཅན་གྱི་རིག་པས་དབང་བསྐུར། གནས་དང་གྲོགས་དང་ཟས་དང་གོས་ནོར་ལ་སོགས་པ་འཇིག་རྟེན་ཆོས་བརྒྱད་ཀྱི་ཞེན་པ་སྤོངས་ལ། མི་ཕོད་པའི་རྟོག་པ་གང་བྱུང་བ་དེ་ལ་ཐོག་རྫིས་བྱ། འཁྲི་བ་བཙན་ཐབས་སུ་བཅད། རང་གི་སེམས་ཉིད་ཆོས་ཀྱི་སྐུ་སྐྱེ་བ་མེད་པ་དེ་རྟོགས་པའི་ངར་དང་ལྡན་པས་མཉམ་བཞག་དང་རྗེས་ཐོབ་མེད་པར་ཉམས་སུ་བླང་བར་བྱའོ། །དེ་ལྟར་ཉམས་སུ་བླངས་པས་ཕྱིའི་ས་དང་ཆུ་དང་མེ་དང་རླུང་ལས་གྲུབ་པའི་དངོས་པོ་རྣམས་དབང་དུ་འདུས་པས༑ ནང་སྡེ་བཞིའི་མཁའ་འགྲོ་མ་རྣམས་དབང་དུ་འདུ། དེ་དབང་དུ་འདུས་པས་སྐྱེས་པ་དང་བུད་མེད་ལ་སོགས་པའི་འགྲོ་བ་རྣམས་དབང་དུ་འདུ། གསང་བ་འཁོར་ལོ་བཞིས་དགའ་བ་བཞི་དབང་དུ་འདུས་
2-2-21a
༄༅། །པས། སྐུ་བཞི་དང་ཡེ་ཤེས་ལྔ་ཤར་ནས་ཚེ་འདི་ཉིད་དུ་མཆོག་དང་ཐུན་མོང་གི་དངོས་གྲུབ་ཐོབ་པར་འགྱུར་རོ། །ད་ནི་སྒྲུབ་ཐབས་ཀྱི་ཡན་ལག་གི་དོན་བསྟན་པར་བྱ་སྟེ། དེ་ལ་དང་པོ། ནད་ལ་སྨན་དང་འདྲ་བར་སྤྱད་ཅེས་པ་ནི། སའི་སྐྱོན་གྱིས་ལུས་ལྕི་ཞིང་བྱིང་ན། ལུས་ཁྲུ་མ་ཕུས་བཏབ་པ་ལྟར་སོང་བར་བསམ། རླུང་སྦྱང་། ཆུ་ཡིས་སྐྱོན་གྱིས་ལུས་གྲང་ཞིང་འདར་ན་གཏུམ་མོའི་མེ་སྦར། མེའི་སྐྱོན་གྱིས་ཚ་ཞིང་བརྩེ་ན་བྱང་ཆུབ་ཀྱི་སེམས་ཀྱི་ཐིག་ལེས་དགང་། རླུང་གི་སྐྱོན་གྱིས་ཡང་ཞིང་འཁྱོམ་ན་ལུས་ངལ་གསོས་ལ་འོག་སྒོ་སྟོང་པར་འབྱེད། ཁོལ་བུར་ན་བ་ལ་སྟོང་པར་བྱས་ལ་རིག་པ་རྣོན་པོ་ངར་དང་བཅས་པས་ཐོག་བབས་སུ་བཞག །ལག་མཐིལ་ལ་ཡི་གེ་བཞི་པ་བྲིས་ལ་ན་སར་གླན། ཁོང་དུ་སྔགས་ཆུའི་སྦྱོར་བ་བྱ། རྨ་བྱུང་ན། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་འུབ་འུབ། འདུས་འདུས་སུམ་སུམ་སརྦ་ནན་རྦད༑ སྔགས་དེ་བཏབ་ལ་དྲི་ཆེན་དང་། དྲི་ཆུ་དང་། ཚ་ཚ་རབ་གནས་བྱས་པའི་ས་དང་བསྲེས་ལ་རྨ་ལ་བྱུགས། དཀྲིས་མ་མི་བྱ། སྨན་པ་ལ་མི་བསྟན་ནོ། །ཐམས་ཅད་ལ་ངེས་ཤེས་སོ་མའི་སྒོ་ནས་གསོལ་བ་བཏབ༑ མ་རིག་པ་བརྡར་ཤ་བཅད། ཡེ་ཤེས་རྒྱ་བསྐྱེད། མི་གསལ་བ་གསལ་གདབ། རྡོ་རྗེའི་གླུ་བླང་ཞིང་ནད་དགེ་སྦྱོར་དུ་ཤེས་པར་བྱའོ། །ལྟོགས་ན་ཏིང་ངེ་འཛིན་ཟས་སུ་ཟ་བ་ནི། ཟས་བྱུང་བ་མི་དགག་
2-2-21b
ཆེད་དུ་མི་བཟུང་། མེད་ཀྱང་རྩོལ་བསྒྲུབ་མི་བྱ་བར། རང་གི་ལུས་མཁའ་འགྲོ་མའི་དཀྱིལ་འཁོར་དུ་བཞུགས་པའི་སྙིང་གི་དཀྱིལ་དུ་ཡི་གེ་ཧཱུྃ་དཀར་པོ་གཅིག་ཏུ་བསྒོམ། དེ་ཡོངས་སུ་གྱུར་པ་ལས་བདུད་རྩིའི་ལྷ་མོ་སྐུ་མདོག་དཀར་མོ་ཕྱག་གཡས་ན་ཤེལ་གྱི་གྲི་གུག །གཡོན་པ་ན་ཐོད་པ་བདུད་རྩིས་གང་བ་བསྣམས་པ་གཅིག་ཏུ་བསྒོམ། དེ་ནས་གྲི་གུག་གིས་རང་གི་སྙིང་དཀར་ནག་མཚམས་ན་ཕར་ལ་རྦད་ཀྱིས་བཅད་པའི་རྩ་གསུམ་སྦུ་གུ་ཧྲོག་གེ་ཡོད་པའི་ནང་ནས་བདུད་རྩི་ལུད་པས་རང་གི་ལུས་ཀྱི་ནང་ཟག་མེད་ཀྱི་བདུད་རྩིས་གང་ཞིང་སྙིང་གི་ནང་ནས་ཕྱིར་ལུད་པས། ལུས་ཀྱི་ནད་ཐམས་ཅད་ཡེ་ཤེས་ཀྱི་བདུད་རྩི་འོ་མའི་རྒྱ་མཚོ་ལྟ་བུས་གང་བས་བཅུད་རྒྱས་ཤིང་ནད་དང་སྒྲིབ་པ་ཐམས་ཅད་དག་ནས་བདེ་སྟོང་གི་ཏིང་ངེ་འཛིན་རྒྱུད་ལ་སྐྱེས་པར་བསམ་ལ། བདུད་རྩིའི་རྒྱུན་སྦྱོར་བརྟེན་པ་དང་། དངུལ་ཆུ་དང་ཅོང་ཞི་ལ་སོགས་པའི་བཅུད་ལེན་གྱི་རྫས་གང་ཡང་རུང་བ་ལ། རླུང་གི་མེ་བུས་ནས་སྦར་བ་དང་། ཡི་གེ་གསུམ་གྱིས་བྱིན་གྱིས་བརླབས་ལ་ལོངས་སྤྱད་པར་བྱའོ། །འཁྱགས་ན་ཏིང་ངེ་འཛིན་གོས་སུ་གོན་པའི་མན་ངག་ནི། བྱང་ཆུབ་ཀྱི་སེམས་བསྐྱེད་པ་སྔོན་དུ་འགྲོ་བས། རང་ཉིད་རྗེ་བཙུན་མའི་དཀྱིལ་འཁོར་གསལ་བཏབ་ལ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པར་བསམ། རྐང་པ་རེ་མིག་ལྟར་བསྣོལ། ལག་པ་རྒྱ་
2-2-22a
༄༅། །མདུད་ལྟར་བསྡམ། སྒལ་ཚིགས་པ་མདའ་ལྟར་བསྲང་། མགྲིན་པ་གཞུ་ལྟར་དགུག །སྟེང་རླུང་མནན། འོག་རླུང་དྲངས། བར་རླུང་དཀྲུག །གསང་གནས་ནས་རཾ་དམར་ནག་གཅིག་ལ་མེ་འབར་བས་ལུས་ཀྱི་ཕྱི་ནང་ཐམས་ཅད་ཡེ་ཤེས་ཀྱི་མེའི་ཆེན་པོ་གཅིག་ཏུ་བསམ་ལ། མར་རྙིང་དང་ཏིལ་མར་དང་ཆང་ལ། ཨོཾ་བཛྲ་བཻ་རོ་ཙ་ན་ནཱི་ཡེ་ཧ་རི་ནི་ས་མཉྩ་མུཉྩ་ཏྲི་ཙི་རཾ་རཾ་ཧཱུཾ་ཧཱུཾ་ཕཊ། ཞེས་ཁྲི་ཚོ་ལྔ་བཟླས་ལ་ལུས་ལ་བྱུགས་པས་ཕྱིའི་མེ་དཔུང་གསོས་པར་བསམ། རང་གི་དྲི་ཆུ་ལ་བཏབ་ལ་ཁོང་དུ་བཏུངས་པས་ནང་གི་མེ་གསོས་པར་བསམ། རས་ཁ་ཚར་མ་ཉམས་པ་གཅིག་བྱིན་གྱིས་རླབས་ལ་གྱོན། རབ་ཞགས་གསུམ༑ འབྲིང་ལྔ། ཐ་མ་ཡང་ཞག་བདུན་གྱིས་འགྲུབ་པར་འགྱུར་རོ། །ལམ་དུ་ཞུགས་པ་ལ་སོགས་པར་འཇིགས་ན་སྐྱབས་སུ་སྤྱད་པའི་གདམས་ངག་ནི། ཕྱོགས་གང་དུ་འགྲོ་བའི་དུས་སུ། ཕྱོགས་ཀྱི་མཁའ་འགྲོ་མ་དེ་ལ་ཁྱད་པར་དུ་སྐྱབས་སུ་འགྲོ། མཚམས་སུ་འགྲོ་བའི་དུས་སུ་སྐྱབས་སངས་རྒྱས་མཁའ་འགྲོ་མ་ལ་བྱ། རང་ཉིད་རྗེ་བཙུན་མའི་དཀྱིལ་འཁོར་གསལ་གདབ། འཁོར་ལས་ཀྱི་མཁའ་འགྲོ་མས་སྟོང་གསུམ་ཁེངས་པར་བསམ། གང་དུ་འགྲོ་བ་ཚུན་ཆད་ཀྱི་ས་རྡོ་རི་བྲག་རྩི་ཤིང་ནགས་ཚལ་ཐམས་ཅད་རལ་གྲི་ཆེན་པོ་གཅིག་ཏུ་བསྒོམ་ལ། དེའི་སྟེང་དུ་ཕར་ལ་རླུང་གཡོན་ནས་རྒྱུ་བའི་དུས་སུ་རྐང་པ་གཡོན་པ་
2-2-22b
སྔོན་ལ་དོར་རོ། །གལ་ཏེ་དགྲ་བྱུང་ན་ལག་པ་གཡོན་པའི་མཐེ་བོང་དགྲར་བསམ་ལ་ནང་དུ་བཀུག །སོར་མོ་བཞི་པོ་སྡེ་བཞིའི་མཁའ་འགྲོ་མ་བཞིར་བསམ་ལ། མཐེ་བོང་རླུང་དང་བསྟུན་ལ་བསྡམ། ཨོཾ་བཛྲ་བཻ་རོ་ཙ་ནི་ཡེ་ཧ་རི་ནི་ས་ཙོ་ར་ལེ་ཙོ་ར་བྷ་ག་བན་དྷ་སརྦ་མུ་ཁ་བནྡྷ་ཆོམ་རྐུན་ཆིངས་ཤིག་སྭཱ་ཧཱ། ཞེས་བཟླས་པས་གོམ་པ་བདུན་ཡང་བོར་བར་མ་ནུས་སོ། །གནོད་སྦྱིན་ཕོ་མོའི་བར་ཆད་བྱུང་ན་བརྟུལ་ཞུགས་ཀྱི་སྤྱོད་པ་ལམ་དུ་འཁྱེར་བ་ནི། རང་ལུས་རྗེ་བཙུན་མའི་དཀྱིལ་འཁོར་གསོལ་གདབ། སྤྱི་བོར་བླ་མ་བསྒོམ། ཚོགས་དྲུག་གི་སྣང་བ་ཐམས་ཅད་རང་གི་སེམས་ཆོས་ཀྱི་སྐུར་རྟོགས་པའི་གདེང་དང་ལྡན་པས། དཔའ་ཆེ་བ་སྟག་ལྟ་བུ་དང་། གང་ལའང་བག་ཚ་བ་དང་ཉམས་ང་བ་མེད་པ་སེང་གེ་ལྟ་བུ་དང་། དམིགས་པ་རྣོ་ཞིང་མྱུར་ལ་འཁྱུག་པ་གློག་ལྟ་བུ་དང་། རིག་པ་ངར་དང་བཅས་ཤིང་རྩལ་སྦྱངས་པ་ཐོག་ལྟ་བུ་དང་༑ སྔགས་ཀྱི་སྒྲ་དྲག་ཅིང་དཔའ་བ་འབྲུག་ལྟ་བུ་དང་། གང་ལ་ཡང་གཟའ་གཏད་མེད་པར་གྲོལ་བ་སྨྱོན་པ་ལྟ་བུ་དང་། ཆགས་ཞེན་དང་གཟུང་འཛིན་གྱི་མདུད་པ་གྲོལ་བ་ནམ་མཁའ་ལྟ་བུའི་རྟོགས་པ་དང་ལྡན་པས་ཤེས་པ་ཀག་ལངས་སུ་བསླང་ལ་བརྟུགས་ཐུག་ཕྲད་དུ་བརྡེག །ནད་ལ་གཟིར། གདོན་ལ་གཟིར། ཉོན་མོངས་པ་ལ་གཟིར་བར་བྱའོ། །དེ་ལྟ་བུའི་བརྟུགས་ཀྱི་དགོས་པ་ནི་སྤང་བྱ་དང་གཉེན་པོ་
2-2-23a
༄༅། །གཉིས་སུ་མེད་པར་འཆར་བར་འགྱུར་རོ། །རྡོ་རྗེ་ཧཱུྃ་གི་དམ་ཚིག་གིས་མཁའ་འགྲོ་མ་གནད་ནས་བསྐུལ་བ་ནི། རང་གི་ལུས་རྗེ་བཙུན་མར་གསལ་བཏབ་པའི་སྤྱི་བོར་སེང་གེའི་ཁྲི་དང་། སྣ་ཚོགས་པད་མ་དང་ཉི་མ་དང་ཟླ་བའི་སྟེང་དུ། རྩ་བའི་བླ་མ་དུས་གསུམ་གྱི་སངས་རྒྱས་ཉིད་དུ་བསྒོམ། འཁོར་ལོ་བཞིའི་མཁའ་འགྲོ་མ་རྣམས་གསལ་གདབ། ལྟེ་བའི་འོག་རྩ་གསུམ་འདུས་པའི་མདོར་ཆོས་འབྱུང་གི་དབུས་སུ་རྡོ་རྗེ་དམར་པོ་རྩེ་ལྔ་པ་མཚོན་གང་བ་གཅིག་བསམ། དེའི་ལྟེ་བ་ལ་ཧཱུཾ་མཐིང་ནག་ནས་འབྲས་ཙམ་གཅིག་བསམ། སེམས་རྣམ་པར་མི་རྟོག་པ་ཆོས་ཉིད་ཀྱི་ངང་དུ་མཉམ་པར་བཞག་ལ། ལུས་བསྒུལ་བསྐྱོད་བྱས་ལ། ངག་ཏུ་ཧཱུྃ་བརྗོད་པས། རྡོ་རྗེ་ལྟེ་བའི་ཧཱུྃ་མཐིང་ཁ་དེ་རྡོ་རྗེ་ཁོང་སེང་ནས་ཐོན། དྷཱུ་ཏཱིའི་ནང་ནས་ཡར་ཞུགས་ནས་ལྟེ་བའི་ལས་ཀྱི་མཁའ་འགྲོ་མ་རྣམས་ཀྱི་ཐུགས་དམ་གནད་ནས་བསྐུལ་བས། བདེ་སྟོང་གི་ཏིང་ངེ་འཛིན་རྒྱུད་ལ་ལྷང་ལྷང་སྐྱེས་པར་བསམ་མོ། །དེ་ནས་ཧཱུཾ་དེ་པདྨ་མཁའ་འགྲོའི་གསང་གནས་ནས་དྷཱུ་ཏཱི་ནས་ཡར་བྱོན་ནས་སྙིང་རྗེའི་པདྨ་མཁའ་འགྲོ་མ་རྣམས་ཀྱི་ཐུགས་དམ་གནད་ནས་བསྐུལ་བས་སྔར་ལྟར་བདེ་སྟོང་གི་ཡེ་ཤེས་རྒྱུད་ལ་སྐྱེས་པར་བསམ། དེ་ནས་ཧཱུཾ་དེ་པདྨ་མཁའ་འགྲོའི་སྤྱི་བོ་ནས། རིན་ཆེན་མཁའ་འགྲོའི་གསང་གནས་ནས་ཡར་བྱོན་ནས་མགྲིན་པའི་རིན་ཆེན་མཁའ་འགྲོ་མ་
2-2-23b
རྣམས་ཀྱི་ཐུགས་དམ་གནད་ནས་བསྐུལ། བདེ་སྟོང་གི་ཡེ་ཤེས་རྒྱུད་ལ་སྐྱེས་པར་བསམ། དེ་བཞིན་དུ་ཧཱུྃ་སྤྱི་བོར་བྱོན་པས་རྡོ་རྗེ་མཁའ་འགྲོ་མ་རྣམས་ཀྱི་ཐུགས་དམ་གནད་ནས་བསྐུལ་བས་བདེ་སྟོང་གི་ཡེ་ཤེས་རྒྱུད་ལ་སྐྱེས་པར་བསམ། དེ་ནས་ཧཱུཾ་དེ་ཚངས་པའི་བུ་ག་ནས་ཐོན་ནས་སྤྱི་བོའི་བླ་མ་ལ་གཡོན་དུ་བསྐོར་བ་བྱས་པས། བླ་མའི་སྐུ་གསུང་ཐུགས་ཡེ་ཤེས་ཀྱི་བདུད་རྩི་ཞུ་ནས། ཧཱུྃ་གིས་དྲངས་པས་སྤྱི་བོ་དང་༑ མགྲིན་པ་དང་། སྙིང་ཁ་དང་། ལྟེ་བ་དང་། གསང་གནས་ཡན་ཆད་གང་བར་བསམ། ཧཱུྃ་དེ་རིམ་གྱིས་གསང་གནས་ཀྱི་རྡོ་རྗེ་ལ་ཐིམ་པས། རྩ་དབུ་མའི་ནང་ནས་ཡར་འོད་དམར་ལམ་ལམ་བྱུང་བར་བསམ་ཞིང་། ཕོ་རླུང་སྣ་བུག་གཡས་ནས་རྒྱུ་བའི་དུས་སུ་སེང་གེའི་སྐད་ལྟར་དྲག་ལ་ཐུང་བར་བགྲང་། མོ་རླུང་གཡོན་ནས་རྒྱུ་བའི་དུས་སུ་ངང་པའི་སྐད་ལྟར་ཕྲ་ལ་རིང་བར་བགྲང་། མ་ནིང་གི་རླུང་མཉམ་པར་རྒྱུ་བའི་དུས་སུ་བྱུང་བའི་སྐད་ལྟར་བགྲང་། དེ་ལྟར་རང་གིས་བགྲངས་པས་རིགས་བཞིའི་མཁའ་འགྲོ་མ་ཐམས་ཅད་ཀྱིས་དེ་རི་རི་འདྲེན་པར་བསམ་ཞིང་། རླུང་ཁ་ཡན་དུ་མི་གཞུག །རྩ་ཁ་ཟུབས་སུ་མི་གཞུག །བདེ་སྟོང་གི་ཉམས་མྱོང་ཡལ་དུ་མི་གཞུག་པར་བགྲང་བར་བྱའོ། །ལམ་དུ་རྟེན་འབྲེལ་གང་འཐད་བསྒྲིག་པ་ནི། མཐོང་བའི་ཡུལ་གཟུགས་དང་། ཐོས་པའི་སྒྲ་ལ་སོགས་པའི་གནད་ཀྱིས་དགའ་བ་དང་ལེགས་
2-2-24a
༄༅། །པ་ཡིད་དུ་འོང་བ་བྱུང་ན་བཟང་། ངན་པ་དང་མི་བདེ་བ་བྱུང་ན་མི་འགྲོ་བའི་ཕྱོགས་སུ་འགྲོ། སྔགས་ཡར་ལ་བཟློག་ལ་བཟླས་སོ། །ལམ་དུ་ཞུགས་པའི་དུས་སུ་ཕྱོགས་བཞིར་གོམས་པ་བཞི་བཞི་བོར་ལ། ཨོཾ་བཛྲ་བཻ་རོ་ཙ་ནི་ཡེ་ཧ་རི་ནི་ས། བདུད་དང་བར་ཆད་ཐམས་ཅད་ལས་རྒྱལ་པོ་བྱས་ལ་འགྲོ་བར་བྱའོ། །ནད་པ་ལ་བྱིན་རླབས་བྱེད་ན་ཡང་། ཡུལ་གྱི་སྔ་ལྟས་ནི་བསམ་རྒྱུད་ངན་པ་དང་། གཉིད་བྲོ་བ་དང་། གཟུགས་དང་སྒྲ་མ་ལེགས་པ་མཐོང་ཐོས་པ་དང་། མཐོང་ན་རྟེན་འབྲེལ་ངན་པས་སྤང་ངོ་། །ཤེས་པ་དགའ་བ་དང་། དེར་འགྲོ་འདོད་པ་དང་། གཟུགས་དང་སྒྲ་ལ་སོགས་པ་མཐོང་ཞིང་ཐོས་ན་བྱིན་རླབས་བྱའོ། །ནང་གི་རྟེན་འབྲེལ་ལ་ནི། ཏིང་ངེ་འཛིན་གང་གསལ་གྱིས་ཤེས་པར་བྱའོ། །གསང་བའི་རླུང་གཡོན་གནས་ཀྱི་རྒྱུ་ཚུལ་དང་། མཇུག་ལྡང་གཉིས་ལ་བརྟག་པར་བྱའོ། །རིགས་ལྔའི་ཕྱག་རྒྱ་མོ་ལམ་དུ་བྱ་བའི་གདམས་ངག་ནི། བསྙེན་བསྒྲུབ་ཚད་དུ་བསྐྱོལ་ནས་སྔར་གྱི་སིནྡྷུ་རས་སྨིན་མཚམས་སུ་དགའ་བ་འཁྱིལ་པ་རེ་རེ་བྲི། དངོས་གྲུབ་ཀྱི་ཐོད་པ་དེ་དར་དམར་པོས་དྲིལ་ལ་མཆན་ཁུང་དུ་བཅངས། ཁ་ཊྭཱཾ་ག་དང་ཌཱ་མ་རུ་ཁྱེད་ལ་ཕྱོགས་ཐམས་ཅད་དུ་ཕྱིན་པས་ལུས་ཡེ་ཤེས་ཀྱི་མཁའ་འགྲོ་མ་བུད་མེད་ཀྱི་རྣམ་པར་བཞུགས་པ། དད་པ་དང་ཤེས་རབ་དང་སྙིང་རྗེ་ཆེ་བ་དང་། མཛེས་ཤིང་ལང་ཚོ་རྒྱས་པ། རྐང་པ་
2-2-24b
དང་ལག་པ་གཡོན་སྔོན་དུ་བསྐྱེད་མཛད་པ། སེན་མོ་དང་ཤ་རྩ་དམར་ལ་དཀར་བའི་མདངས་ཆགས་པ། སྐྲ་སེར་ལ་ལི་བ། སྐད་སྙན་པ། ལུས་ཕྲ་ལ་དྲི་ཞིམ་པ་བྲོ་བ། དཔྲལ་བ་ན་ཁྲོ་གཉེར་གསུམ་ཡོད་པ། སྨིན་མཚམས་སུ་དགའ་བ་འཁྱིལ་པ་ཡོད་པ་མཐོང་ན། ཧེ་རུ་ཀའི་ང་རྒྱལ་ལ་གནས་པས་གཡོན་ཕྱོགས་ནས་བསྐོར་བ་བྱས་ཏེ་རྐང་པའི་སྲིན་ལག་འོག་གི་ས་ལ། ཨོཾ་བཛྲ་བཻ་རོ་ཙ་ནི་ཡེ་ཧ་རི་ནི་ས་ནིག་ནལ་ནིག་ནལ༑ པྲ་མོ་ཐུན་པྲ་མོ་ཐུན། སེམས་རྩ་མྱོས། ཧ་ང་ཧ་ང་། ཧིང་ཧིང་། ཧུ་རུ་ཧུ་རུ། ཙག་ཙག །ཀུ་ལུ་ཀུ་ལུ། ཨ་ཀརྵ་ཡ་ཧྲིཿཛཿ ཞེས་བཟླས་ཏེ་སྤྱི་གཙུག་ཏུ་བཏབ་ལ་ཡི་གེ་ཧྲིར་བསྡུས་ཏེ། རང་ཧེ་རུ་ཀའི་ང་རྒྱལ་གྱིས་ཐུགས་ཀར་མང་པོ་བསྟིམ་མོ། ཁུགས་ནས་ཕྱག་རྒྱའི་ལུས་ལ་དྲི་བཟང་གིས་བྱུགས། རྒྱན་གྱིས་བརྒྱན་ཏེ་ཡིད་དང་འཐུན་པར་བྱས་ལ། དང་པོ་གཟུགས་དང་སྒྲ་དང་དྲི་དང་རོ་དང་རེག་བྱ་ལ་བསླབ་ཅིང་ཐིག་ལེ་དབབ། བདེ་བ་བསྒོམ། བར་དུ་བསྐྱིལ། བདེ་བ་རྒྱས་ནས་བཟློག་པར་བྱའོ། །དེ་ནས་རང་ཧེ་རུ་ཀའི་ང་རྒྱལ་གྱིས། བཾ་{བོ}[*]ལ་རྡོ་རྗེ་སྔོན་པོ་ཧཱུཾ་གིས་མཚན་པར་བསམ། རིག་མ་ཕག་མོར་གསལ་བར་བསྒོམ་པའི་ཀ་ཀོ་ལ་ཆོས་འབྱུང་དམར་པོ་གྲུ་གསུམ་པ་ཧྲིཿམཚན་པར་བསམ་ལ་གཉིས་སུ་མེད་པར་སྦྱར་ལ། རྡོ་རྗེའི་རྩེ་མོ་ཧཱུཾ་ལས་འོད་ཟེར་འཕྲོས། ཆོས་འབྱུང་གི་དབུས་ཀྱི་ཧྲིཿལ་ཕོག །ཧྲིཿལས་མེ་བྱུང་བས་རྡོ་རྗེ་
2-2-25a
༄༅། །ནས་ཡར་བྱོན། དྷཱུ་ཏཱིའི་ནང་དུ་ཞུགས། སྒྲིབ་པ་ལྔ་བསྲེགས་ནས་སྤྱི་བོར་བྱོན་པས། ཧཾ་ལས་བྱང་ཆུབ་སེམས་ཀྱི་ཐིག་ལེ་བཅུ་དྲུག་ཕྱེད་རེ་བབ་སྟེ། འཁོར་བཞིའི་གནས་སུ་རྩ་སྦུབས་སྟོང་པ་མཁའ་འགྲོ་མ་གནས་པའི་ནང་གོང་བས་དགའ་བ་བཞི་རྒྱས་པ་ལ་སེམས་བཟུང་། བདེ་བ་ཆེན་པོ་བསྐྱིལ། རྒྱས་ན་བཟློག་པར་བྱའོ། །ཐ་མར་རིམ་གྱིས་གསང་གནས་རྡོ་རྗེ་རྩ་བར་སླེབས་ནས་གྱེན་དུ་བཟློག་པ་ནི། རྡོ་རྗེའི་བུག་པ་ཕཊ་དམར་ནག་གིས་བཀག་ཅིང་གསང་གནས་ན་ཧཱུཾ་སྔོ་སྐྱ་མགོ་གྱེན་དུ་ལྟ་བ་གཅིག་གིས་རྡོ་ཁབ་ལེན་ལ་ལྕགས་འདུ་བ་བཞིན་དྲང་ཞིང་། ཕཊ་ཀྱིས་ཕུལ་བར་བསམ། ལུས་ཀྱི་འཁྲུལ་འཁོར་མིག་གྱེན་ལ་བཟློག །ལྕེ་ཡར་རྐན་ལ་སྦྱར། ལྟོ་བ་སྒལ་པ་ལ་སྦྱར། ལུས་ཀྱི་གཟེར་བཞི་བསྡམས། ངག་ཏུ་ཧཱུྃ་རིང་བརྗོད་པས། ཐིག་ལེ་རྩ་དབུ་མ་ནས་ཡར་ལ་ན་ར་ར་སོང་ནས་རང་གི་སྤྱི་བོའི་ཧཾ་ལ་ཐིམ་པར་བསམ་ཞིང་དྲང་བ་ནི་སྐར་མདའ་གཅིག་ལ་གཅིག་ཐིམ་པ་ལྟ་བུར་བསྒོམ་པ་བྱའོ། །བཟློག་ན་ལུས་སྐྱིལ་ཀྲུང་བྱས་ནས་ལག་པ་གཉིས་པུས་མོ་ལ་བཀལ་ཏེ། ལུས་གཡས་བསྐོར་དང་གཡོན་བསྐོར་དུ་བསྐོར༑ འོག་རླུང་བསྡམས། སེམས་མི་རྟོག་པ་ཆོས་ཉིད་ཀྱི་ངང་དུ་བཞག་ནས་ལུས་ཀྱི་རྩ་གནས་ཐམས་ཅད་དུ་ཁྱབ་པས། ལུས་བདེ་སྟོང་དབྱེར་མི་ཕྱེད་པའི་ཡེ་ཤེས་ཀྱི་ལུས་སུ་འགྲོ་བར་འགྱུར་ཏེ། ཚེ་འདི་
2-2-25b
ཉིད་དུ་རྫོགས་པའི་བྱང་ཆུབ་ཏུ་སངས་རྒྱ་བར་འགྱུར་རོ། །རིགས་ལྔའི་མཁའ་འགྲོ་མ་རྣམས་ཀྱིས་སོ་སོའི་དམ་ཚིག་བསྲུང་བའི་ཚུལ་ནི་གཞུང་ལས་ཤེས་པར་བྱའོ། །དམ་ཚིག་ཉམས་པ་གསོ་བའི་ཐབས་བས་ནི། ཡར་གྱི་ཚེས་བཅུ་དང་། མར་གྱི་ཚེས་བཅུ་ལ་ཚོགས་ཀྱི་འཁོར་ལོ་དང་། མེ་མཆོད་དང་ཡི་གེ་བརྒྱ་པས་བསྐང་བར་བྱའོ། །དེ་ལྟར་ཉམས་སུ་ལེན་པའི་རྣལ་འབྱོར་པས། རྡོ་རྗེ་མཁའ་འགྲོ་མ་དབང་དུ་མ་འདུས་ན་རྟོགས་པ་མི་སྐྱེ་བས་དུས་རྟག་ཏུ་ཆོས་ཉིད་ཀྱི་དོན་ལ་མཉམ་པར་བཞག་ཅིང་། ཤ་ལྔ་བདུད་རྩི་ལྔ་ལ་ལོངས་སྤྱད། རིན་ཆེན་མཁའ་འགྲོ་མ་དབང་དུ་མ་འདུས་ན། སྣང་བ་ཟིལ་གྱིས་མི་ནོན་པས། བྱ་བ་སྤངས་ལ་རི་ཁྲོད་འགྲིམ། གང་ལའང་ཆགས་ཞེན་མེད་པར་བཏང་། པདྨ་ཌཱ་ཀི་དབང་དུ་མ་འདུས་ན་བདེ་དྲོད་སྐྱེ་བར་མི་ནུས་པས། མེ་མཆོད་བྱ་ཞིང་གཏུམ་མོ་སྦྱར། ལས་ཀྱི་ཕྱག་རྒྱ་གྲོགས་སུ་བསྟེན། ལས་ཀྱི་མཁའ་འགྲོ་དབང་དུ་མ་འདུས་ན། བྱིན་རླབས་ཆུང་ཞིང་འདུ་འཛི་ཉུང་བས། མི་ཕོད་པ་རྫི་ཞིང་འཁྲི་བ་བཅད་པར་བྱ། མཆོག་དང་ཐུན་མོང་དངོས་གྲུབ་བསྒྲུབ་པའི་ཐབས། རྗེ་བཙུན་རྡོ་རྗེ་རྣལ་འབྱོར་མའི་གསང་བསྒྲུབ་ཞལ་གྱི་གདམས་པ་རྫོགས་སོ།། །།
༄། །རྗེ་བཙུན་མའི་གསང་བསྒྲུབ་ཀྱི་དབང་བསྐུར་བའི་ཆོ་ག
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྗེ་བཙུན་མའི་གསང་བསྒྲུབ་ཀྱི་སྒོ་ནས་སློབ་མ་རྗེས་སུ་བཟུང་བ་ནི། རི་ཁྲོད་ལ་སོགས་པ་དབེན་ཞིང་ཉམས་
2-2-26a
༄༅། །དགའ་བའི་གནས་སུ་བསྙེན་པ་བྱ་སྟེ། མཚན་མའི་བསྙེན་པ་རྣལ་འབྱོར་མའི་ཞལ་མཐོང་བ་དང་། བུད་མེད་རྒྱན་ཅན་མང་པོས་གུས་པ་བྱེད་པ་དང་། ཆང་གི་རྒྱུན་འབབ་པ་དང་། ཌཱ་མ་རུའི་སྒྲ་གྲགས་པ་རྣམས་འབྱུང་ངོ་། །གྲངས་ཀྱི་བསྙེན་པ་འབུམ་ཚོ་ལྔ་བསྐྱལ་ལོ། །དེ་ནས་གནས་ཁང་ཕྱག་དར་བྱ་ཞིང་། བླ་བྲེས་འགྲིག་ཡོལ་ལེགས་པ་བྱ། སྐུ་གསུང་ཐུགས་ཀྱི་རྟེན་ལེགས་པར་བཀྲམ། མཎྜལ་མདའ་གང་པ་བྱས་ལ། ཙན་དན་ལ་སོགས་པའི་ཆུས་ཆག་གདབ་དེའི་དབུས་སུ་ཆོས་འབྱུང་དམར་པོ་གྲུ་གསུམ་པ་གཉིས་བྲིས། དེའི་ཕྱི་རོལ་དུ་པདྨ་འདབ་བཞི་ཤར་དཀར་བ། ལྷོ་སེར་བ། ནུབ་དམར་བ། བྱང་ལྗང་གུར་བྲི། དེའི་ཕྱི་རོལ་ཆོས་འབྱུང་དང་བཟླུམ་བསྐོར་བྱ། ཐོད་པའི་ཕྲེང་བ་བཏང་། དེའི་ཕྱི་རོལ་ཕྱོགས་ཚོན་དུ་བྲི་ཞིང་། མེ་རིས་བསྐོར། ཟུར་བཞིར་རྡོ་རྗེ་བཞི་བྲི། དེའི་དབུས་སུ་གྲི་གུག ཤར་དུ་རྡོ་རྗེ༑ ལྷོར་རིན་ཆེན། ནུབ་ཏུ་པདྨ། བྱང་དུ་རལ་གྲི་བྲིའོ། །དེ་ནས་རིན་པོ་ཆེའི་བུམ་པ་ག་དར་བྱས་ལ་བགེགས་བསྐྲད་དེ། ལྔ་ཚན་ལྔའི་བུམ་རྫས་བླུགས། དར་ཁ་དོག་ལྔའི་མགུལ་རྒྱན་སྲོག་ལྔ་ལྡན་པས་ལེགས་པར་བརྒྱན་པ་མཎྜལ་གྱི་དབུས་སུ་བཞག །དེའི་སྟེང་དུ་ཐོད་པ་མཚན་ལྡན་བདུད་རྩི་རིལ་བུ་དང་ལྡན་པའི་ཆང་གིས་བཀང་ལ་བཞག །ཐོད་པ་དེ་དང་དམར་པོའི་ཞལ་བཀབ་པའི་སྟེང་དུ་མེ་ལོང་ལ་སིན་
2-2-26b
དྷུ་ར་བཙགས་ལ་ཆོས་འབྱུང་ཟུར་གསུམ་པ་གཅིག་བྲིས་ལ། དབུས་སུ་ཧྲིཿ ཐ་མ་སྔགས་ཀྱིས་བསྐོར། ཐོད་པའི་སྟེང་དུ་སྔགས་མགོ་རང་ལ་བསྟན་པ་བཞུགས་སུ་གསོལ། །ཤ་སྣ་ཚོགས་པའི་གཏོར་མ་ལྔ་བྱས། ལྷ་བཤོས་ལྔ་བྱས། མར་མེ་ལྔས་བསྐོར། གཞན་ཡང་མཆོད་པ་དང་། རང་གི་མདུན་དུ་ལག་མཆོད་ཀྱི་རྒྱུ་ཐོད་པ་མཚན་ལྡན་ཆང་གིས་བཀང་བ་བཞག །དེ་ལྟར་བཅས་ཐོན་པ་དང་། དཀྱིལ་འཁོར་ཡོལ་བས་བསྐོར༑ རང་ཉིད་སྟན་བདེ་བ་ལ་འཇུག་སྟེ་བྱང་ཆུབ་མཆོག་ཏུ་སེམས་བསྐྱེད་ལ། རྗེ་བཙུན་མ་གཙོ་འཁོར་དང་བཅས་པའི་སྐུ་གསལ་གདབ། མདུན་གྱི་དཀྱིལ་འཁོར་དེ་ཡང་ནུབ་ཕྱོགས་ཨུ་རྒྱན་གྱི་དུར་ཁྲོད་ཀྱི་དབུས་ན་རྗེ་བཙུན་རྡོ་རྗེ་རྣལ་འབྱོར་མ་སྡེ་བཞིའི་མཁའ་འགྲོས་བསྐོར་བའི་དཀྱིལ་འཁོར་གསལ་བར་བསམ། བུམ་པ་དེ་ཡང་བྷྲུཾ་ལས་གཞལ་ཡས་ཁང་གི་དབུས་ན་ཧྲིཿལས་རྗེ་བཙུན་མའི་སྐུར་གསལ་ཞིང་། དེའི་གསང་གནས་སུའང་ཆོས་འབྱུང་གི་དབུས་སུ་ཧྲིཿདམར་པོ་བསམས་ཏེ། དེའི་འོད་ཟེར་གྱིས་ཨུ་རྒྱན་ནས་མཁའ་འགྲོ་མ་རྣམས་ཀྱི་སྐུ་གསུང་ཐུགས་ཀྱི་བདུད་རྩི་སྤྱན་དྲངས་ཏེ། མེ་ལོང་གི་ཧྲིཿལ་ཐིམ། ཧྲིཿལས་བདུད་རྩིའི་ཆར་བབ་པས་ཐོད་པ་ཁེངས། ཐོད་པའི་བདུད་རྩིས་བུམ་པ་ཁེངས་པར་བསམ་ཞིང་། གཙོ་འཁོར་གྱི་བཟླས་པ་བརྒྱ་རྩ་བརྒྱད་ལ་སོགས་པ་གྲུབ་ཚད་དུ་བྱ་ཞིང་། ཐུན་ཐ་མར་སྐུ་དང་ཡི་གེ་
2-2-27a
༄༅། །ཡང་བདུད་རྩིའི་རང་བཞིན་དུ་གྱུར་པར་བསམ། མཆོད་པ་དང་། གཏོར་མ་དང་། བསྟོད་པ་རྣམས་ཀྱིས་མཉེས་པར་བྱའོ། །དེ་ནས་ཡོལ་བའི་ཕྱི་རོལ་དུ་སློབ་མའི་བགེགས་བསྐྲད། སྐྱབས་སུ་འགྲོ་བ་དང་སེམས་བསྐྱེད་པའི་ཆོ་ག་རྒྱས་པར་དབབ། མིག་རས་བཅིངས་ལ་ནང་དུ་གཞུག །བདུད་རྩི་ལྔས་མཎྜལ་ལ་བྱུགས་ཏེ། ཆོས་འབྱུང་དང་པདྨ་སློབ་མའི་གྲངས་དང་མཉམ་པ་བྲིས་ལ། ནས་ཀྱི་ཚོམ་བུ་བཀོད་པ་དེའི་སྟེང་དུ་སློབ་མ་བཞག །དེ་ནས་བླ་མ་དང་རྡོ་རྗེ་རྣལ་འབྱོར་མ་ལ་ཕྱག་བྱ་སྟེ། གསོལ་བ་གདབ་པ་ནི། དུས་གསུམ་སངས་རྒྱས་ཐམས་ཅད་ཀྱི་སྐུའི་ངོ་བོར་གྱུར་པ་བླ་མ་རྡོ་རྗེ་འཛིན་པ་ཆེན་པོ་དང་། རྗེ་བཙུན་རྡོ་རྗེ་རྣལ་འབྱོར་མའི་སྐུ་ལ་སྐྱབས་སུ་མཆིའོ། །དུས་གསུམ་གྱི་སངས་རྒྱས་ཐམས་ཅད་ཀྱི་གསུང་གི་ངོ་བོར་གྱུར་པ་བླ་མ་རྡོ་རྗེ་འཛིན་པ་ཆེན་པོ་དང་། རྗེ་བཙུན་རྡོ་རྗེ་རྣལ་འབྱོར་མའི་གསུང་ལ་སྐྱབས་སུ་མཆིའོ། །དུས་གསུམ་གྱི་སངས་རྒྱས་ཐམས་ཅད་ཀྱི་ངོ་བོར་གྱུར་པ། བླ་མ་རྡོ་རྗེ་འཛིན་པ་ཆེན་པོ་དང་། རྗེ་བཙུན་རྡོ་རྗེ་རྣལ་འབྱོར་མའི་ཐུགས་ལ་སྐྱབས་སུ་མཆིའོ། །བླ་མ་རྡོ་རྗེ་འཛིན་པ་ཆེན་པོ་དང་། རྗེ་བཙུན་རྡོ་རྗེ་རྣལ་འབྱོར་མ་དང་། མཁའ་འགྲོ་མ་རྣམས་ཀྱི་སྐུ་གསུང་ཐུགས་ཀྱི་ཡེ་ཤེས་བདག་ལ་མྱུར་དུ་དབབ་པར་མཛད་དུ་གསོལ། །ཞེས་ལན་གསུམ་གསོལ་བ་བཏབ་པོ། །སློབ་མ་དེའི་སྤྱི་བོར་ཆོས་འབྱུང་
2-2-27b
གི་ཕྱག་རྒྱ་བཅས་ལ། ལུས་རྗེ་བཙུན་མར་བསྒོམས་པའི་ལྟེ་བར་ཆོས་འབྱུང་དམར་པོའི་དབུས་ན་ཧྲིཿལ་སྔགས་ཀྱིས་འཁོར་བ་དེ་གཡོན་བསྐོར་དུ་དྲག་ཏུ་བསྒོམ་དུ་གཞུག །གུ་གུལ་དང་ཚིལ་ཆེན་བསྲེགས་ལ་ཌཱ་མ་རུའི་སྒྲ་དང་། ཨོཾ་བཛྲ་བཻ་རོ་ཙ་ནི་ཡེ་ཧ་རི་ནི་ས་ཨ་བེ་ཤ་ཡ་ཨ་བེ་ཤ་ཡ་ཧྲིཿ ཞེས་དྲག་ཏུ་བརྗོད་པར་བྱའོ། །སྐུ་ལ་བབས་ན་འཕར་བ་དང་། འདར་བ་དང་། གསུང་ལ་བབས་ནས་སང་ཀྲི་ཏའི་སྐད་དུ་སྨྲ། ཐུགས་ལ་བབས་ན་མི་རྟོག་པའི་དོན་སྐྱེའོ། །དེ་ནས་གདོང་གཡོགས་ཕྱེ་ལ་རྗེ་བཙུན་གྱི་དཀྱིལ་འཁོར་བསྟན། དེ་ནས་བླ་མ་ལ་ཕྱག་བྱ་སྟེ། མེ་ཏོག་ཕུལ་ལ་གསོལ་བ་བཏབ་པ་ནི། བླ་མ་རྡོ་རྗེ་འཛིན་པ་ཆེན་པོ་དང་༑ རྗེ་བཙུན་རྡོ་རྗེ་རྣལ་འབྱོར་མ་དང་། མཁའ་འགྲོ་མ་རྣམས་ཀྱི་སྐུ་གསུང་ཐུགས་ཟག་པ་མེད་པའི་ཡེ་ཤེས་ཀྱི་ཆུ་རྒྱུན་གྱིས་དབང་བསྐུར་དུ་གསོལ། །ཞེས་ལན་གསུམ་གསོལ་བ་བཏབ། དེ་ནས་སློབ་དཔོན་གྱིས་ལག་ཏུ་བུམ་པ་ཐོགས་ཏེ། ཧཱུྃ་ཇི་ལྟར་བལྟམས་པ་ཙམ་གྱིས་ནི། ལྷ་རྣམས་ཀྱིས་ནི་ཁྲུས་གསོལ་ལྟར། ལྷ་ཡི་ཆུ་ནི་དག་པ་ཡིས། །རང་བཞིན་དག་པས་སྐུ་ཁྲུས་གསོལ། །ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་བརྗོད་ཅིང་བུམ་པའི་ཆུས་དབང་བསྐུར། དེ་ནས་རྡོ་རྗེ་དང་རིན་པོ་ཆེ་དང་པདྨ་དང་སྣ་ཚོགས་རྡོ་རྗེ་གཏད་ལ། ཉོན་མོངས་པ་ལྔའི་དྲི་མ་དག་ནས་མཁའ་འགྲོ་མ་ལྔའམ་ཡེ་
2-2-28a
༄༅། །ཤེས་ལྔའི་རང་བཞིན་དུ་ཤེས་པར་བྱའོ། །དེས་ལུས་ཀྱི་སྒྲིབ་པ་དག་ཅིང་སྐུ་བསྐྱེད་པའི་རིམ་པ་བསྒོམ་པ་ལ་དབང་ངོ་། །དེ་ནས་ཐོད་པའི་ཆང་འཐུང་དུ་གཞུག །རོ་བདེ་བ་མྱོང་བས་ཙཀྲ་བཞི་ལས་ལུས་ཀྱི་ཙཀྲ་གནས་ཐམས་ཅད་ལ་ཁྱབ་པའི་བདེ་བ་བསྒོམ་དུ་གཞུག་པ་ནི་གསང་བའི་དབང་ངོ་། །དེས་ངག་གི་སྒྲིབ་པ་ཐམས་ཅད་དག་ནས་རྩ་རླུང་ཐིག་ལེ་བསྒོམ་པ་ལ་དབང་། དེ་ནས་སློབ་དཔོན་གྱིས་མེ་ལོང་གི་སིནྡྷུ་ར་སྲིན་ལག་གིས་བཀུས་ཏེ། སྙིང་གར་ཐིག་ལེ་བྱས་ལ། རྡོ་རྗེ་གྲི་གུག་བསྒོམ་དུ་གཞུག །བདེ་བ་དང་སྟོང་པ་དབྱེར་མེད་པའི་ཆོས་ཉིད་སྐྱེ་བ་མེད་པ་ལྷན་ཅིག་སྐྱེས་པའི་ཡེ་ཤེས་ངོས་ཟིན་པ་དེ་ཤེས་རབ་ཡེ་ཤེས་ཀྱི་དབང་ངོ་། །དེས་སེམས་ཀྱི་དྲི་མ་དག་ནས་དགའ་བ་བཞིའི་ཡེ་ཤེས་བསྒོམ་པ་ལ་དབང་ངོ་། །བཞི་པ་ཚིག་དབང་རིན་པོ་ཆེ་ངོ་སྤྲད་པ་ནི། ཁྱོད་རང་གི་སེམས་ཉིད་སྤྲོས་པའི་མཐའ་ཐམས་ཅད་དང་བྲལ་བ་རིག་པ་གཞི་མེད་རྩ་བྲལ་གྱི་ངོ་བོ་ངོས་བཟུང་མེད་པ། སྣང་སེམས་དབྱེར་མེད་ཆོས་ཀྱི་སྐུ་ངོ་ཤེས་པར་གྱིས་ཤིག །ཅེས་ངོ་སྤྲད། དེས་སེམས་ཀྱི་དྲི་མ་དག་ནས། འོད་གསལ་ཟུང་འཇུག་ཕྱག་རྒྱ་ཆེན་པོ་བསྒོམ་པ་ལ་དབང་ངོ་། །དེ་ནས་རྗེས་གནང་བྱེད་པ་ནི། སྤྱི་བོར་སིན་དྷུ་ར་བྱུང་ནས། བླ་མ་རྡོ་རྗེ་འཆང་དང་ཐ་མི་དད་པར་བསྒོམ་པ་དང་མ་བྲལ་ཅིག །ཡང་སིན་དྷུ་ར་ལྟེ་བར་བྱུགས་ལ། ལུས་
2-2-28b
སེམས་རྡོ་རྗེ་རྣལ་འབྱོར་མ་དང་མ་བྲལ་བར་བསྒོམས་ཤིག་ཅེས་བྱ། མགྲིན་པར་བྱུགས་ལ་ཕྲེང་བ་གཏད་དེ། སྔགས་ཀྱི་རྗེས་ཟློས་བྱས་ལ། རྟག་ཏུ་སྔགས་བཟླས་པ་དང་མ་བྲལ་བར་གྱིས་ཤིག་བྱ། དེ་ནས་མཆོད་པ་དང་། དམ་ཚིག་གི་རྗེས་སུ་གནང་བ་ཡང་དབབ་པར་བྱའོ། །དེ་ནས་ཚོགས་ལ་ལོངས་སྤྱད། རྗེ་བཙུན་མ་ཨུ་རྒྱན་དུ་གཤེགས། དགེ་བའི་རྩ་བ་བསྔོ། རྡུལ་ཚོན་བསྲུང་བར་སྦྱིན་པར་བྱའོ། །རྗེ་བཙུན་མའི་གསང་བསྒྲུབ་ཀྱི་དབང་བསྐུར་བའི་ཆོ་ག་རྫོགས་སོ།། །།
༄། །རྗེ་བཙུན་མའི་དུས་བཟང་གི་མཆོད་པ།
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྗེ་བཙུན་མའི་དུས་བཟང་གི་མཆོད་པ་བྱེད་པར་འདོད་པས། གནས་ཁང་ཕྱགས་བདར་བྱས་ལ་དྲི་དང་ཆང་གིས་བྱུག །བླ་མ་དཀོན་མཆོག་གི་སྤྱན་སྔར་མཎྜལ་བྱས་ལ་མཆོད་པ་འབྱོར་ཚད་བཤམ། མཆོད་པའི་མཎྜལ་ནི་རེ་ཁ་དཀར་པོ་ཟླུམ་བསྐོར་བྱ། དེའི་ནང་དུ་ཆོས་འབྱུང་དམར་པོ་གཅིག་བྲི། ཆོས་འབྱུང་གི་དབུས་སུ་པདྨ་དམར་པོ་འདབ་མ་བཞི་པ་གཅིག་བྲི། ལྟེ་བར་ཧྲི༔བྲི། འདབ་མ་བཞི་ལ་ཡི་གེ་བཞི་བྲི། ཤ་སྣ་ཚོགས་ཀྱི་གཏོར་མ་ལྔ་བྱ། དེ་འདབ་མ་བཞི་དབུས་དང་ལྔར་བཞག །ལྷ་བཤོས་ལྔ་དང་། མར་མེ་ལྔས་བསྐོར། ལག་མཆོད་ཀྱི་རྒྱུ་ཐོད་པ་མཚན་ལྡན་ཆང་གིས་བཀང་བ་མདུན་དུ་བཞག །གཡོན་ངོས་སུ་ཆོས་འབྱུང་དམར་པོའི་སྟེང་དུ་ཤེས་རབ་ཀྱི་རྫས་ཆང་། བུ་རམ། རྒུན་འབྲུམ། སྦྲང་རྩི་ལ་སོགས་
2-2-29a
༄༅། །པ་རྣམས་བཞག །གཡས་ཕྱོགས་སུ་དགའ་བ་འཁྱིལ་པ་དཀར་པོའི་སྟེང་དུ་ཐབས་ཀྱི་རྫས་ཤ་དང་། ཟན་དང་། འབྲས་ཆན་དང་། ཁུར་བ་ལ་སོགས་པ་གོང་བུའི་རྫས་རྣམས་བཞག །དེ་ནས་རྣལ་འབྱོར་པ་ཐམས་ཅད་འཚོགས་ཏེ། བླ་མ་དཀོན་མཆོག་ལ་མཆོད་པ་ཕུལ། བསྐྱེད་རྫོགས་ཀྱི་ཏིང་ངེ་འཛིན་བསྒོམ་ཞིང་བཟླས་པ་བྱ། བསྙེན་པ་ཐོན་པ་དང་། རྡུལ་ཚོན་གྱི་ཧྲིཿལས་འོད་འཕྲོས་པས་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་དག །ཚུར་འདུས་ཧྲིཿལ་ཐིམ་པར་བསྒོམ་ཞིང་བཟླས་པ་བྱ། དེ་ནས་ཐོད་པའི་ཆང་ལ་ཡི་གེ་གསུམ་གྱིས་ཆོས་འབྱུང་ཧྲིཿདང་བཅས་པ་བྲི། དེ་ལས་འོད་ཟེར་འཕྲོས། སེམས་ཅན་ཐམས་ཅད་ལ་ཕོག །སྡིག་སྒྲིབ་དག །ཚུར་འདུས་ཧྲིཿལ་ཐིམ་པས་རྗེ་བཙུན་མར་གྱུར་པར་བསམ་ལ། ཨོཾ་ཨཱཿཧཱུྃ་བརྗོད་ཅིང་གཡོན་བསྐོར་དུ་དཀྲུགས་པས། རྗེ་བཙུན་མ་ཆང་གི་རང་བཞིན་དུ་གྱུར་པར་བསམ་ལ། དེ་ནས་རང་གི་ལག་པ་གཡོན་པའི་མཐིལ་དུ་ཆོས་འབྱུང་པདྨ་ཡི་གེ་ལྔ་དང་བཅས་པ་བསམས་ལ་ཆང་ཆང་གི་ཐིག་ལེ་བྱ། དམ་ཚིག་གི་ལྷ་ལྔར་བསྐྱེད། ཨུ་རྒྱན་གྱི་ཡེ་ཤེས་ཀྱི་ལྷ་སྤྱན་དྲངས་ལ། མཆོད་པ་ལྔ་ཕུལ། དམ་ཚིག་པ་ལ་བསྟིམ། ཡེ་ཤེས་པ་དང་དམ་ཚིག་པ་དབྱེར་མེད་པ་ལ་མཆོད་པ་ལྔ་ཕུལ། བཻ་རོ་ཙ་ནཱི་བཟླས་པ་དང་ཆང་གི་མཆོད་བསྟོད་བྱ། དེ་ནས་ལག་པའི་ཆོས་འབྱུང་གི་ཕྱག་རྒྱ་ཆང་གི་ཁར་ཁ་
2-2-29b
སྤྲུབ་ལ། གཡོན་བསྐོར་དུ་དཀྲུགས་ནས་སྔགས་བཟླས་ཤིང་སྲིན་ལག་གཡོན་པས་བདུད་རྩི་གནས་ཁང་ལ་གཏོར་བས་བགེགས་བསྐྲད་ཅིང་། མཁའ་འགྲོ་མའི་དྲ་བ་དང་གུར་དུ་གྱུར་པར་བསམ་མོ། །རང་ལ་གཏོར་བས་བ་སྤུའི་བུ་ག་ཐམས་ཅད་མཁའ་འགྲོ་མས་གང་བར་གྱུར། དེ་ནས་ལྕེ་ཐོག་ཏུ་བཞག་ལ་བདུད་རྩི་མྱང་བར་བསམ། ཡི་གེ་གསུམ་བརྗོད་ཅིང་ཚོགས་དང་མཆོད་རྫས་ལ་གཏོར་བས་ཐམས་ཅད་བདུད་རྩིར་གྱུར་པར་བསམ་སྟེ། དཀྱིལ་འཁོར་གྱི་ལྷ་ལ་མཆོད་པ་ལྔ་དང་བདུད་རྩི་དང་ཚོགས་ཀྱིས་མཆོད། དེ་ནས་ཆང་ཕུད་དང་། ཚོགས་ཀྱི་ཕུད་གཏོར་མར་བླུག་ལ། གཏོར་མ་ལྔ་པོ་རྗེ་བཙུན་མ་ལ་ཌཱ་ཀི་མ་བཞིས་བསྐོར་བ་ལ་འབུལ། བསྟོད་པ་བྱ། གསོལ་བ་གདབ། ཕྲིན་ལས་བཅོལ། དེ་ནས་རྣལ་འབྱོར་པ་ཏིང་ངེ་འཛིན་ལ་མཉམ་པར་བཞག་སྟེ། མཆོད་པ་ལྔས་མཆོད་ལ། གཟིགས་གཅིག་མཛེས་ལྡན་དམ་པའི་ཆོས། །འདི་ལ་རྣམ་རྟོག་ཡོད་མ་ཡིན། །བྲམ་ཟེ་ཁྱི་དང་གདོལ་པ་གསུམ། །རང་བཞིན་གཅིག་ཏུ་དགོངས་ཏེ་རོལ། །ཅེས་བྱ་བ་དང་། ལེན་པ་པོས་ཀྱང་པད་ཀོར་དང་ལྡན་པས། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་དྲི་མ་དང་བྲལ་བ། །བཟུང་དང་འཛིན་པ་རྣམ་པར་སྤངས། །དེ་བཞིན་ཉིད་ལ་བདག་ཕྱག་འཚལ། །ཞེས་བརྗོད་པས་བླང་ཞིང་། ལྷའི་རྣལ་འབྱོར་དང་ལྡན་པས་ཚོགས་ལ་ལོངས་སྤྱོད། ལྷག་མ་
2-2-30a
༄༅། །རྣམས་བསྡུས་ཏེ་འབར་བའི་ཕྱག་རྒྱ་བྱས་ལ། ཨོ་ཨུ་ཙིཥྚ་བི་དྷྱ་ཡ་ནེ་བྷྱེ་སྭཱ་ཧཱ། ཞེས་བརྗོད་ལ་སྒོ་དྲུང་དུ་བཏང་བར་བྱའོ། །དེ་ནས་བཟོད་པར་གསོལ་བ་དང་། སྨོན་ལམ་གདབ་པ་དང་། བཀྲ་ཤིས་བརྗོད་པ་དང་། དཀྱིལ་འཁོར་གྱི་ལྷ་ལ་བཏང་རག་གི་མཆོད་པ་ཕུལ་ཏེ། རྗེ་བཙུན་མ་ཨུ་རྒྱན་དུ་གཤེགས་སུ་གསོལ། །དགེ་བའི་རྩ་བ་བསྔོ་བར་བྱ་ཞིང་། རྣལ་འབྱོར་པ་རྣམས་རང་གནས་སུ་གྱེས་པར་བྱའོ༑ ༑རྗེ་བཙུན་མའི་དུས་བཟང་གི་མཆོད་པ་རྫོགས་སོ།། །།
༄། །རྗེ་བཙུན་མའི་བསྒྲུབ་པ་པོས་འགྲོ་བ་དབང་དུ་འདུ་བའི་གདམས་ངག
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །འགྲོ་བ་མི་དང་ལོངས་སྤྱོད་དབང་དུ་བསྡུ་བ་ནི། མཎྜལ་ལ་སོགས་པ་བཅའ་གཞི་ཐམས་ཅད་དུས་མཆོད་ལྟར་བྱས་ལ་བསྐྱེད་རྫོགས་བསྒོམ་པ་དང་། བཟླས་པ། ལག་མཆོད་དང་། བདུད་རྩི་མྱང་བར་བྱས་པའི་རྗེས་ལ། རང་ཉིད་ལྷར་གསལ་བའི་ཐུགས་ཀར་པདྨ་དང་ཉི་མའི་སྟེང་དུ་ཧྲིཿདམར་པོ་ལ་ཡི་གེ་བཞིས་བསྐོར་བར་བསམ་ལ། བསྙེན་པ་མང་དུ་བྱ། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཆེ་གེ་མོ་ཨ་ཀཪྵ་ཡ་ཧྲིཿཛཿ ཞེས་བརྗོད་པས་ཐུགས་ཀའི་ཧྲིཿལས་འོད་ཟེར་དམར་པོ་གྲི་གུག་གི་དབྱིབས་ཅན་སྤྲོས་ཏེ། བསྒྲུབ་བྱ་གང་དབང་དུ་བསྡུ་བ་དེའི་སྙིང་ལ་བཙིར་གྱིས་བཟུང་ནས་དབང་མེད་དུ་བསྡུས་ཏེ་རང་གི་མདུན་ན་འདར་ཕྲི་ལི་ལི་འདུག་པར་བསམ་ལ་བསྙེན་པ་མང་དུ་བྱའོ། །དེ་ནས་བསྒྲུབ་པའི་མཎྜལ་གྱི་སིནྡྷུ་
2-2-30b
རས་སྨིན་མཚམས་སུ་དགའ་བ་འཁྱིལ་པའམ། ཡུམ་དབང་དུ་བསྡུད་པའི་མན་ངག་གིས་དབང་དུ་བྱས་ལ། མཎྜལ་གྱི་དབུས་སུ་ཐབ་ཁུང་དམར་པོ་ཟླ་གམ་དུ་གནས་པའི་སྟེང་དུ། ཤུག་པ་དང་ཙན་དན་དམར་པོ་ལ་སོགས་ཤིང་ཟླ་གམ་དུ་བཅུག །ཕྱུག་པོ་བསོད་ནམས་ཅན་གྱི་ཁྱིམ་ནས་བླངས་པའི་མེ་སྦར་ལ། མེའི་ནང་ནས་ལྷ་མོ་ལྔ་རྒྱན་དང་ཆ་ལུགས་ལྡན་པར་བསྐྱེད། དབུས་སུ་ཕག་མོའི་སྤྱི་བོར་བླ་མ་བསྒོམ། ཨུ་རྒྱན་ནས་རྗེ་བཙུན་མ་ལྷ་ལྔ་འཁོར་དང་བཅས་པ་སྤྱན་དྲངས་ལ། གཉིས་སུ་མེད་པར་བསམ་ལ་མཆོད་པ་ལྔ་དབུལ། བསྟོད་པ་བྱ། དེ་ནས་ཕྱེ་དང་ནས་དང་མར་དང་འབྲས་ལ་སོགས་པ་རྫས་སྣ་ཚོགས་དང་། གསེར་དངུལ་ལ་སོགས་པའི་རིན་པོ་ཆེ་དང་། དར་ཟབ་ལ་སོགས་པའི་གོས་དང་། ཤ་ཆང་ལ་སོགས་པའི་བཟའ་བཏུང་དང་། གང་འདོད་པའི་གཟུགས་བརྙན་དགུག་གཞུག་བྱས་པ་རྣམས་ལྷ་མོ་ལྔའི་ཞལ་གདངས་པའི་ནང་དུ་དབུལ་ཞིང་། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཆེ་གེ་མོ་ཨ་ཀཪྵ་ཡ་ཛཿཝ་ཤམ་ཀུ་རུ་ཧོཿ ཞེས་བརྗོད་པར་བྱའོ། །དེ་ནས་ཚོགས་ལ་ལོངས་སྤྱོད། སྦྱིན་སྲེག་གི་ཐལ་བ་ཕྱགས་ཏེ་གང་འདོད་པའི་སྤྱི་བོའམ། རྫས་སམ། ཕྱུག་པོའམ། གནས་གཞིའི་སྒོ་ལ་གདབ་པར་བྱའོ། །དེ་ལྟར་བསྙེན་བསྒྲུབ་ཞག་ཉེར་གཅིག་བྱས་ན་གང་ལ་དམིགས་པའི་འགྲོ་བ་དང་། ལོངས་སྤྱོད་ཁ་ཟས་འདོད་པ་དབང་དུ་
2-2-31a
༄༅། །འགྱུར་རོ། །གཏོར་མ་ལྔ་པོ་བསྒྲུབ་པ་མ་ཐོན་གྱི་བར་དུ་གཏར་བཟུང་ཞིང་། ཐོན་པ་དང་བཏང་ངོ་། །རྗེ་བཙུན་མའི་བསྒྲུབ་པ་པོས་འགྲོ་བ་དབང་དུ་འདུ་བའི་གདམས་ངག་རྫོགས་སོ།། །།
༄། །དཔལ་རྡོ་རྗེ་རྣལ་འབྱོར་མའི་སྒྲུབ་པ་པོས། བགེགས་དང་གནོད་པ་བསལ་བའི་གདམས་ངག་གི་རིམ་པ།
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རང་དང་གཞན་གྱི་བགེགས་ཀྱི་གནོད་པ་བསལ་བར་འདོད་པས་གནས་ཁང་དབེན་པར་ཕྱགས་དར་དང་རྐྱང་ནུལ་བྱས་ལ་དྲི་དང་ཆང་གིས་བྱུག །མཎྜལ་བཟླུམ་པོར་བསྐོར་བའི་ནང་དུ་ཆོས་འབྱུང་དམར་པོ་ཟུར་གསུམ་པ་བྲི། དེའི་ནང་དུ་པདྨ་དམར་པོ་འདབ་བཞི་བྲི། དེའི་ལྟེ་བར་ཧྲིཿབྲི། འདབ་མ་བཞི་ལ་ཧ་རི་ནི་ས་བཞི་བྲི། ཤ་སྣ་ཚོགས་ཀྱི་གཏོར་མ་ལྔ་བྱ། དེའི་འདབ་མ་བཞི་དབུས་དང་ལྔ་རུ་རེ་རེ་བཞག་གོ །བདུད་རྩི་དང་བ་ལཾ་འབྱོར་ཚད་དུ་བཤམ། བླ་མ་དཀོན་མཆོག་ལ་མཆོད་པ་འབུལ་ཞིང་གསོལ་བ་གདབ། དེ་ནས་རང་ཉིད་རྗེ་བཙུན་མའི་བསྐྱེད་རྫོགས་བསྒོམ། བཟླས་པ་བྱ། རྡུལ་ཚོན་གྱི་ཧྲིཿལས་འོད་འཕྲོས་པས་སེམས་ཅན་ཐམས་ཅད་ལ་ཕོག །སྡིག་སྒྲིབ་དག །རྗེ་བཙུན་མར་གྱུར་པར་བསམ། འོད་ཟེར་ཚུར་འདུས་ལ་ཐིམ་པས་རྗེ་བཙུན་མར་གྱུར་པར་བསམ་ལ༑ རྗེ་བཙུན་མའི་ཐུགས་ཀར་ཆོས་འབྱུང་པདྨ་ཡི་གེ་ལྔ་དང་བཅས་པ་བསམ་ལ། ལྷ་དང་དཀྱིལ་འཁོར་ཐ་མི་དད་པ་དེ་ནད་པའི་སྙིང་གར་སོང་བས། པདྨ་དང་ཡི་གེ་མི་འཁོར་བར། ཆོས་འབྱུང་དེ་གཡོན་དུ་
2-2-31b
དྲག་ཏུ་འཁོར་བས། ནད་གནོད་པ་ཐམས་ཅད་ཆོས་འབྱུང་དེའི་རྩེ་མོས་རྡུལ་ཕྲ་རབ་ཏུ་མྱལ་མྱལ་གཏུབས་པར་བསམ་ཞིང་། སྔགས་བཟླས་པར་བྱ་སྟེ། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་སརྦ་ཛྭ་ལ་རཾ་ནི་ཏྲ་སྭཱ་ཧཱ། ཞེས་རྒྱུན་མ་ཆད་པར་བཟླ་ཞིང་། ཐུན་མཚམས་སུ་གཏོར་མ་བཏང་ཞིང་བསྟོད་པ་བྱ། གསོལ་བ་གདབ། ཡི་གེ་བརྒྱ་པ་འདོན། དགེ་བ་བསྔོ། དེ་ལྟར་ནད་དང་གདོན་མ་སོལ་བར་དུ་རྒྱུན་མ་ཆད་པར་བྱའོ། །དཔལ་རྡོ་རྗེ་རྣལ་འབྱོར་མའི་སྒྲུབ་པ་པོས། བགེགས་དང་གནོད་པ་བསལ་བའི་གདམས་ངག་གི་རིམ་པ་རྫོགས་སོ། །མཾགལཾ བྷཝནྟུ།། །།
༄༅། །ཕག་མོ་ཞལ་གཉིས་མའི་སྒྲུབ་ཐབས་བཞུགས་སོ། །
༄། །དཔལ་རྡོ་རྗེ་རྣལ་འབྱོར་མའི་སྒྲུབ་ཐབས།
༄༅། །ཕག་མོ་ཞལ་གཉིས་མའི་སྒྲུབ་ཐབས་བཞུགས་སོ། །རྗེ་བཙུན་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྟེན་གྱི་གང་ཟག་དད་པ་དང་ལྡན་པས་དུར་ཁྲོད་ལ་སོགས་པ་དབེན་པའི་གནས་སུ། རས་བྲིས་དང་བླུགས་མ་ལ་སོགས་པ་བཀྲམ་ལ། སྟན་བདེ་ལ་འདུག་ལ། བྱང་ཆུབ་ཀྱི་སེམས་སྔོན་དུ་སོང་བས། རང་སྐད་ཅིག་གིས་རྗེ་བཙུན་རྣལ་འབྱོར་མར་ཝལ་གྱིས་བསྒོམ། དེ་ཡང་རྒྱན་དང་ཆ་ལུགས་ལྡན་པས་ཏེ། པདྨ་དང་ཉི་མ་དང་རོའི་སྟེང་ན་བཞུགས་པ། གཡོན་བརྐྱང་དྲན་པ་དང་ལྡང་བའི་བརྡ་བ། གཡས་བསྐུམ་པ། སྐྱིལ་ཀྲུང་ཕྱེད་པའི་གར་ཐབས་ཀྱིས་བཞུགས་པ། སྐུ་མདོག་གས་རྗེས་སྐུ་མདོག་དམར་བ། སེམས་ཅན་ལ་ཆགས་པའི་
2-2-32a
༄༅། །འོད་དམར་བས་ཉོན་མོངས་པ་དུག་གསུམ་བསྲེག་པ་དམར་བ་ལ་འོད་ཟེར་འབར་བ། གཅེར་བུ་འཁོར་བའི་ཆུ་བོ་ལས་བརྒལ་བས་ཉམ་ང་མེད་པའི་བརྡ་སྤྱན་གསུམ་པ། དབུ་སྐྲ་གྲོལ་ལྟེ་བར་སླེབ་པ་བ། གཡས་སྡིགས་མཛུབ་ཆོས་ཉིད་གཅིག་པའི་བརྡ། ཉོན་མོངས་པ་རྩུབ་པ་ལ་ཞེ་སྡང་བའི་བརྡར་གྲི་གུག་གཡོན་བདེ་བ་གྲོགས་སུ་འཁྱེར་བའི་བརྡ་ཐོད་པ། ཁ་ཊྭཱཾ་ག་དུག་གསུམ་གཅོད་ཅིང་སྐུ་གསུམ་མཚོན་པའི་བརྡ་དང་ཐབས་སྣ་ཚོགས་བྱེད་པའི་བརྡ་མཆན་ཁུང་ན་ཡར་བསྣམས་པ། ཕྱག་རྒྱ་དབུའི་ཐོད་པ་རིགས་ལྔའི་བརྡ། སྙན་ཆ་ལས་རྒྱ་མགུལ་ཆ་ཆོས་རྒྱ། དབུ་རྒྱན་དམ་རྒྱ། སྐེ་རགས་རྒྱ་ཆེན། རྐང་གདུབ་ཞབས་གདུབ་བདེ་ཆེན་རྒྱ། ལྔས་རབ་ཏུ་བརྒྱན་པ། མི་མགོ་འདུ་བྱེད་ལྔ་བཅུ་བཅད་པའི་བརྡ་རློན་པའི་དོ་ཤལ་བྱས་པ། གཡས་ན་ཕག་པའི་ཞལ་དང་རབ་ཏུ་ལྡན་པ། དེ་ལྟ་བུའི་རྒྱན་ཆ་ལུགས་དང་ལྡན་པར་སྐད་ཅིག་གིས་བསྐྱེད་ལ། རང་གི་སྙིང་གར་པཾ་ལས་པདྨ་རཾ་ལས་ཉི་མའི་སྟེང་དུ། ཡི་གེ་ཧྲཱིཿལས་འོད་འཕྲོས་པས་ཕག་མོ་ལྷ་ལྔའི་དཀྱིལ་འཁོར་དུར་ཁྲོད་དང་བཅས་པ་སྤྱན་དྲངས་ལ། ཡིད་ཀྱིས་ཕྱག་དང་མཆོད་པ་དང་ཕྱི་ནང་གསང་གསུམ་གྱི་སྡིག་པ་བདུན་རྣམ་དག་བཤགས་པ་ཡན་ཆད་ནས་བསྔོ་བའི་བར་བྱས་ལ། བཛྲ་མུཿཞེས་བརྗོད་པས་རང་བཞིན་གྱི་གནས་སུ་གཤེགས་པར་བསམ་མོ། །དེ་ནས་ཚད་མེད་པ་ཧྲི་ལས་འོད་འཕྲོས་པ་ནི་སེམས་ཅན་གསལ་བར་བྱས་ནས་བཞི་བསྒོམ་པ་ནི། བྱམས་པ་དང་སྙིང་རྗེ་དགའ་བ་དང་བཏང་སྙོམས་སོ། །བསྒོམ་པ་ནི་བསོད་ནམས་ཀྱི་ཚོགས་
2-2-32b
བསག་པའོ་དེ་ནས ཨོཾ་སྭ་བྷཱ་ཝ་ཤུདྡྷ་སརྦ་དྷརྨཿསྭ་བྷཱ་ཝ་ཤུདྡྷོ ྅ཧཾ་བསམ་པ་ནི་ཡེ་ཤེས་ཀྱི་ཚོགས་བསག་པའོ། །སྒྱུ་མ་ལྟ་བུར་བསམ། ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ ྅ཧཾ། སྟོང་པ་ཉིད་དུ་གྱུར། ཆོས་འབྱུང་རྒྱ་ཆེ་བའི་ནང་དུ་སྟོང་པའི་ངང་ལས་པཾ་ལས་པདྨ་རཾ་ལས་ཉི་མ་དང་རོའི་སྟེང་དུ་ཧྲིཿདམར་པོ་གཅིག་བསམ། ཧྲིཿདེ་ཡོངས་སུ་གྱུར་པ་ལས། བདག་ཉིད་རྗེ་བཙུན་མ་རྒྱན་དང་ཆ་ལུགས་དང་ལྡན་པ་གཅིག་སྐད་ཅིག་གིས་ཝལ་གྱིས་བསྐྱེད༑ དེ་ཡང་ཤིན་ཏུ་ཆེ་བ། ལྟེ་བ་ལུས་འདོད་པའི་ཁམས་མན་ཆད་འདོད་པའི་ཁམས་སུ་འདུག་པ། སྙིང་ག་ངག་སྙིང་རྗེ་གཟུགས་ཀྱི་ངོ་བོ་ཉིད་མན་ཆད་གཟུགས་ཁམས་སུ་འདུག་པ། སྤྱི་བོ་ཡིད་སྟོང་པ་ཉིད་ཀྱི་ངོ་བོ་མན་ཆད་གཟུགས་མེད་ཁམས་སུ་འདུག་པ། ཁམས་གསུམ་ལས་རྒྱལ་བ། ཤིན་ཏུ་ཆེ་བ་གཅིག་བསམ། དེའི་ལྟེ་བའི་དཀྱིལ་དུ་མེའི་དཀྱིལ་འཁོར་གྲུ་གསུམ་པ་གཅིག་བསམ། དེའི་ནང་དུ་པཾ་ལས་པདྨ་རཾ་ལས་ཉི་མ་དང་རོའི་སྟེང་དུ་ཧྲིཿདམར་པོ་གཅིག་བསམ། དེ་ལས་འོད་ཟེར་འཕྲོས་པས་སེམས་ཅན་ལ་ཕོག་སྡིག་སྒྲིབ་སྦྱངས་ནས། ཇོ་མོ་རྣལ་འབྱོར་མར་བྱས་ནས་ཚུར་ལུས་ཏེ་ཧྲིཿལ་ཐིམ་པར་བསམ། དེ་སྐད་ཅིག་གིས་གྱུར་པ་ལས༑ བདག་ཉིད་ཇོ་མོ་རྣལ་འབྱོར་མ་གཡས་གྲི་གུག་སྡིག་པའི་དྲ་བ་གཅོད་པས་འཁོར་འདས་ཀྱི་རྟག་པ་གཅོད་པའི་བརྡ། གཡོན་ཐོད་པ་ཁ་ཊྭཱཾ་འཁོར་འདས་མི་ལེན་མི་འདོར་བའི་བརྡ། བདེ་འགྲོ་གྲོགས་སུ་འཁྱེར་བས་རཀྟ་བསྣམས་པ་ག་མཆན་
2-2-33a
༄༅། །ཁུང་ན་ཡར་བསྣམས་པ། ཕག་ཞལ་སྔོན་པོ་གཡས་སུ་དོན་དམ་པའི་བརྡ་སྟོན་པ། གཅེར་བུ་ཉམས་ང་དང་བག་ཚ་མེད་པ་སྤྱན་དུས་གསུམ་མཁྱེན་པའི་བརྡ་གསུམ་པ། བསྐལ་པའི་རྣམ་རྟོག་བསྲེགས་པའི་བརྡ་དུས་ཀྱི་མེ་ལྟ་བུ། རྒྱན་དང་ཆ་ལུགས་དང་ལྡན་པར་སྐད་ཅིག་གིས་བསམ། སྤྱི་བོར་ཉི་མའི་གདན་སྟེང་དུ་ཨོཾ། མགྲིན་པར་ཨཱཿ སྙིང་གར་ཧཱུྃ། སྐུ་གསུང་ཐུགས་བྱིན་གྱིས་རླབ་པར་བྱའོ། །དེ་ནས་དཔའ་བོ་དང་དཔའ་མོ་དྲུག་གི་གོ་བགོ་བ་ནི། ལྟེ་བར་རྡོ་རྗེ་ཕག་མོ་དམར་མོ་ཨོཾ་བཾ། སྙིང་གར་གཤིན་རྗེ་མ་སྔོན་མོ་ཧཾ་ཡཾ། མགྲིན་པར་རྨོངས་བྱེད་མ་དཀར་མོ་ཧྲིཾ་མོཾ། དཔྲལ་བར་བསྐྱོད་བྱེད་མ་སེར་མོ་ཧྲེཾ་ཧྲིཾ། སྤྱི་བོར་བསྐྱོད་བྱེད་མ་ལྗང་གུ་ཧཱུཾ་ཧཱུཾ། ཡན་ལག་ཙན་དི་ཀ་དུད་འོ་ཐམས་ཅད་ལ་ཕཊ་ཕཊ། རིམ་པ་བཞིན་ཤེས་པར་བྱའོ། །དཔའ་བོའི་གོ་ཆ་དགོད་པ་ནི། སྤྱི་བོར་ཨོཾ་ཧཱ། སྨིན་མཚམས་སུ་ན་མ་ཧཱི། མགྲིན་པར་སྭཱ་ཧཱ་ཧཱུ། སྙིང་གར་བྷོ་ཥད་ཧེ། ལྟེ་བར་ཧཱུཾ་ཧཱུཾ་ཧོ༔ ཡན་ལག་ཐམས་ཅད་ལ་ཕཊ་ཧཾ། ཞེས་བསམ་མོ། །དེ་ནས་རང་གི་སྙིང་གར་པཾ་ལས་པདྨ། རཾ་ལས་ཉི་མའི་སྟེང་དུ་ཧྲིཿདམར་པོ་གཅིག་བསམ། ཧྲིཿལས་འོད་ཟེར་འོག་མིན་དུ་སྤྲོས་པས། འོག་མིན་གྱི་གནས་ནས་རང་དང་འདྲ་བའི་ཡེ་ཤེས་སེམས་དཔའ་ཕྱི་ནང་གསང་གསུམ་གྱིས་མཆོད་ལ་སྤྱན་དྲངས་ལ། རང་ཛཿཧཱུྃ་བཾ་ཧོཿདང་གཉིས་སུ་མེད་པར་བསྟིམ། ཡང་སྙིང་གའི་ཧྲིཿལས་འོད་འཕྲོས་པས། འོག་མིན་གྱི་གནས་ནས་ཇོ་མོ་ལྷ་ལྔའི་
2-2-33b
དཀྱིལ་འཁོར་སྤྱན་དྲངས་ཏེ། མདུན་གྱི་ནམ་མཁའ་ལ་བཞུགས། ཕྱག་ན་མན་ཏེ་ཧཱུྃ། ན་མ་མེ་ཧཱུཾ། ན་མོ་ན་མ་ཧཱུྃ། ཞེས་པའི་ལུས་ངག་ཡིད་གསུམ་གྱིས་མཚལ་བ་དང་མཆོད་པ་ནི། མཁའ་འགྲོ་མ་ནང་གི་མཆོད་པ་ནི་རང་གི་ཐུགས་ཀའི་ས་བོན་གྱི་འོད་ཟེར་ལས། ལྔ་མ། དུམ་སྐྱེས་མ། གཟུགས་ཅན་མ་བཞིས་ཐོད་པའི་ནང་དུ་ཤ་ལྔ་བདུད་རྩི་ལྔ་ཐོགས་ནས་མཆོད་པར་བསམ་མོ། །གསང་བའི་མཆོད་པ་མཁའ་འགྲོ་མ་བཞི་པོ་གཙོ་མོ་ལ་ཐིམ་ནས། གཙོ་མོ་བདེ་བའི་རང་བཞིན་འཁོར་རྣམས་ཀྱང་དེའི་རང་བཞིན་ནོ་བསྐྱེད་རིམ་ཚར་ནས་ཁམས་གསུམ་རྣམ་པར་རྒྱལ་མ་གཞལ་ཡས་ཁང་གི་ཚུལ་དུ་ཡིན་གྱི་ལྷ་མོ་གཉིས་ཕྲུག་གསུམ་བསྒོམ་པ་ནི་མིན་ནོ། །དེ་ནས་ཡང་བདུག་སྤོས་མ་དུད་ཁ་མེ་ཏོག་མ་སྔོན་མོ། མར་མེ་མ་དམར་མོ། དྲི་ཆབ་མ་དཀར་མོ། ཞལ་སེར་མོ་རྣམས་ཀྱིས། ཟས་མ་རྣམས་ཀྱིས་ཀྱང་མཆོད་པར་བསམ། དེ་ནས་གསོལ་བ་ལན་གསུམ་གདབ་པོ། །བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་མཆོད་ཅིང་གསོལ་བ་ལྟར༑ ༑བདག་ཀྱང་དྲང་བའི་དོན་གྱི་ཕྱིར། །ནམ་མཁའ་རྡོ་རྗེ་བདག་ལ་གསོལ། །དེ་ནས་རྗེ་བཙུན་མའི་ཐུགས་ཀ་ནས་འདོད་པའི་ཡོན་ཏན་གྱི་ལྷ་མོ་བྱུང་སྟེ། ཕྱག་གཉིས་ཀྱིས་ཁྲུས་ཀྱི་བུམ་པ་དང་མེ་ཏོག་སིལ་མ་ཐོགས་ཏེ། སྤྱི་གཙུག་ཏུ་མེ་ཏོག་གཏོར། ཁྲུས་ཀྱི་བུམ་པས་ཆུ་བླུག་སྟེ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་གཤེགས་པ་ན་གཤེགས་པ་སྐུ་ཁྲུས་
2-2-34a
༄༅། །གསོལ། །ལ་སོགས་པ་བརྗོད་ཅིང་དབང་བསྐུར་བར་བསམ་མོ། །ཆུ་ཞབས་གྱེན་ལ་འཁྱིལ་བས་རང་གི་ལུས་ངག་ཡིད་གསུམ་གྱི་སྡིག་སྒྲིབ་དག་ནས་དབང་རྟགས་སུ་རྒྱལ་བ་རིགས་ལྔས་དབུ་རྒྱན་པར་བསམ་མོ༑ ༑དེ་ནས་བསྐྱེད་རིམ་ལྷའི་རྣལ་འབྱོར་མི་སྐྱོ་བར་དུ་བསྒོམ། སྐྱོ་ན་རྫོགས་པའི་རིམ་པ་བསྒོམ་པ་ནི། ལྟེ་བའི་དཀྱིལ་དུ་གྲུ་གསུམ་གཉིས་བརྩེགས། ཕྱོགས་བཞིར་གཡུང་དྲུང་དང་བཅས་པ། དབུས་སུ་བཾ་གྱི་མཐའ་མར་སྔགས་ཚན་གསུམ་པོ་འཁོར་བར་བསམ་ལ། དེ་ཡང་གཡོན་དུ་འཁོར་བ་ལ་ཤེས་པ་གཏད་པས། དུ་བ་ལ་སོགས་རྟགས་རྣམས་མ་བྱུང་ཚེ་བསྒོམ་པར་བྱའོ། །དེ་ཡང་བསམ་པའི་སྟོབས་ཀྱིས་རླུང་ཟླ,ནང་དུ་བཟློག །དེ་ནས་ལུས་ལ་དྲོད་འབྱུང་བས་བདེ་བ་སྐྱེ། བདེ་བ་ལ་བརྟེན་ནས་མི་རྟོག་པ་སྐྱེ་བས། དེ་ཉིད་ཀྱི་ངང་ལ་ཇི་ལྟར་གནས་ཀྱི་བར་དུ་བསྒོམ། དེ་ལ་མི་གནས་པར་ལྡང་བར་འདོད་ན། སྐད་ཅིག་གིས་ཟུང་འཇུག་གི་སྐུར་གསལ་བར་བལྟས་ནས་བཟླས་པའི་རྣལ་འབྱོར་བྱ་བ་ནི། ལྟེ་བའི་ཆོས་འབྱུང་གི་སྔགས་ཚན་གསུམ་པོ་ཡིད་ཀྱིས་ཀླགས་པར་བསམ་ཞིང་། ངག་ཏུ། ཨོཾ་ཨོཾ་ཨོཾ་རང་གི་ལྟེ་བ་ནས་ཨ་བ་དྷཱུ་ཏཱི་ནས་གསང་གནས་ནས་བྱུང་ཞིང་ཁ་ནས་ཞུགས་པར་བསམ་ཞིང་བཟླས་པ་ནི་འགལ་མེ་ལྟ་བུའི་བཟླས་པའོ། །ཡང་ན་རང་གི་སྙིང་ག་ནས་སད་ཉིའི་སྟེང་དུ་ཧྲིཿལ་སྔགས་བསྐོར་དུ་འཁོར་བ་ལ་དམིགས་ལ་བཟླས་པ་བྱའོ། །སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞ་ནི་ཡེ། བཛྲ་བཻ་
2-2-34b
རོ་ཙ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་དུས་རྟག་ཏུ་བཟླས་པར་བྱའོ། །དཔལ་རྡོ་རྗེ་རྣལ་འབྱོར་མའི་སྒྲུབ་ཐབས། བླ་མ་རིན་པོ་ཆེའི་ཞལ་ནས་གསུངས་པའི་སྒྲུབ་ཐབས་བདུད་རྩིའི་ཐིགས་པ་འདི། དམན་རྣམས་ཀྱི་བརྗེད་བྱང་ཙམ་གཅིག་ཡི་གེར་བཀོད། །རྗེ་བཙུན་མཁའ་འགྲོ་རྣམས་ལ་བཟོད་པར་མཛོད། །སྣང་སེམས་ཞེན་མེད་ཀྱི་ལྷ་སྐུ་ལ། །སྒྱུ་མའི་ཡིད་དང་མི་འབྲལ་འཚལ། །སྐུ་གསུམ་ངོ་སྤྲོད་ཀྱི་རྗེ་བཙུན་ལ། །དད་གུས་ཀྱི་ཡིད་དང་མི་འབྲལ་འཚལ། །རང་བཞིན་སྐྱེ་མེད་འོད་གསལ་ལ། །ཅེར་མཐོང་གི་ཡིད་དང་མི་འབྲལ་འཚལ། །སྤྱོད་པ་རང་བྱུང་འགག་མེད་ལ། །ཆོས་ཉིད་ཀྱི་ཉམས་དང་མི་འབྲལ་འཚལ༑ ༑རྫོགས་སོ།། །།རྒྱུད་ཨ་བྷི་དྷ་ན་ལ་བརྟེན་ནས། སློབ་དཔོན་ཆེན་པོ་ནཱ་རོ་པས་ལས་ཐམས་ཅད་ཕྲིན་ལས་བཞི་དང་སྦྱོར་རོ་མཛད་པའོ། །དེ་ལ་འདི་ཆོས་རྗེ་པའི་ལུགས་རྫོགས་སོ།། །།
༄། །ཇོ་མོའི་གཏོར་མ།
རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །ཧོ༔ ཐུན་མཚམས་སུ་རྣལ་འབྱོར་མའི་གཏོར་མ་གཏོང་བ་ལ་དོན་གསུམ་ཏེ། གཏོར་མ་སྦྱང་བ་དང་། མགྲོན་སྤྱན་དྲང་བ་དང་། གཏོར་མ་འབུལ་བའོ། །དང་པོ་གཏོར་མ་སྦྱང་བ་ནི། བདག་ཉིད་ལྷའི་ང་རྒྱལ་དང་ལྡན་པས། གཏོར་མ་བཤམས་ལ། དེ་ནས། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ ྅ཧཾ། ཞེས་པས་གཏོར་མ་སྟོང་པར་བྱའོ། །སྟོང་པའི་ངང་ལས་ཀཾ་སྐྱ་བོ་གསུམ་བསམ། དེ་ཞུ་བ་ལས་མི་
2-2-35a
༄༅། །མགོ་གསུམ་སྒྱེད་པུའི་ཚུལ་དུ་བྱའོ། །དེ་གསུམ་གྱི་སྟེང་དུ་ཨཱཿདཀར་པོ་གཅིག་བསམ། དེ་ཞུ་བ་ལས་ཐོད་པ་ནང་དམར་པོ་ཕྱི་སྐྱ་བོ་བསམ། དེའི་སྟེང་དུ་ཤ་ལྔ་བདུད་རྩི་ལྔ་རང་རང་གི་ས་བོན་ལས་བསྐྱེད་པར་བྱ་སྟེ། དེ་ཡང་ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་རང་བྱུང་གི་ཁྲག་གསེར་བཙོ་མ་ལྟ་བུ་བྱ། ནུབ་ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་སྣ་ཚོགས་ཀྱི་ཤ་བསྐྱེད། དབུས་སུ་མུ་ལས་དྲི་ཆུ་བེ་ཌཱུརྱ་ལྟ་བུ། དེའི་རྗེས་ལ་ཤར་དུ་དྲི་ཆེན་གྱི་སྟེང་དུ་འདི་རྣམས་མིང་གི་དང་པོ་ཡིན་པས་ཀུ་ལས་ཁྱིའི་ཀུ་ཀུ་ར་ཤ །ལྷོར་རཀྟའི་སྟེང་དུ་ཧ་ཧ་སྟེ་ལས་གླང་པོ་ཆེའི་ཤ །ནུབ་ཏུ་བྱང་སེམས་དཀར་གོ་ན་གོ་རུ་བ་ལང་པོའི་སྟེང་དུ་དྷ་ལས་བ་གླང་གི་ཤ །བྱང་དུ་ཤ་སྣ་ཚོགས་ཀྱི་སྟེང་དུ་གྷོ་ལས་རྟ་ན་ག་ར་ཤ ། དབུས་སུ་དྲི་ཆུའི་སྟེང་དུ་ན་ན་ན་པ་ལས་མིའི་ཤ་བསམ་མོ། །རྫས་དེ་རྣམས་ཀྱི་སྟེང་དུ་བདུད་རྩིའི་རང་བཞིན་ཨོཾ་དཀར་པོ་གཅིག་བསམ༑ དེའི་སྟེང་དུ་ཨ་དཀར་པོ་ཡོངས་སུ་གྱུར་པ་ལས་ཁ་ཆོད་ཀྱི་ཚུལ་དུ་ཟླ་བ། དེའི་སྟེང་དུ་ཧཱུྃ་དམར་པོ་ཡོངས་སུ་གྱུར་པ་ལས། རྡོ་རྗེ་དམར་པོ་གཅིག་བསྐྱེད་དོ། །འོག་ཏུ་ཡཾ་དེ་ནས་ཧཱུྃ་ཞེས་བརྗོད་པས་རང་གི་སྣ་བུག་ནས་རླུང་ཧཱུྃ་ལྟ་བུ་བྱུང་ནས་བ་དན་བསྐྱོད་ལས་རླུང་གི་དཀྱིལ་འཁོར་གཞུའི་དབྱིབས་ལྟ་བུ་བ་དན་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ་པ་རཾ་གྱིས་མཚན་པའོ། །རླུང་གིས་མེ་སྦར་ཐོད་པ་དྲོས་
2-2-35b
པའི་རྫས་རྣམས་ཞུ་ལྷགས་ཀྱིས་ཁོལ་བས་དཀར་ལ་དམར་ལ་དམར་བའི་མདངས་ཆགས་སུ་གྱུར་བའི་རླངས་པ་ཨོྃ་ལ་ཕོག་པས། འོད་ཟེར་ཁ་དོག་ལྔའི་རང་བཞིན་དུ་སྤྲོས་ཏེ། དེ་བཞིན་གཤེགས་པ་རྣམས་ཀྱི་ཐུགས་ཀ་ནས་གཉིས་སུ་མེད་པའི་ཡེ་ཤེས་ཀྱི་བདུད་རྩི་བཀུག་ནས། དམ་ཚིག་གི་བདུད་རྩི་ལ་ཐིམ་ཏེ། ཟླ་བ་དང་ཨོཾ་ཞུ་ནས་རྡོ་རྗེ་དམ་ཚིག་གི་བདུད་རྩི་དང་ཡེ་ཤེས་ཀྱི་བདུད་རྩི་གཉིས་སུ་མེད་པར་བཀུག་སྟེ། རྡོ་རྗེ་དེ་ཡང་ཡེ་ཤེས་ཀྱི་བདུད་རྩིའི་རང་བཞིན་དུ་ཞུ་བར་བྱས་ནས། ཨོཾ་ཨཱ༔ཧཱུྃ་ཞེས་ལན་གསུམ་བརྗོད་དོ། །ཡེ་ཤེས་ཀྱི་བདུད་རྩིར་བྱིན་གྱིས་རླབས་པ་ནི། བདུད་རྩི་སྦྱང་པའོ། །གཉིས་པ་མགྲོན་སྤྱན་དྲང་བ་ནི། རང་གི་སྙིང་ག་ནས་བཾ་ལས་འོད་འཕྲོས། རང་བཞིན་གྱི་གནས་ནས་ཇོ་མོ་ལྷ་ལྔའི་བདག་ཉིད་མདུན་གྱི་ནམ་མཁའ་ལ་སྤྱན་དྲངས་བཞུགས་པར་བསམ། དེའི་དུས་སུ་ངག་ཏུ། ཕོ་བརྗོད། ལུས་ཀྱི་དཔྲལ་བར་འབར་བའི་ཕྱག་རྒྱ་བྱས་ལ་བསྐོར་དང་སྐོར་མིན་གྱི་ཚུལ་དུ་ལན་དྲུག་བསྐོར་བ་ནི། མགྲོན་སྤྱན་དྲང་པའོ། །ད་གཏོར་མ་འབུལ་བ་ནི། ལག་པ་གཉིས་གཤིབས་ལ་ཁ་ཕྱེ་ལ་ཐོད་པའི་ཕྱག་རྒྱ་བྱས་པའི་སྟེང་དུ་གཏོར་མ་དེར་བསམ་ལ། དེ་བདུད་རྩི་རྣམས་ཀྱིས་གང་བར་བསམ་ལ། སྔགས་ནི། ཨོཾ་བཛྲ་ཨ་ར་ལི་ཧོ༔ བཛྲ་ཧཱུྃ་བཾ་ཧོ༔ ཛ་ཧཱུྃ་བཾ་ཧོ༔ བཛྲ་ཌཱ་ཀི་ནི་ས་མ་ཡ་སཱུ་དྲི་བྱ་ཧོ༔ ཞེས་ལམ་གསུམ་བརྗོད་པས། ཇོ་མོ་ལྷ་ཤིན་ཏུ་
2-2-36a
༄༅། །མཉེས་པར་བསམ་ལྔ་པས་གསོལ་བར་བསམ་ཏེ། དེ་ནི་རྐང་པ་བརྒྱད་པས་བསྟོད་པ་བྱ། འདོད་པའི་དོན་ལ་གསོལ་བ་གདབ། དགེ་བ་སེམས་ཅན་གྱི་དོན་དུ་བསྔོ། ཡེ་ཤེས་ཀྱི་བདུད་རྩིས་དཀྱིལ་འཁོར་ལ་སྙན་གསན་དབབ་ཅིང་གཏོར་མ་འབུལ་བའོ། །དེའི་རྗེས་ལ་འཇིག་རྟེན་པའི་དཔའ་བོ་དཔའ་མོ་རྣམས་ལ་འབུལ་ཏེ། བསྔོ་བ། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙོདྨ་ཡ་སྨྲ་ར་ཌཱ་ཀི་ནྱདཡ་ཨི་མཾ་བ་ལིཾ་གྲྀ་ཧཱནྟུ་ས་མ་ཡ་རཀྵནྟུ་མ་མཱ་སརྦ་སིདྡྷི་མེ་པྲ་ཡ་ཙྪནྟུ་ཡ་ཐཻ་བཾ་ཡ་ཐཻཥྚ་བྷུཉྫ་ཐཱ་པི་པ་ཐ་མཱ་ཏི་ཀྲ་མ་ཐཱ་སརྦ་ཀཱར་ཏྲ་ཡ་ས་ད་སུ་ཁཾ་བི་ཤུདྡྷ་ཡེ་སྭ་ཧ་ཡི་ཀ་བྷ་ཝནྟུ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་པས་བསྔོས་ལ། ཕྱོགས་སྐྱོང་དང་འབྱུང་པོ་ལ་ཡང་བསྔོའོ། །དེ་ནས་དྲིལ་བུ་བཟུང་ལ་བསྟོད་པ་བྱ་བ་ནི། སྟོང་ཉིད་སྙིང་རྗེའི་བདག་ཉིད་ཅན། །ཁམས་གསུམ་པ་ཡི་ངོ་བོ་ཉིད། །བསྐལ་པའི་མེ་ལྟར་འབར་བའི་འོད། །རྡོ་རྗེ་རྣལ་འབྱོར་མ་ཚོགས་འདུད། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོ་བསྒྱུར། །ཡེ་ཤེས་ལྔ་དང་སྐུ་གསུང་ཐུགས། །འགྲོ་བ་སྐྱོབ་ལ་ཕྱག་འཚལ་འདུད། །བདེ་བའི་རང་རིག་མ་ལས་སྐྱེས། །ཇི་བཞིན་ཉིད་དུ་རྟོགས་གྱུར་པ། །གཞན་དོན་མཐར་ཕྱིན་མཛད་པ་ཡི། །རྣལ་འབྱོར་མ་ལ་ཕྱག་མཚན་འདུད། །གཡོན་པ་ཆགས་སྩོགས་ཁྲོ་མོའི་ཞལ། །གཡས་པ་ཕག་གདོང་གཙོ་མོའི་ཞལ། །བདག་མེད་སྐྱེ་མེད་ཆོས་
2-2-36b
ཀྱི་དབྱིངས། །རྣལ་འབྱོར་མ་ཕྱག་འཚལ་འདུད། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པ་འཆིང་གཅོད་ཅིང་། །འཇིག་རྟེན་བྱ་བ་རབ་འཇུག་པའི། །དེ་སྙེད་རྣམས་ལ་ཕྱག་འཚལ་འདུད། །བདེ་གཤེགས་སྐུ་ལ་གཉིས་མེད་དང་། །ཟག་མེད་བདེ་བས་སྐུ་ཉམས་བལྟར། །སེམས་ཅན་རྣམས་ལ་བདེ་སྟེར་མ། །ཕག་མོའི་སྐུ་ལ་ཕྱག་འཚལ་འདུད། །ལྟེ་བའི་དབུས་ན་འབྱུང་བཞི་འཕྲོ། །ཆོས་དང་ལོངས་སྤྱོངས་རྫོགས་ལ་གནས། །མཁའ་འགྲོ་མ་འདུལ་མཛད་མ། །ཕག་མོ་དེ་ལ་ཕྱག་འཚལ་འདུད། །ཅེས་པ་ཚར་གཅིག་བརྗོད། །དེ་ནས་ཡི་གེ་བརྒྱ་པས་བཟོད་པར་གསོལ། ཚར་གསུམ་ལྷའི་ང་རྒྱལ་དང་ལྡན་པས་སྤྱོད་ལམ་རྣལ་འབྱོར་ཅི་བདེ་བར་བྱ་བརྗོད། ངག་ཏུ། བཛྲ་མུཿཞེས་བརྗོད་པས། མགྲོན་རྣམས་རང་བཞིན་གྱི་གནས་སུ་གཤེགས་པར་བསམ། གཏོར་མ་གཙང་སར་དབོའོ། །ཇོ་མོའི་གཏོར་མ་རྫོགས་སོ།། །།
༄། །བསྒྲུབ་པ་པོ་ལ་མཁའ་འགྲོ་མ་འདུ་ཞིང་བྱིན་རླབས་འོང་བར་བྱ་བ།
བླ་མ་དམ་པ་རྣམས་ལ་ཕྱག་འཚལ་ལོ། །བསྒྲུབ་པ་པོ་ལ་མཁའ་འགྲོ་མ་འདུ་ཞིང་བྱིན་རླབས་འོང་བར་བྱ་བའི་དོན་དུ་ཕྱིའི་མཆོད་པ་དང་། ལག་པའི་མཆོད་པ་དང་། ཚོགས་དུས་ཀྱི་ཁྱད་པར་ཀྱི་འཁོར་ལོ་ཡར་གྱི་བཅུ་དང་བཅུ་བཞི། མར་གྱི་བཅུ་དང་བཅུ་བཞི་ལ་བྱ་སྟེ། རྣལ་འབྱོར་པ་དེ་ཉིད་བཤད་པ་བླ་མ་སངས་རྒྱས་ཀྱི་འདུ་ཤེས་དང་མི་འབྲལ་བ་གཅིག་དགོས། རྣལ་འབྱོར་པ་དེས་དུས་གཉན་པ་ལ། གནས་ཁང་ཕྱག་བདར་བྱ། ནུབ་ཕྱོགས་ན་
2-2-37a
༄༅། །མར་ལ་ཇོ་མོའི་ཐང་སྐུ་ལ་སོགས་པ་བཀྲམ། མཎྜལ་ཆང་དང་དྲིས་བྱུག་རྗེས་ནས་ཆང་དང་ཤ་དང་དྲི་བཟང་པོ་ལ་སོགས་པ་མཆོད་པ་དང་། ཚོགས་ཀྱི་ཡོ་བྱད་བསགས་ལ། མཎྜལ་རེ་ཁ་དཀར་པོ་བཟླུམ་པོར་བསྐོར༑ དེའི་ནང་དུ་ཆོས་འབྱུང་དམར་པོ་པདྨ་དང་བཅས་པ་བྲི། ལྟེ་བར་བཾ། འདབ་མ་ལ་ཧ་རི་ནི་པ་བྲི། ཤ་སྣ་ཚོགས་ཀྱི་གཏོར་མ་ལྔ་བཤམ། འདབ་མ་བཞི་དབུས་དང་ལྔར་བཞག །ལྷ་བཤོས་ལྔ། མར་མེ་ལྔས་བསྐོར། ཡང་ན་བདུན་བདུན་བྱའོ། །ཆོས་སྐྱོང་གི་གཏོར་མ་ཆེད་དུ་བྱ་བ་འབྱོར་ཚད་བཤམས། སེམས་ཅན་ཐམས་ཅད་ཀྱི་དོན་དུ་མཆོད་པ་བྱ་བ་ནི། མར་མེ་ཉུང་ཡང་གསུམ། ཅི་ཙམ་མང་བར་བྱ། དེ་བཞིན་དུ་མཆོད་པ་གཞན་ཡང་གསུམ་ཉུང་ཡང་གསུམ་བཤམས། གཏོར་མ་ཉུང་ཡང་གསུམ་མེད་ཀ་མེད་ཅི་མང་བགེགས་གཏོར་བཤམས་བྱ། དེ་ནས་རྣལ་འབྱོར་པ་བདག་ཉིད་ཁ་ནུབ་ཏུ་ལྟ་སྟེ། ཆང་གཅིག་ཐོད་པའི་ནང་དུ་བླུག་ལ་གཡོན་དུ་བཞག །ནས་གཅིག་ཀྱང་བཞག །ཚོགས་ཀྱི་ཡོ་བྱད་ཤ་ཆང་གཡས་སུ་བཞག །རྣལ་འབྱོར་པ་གཞན་རྣམས་སློབ་དཔོན་ལ་ཕྱག་བྱེད་དུ་བཅུག་ལ་གྲལ་བཅོལ་ལ། རང་ཉིད་བྱང་ཆུབ་མཆོག་ཏུ་སེམས་བསྐྱེད་ནས་ཇོ་མོར་ཝལ་གྱིས་བསྒོམ། དེ་ནས་བགེགས་བསྐྲད་བགེགས་གཏོར་དངོས་ལ་པ་ནི། ངག་ཏུ། ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཅེས་པའམ། ཡི་དམ་གྱི་སྙིང་པོ་བཟླས་ལ་ནས་ཕྱོགས་ཐམས་ཅད་དུ་གཏོར་བས་བགེགས་རྒྱ་མཚོའི་འགྲམ་ན་ཕར་བྲོས་པར་བསམ་ལ། དཔག་ཚད་ཙམ་
2-2-37b
ཚུན་ཆད་རྡོ་རྗེའི་ར་བ་དང་མེ་རི་ཕྱོགས་ཐམས་ཅད་དུ་བསྐོར་བར་བསམ། དེ་ནས་རྣལ་འབྱོར་པ་གཞོན་ཤོས་གཅིག་ལངས་ལ། རྣལ་འབྱོར་པ་རྣམས་ལ་མཎྜལ་རེ་རེ་ཕུལ་ནས། ཕྱག་གསུམ་གསུམ་བྱས་ནས། ཡི་གེ་གེ་བརྒྱ་པ་དང་། ཐུགས་དམ་ལ་ཐུགས་གཏད་པར་ཞུ་ཞེས་ཞུ་བ་ཕུལ་ནས། དེར་འཚོགས་པ་རྣམས་བསྒོམ་བཟླས་འབའ་ཞིག་བྱའོ། །རྣལ་འབྱོར་པ་བདག་ཉིད་གཡོན་དུ་ཕྱོགས་པས་ཆང་བྱིན་གྱིས་རླབས་པ་ནི། ཆང་ལག་པ་གཡས་པའི་མཐིལ་དུ་བཞག་ལ། ངག་ཏུ། ཨོཾ་ཨཱཿཧཱུྃ་ཞེས་བརྗོད་ཅིང་། སྲིན་ལག་གཡོན་པས་ཆང་ལ་ཆོས་འབྱུང་བྲིས་ནས། གཡོན་པའི་སྟེང་དུ་ཟླ་བའི་སྟེང་དུ། ཨཱ་ལྀ་ཀཱ་ལྀ་དཀར་སིལ་ལེ་ཡོད་པར་བསམ་ལ། གཡོན་པས་ཆང་ལ་བཀབ་པས། ཟླ་བ་ཆང་ནང་དུ་ལྷུང་བས་ཆང་བདུད་རྩིར་དཀར་མེར་གྱིས་སོང་བར་བསམ་མོ། །ངག་ཏུ། ཨོ་ཨཱཿཧཱུྃ་ལན་གསུམ་བརྗོད་པས་ཀྱང་བདུད་རྩིར་གྱུར་པར་བསམ་མོ། །དེ་ནས་ཆང་གིས་ལུས་རྡོ་རྗེའི་ཁྲུས་དང་བདག་བསྲུང་བ་ནི་ལ་བྱུག་ཅིང་། ངག་ཡི་དམ་གྱི་སྙིང་བཟླས་ཏེ། རང་ཉིད་ཇོ་མོར་རྡོ་རྗེ་རྣལ་འབྱོར་མར་ཝལ་གྱིས་བསྒོམ་གནས་བསྲུང་བ་ནི་མཐེབ་སྲིན་གཡོན་པས་ཆང་ཕྱོགས་ཐམས་ཅད་དུ་གཏོར་ཞིང་ཡི་དམ་གྱི་སྙིང་པོ་བཟླས་པས་ནམ་མཁའི་གོ་སྐབས་ཐམས་ཅད་རྗེ་བཙུན་མར་གྱུར་པར་བསམ། དེ་བཞིན་དུ་བསྒྲུབ་པ་པོ་རྣམས་དང་མཆོད་པའི་ཡོ་བྱད་ཐམས་ཅད་ལ་གཏོར་བས། དེ་ཐམས་ཅད་ཀྱང་རྗེ་བཙུན་མར་གྱུར་པར་བསམ་པ་ནི་རྣལ་འབྱོར་བསྲུང་པའོ་
2-2-38a
༄༅། །ལ། དེ་ནས་རང་གི་མདུན་དུ་ཆང་ལག་པ་གཡོན་པས་གཡས་བསྐོར་དུ་གི་ཆོས་འབྱུང་རྩེ་མོ་རང་ལ་བསྟན་པ་བྱུགས། ཆོས་འབྱུང་དེ་ཉིད་ཤིན་ཏུ་ཡངས་ཤིང་རྒྱ་ཆེ་བ་གཅིག་ཏུ་བསམས་ལ། དེ་ཡང་ཡུལ་ཉི་ཤུ་རྩ་བཞི་བདེ་བ་ཅན་གྱི་འཇིག་རྟེན་གྱི་ཁམས་ལྟ་བུ་བསམ་ལ། ངག་ཏུ། ཨོ་བཾ་ཨཱཿཧཱུྃ་བཾ་བརྗོད་ལ་བཞག །ཆོས་འབྱུང་དེའི་དབུས་སུ་ཚོམ་བུ་གཅིག་བཀོད་ལ་ཇོ་མོར་བསམ། ངག་ཏུ། ཨོ་བཾ་ཞེས་བརྗོད། མདུན་གྱི་ཟུར་དུ་ཚོམ་བུ་གཅིག་བཀོད། ཧཾ་ཡོཾ་ཞེས་བརྗོད། གཡོན་ཟུར་དུ་ཚོམ་བུ་གཅིག་དགོད། ཧྲི་མོཾ་ཅེས་བརྗོད་པས། གཡས་ཟུར་དུ་ཚོམ་བུ་གཅིག་དགོད། གཡས་ནས་བརྩམས་ཏེ་ངག་ཏུ། ཧྲེ་ཧྲིཾ་ཞེས་བརྗོད། མཚམས་རྣམས་སུ་ཚོམ་བུ་རེ་རེ་དགོད་ལ། ཧཱུཾ་ཧཱུཾ་ཕཊ་ཕཊ་ཅེས་བརྗོད་ལ། བཅོམ་ལྡན་མ་རྣལ་འབྱོར་མར་མོས་པ་བྱས་སྤྱན་འདྲེན་པ་ལ་སོགས་པ་ཡེ་ཤེས་གཞུག་ཅིང་བཟླས་པ་བརྒྱ་རྩ་བརྒྱད་ལ་སོགས་པ་བྱའོ་ལ། དེ་ནས་དང་པོར་ཆང་གི་མཆོད་པ་ནི། དངོས་སུ་ལག་པ་ནང་གི་མཆོད་པ་གཡས་པའི་མཐིལ་དུ་ཆང་བཞག་ལ་གཡོན་པའི་མཐེ་བོང་དང་སྲིན་ལག་ཆང་གི་ནང་དུ་བཅུག་ཅིང་། མཎྜལ་ལ་གཏོར་ཞིང་ངག་ཏུ། ཨོཾ་བཾ་ཧཾ་ཡོཾ་ཧྲེཾ་མོཾ་ཧྲེཾ་ཧྲིཾ་ཧཱུཾ་ཧཱུཾ། ཕཊ་ཕཊ། ཅེས་མི་སྐྱོ་བར་དུ་ཡིད་ཀྱིས། རང་གི་ས་བོན་ལས་མཁའ་འགྲོ་མ་ནམ་མཁའ་གང་བར་སྤྲོས་ལ་བདུད་རྩི་མཆོད་པར་བསམ། དེ་ནས་མཁའ་འགྲོ་མ་བཞི་གཙོ་མོ་ལ་ཐིམ་པ་གསང་བའི་མཆོད་པའོ་བྱ། ཕྱིའི་མཆོད་པ་དེ་ནས་མཆོད་པ་རྣམ་བདུད་རྩི་
2-2-38b
ལྔའི་རང་བཞིན་དུ་བྱིན་གྱིས་རླབས་ལ་པ་ལྔ་ལ་སོགས་པ་འབུལ། ཡིད་ཀྱིས་མཆོད་པ་ནི། ལྷ་མོ་བཅུ་དྲུག་ལ་སོགས་ནམ་མཁའ་གང་བ་རང་རང་གི་ས་བོན་ལས་སྤྲོས་ལ་འབུལ་ཞིང་། ངག་ཏུ། ཨོཾ་གསུམ། སརྦ་བུདྡྷ་ཌཱ་ཀི་ནི་ཡེ་བཛྲ་ཝརྞ་ནི་ཡེ་བཛྲ་བཻ་རོ་ཙ་ནི་ཡེ་བཛྲ་ཡོ་གི་ནི་ཡེ་བཛྲ་པུཥྤེ་ཨཱཿཧཱུྃ་ཞེས་པ་དང་། དེ་བཞིན་དུ། བཛྲ་ཡོ་གི་ནི་ཡེ་བཛྲ་དྷུ་པེ་ཨཱཿཧཱུྃ། བཛྲ་ཨཱ་ལོ་ཀེ་ཨཱཿཧཱུྃ། བཛྲ་གནྡྷེ་ཨཱཿཧཱུྃ། བཛྲ་ནཻ་བི་ཏྱེ་ཨཱ་ཧཱུཾ། བཛྲ་རཏྣ་ཤཔྟ་ཨཱཿཧཱུྃ། ཤྲཱི་བཛྲ་ཡོ་གི་ནི་བཛྲ་ཨ་མྲྀ་ཏ་ཁཱ་ཧི། ཤྲཱི་བཛྲ་ཡོ་གི་ནི་བཛྲ་མ་ཏམ་གི་ཨརྒྷཾ་པྲ་ཏིཙྪ་སྭཱ་ཧཱ། ཞེས་མཆོད་པ་འབུལ། ད་འདི་དག་བྱིན་གྱིས་རླབས་དུས་དང་། ལག་མཆོད་དུས་ཀྱི་མཆོད་པ་འབུལ་དུས་ཡང་ཤེས་པར་བྱའོ། །ཇོ་མོའི་སྙིང་པོ་ཚར་གསུམ་བརྗོད་རྐང་བརྒྱད་ཀྱིས་བསྟོད། ཡི་གེ་བརྒྱ་པ་བཏོན། དྲིལ་བུ་མཆོད་བསྟོད་དུས་སུ་བསིལ། དེ་སྡིག་པ་བཤགས་པ་ལ་སོགས་པ་ནས་འདོད་པའི་དོན་ལ་གསོལ་བ་བཏབ་ལ། ཆོས་འབྱུང་སྔགས་དང་བཅས་པ་དེ་འོད་དམར་པོ་གཅིག་ཏུ་གྱུར་པར་བསམས་ལ། རང་གི་སྣ་བུག་གཡོན་པར་བཞུགས་ནས། ལྟེ་བའི་བཾ་ལ་ཐིམ་པར་བསམ་མོ༑ ༑དེ་ལྟར་ཕྱི་མཆོད་ཚར་ནས་ལག་མཆོད་བྱ་བ་ནི། རང་གི་ལག་པ་བྱང་ཆུབ་ཀྱི་སེམས་སྔོན་དུ་འགྲོ་བས་ཆང་བྱིན་གྱིས་རླབས་པ་དེས་བླུག་ལ། ནས་གཅིག་ལག་མཐིལ་དུ་བཞག །ཨོ་བཾ་ཕག་མོ་དམར་མོ་བསྐྱེད་ཞེས་བརྗོད༑ དེ་ནས་ལག་པའི་མདུན་དུ་ཚོམ་བུ་གཅིག་བཞག །ངག་ཏུ་ཧཾ་གཤིན་རྗེ་མ་སྔོན་མོ་བསྐྱེད་ཡོཾ་བརྗོད། དེ་ནས་གཡོན་བསྐོར་དུ་ཧྲིཾ་རྨོངས་བྱེད་མ་དཀར་མོ་མོཾ་བརྗོད། ཚོམ་བུ་གཅིག་བཞག ཡང་ཚོམ་བུ་
2-2-39a
༄༅། །གཅིག་བཞག །ཧཱུྃ་ཧཱུྃ་སྐྲག་བྱེད་མ་ལྗང་གུ་བསྐྱེད་བརྗོད། ཡང་ཚོམ་བུ་གཅིག་བཞག །ཕཊ་ཙན་ཏི་ཀ་དུད་ཁ་བསྐྱེད་ཕཊ་བརྗོད། མཐེ་བོང་སྟེང་དུ་གནས་འབྲུ་གཅིག་བཞག །ༀ་ཧ། ཞེས་བརྗོད། མཛུབ་མོའི་སྟེང་དུ་གཅིག་བཞག །ན་མ་ཧི་ཞེས་བརྗོད། གུང་མོའི་སྟེང་དུ་གཅིག་བཞག སྭཱ་ཧཱ་ཧཱུྃ། ཞེས་བརྗོད། སྲིན་ལག་གི་སྟེང་དུ་གཅིག་བཞག །བྷོ་ཥ་ཧེ་བརྗོད། མཐེའུ་ཆུང་གི་སྟེང་དུ་གཅིག་བཞག །ཧཱུཾ་ཧཱུཾ་ཧོ། ཞེས་བརྗོད༑ སོར་མོ་ཀུན་གྱི་སྟེང་ན་ཕར་ནས་གཅིག་གཏོར་ལ་ཕཊ་ཧཾ་གོང་གི་སྐབས་བཞིན་ཞེས་བརྗོད་ལ། ཆང་གི་ནང་དུ་ལག་པ་གཡས་པའི་མཐེ་བོང་དང་། སྲིན་ལག་བཅུག་ཅིང་། ལག་མཐིལ་དུ་ཆང་གཏོར་ཞིང་ངག་ཏུ། ཨོ་བཾ་ཧཾ་ཡོཾ་ཧྲེཾ་མོཾ་ཧྲེཾ་ཧྲིཾ་ཧཱུཾ་ཧཱུཾ་ཕཊ་ཕཊ་ཅེས་མི་སྐྱོ་བར་དུ་བྱ། དེ་ནས་ཤ་གཏུབ་གཏུབ་པ་རེ་རེ་ལག་པ་གཡོན་པར་བཅུག་ཅིང་། ཇོ་མོའི་སྙིང་པོ་བཏོན་ལ་ལག་པ་ཤེས་གང་གསང་བའི་བདེ་སྟོང་ཡང་དབུལ་བ་དང་། ལག་འདིར་ཡང་གོང་བཞིན་པའི་ཇོ་མོ་ལ་མེ་ཏོག་ལ་སོགས་པའི་མཆོད་པ་ལྔས་མཆོད་ནས། ལག་པ་གཡས་པས་དྲིལ་བུ་སྒྲོལ། ཇོ་མོའི་སྙིང་པོ་ཚར་གསུམ་དང་། ཡི་གེ་བརྒྱ་པ་བརྗོད། དེ་ནས་ལག་པ་གཡོན་པའི་ཤ་དེ་ཕྱེད་གཏོར་མར་བླུག །ཕྱེད་ཀྱི་ཕྱེད་ཚོགས་ཀྱི་ནང་དུ་བླུག །ཕྱེད་ཀྱི་ཕྱེད་སང་ཕྱིན་ཆད་ཀྱི་གཏོར་མར་བླུག་ལ། ལག་པའི་མཐིལ་གྱི་སྔགས་བཀོད་པ་དང་། ཆགས་རྣམས་རང་གི་སྤྱི་བོ་ནས་
2-2-39b
གདོང་ལ་བཀུའོ། །དེ་ནས་ཚོགས་བྱིན་གྱིས་རླབས་པ་ནི། དང་པོར་ཡོན་བདག་གིས་ཚོགས་ཀྱི་ཡོ་བྱད་ལག་ཏུ་ཐོགས་ལ། བྱིན་གྱིས་རླབས་པར་གསོལ་བ་གདབ་པ་ནི། བླ་མ་རྡོ་རྗེ་སློབ་དཔོན་ནི། ཆོས་ཀྱི་དབྱིངས་དང་ཡང་དག་ལྡན། །འགྲོ་བ་སེམས་ཅན་དོན་སླད་དུ། །ཐུགས་རྗེ་ཅན་གྱི་སྐུར་སྤྲུལ་ཏེ། །ཚོགས་ཀྱི་འཁོར་ལོ་རྒྱ་ཆེན་ནི། །བྱིན་གྱིས་རླབས་པར་མཛད་དུ་གསོལ། །ཞེས་གསོལ་བ་གདབ་པོ། །དེ་ནས་བྱིན་གྱིས་རླབས་པའི་ཆང་གིས་ཚོགས་ཀྱི་མཆོད་པ་བྲན་ནས། ཚོགས་ཀྱི་ཡོ་བྱད་རང་གི་ལག་པ་གཡོན་པས་བཟུང་ནས་དེ་ལྟར་ལེན་ན་ཡང་ཡིད་ཀྱིས་བསམ་ངག་ཏུ། ཨོཾ་ཨཱཿཧཱུྃ་ལན་དགུ་བརྗོད་པས་བདུད་རྩིར་བསམ། དེ་ནས་ཛ༔ཧཱུྃ་བཾ་ཧོཿབརྗོད་པས་རང་བཞིན་གྱི་གནས་ནས་ཡེ་ཤེས་ཀྱི་བདུད་རྩི་བྱོན་ནས་གཉིས་སུ་མེད་པར་བསམ་ལ། དེ་ནས་ཡོན་བདག་གིས་སློབ་དཔོན་ལ་མེ་ཏོག་གཏོར་ནས་འདི་སྐད་དུ། རྡོ་རྗེ་འཛིན་ཚོགས་དགོངས་སུ་གསོལ། བདག་གི་ཚོགས་ཀྱི་ཁྱད་པར་འདི། །དང་བའི་སེམས་ཀྱིས་དབུལ་ལགས་ན། །ཅི་བདེ་བར་ནི་བཞེས་སུ་གསོལ། །དེ་ནས་དང་པོ་ཐབས་ཤེས་རབ་ཀྱི་རྫས་ལག་པ་གཡས་གཡོན་དུ་བཟུང་ནས་གུས་པ་དང་བཅས་པས། ཧཱུྃ་གཟིགས་ཤིང་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱར་མི་རུང་། །བྲམ་ཟེ་ཁྱི་དང་གདོལ་པ་གསུམ། །རང་བཞིན་གཅིག་ཏུ་དགོངས་ཏེ་གསོལ། །ཨ་ལ་ལ་ཧོཿཞེས་པས་དྲངས་ལ། ལེན་པ་པོས་ཀྱང་འདི་སྐད་བརྗོད་ལ་བླངས། བདེ་བར་གཤེགས་པའི་ཆོས་རྣམས་ནི། །གཟུང་དང་འཛིན་པ་རྣམ་པར་སྤངས། །འདོད་ཆགས་དྲི་མ་དང་བྲལ་བའི། །དེ་བཞིན་ཉིད་ལ་བདག་ཕྱག་འཚལ། །ཞེས་པད་ཀོར་གྱི་ཕྱག་རྒྱས་བླང་ངོ་། །རྣལ་འབྱོར་པ་ལ་དང་པོ་ཆང་དྲང་། 
2-2-40a
༄༅། །དེ་ནས་ཤ་ཟན་དྲངས་ལ། ལྷའི་རྣལ་འབྱོར་འབའ་ཞིག་དང་མི་འབྲལ་བར་བཟའ། ལྷག་མ་རྣམས་སྐྱོས་མ་མི་འཁྱེར་བར་བསྡུས་ལ། ཕོར་བུར་བླུག་ལ་ཆང་གི་ཁ་ཕུས་བཏབ། བཛྲ་ཨུ་ཙིཥྚ་ཞེས་བརྗོད་ལ་ལྷག་མའི་གཏོར་མ་བཏང་། གཏོར་མ་བྱིན་རྣམས་ལ་ཀྱང་། ཡི་དམ་ཆོས་སྐྱོང་གཉུག་མར་གནས་པ་དང་། མི་མ་ཡིན་པ་ལ་བཏང་ལ། ཡི་གེ་བརྒྱ་པ་འདོན། བཀྲ་ཤིས་བརྗོད། འདོད་པའི་དོན་ལ་གསོལ་བ་བཏབ་པས། དཔའ་བོ་དང་མཁའ་འགྲོས་བྱིན་གྱིས་རླབས། བར་ཆད་ཀྱིས་མི་ཚུགས་སོ། །མྱུར་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པོ། །སློབ་དཔོན་ཁམས་པས་དུས་བཞིའི་མཆོད་པ་བྱ་ལུགས་བརྩམས། ཚེ་འདིར་མཆོག་ལ་རོལ་པར་ཤོག །བྱས་པའི་དགེ་བ་བླ་ན་མེད་པའི་བྱང་ཆུབ་ཏུ་བསྔོ། དེ་ལྟར་མ་ཆག་པར་བྱས་ན་ཚེ་རིང་བར་འགྱུར་རོ།། །།
༄། །བྱིན་རླབས་ཀྱི་རིམ་པ།
དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །ཕྱག་རྒྱ་ཆེན་པོ་རྡོ་རྗེ་ཡེ་ཤེས་ཀྱི་དཀྱིལ་འཁོར་དུ་སིན་དྷུ་རའི་དབང་བསྐུར་བ་ནི། དང་པོ་བསྙེན་པ་ཞག་བདུན་ལ་སོགས་པ་འགྲུབ་ཚད་གཅིག་བྱ། དེ་ནས་མེ་ལོང་ལ་ཆང་བྱིན་གྱིས་རླབས་ལ་བྱུགས་འོག་ཏུ་བཤད་པའི་ཡོ་བྱད་ཚོགས་པོར་བྱས་ལ་བྱང་ཆུབ་ཀྱི་སེམས་སྔོན་དུ་སོང་བས་ལག་པ་གཡོན་པས་གཡོན་བསྐོར་དུ་ལ་སིན་དྷུ་ར་བཙག །གསེར་གྱི་སྨྱུ་གུས་གྲུ་གསུམ་གཉིས་བརྩེགས་བྲི།དེའི་ནང་དུ་བཾ་གི་མཐའ་མར་གཡོན་བསྐོར་དུ་ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝཪྞ་ནི་ཡེ་བཛྲ་བཻ་རོ་ཙ་
2-2-40b
ནི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་སྔགས་མགོ་རང་ལ་བསྟན་ནས་བཀོད། ལོགས་རྣམས་སུ་གཡུང་དྲུང་བྲི། དེ་ནས་མཎྜལ་ས་གཞི་མཉམ་པ་ལ་གྲུ་བཞི་པར་བྱས་ནས་བའི་རྣམ་ལྔས་བྱུག །དེ་ནས་བདུད་རྩི་དང་དྲི་བྱུག། དེ་ལ་སོགས་པ་མཆོད་པའི་སྐབས་བཞིན་བྱས་ནས་བྱ་སྟེ། ཙག་དམར་པོས་གྲུ་གསུམ་གཉིས་བརྩེགས་བྲི། ལོགས་རྣམས་སུ་རྩིབས་དང་དབུས་སུ་མེ་ཏོག་བཀོད་གཡུང་དྲུང་བྲི། དེའི་དབུས་སུ་མ་འཇིའམ། དར་དམར་པོའི་ས་ཁ་གཡོགས་པ་ཁྲིའུའི་ཁར་ཐོད་པའམ་རིན་པོ་ཆེའི་སྣོད་དུ་ཆང་བྱིན་གྱིས་རླབས་ལ་བཞག་ལ་སྟེང་དུ་མེ་ལོང་བཞག །ལྷ་བཤོས་བདུན་དེའི་མཐའ་མ་མཆོད་པ་རྣམས་ལྔས་བསྐོར། མེ་ཏོག་དམར་པོ་ལ་སོགས་པའི་རིགས་མང་པོ་དང་། ཨ་ཀ་རུ་དང་དུ་རུ་ཀ་ལ་སོགས་པའི་དྲི་མང་པོ་དང་། ཚོགས་ཀྱི་མཆོད་པ་ནི་ཤའི་རིགས་མང་པོ་དང་། ཤིན་ཏུ་ཞིམ་པར་གྱུར་པའི་ཆང་མང་པོ་དང་། ཁུར་བ་དང་འབྲས་ཆན་ལ་སོགས་པའི་ཟས་སྣ་མང་པོ་བསོག་དཀོན་མཆོག་སྤྱིའི་མཆོད་པ་ཅི་འབྱོར་པ་བཤམ་ལ། དེ་ནས་ཐོད་པ་མཚན་དང་ལྡན་པར་བཞག་སྟེ། དེའི་ནང་དུ་བདུད་རྩི་བླུག །དེ་ནས་ལས་ཐམས་ཅད་པའི་ཆུས་སློབ་མ་ཁྲུས་བྱེད་དུ་བཅུག་ལ། སློབ་དཔོན་ལ་ཕྱག་འཚལ་ནས་གྲལ་ལ་འཁོད་པར་བྱའོ། །དེ་ནས་བགེགས་གཏོར་བསྔོས་ལ། སློབ་དཔོན་གྱིས་དེ་དག་གི་བློ་བཅོས། སྐྱབས་འགྲོ་ཐུན་མོང་བ་དང་དགེ་སྙེན་དང་བྱང་ཆུབ་ཏུ་སེམས་བསྐྱེད་པའི་བར་རྫོགས་པར་བྱའོ། །དེ་ནས་དཀོན་མཆོག་སྤྱི་མཆོད་འབུལ། བླ་མའི་མཆོད་པ་བྱ། སྟེ་ཨ་ཐམས་ཅད་ཀྱང་ཡོལ་བས་བསྐོར་ལ་མྲྀ་ཏས་
2-2-41a
༄༅། །བཞག །དེ་ནས་རང་སྐད་ཅིག་གིས་རྡོ་རྗེ་རྣལ་འབྱོར་མར་བསྒྲུབ་ཐབས་ནས་ཇི་ལྟར་བསྐྱེད་པ་བཞིན་བསྐྱེད་ལ། ཉེ་བའི་སྙིང་པོ་བརྒྱ་རྩ་བརྒྱད་ལ་སོགས་པ་གྲུབ་ཚད་བསྐྱལ། དེ་ནས་མེ་ལོང་གི་ཡིག་འབྲུ་རྣམས་སྐད་ཅིག་གིས་གཡུང་དྲུང་ཁ་ཌཱ་ཀིའི་ཁར་སྐད་ཅིག་གིས་བསྐྱེད་རྣལ་འབྱོར་མར་བསྐྱེད། བདག་དང་མེ་ལོང་གི་རྣལ་འབྱོར་མ་གཉིས་ཀྱི་ཐུགས་ཀ་ནས་འཕྲོས་ཏེ། ཨཽ་རྒྱན་ནས་ཕག་མོ་འཁོར་དང་བཅས་པ་སྤྱན་ཕྱག་དང་ཕྱི་ནང་གསང་བས་མཆོད་ནས་དྲངས་ཏེ། མེ་ལོང་གི་ལྷ་ལ་ཛཿཧཱུྃ་བཾ་ཧོ་བསྟིམ་སྟེ། གཉིས་སུ་མེད་པར་བྱས་ལ། དེ་ནས་བརྟེན་པར་བྱ་བའི་ཕྱིར་མེ་ལོང་གི་སྔགས་ཉི་ཤུ་རྩ་གཅིག་དེ་ནས་ཡོལ་བས་བཅུ་བཟླས། དེ་ནས་ཐོད་པའི་ཆང་བྱིན་རླབས་པ་ནི་ལ་སྦོམ་པོ་དང་མཐའ་རྟག་གིས་གྲུ་དངོས་པོ་ཟླུམ་པོར་བྱ་གསུམ་གཉིས་བརྩེགས་བྱས་ལ། དབུས་སུ་ཐིག་ལེའམ་ཧྲིཿལས་ཕག་མོས་སེར་མོར་བསྐྱེད། དེ་ནས་ཆང་གི་ལག་ༀ་གསུམ་མའམ། གོ་ཆའི་སྔགས་བརྗོད་ཅིང་། གཡས་པའི་མཐེབ་སྲིན་གྱིས་གཡོན་པའི་མཐིལ་དུ་གཏོར་ནས་དེས་ལག་པ་གཉིས་དག་པར་བསངས་ལ། དེ་ནས་གཡོན་གྱི་མཐིལ་དུ་གཡས་པའི་མཐེབ་སྲིན་གྱིས་བདུད་རྩི་བཟླུམ་བསྐོར་ནང་དུ་ཆོས་འབྱུང་བསྣོལ་མས་བྲིས་ལ། དབུས་སུ་བཾ་ལས་རྗེ་བཙུན་མ་ཤར་ཟུར་ནས་གཡོན་བསྐོར་དུ་གོ་ཆའི་ལྷ་མོ་སྔགས་ཀྱི་གཟུགས་ཅན་མ་རྣམས་བཀོད་ནས་ཉེ་བར་སྤྱོད་པ་ལྔ་ལ་སོགས་པ་དང་། བདུད་རྩིས་མཆོད་ནས། ཨོཾ་ཨཱཿཧཱུྃ་ལན་གསུམ་བརྗོད་པས། ལྷ་དེ་རྣམས་བདེ་བ་ཆེན་པོའི་ངོ་བོར་ཞུ་བར་བསམ་ལ་པའི་མཆོད་པས་ཕག་
2-2-41b
མོའི་སྤྱི་བོར་བྱུགས་པས་ཞུ་སྟེ། ཆང་བདུད་རྩི་དང་རོ་གཅིག་ཏུ་སོང་བར་བསམ། ཆང་དེས་མཆོད་རྫས་དང་ཚོགས་ལ་གཏོར་བས། འདོད་ཡོན་ལྔ་ཟག་མེད་ཀྱི་བདུད་རྩི་གྱུར་པར་བསམ། ཡེ་ཤེས་ཀྱི་བདུད་རྩིར་གྱུར་པར་བསམ་མོ། །དེ་ནས་བདུད་རྩི་དེ་བདག་ཉིད་ལ་གཏོར་བས་རྗེ་བཙུན་མར་གྱུར། སློབ་མ་ལ་གཏོར་བས་ཀྱང་རྗེ་བཙུན་མར་གྱུར། གཞལ་ཡས་ཁང་ལ་གཏོར་བས་ཀྱང་ནམ་མཁའི་གོ་སྐབས་ཐམས་ཅད་རྗེ་བཙུན་མར་འགྱུར། དེ་ནས་ཕྱོགས་བཅུ་ཐམས་ཅད་དུ་གཏོར་བས་སྐུ་གསུང་ཐུགས་ཀྱི་སྔགས་དང་གོ་ཆའི་སྔགས་ཀྱིས་བགེགས་བསྐྲད། ཚོགས་བྱིན་གྱིས་རླབས་པ་ལ་སོགས་པ་ཕྱིས་བྱ་མི་དགོས། དེ་ནས་ཉེ་བའི་ཨོཾ་ཧྲིཿཧཱུྃ་བཛྲ་པུཥྤེ་ཨཱཿཧཱུྃ་ལ་སོགས་པས་སྙིང་པོས་རྣལ་འབྱོར་མའི་རང་བཞིན་མེ་ལོང་གི་ལྷ་ལ་སོགས་པ་མཆོད་པ་ཐམས་ཅད་འབུལ་ལོ། །དེ་ནས་བསྟོད་པ་བྱ་སྟེ་གསོལ་བ་གདབ། དེ་ནས་བླ་མ་ལ་ཕྱག་བྱ་སྟེ་མདུན་དུ་བཞག་ལ་བསྒོམ་པའམ། ཡང་ན་ཆང་གིས་མཆོད་རྫས་ལ་བསངས་ལས་སློབ་མས་དཀྱིལ་འཁོར་གྱི་ལྷ་ལ་གཏོར་བྱ། མཆོད་པ་ཕུལ། བསྟོད་པ་བྱས་པའི་རྗེས་ལ། སྐབས་དེར་བླ་མ་ལ་ཡོན་ཕུལ། ཕྱག་འཚལ་བླ་མས་མཎྜལ་གྱི་ལྷ་ངོ་སྤྲད། མེ་ལོང་གི་ལྷ་རྣམས་ལ་ནས་འབྲུ་གཏོར་ནས་གསོལ་བ་གདབ་པ་ནི། དེ་བཞིན་བླ་མ་རྗེ་བཙུན་ཐམས་ཅད་དང་། རྡོ་རྗེ་རྣལ་འབྱོར་མ་ཐམས་ཅད་ལ། བདག་མིང་འདི་ཞེས་བགྱིང་བས་ཕྱག་འཚལ་ཞིང་སྐྱབས་སུ་མཆིའོ། །བདག་མིང་འདི་ཞེས་བགྱི་བས་ཉིད་ཀྱི་ཡེ་ཤེས་ནམ་མཁའ་ལྟ་བུས་གང་བར་མཛད་དུ་གསོལ། རྒྱས་པར་མཛད་དུ་
2-2-42a
༄༅། །གསོལ། །ཤིན་ཏུ་རྒྱས་པར་མཛད་དུ་གསོལ། དེ་བཞིན་ཉིད་ཀྱི་ཡེ་ཤེས་ནོར་བུ་ལྟ་བུས་གང་བར་མཛད་དུ་གསོལ། །རྒྱས་པར་མཛད་དུ་གསོལ། །ཤིན་ཏུ་རྒྱས་པར་མཛད་དུ་གསོལ། ཞེས་གསོལ་བ་ལན་གསུམ་གདབ། དེ་ནས་སྐྱབས་སུ་འགྲོ་བ་བྱ་བ་ནི། དུས་བླ་མ་རྗེ་བཙུན་ཐམས་ཅད་དང་། རྡོ་རྗེ་རྣལ་འབྱོར་མ་ཐམས་ཅད་བདག་ལ་དགོངས་སུ་གསོལ་འདི་ནས་བཟུང་སྟེ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ། རྡོ་རྗེ་རྣལ་འབྱོར་མ་ལ་སྐྱབས་སུ་མཆིའོ། །བྱ་བ་ལན་གསུམ་གྱི་བར་དུ་བྱའོ། །དེ་ནས་ཡེ་ཤེས་དབབ་སློབ་མ་རྗེ་བཙུན་མ་ཇི་ལྟ་བ་བཞིན་དུ་བསྒོམ་དུ་བཅུག་པ་ནི། གུ་གུལ་གྱིས་བདུག །ཨོཾ་གསུམ་པ་དྲག་ཏུ་བཟླས། རང་གི་སྙིང་ག་ནས་འོད་དམར་པོ་བྱུང་ནས་སློབ་མ་རྣམས་ལ་བསྟིམ་བསྟིམ་ཐིམ་པས། དེ་རྣམས་ཀྱིས་བྱིན་གྱིས་བརླབས་པར་བསམ། དེ་ནས་སློབ་མ་རྣམས་ལ་མེ་ལོང་གི་སྟེང་གི་ཕྱག་མཚན་བཞི་རིམ་གྱིས་གཏད་ལ། དེ་རྣམས་རིམ་གྱིས་བལྟར་བཅུག །དེ་ནས་སློབ་མ་རེ་རེ་ཞིང་དེ་བཞིན་བཅོལ། དེ་ནས་དེ་རྣམས་ངོ་སྤྲད་པ་ནི། གསང་སྔགས་བརྡ་སྟོང་ཡིན་པས། མདའ་གཞུ་གཏད་པས། ཐབས་ཤེས་རབ་ཟུང་འབྲེལ་དང་མ་བྲལ་བར་བགྱིས་པའི་བརྡ། ཐོད་པས་སྟོང་པ་དང་མ་བྲལ་བའི་བརྡ། ཕག་གདོང་གིས་རྟོག་པ་ཆོམས་པའི་བརྡ། རྡོ་རྗེ་རྒྱ་གྲམ་གྱིས་ཕྲིན་ལས་རྣམ་བཞི་ལ་དབང་བསྐུར་བའི་བརྡའོ། །དེས་བུམ་པའི་དབང་ཐོབ་
2-2-42b
པར་ངོ་སྤྲད། དེ་ནས་ཐོད་པའི་ཆང་སྲིན་ལག་གིས་ལྕེ་ཐོག་ཏུ་བཞག་པས་གསང་བའི་དབང་ངོ་སྤྲད། དེ་ནས་ཤེས་པ་མི་འཕྲོ་བར་བསྒོམ་དུ་བཅུག་ལ། ཀ་རའམ་བུ་རམ་ལྕེ་ཐོག་ཏུ་བཞག་པས། རོའི་བདེ་བ་བསྒོམ་དུ་བཅུག །བདེ་བ་ལ་བརྟེན་པའི་མི་རྟོག་པ་ཡང་བསྒོམ་དུ་བཅུག ། ཤེས་རབ་ཡེ་ཤེས་ཀྱི་དབང་དུ་ངོ་སྤྲད། དེ་ནས་སློབ་དཔོན་གྱི་ཕྱག་གི་མཐིལ་བསྟན་ལ་ཅི་འདུག་བྱ། དེས་ཅང་མ་མཐོང་ཟེར་བ་དང་༑ རྡོ་རྗེ་བཞག་ལ་ཅི་འདུག་དྲི། དེ་ནས་སེ་གོལ་གསུམ་བྱ། དེ་ནས། ཕྱག་རྒྱ་ཆེན་པོའི་གནས་མཆོག་ན། །བྱང་ཆུབ་སེམས་དཔའ་སྤྱོད་པའི་བློ་གྲོས་བཞུགས། བྱ་བ་འདི་ལན་གསུམ་བརྗོད་ལ། དེ་ནས་དེ་རྣམས་ངོ་སྤྲད་པ་ནི། དང་པོ་ལག་མཐིལ་སྟོང་པས་ནི་ཆོས་ཐམས་ཅད་སྐྱེ་བ་མེད་པའི་བརྡ། གཉིས་པ་རྡོ་རྗེ་བསྟན་པས་སྐྱེ་བ་མེད་ཀྱང་རྐྱེན་ལས་དེ་ལྟར་སྣང་བའི་བརྡ། གསུམ་པ་སེ་གོལ་བྱས་པས། དེ་ཐམས་ཅད་ཀྱང་གཉིས་སུ་མེད་པར་རོ་གཅིག་པའི་བརྡ། བཞི་པ་ཕྱག་རྒྱ་ཆེན་པོའི་གནས་མཆོག་བྱ་བ་ཡང་། མིང་ཙམ་མམ་བརྡ་ཙམ་ལས་གྲུབ་པ་མེད་པའི་བརྡའོ། །དེ་རྣམས་ཀྱིས་ནི་དབང་བཞི་པའི་ངོ་སྤྲད་དོ། །དེ་ནས་སློབ་དཔོན་གྱིས་མེ་ལོང་གི་སིནྡྷུ་ར་བསྡུས་ལ། སློབ་མའི་དཔྲལ་བར་ཐིག་ལེ་རེ་རེ་བྱ། མེ་ལོང་གི་ལྷ་ལྔ་སློབ་མ་ལ་ཐིམ་པར་དཔོན་སློབ་གཉིས་ཀས་བསམ། སྔར་གྱི་ཐོད་པའི་ཆང་དེ་གཏོར་མ་རྣམས་སུ་
2-2-43a
ཁ ༄༅། བཞི་བཅུ་ཞེགསུམ་།ཅི་རིགས་པར་བླུག་ལ། ཆང་དེའི་ལྷག་མའི་ནང་དུ་ཚོགས་ཀྱི་ཕུད་བཅོས་པའི་དུམ་བུ་རྣམས་བཅུག་ལ། ཇོ་མོ་ལ་ཟུར་བསྔོས་ཙམ་བྱས་པས་ཆོག་གོ །སྔར་གྱི་གཏོར་མ་གསུམ་གཅིག་རྒྱུད་སྡེ་བཞིའི་ལྷ་ཚོགས་ལ། གཅིག་ཆོས་སྐྱོང་ཐམས་ཅད་ལ། གཅིག་རིགས་དྲུག་ལ་འབུལ། དེ་ནས་ཇོ་མོའི་ང་རྒྱལ་གྱིས་ཚོགས་ལ་ལོངས་སྤྱོད་དོ། །ཤ་ལྷུ་གཅིག་དང་ཟན་གཅིག་ཕྱིར་ཉིན་བུད་མེད་ཁྱོ་མེད་པ་གཅིག་ལ་སྦྱིན་ནོ། །བླ་མ་རིན་པོ་ཆེའི་ལུགས་སོ། །ཡང་ན་བྱིན་རླབས་བྱ་སྟེ། བདུད་རྩི་ལྔའི་མཎྜལ་བྱ་སྟེ། དེའི་སྟེང་དུ་རྐང་པ་གཉིས་གཤིབས་ལ་ལག་པ་གཉིས་བརྐྱང་། རྡོ་རྗེ་བསྡམས་པ་ལས་གུང་མོ་གཉིས་བརྐྱང་ལ་རྣམ་པར་མ་ལྟར་བསམ་ཅུ་བཅུག་ལ། དེའི་དཔྲལ་བར་མེ་ལོང་གི་དཀྱིལ་འཁོར་བར་བསམ་སྟེ། སྨིན་ཕྲག་ཏུ་རུས་པ་གྲུ་གསུམ་གྱི་ནང་ན་ཆོས་འབྱུང་གཉིས་བརྩེགས་སྔགས་དང་བཅས་པ་གཡོན་དུ་འཁོར་བ་ལ་ཤེས་པ་གཏད་ལ་སྟེང་རླུང་མནན༑ འོག་རླུང་དྲངས་ལ་མ་ཡེངས་པར་བསམ་དུ་བཞུག །དེ་དོན་ཐམས་ཅད་འགྲུབ་པའི་འཁོར་ལོ་ཡིན་གསུང་ངོ་། །བླ་མས་ཀྱང་སློབ་མའི་སྨིན་ཕྲག་ཏུ། སློབ་དཔོན་གྱི་ལྟེ་བ་ནས་འོད་ཟེར་འཕྲོས་བས་མེ་ལོང་གི་རྣལ་འབྱོར་མ་ལ་ཕོག་གོ ། འོད་གཉིས་འདོམ་པའི་ཚུལ་གྱིས་སློབ་མའི་ལྟེ་བ་ཡིས་ལུས་ཐམས་ཅད་གང་ཞིང་བདེ་སྟོང་ལྷན་ཅིག་སྐྱེས་པར་དཔོན་སློབ་གཉིས་ཀས་ཞེས་ཀྱང་གསུང་ངོ་། །འོག་རླུང་དྲང་། སྟེང་རླུང་མནན། སྔགས་སྐུགསུམ་གྱི་དང་། སྒྲ་ཌཱ་མ་རུའི་དང་། ཏིང་ངེ་འཛིན་གསུམ་གྱིས་དབབ་པར་བྱའོ། །85
2-2-43b
སེམས་ལ་བབས་ན་སྤྲོས་བྲལ། དེས་མ་ཕེབས་ན་སེང་གེའི་ཁྲི་སྟེང་ནས་པདྨ་ཉི་མ་ཟླ་བའི་སྟེང་ན་བླ་མ་བཞུགས་པར་བསམ་དུ་གཞུག །དེས་མ་ཕེབས་ན། ལྟེ་བར་ཆོས་འབྱུང་གི་ནང་དུ་རྗེ་བཙུན་མ་སྐུ་དོག་དམར་མོ་རྒྱན་ཆ་ལུགས་དང་ལྡན་པ་གཅིག་གར་བསྒྱུར་གྱིན་བཞུགས་པ་ལ་སེམས་གཏད། ངག་ལ་བབས་ན་རྒྱ་སྐད་ལ་སོགས་པ་ཆོས་སྨྲ། ལུས་ལ་བབས་ན་འཕར་བ་དང་འདར་བ་དང་གར་བྱེད་པ་འབྱུང་ངོ་། །དེ་ནི་ཐུན་མོང་དུ་འགྲོ་སྟེ། དེ་ནས་མེ་ལོང་འག་ཏུ་མེཏོག་བཀྲམ་ལ་དེས་བསྡུས་ཏེ་གི་ལྷ་ལ་མེ་ཏོག་གཏོར་ལ་ཕྱག་བྱ་སྟེ། བླ་མ་ལ་ཕྱག་བྱ་སྟེ་མདུན་དུ་བཞག་ལ་ཕྱག་མཚན་རྗེས་གནང་དུ་མ་བྱེད་གཏད་དེ། བུམ་པའི་དབང་ངོ་སྤྲད། ལྕེ་ཐོག་ཏུ་འོ་མ་ལ་སོགས་པའི་མངར་བཞག་ལ་རོའི་བདེ་བ་ལུས་བདེ་ཕྲིལ་ཕྲིལ་བར་བསྒོམ་དུ་བཅུག ། བདེ་བ་ལ་བརྟེན་པའི་མི་རྟོག་པ་བསྒོམ་ཐོད་པ་ལ་སོགས་པའི་ལྷ་མཆོད་ནས་ལུས་ལ་ཐིམ་པར་བསམ་དུ་བཞུག །རླུང་ཐམས་ཅད་ལམ་བདེ་བ་བསྒོམ་དུ་རུང་། ཟག་བཅས་དང་ཟག་མེད་བསྒོམ་དུ་རུང་། ཞེས་གསང་དབང་དང་ཤེས་རབ་ཡེ་ཤེས་ངོ་སྤྲོད། དེ་ནས་ལག་མཐིལ་བསྟན་ལ་ཅི་འདུག་བྱས་ལ། མ་མཐོང་བ་དེ་ཆོས་ཐམས་ཅད་ལ་སྐྱེ་བ་མེད་པའི་བརྡ་བསྟན། དེ་ནས་རྡོ་རྗེ་བསྟན་ལ་ཅི་འདུག་དྲིས་ལ་དེ་དང་འདྲ་སྟེ། རྐྱེན་གྱིས་དེ་ལྟར་སྣང་བ་ཡིན་ནོ། །ངོ་བོ་ཉིད་ཀྱིས་མ་སྐྱེས་པ། །བདེ་བ་ཆེན་པོའི་རང་བཞིན་ཡིན་ནོ། །ཞེས་བསྟན་པ་ནི། དེ་ལ་ཡང་ཕྱག་རྒྱ་ཆེན་པོའི་གནས་མཆོག་ན། །བྱང་ཆུབ་86
2-2-44a
༄༅། །སེམས་དཔའ་སྤྱོད་པའི་བློ་གྲོས་བཞུགས། །བརྡ་དེ་སྐད་དུ་གསུང་། དེ་ནི་ཕྱག་རྒྱ་ཆེན་པོ་བསམ་དུ་མེད་པའི་བརྡ། ལག་མཐིལ་བསྟན་ནས་རྡོ་རྗེ་བསྟན་པ་དེ་ནི་རྐྱེན་ལས་ངོ་བོ་མ་སྐྱེས་པའི་བརྡ། སེ་གོལ་ཏོག་པ་ནི་དུ་མ་རོ་གཅིག་བརྡའོ༑ ༑ཐོད་པའི་ཆང་ལ་བཟླུམ་པོར་བསྐོར་བ་དེ་བདེ་བ་ཆེན་པོའི་བརྡའོ། །གྲུ་གསུམ་དེ་སྟོང་པའི་བརྡ། དབུས་ཀྱི་ཐིག་ལེ་དེ་རང་རིག་པའི་བརྡ། དེའི་སྟེང་དུ་རོ་རྡོ་རྗེ་མ་བསྐྱེད་དེ། དེ་ནས་ལག་པའི་ལྷ་བསྐྱེད་དེ་མཆོད། དེ་རྣམས་ཞུ་བས་བདུད་རྩིར་གྱུར་པ་དེ་རོ་རྡོ་རྗེ་མའི་སྤྱི་བོར་བླུག་པས་ཞུ་བར་གྱུར་ཏེ། ཐམས་ཅད་བདུད་རྩིར་གྱུར་པར་བསམ། བླ་མ་དང་སངས་རྒྱས་ཐ་དད་མེད་པར་ལྟར་བཞག །མདའ་གཞུ་བསྟན་པ་དེ་སིནྡྷུ་རའི་དཀྱིལ་འཁོར་འདིར་དབང་བཞི་གཅིག་པར་བསྐུར་ནས་ཐབས་ཤེས་རབ་ཡ་མ་བྲལ་བར་བསྒོམ་པ་ལ་དབང་བའི་བརྡ། དེ་བཞིན་དུ་ཕག་ཞལ་མི་རྟོག་པ་བསྒོམ་པ་ལ་དབང་། ཐོད་པ་ཆོས་ཐམས་ཅད་སྟོང་པ་ཉིད་དུ་བསྒོམ་པ་ལ་དབང་། སྣ་ཚོགས་རྡོ་རྗེ་ཕྲིན་ལས་རྣམ་བཞི་ལ་དབང་། འདི་རྣམས་རྗེས་གནང་དུ་བྱེད་ན་སྐབས་འདིར་ཡིན། མེ་ལོང་གི་ལྷ་སློབ་མའི་ལྟེ་བར་བསྡུད་པ་སྐབས་འདིར་མཛད་པ་ཕྱག་བཞེས་ཡིན། བླ་ན་མེད་པའི་ཐེག་པ་ལ་དད་པ་ཁྱད་པར་ཅན་བསྐྱེད་ནས། གཏོར་མ་ལ་བྱིན་རླབས་བྱས་ལ། གཅིག་རྣལ་འབྱོར་མ་ལ་འབུལ། གཅིག་བདེ་མཆོག་གི་ལྷ་ཚོགས་ལ་བསྔོ་། གཅིག་ཆོས་སྐྱོང་ལ། གཅིག་ཡུལ་དེ་ན་གནས་པའི་ས་བདག་ལྷ་ཀླུ་ལ། གཅིག་འགྲོ་བར་རིགས་དྲུག་ལ་བསྔོ། དེ་ནས་གཏོར་མ་བཏང་ལ་བཀྲ་ཤིས་
2-2-44b
བརྗོད་པ་ནི། རྡོ་རྗེ་མཁའ་འགྲོས་ཧཱུྃ་བྱིན་པའི། །སེམས་ཉིད་འོད་གསལ་འདུས་མ་བྱས། །གཉིས་མེད་དཔེ་བྲལ་དོན་རྟོགས་པའི། །ཕྱག་རྒྱ་ཆེན་པོའི་བཀྲ་ཤིས་ཤོག །སངས་རྒྱས་མཁའ་འགྲོས་ལེགས་བྱིན་པའི༑ ༑ཆོས་རྣམས་རང་བཞིན་རང་གི་སེམས། །སྒྱུ་འདྲ་ཆོས་ཀྱིས་མ་བཅིངས་པའི། །ཆོས་ཀྱི་ཕྱག་རྒྱ་བཀྲ་ཤིས་ཤོག །རིན་ཆེན་མཁའ་འགྲོས་ལེགས་བྱིན་པའི། །ཡོན་ཏན་དཔག་ཏུ་མེད་པས་བརྒྱན། །བདུད་དང་ནད་རྣམས་ཞི་མཛད་པའི། །བསམ་པ་འགྲུབ་པའི་བཀྲ་ཤིས་ཤོག །པདྨ་མཁའ་འགྲོས་ལེགས་བྱིན་པའི། །ཐབས་དང་ཤེས་རབ་གཉིས་མེད་སྦྱོར། །བདེ་ཆེན་ཡེ་ཤེས་ཐབས་ཀྱི་མཆོག །གསང་བ་ཤེས་རབ་བཀྲ་ཤིས་ཤོག །ལས་ཀྱི་མཁའ་འགྲོས་ལེགས་བྱིན་པའི། །རྣལ་འབྱོར་དམ་ཚིག་གཙང་བ་ལ། །ཞི་དང་རྒྱས་ལ་སོགས་པ་ཡི། །ལས་རྣམས་འགྲུབ་པའི་བཀྲ་ཤིས་ཤོག །འཇིག་རྟེན་མཁའ་འགྲོས་ལེགས་བྱིན་པའི། །འགྲོ་བའི་བསམ་པ་རབ་ཤེས་ཏེ། །ཐབས་རྣམས་དུ་མས་འདུལ་མཛད་པའི། །མངོན་ཤེས་དྲུག་ལྡན་བཀྲ་ཤིས་ཤོག །རྡོ་རྗེ་ཕག་མོས་ལེགས་བྱིན་པའི། །གསང་སྔགས་མཆོག་གི་ཆོག་ལ། །ལུས་ངག་ཡིད་གསུམ་མཐུ་གྲུབ་པའི། །དངོས་གྲུབ་མཆོག་གི་བཀྲ་ཤིས་ཤོག །དཔའ་བོ་རྣམས་ཀྱིས་ལེགས་བྱིན་པའི། །སྐུ་གསུང་ཐུགས་ཀྱི་བཀྲ་ཤིས་ཤོག །ལྷ་མོ་བརྒྱད་ཀྱིས་ལེགས་བྱིན་པའི། །ཡང་དག་མཆོད་
2-2-45a
༄༅། །པའི་བཀྲ་ཤིས་ཤོག །བླ་མ་རྣམས་ཀྱིས་ལེགས་བྱིན་པའི། །རྟག་ཏུ་ཡེ་ཤེས་ཐུགས་རྗེ་ཡིས། །གཟིགས་ཤིང་ཆོས་སྐུར་ངོ་སྤྲོད་པའི། །བྱིན་རླབས་མཆོག་གི་བཀྲ་ཤིས་ཤོག །ཆོས་སྐྱོང་རྣམས་ཀྱིས་ལེགས་བྱིན་པའི། །འཁོར་བཟང་ལོངས་སྤྱོད་ལྡན་པ་དང་། །ནད་དང་གདོན་ལས་ཐར་བ་ཡིས། །བར་ཆད་མེད་པའི་བཀྲ་ཤིས་ཤོག །དེ་ནས་ཀ་པཱ་ལའི་བདུད་རྩི་དྲང་། ཚོགས་ལ་ཅི་བདེ་བར་ལོངས་སྤྱད་པར་བྱའོ༑ ༑དེ་ནས་བཤགས་པ་བྱ་བ་ནི། ཧཱུྃ་དཔའ་བོ་དང་ནི་དཔའ་མོ་དང་། །འཇིག་རྟེན་རྣལ་འབྱོར་མ་རྣམས་ནི། །བདག་ལ་བརྩེ་བར་དགོངས་ནས་ནི། །འདི་ཉིད་དུ་ནི་བཞུགས་སུ་གསོལ། །བདག་ནི་མ་རིག་དབང་གྱུར་པས། །བླང་དང་སྤང་བྱ་མ་ཤེས་ནས། །ཉེས་པ་བགྱིས་པ་ཅི་མཆིས་པ། །རྡོ་རྗེ་རྣལ་འབྱོར་མ་ལ་བཤགས། །བདག་ནི་འདོད་ཆགས་དབང་གྱུར་པས། །ཟང་ཟིང་ཕྱིར་ནི་ཉེས་བསགས་ནས། །ཕོ་ཉ་ལ་སོགས་ཁྲོས་པ་རྣམས། །བླ་མ་ཡི་དམ་ལྷ་ལ་བཤགས། །བདག་ནི་ཞེ་སྡང་དབང་གྱུར་ནས། །སེམས་ཅན་རྣམས་ལ་ལུས་ངག་གིས། གནོད་པ་བགྱིས་པ་ཅི་མཆིས་པ། །བླ་མ་ཡི་དམ་ལྷ་ལ་བཤགས། །བདག་ནི་གཏི་མུག་དབང་གྱུར་ནས། །བླ་མ་རྡོ་རྗེ་སྤུན་རྣམས་ལ། །ལུས་ངག་ཡིད་ཀྱིས་ཁྲོས་ལ་སོགས། །བླ་མ་ཡི་དམ་ལྷ་ལ་བཤགས། །བདག་ནི་རྨོངས་པའི་དབང་གྱུར་པས། །རྩ་བའི་སྟོང་བ་བྱུང་བ་དང་། །
2-2-45b
ཡན་ལག་ཉམས་པར་གྱུར་པ་རྣམས། །བླ་མ་ཡི་དམ་ལྷ་ལ་བཤགས། །བདག་ནི་ལེ་ལོའི་དབང་གྱུར་པས། །གཉིད་དང་བྱིང་རྨུགས་དབང་གྱུར་པས། །སྐུ་གསུང་ཐུགས་ཀྱི་དམ་ཚིག་ཉམས། །བླ་མ་ཡི་དམ་ལྷ་ལ་བཤགས། །དེ་ལྟར་བཤགས་པས་ཉེས་དག་ནས། །གནས་སྐབས་ཐུན་མོང་དངོས་གྲུབ་སྩོལ། །མཐར་ཐུག་མཆོག་གི་དངོས་གྲུབ་ནི། །ཕྱག་རྒྱ་ཆེན་པོ་ཐོབ་པར་ཤོག །ལྷག་མའི་གཏོར་མ་ཨུ་ཙིཥྚས་བསྔོས་ལ་བཏང་ངོ་། །བཏང་ཡང་དཀྱིལ་འཁོར་གསལ་བཏབ་ལ། སིནྡྷུ་རའི་ཐིག་ལེ་བྱ། སྤྱི་བོར་བླ་མ་བསྒོམ། སྙིང་གར་ཡི་དམ་བསྒོམ་པའི་བཤད་པ་བྱའོ་རག་གི་མཆོད་པ་བྱ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །ཅེས་པས་ཡེ་ཤེས་སེམས་དཔའ་གཤེགས་སུ་གསོལ། །དམ་ཚིག་སེམས་དཔའ་སློབ་མའི་ལྟེ་བར་བསྡུ། ཆོ་ག་ཉམས་ཆགས་ཡི་གེ་བརྒྱ་པས་བསྐང་། མཆོད་པ་རྣམས་བརྡོག བྱིན་རླབས་ཀྱི་རིམ་པ་རྫོགས་སོ།། །།
༄། །མཎྜལ་བརྟན་པར་བྱ་བ།
ཧཱུཾ་མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་པ་ཡི། །དངོས་རྣམས་མ་ལུས་ཇི་བཞིན་དོན་རྟོགས་པའི། །བཅོམ་ལྡན་ཕག་མོ་འཁོར་བཅས་གཤེགས་སུ་གསོལ། །ཆོས་ཉིད་བདེ་ཆེན་གཞལ་ཡས་ནས། །གྲུབ་ཐོབ་བླ་མ་གཤེགས་སུ་གསོལ། །ནུབ་ཕྱོགས་ཨཽ་རྒྱན་གཞལ་ཡས་ནས། །རྡོ་རྗེ་ཕག་མོ་གཤེགས་སུ་གསོལ། །དག་པ་བདེ་ཆེན་གཞལ་ཡས་ནས། །རྡོ་རྗེ་མཁའ་འགྲོ་
2-2-46a
༄༅། །གཤེགས་སུ་གསོལ། །མི་འགྱུར་གནས་པའི་གཞལ་ཡས་ནས། །སངས་རྒྱས་མཁའ་འགྲོ་གཤེགས་སུ་གསོལ། །རིན་ཆེན་ཡིད་བཞིན་གཞལ་ཡས་ནས། །རིན་ཆེན་མཁའ་འགྲོ་གཤེགས་སུ་གསོལ༑ ༑ཤེས་རབ་བཙུན་མོའི་བྷ་ག་ནས། །པདྨ་མཁའ་འགྲོ་གཤེགས་སུ་གསོལ། །དུར་ཁྲོད་ཆེན་པོའི་གནས་བརྒྱད་ནས། །ལས་ཀྱི་མཁའ་འགྲོ་གཤེགས་སུ་གསོལ། །འཇིག་རྟེན་སྣ་ཚོགས་གཞལ་ཡས་ནས༑ ༑སྣ་ཚོགས་མཁའ་འགྲོ་གཤེགས་སུ་གསོལ། །ཞེས་པ་ལ་སོགས་པས་སྤྱན་དྲངས། དེ་ལ་མེ་ལོང་གི་ལྷ་ལ་བསྟིམ་པས་གཉིས་སུ་མེད་པར་བསམ་ལ། ཨོཾ་ཤྲཱི་བཛྲ་ཡོ་གི་ནི་ས་མ་ཡ་ཧཱུཾ། ཨོཾ་ན་མ་ཏེ་ཧཱུཾ། ན་མ་མེ་ཧཱུཾ། ན་མོ་ན་མཿཧཱུྃ། ཞེས་ཐལ་མོ་སྤྱི་བོ་དང་མགྲིན་པ་དང་སྙིང་གར་སྦྱར་ལ། སྐུ་གསུང་ཐུགས་ལ་ཕྱག་བྱ། དེ་ནས། བཅོམ་ལྡན་ཐུགས་རྗེ་བྱོན་པ་ལེགས། །བདག་ལ་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་ནས་ཀྱང་། །འདི་ཉིད་དུ་ནི་བཞུགས་སུ་གསོལ། །ཞེས་བརྗོད་ལ་མཎྜལ་བརྟན་པར་བྱ་བའི་སྔགས་བརྗོད།། །།
༄། །རྡོ་རྗེ་རྣལ་འབྱོར་མའི་ཁྲུས་ཀྱི་ཆོ་ག།
བླ་མ་དམ་པ་རྣམས་ལ་ན་མོ། རྡོ་རྗེ་རྣལ་འབྱོར་མའི་ཁྲུས་ཀྱི་ཆོ་ག་ནི༑ གདོན་ཅན་ལྟ་བུ་ཡིན་ན། ཆུའི་ནང་དུ་ཆོས་འབྱུང་གྲུ་གསུམ་བསམ། དེའི་ཟུར་དང་དབུས་རྣམས་སུ། ཨོ་བཾ་ཧཾ་ཡོཾ་ལ་སོགས་པའི་དེ་ཆུ་ནང་གི་སྟེང་དུ་བླུག་ཅིང་སྔགས་རྣམས་བསམ། ཡང་ན་སྔགས་ཀྱི་ཡི་གེ་
2-2-46b
རྣམས་ལ། གོ་ཆའི་ལྷ་མོ་རྣམས་བསམ། དེ་རྣམས་བདུད་རྩི་ཞུ་བར་བསམ་ནས། སྔགས་འདི་དག་གམ། ཡང་ན་སྔགས་རིང་བཟླས་ལ་ཁྲུས་བྱ། སྡིག་སྒྲིབ་དང་བར་ཆད་དག་པར་བསམ། བ་སྤུའི་བུ་ག་ཐམས་ཅད་ལྷ་མོའི་རང་བཞིན་གྱིས་བལྟམས་པར་བསམ། སྡིག་སྒྲིབ་དག་པར་འདོད་ན། རྡོ་རྗེ་སེམས་དཔའ་ཡབ་ཡུམ་ཆུ་ནང་དུ་བསམ་ལ། དེ་དག་བདུད་རྩིར་ཞུ་བར་བསམ་ལ། ཡི་གེ་བརྒྱ་པ་བཟླས་ཤིང་ཁྲུས་བྱ། ཡང་ན། ནར་མར་ཁྲུས་བྱ་བར་འདོད་ན། ཆུ་མི་དམིགས་པ་ལས། ཆོས་འབྱུང་གི་དབུས་སུ་བཾ་འཾ། ཧྲིཿབསམ། ལག་པ་ཆོས་འབྱུང་གི་ཕྱག་རྒྱ་བཾ་འཾ། ཡང་ན་ལག་པ་གཡོན་པའི་མཐིལ་དུ་ཆོས་འབྱུང་། དབུས་སུ་བཾ་གྱིས་མཚན་པར་བསམ༑ ཆུ་ནང་གི་བཾ་ལས་འོད་འཕྲོས་པས། ལག་པའི་བཾ་ལས་ཕོག་པར་བསམ་ཞིང་ཆུ་ལག་མཐིལ་དུ་གཏོར་བས་ཡེ་ཤེས་ཀྱི་བདུད་རྩིར་ཞུ་བར་བསམ་ལ་བཅས་ལ། ངག་ཏུ། ཨོཾ་ཨཱཿཧཱུྃ་ལན་གསུམ་བརྗོད་པས། ཧྲིཿལས་འོད་ཟེར་འཕྲོས་པས། བདེ་༼བཾ༽་བར་གཤེགས་༼བཾ་གི༽པ་ཐམས་ཅད་ཀྱི་སྐུ་གསུང་ཐུགས་ཀྱི་བདུད་རྩི་བཀུག་པས། འོད་ཟེར་འདུས་ནས་བཾ་འཾ་ཧྲིཿལ་ཐིམ་པར་བསམ། ཧྲིཿཆོས་འབྱུང་དང་བཅས་པ་འོད་དུ་ཞུ་བར་བསམ། ངག་ཏུ། ཨོཾ་བཾ་ལ་སོགས་པ་བཟླ་ཞིང་ཁྲུས་བྱས་པས། ནད་དང་གནོད་པ་དང་སྡིག་སྒྲིབ་ཐམས་ཅད་བྱང་ནས། ལུས་ཇོ་མོའི་སྐུར་ཝལ་གྱིས་གྱུར་པར་བསམ། ཇོ་མོའི་ང་རྒྱལ་གྱིས་སྤྱོད་ལམ་བྱའོ། ཁ་ཟས་ཀྱི་རྣལ་འབྱོར་ནི། 
2-2-47a
༄༅། །ཟས་སྐོམ་གྱི་སྟེང་དུ་ཆོས་འབྱུང་གི་ནང་དུ་བཾ་བསམ། དེའི་སྟེང་དུ་ཆོས་འབྱུང་གི་ཕྱག་རྒྱ་བཅས་ལ། དེའི་མཛུབ་མོ་གཉིས་ལ་བཾ་བསམ། སྔ་མའི་བཾ་ལས་འོད་འཕྲོས་པས། ཡེ་ཤེས་ཀྱི་བདུད་རྩི་བཀུག་ནས་ཟས་ཟས་སྐོམ་ལ་ཐིམ་པར་བསམ། དེ་ནས་མཛུབ་མོའི་བཾ་ལས་ཀྱང་བདུད་རྩི་བབ་པར་ཀཾ༽བསམ། ཡང་འདི་ཁོ་ནས་ཉན་ན་མི་མང་ནས་མ་འཛོམ་ན། གཡོན་པའི་སྲིན་ལག་གིས་རེག་ལ། ཡི་གེ་གསུམ་ལན་གསུམ་བརྗོད་པས་བདུད་རྩིར་གྱུར་པར་བསམ་ལ། མདུན་དུ་ཇོ་མོ་བསམ་ལ་ཕུད་འབུལ། རང་ཡང་ཇོ་མོའི་ང་རྒྱལ་དང་ལྡན་པར་བྱས་ལ་ལོངས་སྤྱོད། ལྷག་མ་ཅི་བདེ་བར་བྱའོ།། །།
༄། །ཚོགས་བསགས་པའམ། སྒྲིབ་པ་སྦྱང་བ།
བླ་མ་དམ་པ་རྣམས་ལ་ན་མོ། ཚོགས་བསགས་པའམ། སྒྲིབ་པ་སྦྱང་བར་འདོད་པས། རྡོ་རྗེ་རྣལ་འབྱོར་མའི་ཞི་བའི་སྦྱིན་སྲེག་བྱེད་པར་འདོད་ན། གནས་ཡིད་དུ་འོང་བར་མཎྜལ་ཟླུམ་པོར་བྱས་ལ། རྣམ་ལྔ་དྲི་དང་ཆང་གིས་བྱུགས་ལ། དབུས་སུ་པདྨ་འདབ་མ་བཞི་པའི་སྟེང་དུ་མཎྜལ་བཟླུམ་པོ་དཀར་པོ་བྲིས་ལ་བི་ཆོས་འབྱུང་དང་པད་མ་དཀར་པོ་བྲི་འམ། ཧྲི༔དེ་ལ་ནང་དུ་ཡམ་ཤིང་ཤུག་པ་ལ་སོགས་པ་བཟླུམ་པོར་བརྩིགས་བྲི། དཀོན་མཆོག་སྤྱིའི་མཆོད་པ་རྣམ་ལྔ་མདུན་དུ་བཤམ༑ ཞི་ཤིང་སྐམ་གིས་ནང་བརྫང་། བའི་སྦྱིན་སྲེག་གི་རྫས་ཐམས་ཅད་བསག་མར་ཁུ་དང་འབྲས་ཆན་ལ་སོགས་པ་ཁུར་བ་དང་ཞོ་དང་མེ་ཏོག་དཀར་པོ་དང་ཡཾ་ཤིང་དཀར་པོ་གཡས་སུ་བཞག་ལ། གཏོར་མ་ལྔ་བཤམ། རང་སྟན་བདེ་
2-2-47b
ལ་འདུག་ལ། ཁམས་གསུམ་གྱི་སེམས་ཅན་ཐམས་ཅད་ཀྱི་དོན་དུ་ཚོགས་བསག །སྒྲིབ་པ་སྦྱང་། བར་ཆད་བསལ། བདག་རྣལ་འབྱོར་མའི་གོ་འཕང་ཐོབ་པར་བྱ་སྙམ་དུ། དང་པོར་སེམས་བསྐྱེད་སྔོན་དུ་འགྲོ་བར་བྱས་ལ། བླ་མ་དང་དཀོན་མཆོག་སྤྱིའི་མཆོད་པ་འབུལ་བསྔོ། དེའི་རྗེས་ལ་གསོལ་བ་གདབ་བདག་ཉིད་སྒྲུབ་ཐབས་ནས་བྱུང་བ་ལྟར་བསྐྱེད་རྫོགས་བསྒོམ། བཟླས་པ་བྱ་དེ་ནས་ཆང་བྱིན་གྱིས་རླབས་པ་དང་ལག་མཆོད་བྱ། དེ་ནས་ཚོགས་བྱིན་གྱིས་རླབས་པ་དང་བསྲུང་བ་བྱ། དེ་ནས་མེ་སྦར་ལ། མཎྜལ་གྱི་བཾ་ལས་འོད་ཟེར་སྤྲོས་ནས། སེམས་ཅན་ཐམས་ཅད་ལ་ཕོག །སྡིག་སྒྲིབ་སྦྱངས། ཚུར་འདུས་ས་བོན་ལ་ཐིམ་པས། རྣལ་འབྱོར་མ་དཀར་མོ་ཡང་ཟེར་སྒྲུབ་ཐབས་ནས་འབྱུང་བ་མཆོད་པ་འབུལ། བསྟོད་པ་བྱ། ཁོ་ན་ལྟར་བསྐྱེད། དེ་ནས་རང་དང་རྗེ་བཙུན་མའི་ཐུགས་ཀའི་ས་བོན་ལས་འོད་འཕྲོས། ཛ་ཧཱུཾ་བཾ་ཧོ༔ རང་བཞིན་གྱི་གནས་ནས་ཡེ་ཤེས་པ་སྤྱན་དྲངས། དམ་ཚིག་པའི་ཚངས་བུག་ན་ཨོཾ་གསུམ་མའི་ཞབས་ལ་ཤནྟིཾ་ཀུ་རུ་ཡེ་སྭཱ་ཧཱ་ཞེས་པས་མར་སོང་བས། སྙིང་ཁར་པད་ཉིའི་སྟེང་དུ་བཞུགས་པར་བསམ། མཆོད་པ་རྣམ་ལྔ་འབུལ་བསྟོད་པ་བྱ། བསྲེག་རྫས་ཉི་ཤུ་རྩ་ཨོཾ་ཨཱཿཧཱུྃ་གིས་རྫས་ཐམས་ཅད་བྱིན་གྱིས་རླབས་གཅིག་འབུལ། དེ་ནས་ཡེ་ཤེས་པ་དེ་འོད་དུ་ཞུ་བས། དམ་ཚིག་པ་དང་གཉིས་སུ་མེད་པར་སོང་བར་བསམ་ལ། ཡང་བསྲེག་རྫས་བརྒྱ་རྩ་བརྒྱད་སྐུ་གསུང་ཐུགས་ཀྱི་སྔགས་ལ་ད་ཧ་ན་སརྦ་པཱ་པཾ་ད་ཧ་ན་
2-2-48a
༄༅། །ཤནྟིཾ་ཀུ་རུ་ཏེ་སྭཱ་ཧཱ། ཞེས་སྤེལ་ལོ་འབུལ། དེ་ནས་ཡེ་ཤེས་པ་དེ་ཆུ་ལ་ཉ་འཕར་བའི་ཚུལ་དུ་དམ་ཚིག་པའི་ཐུགས་ཀར་དལ་གྱིས་བསྐྱེད་ལ། མཆོད་པ་རྣམ་ལྔ་འབུལ། བསྟོད་པ་བྱ། ཡང་བསྲེག་རྫས་ཉི་ཤུ་རྩ་གཅིག་འབུལ། བཤགས་པ་བྱ། འདོད་པའི་དོན་གྷ་ནའི་ཕུད་བཀྲོལ་ལ་གཏོར་མར་བླུག་ལ་གསོལ་བ་གདབ། དེ་ནས་གཏོར་མ་བསྔོ། གཅིག་རྣལ་འབྱོར་མ་ལ། གཅིག་བདེ་མཆོག་གི་ལྷ་ཚོགས་ལ། གཅིག་མགོན་པོ་ལ་སོགས་པའི་ཆོས་སྐྱོང་ལ། གཅིག་རིགས་དྲུག་ལ། གཅིག་ཡུལ་དེ་ན་གནས་པའི་ས་བདག་ལྷ་ཀླུ་ཐམས་ཅད་ལ་བསྔོ། དེ་ནས་ཡེ་ཤེས་པ་གཤེགས། དམ་ཚིག་པ་རང་གི་ལྟེ་བར་བསྡུས། ཡི་གེ་བརྒྱ་པ་བརྗོད། དགེ་བའི་རྩ་བ་བསྔོ། ཐལ་བ་ཆུའམ། ཡང་ན་གཙང་སར་བསྐྱལ། བླ་མའི་ཞལ་དུས་བཟང་པོའམ། མཆོད་པ་གྲུབ་པའི་རྗེས་ལ་བྱས་ན་བཟང་གསུངས་ནས་བརྗེད་བྱང་ཡི་གེར་བྲིས་པ་རྫོགས་སོ།། །།
༄། །ཕྱིར་བཟློག
རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །བྱད་བྱེད་པ་ཐམས་ཅད་ལ་མིས་བྱད་བྱེད་པ་དང་། མི་མ་ཡིན་པས་བྱད་བྱེད་པ་དང་གཉིས་ཏེ། མིས་བྱད་བྱེད་པ་ཐམས་ཅད་བསྡུས་ན་གསུམ་ཏེ། ཏིང་ངེ་འཛིན་གྱི་བྱད་དང་། སྔགས་དང་རྫས་གསུམ་གྱིས་བྱེད། མི་མ་ཡིན་པས་བྱེད་པ་ཐམས་ཅད་ལུས་དང་ངག་དང་ཡིད་གསུམ་གྱིས་བྱེད་དོ། །དེ་ལ་ཕྱིར་བཟློག་ནས་གསུམ་སྟེ། བསྒོམས་པའི་ཕྱིར་བཟློག་དང་། སྔགས་དང་གཟུགས་བརྙན་གྱི་ཕྱིར་
2-2-48b
ཟློག་གོ །དེ་ལ་མི་ཏིང་ངེ་འཛིན་གྱི་མཐུ་དང་། མི་མ་ཡིན་གྱི་ཡིད་ཀྱི་བྱད་གཉིས། བསྒོམ་པའི་ཕྱིར་བཟློག་གིས་བཟློག །དེ་ལ་དམ་ཚིག་སེམས་དཔའ་ཕྱིར་བཟློག་ནི། ཨོཾ་རང་རྗེ་བཙུན་མའི་ང་རྒྱལ་དང་ལྡན་པས་སྭ་བྷཱ་ཝ་ཤུདྡྷ་སརྦ་དྷརྨཿསྭ་བྷཱ་ཝ་ཤུདྡྷོ ྅ཧཾ། ཞེས་ལན་གསུམ་བརྗོད་པས་གཟུང་བ་དང་འཛིན་པ་ཐམས་ཅད་སྟོང་པ་ཉིད་དུ་བསམ། སྟོང་པའི་ངང་ལས་བྷྲུཾ་དམར་པོ་བསམ། བྷྲུཾ་ལས་འཁོར་ལོ་དམར་པོ་རྩིབས་དྲུག་པ་གཅིག་བསམ། དེའི་དབུས་སུ་བཾ་ལས་བདག་ཉིད་རྡོ་རྗེ་ཕག་མོ་བསྐྱེད། རྩིབས་དྲུག་ལས་མཐོ་རེ་ཙམ་གྱིས་མཐོ་བར། གོ་ཨོ་ལ་སོགས་པའི་ས་བོན་ལས་ཆའི་ལྷ་མོ་དྲུག་ཞལ་ཕྱིར་བསྟན་ཡང་གསུང་ཚུར་བསྟན་ལ་བསྐྱེད་ལ། ཡེ་ཤེས་སྐུ་གསུང་ཐུགས་ཀྱི་བྱིན་གྱི་རླབས་སེམས་དཔའ་གཞུག་གཙོ་མོ་ལ་གོ་ཆ་བགོ་བ་ཡང་བྱ་པ་དང་། དབང་བསྐུར་བ་དང་། མཆོད་པ་ལ་སོགས་པ་མོས་པ་ཙམ་བྱ། གནོད་བྱེད་ངོས་ཟིན་ན། འཁོར་ལོའི་རྩིབས་ལ་བསྐྱོན། རྨི་ལམ་དུ་གང་འོང་ཡང་སྐྱོན་ངོས་ཟིན་པ་མེད་ན། ཤར་གྱི་རྩིབས་ལ། ལྷའི་བུའི་བདུད་མི་དཀར་པོ་སྐྱོན། ལྷོར་ཕུང་པོའི་བདུད་མི་སེར་པོ་སྐྱོན། ནུབ་ཏུ་ཉོན་མོངས་པའི་བདུད་རྩི་མི་དམར་པོ་སྐྱོན། བྱང་དུ་འཆི་བདག་གི་བདུད་ནག་པོ་སྐྱོན་ལ། དེ་བཞི་ལས་འོད་འཕྲོས་པས། ཁམས་གསུམ་བདག་ལ་གནོད་བྱེད་ཡོད་ཚད་བསྡུས་ལ། དེ་བཞིན་ལ་བསྟིམ། དེ་ནས་ཡེ་ཤེས་སེམས་དཔའི་ཕྱིར་བཟློག་ནི། དམ་ཚིག་གི་
2-2-49a
༄༅། །འཁོར་ལོ་དེ་ལ་གྲུབ་པའི་དུས་དེ་ཉིད་དུ་རང་གི་ལྟེ་བར། འཁོར་ལོ་དམར་པོ་རྩིབས་དྲུག་ལས། སོར་བཞི་ཙམ་གྱིས་མཐོ་བའི་སར་གོ་ཆའི་སྔགས་བསམ། དབུས་སུ་བཾ་བསམ། དེ་ལ་ཡེ་ཤེས་ཀྱི་ཙཀྲ་སྤྱན་དྲངས་ཐིམ། དེ་ནས་ཤར་རྣམས་ཀྱི་རྩིབས་ལ་གཏི་མུག་གི་ས་བོན་མཾ་དཀར་པོ་བསམ། ལྷོར་ཕྲག་དོག་གི་ས་བོན་ལཾ་སེར་པོ་བསམ། ནུབ་ཏུ་འདོད་ཆགས་ཀྱི་ས་བོན་རཾ་དམར་པོ་བསམ། བྱང་དུ་ཞེ་སྡང་གི་ས་བོན་དྷཾ་ནག་པོ་བསམ་ལ། དེ་རྣམས་ལས་འོད་མགོ་མཇུག་ཏུ་འཕྲོས་པས། བགེགས་ཐམས་ཅད་ཀྱི་རྩ་བ་རྣམ་པར་རྟོག་པ་ཡིན་པས། ཉོན་མོངས་པ་དང་རྣམ་པར་རྟོག་པ་ཐམས་ཅད་བསྡུས་ནས། ཉོན་མོངས་པ་རྣམས་ཀྱི་ས་བོན་ལ་ཐིམ་པར་བསམ་ལ། སྔགས་བཟླས་པའི་སྟོབས་ཀྱིས། ལྷ་དང་སྔགས་མི་འཁོར་བར། འཁོར་ལོ་གཉིས་གཡོན་དུ་དྲག་ཏུ་འཁོར་བས་ཕྱིའི་བདུད་བཞི་དང་། ནང་ཉོན་མོངས་པའི་ས་བོན་ཐམས་ཅད་བཅད་པར་བསམ་མོ། །མིའི་སྔགས་ཀྱི་མཐུ་དང་། མི་མ་ཡིན་པའི་ངག་གི་བྱད་གཉིས། སྔགས་ཀྱི་ཕྱིར་བཟློག་གིས་བཟློག་སྟེ། སྔགས་རང་སེམས། ཐུང་ངུ་གང་རུང་གཅིག་བཟླའོ། །ཐུན་མཚམས་སུ་ཡེ་ཤེས་སེམས་དཔའ་གཤེགས། དམ་ཚིག་སེམས་དཔའ་རང་ལ་བསྡུའོ། །མིའི་རྫས་ཀྱི་མཐུ་དང་མི་མ་ཡིན་གྱི་ལུས་ཀྱི་བྱད་གཉིས། གཟུགས་བརྙན་གྱི་ཕྱིར་བཟློག་གིས་བཟློག་སྟེ། དེ་ལ་བྲི་
2-2-49b
བའི་གཟུགས་བརྙན་ནི། གཟའ་དང་དུས་ཚོད་བཟང་པོ་ལ། གྲོ་གའམ། ཤོག་བུ་བཟང་པོ་ལ་ཟངས་གཞོང་ནང་དུ་མ་ལ་ཁྲག་བླུག་ལ། ཟངས་ལྡོག་པོ་གཅིག་གིས་དྲུད་ལ་བཙགས་ལ། ཁུ་བས་འཁོར་ལོ་རྩིབས་དྲུག་དབུས་སུ་བཾ་གྱི་ནང་དུ་ཆེ་གེ་མོ་བསྲུངས་ཞིག་ཅེས་པ་བྲིས་པ་ལ། རྩིབས་དྲུག་ལ་གོ་ཆའི་སྔགས་བར་དུ་མིང་ཆུད་པར་བྲི། མུ་ཁྱུད་ལ་སྔགས་རུང་མགོ་ཕྱིར་བསྟན་ལ་བྲི། དཀོན་མཆོག་སྤྱི་ལ་སོགས་པའི་མཆོད་པ་དང་མཎྜལ་ས་གསུམ་པོ་ཚུལ་བཞིན་དུ་བྱས་ལ་བྱས་ལ། འཁོར་ལོ་དེ་མཎྜལ་སིན་དྷུ་རའི་གྱི་སྟེང་དུ་བཞག་ལ། ཆོ་ག་བཞིན་རང་ཡི་དམ་ལྷར་བསྐྱེད་ལ། བཟླས་པ་ཅུང་ཞིག་བྱས་ལ། དེ་ནས་སིན་དྷུ་ར་གོང་ལྟར་བསྒྲུབ། དེ་ནས་འཁོར་ལོ་དེ་མི་དམིགས་པ་ལས་བྷྲུཾ་དམར་པོ་གྱུར་པ་ལས། འཁོར་ལོ་དམར་པོ་རྩིབས་དྲུག་པ་བསྐྱེད། རྩིབས་རྣམས་ལ་གོ་ཆའི་སྔགས་ལས་ལྷ་མོ་དྲུག་བསྐྱེད། དབུས་སུ་བཾ་ལས་རྣལ་འབྱོར་མ་བསྒོམ། ཡེ་ཤེས༑ སེམས་དཔའ་དགུག་པ་ལ་སོགས་ཙར་གྱིས་བྱས་ལ་མཆོད་བསྟོད་བྱ། དེ་ནས་ལྷ་རྣམས་ཡིག་འབྲུར་གྱུར་པར་བསམ་ལ་དྲིལ་ལ་འཁོར་ལོ་དེ་རང་གི་སྙིམ་པར་བཅུག་ལ། རྐང་པ་བརྒྱད་པའམ། ཡུམ་གྱི་སྔགས་བརྒྱ་རྩ་བརྒྱད་བཟླས་ལ། ལ་ཅར་དྲིལ་ལ་དཔུང་པ་གཡོན་པར་བཏགས་ཏེ། གཡོན་པས་སྟོང་ཉིད་མཚོན་པ། སྟོང་ཉིད་ཀྱི་རྟོག་པ་ཐམས་ཅད་འཇོམས་སོ། །བུད་མེད་ཡིན་ན་མགུལ་དུ་གདགས། བཙུན་པ་
2-2-50a
༄༅། །ཡིན་ན་ཐང་པའི་གྲ་གཡོན་པར་དྲིལ་ལོ། །གཟུགས་བརྙན་དངོས་ནི། མི་ལ་བྱེད་ན་རྐང་རྗེས་ཀྱི་ས་དང་། དྲི་ཆེན་དང་དྲི་ཆུའི་ས་མཚོན་རྩེས་བླངས་ལ་བྱ། མི་མ་ཡིན་པ་ལ་བྱེད་ན། རྟེན་ཡོད་པའི་ས་ཆུ་ཕར་འགྲམ་ཚུར་འགྲམ་གྱི་ས་བླངས་ལ། གཟུགས་སོར་བཞི་པ་གཅིག་བྱས་ལ། སྙིང་གར་གྲུ་གསུམ་གཅིག་བྲུས་ལ་འཁོར་ལོ་གོང་མ་དང་འདྲ་མ་མ་རཀྵ་སྤངས་པ་བ་གཅིག་བྲིས་ལ། དབུས་སུ་བསྒྲུབ་བྱའི་མིང་ནས་བསྐྱེད། དགུག་གཞུག་བྱས་ལ། ཙཀྲའི་བཾ་ལས་ཕག་མོར་བསྐྱེད་པའོ་ཕག་མོའི་ཞབས་འོག་ཏུ་ཆུད་པར་བསམ། དྲིལ་ནས་སྙིང་གར་གཞུག །གནས་ལྔར་ཚེར་མ་བཙུག །ཐོད་པ་མཚན་ངན་ནང་དུ་བཅུག་ལ་གཡས་པ་ལ་རྡོ་རྗེ་རྒྱ་གྲམ་བྲིས་པ་དང་ཚ་ཚས་ཁ་གདབ་ལ། སྔས་འོག་ཏུ་དོང་གྲུ་གསུམ་པ་ནག་པོ་གཅིག་ཏུ་བཅུག་ལ། ནུབ་རེ་ལ་དགུག་གཞུག་བྱས་ལ་འཁོར་ལོ་ལ་དམིགས་པ་གཏད་པ་བཟླས་པ་ཐུན་རེ་བསྐྱལ་ལོ། །ཨོཾ་ཧཱུཾ་བཛྲ་བཱ་རཱ་ཧི་ཙཀྲ་ཝརྟི་ཏ་ར་སརྦ་ལོ་ཀི་ཏ་ར་ཡནྟྲ་མནྟྲ་ཏནྟྲ་ཙུརྣ་ཡོ་གི་ནི་མ་མ་ཏྲེ་ཏ་ཏྲི་ཏ་ཏ་ནི་ཏ་ནི་སརྦ་ནི་ས་ཨཱ་ཀཱ་དྷ་ཡཱ་ཨཱ་ཀ་དྟ་ཡ་ཏྟརྫ་ཡ་གྲི༔་གྲིཥྛ་བྷཀྵ་ཡཱ་བྷཀྵ་ཡཱ་ཏྲ་ས་ཡ་ཏྲ་ས་ཡ་ཧ་ན་ཧ་ན་ད་ཧ་ད་ཧ་པ་ཙ་པ་ཙ་ཀྵྨ་ཀྵྨ་ཛྙྱཾ་ཛྙྱཾམ། ཡཱ་མ་ཐ་ཡཱ་བྷི་དནྶ་ཡཱ་ཤདྡྷ་ས་ཏ་དྷ་ཡཱ་ཤ་ཧ་དྷ་ས་ས་ཧ་དྷ་ཙུརྣ་ཡཱ་ཧཱུཾ་ཕཊ། ཨོཾ་བཛྲ་ཧེ་རུ་ཀ །ཨུ་ཥྞི་ཙཀྲ་ཝཪྟི་ཏ་ཕྱེས་མུ་ཁཾ་ཙཀྲ་བནྡྷ་བནྡྷ་ཧཱུྃ་ཧྭ་ཨ་མུ་ཀ་ཤཱནྟིཾ་ཀུ་རུ་ཧཱུཾ་ཧཱུཾ་ཕཊ་ཕཊ། འཁོར་ལོ་དེ་ཡང་འཁོར་
2-2-50b
བས༑ རང་གི་ལོག་པར་རྟོག་པ་ཐམས་ཅད་བརླག་པར་བསམ་མོ།། །།
༄། །རྗེ་བཙུན་རྡོ་རྗེ་རྣལ་འབྱོར་མའི་ཉེ་བར་བསྒྲུབ་པ་ཞེས་བྱ་བ།
ན་མོ་རཏྣ་གུ་རུ། དངོས་གྲུབ་མཆོག་བརྙེས་བླ་མ་དང་། །རྡོ་རྗེ་རྣལ་འབྱོར་མར་བཏུད་དེ། །ཉེ་བར་བསྒྲུབ་པའི་ཆོ་ག་འདི། །བླ་མའི་གསུང་བཞིན་བྲི་བར་བྱ། །རྡོ་རྗེ་རྣལ་འབྱོར་མའི་ཞལ་མྱུར་དུ་བལྟ་བར་འདོད་པས། གནས་དབེན་ཞིང་ཉམས་དགའ་བའི་ས་ཕྱོགས་སུ། ས་གཞི་སྟར་བ་དང་། གནས་བརྒྱན་པ་དང་། རྣམ་ལྔ་ལ་སོགས་པས་བྱུགས་པ་བྱས་ལ། དཀོན་མཆོག་སྤྱིའི་མཎྜལ་དང་། བླ་མའི་མཎྜལ་དང་། གཡས་སུ་སིན་དྷུ་རའི་མཎྜལ་དང་། གོ་རོ་ཙ་ནིའི་མཎྜལ་དང་། མཎྜལ་བཞི་བྱ། དེ་ལ་མཎྜལ་གསུམ་ནི། གཞན་ནས་བྱིན་རླབས་ཇི་ལྟར་འབྱུང་བ་བཞིན་བྱས། ཁྱད་པར་དུ་གོ་རོ་ཙ་ནིའི་མཎྜལ་ནི། དང་པོར་སྐྱ་རིས་ལེགས་པར་བྱས་ལ། དེའི་རྗེས་ལ་རང་བྱུང་གི་རཀྟ་དང་། གོ་རོ་ཙ་ནི་དང་། མཚལ་དཀར་གསུམ་ཆང་དང་ལེགས་པར་སྦྱར་ལ༑ སྲིན་ལག་གཡོན་པས་པདྨ་འདབ་བརྒྱད་པ། དབུས་སུ་ཆོས་འབྱུང་གཉིས་བརྩེགས་དང་བཅས་པ་བྲིས་ལ། འདབ་མ་བརྒྱད་པ་དབུས་དང་དགུར་ནས་ཀྱི་ཚོམ་བུ་དགུ་དགོད་པར་བྱའོ། །ལྟེ་བའི་སྟེང་དུ་མ་འཇིའི་ཁར་ཐོད་པ་མཚན་དང་ལྡན་པའི་ནང་དུ་ཆོས་འབྱུང་གྲུ་གསུམ་བཾ་དང་ཨོཾ་གསུམ་མ་དང་བཅས་པ་གོང་གི་རྫས་རྣམས་ཀྱིས་བྲི་མར་དང་བསྲེས་ལ་བར་བྱས་ཏེ། ཆང་གིས་བཀང་ལ་བཞག་པར་བྱའོ། །ཕྱོགས་
2-2-51a
༄༅། །བཞིར་ཐོད་པ་མཚན་དང་ལྡན་པ་བཞིའི་ནང་དུ། ཤར་དུ། ཨོཾ་བཛྲ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ་ཅེས་པ་དང་། ལྷོར་རཏྣ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ་ཅེས་པ་དང་། ནུབ་ཏུ། པདྨ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ་ཅེས་པ་དང་། བྱང་དུ། ཨོཾ་བི་ཤྭ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ་ཅེས་པ་བྲིས་ལ། ཆང་གིས་བཀང་པ་བཞིན་བཞག་པར་བྱའོ། །ཐོད་པ་དེ་ཙམ་མ་འབྱོར་ཐོད་པ་གཅིག་གི་དབུས་སུ་བཾ་སྔགས་དང་བཅས་པ་བྲི། དེའི་ཤར་ལོགས་ལ་མཁའ་འགྲོ་བཞིའི་སྔགས་རྣམས་བྲི་གསུང་ངོ་ན། པདྨ་འདབ་མ་བཞི་ལ། ཤར་དུ་རྡོ་རྗེ་གོང་གི་རྫས་ཀྱིས་དང་། ལྷོར་རིན་པོ་ཆེ་དང་། ནུབ་ཏུ་པདྨ་དང་། བྱང་དུ་སྣ་ཚོགས་རྡོ་རྗེ་བྲི་བར་བྱའོ། །དེའི་མཎྜལ་གཉིས་ཀའི་མཐའ་མ་སྤོས་ལ་སོགས་པ་མཆོད་པ་ཅི་འབྱོར་པས་བསྐོར་ལ་པུ་ཙ་ལྔ་ཚན་ལ་སོགས་པ་གཞུང་བཞིན་དུ་བྱའོ་བཞག་གོ ། གཞན་ཡང་དཀྱིལ་འཁོར་གཉིས་ཀ་ལ་ཡང་མཆོད་པ་རྣམ་པ་ལྔ་ཚར་རེ་རེ་དང་། ཚོགས་ཀྱི་ཡོ་བྱད་འབྱོར་ཚད་བཞག གཡས་སུ་ཐོད་པ་མཚན་དང་ལྡན་པ་ཆང་གིས་བཀང་བའི་གདན་ཡང་བཞག་གོ །མཆོད་པ་དང་དཀྱིལ་འཁོར་བཅའ་བའི་རིམ་པའོ། །དེའི་རྗེས་ལ་རྣལ་འབྱོར་པ་ཨུ་རྒྱན་དུ་ཉེ་བར་བལྟས་ལ་དང་པོ་དཀོན་མཆོག་སྤྱི་ལ་མཆོད་པ་འབུལ། དེ་ནས་རྗེ་བཙུན་མའི་བསྐྱེད་རིམ་དང་། རྫོགས་རིམ་དང་། བཟླས་པ་ཅི་ལྟ་བར་བྱའོ། །དེ་ནས་སིན་དྷུ་རའི་དཀྱིལ་འཁོར་ཅི་ལྟ་བ་བཞིན་དུ་བསྒྲུབ་ཅིང་། དེ་བརྟན་པར་བྱ་བའི་
2-2-51b
ཕྱིར་སྐུ་གསུང་ཐུགས་ཀྱི་སྙིང་པོ་བརྒྱ་རྩ་བརྒྱད་བཟླ། དེ་ནས་ཆང་བྱིན་གྱིས་རླབས་པ་དང་། ལག་མཆོད་བྱིན་གྱིས་རླབས་པའི་ཆང་དེ་གཏོར་བས་ཚོགས་དང་མཆོད་པ་བྱིན་གྱིས་རླབས་པ་དང་གནས་བསྲུང་བྱ་བ་ནི་བྱིན་རླབས་དུས་ཀྱི་བཞིན་ནོ་བྱ༑ དེའི་རྗེས་ལ་ཡོན་ཏན་ཐམས་ཅད་བླ་མ་ལ་བརྟེན་ནས་འབྱུང་བ་ཡིན་པས། བླ་མ་ལ་མཆོད་དེའི་སྟེང་དུ་རྒྱུད་པའི་བླ་མ་རྣམས་པ་བྱ་སྟེ། རང་གི་དེ་ནས་ཆང་བྱིན་གྱིས་རླབས་པ་དང་ལག་མཆོད་བྱ་སྤྱི་བོའི་སེང་གེ་པད་ཟླ་སྟེང་དུ་བླ་མ་ཐམས་ཅད་ཀྱི ངོ་བོར་བསམ་ལ་རྩ་བའི་ཉེ་བར་དེ་ལ་ལག་མཆོད་རྙིང་ལ་བྱེད་པ་ནང་དཔེ་ལུགས་བལྟས་ལ། བྱིན་གྱིས་རླབས་པའི་ཆང་ལག་པ་གཡས་པའི་མཐིལ་དུ་བཞག་ལ། གཡོན་པའི་སྲིན་ལག་གིས་གཏོར་ཞིང་འབུལ། གཞན་ཡང་མཆོད་པ་དང་མཎྜལ་འབུལ། དེ་ནས་གསོལ་བ་བཏབ་པར་བྱ་སྟེ། བླ་མ་རྡོ་རྗེ་འཛིན་པ་ཆེན་པོ་བདག་ལ་དགོངས་སུ་གསོལ། བདག་རྡོ་རྗེ་འཛིན་པ་མིང་འདི་ཞེས་བགྱི་བས། དུས་གསུམ་གྱི་སངས་རྒྱས་ཐམས་ཅད་བསྐྱེད་པར་བྱེད་པའི་ཡུམ་རྡོ་རྗེ་རྣལ་འབྱོར་མ་བསྒྲུབ་པ་འདི་ལ། བདག་ལ་ཕྱི་ནང་གི་བར་ཆད་མི་འབྱུང་བ་དང་། ཏིང་ངེ་འཛིན་ཁྱད་པར་ཅན་མྱུར་དུ་སྐྱེ་བ་དང་། ཕྱག་རྒྱ་ཆེན་པོ་མཆོག་གི་དངོས་གྲུབ་མྱུར་དུ་ཐོབ་པ་དང་། ཁྱད་པར་དུས་གསུམ་སངས་རྒྱས་ཐམས་ཅད་བསྐྱེད་པར་བྱེད་པའི་ཡུམ་རྡོ་རྗེ་རྣལ་འབྱོར་མའི་ཞལ་མྱུར་དུ་མཐོང་བར་མཛད་དུ་གསོལ། །ཞེས་ལན་གསུམ་གསོལ་བ་བཏབ་
2-2-52a
༄༅། །བོ། །དེ་ནས་བླ་མ་རྡོ་རྗེ་རྣལ་འབྱོར་མའི་རྣམ་པར་གྱུར་ཏེ། བདག་གི་སྤྱི་བོ་ན་མར་ཐིམ་པས་བདག་གི་རྒྱུད་ལ་བྱིན་རླབས་ཞུགས་པར་བསམ་མོ། །དེའི་རྗེས་ལ་གོར་རོ་ཙོ་ནིའི་དཀྱིལ་འཁོར་གྱི་ཐོད་པ་དེ་ཨཽ་རྒྱན་དུ་མོས་པར་བྱས་ལ། ངག་ཏུ། ཨོཾ་ཤྲཱི་ཧེ་རུ་ཀ་ཧཱུཾ་ཧཱུཾ་ཕཊ། ༀ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཕཊ། ཅེས་པ་དང་། ཨོཾ་བཛྲ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ། ཨོཾ་རཏྣ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ། ཨོཾ་པདྨ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ༑ ཨོཾ་བི་ཤྭ་ཌཱ་ཀི་ནི་ཡེ་ཧཱུཾ་ཧཱུཾ་ཕཊ། ཅེས་པ་ལན་གསུམ་གསུམ་བཟླས་ལ་ལག་མཆོད་ཀྱི་ཆང་གོ་རོ་ཙ་ནིའི་ཐོད་པ་ལ་ལན་གསུམ་གསུམ་དུ་གཏོར་བ་དང་། ཐོད་པའི་ཆང་གི་བཾ་ལ་སོགས་པ་ལས་འོད་འཕྲོས། སེམས་ཅན་ཐམས་ཅད་ལ་ཕོག་པས་སྡིག་པ་དང་སྒྲིབ་པ་ཐམས་ཅད་སྦྱངས། རྡོ་རྗེ་རྣལ་འབྱོར་མར་གྱུར། ཚུར་འདུས་བཾ་ལ་ཐིམ་པ་ཙམ་གྱིས་རྡོ་རྗེ་རྣལ་འབྱོར་མ་འཁོར་བཞི་དང་བཅས་པ་ཅི་ལྟ་བ་བཞིན་ཡེ་ཤེས་གཞུག་བསྐྱེད། ཨོཾ་དེ་ནས་ཨོཾ་གསུམ་པའམ་བཛྲ་བཻ་རོ་ཙ་ནཱི་ཡེ་བརྒྱ་རྩ་བརྒྱད་ཙམ་མཆོད་བསྟོད་བྱ་བཟླ། རྗེ་བཙུན་མ་ལ་གོང་ལྟར་གསོལ་བ་བརྒྱ་རྩ་བརྒྱད་དམ་ཉེར་གཉིས་བཏབ་ལ། དེ་ནས་ཡེ་ཤེས་སེམས་དཔའི་ཚུལ་དུ་ཐོད་པའི་ལྷ་རེ་སྤྱན་དྲང་ཞིང་། སིན་དྷི་ར་ལ་བསྟིམ་མོ། །ངག་ཏུ། མ་ལུས་སེམས་ཅན་སེམས་ཅན་ཀུན་གྱི་མགོན་གྱུར་ཅིང་ལ་སོགས་པ་བརྗོད། སེམས་ཀྱིས་བདག་དང་སིན་དྷུ་རའི་རྗེ་བཙུན་མའི་ཐུགས་ཀ་ནས་འོད་འཕྲོས་
2-2-52b
གོ་རོ་ཙ་ནའི་རྗེ་བཙུན་མ་ལ་ཕོག་པ་དང་། ཚུར་བྱོན་ནས་སིན་དྷུ་རའི་རྗེ་བཙུན་མ་ལ་གཉིས་སུ་མེད་པར་བསྟིམ། དེ་ནས་བཟླས་པ་བྱ། ཨོཾ་གསུམ་མཾ། དེ་ནས་མཆོད་པ་བྱས་ཏེ། དང་པོར་གནས་ཁང་བསྲུང་བ་དང་། མཆོད་པ་དང་། བདུད་རྩི་གཏོར་ཞིང་གཞུང་ནས་བཤད་པ་ལྟར་བྱ་ཚོགས་བྱིན་གྱིས་རླབས། དེ་ནས་རིམ་པ་བཞིན་དུ་ཕྱི་ནང་གི་གསང་གསུམ་གྱི་མཆོད་པ་འབུལ། བསྟོད་པ་རྣམས་ཀྱིས་བསྟོད། ཡང་སིན་དྷུ་རའི་རྗེ་བཙུན་མ་ལ་གསོལ་བ་བཏབ། དེའི་རྗེས་ལ་ཚོགས་ཀྱི་ཕུད་གཏོར། སིན་དྷུ་རའི་རྗེ་བཙུན་མ་ལ་བཏང་རག་གི་མཆོད་པ་འབུལ། བཟོད་པར་གསོལ། གཏོར་མ་དང་བཀྲ་ཤིས་བརྗོད། ཡེ་ཤེས་སེམས་དཔའ་སླར་ཀཱ་པ་ལའི་ནང་དུ་གཤེགས། དམ་ཚིག་སེམས་དཔའ་བདག་གི་དཔྲལ་དེ་ནས་ལྷག་གཏོར་བཏང་བར་བསྡུ་ཀ༽། ཡེ་ཤེས་༼ག༽བསྒྲུབ་པ་ཐོན་པ་དང་སེམས་དཔའ་བདུད་རྩིར་གྱུར་ནས། དངོས་གྲུབ་ལེན་པའི་ཚུལ་དུ་ལོངས་བྱིན་རླབས་དུས་ཀྱི་ལྟར་མ་ལུས་པར་འདིར་ཚོགས་ལ་ལོངས་སྤྱོད་སྤྱད། དེ་ནས་ཐོ་རས་ཀྱི་ཐུན་དང་། ཐུན་གསུམ་ལ་ཡང་ལག་མཆོད་པ་དང་། བླ་མ་མཆོད་དང་། གཏོར་མ་བྱ་ཞིང་མི་སྨྲ་བའི་རྣལ་འབྱོར་གྱིས་ཉིན་མཚན་རྒྱུན་མ་ཆད་པར་སྔར་བསྟན་པ་ལྟར་བླ་མ་བསྒོམ་པ་དང་། བཟླས་པ་ཡང་སྲིད་ཐུན་ནས་གོང་གི་རིམ་པ་བཞིན་དུ་བྱེད་པ་ནི་ཕྱག་ལེན་ནོ་བྱ་སྟེ། དེ་ལྟར་ཟླ་ཐུན་མགོ་ཐོ་རས་ལ་བྱ། སྔ་དྲོ་ཕྱི་དྲོ་སྲོད་ཐུན་དང་དགོངས་ཀ་ལ་སོགས་ཀྱི་མཆོད་པས་ཞབས་བསྡུ། མ་གྲུབ་ན་སྲོད་ཐུན་དུ་བྱ། ཐུན་གོང་མ་ལ་གསོལ་
2-2-53a
༄༅། །བ་འདེབས་པ་མན་ཆད་བྱ། དེ་ནས་བཟླས་པ་བྱ། དེ་ནས་གཏོར་མ་ནི་སྲོད་ཐུན་དུས་དང་དངོས་མེད་ཀྱང་བཏུང་བ་རེ་རེ་ཞིང་ཡར་ངོ་དང་མར་ངོའི་དུས་ཚོད་ཤིས་པ་ནས་བརྩམས་ཏེ་ཞག་བདུན་བར་དུ་བསྒྲུབ་པ་བར་མ་ཆད་པར་བྱ་ཞིང་། གྲུབ་ན་ཐུན་ཐ་མའི་ཚེ་ཞི་བའི་སྦྱིན་སྲེག་ཚར་རེ་ཡང་བྱ། འབྱོར་བ་དང་ལྡན་ན་མཆོད་པ་ཐམས་ཅད་ནུབ་རེ་ཞིང་བརྗེ་བར་བྱའོ། །དེ་ཡང་མ་འབྱོར་ན་མཆོད་པ་རྣམ་པ་ལྔ་ནུབ་རེ་ཞིང་བརྗེའོ། །སིན་དྷུ་རའི་དཀྱིལ་འཁོར་གྱི་མཆོད་པ་ལན་གསུམ་མམ། དེ་ཡང་མ་འབྱོར་ན་ནུབ་ཐ་མའི་ཚེ་བརྗེ་བར་བྱའོ། །དེ་ལྟར་བསྒྲུབ་པ་བྱས་གྱུར་ན། །དངོས་གྲུབ་ཐམས་ཅད་སྟེར་བ་དང་། །ཞལ་ནི་མྱུར་དུ་མཐོང་བ་དང་༑ ༑རྒྱུད་ལ་ཡོན་ཏན་སྐྱེ་བ་དང་། །ལུས་ངག་ཡིད་ཀྱི་སྡིག་ཟད་ནས། །འདོད་པའི་དོན་རྣམས་གྲུབ་པ་དང་། །འབྲས་བུ་བྱང་ཆུབ་ཐོབ་པར་འགྱུར། །སྔགས་དང་ཌཱ་མ་རུའི་སྒྲ། །ནམ་མཁའི་དབྱིངས་སུ་ཐོས་པ་དང་། །རྨི་ལམ་དུ་ཡང་དེ་ལྟ་བུ། །གོང་གིས་གསུངས་པ་ཐམས་ཅད་འབྱུང་། །མེ་ཏོག་དམར་པོ་འཐུ་བ་དང་། །བུད་མེད་ཚོགས་རྣམས་རྨི་བ་དང་། །རྟག་ཏུ་ཆང་ལ་སྤྱོད་པ་དང་། །ཐ་མ་རྨི་ལམ་འགག་པ་དང་༑ ༑འོད་གསལ་རྒྱུད་ལ་འཆར་བ་ཡིས། །ཡོན་ཏན་དཔག་ཏུ་མེད་པ་འབྱུང་། །དྲན་ཕྱིར་ཁོ་བོས་ཡི་གེར་བཀོད། །བླ་མ་མཁའ་འགྲོ་བཟོད་པོར་གསོལ། །རྗེ་བཙུན་རྡོ་རྗེ་རྣལ་འབྱོར་མའི་ཉེ་བར་བསྒྲུབ་པ་
2-2-53b
ཞེས་བྱ་བ་རྫོགས་སོ།། །།
༄། །རྒྱལ་པོ་ལ་སོགས་པ་དཀར་བའི་ཆོས་དང་མི་མཐུན་པ་རྣམས་དབང་དུ་བྱ་བ།
བླ་མ་དམ་པ་རྣམས་ལ་ན་མོ། རྒྱལ་པོ་ལ་སོགས་པ་དཀར་བའི་ཆོས་དང་མི་མཐུན་པ་རྣམས་དབང་དུ་བྱ་བར་འདོད་ན། གནས་ཁང་ལེགས་པར་བསྟར་ལ། སྲོག་ཆགས་མེད་པའི་ས་ལ་མཎྜལ་གྲུ་བཞི་བྱ། དེའི་དུས་སུ་རྣམ་ལྔ་དྲི་ལ་སོགས་པས་མཎྜལ་གཞུང་བཞིན་བྱ། དེ་ནས་མཎྜལ་ཡེ་ཤེས་ཀྱི་དཀྱིལ་འཁོར་བྱིན་རླབས་ལྟར་བྱའོ་མེ་ལོང་གཡའ་དག་པར་བྱས་ནས། དང་པོར་བདུད་རྩིས་བྱུགས་དེ་ནས་དྲི་ལ་སོགས་པས་བྱུགས་ལ། དར་སེང་བའི་ནང་དུ་སིན་དྷུ་ར་ལེགས་པར་བཙགས་ཡོལ་བ་ལ་སོགས་པ་བྱ་ཏེ། དེའི་དབུས་སུ་གཡུང་དྲུང་འཁྱིལ་པ་བྲི། རེའུ་མིག་དྲུག་ལ་གོ་ཆའི་སྔགས་རྣམས་གཡོན་བསྐོར་དུ་བཀོད། དབུས་སུ་རེའུ་མིག་གཉིས་ལ་གཡས་སུ་བཾ། གཡོན་དུ་གཡུང་དྲུང་བྲི། དེ་ནས་མཎྜལ་གྱི་དབུས་སུ་མ་འཇིའི་ཁར་དར་དམར་པོས་སྟེང་དུ་བཞུགས་སུ་གསོལ། དེ་ནས་མཆོད་རྫས་རྣམས་བདུན་ཚན་དུ་གཞུང་བཞིན་བསགས །དཀོན་མཆོག་སྤྱིའི་མཆོད་པ་འབྱོར་ཚད་བཤམ། དེ་ནས་མཆོད་པ་རྣམ་པ་ལྔ་ཡང་བཤམ། དེ་ནས་བདག་ཉིད་སྟན་བདེ་བ་ལ་སྐྱིལ་ཀྲུང་བཅས་ལ། སེམས་དཀོན་མཆོག་སྤྱིའི་མཆོད་པ་འབུལ་བ་དང་བསྐྱེད་དེ། བསྐྱེད་རྫོགས་གཞུང་བཞིན་བསྒོམ་ལ། བསྙེན་པ་ཚང་བར་བྱ། དེ་ནས་སྐད་ཅིག་གིས། མེ་ལོང་སྟེང་གི་ས་བོན་གྱི་ཡི་གེ་ལས། ལྷ་གཙོ་འཁོར་དང་སྤྱན་འདྲེན་གྱི་ཚིག་དང་བཅས་པ་ཡེ་ཤེས་གཞུག་བཅས་པ་བསྐྱེད། དེ་བརྟན་པར་བྱ་
2-2-54a
༄༅། །བའི་ཕྱིར་སྔགས་ཉི་ཤུ་རྩ་གཅིག་བཟླ། དེ་ནས་ཆང་བྱིན་གྱིས་རླབས་ལ། ལག་མཆོད་གཞུང་བཞིན་དུ་བྱ། བདུད་རྩིས་ཚོགས་རྣམས་ལ་བསང་ཞིང་བྱིན་རླབས་བསྲུང་འཁོར་བསྒོམ། དེ་ནས་མེ་ལོང་གི་ལྷ་ལ་མཆོད་པ་རྣམ་པ་ལྔ་དང་། བདུད་རྩིའི་མཆོད་པ་དང་ཚོགས་ཀྱི་མཆོད་པ་རྣམས་རིམ་པ་བཞིན་དུ་བསྟོད་པ་འབུལ་ལོ། །སིན་དྷུ་རའི་གཡུང་དྲུང་འཕོ་བར་བྱ་བ་ནི། བསྒྲུབ་བྱ་གང་ཡིན་མདུན་དུ་དམིགས་ལ། གཡུང་དྲུང་འཁྱིལ་པའི་དབུས་ཀྱི་གཡུང་དྲུང་ལས་གཡུང་དྲུང་གཅིག་འཕྲོས་ནས། བསྒྲུབ་བྱའི་ཕྲག་པར་འཁོར་བར་བསམ་ཞིང་། སྐུ་གསུང་ཐུགས་ཀྱི་སྔགས་ལ་ཧཱུྃ་གསུམ་གྱི་གོང་དུ་ཆེ་གེ་མོ་བཛྲ་བ་རཱ་ཧི་ཨ་བེ་ཤ་ཡ་ཨ་ཨ་ཡ་ན་པ་ཤཾ་ཀུ་རུ་ཧོ་ཞེས་པའོ། །དབང་དུ་འདུ་བའི་སྔགས་བཏགས་ལ་བཟླ་ཞིང་། གཡུང་དྲུང་སྤྲོ་བསྡུ་ཡང་ཡང་བྱས་པས་དབང་དུ་འདུས་པར་འགྱུར་རོ། །དེས་ཀྱང་དབང་དུ་མ་འདུས་ན། སླར་བསྒྲུབ་པ་གཅིག་དཔོག་སྟེ་བཅའ་བར་བྱ་སྟེ། སིན་དྷུ་རའི་དཀྱིལ་འཁོར་གཞུང་བཞིན་བྱ། ཁྱད་པར་ནི་དབུས་ཀྱི་བཾ་ལས་རྣལ་འབྱོར་མར་བསྐྱེད་པའོ། །མཆོད་རྫས་བཤམ་པ་དང་། མཆོད་པ་འབུལ་བའི་རིམ་པ་གཞུང་བཞིན་དུ་ཤེས་པར་བྱའོ། །བསྐྱེད་རྫོགས་གཞུང་བཞིན་དུ་ཤེས་པར་བྱའོ། །བསྙེན་པ་གཞུང་བཞིན་དུ་ཤེས་པར་བྱའོ། །དེ་ནས་མེ་ལོང་གི་སྟེང་གི་རྡོ་རྗེ་རྣལ་འབྱོར་མའི་སྨིན་ཕྲག་ཏུ་གཡུང་དྲུང་གཅིག་བསམ་ཟེར་ས་བོན་ཡི་གེ་ལས། འོད་ཟེར་
2-2-54b
གཡུང་དྲུང་གི་དབྱིབས་ཅན་འཕྲོས། སྨིན་ཕྲག་ནས་གཡུང་དྲུང་གཅིག་འཕྲོས་ནས། བསྒྲུབ་བྱའི་སྨིན་ཕྲག་ཏུ་ཕོག་པས། དེར་འགྲོ་བར་བསམ་ཞིང་། སྔགས་བཟླ། དེས་དབང་དུ་འདུ་བར་འགྱུར་རོ། །དེས་ཀྱང་དབང་དུ་མ་འདུས་ན། སིན་དྷུ་རའི་བསྒྲུབ་པ་གཞུང་བཞིན་བྱ། དེས་བདག་གི་དཔྲལ་བར་གཡུང་དྲུང་རྐྱང་པ་བྲིས་ལ། བསྒྲུབ་བྱའི་རྩ་རུ་འགྲོ་བར་བྱ་སྟེ། གཡུང་དྲུང་བསྒྲུབ་བྱ་དཔྲལ་བར་འཕྲོ་བར་བྱས་ལ༑ དེར་འཕོ་བར་བསམ་ཞིང་སྔགས་བཟླའོ། །དེས་དབང་དུ་མི་འདུས་མི་སྲིད་དོ།། །།
༄། །ཆོས་སྟོན་པ།
རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དཔལ་རྡོ་རྗེ་རྣལ་འབྱོར་མས་གདུལ་བྱ་གང་ཞིག་མངོན་སུམ་དུ། ཆོས་ཉན་པའི་སྐལ་བ་དང་ལྡན་པ་རྣམས་ལ་མངོན་སུམ་དུ་ཆོས་སྟོན། གང་ཞིག་མངོན་སུམ་དུ་ཆོས་ཉན་པའི་སྐལ་བ་དང་མི་ལྡན་པ་རྣམས་ལ་བརྡའི་སྒོ་ནས་ཆོས་སྟོན་པའི་ཕྱིར། ཞལ་ཕྱག་དང་བཞུགས་ཚུལ་དང་། ཕྱག་མཚན་དང་རྒྱན་བསྟན་པ་ཏེ། ཞལ་གཉིས་ནི་བདེན་པ་རྣམ་པར་དག་པ་སྟེ། རྩ་བའི་ཞལ་ནི་ཀུན་རྫོབ་ཀྱི་བདེན་པ་སྟེ་སྦས་པ། སྤྱན་གསུམ་ནི་ཁམས་གསུམ་གྱི་སེམས་ཅན་ཐམས་ཅད་ལ་དུས་གསུམ་དུ་ཐུགས་རྗེ་བྱོན་ནས་གཟིགས་པའོ། །ཕག་གི་ཞལ་ནི་རྟོག་པ་དང་བྲལ་བ་དོན་དམ་པའི་བདེན་པ་སྟེ། སྔོ་བ་དེ་བཟང་བ་སྟོན་པའོ། །སྤྱན་གསུམ་ནི་དུས་གསུམ་གྱི་སངས་རྒྱས་ཐམས་ཅད་ཀྱི་ཡུམ་ཡིན་པས་མཚོན་
2-2-55a
༄༅། །པའོ། །ཡང་ན་གཡུང་དྲུང་གིས་ནི་ཆོས་སྐུ་མཚོན་པའོ། །ཕག་ཞལ་ནི་ལོངས་སྤྱོད་རྫོགས་པའི་སྐུའོ། །རྩ་བའི་ཞལ་ནི་ལོངས་སྤྱོད་རྫོགས་པའི་སྐུའི་ངོ་བོའོ། །ཁ་དོག་དམར་བོ་ནི། ཁ་དོག་རྣམས་འཆོག་ཏུ་གྱུར་པ་སྟེ། སེམས་ཅན་དབང་དུ་བསྡུས་པས། སེམས་ཅན་ཐམས་ཅད་ཕྱག་རྒྱ་ཆེན་པོ་ལ་དགོད་པའི་བརྡའོ། །རྡོ་རྗེ་གྲི་གུག་ནི་གཉིས་སུ་མེད་པའི་ཤེས་རབ་ཀྱིས་རྡོག་པ་ཐམས་ཅད་འཇོམས་པའི་རྟགས་སོ། །ཐོད་པ་བདུད་རྩིས་བཀང་བ་ནི་བདེ་བ་དང་མི་འབྲལ་བའམ། དུས་གསུམ་གྱི་སངས་རྒྱས་ཐམས་ཅད་ཀྱི་བདེ་བསྐྱེད་པའི་རྟགས་སོ། །ཁ་ཊྭཱཾ་ག་ནི་ཐབས་ཀྱི་རང་ཞིན་ཡུཾ་ཤེས་རབ་ཡིན་པས་ཐབས་ཤེས་རབ་གཉིས་སུ་མེད་པ་མཚོན་པའི་བརྡའོ། །ཡང་ན་ཁ་ཊྭཱཾ་ག་ནི་ཐོད་པ་སྐམ་པོ་ཡིན། རྟོག་པ་དང་བྲལ་བས་ཤེས་རབ་སྣ་ཚོགས་རྡོ་རྗེ་དང་། རྡོ་རྗེ་ནི་ཐབས་མཚོན་པའོ། །ཕྱག་རྒྱ་ལྔ་ནི་དབུ་རྒྱན་མི་བསྐྱོད་པ་མཚོན་པའོ། །ལྷ་གཞན་ལ་ཕྱག་མི་འཚལ་བའི་རྟགས་དང་། བརྩོན་འགྲུས་རྣམ་པར་དག་པའི་རྟགས་སོ། །རྣ་རྒྱན་ནི་འོད་དཔག་མེད་ཀྱི་ངོ་བོ་ལྟ་བུ། མི་རྨོད་པ་མི་མཉམ་པ་དང་། བཟོད་པ་རྣམ་པར་དག་པའོ༑ ༑མགུལ་རྒྱན་ནི་རིན་ཆེན་འབྱུང་ལྡན་མཚོན་པའོ། །ཆོས་དང་ཟང་ཟིང་དང་མི་འཇིགས་པའི་སྦྱིན་པ་གཏོང་བའི་རྟགས་སོ། །ཕྱག་གདུབ་དང་། ཞབས་གདུབ་ནི་སྲོག་གཅོད་པ་དང་མ་བྱིན་པར་ལེན་པ་
2-2-55b
དང་༑ མི་ཚངས་པར་སྤྱོད་པ་དང་། བརྫུན་དུ་སྨྲ་བ་སྤངས་པའོ། །ཚུལ་ཁྲིམས་རྣམ་པར་དག་པའི་རྟགས་སོ། །སྐ་རགས་ནི་དོན་ཡོད་གྲུབ་པའི་ངོ་བོ་མཚོན་པའོ། །ཞི་བ་དང་དབང་དང་རྒྱས་པ་དང་དབྱེ་བ་དང་རྨོངས་པ་རེངས་པ་བསྐྲད་པ་ལ་སོགས་པའི་ཕྲིན་ལས་ཐོགས་པ་མེད་པའི་བསམ་གཏན་རྣམ་པར་དག་པའི་རྟགས་སོ། །བཅོམ་ལྡན་འདས་མ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཡིན་པས། རྒྱན་ལྔ་དང་བཅས་པའོ། །ཕ་རོལ་ཏུ་ཕྱིན་པ་དྲུག་རྣམ་པར་དག་པའོ། །སྐྲ་གྲོལ་བ་ནི། སེམས་ཅན་ཕྱིན་ཅི་ལོག་གི་རྟོག་པ་གོམས་པའི་སྟབས་ཀྱིས། སྐྱེ་བ་དང་འགག་པ་དང་འཆི་བ་མཐོང་བས་གདོད་མ་ནས་མ་སྐྱེས་པའོ༑ ༑མི་གནས་མི་འཆི་བས་གྲོལ་བར་གནས་པའོ། །གཅེར་བུ་ནི་ཅི་སྲིད་གོས་སྤྱོད་མེད་པའི་ཚུལ་དང་བྲལ། བཅས་བཅོས་མ་བྱས་པ་སྟེ། གོས་མེད་པའི་ཚུལ་དང་ལྡན་པས་མི་བཅོས་པའོ། །རོའི་གདན་ནི་རྟོག་པ་ཐམས་ཅད་དང་བྲལ་བས་བདག་མེད་པའོ། །འཇིགས་བྱེད་དང་དུས་མཚན་མནན་པ་ནི། རྟག་ཆད་གཉིས་ཀྱི་མཐའ་དང་བྲལ་བ་སྟེ། མྱ་ངན་ལས་འདས་པའི་རྟགས་སོ། །ཉི་མས་ནི་མུན་པ་སེལ་ཞིང་འདམ་རྫབ་སྐེམས་པ་ལྟར། འདི་བསྒོམ་པའི་རྣལ་འབྱོར་པས། མ་རིག་པའི་མུན་པ་སེལ་ཞིང་ཉོན་མོངས་པའི་འདམ་རྫབ་སྐེམས་པའི་རྟགས་སོ། །པདྨའི་གདན་ནི་པདྨ་འདམ་ལས་སྐྱེས་ཀྱང་འདམ་གྱིས་མི་
2-2-56a
༄༅། །གོས་པ་ལྟར། རྡོ་རྗེ་རྣལ་འབྱོར་མ་བསྒོམ་པའི་རྣལ་འབྱོར་པ་འཁོར་བ་ལ་གནས་ཀྱང་འཁོར་བའི་སྐྱོན་གྱིས་མི་གོས་པ་དང་འདོད་པའི་ཡོན་ཏན་ལྔ་ལ་ལོངས་སྤྱད་ཀྱང་གྲོལ་བའི་རྟགས་སོ། །རྣམ་དག་རྫོགས་སོ།། །།
༄། །སྔགས་ལ་དྲག་པོའི་སྦྱིན་སྲེག
བླ་མ་དམ་པ་རྣམས་ལ་ཕྱག་འཚལ་ལོ། །སྔགས་ལ་དྲག་པོའི་སྦྱིན་སྲེག་བྱེད་པར་འདོད་ན། དུར་ཁྲོད་དམ། གནས་ཁང་མཚན་ཉིད་དང་ལྡན་པར། སྲོག་ཆགས་མེད་པའི་ས་ལ་མཎྜལ་གྲུ་བཞི་ལེགས་པར་བྱ། དེའི་དབུས་སུ་འབྲུབ་ཁུང་གྲུ་བང་རིམ་དང་པོའི་གོང་མ་ཁྲག་གིས་བཀུ་གསུམ། གསུམ་བརྩེགས་བརྩིགས་ཏེ། བང་རིམ་བར་མ་ལ་ཐོད་པའི་ཕྲེང་བས་བསྐོར། བང་རིམ་གོང་མ་གྲི་གུག་གི་ཕྲེང་བས་བསྐོར་༑ དབུས་སུ་པདྨ་འདབ་བཞི་བྲི་བར་བྱ། པད་མའི་ལྟེ་བ་ལ་ཆོས་འབྱུང་རྐྱང་པ་གཅིག་གི་ནང་དུ་གྲི་གུག་ཡུ་བ་རང་ལ་བསྟན་བྲི། དེའི་སྟེང་དུ་ཚེར་མ་ལ་སོགས་པ་དྲག་པོའི་ཤིང་བརྩིགས་བཞག །དེ་ནས་དཀོན་མཆོག་སྤྱིའི་མཆོད་པ་ཅི་རིགས་སུ་བཤམ། པཱུ་ཛ་བཤོས་བུ་གསུམ་གྱི་འགོ་ལ་ཁྲག་གིས་བཀུ། ལྔ་བཤམ། བསྲེག་རྫས་དང་ཤ་དང་བྱང་བུ་རྩ་བརྒྱད་ལ་བསྒྲུབ་བྱའི་མིང་ཡིག་བྲི་བར་བྱ། མར་ཁུ་དང་ཁུར་བ་དང་དུག་ཐང་ཕྲོམ༑ ལང་ཏང་ཙེ་ལ་སོགས་པ་ཐམས་ཅད་སྟ་གོན་བྱ་ཐོད་པ་གཅིག་གི་ནང་དུ་ཁྲག་དང་དུག་བསྲེས་པ་བཞག །དེ་ནས་གཡས་སུ་ལིང་ག་མ་བཏང་གི་ཚུལ་དུ་བཀོད། དེ་ནས་བསྐྱེད་རྫོགས་དང་བཟླས་པ་སྒྲུབ་ཐབས་བཞིན་དུ་
2-2-56b
བྱའོ༑ ༑དེ་ནས་རང་གི་སྙིང་གའི་ས་བོན་གྱི་ཡེ་ཤེས་མ་བཏང་གི་སྙིང་ཁའི་རྨི་ལས་འོད་འཕྲོས་ལ། ལག་པ་ལྕགས་ཀྱུའི་ཕྱག་རྒྱ་བཅས་ལ། ངག་ཏུ་ཆེ་གེ་མོ་བཛྲ་ཨཾ་གུ་ཤ་ཛཿཞེས་བརྗོད་པས། འོད་ཟེར་གྱིས་བསྒྲུབ་བྱ་གང་ཡིན་པ་བཀུག་ལ། ལིང་ག་རྣམས་ལ་རེ་རེ་བསྟིམ་མོ། །དེ་ནས་རྡོ་རྗེའམ་ཕུར་པ་གང་རུང་བཟུང་ལ། སྐུ་སྟོད་གོ་ཆའི་ལྷ་མོ། སྨད་ཕུར་པ་ཟུར་གསུམ་པར། དམིགས་ཐོད་པའི་དུག་ཁྲག་གིས་དེ་རྣམས་ལ་གཏོར་ལ། གོ་ཆའི་སྔགས་བརྗོད་ཅིང་ལིང་ག་གདབ་པར་བྱའོ། །དེ་ནས་མེ་སྦར་བའི་མེ་ཐབ་ཀྱི་ནང་དུ་ས་བོན་གྱི་ཡི་གེ་ཧྲིཿལས། རྡོ་རྗེ་རྣལ་འབྱོར་མ་ཕག་ཞལ་མ་ནག་མོ་གཅིག་བསྐྱེད། དེའི་ཐུགས་ཀ་ནས་རང་རང་གི་ཐུགས་ཀ་ནས་ས་བོན་གྱི་ཡི་གེ་ལས་འོད་འཕྲོས་ནས་རང་། རང་བཞིན་གྱི་གནས་ནས་རྡོ་རྗེ་རྣལ་འབྱོར་མ་ཞལ་གཉིས་མ་སྒྲུབ་ཐབས་ནས་འབྱུང་བ་བཞིན་དུ་སྤྱན་དྲངས་ལ། དམ་ཚིག་མའི་ཐུགས་ཀར་པད་ཉིའི་སྟེང་དུ་བཞུགས་པར་བསམ། སྔོན་དུ་དེ་ནས་མཆོད་བསྟོད་རིམ་པ་བཞིན་དུ་བྱ། བསྲེག་རྫས་བདུན་སྔར་ཚར་བདུན་གྱིས་འབུལ་ཞིང་དམ་ཚིག་མའི་ཞལ་དུ་ཕུལ་བས་ཡེ་ཤེས་མའི་ཞལ་དུ་སོང་བར་བསམ། དེ་ནས་ཡེ་ཤེས་མ་དང་དམ་ཚིག་མ་གཉིས་སུ་མར་ལ་མར་ཐིམ་པ་ལྟར་མེད་པར་བསམ། དེ་ལ་མཆོད་བསྟོད་གོང་བཞིན་བྱ། བསྲེག་རྫས་བརྒྱ་རྩ་བརྒྱད་འབུལ་བར་བྱ་སྟེ། འབུལ་བའི་སྔགས་ནི་སྐུ་གསུང་ཐུགས་ཀྱི་སྔགས་ཀྱི་མཇུག་
2-2-57a
༄༅། །ལ་ཆེ་གེ་མོ་མཱ་ར་ཡ་ཧཱུྃ་ཕཊ། ཞེས་བཏགས་ལ་འབུལ་ལོ། །དེ་ནས་སྐད་ཅིག་གིས་ཆུ་ལ་ཉ་འཕར་བའི་ཚུལ་དུ་དམ་ཚིག་མའི་ཐུགས་ཀར་བྱོན་པར་བསམ་ལ་བྱས་ལ། དེ་ལ་མཆོད་བསྟོད་བྱ། བསྲེག་རྫས་བདུན་ནམ་ཉི་ཤུ་རྩ་གཅིག་གིས་གོང་བཞིན་དུ་སྔགས་བདུན་གྱིས་འབུལ་བར་བྱའོ། །བ་ལིཾ་གཞུང་འཛིན་དུ་བྱ། ཡེ་ཤེས་མ་གཤེགས། དམ་ཚིག་མ་རང་ལ་བསྡུ། སྦྱིན་སྲེག་གི་ཐལ་བ་བཞི་མདོར་བླུག་གོ །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །ཅེས་བརྗོད་དོ།། །།ན་མོ་བཛྲ་བ་རཱ་ཧི། བྱིན་རླབས་དུས་དང་འདྲ་གསུང་། གང་ཞིག་བླ་མ་དཀོན་མཆོག་སྨོད། །རྣལ་འབྱོར་སྐུ་ལ་བསྡོ་བའམ། འཚེ་བྱེད་ལོག་འདྲེན་གདུག་རྩུབ་ཅན། །བྱང་ཆུབ་སེམས་ཀྱི་ཀུན་བསྔགས་ཏེ། །དྲག་པོའི་ལས་ཀྱིས་བསྒྲལ་བྱ་བ། །རྡོ་རྗེ་ཕག་མོའི་སྦྱིན་སྲེག་བཤད། །འདི་ན་རིན་པོ་ཆེའི་ཞལ་ནས་ཤིན་ཏུ་དཀོན། །དྲག་པོའི་ལས་འདི་གཞན་ལ་བསྟན་མི་བྱ། །ཤིན་ཏུ་གསང་བའོ། །རྫོགས་སོ།། །།
༄། །རྡོ་རྗེ་རྣལ་འབྱོར་མའི་བསྡུས་པའི་གཏོར་མ།
རྡོ་རྗེ་རྣལ་འབྱོར་མའི་བསྡུས་པའི་གཏོར་མ་བྱེད་པར་འདོད་པས། སྐད་ཅིག་གིས་རང་ལྷར་བསྐྱེད་ལ། གཏོར་མའི་སྟེང་དུ་ཨ་ལས་ཟླ་བའི་སྟེང་དུ། ཧཱུྃ་ངཾ་༑ ཧྲིཿབསམ་ལ། དེའི་འོད་ཟེར་གྱིས་རིན་པོ་ཆེའི་སྣོད་རྒྱ་ཆེ་བ་གཅིག་བསམ། དེ་ནས་འོད་ཟེར་བཅུད་ལ་ཕོག་པས། བདུད་རྩིར་བསམ། འོད་ཟེར་སྟེང་དུ་འཕྲོས་པས་ཡེ་ཤེས་ཀྱི་བདུད་རྩི་བབས་པས་འདྲེས་
2-2-57b
པར་བསམ་ལ། ཨོཾ་ཨཱཿཧཱུྃ་གསུམ་མམ། ཉི་ཤུ་རྩ་གཅིག་བརྗོད་པས་གཉིས་སུ་མེད་པའི་བདུད་རྩིར་བསམ། དེ་ནས་མགྲོན་སྤྱན་དྲང་བ་ནི། རང་གི་སྙིང་ཁ་ནས་འོད་འཕྲོས་པས་སེམས་ཅན་ཐམས་ཅད་ལ་ཕོག །སེམས་ཅན་ཐམས་ཅད་ཀྱི་སྒྲིབ་པ་དག་ནས། ཐམས་ཅད་རྡོ་རྗེ་རྣལ་འབྱོར་མར་གྱུར་པར་བསམ། དེ་ཐམས་ཅད་དང་ཡི་དམ་གྱི་ལྷ་ཚོགས་མ་ལུས་པ་སྤྱན་དྲངས་ལ། ལྗགས་ཧཱུྃ་ལས་རྡོ་རྗེ་སྦུ་གུ་ཅན་དུ་བསམ་ཞིང་༑ ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཾ་ཨརྱ་ནུད་པནྣ་ཏྭདྟ་ཨོཾ་ཨཱཿཧཱུྃ་སྭཱ་ཧཱ། ཞེས་ལན་གསུམ་བརྗོད་ལ་གསོལ་བས་ཟག་མེད་ཀྱི་བདེ་བ་རྒྱུད་ལ་སྐྱེས་པར་བསམ། དེ་ནས་བསྟོད་པ་བྱ། ཕྲིན་ལས་བཅོལ་ལོ། །རྫོགས་སོ།། །།
༄། །རྡོ་རྗེ་རྣལ་འབྱོར་མའི་གཞོན་ནུ་མའི་མཆོད་པ།
ན་མོ་གུ་རུ། རྡོ་རྗེ་རྣལ་འབྱོར་མའི་གཞོན་ནུ་མའི་མཆོད་པ་བྱེད་པར་འདོད་ན། རིགས་བཟང་པོའི་བུ་མོ་གྲོང་པའི་ཆོས་ཀྱིས་མ་གོས་པ་ན་ཚོད་གཞོན་པ་ལོ་བརྒྱད་ཡན་ཆད་བཅུ་དྲུག་མན་ཆད་དབང་པོ་གསལ་བ་གཅིག་བཙལ་བ། ཆོས་འབྱུང་གི་དབྱིབས་དང་འཐུན་པའི་སྟན་ཐོག་ཏུ་བཞག་ལ་རྒྱན་དམར་པོ་བཏགས་ལ་གནས་གསུམ་དུ་ཡི་གེ་གསུམ་བྱ། དེའི་མདུན་དུ་མཆོད་པ་རྣམ་ལྔ་གཅིག་བཤམ། དེ་ནས་གཞོན་ནུ་མ་དེ་ཇོ་མོར་ཝལ་གྱིས་བསྐྱེད་ལ། ཡེ་ཤེས་སེམས་དཔའ་སྤྱན་དྲངས་ལ་བསྟིམ། མཆོད་པ་རྣམ་ལ་འབུལ། དེ་ནས་དེ་ལ་རིགས་མཐུན་པའི་ཁ་ཟས་ཤིང་ཐོག་ལ་སོགས་པ་ཅི་རིགས་པ་གཅིག་སྦྱིན་ལ་ཡེ་ཤེས་པ་གཤེགས། ཡོན་
2-2-58a
༄༅། །གཅིག་སྦྱིན་ལ་བཏང་ཕར་འགྲོ་བའི་དུས་སུ་ནུབ་ཕྱོགས་སུ་འགྲོར་བཅུག་གོ་སྟེ། གཞོན་ནུ་མ་དེ་དབང་བསྐུར་ཐོབ་པ་གཅིག་ཡིན་ན། བྱིན་རླབས་དང་ཚོགས་ཀྱི་པཱུ་ཙའི་གྲལ་དུ་བསྡད་ཉན་བླ་མའི་ལུགས་ཀྱིས་གཞོན་ནུ་མའི་མཆོད་པའི་དེད་དཔོན་སིདྷི་ཐོབ་པའི་ནང་པར། ནུབ་མོའི་ཤ་ལྷུ་གཅིག་དང་ཟན་རྡོག་གཅིག་བུད་མེད་གང་འཕྲད་པ་གཅིག་ལ་སྦྱིན་གསུང་ངོ་ནོ། །གཞོན་ནུ་མའི་ཆོ་གའོ།། །།
༄། །མཎྜལ་ཡེ་ཤེས་ཀྱི་མཆོད་པ།
སིན་དྷུ་ར་ནང་གི་མཆོད་པ་མེ་ལོང་དང་སིནྡྷུ་ར་ཤ་ལྷུ་བདུན་ལ་སོགས་པ་མ་གྲུབ་ན། མཎྜལ་ཡེ་ཤེས་ཀྱི་མཆོད་པ་ནི། མཎྜལ་ཆང་གིས་ཆག་ཆག་གདབ་པའི་སྟེང་དུ་ཆོས་འབྱུང་གཉིས་བརྩེགས་དམར་པོ་གཅིག་བྲིས་ལ། དེའི་དབུས་སུ་བཾ་དམར་པོ་བྲི། དེ་ནས་དཀོན་མཆོག་སྤྱིའི་མཆོད་པ་གཅིག །རྗེ་བཙུན་མའི་མཆོད་པ་རྣམ་པ་ལྔ་བཤམས་ལ། དཀོན་མཆོག་དང་པོ་བྱང་ཆུབ་མཆོག་ཏུ་སེམས་བསྐྱེད་ལ་སྤྱིའི་མཆོད་པ་དབུལ་ཞིང་། རང་ཉིད་ཡན་ལག་བདུན་པ་རྒྱས་པར་བྱའོ་རྗེ་བཙུན་མ་མངོན་རྟོགས་ལྟར་བསྐྱེད་ཅིང་རྫོགས་པའི་རིམ་པ་དང་བཟླས་པ་ཅི་རིགས་པ་གཅིག་བྱའོ། །ཆོས་དེའི་རྗེས་སུ་ལག་མཆོད་བྱས་ཏེ། ཚོགས་བྱིན་གྱིས་རླབས་པ་ལ་སོགས་པ་བྱས་ལ་འབྱུང་དབུས་ཀྱི་པཾ་ལས་འོད་ཟེར་འཕྲོས་པས། སེམས་ཅན་ལ་ཕོག །སྡིག་སྒྲིབ་སྦྱངས། རྡོ་རྗེ་རྣལ་འབྱོར་མར་གྱུར། ཡེ་ཤེས་པ་བསྟིམ། མཆོད་པ་ལྔ། དབུལ་བཟླས་པ་བྱ། དེ་ནས་ཚོགས་དང་གཏོར་མ་ལ་སོགས་པ་དབུལ་ལ་གསོལ་བ་གདབ། ཚོགས་ལ་རོལ། ལྷག་ཆད་བསྐང་། 
2-2-58b
ཡེ་ཤེས་པ་གཤེགས། དམ་ཚིག་པ་བསྡུའོ། །མཎྜལ་ཡེ་ཤེས་ཀྱི་མཆོད་པའོ།། །།
༄། །མཆོད་པའི་ཆོ་ག་དྲི་མེད་གསལ་བ་ཞེས་བྱ་བ།
གང་ཞིག་བླ་མ་སངས་རྒྱས་བདེ་ཆེན། །ཟུང་འཇུག་ངང་ལས་སྤྲུལ་པ་དུ་མས། །དངོས་དང་རྒྱུད་ནས་གང་ལ་ཅི་འདུལ། །འགྲོ་མགོན་མཉམ་མེད་ཁྱོད་ཞབས་སྤྱི་བོར། །འདིར་བླ་མ་རིན་པོ་ཆེ་སངས་རྒྱས་གཉིས་པ་འགྲོ་བའི་མགོན་པོ་དེའི་ཕྱག་ལེན་གྱིས། དབང་བསྐུར་དང་། སྔགས་ཀྱི་མཆོད་པ་དང་། སྦྱིན་སྲེག་ལ་སོགས་པ་གང་མཛད་ཀྱང་འདི་ལྟར་མཛད་དེ། དང་པོ་མཎྜལ་དང་། མཆོད་པ་དང་། རྟེན་ལ་སོགས་པ་བཀྲམ་པ་དང་། བཟེད་ཞལ་ལ་སོགས་པ་བཤམས་ནས། རང་ཉིད་དཀྱིལ་འཁོར་གྱི་མདུན་དུ་སྟན་བདེ་བ་ལ་འདུག་སྟེ། ཐོག་མར་དཀོན་མཆོག་སྤྱིའི་མཆོད་པ་དབུལ་བ་ནི། དང་པོ་བྱང་ཆུབ་མཆོག་ཏུ་སེམས་བསྐྱེད་ནས། རང་ལྷག་པའི་ལྷར་མོས་པ་བསྐྱེད་ལ། རང་གི་ཐུགས་ཀ་ནས་འོད་འཕྲོས་ལ། རྩ་བའི་བླ་མ་རྒྱུད་པ་དང་བཅས་པ་དང་། ཡི་དམ་གྱི་ལྷ་ཇོ་བོ་དཀོན་མཆོག་གསུམ་པོ་ལ་སངས་རྒྱས་དང་བྱང་ཆུབ་སེམས་དཔའ་ཡེ་ཤེས་ཀྱི་ཆོས་སྐྱོང་བའི་བསྲུངས་མ་འཁོར་དང་བཅས་པ་ཏིང་ངེ་འཛིན་གྱིས་སྤྱན་དྲངས་ཏེ། ངག་ཏུ། དུས་ལ་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་བླ་མ་དཀོན་མཆོག་གསུམ། །ཡིད་ཀྱིས་བཤམས་ཏེ་སྤྲུལ་པའི་གནས་འདི་རུ། །མ་ལུས་འཁོར་དང་བཅས་ཏེ་གཤེགས་སུ་
2-2-59a
༄༅། །གསོལ། །ཞེས་བརྗོད་ལ། གནས་ཁང་དང་ས་ཕྱོགས་ཐམས་ཅད་རིན་པོ་ཆེའི་གཞལ་ཡས་ཁང་མཛེས་པ་རིན་པོ་ཆེའི་གདུགས་དང་རྒྱལ་མཚན་དང་བ་དན་དང་བླ་བྲེས་དང་དར་དཔྱངས་མེ་ལོང་རིན་པོ་ཆེའི་ཆུན་འཕྱང་ལ་སོགས་ཀྱིས་བརྒྱན་པའི་གཞལ་ཡས་ཁང་ཉི་མ་དང་ཟླ་བ་དང་རིན་པོ་ཆེའི་འོད་འབར་བའི་གཞལ་ཡས་ཁང་གི་དབུས་སུ་རིན་པོ་ཆེའི་ཁྲི་སེང་གེ་བརྒྱད་ཀྱིས་བཏེག་པའི་པདྨ་དང་ཟླ་བའི་གདན་གྱི་སྟེང་དུ། བླ་མ་དང་ཡི་དམ་རྣམས་བཞུགས་པར་བསམ་ལ། ངག་ཏུ། རྒྱལ་བ་འདི་རུ་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་ནས་ཀྱང་། །འདི་ཉིད་དུ་ནི་བཞུགས་སུ་གསོལ། །ཞེས་བརྗོད་ལ། ལུས་ངག་ཡིད་གསུམ་ཕྱག་འཚལ་བ་ནི། ལུས་གུས་པས་ཐུགས་ཀར་ཐལ་མོ་སྦྱར། ངག་གུས་པས་བླ་མ་ཡི་དམ་དཀོན་མཆོག་གསུམ་ལ་ཕྱག་འཚལ་ལོ། །ཞེས་བརྗོད༑ ཡིད་ཀྱིས་ལུས་རྡུལ་རྙེད་དུ་སྤྲུལ་ནས་ཡན་ལག་ལྔས་གཏུགས་ཏེ་ཕྱག་འཚལ་བར་བསམ། མཆོད་པ་དང་མཎྜལ་འབུལ་བ་ནི། ཡིག་འབྲུ་གསུམ་བརྗོད་པས་ཡོན་ཆབ་དང་མེ་ཏོག་ལ་སོགས་པའི་མཆོད་པ་རྣམས། ཁ་དོག་དང་དྲི་དང་རོ་དང་དབྱིབས་ཕུན་སུམ་ཚོགས་པར་བྱིན་གྱིས་རླབས་ལ། ངག་ཏུ། རྒྱལ་བའི་སྐུ་ལ་ཉོན་མོངས་མི་མངའ་ཡང་། །སེམས་ཅན་ཉོན་མོངས་བག་ཆགས་སྦྱང་སླད་དུ། །སྐུ་གསུང་
2-2-59b
ཐུགས་ལ་ཁྲུས་ཆབ་འདི་གསོལ་བས། ཁམས་གསུམ་གནས་པའི་དྲི་མ་དག་གྱུར་ཅིག །ཨོཾ་བཛྲ་ཨརྒྷཾ་པྲ་ཏཱིཙྪ་ཧཱུྃ། ཞེས་བརྗོད་པས་ཡོན་ཆབ་བདུན་གྱི་ལྷ་ལ་ཕུལ་ཏེ་བཟེད་ཞལ་དུ་བསག །དེ་བཞིན་དུ། ཚུལ་ཁྲིམས་དྲི་ལྡན་སྤོས་མཆོག་དམ་པ་འདི། །ཏིང་ངེ་འཛིན་སྔགས་དང་ཕྱག་རྒྱ་བྱིན་རླབས་ཀྱི། །སངས་རྒྱས་ཞིང་དུ་སྤྲོས་དྲི་ངད་ལྡན་པ། །རྒྱལ་བ་རྒྱ་མཚོའི་ཚོགས་རྣམས་ཚིམ་གྱུར་ཅིག །ཨོཾ་བཛྲ་དྷུ་པེ་ཨཱཿཧཱུྃ། ཞེས་པས་བདུག་སྤོས་ཤངས་ལ་འབུལ། དཀྱིལ་འཁོར་ཀུན་ཏུ་རྒྱལ་བ་མཉེས་གྱུར་པའི། །རིན་ཆེན་མེ་ཏོག་ལྷ་རྫས་དབྱིབས་ལེགས་འདི། །ནམ་མཁའ་གང་བར་སེམས་ཀྱིས་མངོན་སྤྲུལ་ཏེ། །གཞལ་ཡས་ཁང་དུ་སྤྲིན་བཞིན་གཏིབས་གྱུར་ཅིག །ཨོཾ་བཛྲ་པུཥྤེ་ཨཱཿཧཱུྃ། ཞེས་བརྗོད་ལ་མེ་ཏོག་དབུ་ལ་དབུལ། ཉོན་མོངས་དུག་བསྲེག་མ་རིག་མུན་སེལ་བའི། ཤེས་རབ་གཟི་ལྡན་དཔལ་གྱི་སྒྲོན་མེ་འདི། །སྤྲིན་མེད་མཁའ་ལ་ཉི་ཤར་ཇི་བཞིན་དུ། །ཡེ་ཤེས་སྣང་བ་ཕྱོགས་བཅུར་གསལ་གྱུར་ཅིག །ཨོཾ་བཛྲ་ཨཱ་ལོ་ཀེ་ཨཱཿཧཱུཾ། ཞེས་མར་མེ་སྤྱན་ལ་འབུལ། སྟོང་གསུམ་ཀུན་ཏུ་དྲི་མཆོག་འབྱུང་འགྱུར་བའི། །སྤོས་དང་སྨན་སྦྱར་ཆུ་གཙང་རྒྱལ་བའི་ཁྲུས། །ཡེ་ཤེས་མཁའ་ལ་ཐུགས་རྗེའི་རྒྱུན་འབྱུང་བས། །མི་གཙང་དྲི་མའི་ཚོགས་ཀུན་དག་གྱུར་ཅིག །ཨོཾ་བཛྲ་གནྡྷེ་ཨཱཿཧཱུཾ། ཞེས་བརྗོད་པས་དྲི་ཆབ་ཐུགས་ཀར་དབུལ། རྒྱལ་བའི་སྐུ་ལ་བཀྲེས་པ་མི་མངའ་
2-2-60a
༄༅། །ཡང་། །འགྲོ་བའི་དོན་དུ་ལྷ་རྫས་བདུད་རྩིའི་བཤོས། །དག་ཅིང་གཙང་མར་བཤམས་ཏེ་འབུལ་ལགས་ན། །བསོད་ནམས་ཞིང་གྱུར་རྣམས་ཀྱིས་བཞེས་སུ་གསོལ། །ཨོཾ་བཛྲ་ནྦཻ་ཏྱེ་ཨཱཿཧཱུྃ། ཞེས་བརྗོད་པས་ཞལ་ཟས་ཞལ་དུ་དབུལ། དྲིལ་ཆེན་སིལ་སྙན་རྣམ་གྲོལ་ཚངས་པའི་དབྱངས། །བསམ་དག་ངག་གིས་བསྟོད་དེ་གུས་མཆོད་ནས། །ས་བཅུ་རིམ་གྱིས་བསྒྲོད་ནས་སངས་རྒྱས་པར། །ཚོགས་གཉིས་རྫོགས་ནས་བླ་མེད་བྱང་ཆུབ་མྱུར་ཐོབ་ཤོག །ཨོཾ་བཛྲ་རཏྣ་གནྡྷེ་ཧཱུྃ། ཞེས་བརྗོད་པས་རོལ་མོ་སྙན་ལ་དབུལ། དེ་ནས་བླ་མ་ལ་མཎྜལ་དབུལ་བ་ནི། གླིང་བཞི་རབ་གླིང་ཕྲན་བརྒྱད་རིན་པོ་ཆེ་སྣ་བདུན་ཉི་མ་དང་ཟླ་བ་འདོད་འཇོའི་བ་དཔག་བསམ་གྱི་ཤིང་། བུམ་པ་བཟང་པོ་ཡིད་བཞིན་གྱི་ནོར་བུ་ལ་སོགས་པ་རིན་པོ་ཆེ་གཅལ་དུ་བཀྲམ་པ། ཕྱི་ནང་གསང་གསུམ་གྱི་མཆོད་པར་དམིགས་ལ། བླ་མ་རྒྱུད་པ་དང་བཅས་པ་ལ་དབུལ། ཡང་དཀོན་མཆོག་སྤྱན་སྔ་ལ་རིན་པོ་ཆེ་ཕོ་བྲང་ལ་སོགས་པ་སྤྲིན་བསམ་གྱིས་མི་ཁྱབ་པ་སྤྲུལ་ལ་སངས་རྒྱས་དང་བྱང་ཆུབ་སེམས་དཔའ་བླ་མ་དང་དཀོན་མཆོག་གསུམ་ལ་འབུལ། དེ་ནས། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ་ཞེས་པ་ལ་སོགས་པ་སྐྱབས་འགྲོ་སེམས་བསྐྱེད་མདོར་བསྡུས་བྱ། གསོལ་བ་གདབ། དེ་ནི་དཀོན་མཆོག་སྤྱིའི་མཆོད་འབུལ་ཞེས་པའི་དོན་ནི། ཀུན་གྱི་སྔོན་འགྲོ་ཡིན་
2-2-60b
གསུང་ངོ་། །དེ་ནས་བདག་ཉིད་ལྷ་གང་ཡིན་པའི་བསྐྱེད་རྫོགས་བསྒོམ་པ་བཟླས་པ་ཅི་གྲུབ་བྱ། དེ་ནས་མཎྜལ་གྱི་ལྷ་དམ་ཚིག་པ་བསྐྱེད་པ། སྤྲོས་པ་ལ་དགའ་ན། དེ་ལ་མཆོད་བསྟོད་དང་བསྙེན་པ་བྱ། དགའ་ན་རང་དང་དམ་ཚིག་པ་དེའི་ཐུགས་ཀ་ནས་འོད་ཟེར་སྤྲོས་ལ། རང་བཞིན་ནམ། ཨུ་རྒྱན་ལ་སོགས་པ་ནས། ཡེ་ཤེས་སེམས་དཔའ་བླ་མ་བཀའ་རྒྱུད་དང་བཅས་པ་མདུན་གྱི་ནམ་མཁར་སྤྱན་དྲངས་ངག་ཏུ། ཨོཾ་མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མ་ལུས་འཇོམས་མཛད་པ། །དངོས་རྣམས་མ་ལུས་ཇི་བཞིན་མ་ཁྱེན་གྱུར་པའི། །བཅོམ་ལྡན་ཕག་མོ་འཁོར་བཅས་གཤེགས་སུ་གསོལ། །ཞེས་བརྗོད་ལ། པད་ཉིའི་གདན་ལ་བཞུགས་སུ་གསོལ་ལ་ཕྱི་ནང་གསང་གསུམ་གྱིས་མཆོད་ཅིང་ངག་ཏུ། ཨོཾ་བཛྲ་ཤྲཱི་ཡོ་གི་ནཱི་ཡེ་ས་མ་ཡ་ཧོ༔ ས་མ་ཡ་སྟྭཾ། ཛཿཧཱུྃ་བཾ་ཧོ༔ ཞེས་བརྗོད་ལ་གཙོ་མོ་ལ་གཙོ་མོ་བསྟིམ། འཁོར་མཁའ་འགྲོ་མ་ལ་འཁོར་མཁའ་འགྲོ་མ་བསྟིམ། བླ་མ་བཀའ་རྒྱུད་དང་བཅས་པ་གཙོ་མོའི་དབུ་ལ་མི་བསྐྱོད་པ་བསམ་ལ་དེ་ལ་བསྟིམ། དེ་ནས་སྐུ་གསུང་ཐུགས་ཀྱི་ཕྱག་བྱ་བ་ནི། ཐལ་མོ་དཔྲལ་བར་སྦྱར་ལ། ངག་ཏུ། ཨོཾ་ན་མ་ཏེ་ཧཱུཾ། ཞེས་བརྗོད། ཡང་མགྲིན་པར་སྦྱར་ལ། ཨོཾ་ན་མ་མེ་ཧཱུྃ། ཞེས་བརྗོད་ལ། ཡང་ཐུགས་ཀར་སྦྱར་ལ། ཨོཾ་ན་མོ་ན་མཿཧཱུྃ། ཞེས་བརྗོད་པས་སྐུ་གསུང་ཐུགས་བྱིན་
2-2-61a
༄༅། །གྱིས་བརླབས་ཅིང་ཕྱག་འཚལ། དེ་ནས་བརྟན་པར་བྱེད་པའི་བཟླས་པ་ཉི་ཤུ་རྩ་གཅིག་ལ་སོགས་པ་ཅི་འགྲུབ་བརྗོད། དེའི་བར་ལ་གང་གིས་ཤེས་པ་གཅིག་གིས་སྤྱན་འདྲེན་དང་། སྤྱན་དྲངས་པའི་ལྷ་ལ་རྩ་བའི་བསྟོད་པའི་བླ་མ་བཀའ་རྒྱུད་དང་བཅས་པ་རྣམས་ལ་གསོལ་བ་གདབ་པའི་རིམ་པ་རྣམས་བྱ་སྟེ། དང་པོ་སྤྱན་དྲང་བ་ནི། དག་པ་བདེ་གཤེགས་གཞལ་ཡས་ནས། །རྡོ་རྗེ་མཁའ་འགྲོ་གཤེགས་སུ་གསོལ། །མི་འགྱུར་གནས་པའི་གཞལ་ཡས་ནས། །སངས་རྒྱས་མཁའ་འགྲོ་གཤེགས་སུ་གསོལ། །གཏེར་འབྱུང་ཡིད་བཞིན་གཞལ་ཡས་ནས། །རིན་ཆེན་མཁའ་འགྲོ་གཤེགས་སུ་གསོལ། །ཤེས་རབ་བཙུན་མོའི་བྷ་ག་ནས། །པདྨ་མཁའ་འགྲོ་གཤེགས་སུ་གསོལ། །དུར་ཁྲོད་ཆེན་པོའི་གནས་བརྒྱད་ནས། །ལས་ཀྱི་མཁའ་འགྲོ་གཤེགས་སུ་གསོལ། །ལོ་ཀ་སྣ་ཚོགས་གཞལ་ཡས་ནས། །སྣ་ཚོགས་མཁའ་འགྲོ་གཤེགས་སུ་གསོལ། །ནུབ་ཕྱོགས་ཨུ་རྒྱན་གཞལ་ཡས་ནས། །རྡོ་རྗེ་འཕག་མོ་གཤེགས་སུ་གསོལ། །ཆོས་ཉིད་བདེ་ཆེན་གཞལ་ཡས་ནས། །གྲུབ་ཐོབ་བླ་མ་གཤེགས་སུ་གསོལ། །ཞེས་བརྗོད་ནས་སྤྱན་དྲངས་པའི་ལྷ་ལ་བསྟོད་པ་བྱ་བ་ནི། དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོ་བསྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །
2-2-61b
ཀུན་ཏུ་རྟོག་པ་འཆིང་གཅོད་ཅིང་། །འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་ཕྱག་འཚལ་ལོ། །ལྟེ་བའི་འོག་ནས་འབྱུང་བཞི་འཕྲོ། །ཆོས་དང་ལོངས་སྤྱོད་རྫོགས་པར་ལྡན། །མཁའ་འགྲོ་མ་རྣམས་བསྡུད་མཛད་མ། །རྗེ་བཙུན་མ་ལ་ཕྱག་འཚལ་ལོ། །ཧཱུཾ་རྡོ་རྗེ་ཕག་མོ་བདེ་གཤེགས་ཡུམ། །འདོད་པའི་དབང་ཕྱུག་སྐལ་ལྡན་མ། །མཁའ་འགྲོ་ཆེན་མོ་རྣལ་འབྱོར་གཙོ། །རྡོ་རྗེ་དབྱིངས་ཀྱི་ཁྲོ་རྒྱལ་ཡུམ། །ཕྱག་རྒྱ་ཆེན་མོ་རྡོ་རྗེ་སྐུ། །ཧེ་རུ་ཀ་དཔལ་ཡང་དག་སྦྱོར། །དབུ་སྟོང་མངའ་ལ་སྤྱན་སྟོང་མངའ། །སྟོང་ཕྲག་བཅུའི་ཞལ་གདོང་ཅན། །ཁྲོ་གཉེར་མཆེ་བ་རབ་ཏུ་གཙིགས། །ཉི་མ་འབུམ་གྱི་གཟི་བརྗིད་ཅན། །སྤྱན་ནི་དམར་སེར་གློག་ལྟར་འཁྲུག །དབུ་སྐྲ་གྱེན་བརྫེས་ཐོག་སེར་འབེབས། །སེང་གེའི་གཟུགས་ཅན་འདབ་བཟང་གཟུགས། །སྲིད་པ་གསུམ་གྱི་ལྟོ་བ་ཅན། །རྒྱ་མཚོ་མཐའ་རྟགས་སྐེ་རགས་ཅན། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་ཟངས་གྲིས་གདུག་པ་འཇོམས། །མི་རུས་ཕྲེང་བའི་རྒྱན་ཆ་ཅན། །མི་མགོ་རློན་པའི་དོ་ཤལ་བྱས། །བདེ་གཤེགས་འབུམ་ནི་ཁྱོད་ཀྱི་འཁོར། །ཆེ་བའི་ལྷ་རྣམས་ཁྱོད་ཀྱི་བྲན། །རིག་པའི་རྒྱལ་མོ་འདོད་གཟུགས་ཅན། །རྣལ་འབྱོར་ཆེ་བའི་དངོས་གྲུབ་འབེབས། །དཔལ་ཆེན་དངོས་གྲུབ་མཆོག་གསོལ་བའི། །ཧཱུཾ་དང་ཕཊ་ཀྱི་འབྲུག་སྒྲ་ཅན། །ཁྲོ་མོའི་གཟུགས་ཅན་ཁམས་གསུམ་འཇོམས། །རྒྱ་
2-2-62a
༄༅། །མཚོ་རྫིང་རྣམས་སྐེམས་པར་བྱེད། །སྣ་ཚོགས་པད་ཉི་ངེས་གནོན་ཅིང་། །སྲིད་པ་གསུམ་པོ་ཟ་བར་བྱེད། །ཟས་སུ་མ་ཧཱ་མཾ་ས་གསོལ། །མ་ཧཱ་རཀྟ་བཏུང་བར་བཞེད། །མ་རུངས་གདུག་པ་སྐྲག་པར་མཛད། །འཇིགས་པར་མཛད་ཅིང་གསོད་པར་མཛད། །རྨུགས་དང་རེངས་དང་སྐྲག་པར་མཛད། །ངོ་མཚར་འདོད་པའི་གཟུགས་མངའ་མ། །ཡིད་འོང་དངོས་གྲུབ་མཆོག་གསོལ་བའི། །ཕག་མོ་ཁྱོད་ལ་ཕྱག་འཚལ་བསྟོད། །བདག་གིས་ཁྱོད་ལ་གང་གསོལ་བའི། །དོན་དེ་དེ་རིང་གྲུབ་པར་མཛོད། །ཅེས་བསྟོད་ཅིང་། བླ་མ་བཀའ་རྒྱུད་དང་བཅས་པ་ལ་གསོལ་བ་འདེབས་པ་ནི། ལྕང་ལོ་ཅན་གྱི་གནས་མཆོག་ནས༑ ༑ས་བཅུ་ཆོས་ལ་མངའ་བརྙེས་པའི། །དཔལ་རྡོ་རྗེ་འཆང་ལ་གསོལ་བ་འདེབས། །གསོལ་འདེབས་བུ་ཚོ་བྱིན་གྱིས་རླབས། །ཤྲཱི་ནཱ་ག་རཱ་ཙའི་དགོན་པ་ནས། །ཆོས་བཀའ་ཆེན་བཞི་ལ་མངའ་བརྙེས་པའི༑ ༑རྗེ་ཏེ་ལོའི་སྐུ་ལ་གསོལ་བ་འདེབས། །བྱང་པུ་ལ་ཧ་རིའི་དགོན་པ་ནས། །ཆོས་ཡི་གེ་དངོས་གྲུབ་མངའ་བརྙེས་པའི། །རྗེ་ནཱ་རོའི་སྐུ་ལ་གསོལ་བ་འདེབས། །ལྷོ་མོན་བོད་ཀྱི་སོ་མཚམས་ནས། །ཆོས་རྒྱུད་སྡེ་བཞི་ལ་མངའ་བརྙེས་པའི། །རྗེ་མར་པའི་སྐུ་ལ་གསོལ་བ་འདེབས། །བྲིན་སྙེ་ནམ་གཉིས་ཀྱི་དགོན་པ་ནས། །ཆོས་བསྲེ་བའི་བསྐོར་ལ་མངའ་བརྙེས་པའི། །རྗེ་རས་པའི་སྐུ་ལ་གསོལ་བ་འདེབས། 
2-2-62b
ཤགས་དྭགས་ལྷ་སྒམ་པོའི་དགོན་པ་ནས། །ཆོས་ཕྱག་རྒྱ་ཆེ་ལ་མངའ་བརྙེས་པའི། །རྗེ་སངས་རྒྱས་ཀྱི་སྐུ་ལ་གསོལ་བ་འདེབས། །བདེ་དགང་གཉིས་ཀྱི་སོ་མཚམས་ནས། །གཅེར་མཐོང་ཉམས་དང་ལྡན་མཛད་པ། །རྗེ་ཚུལ་སྙིང་གི་སྐུ་ལ་གསོལ་བ་འདེབས། །བཀྲ་ཤིས་མཚུར་ཕུའི་དགོན་པ་ནས། །ཆོས་རླུང་སེམས་གཉིས་ལ་མངའ་བརྙེས་པའི། །རྗེ་རིན་པོ་ཆེ་ལ་གསོལ་བ་འདེབས། །རྗེ་བླ་མ་རྣམས་ལ་གུས་བསྟོད་པས། །བདག་དང་འགྲོ་དྲུག་སེམས་ཅན་རྣམས། །སྒྲིབ་པ་མ་ལུས་རབ་ཟད་ནས། །ཡོན་ཏན་ཁྱེད་དང་མཉམ་པར་ཤོག །ཅེས་གསོལ་བ་གདབ་པའམ། ཡང་ན་རང་གི་མ་ལུས་སེམས་ཅན་ནས་འདི་ཡན་ཆད་རྫོགས་པར་བྱས་པའི་རྗེས་ལ། བརྟན་པར་བྱེད་པའི་བཟླས་པ་ཅི་འགྲུབ་བྱས་ལ། དུས་བཟང་མཆོད་པ་ཡིན་ན། མཎྜལ་ལྷ་ལ་མཆོད་པ་ཐམས་ཅད་རྒྱས་པར་བྱ་ཞིང་བསྟོད་པས་བསྟོད་ལ། དེ་ནས་ལག་མཆོད་བྱས་ལ། ཚོགས་དང་མཆོད་རྫས་དང་བདག་དང་ཚོགས་མགྲོན་དང་གནས་ཁང་བྱིན་གྱིས་རླབས་ལ། ཕུད་འབུལ་བ་དང་གཏོར་མ་ལ་སོགས་པ་བྱའོ། །བྱིན་རླབས་ཡིན་ན་སྔོན་དུ་ལག་མཆོད་བྱས་ལ། ཚོགས་དང་མཆོད་རྫས་ལ་སོགས་པ་བྱིན་རླབས་ཏེ། དེ་ནས་མཎྜལ་གྱི་ལྷ་ལ་མཆོད་བསྟོད་རྒྱས་པར་བྱའོ། །དེ་ནས་སློབ་མ་ལ་བྱིན་གྱིས་རླབས་པའི་ཆོ་ག་ཇི་ལྟ་བ་བཞིན་བྱས་ཏེ། དེའི་རྗེས་ལ་ཚོགས་བཀྲོལ། 
2-2-63a
༄༅། །གཏོར་མ་ཚོགས་ཕུལ་དང་བདུད་རྩིས་བྲན་ལ། བདུད་རྩིའི་ཕུལ་འབུལ། །གཏོར་མ་རིམ་གྱིས་དབུལ་ལོ། །དེ་ནས་ཚོགས་ལ་དམིགས་ནས་བཀྲ་ཤིས་བརྗོད་པ་ནི། །རྡོ་རྗེ་མཁའ་འགྲོས་ལེགས་བྱིན་པའི། །སེམས་ཉིད་འོད་གསལ་འདུས་མ་བྱས། །གཉིས་མེད་དཔེ་བྲལ་དོན་རྟོགས་པའི། །ཕྱག་རྒྱ་ཆེན་པོའི་བཀྲ་ཤིས་ཤོག །སངས་རྒྱས་མཁའ་འགྲོ་ལེགས་བྱིན་པའི། །ཆོས་རྣམས་རང་བཞིན་རང་གི་སེམས༑ ༑རྒྱུ་འདི་ཆོས་ཀྱིས་མ་བཅིངས་པའི། །ཆོས་ཀྱི་ཕྱག་རྒྱའི་བཀྲ་ཤིས་ཤོག །རིན་ཆེན་མཁའ་འགྲོས་ལེགས་བྱིན་པའི། །ཡོན་ཏན་དཔག་ཏུ་མེད་པས་བརྒྱན། །བདུད་དང་ནད་རྣམས་ཞི་མཛད་པའི། །བསམ་པ་གྲུབ་པའི་བཀྲ་ཤིས་ཤོག །པདྨ་མཁའ་འགྲོས་ལེགས་བྱིན་པའི། །ཐབས་དང་ཤེས་རབ་གཉིས་མེད་སྦྱོར། །བདེ་ཆེན་ཡེ་ཤེས་ཐབས་ཀྱི་མཆོག ། གསང་བ་ཤེས་རབ་བཀྲ་ཤིས་ཤོག །ལས་ཀྱི་མཁའ་འགྲོས་ལེགས་བྱིན་པའི། །རྣལ་འབྱོར་དམ་ཚིག་གཙང་བ་ཡི། །ཞི་དང་རྒྱས་ལ་སོགས་པ་ཡི། །ལས་རྣམས་གྲུབ་པའི་བཀྲ་ཤིས་ཤོག །ལོ་ཀ་མཁའ་འགྲོས་ལེགས་བྱིན་པའི། །འགྲོ་བའི་བསམ་པ་རབ་ཤེས་ཏེ༑ ༑ཐབས་རྣམས་དུ་མས་འདུལ་མཛད་པའི། །མངོན་ཤེས་དྲུག་ལྡན་བཀྲ་ཤིས་ཤོག །རྡོ་རྗེ་ཕག་མོས་ལེགས་བྱིན་པའི། །གསང་སྔགས་མཆོག་གི་ཆོ་ག་ལ། །ལུས་ངག་ཡིད་ལ་མཐུས་གྲུབ་པའི། །དངོས་
2-2-63b
གྲུབ་མཆོག་གི་བཀྲ་ཤིས་ཤོག །དཔའ་བོ་རྣམས་ཀྱིས་ལེགས་བྱིན་པའི། །སྐུ་གསུང་ཐུགས་ཀྱི་བཀྲ་ཤིས་ཤོག །ལྷ་མོ་བརྒྱད་ཀྱིས་ལེགས་བྱིན་པའི། །ཡང་དག་མཆོད་པའི་བཀྲ་ཤིས་ཤོག །བླ་མ་རྣམས་ཀྱིས་ལེགས་བྱིན་པའི། །རྟག་ཏུ་ཡེ་ཤེས་ཐུགས་རྗེ་ཡིས། །གཟིགས་ཤིང་ཆོས་སྐུར་ངོ་སྤྲོད་པའི། །བྱིན་རླབས་མཆོག་གི་བཀྲ་ཤིས་ཤོག ། ཆོས་སྐྱོང་རྣམས་ཀྱིས་ལེགས་བྱིན་པའི། །འཁོར་བཟང་ལེགས་སྤྱོད་ལྡན་པ་དང་། །ནད་དང་གདོན་ལས་ཐར་བ་ཡི། །བར་ཆད་མེད་པའི་བཀྲ་ཤིས་ཤོག །ཅེས་བརྗོད་ལ། དེ་ནས་བདུད་རྩི་དང་ཚོགས་དྲངས་པའི་སྔོན་དུ་ཆོས་བཤད་པ་ནི། བླ་མ་རིན་པོ་ཆེ་ཆོས་རྗེ་དེའི་ཞལ་ནས། སྤྱིར་ལྟ་བ་ལུང་རིགས་དང་འབྲེལ་བ། བསྒོམ་པ་ཉམས་མྱོང་དང་འབྲེལ་བ། སྤྱོད་པ་དུས་ཚོད་དང་འབྲེལ་བ། འབྲས་བུ་གཞན་དོན་དང་འབྲེལ་བ་གཅིག་དགོས་གསུང་། དེ་ལ་སྤྱོད་པ་དུས་ཚོད་དང་འབྲེལ་བ་ལ༑ སོ་སོ་ཐར་པའི་དུས་དང་། ཐེག་པ་ཆེན་པོ་གསང་སྔགས་ཀྱི་དུས་གཉིས་ལས། སོ་སོ་ཐར་པའི་དུས་ནི། རབ་ཏུ་བྱུང་བ་ཀུན་ལ་ནི་ཕྱི་དྲོའི་ཁ་ཟས་དང་ཤ་ཆང་ཀུན་མ་གནང་། ཆང་ནི་སྲོག་གི་ཕྱིར་ཡང་མ་གནང་༑ ཕྱི་དྲོའི་ཁ་ཟས་དང་ཤ་ནི་ནད་པ་དང་རྒད་པོ་ཀུན་ལ་གནང་བའི་དུས་ཚོད་ཡོད། དེ་ལ་དོ་ནུབ་ཀྱི་དུས་སུ་ཐེག་པ་ཆེན་པོ་གསང་སྔགས་པའི་ལུགས། དབང་དང་ཚོགས་ཀྱི་འཁོར་ལོའི་དུས་ཡིན་པས། 
2-2-64a
༄༅། །ཐབས་དང་ཤེས་རབ་ཀྱི་རྫས་ལ་ལོངས་སྤྱོད་དགོས། ལོངས་མ་སྤྱད་ན་ཉེས་པ་དང་ལྟུང་བས་ཀྱང་ཕོག །མཁའ་འགྲོ་རྣམས་འཁྲུགས་ནས་ཚེ་སྲོག་གི་ཡང་བར་ཆད་དུ་ཡང་ཆོ། སྤྱད་ན་མཆོག་དང་ཐུན་མོང་གི་དངོས་གྲུབ་ཐམས་ཅད་ཐོབ་པའི་རྒྱུ་རུ་འགྱུར། སོ་སོ་ཐར་པའི་སྡོམ་པ་གཙང་མ་བསྲུངས་པས་ལྷ་མིའི་གོ་འཕང་ལས་མི་ཐོབ། དེ་ཡང་ཆུང་ངུའི་ཕྱིར་ཆེ་མི་བཏང་གསུངས་པས། ཚོགས་དང་བདུད་རྩི་ལ་ལོངས་སྤྱོད་དགོས། དེ་ཡང་ཐེག་པ་ཆེན་པོ་གསང་སྔགས་ཀྱི་རྒྱུད་ལས། བསོད་ནམས་མཐར་ཐུག་ཚོགས་འཁོར་ལོ། །མ་བྱུང་འབྱུང་བར་མི་འགྱུར་རོ། །ཅེས་གསུངས་པས། བསོད་ནམས་མཐར་ཐུག་ལ་སོགས་པ་ནི། ཚོགས་ཀྱི་འཁོར་ལོ་ཡིན་པས་ལོངས་སྤྱོད་ལུགས་ནི། དཀོན་མཆོག་པའི་ངོ་བོར་ལོངས་སྤྱད་དོ། །དེ་ཡང་སྤྱི་བོར་བླ་མ་ལ་སངས་རྒྱས་དཀོན་མཆོག་གི་ངོ་བོར་བསམས་ལ་ཕུལ་དབུལ། མདུན་དུ་རྗེ་བཙུན་མའི་ལྷ་ཚོགས་ཆོས་དཀོན་མཆོག་གི་ངོ་བོར་བསམས་ལ་ཕུལ་དབུལ། རང་རིག་པ་དགེ་འདུན་དཀོན་མཆོག་གི་ངོ་བོར་དམིགས་ལ། དེ་ཡང་ལུས་ལྷའི་དཀྱིལ་འཁོར། ངག་གསང་སྔགས། སེམས་ཆོས་ཉིད་དེ་གསུམ་ངོ་བོ་གཅིག་གི་ངང་དུ་བསམས་ནས་ལོངས་སྤྱད་པ་ཡིན་ཞེས་གསུངས་ནས་གདའ་བས། དེ་ལྟར་སེམས་ལ་ལོངས་སྤྱོད་མཛོད། ཅེས་བརྗོད་ལ། ཐོད་པའི་བདུད་རྩི་དྲངས། ཚོགས་ལ་
2-2-64b
ལོངས་སྤྱད། རྡོ་རྗེའི་གླུ་གར་དང་། གསོལ་འདེབས་ལ་སོགས་པ་བྱ། དེ་ནས་ལྷག་མའི་གཏོར་མ་བསྡུ། དཀྱིལ་འཁོར་གྱི་ལྷ་ལ་བཏང་རག་གི་མཆོད་པ་དབུལ། བསྟོད་པས་བསྟོད། དེ་ནས་བཤགས་པ་བྱ་བ་ནི༑ ཧཱུཾ་དཔའ་བོ་དང་ནི་དཔའ་མོ་དང་། །རྡོ་རྗེ་རྣལ་འབྱོར་མ་རྣམས་དང་། །བདག་ལ་བརྩེ་བས་དགོངས་སུ་གསོལ། །བདག་ལ་བརྩེ་བས་དགོངས་ནས་ནི། །འདི་ཉིད་དུ་ནི་བཞུགས་སུ་གསོལ། །བདག་ནི་མ་རིག་དབང་གྱུར་པས། །སྤང་དང་བླང་བྱ་མ་ཤེས་པའི། །ཉེས་པར་གྱུར་པ་ཅི་མཆིས་པ། །དེ་དག་རྣལ་འབྱོར་མ་ལ་བཤགས། །བདག་ནི་འདོད་ཆགས་དབང་གྱུར་པས། །ཟང་ཟིང་ཕྱིར་དུ་ཉེས་བསགས་པ། ཕོ་ཉ་མ་དག་ཁྲོས་པ་རྣམས། །དེ་དག་རྣལ་འབྱོར་མ་ལ་བཤགས། བདག་ནི་ཞེ་སྡང་དབང་གྱུར་པས། །སེམས་ཅན་ཀུན་ལ་ལུས་ངག་གིས། །གནོད་པ་བགྱིས་པ་ཅི་མཆིས་པ། །དེ་དག་རྣལ་འབྱོར་མ་ལ་བཤགས༑ ༑བདག་ནི་གཏི་མུག་དབང་གྱུར་པས། །བླ་མ་རྡོ་རྗེ་སྤུན་རྣམས་ལ། །ལུས་ངག་ཡིད་གསུམ་ཁྲོས་ལ་སོགས། །དེ་དག་རྣལ་འབྱོར་མ་ལ་བཤགས། བདག་ནི་རྨོངས་པའི་དབང་གྱུར་པས། །རྩ་བའི་ལྟུང་བ་བྱུང་པ་དང་། །ཡན་ལག་ཉམས་པར་གྱུར་པ་རྣམས། །དེ་དག་རྣལ་འབྱོར་མ་ལ་བཤགས། བདག་ནི་གཏི་མུག་དབང་གྱུར་ཏེ། །གཉིད་དང་བྱིང་རྨུགས་དབང་གྱུར་པས། །སྐུ་གསུམ་ཐུགས་ཀྱི་དམ་ཚིག་
2-2-65a
༄༅། །རྣམས། །དེ་ལྟར་རྣལ་འབྱོར་མ་ལ་བཤགས། དེ་ལྟར་བཤགས་ནས་ཉེས་དག་ནས། གནས་སྐབས་ཐུན་མོང་དངོས་གྲུབ་གསོལ། །མཐར་ཐུག་མཆོག་གི་དངོས་གྲུབ་ནི། །ཕྱག་རྒྱ་ཆེན་པོ་ཐོབ་པར་ཤོག །ཅེས་བཤགས་པ་བྱ། ལྷག་གཏོར་བཏང་། ལྷག་ཆད་ཁ་བསྐང་བའི་ཕྱིར་ཡི་གེ་བརྒྱ་པ་འདོན། དགེ་བའི་རྩ་བ་བསྔོ། དེ་ནས་ཡེ་ཤེས་སེམས་དཔའ་གཤེགས་ཏེ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད༑ ༑རྗེས་སུ་འཐུན་པའི་དངོས་གྲུབ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། སླར་ཡང་འབྱོན་པར་མཛད་དུ་གསོལ། །ཨོཾ་བཛྲ་མུཿཞེས་བརྗོད་དེ་གཤེགས་སུ་གསོལ། མཆོད་པ་གཙང་མའི་གནས་སུ་བསྡུ། མཎྜལ་གཤེགས་ཤུལ་དུ་བྱུག་པ་བྱས་ཏེ། གང་ཡང་མི་མངོན་པར་བྱའོ། །ཕྱི་མཆོད་མ་གཏོགས་པ་དཀྱིལ་འཁོར་གྱི་ལྷ་དང་ལག་པའི་མཆོད་པའི་དུས་སུ། མཆོད་པ་དབུལ་བ་རྣམས་འདི་ལྟར་བྱ་སྟེ། ཞལ་གཉིས་མ་ལ། ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝཪྞ་ནི་ཡེ། ཤྲཱི་བཛྲ་ཡོ་གི་ནཱི་ཡེ་བཛྲ་གནྡྷ་ཨཱཿཧཱུྃ། དེ་བཞིན་དུ་དྷུ་པེ། པུཥྤེ། ཨཱ་ལོ་ཀེ །གནྡྷེ། ནྦཻ་ཏྱེ། ཨ་མྲྀ་ཏེ། རཏྣ་གནྡྷ་རྣམས་སྤེལ་ལོ། །ཞལ་གཅིག་མ་ལ་ནི། ཨོཾ་བཛྲ་བཻ་རོ་ཙ་ནཱི་ཡེ་ཤྲཱི་བཛྲ་ཡོ་གི་ནི་བཛྲ་གནྡྷ་ཨཱཿཧཱུྃ་ལ་སོགས་པ་གོང་ལྟར་སྤེལ་ལོ། །ཡབ་ཀྱི་མཆོད་པ་ལ། ཨོཾ་ཧྲིཿཧ་ཧ་ཧཱུཾ་ཧཱུཾ་ཕཊ་བཛྲ་གནྡྷ་ཨཱ༔ཧཱུྃ་ལ་སོགས་པ་རྣམས་གོང་ལྟར་སྤེལ་ཏེ་མཆོད་
2-2-65b
པ་རྒྱས་པར་བྱའོ། །ཐེག་ཆེན་གྱི་རྒྱུད་ཀྱི་དགོངས་པ། །གྲུབ་ཐོབ་བླ་མའི་གདམས་ངག །འཇིག་རྟེན་མགོན་པོའི་ཕྱག་བྱེད་རིན་ཆེན་སྒྲོན་མེ་ཞེས་བྱ། དད་ལྡན་སློབ་མས་གསོལ་གདབ། །བློ་ཆུང་བདག་གིས་འདི་བྱས། །ཕྱག་ཆེན་དྲི་མེད་དགེ་བས། །འགྲོ་རྣམས་རྡོ་རྗེ་འཆང་གྱུར། །མཆོད་པའི་ཆོ་ག་དྲི་མེད་གསལ་བ་ཞེས་བྱ་བ། ཆོས་རྗེ་བདེ་བར་གཤེགས་པའི་ཕྱག་བཞེས་དང་གསུང་སྒྲོས་མ་ཉམས་པ་ཞེས་བྱ་བ། དེ་ཉིད་ཀྱི་རྡུལ་ལ་རེག་པའི་དཔལ་རྡོ་རྗེ་འཛིན་པ་ཆེན་པོ་དགེ་སློང་བྱང་ཆུབ་འབྱུང་གནས་ཀྱིས། སྒང་གི་བན་དྷེས་གུས་པས་གསོལ་བ་ཡང་ཡང་བཏབ་པའི་དོན་དུ་མཛད་པ་རྫོགས་སོ།། །།
༄༅། །ཞལ་གཅིག་མའི་སྒྲུབ་ཐབས་བཞུགས་སོ། །
༄། །རྡོ་རྗེ་ཕག་མོའི་སྒྲུབ་ཐབས།
༄༅། །ཞལ་གཅིག་མའི་སྒྲུབ་ཐབས་བཞུགས་སོ། །རྒྱ་གར་སྐད་དུ། བཛྲ་བ་རཱ་ཧི་སཱ་དྷ་ནཾ། བོད་སྐད་དུ་རྡོ་རྗེ་ཕག་མོའི་སྒྲུབ་ཐབས། རྡོ་རྗེ་ཕག་མོ་ལ་ཕྱག་འཚལ་ལོ། །ལྟེ་བའི་དབུས་སུ་གྲུ་གསུམ་མོའི་དཀྱིལ་འཁོར་རོ། །དེའི་དབུས་སུ་པད་མ་དམར་པོ་འདབ་མ་བརྒྱད་པའོ། །དེའི་དབུས་སུ་ཧྲིཿའཇིག་པའི་དུས་ཀྱི་མེ་ལྟ་བུ་གསལ་བཞིན་པའོ། །དེ་ཡོངས་སུ་གྱུར་པ་ལས་བདག་ཉིད་བཅོམ་ལྡན་མ་ཕག་མོ་ཆེན་མོ་སྐུ་མདོག་དམར་བ། ཕྱག་གཉིས་པ། གཡས་རྡོ་རྗེ། གཡོན་ཐོད་པ་ཁ་ཊྭཱཾ་གའོ། །ཡི་དྭགས་ཀྱི་གདན་སྟེང་ན་གཡོན་བརྐྱང་བས་བཞུགས་པའོ། །དབུ་སྐྲ་ཁམ་པ་གྱེན་དུ་བསྒྲེང་ཞིང་འོད་འཕྲོ་བའོ། །ཐོད་པའི་ཕྲེང་
2-2-66a
༄༅། །བའི་དབུ་རྒྱན་ཅན། ཞལ་གཅིག་པ་ལ་སྤྱན་གསུམ་པའོ། །དེ་ལྟར་སེམས་བརྟན་པར་བྱ་ཞིང་བསྒོམ་པར་བྱའོ། །དེ་ཉིད་ཀྱི་རྣལ་འབྱོར་པས་སྔགས་བཟླ་བར་བྱའོ། །བཛྲ་བ་རཱ་ཧི་ཨ་བེ་ཤ་ཡ་བཛྲ་སརྦ་ཛཾ་ར་ནི་ཏྲ་སྭཱཧཱ། ཨོཾ་ཧྲིཿཧཱུྃ་སྭཱ་ཧཱ། དུས་རྟག་ཏུ་བཟླ་བར་བྱའོ། །རྡོ་རྗེ་ཕག་མོའི་སྒྲུབ་ཐབས། སྡོམ་པ་རྒྱ་མཚོའི་རྒྱུད་ནས་ནཱ་རོ་པས་ཕྱུང་པའོ། །ཨྠྀི།། །།
༄། །བླ་མ་རྗེ་བཙུན་ནཱ་རོ་པའི་ཞལ་གཅིག་མ།
རྗེ་བཙུན་རྣལ་འབྱོར་མ་ལ་ཕྱག་འཚལ་ལོ། །བླ་མ་རྗེ་བཙུན་ནཱ་རོ་པའི་ཞལ་གཅིག་མ་འདི་ཉམས་སུ་ལེན་པར་འདོད་པའི་རྣལ་འབྱོར་པས། ཤིན་ཏུ་དབེན་པར་གནས་ཉིད་དུ། །བདེ་བའི་སྟན་ལ་འདུག་ནས་སུ། །མི་གཡོ་བསམ་གཏན་སྐྱིལ་ཀྲུང་བཅའ། སེམས་བསྐྱེད་སྔོན་དུ་བཏང་བྱས་ནས། །རང་ཉིད་ཐུགས་པད་ཉི་མའི་སྟེང་། །བཾ་ལས་འོད་ཟེར་ཕྱོགས་བཅུར་འཕྲོས། །སེམས་ཅན་ཐམས་ཅད་རྣལ་འབྱོར་མར། །གྱུར་ནས་འོད་ཟེར་བཾ་ལ་ཐིམ། །རང་ལུས་འོད་ཕུང་ཡི་གེ་བཾ། །དེ་ཉིད་ཡོངས་སུ་གྱུར་པ་ལས། །བདག་ཉིད་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་སྐུ་མདོག་དམར། །གཅེར་བུ་སྤྱན་གསུམ་དབུ་སྐྲ་གྲོལ། །རུས་པའི་རྒྱན་ཆ་ལྔ་ཡིས་བརྒྱན། ཐོད་སྐམ་ལྔ་ཡི་དབུ་རྒྱན་ཅན། །ཐོད་རློན་ལྔ་བཅུའི་དོ་ཤལ་བྱས། །ཕྱག་གཡས་གྲི་གུག་གཡོན་ཐོད་ཁྲག །མཆན་ཁུང་གཡོན་དུ་ཁ་ཊྭཱཾ་ག །དར་དཔྱངས་དག་གིས་རབ་ཏུ་མཛེས། །བཅུ་དྲུག་ལོན་པའི་ན་ཚོད་
2-2-66b
ལྟར༑ ༑སྐུ་ནི་ཤིན་ཏུ་རྒྱས་པར་བསམ། །པདྨ་ཉི་མའི་གདན་སྟེང་ན། །བརྐྱང་བསྐུམ་སྐྱིལ་ཀྲུང་ཕྱེད་པར་བཞུགས། །མི་སྐྱོ་བར་དུ་གསལ་བར་བསྒོམ། །སྐྱོ་ན་རྫོགས་རིམ་བསྒོམ་པ་ནི། །ལྟེ་ནང་ཆོས་འབྱུང་ཁ་དོག་དམར། །ལྟེ་དབུས་པདྨ་འདབ་བཞིའི་སྟེང་། །དབུས་སུ་བཾ་བསམ་འདབ་མ་ལ། །ཡི་གེ་བཞི་པོ་བསམ་པར་བྱ། །དེ་ཡང་དྲག་ཏུ་གཡོན་དུ་འཁོར། །དེ་ནས་རླུང་ནི་ཐུབ་ཚད་མནན། །དེ་ལྟར་བསྒོམས་པས་ལུས་དྲོད་སྐྱེ། །དྲོད་ལ་བརྟེན་ནས་བདེ་བ་འབྱུང་། །བདེ་བས་རྟོག་པ་འགག་པར་འགྱུར། །རྟོག་མེད་ངང་ལ་གནས་པར་བྱ། །དེའང་མི་སྐྱོ་བར་དུ་བསྒོམ། །སྐྱོ་ན་བཟླས་པ་བྱ་བ་ནི། །རང་གི་ཐུགས་ཀར་པད་ཉིའི་སྟེང་། །ཡི་གེ་བཾ་བསམ་སྔགས་ཀྱིས་བསྐོར། །དེའང་གཡོན་དུ་འཁོར་བར་བསམ། །ཨོཾ་བཛྲ་བཻ་རོ་ཙ་ནི་ཡེ་ཧཱུཾ་ཧཱུཾ་ཕཊ་སྭཱ་ཧཱ། མི་སྐྱོ་བར་དུ་བཟླས་པ་བྱ། །སྐྱོ་ན་གཏོར་མ་བཏང་བ་ནི། །རིན་ཆེན་སྣོད་དམ་ཀཱ་པ་ལར། །ཤ་ལྔ་བདུད་རྩི་ལྔ་སོགས་ཀྱིས། །རྫས་ཀྱི་རྣམ་པ་ཅི་འབྱོར་བླུག །སྟེགས་གྱི་སྟེང་དུ་བཞག་པར་བྱ། །མདུན་དུ་ཐོད་པའི་སྒྱེད་པུ་གསུམ། །རི་རབ་ཙམ་དུ་བསམ་པར་བྱ། །དེའི་སྟེང་དུ་ཀ་པཱ་ལ། རྫས་དང་བཅས་པ་བསམ་པར་བྱ། །གཏོར་མའི་སྟེང་ན་ཡི་གེ་གསུམ། །རིམ་པ་བཞིན་དུ་བསྒོམ་པར་བྱ། །ཨོཾ་ཨཱཿཧཱུྃ་གི་ཡི་གེ་གསུམ། །ལན་བདུན་བར་དུ་བརྗོད་པར་བྱ། །ཡི་གེ་གསུམ་ལ་ཡེ་ཤེས་ཀྱི། །བདུད་
2-2-67a
༄༅། །རྩི་བབ་པས་གང་བར་བསམ། །ཡི་གེ་གསུམ་པོ་འོད་དུ་ཞུ། །ཟག་མེད་བདུད་རྩི་རོ་བརྒྱར་ལྡན། །ཐུགས་ཀའི་ཧཱུཾ་ལས་འོད་ཟེར་འཕྲོས། །ཨུ་རྒྱན་ཡུལ་ནས་རྣལ་འབྱོར་མ། །དཔག་ཏུ་མེད་པ་བྱོན་ནས་ནི། །གཏོར་མའི་མཐའ་མར་བཞུགས་པར་བསམ། །ཡང་སྙིང་སྔགས་ལ་བ་ལཾ་ཏ། ཁཱ་ཧི་བཏགས་ལ་འབུལ་བར་བྱ། །གསོལ་བས་ཤིན་ཏུ་མཉེས་པར་བསམ། །རྐང་པ་བརྒྱད་པས་བསྟོད་པ་བྱ། །འདོད་པའི་དོན་ལ་གསོལ་བ་གདབ། །ཡི་གེ་བརྒྱ་པས་བཤགས་པ་བྱ། །དགེ་བའི་སེམས་ཅན་དོན་དུ་བསྔོ། །གཏོར་མ་གཙང་སར་བསྐྱལ་བར་བྱ། །ལྷའི་ང་རྒྱལ་ལྡན་པ་ཡིས། །སྤྱོད་ལམ་རྣལ་འབྱོར་ཅི་བདེར་བྱ། །དཔལ་ནཱ་རོ་པའི་སྐུ་གསུང་ཐུགས་ཀྱི་རྒྱུད་མཛད་མའི་སྒྲུབ་ཐབས། ཨྠྀི།། །།ཨོཾ་བཛྲ་བཻ་རོ་ཙ་ནཱི་ཡེ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སྐུ་གསུང་ཐུགས་ཀྱི་རྒྱུད་མཛད་མ་འདིའི་རྒྱུད་པ་ནི། རྡོ་རྗེ་འཆང་། ཏེ་ལོ་པ། ནཱ་རོ་པ། མར་པ། མི་ལ། ལྷ་རྗེ། དྷརྨ་ཀཱིརྟི། དབང་ཕྱུག་རྡོ་རྗེ། དམ་པ་དེ་ལ་བདག་གིས་ཞུས་སོ།། །།
༄། །རྗེ་བཙུན་མ་འདིའི་ལས་ཁ་ཚར་བ་རྣམས་ཀྱི་རྒྱུད་པ།
རྗེ་བཙུན་མ་འདིའི་ལས་ཁ་ཚར་བ་རྣམས་ཀྱི་རྒྱུད་པ་ནི། རྡོ་རྗེ་འཆང་། ཐང་ལོ་པ། ཤིང་ལོ་པ། ཀཪྞ་རི་པ༑ མར་པ་ལོ་ཙཱ་བ། མི་ལ་རས་པ། བླ་མ་ལྷ་རྗེ། གྲུབ་ཐོབ་དབུ་སེ་ནས་རྒྱུད་པའོ། །ཆང་གི་རྒྱུན་འབྱུང་བ་དང་། ཌཱ་མ་རུའི་སྒྲ་གྲགས་པ་དང་། བུད་མེད་དབུ་རྒྱན་ཅན་མང་པོ་འོང་བ་དང་དངོས་སུ་ཞལ་སྟོན། 
2-2-67b
འདི་ལ་བསྙེན་པ་རྫོགས་ནས་གཞན་ལ་དབང་བསྐུར་བར་འདོད་པས། ཤིན་ཏུ་དབེན་ཞིང་ཉམས་དགའ་བའི་གནས་སུ་བླ་རེས་དང་འགྲིག་ཡོལ་ལ་སོགས་པ་རྗེ་བཙུན་མའི་སྐུ་གསུང་ཐུགས་ཀྱི་རྟེན་བཀྲམ། མཎྜལ་དྲི་བཟང་དང་ཆང་གིས་བྱུགས། གཡས་སུ་བླ་མའི་མཎྜལ་བྱ། གཡོན་དུ་རཏྣའི་མཎྜལ་བྱ། དབུས་སུ་རེ་ག་ཟླུམ་པོའི་ནང་དུ་ཆོས་འབྱུང་རྐྱང་པ་བྱ། དེའི་ལྟེ་བ་ལ་བཾ་བྲི། པད་མའི་འདབ་མ་བཞི་ལ་ཧ་རི་ནི་ས་བྲི། བུམ་པ་མགུལ་ཆིངས་ཅན་ལ་དྲི་བཟང་གི་ཆུས་བཀང་ལ་པདྨའི་ལྟེ་བར་བཞག །ཀ་པཱ་ལ་བདུད་རྩི་ལྔས་བྲན་པའི་ཆང་གིས་བཀང་བ་བུམ་པའི་ཁར་བཞག །དེའི་སྟེང་དུ་དར་དམར་པོས་གདན་བྱས་པའི་སྟེང་དུ་མེ་ལོང་ལ་སིན་དྷུ་ར་བཙགས་པ་ལ་ཆོས་འབྱུང་རྐྱང་པ་བྲིས་ལ། དབུས་སུ་བཾ་ལ་བཻ་རོ་ཙ་ནི་གཡོན་སྐོར་དུ་བྲི། ཐོད་པའི་སྟེང་ན་སྔགས་མགོ་རང་ལ་བསྟན་ལ་བཞུགས་སུ་གསོལ། དེ་ནས་ཤ་སྣ་ཚོགས་ཀྱི་གཏོར་མ་ལྔ་བཅའ། བཞི་འདབ་མ་བཞི་ལ་བཞག །གཅིག་གར་བདེ་བར་བཞག །མཆོད་པ་ལྔ་ཚན་ལྔས་བསྐོར་ལ་བཞག །བསྒྲུབ་པ་པོའོ་གཡོན་དུ་མཆོད་པ་རྣམ་པ་ལྔ་བདུད་རྩིའི་ཡོན་ཆབ་བཟེད་ཞལ་དང་བཅས་པ་བཞག །ལག་མཆོད་ཀྱི་རྒྱུ་ཀ་པཱ་ལ་མཚན་ལྡན་དུ་བདུད་རྩི་ལྔ་དང་སྦྱར་བའི་ཆང་བླུགས་ལ་གཡས་ངོས་སུ་སྟེགས་ཀྱི་སྟེང་དུ་བཞག །ཚོགས་ཀྱི་ཡོ་བྱད་འབྱོར་ཚད་བཞག །ཡི་དམ་ཆོས་སྐྱོང་
2-2-68a
༄༅། །གི་དམར་གཏོར་གསུམ། དཀར་གཏོར་བཅའ་ལ་མཎྜལ་དམར་དམར་པོའི་ཡོལ་བས་བསྐོར། དེ་ལྟར་བཅས་ཐོན་པ་དང་། བསྒྲུབ་པ་པོ་བདག་ཉིད་སྟན་བདེ་བ་ལ་བསྡད། སློབ་མར་འོས་པ་རྣམས་བསོག །གདོན་ཅན་ཡོད་ན་བགེགས་གཏོར་སྦྱིན་ལ་བཏང་། སློབ་མ་རྣམས་ཁྲུས་བྱ། ཡུངས་ཀར་གྱིས་བྲབ། གུ་གུལ་གྱིས་བདུག །བགེགས་བསྐྲད། དེ་ནས་སློབ་དཔོན་གྱིས་འཆི་བ་མི་རྟག་པ་ལས་རྒྱུ་འབྲས་འཁོར་བའི་ཉེས་དམིགས་བཤད་ལ་བློ་བཅོས། དེ་ནས་སྐྱབས་འགྲོ་ཐུན་མོང་བ་དང་སོ་སོ་ཐར་པའི་སྡོམ་པ་དང་། བྱང་ཆུབ་སེམས་དཔའི་སྡོམ་པ་བསླབ་བྱ་དང་བཅས་པ་རྒྱས་པར་འབོགས། དེ་ནས་རང་གི་བླ་མ་དང་དཀོན་མཆོག་ལ་མཎྜལ་མཆོད་པ་རིམ་གྱིས་འབུལ། དེ་ལ་རང་ཉིད་རྗེ་བཙུན་མའི་བསྐྱེད་རྫོགས་རྒྱས་པར་བསྒོམ། བསྙེན་པ་འགའ་བྱ། རྫོགས་པ་དང་སློབ་མ་སྟ་གོན་དུ་གནས་པའི་ཆོ་གསོལ་བ་གདབ་པ་དང་། སེམས་བསྐྱེད་པ་དང་། སྡིག་པ་བཤགས་པ་བྱེད་པ་ནི། སློབ་མ་སྟ་གོན་དུ་གནས་པའོ། །དེ་ནས་མེ་ལོང་གི་བཾ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་སྡིག་པ་དག །རྣལ་འབྱོར་མར་གྱུར། འོད་ཟེར་ཚུར་འདུས་བཾ་ལ་ཐིམ། རྗེ་བཙུན་མར་གྱུར་པར་བསམ། དེའི་ཐུགས་ཀར་པད་ཉིའི་སྟེང་དུ་བཾ་བསམ། གནས་གསུམ་བྱིན་གྱིས་རླབས། ཡེ་ཤེས་གཞུག་རང་བཞིན་གྱི་གནས་ཨཽ་རྒྱན་
2-2-68b
ལ་སོགས་པ་ནས་རིགས་ལྔའི་མཁའ་འགྲོ་ཕག་མོའི་ཚོགས་དང་། བཀའ་རྒྱུད་ཀྱི་བླ་མ་རྣམས་སྤྱན་དྲངས། མངོན་སུམ་ལྟ་བུར་བཞུགས་པ་ལ། ཕོ་བྲང་གི་མཆོད་པ་འབུལ། བསྟོད་པ་བྱ། དེ་ནས་བརྟན་པའི་ཆེད་དུ། བཟླས་པ་བྱེད་པའི་དུས་སུ། མེ་ལོང་གི་རྗེ་བཙུན་མའི་ཐུགས་ཀའི་ཛཾ་ལས་འོད་འཕྲོས་རིགས་ལྔའི་མཁའ་འགྲོ་མའི་ཐུགས་ཀར་ཕོག་པས་དེ་རྣམས་ཀྱི་གཉིས་སུ་མེད་པའི་ཡེ་ཤེས་ཀྱི་བདུད་རྩི་བཀུག །མེ་ལོང་གི་རྗེ་བཙུན་མའི་སྤྱི་བོ་ནས་གསང་གནས་ནས་ཀ་པཱ་ལར་བྱོན། དེ་ནས་བུམ་པ་ཁེངས་པར་བསམ་ལ་བཟླས་པ་འགའ་བྱ། དེ་ནི་མཎྜལ་བསྒྲུབ་པའོ།། །།
༄། །རྗེ་བཙུན་མའི་གསང་བསྒྲུབ་ཀྱི་དབང་བསྐུར།
དེ་ནས་ལག་མཆོད་ཀྱི་ཀ་པཱ་ལར་སྲིན་ལག་གིས་བཟླུམ་པོར་བསྐོར། དེའི་དབུས་སུ་ཆོས་འབྱུང་གི་ལྟེ་བ་ལ་བོ་བྲིས་པ་རྗེ་བཙུན་མར་བསྒོམ། དེ་འོད་དུ་ཞུ་བའི་བདུད་རྩིས་ལག་པ་གཡོན་པའི་མཐིལ་དུ་ཆོས་འབྱུང་པད་མ་དང་བཅས་པའི་ཐིག་ལེ་ཆང་གིས་བྱ། ལྷ་ལྔར་བསྐྱེད་ལ་མཆོད་པ་ལྔ་བདུད་རྩིའི་མཆོད་པ་དང་དྲུག་འབུལ་ལ། བསྟོད་པ་བྱ་བ་ནི། ཧཱུཾ་ཆོས་ཉིད་རྣམ་པར་དག་པའི་ངང་། །སྐྱེ་བ་མེད་པ་སྤྲུལ་པའི་སྐུ། །སྙིང་རྗེའི་དབང་གིས་བྱུང་པ་ནི། བཅོམ་ལྡན་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་སྐུ་དོག་དམར། །མཚལ་དང་སིན་དྷུ་ར་ལྟར་མཛེས། །གཡས་པ་གྲི་གུག་གཡོན་ཐོད་ཁྲག །ཐབས་ཀྱི་རང་བཞིན་ཁ་ཊྭཱཾ་གཡོན། །ཤེས་རབ་ལྔ་དང་ཡེ་
2-2-69a
༄༅། །ཤེས་ལྔས། །རབ་བརྒྱན་སྐུ་གསུམ་ཚུལ་དུ་བཞུགས། །སྐུ་གསུང་ཐུགས་ཀྱི་རྡོ་རྗེར་ལྡན་བཅུ་དྲུག་ལོ་ལོན་གཞོན་ཞིང་སྒེག །འབར་བ་ཡིས་ནི་གར་དགུར་ལྡན། །སྤྱན་གསུམ་པོ་ལ་མཆེ་བ་བཞི། །ཅུང་ཟད་གཙིགས་ཤིང་ཁྲོ་མོའི་ཞལ། །གཅེར་བུ་དབུ་སྐྲ་གྲོལ་ཞིང་གནག །དབུ་ལ་ཐོད་སྐམ་ལྔ་ཡིས་བརྒྱན། །ཐོད་རློན་གྱིས་ནི་དོ་ཤལ་བྱས། །རུས་པ་དང་ནི་རིན་པོ་ཆེས། །བརྒྱན་ཅིང་དར་གྱི་ཅོད་པན་ཐོགས༑ ༑ཡེ་ཤེས་མེ་དཔུང་འབར་བའི་ཀློང་། །སྣ་ཚོགས་པདྨ་ཉི་མའི་གདན། །གཉིས་མེད་གཡས་བརྐྱང་གར་གྱིས་གནས། །དུས་མཚན་རོའི་ལྟེ་བར་མནན། །མཁའ་འགྲོ་ཚོགས་ཀྱི་གཙོ་མོ་སྟེ། །རྣལ་འབྱོར་མ་ལ་ཕྱག་འཚལ་བསྟོད། །མཆོག་དང་ཐུན་མོང་ལ་སོགས་པ། །ཅི་བསམ་པ་ཡི་དོན་རྣམས་ཀུན། །རྣལ་འབྱོར་དབང་ཕྱུག་ཆེན་མོ་ཡིས། །དུས་འདི་ཉིད་དུ་བདག་ལ་སྩོལ། །དེ་ནས་ལག་པའི་ལྷ་འོད་དུ་ཞུ་བས་བདུད་རྩིར་གྱུར་པ་ཀ་པཱ་ལར་འོང་པས་ཀ་པཱ་ལའི་བདུད་རྩི་དང་དབྱེར་མེད་པར་བསམ། དེ་ནས་རྩ་སྔགས་བརྗོད་ཅིང་བསྒྲུབ་ཁང་ལ་གཏོར་བས་མཁའ་འགྲོ་མའི་གུར་དུ་གྱུར་པར་བསམ། རང་ལ་གཏོར་བས་བ་སྤུའི་བུ་ག་ཐམས་ཅད་མཁའ་འགྲོ་མས་བལྟམས་པར་བསམ། མཆོད་རྫས་དང་ཚོགས་ལ་གཏོར་བས་བདུད་རྩིར་གྱུར་པར་བསམ། དེ་ནས་དཀྱིལ་འཁོར་གྱི་ལྷ་ལ་མཆོད་བསྟོད། རང་གི་ལྕེ་ཐོག་ཏུ་བཞག་
2-2-69b
བདུད་རྩི་མྱང་བའོ། །དེ་ནས་ཡོལ་བ་བཤུ། སློབ་མ་རྣམས་དཀྱིལ་འཁོར་གྱི་ལྷ་ཚོགས་ལ་མཆོད་པ་རྣམས་ཀྱིས་འབུལ་བ་དང་། མོས་གུས་བསྒོམ་དུ་བཅུག་ལ། རང་གིས་མཆོད་བསྟོད་རྒྱས་པར་བྱ། དེ་ནས་སློབ་མ་རྣམས་ལ་ཕྱག་འཚལ་དུ་བཅུག་ལ། བླ་མ་ཡི་དམ་ལྷ་ཚོགས་དང་། བླ་མ་ལ་མོས་གུས་བསྒོམ་དུ་ཅུག་ལ་གསོལ་བ་གདབ་པ་ནི། བླ་མ་རྗེ་བཙུན་པ་ཐམས་ཅད་དང་། རྡོ་རྗེ་རྣལ་འབྱོར་མའི་ལྷ་ཚོགས་ཐམས་ཅད་ཀྱིས། བདག་རྡོ་རྗེ་འཛིན་པ་མིང་འདི་ཞེས་བགྱི་བ་ལ་སྐུ་གསུང་ཐུགས་ཀྱིས་བྱིན་གྱི་བརླབ་པར་མཛད་དུ་གསོལ། །ཞེས་ལན་གསུམ་གྱི་བར་དུ་གསོལ་བ་གདབ་པར་བྱ། དེ་ནས་བདུད་རྩིས་ཆག་ཆག་གདབ སློབ་མ་རྣམས་ཀྱི་ཞབས་སུ་མེ་ཏོག་གི་ཚོམ་བུ་ལྔ་རེ་བཀོད། དེའི་སྟེང་དུ་སློབ་མ་རྣམས་ལངས་སུ་བཅུག །ཆོས་འབྱུང་གི་ཕྱག་རྒྱ་སྤྱི་བོར་བཅའ། རྐང་པ་གཉིས་གཤིབས་ལ། གཡས་པའི་བྲང་པས་གཡོན་པའི་བོལ་གོང་མནན་ལ། ལུས་སེམས་ཐར་ཤ་བཅའ། གུས་པ་དང་བཅས་པ་བཙོལ་ལ། རྡོ་རྗེ་རྣལ་འབྱོར་མར་བསྒོམ་དུ་བཅུག་པའི་ཐུགས་ཀར་ཆོས་འབྱུང་པདྨ་ཡི་གེ་དང་བཅས་པ་ཐུགས་ཀར་གཡོན་བསྐོར་དུ་དམར་སྒ་ར་ར་འཁོར་བ་ལ་དམིགས་པ་གཏོད་དུ་བཅུག་སློབ་དཔོན་གྱིས་ཀྱང་དེ་ལྟར་བསྒོམ་ལ། གུ་གུལ་ཚིལ་ཆེན་གྱི་དུད་པ་བཏང་། ཌཱ་མ་རུ་ལ་སོགས་པའི་སིལ་སྙན་སྒྲོལ། ཨོཾ་བཛྲ་བཻ་རོ་ཙ་ནཱི་ཡེ་
2-2-70a
༄༅། །ཧ་རི་ནི་ས་ཧཱུཾ་ཕཊ་སྭཱ་ཧཱ། བཛྲ་བ་རཱ་ཧི་ཨ་བེ་ཤ་ཡ་ཨ་ཨ། ཞེས་མ་ཕེབས་ཀྱི་བར་དུ་དྲག་པར་བཟླས་ལ་དབབ་པར་བྱའོ་དེས་མ་ཕེབས་ན་སྨིན་མཚམས་ཀྱི་ཐད་ཀ་ན། གཡུང་དྲུང་དམར་སྒ་ར་ར་འཁོར་བ་ལ་དམིགས་པ་གཏོད་དུ་གཞུགས་གསུང་། སྐུ་ལ་ཕེབས་ན་འདར། གསུང་ལ་ཕེབས་ན་སང་ཀྲི་ཏའི་སྐད་དམ་རྡོ་རྗེའི་གླུ། ཐུགས་ལ་བབས་ན་རྣམ་པར་མི་རྟོག་པའི་ཏིང་ངེ་འཛིན་འབྱུང་། དེ་ནས་དཀྱིལ་འཁོར་གྱི་ལྷ་དང་བླ་མ་ལ་བཀའ་དྲིན་ཆེ་བའི་མེ་ཏོག་འབུལ་དུ་བཅུག །དེ་ནས་དབང་བསྐུར་བ་ནི། བུམ་པའི་ཆུས་ཁྲུས་བྱ། བདུད་རྩི་ལྔས་བྲན་པའི་བུམ་པའི་ཁའི་ཆང་རྗེ་བཙུན་མའི་ཕྱག་མཚན་གྲི་གུག་སོ་ལྕགས་ཡུ་བ་ཟངས་རེ་ཐུགས་ཀར་བསྒོམ་དུ་བཅུག །སིན་དྷུ་རའི་ཡེ་ཤེས་པ་ནམ་མཁའ་ལ་བཏེག །དམ་ཚིག་པ་སིན་དྷུ་རའི་ངོ་བོར་གྱུར་པའི་ཐིག་ལེ་གནས་གསུམ་དུ་བྱའོ། །དེ་ལ་ངོ་སྤྲད་པ་ནི། བུམ་པའི་ཆུས་ཁྲུས་བྱས་པས་ལུས་ལ་གནས་ཚད་ཀྱི་སྡིག་པ་དག །བུམ་དབང་ཐོབ་པ་ཡིན། ཆང་དྲངས་པས་ངག་ལ་གནས་ཚད་ཀྱི་སྡིག་པ་དག །གསང་བའི་དབང་ཐོབ་པ་ཡིན། རྗེ་བཙུན་མའི་ཕྱག་མཚན་ཐུགས་ཀར་བསྒོམ་དུ་བཅུག་པས་ཡིད་ལ་གནས་ཚད་ཀྱི་སྡིག་པ་དག །དབང་གསུམ་པ་ཐོབ་པ་ཡིན། གནས་གསུམ་དུ་སིན་དྷུ་རའི་ཐིག་ལེ་བྱས་པས་ལུས་ངག་ཡིད་གསུམ་ཆར་ལ་གནས་པའི་སྡིག་པ་དག །དབང་བཞི་པ་ཐོབ་པར་ངོ་སྤྲད་པས་ལུས་ལྷ་བསྒོམ། 
2-2-70b
ངག་སྔགས་བཟླས། སེམས་རྫོགས་རིམ་བསྒོམ་པ་ལ་དབང་བར་བཤད་དོ། །དེ་ནས་ཆང་ཕུད་འབུལ། ཚོགས་ཕུད་གཏོར་མར་བཅུག་ལ་གཏོར་མ་བཏང་། བཀྲ་ཤིས་བརྗོད། ཚོགས་ལ་ལོངས་སྤྱོད། ལྷ་གཏོར་བཏང་། དཀྱིལ་འཁོར་གྱི་ལྷ་ལ་བཏང་རག་གི་མཆོད་པ་འབུལ། བཤགས་པ་བྱས་ལ་ཨཽ་རྒྱན་དུ་གཤེགས་སུ་གསོལ། །དགེ་བའི་རྩ་བ་བསྔོ། རྗེ་བཙུན་མའི་གསང་བསྒྲུབ་ཀྱི་དབང་བསྐུར་རྫོགས་སོ།། །།
༄། །དུས་བཟང་གི་མཆོད་པ།
རྗེ་བཙུན་མ་ལ་ཕྱག་འཚལ་ལོ། །ཡར་གྱི་ཚེས་བཅུའམ། མར་གྱི་ཚེས་བཅུ་ལ་དུས་བཟང་གི་མཆོད་པ་བྱེད་པར་འདོད་ན། གནས་ཁང་ཕྱགས་དར་བྱ། དྲི་བཟང་དང་ཆང་གིས་བྱུགས། བླ་མ་དང་དཀོན་མཆོག་གི་དཀྱིལ་འཁོར་གཉིས་བྱ། དཀྱིལ་དུ་ཆོས་འབྱུང་པདྨ་དམར་པོ་འདབ་མ་བཞི་པ་བྱ། རྡུལ་ཚོན་ཡེ་ཤེས་ལ་བརྟེན་པ་བྱེད་ན། དབུས་སུ་བཾ། འདབ་མ་བཞི་ལ་ཡི་གེ་བཞི་བྲི། དེ་ལ་ཤ་སྣ་ཚོགས་ཀྱི་གཏོར་མ་ལྔ་དང་། མཆོད་པ་རྣམ་ལྔ་ཚན་ལྔས་བསྐོར། དཀོན་མཆོག་སྤྱིའི་མཆོད་པ་ཅི་འབྱོར་བཤམས། ཡི་དམ་ཆོས་སྐྱོང་གི་གཏོར་མ་ལ་སོགས་པ་ཅི་འབྱོར་བཅའ། ལག་མཆོད་ཀྱི་རྒྱུ་ཐོད་པ་མཚན་ལྡན་ཆང་གིས་བཀང་བ་གཡས་སུ་བཞག །མཆོད་པ་སྣ་ལྔ་བདུད་རྩིའི་ཡོན་ཆབ་དང་བཅས་པ་གཡོན་དུ་བཞག ། ཚོགས་ཀྱི་ཡོ་བྱད་འབྱོར་ཚད་བཞག །དེ་ནས་རྣལ་འབྱོར་མ་རྣམས་གྲལ་རིམ་པས་བཀོད། རང་
2-2-71a
༄༅། །ཉིད་བླ་མ་དང་དཀོན་མཆོག་ལ་མཆོད་པ་དང་མཎྜལ་འབུལ། ཡིད་ཀྱིས་གསོལ་བ་གདབ། དེ་ནས་རང་ཉིད་རྣལ་འབྱོར་མའི་བསྐྱེད་རྫོགས་རྒྱས་པར་བསྒོམ། བཟླས་པ་འགའ་བྱ། དེ་ནས་རྡུལ་ཚོན་གྱི་བཾ་ལས་འོད་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་དག །འོད་ཟེར་ཚོར་འདུས་པས་བཾ་ལ་ཐིམ། བཾ་ཡོངས་སུ་གྱུར་པ་ལས་རྗེ་བཙུན་མར་གྱུར། གནས་གསུམ་བྱིན་གྱིས་རླབས། ཡེ་ཤེས་པ་གཞུག །གཞན་ཡང་རིགས་ལྔའི་མཁའ་འགྲོས་ཨུ་རྒྱན་ནས་རྗེ་བཙུན་མའི་ཚོགས་བཀའ་རྒྱུད་ཀྱི་བླ་མ་རྣམས་གདན་དྲངས་ནས་ནམ་མཁའ་ལ་མངོན་སུམ་ལྟ་བུར་བསམ་ལ་མཆོད་པ་འབུལ། དེ་བརྟན་པའི་ཆེད་དུ་བཟླས་པ་བརྒྱ་རྩ་བརྒྱད་ལ་སོགས་པ་བྱ། དེ་ནས་ལག་མཆོད་ཀྱི་ཆང་བྱིན་གྱིས་རླབས། རྩ་སྔགས་བཟླ་ཞིང་གནས་ཁང་ལ་གཏོར་བས་བགེགས་བསྐྲད། མཁའ་འགྲོ་མའི་དྲ་གུར་དུ་བསམ། རང་ལ་གཏོར་བས་བ་སྤུའི་བུ་ག་ཐམས་ཅད་མཁའ་འགྲོས་མས་བལྟམས་པར་བསམ། བདུད་རྩི་མྱང་བ་བྱ། ཨོཾ་ཨཱཿཧཱུྃ། ཞེས་བརྗོད་པས་ཚོགས་དང་མཆོད་རྫས་ལ་གཏོར་བས་བདུད་རྩིར་བསམ༑ རྣལ་འབྱོར་མ་རྣམས་ལ་གཏོར་བས་རྗེ་བཙུན་མར་བསམ། དེ་ནས་མཎྜལ་གྱི་ལྷ་ལ་མཆོད་པ་དང་བསྟོད་པ་རྒྱས་པར་བྱ། གསོལ་བ་གདབ། ཆང་ཕུད་འབུལ། ཚོགས་ཕུད་གཏོར་མར་བཅུག་ལ། གཏོར་མ་ཆོས་སྐྱོང་ལ་
2-2-71b
བཏང་༑ བསྟོད་པ་བྱ། བཀྲ་ཤིས་བརྗོད། ཚོགས་ལ་ལོངས་སྤྱོད། ལྷག་གཏོར་བཏང་། དཀྱིལ་འཁོར་གྱི་ལྷ་ལ་གཏང་རག་གི་མཆོད་པ་འབུལ། བཤགས་པ་བྱས་ལ་ཨཽ་རྒྱན་དུ་གཤེགས་སུ་གསོལ། །དམ་ཚིག་པ་རྣལ་འབྱོར་མ་ཀུན་གྱི་ལྟེ་བར་བྱོན་པར་བསམ། དེ་ནི་རྡུལ་ཚོན་ཡེ་ཤེས་ཀྱི་མཆོད་པའོ། །སིན་དྷུ་རའི་སྔགས་ཀྱི་མཆོད་པ་བྱེད་ན། རྡུལ་ཚོན་ལ་ཡི་གེ་མི་བཀོད། ནས་ཀྱི་ཚོམ་བུ་ལྔ་བྱ། ལྟེ་བ་ལ་མ་འཇིའི་སྟེང་དུ་དར་དམར་པོ་ལ་གདན་བྱས་ལ། སིན་དྷུ་རའི་སྔགས་ཀྱི་མཎྜལ་བྱིན་རླབས་ལྟར་བྱས་ལ། མཎྜལ་གྱི་ལྟེ་བ་ལ་མ་འཇིའི་སྟེང་དུ་བཞག །བསྒྲུབ་ལུགས་བྱིན་རླབས་དུས་དང་ཁྱད་མེད། གཞན་ཐམས་ཅད་ཁྱད་པར་མེད། ཚོམ་བུ་ལ་བརྟེན་པ་བྱེད་ན་ཡང་། ཚོམ་བུ་ལྔ་ཁྱད་པར་མེད། དུས་བཟང་གི་མཆོད་པ། ཨྠྀི།། །།
༄། །གཞན་དབང་དུ་བྱ་བ།
རྗེ་བཙུན་རྡོ་རྗེ་རྣལ་འབྱོར་མ་ལ་ན་མོ། གཞན་དབང་དུ་བྱ་བར་འདོད་ན། གནས་ཁང་དབེན་པར་རྡུལ་ཚོན་ཡེ་ཤེས་ཀྱི་དཀྱིལ་འཁོར་ལྟར། །ཡི་གེ་བཀོད་པ་ཚུན་ཆད་བྱ། གཞན་གྱི་བྱིན་རླབས་དང་ཁྱད་པར་མེད། དེ་ནས་རང་ཡི་དམ་གྱི་ལྷ་བསྐྱེད་རྫོགས་བསྒོམ། བཟླས་པ་ཅི་གྲུབ་བྱ། ལག་མཆོད་བྱིན་རླབས་ལྟར་བྱ། དཀྱིལ་འཁོར་གྱི་ལྷ་ལ་མཆོད་བསྟོད་རྒྱས་པར་འབུལ། དེའི་རྟིང་ལ་རང་དང་དཀྱིལ་འཁོར་གྱི་ལྷའི་ཐུགས་ཀའི་ས་བོན་བཾ་ལས་འོད་ཟེར་དམར་པོ་གྲི་གུག་གི་དབྱིབས་ལྟ་བུ་སྤྲོས་པས། བསྒྲུབ་
2-2-72a
༄༅། །བྱ་གང་ཡིན་པ་དེའི་སྙིང་ཁ་ནས་ཙིར་གྱིས་བཟུང་ནས་བདག་གི་མདུན་ན་འདར་ཕྲི་ལི་ལི་གུས་པ་དང་བཅས་པས་འདུག་པར་བསམ་ལ། སྔགས་ནི། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ནི་ས་ཧཱུཾ་ཕཊ། ཆེ་གེ་མོ་བཛྲ་བ་རཱ་ཧི་ཨ་བེ་ཤ་ཡ་ཨ་ཨཿཞེས་བརྗོད་ལ། དབང་དུ་མ་འདུས་ཀྱི་བར་དུ་ཐུན་བཞིའམ་དྲུག་ཏུ་བྱ། ཞག་བདུན་བདུན་ན་མཎྜལ་ཐང་རེ་རྗེ། མཆོད་ཆུང་རེ་ནུབ་རེ་གྲུབ་ན་བཟང་། ཐུན་ཐོན་ནས་གཏོར་མ་བཏང་བ་དང་། ཚོགས་ལ་ལོངས་སྤྱོད་པ་ལ་སོགས་པ་གཞན་དང་ཁྱད་མེད། གཏོར་མ་ལྔ་པོ་བསྒྲུབ་པ་མ་ཐོན་གྱི་བར་རྟེན་གཏོར་གྱི་ཚུལ་དུ་བཞག །ཞག་ཉི་ཤུ་རྩ་གཅིག་གི་བར་དུ་བྱས་ན་དབང་དུ་ངེས་པར་འདུ་གསུང་། ཨྠྀི།། །།
༄། །རང་གཞན་གྱི་གདོན་བསལ་བའི་རིམ་པ།
རྗེ་བཙུན་མའི་སྒོ་ནས་རང་གཞན་གྱི་གདོན་བསལ་བར་འདོད་ན། གནས་ཁང་ཕྱགས་དར་བྱ། དྲི་དང་ཆང་གིས་བྱུགས། བླ་མ་དཀོན་མཆོག་གི་མཎྜལ་གོང་ལྟར་བྱས་ལ། རྡུལ་ཚོན་ཡེ་ཤེས་ཀྱི་དཀྱིལ་འཁོར་ཡི་གེ་བཀོད་པ་དང་བཅས་པ་གོང་ལྟར་བྱས་ལ། མཆོད་པ་དང་གཏོར་མའི་བཅའ་ལུགས་རྣམས་ཀྱང་གོང་དང་ཁྱད་མེད། བླ་མ་དང་དཀོན་མཆོག་ལ་མཆོད་པ་དབུལ་བ། གསོལ་བ་གདབ་པ། རང་ཡི་དམ་བསྐྱེད་རྫོགས་བསྒོམ་པ། བཟླས་པ་བྱེད་པ། དཀྱིལ་འཁོར་བསྒྲུབ་པ་རྣམས་བྱིན་རླབས་དུས་དང་ཁྱད་མེད། ལག་མཆོད་བྱེད་པ་ནས་མཆོད་བསྟོད་བྱེད་པ་རྣམས་ཀྱང་གོང་
2-2-72b
དག་འདྲ། ཁྱད་པར་རང་དང་དཀྱིལ་འཁོར་གྱི་གཙོ་བོའི་ཐུགས་ཀའི་ས་བོན་བཾ་ལས་འོད་འཕྲོས། འོད་ཀྱི་སྣ་ལ་ཆོས་འབྱུང་པདྨ་བཾ་ཡིག་དང་བཅས་པ་ནད་པའི་ནད་གར་ཡོད་སར་སོང་བས། པདྨ་དང་ཡི་གེ་མི་འཁོར་བར་ཆོས་འབྱུང་གཡོན་དུ་དམར་སྒ་ར་ར་འཁོར་བས་དགྲ་བགེགས་གནོད་བྱེད་ཆོས་འབྱུང་རྩེ་མོས་མྱ་ལ་ལ་གཏུབས་ནས་རྡུལ་ཕྲ་རབ་ཏུ་བཏང་བར་བསམ་ལ། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་སརྦ་ཛཾ་ར་ནི་ཏྲ་སྭཱཧཱ། ཞེས་པས་ཐུན་བཞིས་མ་ཡེངས་པར་བསྙེན་པ་བྱ། སྲོད་ཐུན་ཐོན་ནས་གཏོར་མ་བཏང་། ཚོགས་ལ་ལོངས་སྤྱོད་པ་གོང་དང་ཁྱད་མེད། འདི་ཡང་ནད་པ་མ་སོས་ཀྱི་བར་དུ་གཏོར་མ་ལྔ་པོ་ལ་བསྣན་ཅིང་རྟེན་གཏོར་གྱི་ཚུལ་དུ་མི་བསྐྱང་བར་བཞག །ཚོགས་མཆོད་ནུབ་རེ་རེ་ཡོད་ན་བཟང་། དཀྱིལ་འཁོར་ནད་པ་མ་སོས་ཀྱི་བར་དུ་མ་རྗེས་ཀྱང་ཉན་གསུང་། རང་གཞན་གྱི་གནོད་པ་བསལ་བའི་རིམ་པ༑ ཨྠྀི།། །།
༄། །སྡིག་སྒྲིབ་ཉམས་ཆགས་དག་པ།
རྗེ་བཙུན་མ་ལ་ཕྱག་འཚལ་ལོ། །སྡིག་སྒྲིབ་ཉམས་ཆགས་དག་པར་འདོད་ན། རང་རྗེ་བཙུན་མར་གསལ་བ་དང་། རང་གི་མདུན་དུ་སྐད་ཅིག་གིས་ཆོས་འབྱུང་དམར་པོ་བསྒོམ་པའི་དབུས་སུ། པད་ཉི་གསལ་བའི་སྟེང་དུ་བཾ་ལས་རྗེ་བཙུན་མར་གསལ་བའི་སྟེང་དུ་རྗེ་བཙུན་མར་བསྒོམ། དེའི་ཐུགས་ཀར་ཡང་བཾ་བསམ་མོ། །དེ་ལས་འོད་འཕྲོས་པས་རིགས་ལྔའི་དཔའ་བོ་དང་མཁའ་འགྲོ་ཐམས་ཅད་ཀྱི་
2-2-73a
༄༅། །ཐུགས་གཉིས་སུ་མེད་པའི་བདུད་རྩི་བླངས། རང་གི་ཚངས་བུག་ནས་ལུས་དམར་ལྡེམ་གྱིས་གང་བས་སྡིག་སྒྲིབ་ཉམས་ཆགས་ཐམས་ཅད་དག་ཅིང་སོར་ཆུད་པར་བསམ། ཡང་རང་གི་ཐུགས་ཀའི་ས་བོན་བཾ་ལས་འོད་འཕྲོས། ཕྱོགས་བཅུའི་དཔའ་བོ་དང་མཁའ་འགྲོའི་བདུད་རྩི་བླངས། མདུན་གྱི་རྗེ་བཙུན་མའི་ཐུགས་ཀར་ཐིམ། དེའི་ཐུགས་ཀ་ནས་ཡེ་ཤེས་ཀྱི་བདུད་རྩིའི་ཆུ་རྒྱུན་གྱིས་རང་གི་ཚངས་བུག་གང་ནས་ལུས་ལྡེམ་གྱིས་གང་པས། སྡིག་སྒྲིབ་ཐམས་ཅད་དག །དམ་ཚིག་ཆགས་ཉམས་ཐམས་ཅད་སོར་ཆུད་པར་བསམ། དེ་ལྟར་སྤྲོ་བསྡུ་བདུན་ནམ་བཅུ་བཞིའམ་ཉི་ཤུ་རྩ་གཅིག་བྱས་པའི་ཐུན་བདུན་གྱིས་དམ་ཚིག་ཆགས་ཉམས་སོར་ཆུད་དོ། །ཨྠྀི།། །།
༄། །ཞི་བའི་སྦྱིན་སྲེག
རྗེ་བཙུན་མ་ལ་ཕྱག་འཚལ་ལོ། །ཞི་བའི་སྦྱིན་སྲེག་བྱེད་པར་འདོད་ན། གནས་ཁང་ཕྱག་དར་བྱས། རྣམ་ལྔ་དང་དྲི་དང་ཆང་གིས་བྱུགས། བསྲེག་ཁུང་གི་དཀྱིལ་འཁོར་བཟླུམ་པོ་ཁ་དོག་དཀར་པོར་བྱ། དེའི་ནང་དུ་ཆོས་འབྱུང་པད་མ་དཀར་པོར་བྱས་པའི་ལྟེ་བར་བཾ་བྲི། བུད་ཤིང་ཚེར་མ་མེད་པ་དྲི་ཞིམ་པོ་བཟླུམ་པོར་བརྩིག །སྐམ་པོས་ནང་བརྫང་། མདུན་དུ་མཆོད་པ་ལྔ་བཅའ། དམར་གཏོར་གཉིས་བཅའ། མར་ཁུ། ཁུར་བ། ཞོ། མེ་ཏོག་དཀར་པོ་རྣམས་གཡས་སུ་བཞག །རང་སྟན་བདེ་བ་ལ་འདུག་ལ་སེམས་བསྐྱེད། བླ་མ་དང་དཀོན་མཆོག་ལ་མཆོད་པ་
2-2-73b
འབུལ༑ གསོལ་བ་གདབ། དེ་ནས་རང་ཉིད་བསྐྱེད་རྫོགས་རྒྱས་པར་བསྒོམ། བཟླས་པ་ཅི་འགྲུབ་བྱ། དེ་ནས་ཐབ་ཏུ་མེ་སྦར། ཐབ་ཁུང་གི་བཾ་ལས་འོད་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་དག་པར བསམ༑ ཚུར་འདུས་བཾ་ལ་ཐིམ། རྗེ་བཙུན་མ་དཀར་མོར་བསྐྱེད། དེའི་ཐུགས་ཀར་བཾ་བསམ། རང་དང་མདུན་གྱི་རྗེ་བཙུན་མའི་ཐུགས་ཀའི་བཾ་ལས་འོད་འཕྲོས། ཨུ་རྒྱན་ནས་རྗེ་བཙུན་མ་སྤྱན་དྲངས། དམ་ཚིག་མའི་སྤྱི་བོ་ཚངས་བུག་ནས་ཐུགས་ཀར་བྱོན་ནས། པད་ཉིའི་སྟེང་དུ་བཞུགས་པ་པར་བསམ་ལ། མཆོད་པ་རྣམ་པ་ལྔ་འབུལ། བསྟོད་པ་བྱ། དེ་ནས་ཡེ་ཤེས་པ་དང་གཉིས་སུ་མེད་པར་འདྲེས་པར་བསམ་ལ། བསྲེག་རྫས་ཐམས་ཅད་ཨོཾ་ཨཱཿཧཱུྃ་གིས་བདེ་སྟོང་དུ་བྱིན་གྱིས་རླབས་ལ། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཧཱུཾ་ཕཊ། ཆེ་གེ་མོའི་སྡིག་སྒྲིབ་ཐམས་ཅད་ཞི་བ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཏགས་ལ་བརྒྱ་རྩ་བརྒྱད་ལ་སོགས་པ་ཅི་འབྱོར་དབུལ། དེ་ནས་ཡེ་ཤེས་པ་ཆུ་ལ་ཆུ་བུར་རྡོལ་བའི་ཚུལ་དུ་དམ་ཚིག་པའི་ཐུགས་ཀར་བྱོན་པར་བསམ། དེ་ལ་བསྲེག་རྫས་བདུན་དབུལ། མཆོད་པ་ལྔ་དབུལ། གཏོར་མ་བྱིན་གྱིས་རླབས་ལ་དབུལ༑ གཅིག་དེ་ཆོས་སྐྱོང་ལ་འབུལ། འདོད་པའི་དོན་ལ་གསོལ་བ་གདབ། ཡི་གེ་བརྒྱ་པས་བཟོད་པར་གསོལ། ཡེ་ཤེས་པ་གཤེགས་སུ་གསོལ། །དམ་ཚིག་པ་རང་ལ་བསྡུ་བའམ་དམིགས་མེད་དུ་བཏང་། 
2-2-74a
༄༅། །ཚར་གྲངས་ལ་ངེས་པ་མེད། ཐོན་པ་དང་ཐལ་སོལ་ཆུ་ལ་དོར། ཨྠྀི།། །།
༄། །རྗེ་བཙུན་མའི་རྒྱས་པའི་སྦྱིན་སྲེག
རྗེ་བཙུན་མ་ལ་ན་མོ། རྗེ་བཙུན་མའི་རྒྱས་པའི་སྦྱིན་སྲེག་བྱེད་པར་འདོད་ན། མཎྜལ་གྲུ་བཞི་སེར་པོ་བྱ། ཆོས་འབྱུང་པདྨ་དམར་པོ་བྱ། འབྲས་བུ་ཅན་གྱི་ཤིང་སེར་པོ་གྲུ་བཞི་བརྩིགས། པདྨའི་ལྟེ་བ་ལ་བཾ་བྲི། རང་ཡི་དམ་གྱི་བསྐྱེད་རྫོགས་བསྒོམ། བཟླས་པ་འགའ་བྱ། ཐབ་ཏུ་མེ་སྦར། བཾ་ལས་དམ་ཚིག་མ་སེར་མོ་བསྐྱེད། ཡེ་ཤེས་པ་བསྟིམ། ཐུགས་ཀར་པད་ཉིའི་སྟེང་དུ་བཞུགས་པར་བསྒོམ། དེ་ལ་མཆོད་པ་རྣམ་ལྔ་འབུལ། བསྲེག་རྫས་ཉི་ཤུ་རྩ་གཅིག་གམ་བདུན་འབུལ། བསྟོད་པ་བྱ། དེ་ནས། དམ་ཚིག་པ་དབྱེར་མེད་དུ་བསྒོམ་ལ༑ བསྲེག་རྫས། མར་ཁུ། ཁུར་བ། ཞོ། མེ་ཏོག་སེར་པོ་རྣམས་གཡས་ངོས་སུ་བཞག །གཡོན་ངོས་སུ་མཆོད་པ་ལྔ་བཤམ། གཏོར་མ་གཉིས་བཅའ། བསྲེག་རྫས་བརྒྱ་རྩ་བརྒྱད་ལ་སོགས་པ་དབུལ། སྔགས་ནི༑ ཨོཾ་བཛྲ་བཻ་རོ་ཙ་ནི་ཡེ་ཧ་རི་ནི་ས་ཧཱུཾ་ཕཊ། ཆེ་གེ་མོའི་ཚེ་དང་ལོངས་སྤྱོད་སརྦ་པུཥྚིཾ་མ་མེ་ཀུ་རུ་ཡེ་སྭཱ་ཧཱ། ཏིང་ངེ་འཛིན་ནི། བདག་དང་སེམས་ཅན་ཐམས་ཅད་ཀྱི་ཚེ་དང་ལོངས་སྤྱོད་རྒྱས་པར་བསམ། དེ་ནས་ཡེ་ཤེས་པ་དམ་ཚིག་པའི་ཐུགས་ཀར་བྱོན་པར་བསམ། དེ་ལ་བསྲེག་རྫས་བདུན་མཆོད་པ་རྣམ་ལྔ་འབུལ། གཏོར་མ་བཏང་། བསྟོད་པ་བྱ། ཡེ་ཤེས་པ་གཤེགས། དམ་ཚིག་པ་མི་དམིགས། ཐལ་སོལ་ཕྱུག་
2-2-74b
པོའི་སྒོ་རྩར་སྦ། རྡོ་རྗེ་རྣལ་འབྱོར་མའི་རྒྱས་པའི་སྦྱིན་བསྲེག་རྫོགས་སོ།། །།
༄། །རྗེ་བཙུན་མའི་དབང་གིས་སྦྱིན་སྲེག
རྗེ་བཙུན་མའི་དབང་གིས་སྦྱིན་སྲེག་བྱེད་པར་འདོད་ན། མཎྜལ་ཟླ་གམ་དམར་པོ་བྱ། དེའི་དབུས་སུ་ཆོས་འབྱུང་པདྨ་དང་བཅས་པ་རྣམས་ཀྱང་དམར་པོ་བྱ། ལྟེ་བར་བཾ་བྲི། འདབ་མ་བཞི་ལ་ཧ་རི་ནི་ས་བཞི་བྲི། གཡོན་དུ་མཆོད་པ་རྣམ་པ་ལྔ་བཅའ། གཡས་སུ་མར་ཁུ་དང་། ཁུར་བ་དང་། མེ་ཏོག་དམར་པོ་དང་། ཡམ་ཤིང་རྣམས་བཞག །གཏོར་མ་གཉིས་བཅའ། དེ་ནས་རྗེ་བཙུན་མའི་བསྐྱེད་རྫོགས་བསྒོམ། བཟླས་པ་བྱ། དེ་ནས་བུད་ཤིང་དམར་པོ་ཟླ་གམ་དུ་བཅུག ། སྐམ་པོས་ནང་བརྫང་། དེར་མེ་བཏང་། དམ་ཚིག་མ་དམར་མོ་བསྐྱེད། རང་དང་མདུན་གྱི་རྗེ་བཙུན་མའི་ཐུགས་ཀ་ནས་འོད་སྤྲོས། རང་བཞིན་གྱི་གནས་ནས་ཡེ་ཤེས་པ་སྤྱན་དྲངས། དམ་ཚིག་པའི་ཐུགས་ཀར་བྱོན་ནས་པད་ཉིའི་སྟེང་དུ་བཞུགས་པར་བསམ། དེ་ནས་བསྲེག་རྫས་འབུལ༑ དེའི་དུས་ཀྱི་ཏིང་ངེ་འཛིན་ནི། རང་དང་མདུན་གྱི་ཐུགས་ཀའི་བཾ་ལས་འོད་ཟེར་དམར་པོ་གྲི་གུག་གི་དབྱིབས་ཅན་སྤྲོས་ལ། གང་དབང་དུ་བྱ་བའི་ཐུགས་ཀར་བཟུང་ནས་དབང་དུ་འདུས་པར་བསམ། སྔགས་ནི། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཧཱུྃ་ཕཊ་སྭཱ་ཧཱ། ཆེ་གེ་མོ་བཛྲ་བ་རཱ་ཧི་ཨ་བེ་ཤ་ཡ་ཨ་ཨཿཞེས་བཟླས་སོ། །ཐོན་པ་དང་ཡང་ཡེ་ཤེས་པའི་ཐུགས་ཀར་བྱོན་པར་བསམ་ལ། བསྲེག་རྫས་བདུན་མཆོད་
2-2-75a
༄༅། །པ་རྣམ་ལྔ་འབུལ། གཏོར་མ་བཏང་། བསྟོད་པ་བྱ། ཡེ་ཤེས་པ་གཤེགས། དམ་ཚིག་པ་མི་དམིགས། ཐལ་སོལ་གང་དབང་དུ་བྱ་བ་དེའི་ཕྱོགས་སུ་རླུང་ལ་ཕྱར། ནམ་དབང་དུ་མ་འདུས་ཀྱི་བར་དུ་བྱ༑ དབང་གི་སྦྱིན་སྲེག །ཨྠྀི།། །།
2-2-75b
ནས་ཡེ་ཤེས་པ་སྤྱན་དྲངས། སྤྱི་བོ་ནས་དམ་ཚིག་པའི་ཐུགས་ཀར་བྱོན་པར་བསམ། མཆོད་པ་ལྔ་དང་བསྲེག་རྫས་བདུན་འབུལ། བསྟོད་པ་བྱ། དེ་ནས་ཡེ་ཤེས་པ་དང་དམ་ཚིག་པ་གཉིས་སུ་མེད་པར་འདྲེས་པར་བསམ། དེ་ལ། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་དགྲ་བགེགས་ཆེ་གེ་མོ་མཱ་ར་ཡ་ཧཱུཾ་ཕཊ། ཅེས་བཟླས་ཤིང་། མདུན་གྱི་ལྷ་དང་རང་གི་ཐུགས་ཀའི་བཾ་ལས་འོད་འཕྲོས་དགྲ་བགེགས་རང་དབང་མེད་པར་བཀུག ༑ལིང་ག་ལ་བསྟིམས་པས། དགྲ་བགེགས་ཀྱི་ཤ་ཁྲག་ཏུ་དམིགས་ལ། རྗེ་བཙུན་མའི་ཞལ་དུ་འབུལ་བར། བརྒྱ་རྩ་བརྒྱད་ལ་སོགས་པ་འབུལ། ཐོན་པ་དང་ཡེ་ཤེས་པ་དམ་ཚིག་པའི་ཐུགས་ཀར་བྱོན་པར་བསམ་ལ། མཆོད་པ་རྣམས་ལྔ་བསྲེག་རྫས་བདུན་ནམ་ཉི་ཤུ་རྩ་གཅིག་འབུལ། གཏོར་མ་བཏང་། བསྟོད་པ་བྱ། འདོད་པའི་དོན་ལ་གསོལ་བ་གདབ། ཡི་གེ་བརྒྱ་པ་འདོན། ཡེ་ཤེས་པ་གཤེགས། དམ་ཚིག་པ་རང་ལ་བསྡུ་བའམ། མི་དམིགས། དགེགས་སོད་པའི་མཚན་མ་མ་བྱུང་གི་བར་དུ་བྱའོ། །ཐལ་སོལ་མནན། རྗེ་བཙུན་མའི་དྲག་པོའི་སྦྱིན་སྲེག་རྫོགས་སོ། །ཨྠྀི།། ༈ །།
༄། །རྡོ་རྗེ་རྣལ་འབྱོར་མ་ཞལ་གཅིག་མའི་རྫོགས་རིམ།
རྟོགས་པ་མཆོག་ལྡན་དམ་པ་རྗེ༑ ༑སྨྲ་བའི་སེང་གེ་སྤྲུལ་པའི་སྐུ། །འགྲོ་བའི་མགོན་པོ་བརྩེ་བ་ཅན། །བཀའ་དྲིན་ཅན་གྱི་ཞབས་ལ་འདུད། །རྡོ་རྗེ་རྣལ་འབྱོར་མ་ཞལ་གཅིག་མའི་རྫོགས་རིམ་བསྒོམ་པར་འདོད་ན། སེམས་ཅན་ཐམས་ཅད་
2-2-76a
༄༅། །ཀྱི་དོན་དུ་སེམས་བསྐྱེད། སྤྱི་གཙུག་ཏུ་པད་ཉིའི་གདན་ལ་རྩ་བའི་བླ་མ་བསྒོམ་ལ་གསོལ་བ་གདབ། དེ་ནས་གནད་རྣམ་པ་ལྔ་ནི། དང་པོ་ལུས་ཀྱི་གནད་ནི། རང་ཉིད་རྗེ་བཙུན་མ་སྒྲུབ་ཐབས་ནས་གསུངས་པ་ལྟར་བསྒོམ། རྐང་པ་རྡོ་རྗེ་སྐྱིལ་ཀྲུང་བཅའ། སྒལ་ཚིགས་དྲང་པོར་བསྲང་། ལག་པ་མཉམ་བཞག་གི་ཕྱག་རྒྱ་བཅའ། མགྲིན་པ་བག་ཙམ་དགུག །ལྕེ་ཡ་རྐན་ལ་སྦྱར། མིག་སྣ་རྩེར་དབབ། དེ་ནི་ལུས་ཀྱི་གནད་ཡིན་གསུང་། དེ་ལ་རྩ་ནི། དབུ་མ་སྤྱི་བོ་ནས་གསང་གནས་སུ་ཟུག་པ། གཡས་གཡོན་གཉིས་ནི་ཡར་སྣ་བུག་གཉིས་སུ་ཟུག་པ། མར་སྣ་ལྟེ་བའི་འོག་སོར་བཞིའི་ནང་དུ་དབུ་མ་ལ་གྲུ་གུག་ལྟ་བུར་ཟུག་པ། དེ་གསུམ་ཡང་ཐུར་མ་གཤིབས་པ་ལྟ་བུ་དྲང་སང་ངེ་བར་བསམ། དེ་ནི་རྩའི་གནད་ཡིན་གསུང་། དམིགས་པའི་ཡུལ་ནི། རྩ་གསུམ་འདུས་སོ་ན། ཆོས་འབྱུང་ཁ་དོག་དམར་པོ་རྟིང་པ་ཕྲ་བ་ཁ་གདེངས་པ་ཡངས་པ་སྲབ་ལ་དམར་བ། ཨུག་ཆོས་ལྟ་བུ་གཅིག་སྒོ་མེད་པའི་དབུས་སུ་པད་མ་དམར་པོ་འདབ་མ་བཞི་པ་དབུས་སུ་པཾ་འདབ་མ་བཞི་ལ་ཧ་རི་ནི་ས་བཞི་བསམ། དེ་ནི་ཡུལ་གྱི་གནད་ཡིན་གསུང་། དེ་ནས་ནང་གི་རླུང་སྣ་ནས་ལན་གསུམ་བར་དུ་ཕར་འབུད་ལ། གདོད་འཇམ་རླུང་དལ་ན་ར་ར་རྔུབས་པས། རྩ་གཡས་གཡོན་གཉིས་སུ་རླུང་སྔོ་ན་ར་ར་སོང་བས་རྩ་དབུ་མའི་ནང་ན་ཡར་ཞུགས་པས་ཆོས་འབྱུང་
2-2-76b
ལ་ཕོག་པས། ཆོས་འབྱུང་འདར་ཡོད་མེད་བྱེད། དེའི་ཤུགས་ཀྱིས་ཆོས་འབྱུང་མི་འཁོར་བར་པདྨ་ཡི་གེ་དང་བཅས་པ་གཡོན་དུ་དམར་སྒ་ར་ར་འཁོར་བ་ལ་མ་ཡེངས་པར་སེམས། སྟེང་རླུང་མནན་འོག་རླུང་འཐེན་ལ་རླུང་བུམ་པ་ཅན་དུ་བྱས་ལ། ནུས་ཚད་བསྒོམ། མ་ཐུབ་པའི་དུས་སུ་ལུས་ཕར་བཅུ་ཚུར་བཅུ་བྱས་ལ་སྤུའི་བུ་ག་ནས་རླུང་སྔོ་སི་རི་རི་ཕྱིར་སོང་བར་བསམ། ཡེ་མ་ཐུབ་ན་རྩ་དབུ་མ་ནས་སྤྱི་བོ་ཚངས་བུག་ཏུ་མདའ་འཕངས་པ་བཞིན་དུ་ཤད་ཀྱིས་སོང་བར་བསྒོམ་མོ། །ཐུན་དང་པོ་ལ་གསལ་གདབ་པ་ཙམ་གྱིས་ཆོག །ཕྱིས་ནས་ཇེ་དྲག་ལ་བསྒོམ་པ་ཡིན་གསུང་། དུས་ཀྱི་གནད་ནི། ཐུན་ཚོད་གྲངས་དང་དུས་ཚོད་ལ་ངེས་པ་མེད་དོ། །དེ་ལྟར་བསྒོམ། དྲོད་བདེ་བ་མི་རྟོག་པ་གསུམ་སྐྱེ་གསུང་། དྲོད་མ་སྐྱེས་ན་ལྟེ་བའི་བོ་དེ་ཇེ་དམར་ཇེ་དམར་དུ་སོང་བས། མཐར་རང་གི་ལུས་ཀྱང་མེད་དམར་འུར་གྱིས་སོང་བས། དེར་རྩ་དབུ་མའི་ནང་ན་ཡར་འབར། ལུས་པོའི་ཕྱི་ནང་མེད་པར་མེས་གང་བར་བསམ། དེས་དྲོད་སྐྱེ་བ་ཡིན་གསུང་། དེ་ནས་བདེ་བ་མ་སྐྱེས་ན་རང་གི་ཚངས་བུག་ཏུ་ཧཾ་དཀར་པོ་མགོ་ཐུར་དུ་ལྟས་པ་གཅིག་བསམ། ལྟེ་བའི་བོ་དེ་ལས་མེ་འབར་བས། ཧཾ་དེ་ལ་རེག་པ་གཅིག་བྱས་པས། དེ་ལ་བྱང་སེམས་ཀྱི་རྒྱུན་ཙ་ར་ར་བབ་པས་རང་གི་ལུས་བདེ་བས་རྒྱས་པར་བསམ། དེས་བདེ་བ་སྐྱེ་གསུང་། དེ་ལྟར་བདེ་དྲོད་སྐྱེས་ནས། 
2-2-77a
༄༅། །མི་རྟོག་པ་རྒྱུད་ལ་མ་སྐྱེས་ན་འཇམ་རླུང་བཟུང་། ཤེས་པ་མ་བཅོས་མ་སླད་པར་སེམས་གཉུག་མའི་ངང་ལ་བཞག །དེས་མི་རྟོག་པ་སྐྱེ་བ་ཡིན་གསུང་། རྗེ་བཙུན་དམ་པ་རིན་ཆེན་གྱིས། །གདམས་པ་གསེར་ཞུན་ལྟ་བུར་གནང་། །བློ་དམན་ཡི་གེར་བྲིས་པ་ལ། །རྗེ་བཙུན་དམ་པས་བཟོད་པར་ཞུ། །ཨྠྀི།། །།ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཤྲཱི་བཛྲ་ཡོ་གི་ནི་ཨརྒྷཾ་པྲ་ཏཱིཙྪ། ཡོན་ཆབ་མ་འདྲེ། བཛྲ་དྷུ་པེ། བདུག་སྤོས་མ། བཛྲ་པུཥྤེ། མེ་ཏོག་མ། བཛྲ་ཨཱ་ལོ་ཀེ །མར་མེ་མ། བཛྲ་གནྡྷེ། དྲི་ཆབ་མ། བཛྲ་ནྦཻ་ཏྱེ། ཞལ་ཟས་མ། བཛྲ་རཏྣ་གནྡྷ། སིལ་སྙན་མ། སརྦ་ཨ་མྲྀ་ཏ་ཁཱ་ཧི། བདུད་རྩི་མ། བཛྲ་གནྡྷ་ཙཀྲ་ཨརྒྷཾ་པྲ་ཏཱིཙྪ༑ ཛ་མ་ར་ནི་ཏྲ།། །།
༄། །རྗེ་བཙུན་མའི་སྒྲིབ་པ་སྦྱང་བའི་ཆོ་ག
རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །ཞལ་གཅིག་མའི་ཞལ་ཉེ་བར་ལྟ་བའི་མཆོད་པ་རྩམ་པར་འདོད་པས། གནས་ཁང་ཡིད་དང་འཐུན་པར་མཎྜལ་ཆང་དང་དྲི་བཟང་གིས་བྱུག །དེར་བླ་མའི་མཎྜལ། དཀོན་མཆོག་གི་མཎྜལ། རྡུལ་ཚོན་ཡེ་ཤེས་ཀྱི་མཎྜལ། སིནྡྷུ་ར་སྔགས་ཀྱི་མཎྜལ་བཅའ་ལུགས་རྣམས་བྱིན་རླབས་དུས་དང་ཁྱད་མེད། ཁྱད་པར་ནི་གོ་རོ་ཙ་ན། རང་བྱུང་གི་མཚལ། སིན་ར༑ མཚལ་དཀར་བསྲེས། ལེགས་པར་སྦྱངས་ལ། པིར་གྱིས་ཆོས་འབྱུང་གྲུ་གསུམ་གྱི་ནང་དུ་པདྨ་འདབ་མ་བཞི་བྲི། ཀ་པཱ་ལ་མཚན་ལྡན་དྲུག་བཙལ་བ་ལ། གཅིག་གི་ནང་དུ་ཆོས་འབྱུང་བྲི། དེའི་དབུས་སུ་བཾ་
2-2-77b
བྲི༑ འདབ་མ་བཞི་ལ་ཧ་རི་ནི་ས་བྲིས་ལ། བདུད་རྩི་ལྔ་དང་ཆང་བསྲེས་པས་བཀང་ལ། ཆོས་འབྱུང་ཅན་པདྨའི་ལྟེ་བ་ལ་བཞག །བཞི་ཕྱོགས་བཞིའི་མ་འཇིའི་སྟེང་དུ་བཞག །མཆོད་པ་རྣམ་ལྔ་ཚན་ལྔས་བསྐོར༑ ཚོགས་ཀྱི་ཡོ་བྱད་དང་གཏོར་མ་བཅའ་ཐབས་རྣམས་མཐུན། ལས་ཐམས་ཅད་པའི་མཆོད་པ་དང་ལག་མཆོད་རྣམས་མཐུན། བཅས་ཐོན་པ་དང་། རྣལ་འབྱོར་པ་བདག་ཉིད་བྱང་ཆུབ་ཀྱི་སེམས་སྔོན་དུ་འགྲོ་བས། དཀོན་མཆོག་སྤྱིའི་མཆོད་པ་ཅི་འབྱོར་པས་མཎྜལ་གྱི་མཐའ་མ་བསྐོར་བ་དེ་རྣམས་བླ་མ་དཀོན་མཆོག་ལ་འབུལ། མཎྜལ་གཉིས་སོ་སོར་ཕུལ་ལ་གསོལ་བ་གདབ། དེ་ནས་རྗེ་བཙུན་མའི་བསྐྱེད་རྫོགས་བསྒོམ། བཟླས་པ་ཅི་འགྲུབ་བྱ། དེ་ལ་སིན་དྷུ་ར་བསྒྲུབ་པ་བྱིན་རླབས་ལྟར་བྱ། བཟླས་པ་འགའ་བྱ། དེ་ནས་ལག་མཆོད་ཀྱི་ཆང་བྱིན་གྱིས་རླབས་ལ་ལག་པ་གཡོན་དུ་བཟུང་། གཡས་པའི་སྲིན་ལག་གིས་སྤྱི་བོར་པད་ཟླའི་གདན་ལ་བཀའ་རྒྱུད་ཀྱི་བླ་མ་བསྒོམ་ལ་མཆོད། ཟག་མེད་ཀྱི་ཡེ་ཤེས་སྐུ་ཉམས་སུ་གཏར་བར་བསམ། གཞན་ཡང་མཆོད་པ་ལྔ་འབུལ། བསྟོད་པ་བྱ། དེ་ནས་གསོལ་བ་གདབ་པ་ནི། དུས་གསུམ་གྱི་སངས་རྒྱས་ཐམས་ཅད་ཀྱི་སྐུ་གསུང་ཐུགས་གཉིས་སུ་མེད་པའི་ཡེ་ཤེས་ཀྱི་ངོ་བོ། སྟོང་པ་ཐུགས་རྗེ་རོ་མཉམ་པ། དྲི་མ་གསུམ་གྱིས་མ་གོས་པའི་བླ་མ་རིན་པོ་ཆེ་ཐམས་ཅད་བདག་ལ་དགོངས་སུ་
2-2-78a
༄༅། །གསོལ། བདག་རྡོ་རྗེ་འཛིན་པ་མིང་འདི་ཞེས་བགྱི་བ་ཚེ་འདི་ཉིད་ལ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་མཛད་དུ་གསོལ། ཉམས་དང་རྟོགས་པ་ཁྱད་པར་དུ་འཕགས་པ་རྒྱུད་ལ་སྐྱེ་བར་མཛད་དུ་གསོལ། ལུས་ངག་ཡིད་གསུམ་བྱིན་གྱིས་རླབས་པ་མཛད་དུ་གསོལ། ཕྱི་ནང་གི་བར་ཆད་ཐམས་ཅད་ཞི་བར་མཛད་དུ་གསོལ། བསམ་པ་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། ཞེས་ལན་གསུམ་མམ་བདུན་གྱིས་བྱའོ། །དེ་ནས་བླ་མ་དེ་འོད་དུ་ཞུ་ནས་རང་ལ་ཐིམ་པས་ལུས་ངག་ཡིད་གསུམ་བྱིན་གྱིས་རླབས་པར་བསམ་མོ། །དེའི་རྗེས་སུ་ཡང་ལག་མཆོད་ཀྱི་ཆང་ལག་པ་གཡོན་པར་བཞག་ལ། གཡས་པའི་སྲིན་ལག་གིས་བདུད་རྩི་ཀ་པཱ་ལ་དབུས་མ་གཏོར་ཅིང་། ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཞེས་བརྗོད་པས། ཨུ་ལས་ཨཽ་རྒྱན་དུ་བྱོན་པར་བསམ་མོ། །དེ་ནས། ཨོཾ་ཧ་རི་ནི་ས་ཧཱུཾ་ཞེས་ལན་གསུམ་བརྗོད་པས། བདུད་རྩི་གཏོར་བས་ལྷ་ལྔའི་དཀྱིལ་འཁོར་ཅི་ལྟ་བ་བཞིན་གསལ་གདབ་པར་བྱའོ། །དེ་ལ་མཆོད་པ་ལྔ་བདུད་རྩིའི་མཆོད་པ་དང་དྲུག་འབུལ། བསྟོད་པ་བྱ། དེ་བརྟན་པར་བྱ་བའི་ཆེད་དུ་བཟླས་པ་འགའ་བྱའོ། །དེ་ནི་གོ་རོ་ཙ་ན་བསྒྲུབ་པའོ། །དེ་ནས་ལག་པ་གཡས་སུ་སྤོས་རེང་ཐོགས། གཡོན་དུ་དྲིལ་བུ་ཐོགས་ལ། ཧཱུཾ་མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་
2-2-78b
འཇོམས་མཛད་པ། །དངོས་རྣམས་ཅི་བཞིན་ཡང་དག་མཁྱེན་གྱུར་པའི། །བཅོམ་ལྡན་རྗེ་བཙུན་འཁོར་བཅས་གཤེགས་སུ་གསོལ། །ཨོཾ་ཨེ་ཧྱི་བྷ་ག་ཝན་མ་ཧཱ་ཀ་རུ་ཎི་ཀ་ས་མ་ཡ་ཧོ༔ ས་མ་ཡ་སྟཾ། ཞེས་བརྗོད་པས༑ རང་སིན་དྷུ་རའི་རྗེ་བཙུན་མའི་ཐུགས་ཀ་ནས་འོད་ཟེར་སྤྲོས་ནས་ལྷ་ལྔའི་རྗེ་བཙུན་མ་སིན་དྷུ་རའི་རྗེ་བཙུན་མ་ལ་བསྟིམ། དག་པ་བདེ་གཤེགས་ལ་སོགས་པའི་སྤྱན་འདྲེན་ཡང་བྱེད་ནས། ལག་མཆོད་ཀྱི་ཆང་སྔར་བྱིན་གྱིས་རླབས་པ་དེས་རང་གི་ལུས་ལ་གཏོར་བས་བ་སྤུའི་བུ་ག་ཐམས་ཅད་མཁའ་འགྲོ་མའི་དྲ་གུར་དུ་གྱུར་པར་བསམ། གནས་ཁང་ལ་གཏོར་བས་གནས་ཁང་ཐམས་ཅད་མཁའ་འགྲོ་མའི་དྲ་གུར་དུ་གྱུར་པར་བསམ། སིན་དྷུ་རའི་དཀྱིལ་འཁོར་ལ་གཏོར་བས། རྗེ་བཙུན་མའི་ལྷ་ཚོགས་ཐམས་ཅད་ཀྱི་ཟག་པ་མེད་པའི་ཡེ་ཤེས་སྐུ་ཉམས་སུ་གཏར་བར་བསམ། ཚོགས་ལ་གཏོར་བས་བདུད་རྩིར་གྱུར་པར་བསམ། དེ་ནས་སྤྱིའི་མཆོད་པ་བདུད་རྩིའི་མཆོད་པ་ལ་སོགས་པ་འབུལ། བསྟོད་པ་བྱ། དེ་བརྟན་པར་བྱ་བའི་ཆེད་དུ་བཟླས་པ་འགའ་བྱ། མཆོད་བསྟོད། དེ་ནས་གསོལ་བ་གདབ་པ་ནི། དུས་གསུམ་གྱི་སངས་རྒྱས་ཐམས་ཅད་བསྐྱེད་པར་བྱེད་པའི་ཡུམ་རྡོ་རྗེ་རྣལ་འབྱོར་མའི་ལྷ་ཚོགས་ཀྱིས། བདག་རྡོ་རྗེ་འཛིན་པ་མིང་འདི་ཞེས་བགྱི་བ་ལ་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་
2-2-79a
༄༅། །མཛད་དུ་གསོལ། ཉམས་དང་རྟོགས་པ་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། དུས་གསུམ་གྱི་སངས་རྒྱས་ཐམས་ཅད་བསྐྱེད་པའི་ཡུམ་རྗེ་བཙུན་མའི་ལྷ་ཚོགས་ཀྱི་ཞལ་མྱུར་དུ་བསྟན་པར་མཛད་དུ་གསོལ། ལུས་ངག་ཡིད་གསུམ་བྱིན་གྱི་རླབས་པར་མཛད་དུ་གསོལ། ཕྱི་ནང་གི་བར་ཆད་ཐམས་ཅད་ཞི་བར་མཛད་དུ་གསོལ། བསམ་པ་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། ཞེས་གསོལ་བ་ལན་བདུན་དུ་གདབ་པར་བྱའོ། །དེ་ནས་ཡང་མཆོད་པ་འབུལ། བསྟོད་པ་བྱ། ཡེ་ཤེས་པ་ཀ་པཱ་ལ་ལྔར་ཚུར་བྱོན། དམ་ཚིག་པ་རྣམས་རྣལ་འབྱོར་པ་རྣམས་ཀྱི་ལྟེ་བར་བྱོན་པར་བསམ། དེའི་རྗེས་སུ་ཀ་པཱ་ལ་ལྔ་ཕྱོགས་མ་ནོར་བར་གདན་གྱི་སྟེང་དུ་བཞག་ལ། གཙོ་མོ་ནས་བཟུང་སྟེ་མཆོད་བསྟོད་རེ་བྱས་ནས་ལག་པ་གཙང་མས་ཆོས་འབྱུང་ཡི་གེ་དང་བཅས་པ་བཀྲུ། སྣོད་གཙང་མར་བླུག་ལ་དངོས་གྲུབ་ཡིན་པས་རྣལ་འབྱོར་པ་དང་རང་གིས་ལོངས་སྤྱོད། ཆང་ཕུད་འབུལ། ཚོགས་ཕུད་གཏོར་མར་བཅུག་ལ་གཏོར་མ་བཏང་། ཚོགས་ལ་ལོངས་སྤྱོད། ཆོ་ག་མ་ཚང་བ་ལྷག་ཆད་ཁ་བསྐང་བའི་ཆེད་དུ་ཡི་གེ་བརྒྱ་པ་འདོན། ཞལ་མ་མཐོང་གི་བར་དུ་བསྒྲུབ་པར་འདོད་ན། གཞན་ཁྱད་མེད། གསོལ་བ་གདབ་པ་ཡན་ཆད་མཐུན། ལྷ་ལྔ་ཀ་པཱ་ལར་ཚུར་བྱོན། སིན་དྷུ་རའི་དཀྱིལ་འཁོར་མི་བསྡུ་ནས། ཨོཾ་བཛྲ་བཻ་རོ་ཙ་ནི་
2-2-79b
ཡེ་ཧཱུཾ་ཕཊ། བཛྲ་བ་རཱ་ཧི་ཨ་བེ་ཤ་ཡ་ཨ་བེ་ཤ་ཡ་ཨ་ཨཱཿ ཞེས་བཟླ། ཏིང་ངེ་འཛིན་རང་དང་ལྷ་ལྔའི་ཐུགས་ཀ་ནས་འོད་ཟེར་འཕྲོས་པས། ཨཽ་རྒྱན་ནས་རིགས་ལྔའི་མཁའ་འགྲོ་མ་སྤྱན་དྲངས་ནས་མདུན་གྱི་ལྷ་ལྔ་ལ་བསྟིམ། དམ་ཚིག་པ་དང་ཡེ་ཤེས་པ་དབྱེར་མེད་པས་ཞལ་མྱུར་དུ་བསྟན་པར་བསམ་ལ། ཉིན་ཐུན་བཞི། སྲོད་ཐུན་གཅིག་དང་ལྔ་བཟླ། ནུབ་རེ་ཚོགས་ཆུང་རེ་བྱ། ཞག་བདུན་བདུན་ནས་མཎྜལ་བརྗེ། བླ་མ་དང་ལྟ་སྤྱོད་བསྒོམ་པ་གཉིས་སམ། གསུམ་མམ། བཞི་ཙམ་གྱིས་ལྷན་དུ་བསྒྲུབ་ན་ཉན་གསུང་། གསང་བསྒྲུབ་ཞལ་ཉེ་བར་བལྟ་བའི་མན་ངག་གོ། །།རྡོ་རྗེ་རྣལ་འབྱོར་མ་ལ་ན་མོ། སྒྲིབ་པ་སྦྱང་བར་འདོད་ན། མདུན་དུ་ཆོས་འབྱུང་པད་མ་དམར་པོ་འདབ་མ་བཞི་དང་བཅས་པ་བྲི། དབུས་སུ་བཾ་བྲི། མཆོད་པ་དང་གཏོར་མ་བཅའ། དེ་ནས་བདག་དང་བདག་འདྲ་བའི་སེམས་ཅན་ཐམས་ཅད་ཀྱི་སྡིག་སྒྲིབ་སྦྱང་བའི་དོན་དུ། རྗེ་བཙུན་མ་བསྒོམ་པར་བྱའོ་སྙམ་དུ་སེམས་བསྐྱེད་ལ། དེ་ནས་ཡང་རང་ཉིད་རྗེ་བཙུན་མ་སྒྲུབ་ཐབས་ལྟར་བསྒོམ། མདུན་གྱི་བཾ་ལས་རྗེ་བཙུན་མ་བསྐྱེད། དེ་ནས་བདག་གི་ཐུགས་ཀ་ནས་འོད་སྤྲོས་སེམས་ཅན་ཐམས་ཅད་ལ་ཕོག །སྡིག་སྒྲུབ་སྦྱངས་ནས་རྗེ་བཙུན་མར་གྱུར། འོད་ཚུར་འདུས་པ་ལས། རྗེ་བཙུན་མའི་ཐུགས་ཀའི་བཾ་ལས་འོད་ཟེར་འཁོར། དེ་ནས་འོད་སྤྲོས་པས་རང་གི་ལུས་ལ་ཐིམ་པས་
2-2-80a
༄༅། །བདག་གི་ལུས་ངག་ཡིད་གསུམ་གྱི་སྡིག་སྒྲིབ་དག་པར་བསམ་ཞིང་བཟླས་པ་བྱ། དེ་ནས་མདུན་གྱི་རྗེ་བཙུན་མ་བདག་ལ་བསྟིམ་མོ། །རྗེ་བཙུན་མའི་སྒྲིབ་པ་སྦྱང་བའི་ཆོ་ག་རྫོགས་སོ། །རྒྱུད་སྡོམ་པ་རྒྱ་མཚོ་ལ་བརྟེན་ནས། དཔལ་ནཱ་རོ་པས་མཛད་པ། །ཨྠྀི།། །།
༄། །ཏིང་ངེ་འཛིན་གྱི་དབང་གསུམ།
རྗེ་བཙུན་མ་ལ་ཕྱག་འཚལ་ལོ། །ཁཾ། གནས་ཁང་ཡིད་དང་མཐུན་པར་མཎྜལ་དྲི་བཟང་གིས་བྱུགས། བླ་མ་དཀོན་མཆོག་དང་། རྗེ་བཙུན་མའི་ཚོམ་བུ་ལ་བརྟེན་པའམ། རྡུལ་ཚོན་ཡེ་ཤེས་པའམ། སིནྡྷུ་ར་གང་གྲུབ་ལ་བརྟེན་པའི་དཀྱིལ་འཁོར་དང་མཆོད་གཏོར་བྱིན་རླབས་ལྟར་བྱ། ཚོགས་རྫས། དཀོན་མཆོག་སྤྱིའི་ལས་ཐམས་ཅད་པའི་མཆོད་པ། ལག་མཆོད་བྱེད་པ་ཐམས་ཅད་གོང་དང་ཁྱད་མེད། དེ་ནས་སློབ་མར་འོས་པ་རྣམས་བསོག །འཆི་བ་མི་རྟག་པ་ལས་རྒྱུ་འབྲས་དལ་འབྱོར་ཐོབ་དཀའ་བ་འཁོར་བའི་ཉེས་དམིགས་རྣམས་བཤད། སྐྱབས་སུ་འགྲོ༑ སེམས་བསྐྱེད་པ་ཡན་ཆད་བྱ། དེ་ནས་སློབ་མ་གསང་སྔགས་སུ་འཇུག་པར་གསོལ་བ་གདབ་པ། བློ་གཞུག་པ། སྔགས་ཀྱི་སྐྱབས་འགྲོ་སེམས་བསྐྱེད་བྱ། དེ་ནས་དཀྱིལ་འཁོར་གྱི་དམ་ཚིག་བསྐྱེད། ཡེ་ཤེས་པ་གཞུག །གནས་གསུམ་བྱིན་གྱིས་རླབས། རང་བཞིན་གྱི་གནས་ནས་རིགས་ལྔའི་མཁའ་འགྲོ་མ་སྤྱན་དྲངས་ལ་མཆོད་པ་ལྔ་བདུད་རྩིའི་མཆོད་པ་འབུལ། བསྟོད་པ་བྱ། དེ་བརྟན་པའི་ཆེད་དུ་བཟླས་པ་
2-2-80b
ཅི་གྲུབ་བྱ། དེ་ནས་བླ་མ་དང་དཀྱིལ་འཁོར་ལ་ཕྱག་འཚལ། མཎྜལ་འབུལ་བ་ཅི་ཡོད་བྱེད་དུ་བཅུག །བླ་མས་སློབ་མའི་སྤྱི་བོར་པདྨ་དང་ཟླ་བའི་སྟེང་དུ། རྩ་བའི་བླ་མ་དེ་བླ་མ་ཐམས་ཅད་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ངོ་བོར་བསྒོམ་དུ་བཅུག །དེ་ལ་མོས་པ་དང་གུས་པ་བསྐྱེད་དུ་བཅུག །དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་སྤྲོས་པས་དཔའ་བོ་དང་མཁའ་འགྲོ་ཐམས་ཅད་ཀྱི་ཡེ་ཤེས་ཀྱི་བདུད་རྩི་བླངས་སྤྱི་བོའི་བླ་མའི་སྤྱི་བོར་ཐིམ། སྤྱི་བོ་བདེ་ཆེན་འོད་ཟེར་གྱིས་གང་། ལུས་ལ་གནས་ཚད་ཀྱི་སྡིག་པ་དག ། བུམ་དབང་ཐོབ། མཎྜལ་གྱི་གཙོ་མོའི་ཐུགས་ཀ་ནས་འོད་འཕྲོས་པས་དཔའ་བོ་དང་མཁའ་འགྲོ་ཐམས་ཅད་ཀྱི་བདུད་རྩི་བླངས། བླ་མའི་མགྲིན་པར་ཐིམ། བླ་མའི་མགྲིན་པ་ནས་ཡེ་ཤེས་ཀྱི་བདུད་རྩིའི་ཆུ་རྒྱུན་དམར་པོས་སློབ་མའི་མགྲིན་པ་ལོངས་སྤྱོད་ཀྱི་འཁོར་ལོར་བྱིན་གྱིས་བརླབས། ངག་ལ་གནས་ཚད་ཀྱི་སྡིག་པ་དག །གསང་དབང་ཐོབ། ཡང་མཎྜལ་གྱི་གཙོ་མོའི་ཐུགས་ཀ་ནས་འོད་ཟེར་འཕྲོས་པས། དཔའ་བོ་དང་མཁའ་འགྲོ་མ་རྣམས་ཀྱི་བདུད་རྩི་བླངས། བླ་མའི་ཐུགས་ཀ་ནས་ཡེ་ཤེས་ཀྱི་ཆུ་རྒྱུན་སྔོན་པོས་སློབ་མའི་སྙིང་ག་ཆོས་ཀྱི་འཁོར་ལོ་བྱིན་གྱིས་རླབས། ཡིད་ལ་གནས་ཚད་ཀྱི་སྡིག་པ་དག །དབང་གསུམ་པ་ཐོབ་པར་བསྒོམ། དེ་ནས་སྤྱི་བོར་བླ་མ་བསྒོམ་པ་ནི་རགས་པའི་རྣལ་འབྱོར་སྤྱི་བོ་བླ་མའི་དང་
2-2-81a
༄༅། །གནས་མགྲིན་པ་སྙིང་ག་ཐུགས་ཀར་རྗེ་བཙུན་མ་བསྒོམས་ན་ཕྲེང་བའི་རྣལ་འབྱོར་རོ་གསུམ་ཀ་ནས་འོད་ཟེར་འཕྲོས་པས་སློབ་མའི་སྤྱི་བོ་ནས་ནས་མགྲིན་པ་ཐུགས་ཀར་བྱོན། ཆོས་འབྱུང་དམར་པོའི་སྟེང་དུ་ཧྲིཿལས་རྗེ་བཙུན་མར་བསྐྱེད། དེ་ལ་མཁའ་འགྲོ་མ་བཞིས་བསྐོར་ནས་སྐྱིལ་ཀྲུང་ཕྱེད་པའི་གར་སྟབས་ཀྱིས་བསྐོར་བ་བྱེད་པར་བསྒོམ་དུ་བཅུག །དེ་ནས་ཐུགས་ཀའི་ལྟེ་བར་རྗེ་བཙུན་མ་གཡུང་དྲུང་དང་བཅས་པ་བསྒོམ་པ་ནི་ཤིན་ཏུ་ཕྲ་བའི་རྣལ་འབྱོར་རོ་རྗེ་བཙུན་མ་སྒྲུབ་ཐབས་ནས་བཤད་པ་ལྟ་བུ་གཅིག་བར་སྣང་ལ་གར་བྱེད་པ་ལ་དམིགས་པ་གཏད། དེས་ཏིང་ངེ་འཛིན་མ་སྐྱེས་ན། དེའི་སྨིན་མཚམས་ནས་གཡུང་དྲུང་རིས་དམར་པོ་གཅིག་གཡོན་དུ་འཁོར་བ་ལས་སེམས་གཏད། དེ་ལས་སྐྱོ་ན་གཡུང་དྲུང་ལས་འོད་ཟེར་འཕྲོས་པས་སྤྱི་བོའི་བླ་མ་ལ་ཕོག །བླ་མ་འོད་དུ་ཞུ་ནས་སློབ་མའི་སྤྱི་བོར་ཐིམ། སྙིང་གའི་རྗེ་བཙུན་མ་ལ་ཕོག་པས་འོད་དུ་ཞུ། དེའི་སྤྱི་བོའི་བླ་མ་དང་སྙིང་གའི་རྗེ་བཙུན་མ་ལྷ་ལྔ་དང་ལྟེ་བའི་རྫུན་མ་གཡུང་དྲུང་དང་བཅས་པ་རྣམས་འོད་དུ་ཞུ་ནས་མཐར་སྟོང་པར་བསམ་པ་སྣང་བ་མེད་པའི་རྣལ་འབྱོར་རོ། །འོད་ཀྱིས་རང་གི་ལུས་ཀྱང་འོད་དུ་ཞུ། འོད་འོད་གསལ་གྱི་རྣལ་འབྱོར་ཡང་ཟེར་ཟུང་འཇུག་གི་རྣལ་འབྱོར་ཡང་ཟེར་ནམ་མཁའ་ལ་འཇའ་ཡལ་བའམ་སྤྲིན་དེངས་པ་ལྟ་བུར་སོང་། དེའི་ངང་ལ་ཅི་སྲིད་མི་སྐྱོའི་བར་དུ་གནས། སྐྱོ་ན་ཆུ་ལ་ཆུ་བུར་རྡོལ་བ་ལྟར་སྟོང་པའི་ངང་ལས་རྗེ་བཙུན་མ་ཞལ་
2-2-81b
གཅིག་མའི་སྐུ་སྒྱུ་མའམ། མེ་ལོང་གི་གཟུགས་བརྙན་ལྟ་བུར་བསྒོམ་མོ། །དེ་ལྟར་ན་སྤྱི་བོར་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་ངོ་བོ་རྩ་བའི་བླ་མ་ལ་བརྟེན་ཏེ། ཏིང་ངེ་འཛིན་གྱི་དབང་གསུམ་རྫོགས་པར་བསྐུར་རོ། །དྲོད་བདེ་བ་མི་རྟོག་པ་གསུམ་སྐྱེ་གསུང་། ཐུགས་རགས་པའི་རྣལ་འབྱོར། ཕྲ་བའི་རྣལ་འབྱོར། ཤིན་ཏུ་ཕྲ་བའི་རྣལ་འབྱོར། སྣང་བ་མེད་པའི་རྣལ་འབྱོར། ཟུང་དུ་འཇུག་པའི་རྣལ་འབྱོར་དང་བཞིའོ། །བསྡུ་ན་གཉིས་ཏེ། རགས་པ་དང་། ཟུང་དུ་འཇུག་པའོ་ཀར་རྗེ་བཙུན་མ་ལྷ་ལྔས་བསྐོར་བ་དང་། གཡུང་དྲུང་བསྒོམ་པ་རགས་པའི་རྣལ་འབྱོར། དེ་རྣམས་འོད་དུ་ཞུ་ནས་མཐར་སྟོང་པར་སོང་བ་སྣང་བ་མེད་པའི་རྣལ་འབྱོར་གྱི་འོད་གསལ་དབང་བཞི་པའི་ངོ་སྤྲད། འདི་ཡི་དུས་སུ་བདེ་གསལ་མི་རྟོག་པ་ཐམས་ཅད་སྟོང་པ་དང་ཟུང་འཇུག་ཏུ་འཆར་གསུང་། དེ་དབང་བཞིའི་ངོ་སྤྲོད་དུ་བྱ། དེ་ནས་ཆང་ཕུད་འབུལ། གཏོར་མ་བཏང་། ཚོགས་ལ་ལོངས་སྤྱོད། སློབ་དཔོན་གྱིས་དཀྱིལ་འཁོར་ལྷ་ལ་བཏང་རག་གི་མཆོད་པ་འབུལ། བསྟོད་པ་བྱ། ཆོ་ག་མ་ཚང་བ་དང་། ལྷག་ཆད་བསྐང་བའི་དོན་དུ་ཡི་གེ་བརྒྱ་པ་འདོན། ཡེ་ཤེས་པ་རང་བཞིན་གྱི་གནས་སུ་གཤེགས་སུ་གསོལ། །དམ་ཚིག་པ་རང་གི་ཐུགས་ཀའམ། མི་དམིགས་པར་བྱ། ལྷག་གཏོར་བཏང་ངོ་། །ཨྠྀི།། །།
༄། །ཞལ་གཉིས་མའི་དབང་བསྐུར།
ཞལ་གཉིས་མའི་དབང་བསྐུར་གཞན་ཐམས་ཅད་འདྲ། ཁྱད་པར་དུ་ཐུགས་ཀའི་ཞལ་གཉིས་
2-2-82a
༄༅། །མ་ལ་ལྷ་མོ་དྲུག་གིས་བསྐོར་བ་དང་གར་བྱེད་བཞིན་པ། ཆོས་འབྱུང་གཉིས་བརྩེགས་བསམ་པ་དང་། རང་གི་སྟོང་པའི་ངང་ལས་ཞལ་གཉིས་མའི་སྐུ་རེ་ལྡང་བ་མ་གཏོགས་པ་གཞན་ཁྱད་པར་མི་སྣང་༑ རྡོ་རྗེ་ཁང་གི་རང་བཞིན། སྤྲུལ་སྐུ་བླ་མ་ཡི། བྱིན་རླབས་སྙན་གྱི་རྒྱུད་པ་ལས་འོངས་པ། །ཉམས་དང་རྟོགས་པ་གཅིག་ཆར་སྐྱེ་མཛད་པའི། །ཏིང་འཛིན་བྱིན་རླབས་བཀའ་བཞིན་ཡི་གེར་བྲིས། །གང་ཕྱིར་དབང་གི་དོན་ལ་ནི། །ཆེན་པོ་རྣམས་ཀྱང་རྨོངས་གྱུར་པས། །རྒྱུད་སྡེ་བཞི་ཡི་བཅུད་ཕྱུང་པ། །རིན་ཆེན་བུམ་པ་འདི་བྱས་སོ། །ཨྠྀི།། །།
༄། །རྡོ་རྗེ་རྣལ་འབྱོར་མའི་འགྲོ་བ་དབང་དུ་བྱ་བ།
༈ རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྣལ་འབྱོར་མའི་སྒོ་ནས༑ སེམས་ཅན་ཐམས་ཅད་ཀྱི་ཚེ་དང་བསོད་ནམས་དང་། ནོར་རྫས་དབང་ཐང་ལ་སོགས་པ་བསྡུ་བར་འདོད་པས། རྡོ་རྗེ་སྙིང་འཕྲོག་དམར་མོའི་བསྒྲུབ་པ་བྱའོ། །དེ་ལ་གསུམ་ཏེ། སྔོན་དུ་འགྲོ་བའི་ཆོ་ག་དང་༑ དངོས་གཞི་བསྒྲུབ་པའི་རིམ་པ་དང་། རྗེས་སུ་སྤོགས་པའི་ཆོ་གའོ། །སྔོན་འགྲོ་གནས་ཁང་གི་དུར་ཁྲོད་དམ། བྲག་དམར་པོ་ཁ་ནུབ་ཏུ་བལྟ་བའམ། ཐ་མ་དབེན་ཞིང་ཉམས་དགའ་བར། སྐུ་གསུང་ཐུགས་ཀྱི་རྟེན་བཀྲམ། བླ་རེས་དང་གདོང་གཡོགས་དམར་པོར་བྱ། དཀྱིལ་འཁོར་ནི་མདའ་གང་གྲུ་བཞི་ཙན་དན་དང་གུར་གུམ་གྱིས་བྱུགས་ལ། རེ་ཁ་དཀར་པོས་བཟླུམ་པོར་བྱ། དེའི་དབུས་སུ་ཆོས་འབྱུང་དམར་པོ་
2-2-82b
གྲུ་གསུམ་བྱ། དེའི་དབུས་སུ་པདྨ་དམར་པོ་འདབ་བཞི་བྱ། ལྟེ་བར་ཟླ་གམ་ལ་བོ་བྲི། འདབ་མ་བཞི་ལ་ཡི་གེ་བཞི་བྲི། ཕྱི་རིམ་གྲུ་ཆད་ལྗང་གུར་བྱ། ཤར་དུ་སྒོ་གཅིག་འདོད་པར་བྱ། དེ་ནས་ཟངས་སམ་རྫའི་བུམ་པ་དམར་པོའི་ནང་དུ་ཆུ་གཙང་སྤོས་དང་། ཀ་ར་བུ་རཾ་སྦྲང་རྩི་དང་། སྨན་དང་དྲི་སྣ་ཚོགས། འབྲུ་སྣ་ལྔ། སྙིང་པོ་དང་། འོ་མ་དང་བདུད་རྩི་ཚོགས་བཅས་ལྔ་དང་། ཟས་སྣ་ཚོགས་བཅུད་རྣམས་ཀྱིས་གང་བར་མགུལ་པ་དར་དམར་པོས་བརྒྱན་ཅིང་བྱས་ཏེ། མཎྜལ་དབུས་སུ་མེ་ཏོག་དམར་པོའི་ཚོམ་བུ་བཀོད་ལ་བུམ་པ་བཞག །དེའི་སྟེང་དུ་ཐོད་པ་མཚན་ཆང་དང་མངར་དང་བདུད་རྩི་ལྔས་བརྒྱན་པ་བཞག །དར་དམར་པོས་ཞལ་ཁེབས་གཞུང་ལྟར་བཞུགས་བྱ། དེའི་སྟེང་དུ་སིནྡྷུ་ར་སྔགས་ཀྱི་དཀྱིལ་འཁོར། དེ་ནས་མཆོད་པ་ལྔ་ཚན་ལྔས་བསྐོར། ཤ་ལྔ་བདུད་རྩི་ལྔའི་གཏོར་མ་དང་། ཚོགས་ཀྱི་ཡོ་བྱད་འབྱོར་ཚད་བཤམ། ཁྱད་པར་དུ་ཤ་སྣ་དང་། སྙིང་སྣ་དང་། ཟས་དང་། ཤིང་ཐོག་སྤོས་དང་། མེ་ཏོག་སྣ་ཚོགས། དེ་ནས་རང་སྟན་བདེ་བ་ལ་བསྡད། ཁ་ནུབ་ཕྱོགས་སུ་ལྟ་སྟེ། གོས་དམར་པོ་གོན། ཕྲེང་བ་དམར་པོ་བྱེ་རུའམ་པད་མ་དམར་པོ་བཟུང་ལ་སྐྱབས་འགྲོ་སེམས་བསྐྱེད་བྱ། བསྐྱེད་རྫོགས་བསྒོམ། བཟླས་པ་བྱ། དེ་ནས་རང་གི་ཐུགས་ཀའི་ཛཾ་ལས་འོད་ཟེར་འཕྲོས། རྡུལ་ཚོན་ལ་ཕོག །རྡུལ་ཚོན་མི་དམིགས་པ་ལས། གཞལ་ཡས་ཁང་ཆོས་འབྱུང་དང་
2-2-83a
༄༅། །བཅས་པ་བསམ། ཆོས་འབྱུང་དབུས་སུ་པདྨ། དེའི་ལྟེ་བར་རོ་གཡོན་དུ་མགོ་བསྟན་པ་གཅིག་བསམ། དེའི་སྙིང་གར་ཉི་མའི་དཀྱིལ་འཁོར་བསམ། དེའི་སྟེང་དུ་རྡོ་རྗེ་རྣལ་འབྱོར་མ་བསྐྱེད། པདྨ་འདབ་མ་བཞི་ལ་མཁའ་འགྲོ་མ་བསམ། དེ་ནས་རང་གི་ཐུགས་རྗེའི་བཾ་ལས་འོད་འཕྲོས། ཨཽ་རྒྱན་ནས་མཁའ་འགྲོ་མ་ལྷ་ལྔའི་དཀྱིལ་འཁོར་གཞལ་ཡས་ཁང་དུད་ཁྲོད་དང་བཅས་པ། འཁོར་མཁའ་འགྲོ་མ་འབུམ་དང་བཅས་པ་སྤྱན་དྲངས་ལ། གོང་གི་ལ་གཉིས་སུ་མེད་པར་བསྟིམ། སིནྡྷུ་ར་ཡེ་ཤེས་པའི་ཚུལ་དུ་བཞུགས། ཕྱི་ནང་གསང་གསུམ་གྱི་པཱུ་ཙ་འབུལ། དེ་ནས་ལག་མཆོད་གཞུང་བཞིན་བྱ། རང་གི་ཐུགས་ཀ་ནས་འོད་འཕྲོས་རྡུལ་ཚོན་དང་སིནྡྷུ་ར་དཀྱིལ་འཁོར་གཉིས་ཀྱི་ཐུགས་ཀར་ཕོག །ལྷའི་ཐུགས་ཀ་ནས་མཁའ་འགྲོ་མ་དཔག་ཏུ་མེད་པ་སྤྲོས་པས། དགུག་བྱ་གང་ཡིན་པ་དང་། ནོར་དང་ལོངས་སྤྱོད་རྣམས་ཆར་བཞིན་འབབ་པར་བསམ། སྤྱན་དྲང་བ་ནི་རྩ་བའི་སྔགས་ཀྱི་ཤམ་བུར། ནི་ས་པདྨ་དྷ་རི་ཧྲིཾ་ཧ་རི་ནི་ས་ཧཱུཾ་ཅེས་པ་བརྒྱ་རྩ་རེ་བཟླ། སྔགས་སུར་དང་སྤོས་དཀར་དུད་པས་བདུག་ཀྱིས་མཆོད་ལ་བསྟོད་པ་བྱ། དེ་ནས་སྲོག་སྔགས་ནས་དྲང་བ་ནི། ནི་ས་པདྨ་དྷ་རི་ཧཱུཾ་ཧཱུཾ་ཧ་རི་ནི་ས་ཛ༔ ཛཿཧྲིཾ་ཧྲིཾ་ཧཱུཾ་ཧཱུཾ་ཕཊ། དྲག་ཅིང་མང་དུ་བཟླས་པ་བྱའོ། །དེ་ནས་དངོས་གྲུབ་ལེན་པའི་སྙིང་པོ་ནི། ཧ་རི་ནི་ས་ནི་མ་རཏྣ་འགུ། གྷ་ནུ་ཧྲི་གྷུ་ལ་ཙི་མ་
2-2-83b
ར༑ གུ་རུ་ཆེ་གེ་མོ་ཧཱུཾ། ན་ལི་ཧ་ས་ཆུ་བྷ་སུ་པུཥྚིཾ་མེ་གུ་རུ་སིདྡྷི་ཧཱུཾ། ཞེས་བསྒྲུབ་བྱ་གང་ཡིན་པ་གོང་ལྟར་དམིགས་ལ་བཟླས་སོ། །ཚོགས་དང་གཏོར་མ་དབུལ། བསྟོད་བཤགས་དང་བསྐུལ་བ་བྱ། དེ་ནས་མེ་ལོང་གི་ལྷ་འོད་དུ་ཞུ་ཐོད་པར་སོང་། བདུད་རྩིས་གང་བར་བསམ། དེ་ནས་སིནྡྷུ་རས་རང་གི་གནས་གསུམ་དུ་ཐིག་ལེ་བྱ། ཐོད་པའི་ཆང་དངོས་གྲུབ་ཏུ་བླངས། བུམ་པའི་ཆུས་གང་དབང་དུ་བྱ་བར་འདོད་པ་ལ་ཁྲུས་བྱ་བ་དང་། ཁོང་དུ་འཐུངས་པས་ཐམས་ཅད་མོས་ཤིང་གུས་པར་འགྱུར་རོ། །རྡོ་རྗེ་རྣལ་འབྱོར་མའི་འགྲོ་བ་དབང་དུ་བྱ་བ་རྫོགས་སོ།། །།
༄། །དབང་གི་བྱ་བ་ཞལ་གྱི་གདམས་པ།
རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །གསུམ་པ་མ་གྲུབ་ན་སྤོགས་པའི་ཆོ་ག་ལ་གཉིས་ཏེ། སྤོགས་ཆོག་དངོས་དང་ལས་སྦྱོར་སོ་སོར་བསྟན་པའོ། །དང་པོ་ལ་གསུམ་ཏེ། ཏིང་ངེ་འཛིན་དང་། སྔགས། རྫས་སོ། །ཏིང་ངེ་འཛིན་ནི། རང་རྡོ་རྗེ་རྣལ་འབྱོར་མར་གསལ་བ་ལས༑ རང་གི་ཐུགས་ཀ་ནས་ཁྲོ་བོ་བདུད་རྩི་འཁྱིལ་བ་སྐུ་མདོག་དམར་པོ། །ཕྱག་གཡས་པས་ཉི་མ་གླད་ན་བསྐོར་བ། གཡོན་པ་ཟླ་བའི་སྐེ་ནས་འཁྱུད་པ། ཉི་མས་རྒྱབ་ནས་ཕུལ་བ། ཟླ་བས་མདུན་ནས་བསུ་བར་བསམ། བསྒྲུབ་བྱ་རང་དབང་མེད་པར་རང་གི་མདུན་དུ་ཁུགས་པར་བསམ་ལ། ལིང་གའམ་འཁོར་ལོ་ལ་བསྟིམ། ཧ་ར་ནི་ས་ཨ་ཀརྨ་ཡ་ཛཿཧཱུཾ་བཾ་ཧོཿ ཞེས་པས་དགུག །དེ་ནས་སྔགས། ཨོཾ་ཨཱཿཧཱུྃ་ཧ་རི་ནི་
2-2-84a
༄༅། །ས། སིདྡྷི་མ་ཧཱ་སིདྡྷི་པཱུ་ཙ་ཨགྣི་ཏ་བྷ་ན་མཱ་ར་ནི་ཧཱུཾ་ཧཱུཾ་ཞེས་པས་དངོས་གྲུབ་བསྡུ། རྫས་ནི་བུམ་པ་ལ་ཆང་ལ་སྦྲང་སྟོན་མར་རྙིང་དང་། རང་ལས་བྱུང་བའི་བདུད་རྩི་དང་དགེ་འདུན་གྱི་ནག་ཚང་དང་། གྲུ་ས་དང་། མགར་བ་དང་། དགེ་བའི་བཤེས་གཉེན་བཤེས་གཉེན་བསོད་ནམས་ཅན། རྒྱལ་པོ་དང་། ཕྱུག་པོ་དང་། ཚོང་འདུས་ཆེན་པོའི་གནས་པོ་དང་། ཆང་འཚོང་མ་དང་ལུས་འཚོང་མ་རྣམས་ཀྱི་ཟས་སྣ་དང་༑ ནོར་སྣ་དང་། སྨན་སྣ་དང་། གོས་ལ་སོགས་པ་རྙེད་ཚད་གཞུག །དེ་ནས་ཤིང་ཤུན་ནམ་གྲོ་གའམ། ཤོག་བུ་ལ་ཁྲོ་བོ་བྱ་སྟེ། ཙཀྲ་རྩིབས་བཞི་པ་མུ་ཁྱུད་དང་བཅས་པ། སིན་དྷུ་ར་ཟླ་མཚན་དང་བཅས་པ་ཁྲག་གིས་བྲིས། ལྟེ་བ་ལ་ཧྲི་དང་ཧཱུྃ་གི་བར་དུ་བསྒྲུབ་བྱ་རྣམས་དགོད། རྩིབས་ལ་ཧ་རི་ནི་ས། རྩིབས་མཚམས་ལ་རཱ་ཙ་ཧྲི་ཡ་བྲི། མུ་ཁྱུད་ལ་དངོས་གྲུབ་བསྡུ་བའི་སྔགས་དགོད། རྒྱབ་ཏུ་སྐུ་གསུམ་ཐུགས་ཀྱི་སྔགས་བྲི།. ལྷ་གསུམ་དུ་བསམ། ཙཀྲ་བུམ་པ་དང་ཀ་པཱ་ལའི་བར་དུ་བཞག །གོང་གི་བཅས་དང་ལྡན་པས་བསྒྲུབ་པ་ཞག་བདུན་བྱ། དེ་ནས་གཞན་གོང་དང་མཐུན་པ་ལ། འཁོར་ལོ་གུར་གམ་བཟང་པོ་དང་། སིནྡྷུ་ར་དར་དམར་པོའི་ཁུད་དུ་སྦྱངས་པའི་ཁུ་བས་བྱུགས། རྟེན་འབྲེལ་སྙིང་པོས་རབ་གནས་བྱ། དར་དམར་པོས་དྲིལ་ལ་ལུས་ལ་བཅངས། དེས་ནི་ཐམས་ཅད་དད་ཅིང་མོས་པས་བཀུར་སྟི་བྱེད་པར་འགྱུར་
2-2-84b
རོ༑ ༑དེ་ལྟར་ལས་ལ་སྦྱར་གྱུར་ན། །མུ་སྟེགས་རྒྱལ་ཕྲན་ལ་སོགས་པ། །དམིགས་པ་གཏད་པས་དབང་དུ་འགྱུར། །འགྲོ་བ་གཞན་དག་སྨོས་ཅི་དགོས། །དབང་གི་བྱ་བ་ཞལ་གྱི་གདམས་པའོ།། །།
༄། །རྒྱལ་པོ་དང་དབང་དུ་བྱ་བ།
རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྒྱལ་པོ་དང་དབང་དུ་བྱ་བར་འདོད་ན། བདག་གི་ཐུགས་ཀར་པདྨ་དམར་པོ་འདབ་མ་བཞི་བསམ། དེའི་དབུས་སུ་བཾ་དམར་པོ་བསམ། དེ་ལས་པདྨ་འཕྲོས་པས་པདྨའི་གུར་ཆེན་པོར་བསམ། གུར་གྱི་ནང་མཁའ་འགྲོ་མ་རིན་པོ་ཆེའི་རྒྱན་གྱིས་བརྒྱན་པ་གྲི་གུག་དང་ལྕགས་ཀྱུ་ཐོགས་ནས། དམིགས་བྱ་གང་ཡིན་པ་རང་གི་མདུན་དུ་བཀུག་པར་བསམ། གཟུགས་མཁའ་འགྲོ་སྡེ་བཞི་པ༑ ཨོཾ་ཧ་རི་ནི་ས་ཧཱུཾ་ཧཱུཾ་རཱ་ཙ་ཧྲིཿཡ་ཞེས་པ་དྲག་ཏུ་བརྗོད་པར་བྱའོ། །དེ་ནས་རྒྱལ་པོའི་བཙུན་མོའམ། བློན་པོའི་མིང་སྔགས་ཐེམ་ལ་བླངས་ན་བདག་གི་དབང་དུ་འགྱུར་རོ། །གྲྭ་པ་འདུ་བར་འདོད་ན། བདག་ཡུངས་ཀར་དང་འབྲུ་སྣ་ཚོགས་ལ་གོང་གི་སྔགས་བཟླས་ཏེ། གཏོར་ཕུལ་ལམ། ཕུར་བུའི་མེ་ལ་སྦྱིན་སྲེག་བྱས་ལ། འཁོར་གྱི་མིང་སྔགས་ཀྱིས་ཐེམ་པ་བླངས་ལ་གསོལ་བ་གདབ་པོ། མི་དབང་དུ་བྱ་བར་འདོད་ན༑ རྣལ་འབྱོར་མར་བསྒོམས་པའི་ཐུགས་ཀ་ནས་འཁོར་ལོ་རྩིབས་བཞི་བསྒོམ་པའི་དབུས་སུ་བཾ་དམར་པོ་བསམ་ལ། ཐིག་ལེ་དམར་པོའི་ཚོགས་སྤྲོས། གང་འདོད་པ་ལ་ཕོག་པས། རང་དབང་མེད་པར་
2-2-85a
༄༅། །མདུན་དུ་བསམ་ལ་སྔགས་བཟླས། ཪྣྲི་རི་མཱ་རཱ་ན་ག་ནུ་ཧྲི་གུ་ལ་ཙི་མཱ་ར་ཙ་ཆེ་གེ་མོ་ཧཱུྃ་ན་ལི་ཧ་ཧ་དེ་བ་ཙག་ཙག་ཙག་མེ། སྟོང་ངམ་ཁྲི་འབུམ་ཡུངས་ཀར་ལ་བསྔགས་ལ། གང་འདོད་པ་ལ་ཡུངས་ཀར་གཏོར་བས་ཁུགས་པར་འགྱུར་རོ། །ནོར་འཕེལ་བར་འདོད་པས། སྨན་སྣ་འཚོགས་ཚད། ཤིང་ཐོག་སྣ་ཚོགས་དང་། ཟས་སྣ་ཚོགས་དང་། ཤིང་རྩི་སྣ་ཚོགས་ཀྱི་མེ་ག་བུར་དང་སྤོས་ཀར་དུད་པས་བདུག་ལ་སྦྱིན་བསྲེག་ཕུལ། རྩ་བའི་སྔགས་ལ་དངོས་གྲུབ་བསྡུ་བའི་སྔགས་ཀྱིས་འབུལ། གཏོར་མ་ལ་ཡང་དེ་བཞིན་བྱས་པས་ནོར་འཕེལ་བར་འགྱུར་རོ། །གོས་དང་ཟས་འདོད་པས་དར་སྣ་ཟ་འོག་རས་མ་དང་། གོས་གང་འདོད་པའི་རས་མ་སྣ་ཚོགས་དང་། ཟས་སྣ་རྙེད་ཚད། ཁྱད་པར་དུ་ཁུར་བ་དང་ཕྱེ་མར། སྦྱིན་སྲེག་དང་གཏོར་མ་འབུལ། ཕྱུགས་འཕེལ་བར་འདོད་ན་རྟ་ཕྱུགས་སྤུ་རྙེད་ཚད། སྨན་སྣ་དང་ཤིང་རྩི་ལ་སྔགས་ལ་ཕྱུགས་ཀྱི་ལྷས་སུ་སྦྱིན་སྲེག་བྱ། གཏོར་མ་ཆེན་པོས་མཆོད་ནས། ཕྱུགས་འཕེལ་བར་འགྱུར་རོ། །དབང་དང་རྒྱས་པའི་ཐུགས་ཀྱི་ཉིང་ཁུ་ཞལ་ནས་ཞལ། སྙན་ནས་སྙན་དུ་རྒྱུད་པ་རྫོགས་སོ།། །།
༄། །བླ་མ་གཙང་སོ་བའི་གདམས་ངག་བཀའ་བརྒྱ་མ།
རྣལ་འབྱོར་མའི་གསང་བ་ཐུགས་ཀྱི་བཀའ་རྒྱ་ཅན་འདིའི་བརྒྱུད་པ་ནི། རྡོ་རྗེ་འཆང་། ཏཻ་ལོ་པ། ནཱ་རོ་པ། མར་པ། མི་ལ། དྭགས་པོ་ལྷ་རྗེ། རིན་པོ་ཆེ་ལ་འགའི་རྒྱལ་པོས་འབུལ་བ་མང་པོ་བསྐུར་ནས། ངའི་མཆོད་
2-2-85b
གནས་བྱེད་པས། རིན་པོ་ཆེ་དང་ཁྱད་མེད་པའི་དགེ་བའི་བཤེས་གཉེན་ཡོན་ཏན་གྱིས་བརྒྱན་པ་གཅིག་བརྫོང་བར་ཞུ་ཞེས་གདབ་འདྲེན་བཏང་བས། རིན་པོ་ཆེའི་ཞལ་ནས། དགེ་བའི་བཤེས་གཉེན་གཙང་པ་ལ༑ ད་ཁྱེད་མིན་པ་གཞན་འོས་མེད་པས་གཤེགས་དགོས་གསུངས་པས། ཁོང་གི་ཞལ་ནས། རིན་པོ་ཆེའི་གསུང་མི་བཟློག ། དེ་མ་ཡིན་པ། མི་རྒས་པ་དང་ས་ཐག་རིང་བ་དང་། རྒྱལ་པོ་གདུག་པ་ཆེ་བ་དང་། རང་གཞན་གྱི་དོན་ཀྱང་ཅི་འགྲུབ་བམ་གསུངས་པས། རིན་པོ་ཆེའི་ཞལ་ནས། ལར་ཡང་འགའི་རྒྱལ་པོ་ཆོས་ལ་དཀར། རྒྱལ་སྲིད་ཀྱང་ཆོས་ལྡན་དུ་སྐྱོང་། རང་གཞན་གྱི་དོན་ཀྱང་ཤིན་ཏུ་ཆེ། ཞབས་ཏོག་ཀྱང་འགྲུབ་པ་དེ་རང་ཡིན། ད་ཁྱེད་ཅི་ནས་ཀྱང་གཤེགས་དགོས། ངས་ཆོས་དང་གདམས་ངག་ཅི་དགོས་རྫོང་བ་བྱེད་གསུངས་ནས་གདམས་ངག་མང་དུ་གནང་། ཁྱད་པར་དུ་རྡོ་རྗེ་རྣལ་འབྱོར་མའི་ཆོས་བསྐོར་ཚང་བ་གནང་། གདམས་ངག་འདི་གཞན་ལ་མེད་པས་ཁྱོད་རང་ཉམས་སུ་ལོང་གསུངས་ནས། རྒྱལ་པོ་ཡང་དབང་དུ་འདུ་ལ་ཅི་གསུང་ཉན། མཆོག་ཐུན་མོང་གི་དངོས་གྲུབ་ཀྱང་ཐོབ་གཞན་ཡང་འགྲུབ་པར་ཡོང་གསུངས་ནས་ཆོས་དང་ཟང་ཟིང་གི་རྫོང་བ་མང་དུ་མཛད། དེ་ནས་དགེ་བཤེས་རྩང་པོ་བས་འགར་བྱོན་ནས། འགའི་རྒྱལ་པོའི་མཆོད་གནས་མཛད། གདམས་ངག་འདི་ཉམས་སུ་བླངས་པས། དྭགས་པོ་རིན་
2-2-86a
༄༅། །པོ་ཆེ་ཡི་གསུང་བ་བཞིན་བྱུང་སྟེ། རྒྱལ་པོ་དང་། བཙུན་མོ། བློན་པོ་ཆེན་པོ་རྣམས་དབང་དུ་འདུས་ཏེ། གང་བསྒོ་བ་རྣམས་ཉན། ཅི་དགོས་པ་རྣམས་བསྒྲུབ་པས། ནོར་གསེར་དངུལ་དང་། དར་ཟབ་དང་། རྟ་ལ་སོགས་པ་བརྒྱ་འབུལ་མང་པོ་བསྐུར། བླ་མ་དང་དགེ་འདུན་གྱི་ཞབས་ཏོག་ཀྱང་འགྲུབ་པ་ཡིན་པར་འདུག་གསུང་། ཁོང་གི་ཞལ་ནས། ཐུན་མོང་གི་དངོས་གྲུབ་འདི་ལས་ཟབ་པའམ་མྱུར་བ་མེད་གསུངས་ནས་གནང་བའོ། །བླ་མ་གཙང་སོ་བའི་གདམས་ངག་བཀའ་བརྒྱ་མའོ། །རྫོགས་སོ།། །།
༄༅། །རྫོགས་རིམ་རླུང་སེམས་གཉིས་མེད་བཞུགས་སོ། །
༄༅། །རྫོགས་རིམ་རླུང་སེམས་གཉིས་མེད་བཞུགས་སོ། །ན་མོ་གུ་རུ། ས་བཅུའི་དབང་ཕྱུག་བྱང་ཆུབ་སེམས་དཔའ་ཏེ་ལོ་ཤེས་རབ་བཟང་པོ་ཞེས་བྱ་བ་དེས། མྱ་ངམ་གྱི་ཐང་ལ་རེས་རབ་ཏུ་བྱུང་པ་བརྒྱ་སྟོང་དུ་མར་སྤྲུལ་ནས་རྣམ་ཐར་སྐྱོང་། རེས་རྣལ་འབྱོར་མ་བརྒྱ་སྟོང་དུ་མར་སྤྲུལ་ནས་སྤྱོད་པ་སྣ་ཚོགས་པ་མཛད། རེས་ཐ་མལ་པར་སྤྲུལ་ནས་སྤྱོད་པ་མཛད། རེས་བྱིས་པ་མང་པོར་སྤྲུལ་ནས་སྤྱོད་པ་མཛད། རྩེད་མོ་རྩེ་བའི་དུས་སུ། ལོངས་སྤྱོད་རྫོགས་པའི་སྐུ་རྡོ་རྗེ་འཆང་ཆེན་པོ་སྤྲུལ་པའི་ཁྱེའུ་ལོ་བཅུ་གསུམ་པ་གཅིག་ཏུ་སྤྲུལ་ནས་སྐད་ཅིག་མ་གཅིག་ལ་སྤྱོད་པ་སྣ་ཚོགས་པ་མཛད་ནས། གཟུང་མེད་མཐོང་བ་པོ་ཡང་མེད། 
2-2-86b
སྒྲ་མེད་ཐོས་པ་པོ་ཡང་མེད། །དྲི་མེད་བསྣོམ་པ་པོ་ཡང་མེད། །རོ་མེད་མྱོང་བ་པོ་ཡང་མེད། །རེག་མེད་རེག་པ་པོ་ཡང་མེད། །སེམས་མེད་སེམས་པ་པོ་ཡང་མེད། །ཞེས་གསུང་ནས་ནམ་མཁའ་ལ་འཇལ་ཡལ་བ་བཞིན་དུ་སོང་། དེར་ནཱ་རོ་པའི་བསམ་པ་ལ། རྡོ་རྗེ་འཆང་དངོས་སུ་བྱོན་པ་ལ་ངས་ཆོས་གཅིག་མ་ཞུས་སྙམ་ནས་འགྱོད་དེ་གསོལ་བ་བཏབ་པས། ཞག་བདུན་ན་དུས་གསུམ་སངས་རྒྱས་ཐམས་ཅད་ཀྱི་ཐུགས་ཀྱི་དགོངས་པ་དང་མཉམ་པ་མཁའ་འགྲོ་མ་སུ་མ་ཏི་ཀུན་ཏུ་བཟང་པོ་ཞེས་བྱ་བ་ན་རེ། རིགས་ཀྱི་བུ་ཁྱོད་ཅི་འདོད་གསུང་། ང་ནི་ཡང་དག་པའི་གདམས་ངག་གཅིག་ཞུ་བ་ཡིན་བྱས་པས། བསྐྱེད་རིམ་ཇོ་མོ་ལྷན་སྐྱེས་དང་། རྫོགས་རིམ་རླུང་སེམས་གཉིས་མེད་འདི་གནང་བའོ། །དེ་ནས་ནཱ་རོ་པས་ཏེ་ལོ་པ་ཚོལ་དུ་ཕྱིན་པ་ལ་མྱ་ངན་གྱི་ཐང་ལ་བཞུགས་པ་དང་མཇལ། རྣལ་འབྱོར་པ་གར་འགྲོ་གསུང་། ཏེ་ལོ་པ་བྱ་བ་སྐྱེ་བ་སྔ་མའི་བླ་མ་ཡིན་པས་ཚོལ་བ་ཡིན་བྱས་པས་སྐྱེ་བ་སྔ་མ་ལ་ཁྱོད་ཀྱི་བླ་མ་ཡིན་པར་ཤེས་སམ་གསུང་། མཁའ་འགྲོ་མས་ལུང་བསྟན་པ་ཡིན་བྱས་པས། མཁའ་འགྲོ་མ་མིན། བར་ཆད་ཡིན། ཆོས་ངས་ལུང་བསྟན་གསུང་། ཁྱོད་ཅི་སྐད་བྱ་བ་ཡིན་བྱས་པས། ང་མྱ་ངན་གྱི་ཐང་ལ་སྤྱོད་པ་བྱེད་པས་ཐང་ལོ་པ་བྱ་བ་ཡིན་གསུང་། དེར་བསྐྱེད་རིམ་ཇོ་མོ་ལྷན་ཅིག་སྐྱེས་མ་གནང་ནས་རྣལ་འབྱོར་པ་མི་སྣང་བར་འགྱུར་
2-2-87a
༄༅། །ཏོ། །དེར་ཏེ་ལོ་པ་ཡིན་པར་འདུག་པ་ལ་ངོ་མ་ཤེས་སྙམ་ནས་གསོལ་བ་བཏབ་པས་ཡང་བྱོན་ནས་དཀའ་བ་བཅུ་གཉིས་སྤྱད་པའི་རྗེས་ལ། ཤའི་དུམ་བུ་ལ་མཎྜལ་བྱས་ནས་ཕུལ། དེའི་དུས་སུ། ཀྱེ་ཧོ་འདི་ནི་རང་རིག་ཆེན་པོ་སྟེ། །ངག་གི་ལམ་འདས་ཡིད་ཀྱི་སྤྱོད་ཡུལ་མིན། །ཏེ་ལོ་ང་ཡིས་ཅི་ཡང་བསྟན་དུ་མེད། །རང་རིག་ཉིད་ལ་མཚོན་ཏེ་ཤེས་པར་བྱོས། །ཞེས་གསུངས་ནས་ཕྱག་རྒྱ་ཆེན་པོའི་ཐུགས་ཀྱི་ཉིང་ཁུ་འདི་གནང་ནས་ཏེ་ལོ་པ་དང་རྟོགས་པ་མཉམ་པར་འགྱུར་ཏོ། །དེ་ནས་ནཱ་རོ་པ་ཤིང་དྲུང་ན་བཞུགས་པའི་དུས་སུ། ཀཪྞ་རི་པ་བྱུང་ནས་ཁྱོད་འདིར་ཅི་བྱེད་པ་ཡིན་ཅི་ཟ་བ་ཡིན། ཅི་གོན་པ་ཡིན། ཅི་སྐད་བྱ་བ་ཡིན་བྱས་པས། ང་ཟས་སུ་ཤིང་གི་འབྲས་བུ་ཟ། གོས་སུ་ཤིང་ལོ་གོན། མིང་ཤིང་ལོ་པ་བྱ་བ་ཡིན་གསུངས་ནས་མཎྜལ་ཕུལ་ཏེ་གསོལ་བ་བཏབ་ནས། ཡང་དག་པའི་གདམས་པ་གཅིག་ཞུ་བྱས་པས་བསྐྱེད་རིམ་ལྷན་ཅིག་སྐྱེས་མ་ལས་ཚར་དང་བཅས་པ་འདི་གནང་ངོ་། །དེ་ནས་བླ་མ་མར་པ་རྒྱ་གར་ནས་འབྱོན་ཁར་ནཱ་རོ་པ་ལ་ལྷན་ཅིག་སྐྱེས་མ་ལས་ཁ་ཚར་དང་བཅས་པ་ཞུས། རྗེ་མར་པས། མཻ་ཏྲི་པ་ལ་ངས་ཆོས་མང་དུ་ཤེས་པ་ལ་དབང་དང་རྫོགས་རིམ་གྱི་གདམས་ངག་ཐམས་ཅད་ནཱ་རོ་པ་ལ་ཞུས་སོ། །ད་གསང་སྔགས་ཀྱི་ལྟ་བ་ཕྱིན་ཅི་མ་ལོག་པ་གཅིག་ཤེས་པར་འདོད་བྱས་པས། མཻ་ཏྲི་པའི་ཞལ་ནས། 
2-2-87b
མཁའ་འགྲོ་མ་དཔལ་མོ་བྱ་བ་སྒྱུ་ལུས་ལ་གྲུབ་པ་ཐོབ་པ། རླུང་སེམས་གཉིས་མེད་ཀྱི་གདམས་ངག་ཡོད་པ་གཅིག་ཡོད་པས་དེར་སོང་གསུང་། དེར་ཕྱིན་ནས་གསེར་གྱི་མཎྜལ་ཕུལ་ནས་ཞུས་པས། གདམས་པ་ཕྱིན་ཅི་མ་ལོག་པ་བསྐྱེད་རིམ་ཇོ་མོ་ལྷན་ཅིག་སྐྱེས་མ། རྫོགས་རིམ་རླུང་སེམས་གཉིས་མེད་གནང་ངོ་། །བླ་གདམས་ངག་ལ་འགུ་ནས་མའི་བླ་མ་སུ་ཡིན་དྲིས་པས། བྱང་ཆུབ་སེམས་དཔའི་མཁའ་འགྲོ་ཅི་སྐད་བྱ་བ་ཡིན་བྱས་པས་མ། མཚན་ལྷན་ཅིག་སྐྱེས་མ། གནས་གང་ན་ཡོད་བྱས་པས་གནས་ལ་ངེས་པ་མེད་གསུང་། ཅི་ལྟར་བྱས་ན་མཇལ་བྱས་པས། གསོལ་བ་བཏབ་པས་སྐལ་བ་དང་ལྡན་ན་མཇལ་གསུང་། གསོལ་བ་བཏབ་པས་ཀྱང་ཕག་མོ་གཉིས་བྱུང་ནས་ཅི་འདོད་གསུང་། ཡང་དག་པའི་གདམས་ངག་གཅིག་ཞུ་བྱས་པས། དབང་བཞི་ངོ་སྤྲོད་ཀྱི་ཚུལ་དུ་བསྐུར་བས་གསང་དབང་གི་ཉམས་སྐྱེས། རྟོག་པ་ཟླ་བ་ཕྱེད་ཀྱི་བར་དུ་ནུབ། གདམས་ངག་རླུང་སེམས་གཉིས་མེད་གསུངས། དེ་ནས་ཇོ་བོ་ཆེན་པོ་བསྒྲུབས་པ་དང་མཇལ་བས། ཁྱོད་རྡོ་རྗེ་གདན་དུ་སོང་དང་བཅོམ་ལྡན་འདས་ཀྱི་ཞབས་རྗེས་དང་། དཀོར་མཛོད་ན་ཚེམས་མཆེ་བ་བཞི་ཡོད་པ་ལྟོས་གསུང་། མར་པས་ཞབས་རྗེས་བལྟས་པས་མོས་པ་སྐྱེས་ཏེ། དབང་གསུམ་པའི་ཉམས་སྐྱེས། དེ་ནས་མཆེ་བ་ལྟ་བའི་དཀོན་གཉེར་ལ་ཞུ་བ་བྱས་པས། འདིའི་སྒོ་འབྱེད་པ་ལ་སྡེ་པ་རེའི་སྣ་རེ་
2-2-88a
༄༅། །གསེར་ཞོ་རེ་མེད་པ་ལ་མི་སྟོན་པ་ཡིན། ཁྱོད་རྣལ་འབྱོར་པ་ཆེན་པོ་གཅིག་འདུག་པས་ལྟོས་གསུངས་ནས་ལྡེ་མིག་ཐམས་ཅད་བཀུར་ཏེ། སྒོ་ཐམས་ཅད་ཕྱེ་ནས་བལྟས་པས་བསེའི་སྒམ་བུ་གཅིག་གི་ནང་ན་ཤེལ་གྱི་གའུ་དེའི་ནང་ན་དངུལ་གྱི་གའུའི་ནང་ན་དར་གྱིས་དྲིལ་ནས་ཚེམས་མཆེ་བ་གཡས་པ་དང་། སྔར་མ་ཤེས་པའི་པོད་ཆུང་གཅིག་འདུག་པ་གདན་དྲངས་ཏེ། པཎྜི་ཏ་ཀུན་ལ་དྲིས་པས་སུས་ཀྱང་མ་ཤེས་ཏེ། ཁ་ཆེའི་པཎྜི་ཏ་གཅིག་ན་རེ། འདི་སིང་ག་ལའི་གླིང་ཡང་ཟེར་སྒྲ་ཡིག་ཡིན་ཟེར། མར་པས་ཚོང་པ་དང་འགྲོགས་ནས་སིང་ག་ལའི་ཡུལ་དུ་ཕྱིན་ནས་སྐད་བསླབས་པས། སྔར་གྱི་རླུང་སེམས་གཉིས་མེད་བསྐྱེད་རིམ་དང་བཅས་པ་བྱུང་ངོ་། །དེ་ནས་གཉོས་དང་འགྲོགས་ནས་ཚུར་བོད་དུ་བྱོན་ནས། ལ་སྟོད་དུ་རྣལ་འབྱོར་མ་གཅིག་ལ་མཚན་ཉིད་ཚང་ནས་ཟླ་བ་གཅིག་ཏུ་ལས་རྒྱུ་བྱས། རླུང་སེམས་ཤབ་ཀྱི་ར་སར་དུ་རྣལ་འབྱོར་མ་གཅིག་ལ་གཉིས་མེད་ཀྱི་གདམས་པ་བྱིན་ནས་གྲུབ་པ་ཐོབ་པ་གཅིག་བྱུང་སྐད་གཉིས་མེད་ཀྱི་གདམས་པ་གནང་། ཕུང་པོ་ལྷག་མེད་དུ་མཁའ་སྤྱོད་དུ་སོང་སྐད་སངས་རྒྱས་པ་ཡིན་གསུང་། ཕྱིས་སྐུའི་སྲས་དར་མ་མདོ་སྡེ་འདས་ནས། ཐུགས་ཀྱི་སྲས་མི་ལ་རས་པ་ལ་གདམས་པ་མ་ལུས་པར་གནང་། མི་ལའི་ཞལ་ནས། ང་ལ་དགེ་སྦྱོར་ཡུན་རིང་པོར་མ་སྐྱེས་པ་ལ། གདམས་པ་འདི་ཕྱིས་ལས་མ་བྱུང་གསུང་། མི་ལས་བླ་མ་ལྷ་རྗེ་
2-2-88b
ལ་དབུས་སུ་འགྲོ་ཁར་འགྲོ་ཆོས་སུ་གནང་ནས། ཁྱོད་ལ་ཟླ་བ་དྲུག་ཏུ་ཉམས་ཡལ་དགེ་སྦྱོར་མི་སྐྱེའོ། །དེ་ནས་རླུང་སེམས་གཉིས་མེད་འདི་བསྒོམས་དང་རྟོགས་པ་མཐར་ཐུག་པ་སྐྱེ་བ་ཡིན་ནོ་གསུང་ངོ་། །དེས་རིན་པོ་ཆེ་དབུ་སེ་བ་ལ། ཁྱོད་བསྒོམ་བསྒྲུབ་ཁམས་ཀྱི་སྐམ་པོ་གངས་རར་གྱིས། འགྲོ་དོན་དབུས་གཙང་གཉིས་སུ་གྱིས་གསུང་ནས་སྐམ་པོ་གངས་རར་གཤེགས་པའི་དུས་སུ་འགྲོ་ཆོས་སུ་གནང་བའོ། །དེས་འགྲོ་མགོན་རས་ཆེན། དེས་རིན་པོ་ཆེ་པོམ་བྲག་པ། དེས་རིན་པོ་ཆེ་ཀརྨ་པ། དེས་དྲུང་རིན་པོ་ཆེ། ཡང་ཀརྨ་པ། བླ་མ་གཉན་རས། དེ་ལ་ཆོས་རྗེ་རིན་པོ་ཆེ། དེ་ལ་བླ་མ་རྟོགས་ལྡན་གྲགས་པ་སེང་གེ དེ་ལ་བླ་མ་རྟོགས་ལྡན་བསོད་ནམས་བཟང་པོ། དེས་བདག་ལ་གནང་བའོ། །དེ་ལྟར་རྒྱུད་པའི་རྫོགས་རིམ་ལ་གཉིས་ཏེ། བདེ་ཆེན་རླུང་སེམས་གཉིས་མེད་དང་། སྐྱེ་མེད་རླུང་སེམས་གཉིས་མེད་དོ། །
༄། །བདེ་ཆེན་རླུང་སེམས་གཉིས་མེད་ལ་གསུམ་ཏེ། གཏུམ་མོ་རླུང་སེམས་གཉིས་མེད།
དང་པོ་ལ་གསུམ་ཏེ། གཏུམ་མོ་རླུང་སེམས་གཉིས་མེད་དང་། འཕོ་བ་རླུང་སེམས་གཉིས་མེད་དང་། སྒྱུ་ལུས་རླུང་སེམས་གཉིས་མེད་དོ། །དཔལ་རྡོ་རྗེ་རྣལ་འབྱོར་ལ་ཕྱག་འཚལ་ལོ། །གཏུམ་མོ་རླུང་སེམས་གཉིས་དེའང་། བདེ་དྲོད་སྟོང་པའི་ཉམས་མྱོང་གིས། སྡུག་བསྔལ་བཏང་སྙོམས་ཀུན་ལས་འདས། གཏུམ་མོ་འབར་འཛག་གི་གདམས་ངག་ཡོད། འབྲས་བུ་ལོངས་སྐུ་ཐོབ་སྟེ་མཆི། ཞེས་སོ། མེད་ལ་གཞུག་ཐབས་རྣམ་པ་གསུམ་ཏེ། རླུང་ལུས་ལ་གཞུག་པ་དང་། སེམས་
2-2-89a
༄༅། །ལ་གཞུག་པ་དང་། འོད་གསལ་དུ་གཞུག་པའོ། །དང་པོ་ལུས་ལ་གཞུག་པ་ནི། སེམས་བསྐྱེད་སྐད་ཅིག་གིས་ལྷར་བསམ། རྩ་གསུམ་འདུས་ལྟེ་འོག་སོར་བཞིར་པའི་སར་ཆོས་འབྱུང་དམར་པོ་བསམ། དེའི་ནང་དུ་གཏུམ་མོ་ཡེ་ཤེས་ཀྱི་མེ་སོར་བཞི་པ་ཁ་དོག་དམར་ལ་གསལ་བ། རེག་བྱ་ཚ་ལ་གདུང་བ། རྩེ་མོ་ཕྲ་ལ་རྣོ་བ་གཅིག་བསམ། དེ་ནས་འཇམ་རླུང་བཟུང་ལ་དྲོད་མ་སྐྱེས་བར་དུ་བསྒོམ་མོ། །གཉིས་པ་སེམས་ལ་གཞུག་པ་ནི། གཏུམ་མོའི་མེ་ཡར་འབར་བས་རྩ་གནས་ཐམས་ཅད་དྲོས། འཁོར་ལོ་གསུམ་གྱི་རྩ་མདུད་ཐམས་ཅད་གྲོལ་ནས་སྤྱི་བོའི་ཧཾ་ཞུ། བྱང་སེམས་ཐིག་ལེ་བབས། མེ་དང་ཐིག་ལེས་རྩ་གནས་ཐམས་ཅད་ཁྱབ་པར་བསམ། བདེ་བ་མ་སྐྱེས་བར་དུ་བསྒོམ། བདེ་དྲོད་སྐྱེས་ནས། གསུམ་པ་འོད་གསལ་དུ་གཞུག་པ་ནི། སེམས་ཉིད་སྟོང་པའི་ངང་ལས་མ་བཅོས་པར་བཞག ། བདེ་སྟོང་གི་ངང་དུ་རླུང་འབྲལ་མེད་དུ་བསྒོམ་མོ།། །།
༄། །གཉིས་པ་འཕོ་བ་རླུང་སེམས་གཉིས་མེད།
བླ་མ་དང་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །གཉིས་པ་འཕོ་རྣམ་ཤེས་རླུང་གི་རྟ་ཕོ་ལ། །སེམས་ཉིད་ཟབ་མོའི་འོད་གསལ་སྐྱོན། །ཐིག་ལེ་སྔོ་དམར་གྱིས་འཕོ་བ་ཡོད། །ཕྱི་མ་སངས་ནི་རྒྱས་ཏེ་མཆི། །ཞེས་སོ༑ ༑བ་རླུང་སེམས་གཉིས་མེད་ནི། བླ་མ་ཡི་དམ་ལ་བརྟེན་ནས་ཐིག་ལེ་སྔོ་དམར་གྱི་འཕོ་བའི་གདམས་ངག་ནི། རང་ཡི་དམ་དུ་བསམ། ལུས་ཁོང་སྟོང་དུ་བསམ། ལྟེ་བར་ཆོས་འབྱུང་ནང་དུ་ཐིག་ལེ་དམར་པོ་
2-2-89b
དེ་ལས་འོད་ཁ་དོག་ལྔ་འཕྲོ་བར་བསམ། སྙིང་གར་ཡི་དམ་བསམ། སྤྱི་བོར་བླ་མ་བསམ། ཐིག་ལེ་དམར་པོ་དེ་ལས་ཐིག་ལེ་སྔོན་པོ་གཅིག་ཆད་ནས་སྙིང་ཁའི་ཡི་དམ་ལ་གཡས་སུ་བསྐོར་བ་གཅིག་བྱས། སྤྱི་བོའི་བླ་མའི་ཞབས་ལ་རེག་སྟེ་རླུང་མནན་ནས་ཐུར་ལ་སོང་པས་ཡི་དམ་ལ་གཡོན་བསྐོར་དུ་བྱས་ཏེ་ལྟེ་བའི་ཐིག་ལེ་ལ་ཐིམ་པར་བསམ། དེ་ནི་སྦྱང་བའོ། །སྤྱི་བོ་ཚ་ཙག་ཙག་པའམ། ཐོད་པའི་སྐད་ཚག་ཚག་པའམ༑ རླངས་པ་ཚུབ་ཚུབ་པའམ། རིག་པ་ནམ་མཁའ་ལ་ཡེད་ཡེད་ཡོད་པའི་རྟགས་དེ་རྣམས་གང་ཡང་རུང་བ་མ་བྱུང་བར་དུ་བྱའོ། །དེ་ནས་འཆི་རྟགས་རྫོགས་ནས་ལས་ལ་སྦྱར་བར་བྱ་སྟེ། ལུས་སྐྱིལ་ཀྲུང་བཅའ༑་འོག་རླུང་ཐེན་ནས་ཐིག་ལེ་སྔོ་དམར་གཉིས་འགྲོགས་ནས་ཡར་བྱུང་སྙིང་གའི་ཡི་དམ་ལ་ཐིག་ལེ་དམར་པོ་ལས་སྔོན་པོ་ཆད་ནས་ཡི་དམ་ལ་ཐིམ། རླུང་གི་ཤུགས་ཀྱིས་དམར་པོ་ཡང་ཐིམ། ཡི་དམ་ཇེ་མཐོ་ལ་སོང་སྤྱི་བོའི་བླ་མ་ལ་ཐིམ། བླ་མ་འོད་དུ་ཞུ་འོད་ཀྱང་སྟོང་པར་བསམ། ཡི་དམ་ལ་ཐིམ་པས་ལོངས་སྐུར་འཕོ་བ་བླ་མ་ལ་ཐིམ་པས་སྤྲུལ་སྐུར་འཕོ་བ། སྟོང་པར་བསམ་པས་ཆོས་སྐུར་འཕོ་བའོ། །ཨྠྀི།། །།
༄། །གསུམ་པ་སྒྱུ་ལུས་རླུང་སེམས་གཉིས་མེད།
ཌཱ་ཀི་ནཱི་ན་མོ། གསུམ་པ་སྒྱུ་ལུས་སྐྱེས་པ་ལྷན་སྐྱེས་སྒྱུ་མའི་ལུས། །གནས་སྣང་གྲགས་སྒྱུ་མའི་ལུས། །འཆི་བ་འོད་གསལ་སྒྱུ་མའི་ལུས། །སྣང་སྲིད་སྒྱུ་མར་ཤེས་པ་དེས། །གཟུང་དང་འཛིན་པའི་བཅིངས་པ་ཞིག །བར་དོ་གསུམ་ལ་རང་གྲོལ་བྱེད། །སྒྱུ་ལུས་ཀྱི་གདམས་
2-2-90a
༄༅། །པ་བདག་ལ་ཡོད། །འབྲས་བུ་སྤྲུལ་སྐུ་ཐོབ་སྟེ་མཆི། ཅེས་སོ། །རླུང་སེམས་གཉིས་མེད་ལ། སྒྱུ་མ་གསུམ་རྒྱུད་ཅེས་བྱ་བར་འདོད་པ་ཡིན། སྒྱུ་མ་དང་པོ་སྒྱུ་ལུས་ལ་ངོ་སྤྲད་པ་ནི། སེམས་བསྐྱེད། བླ་མ་ལ་མོས་གུས་བྱ༑ མདུན་དུ་མེ་ལོང་གཡའ་དག་པ་གཅིག་བཞག །དེའི་ནང་དི་རང་གི་གཟུགས་བརྙན་འཆར་བར་བྱས་ལ། དེ་ལ་བལྟས་པས་མེད་བཞིན་དུ་སྣང་བ་ཡང་སྒྱུ་མའི་ལུས་སུ་འདུག་སྙམ་དུ་བསམ། དེ་ལ་མདའ་དང་མདུང་ལ་སོགས་པ་མང་པོ་བརྡེག་པར་བསམ། དེ་ལ་ཡང་རྒྱན་མང་པོ་འདོགས་པར་བསམ། དེ་གཉིས་ལ་དགའ་མི་དགའ་བལྟ། སྒྱུ་མའི་ལུས་ཡིན་པས་དགའ་མི་དགའ་མི་འོང་། དེ་ནས་གཟུགས་བརྙན་དེ་རང་ལ་བཅུག་ལ་རང་གི་གཟུགས་ལ་སྔར་བཞིན་བསམ། དགའ་མི་དགའ་མི་འདུག་ན། ཁྲོམ་གསེབ་ན་ཕར་ལ་ཕྱིན་ལ། རྒྱན་ལ་སོགས་པ་ཕྲོགས་ལ་བརྡེག་ཏུ་བཅུག་ལ་དགའ་མི་དགའ་ལྟ། དགའ་མི་དགའ་མི་འདུག་ན་ལུས་སྒྱུ་མར་གཏན་ལ་ཕེབས་སོ། །དེ་ནས་ངག་སྒྱུ་མར་གཏན་ལ་འབེབས་པ་ནི། ཕྱི་ནང་གི་སྒྲ་ཐམས་ཅད་བྲག་ཆ་ལྟ་བུར་གོ་ནས་གཟུགས་བརྙན་དེ་ལ་བསྟོད་སྨད་སྣ་ཚོགས་བྱས་ལ་དེ་ལ་དགའ་མི་དགའ་བྱའོ། །དེ་ནས་དེ་རང་ལ་བཅུག་ལ་བལྟ། ཆགས་སྡང་མི་འདུག་ན་གཞན་གཅིག་གིས་བསྟོད་སྨད་བྱེད་དུ་བཅུག་ལ་བལྟ། དགའ་མི་དགའ་མི་འདུག་ན་ངག་སྒྱུ་མར་གཏན་ལ་ཕེབས་སོ། །དེ་
2-2-90b
ནས་དུག་ལྔའི་བསམ་པ་མ་སྐྱེས་ན་ཡིད་སྒྱུ་མར་གཏན་ལ་ཕེབས་པ་ཡིན། གང་དྲན་ཐམས་ཅད་སྒྱུ་མར་ཤེས་ནས་དེ་ནས་སྣང་བ་སྒྱུ་མ་ལྟ་བུ་དང་མ་བྲལ་བར་བྱ། སྒྲ་ཐམས་ཅད་སྔགས་བྲག་ཆ་ལྟ་བུ་དང་མ་བྲལ་བར་བྱའོ། །ཡེངས་པ་མེད་དེ་དྲན་སྟོང་ཆིག་ཆོད་དང་མ་བྲལ་བར་བྱའོ། །དེ་སྒྱུ་མ་དང་པོ་སྐྱེ་ཤི་བར་དོ་དང་པོ་བསྒོམ་པའོ། །སྒྱུ་མ་གཉིས་པ་རྨི་ལམ་བར་དོ་ནི། སེམས་བསྐྱེད་བྱ། རང་ཡི་དམ་དུ་བསྒོམ། ཐུགས་ཀར་བླ་མ་བསྒོམ་ཟེར་ཧྲིཿབསྒོམ། དེ་ནས་སྣང་བ་འདི་རྨི་ལམ་ཡིན་སྙམ་དུ་བསམ། རྨི་ལམ་ལ་རྨི་ལམ་དུ་ཤེས་པར་བྱ་སྙམ་པའི་འདུན་པ་དྲག་པོ་བྱ། དེ་ནས་ཐུགས་ཀའི་ཧྲིཿ ལ་སེམས་གཏད་ལ་གཉིད་ལོག ༑དེས་མ་ཟིན་ན་སད་པའི་སྣང་བ་འདི་ཐམས་ཅད་སྒྱུ་མ་ཡིན་སྙམ་དུ་བསམ། དེ་ནས་ཉིན་མོ་ཡང་རྨི་ལམ་ཡིན་སྙམ་དུ་བསམ། དེ་ནས་རྨི་ལམ་ལ་རྨི་ལམ་དུ་འདུ་ཤེས་ནས་འོང་། ཡང་རྨི་ལམ་ཟིན་པ་དང་། རྒྱ་གར་ཡུལ་བལྟ་བ་དང་། རྡོ་རྗེ་གདན་བལྟ་བ་དང་། ཏེ་ལོ་པ་ལ་སོགས་པའི་གྲུབ་ཐོབ་རྣམས་ལ་ཆོས་ཞུ་བ་དང་། དགའ་ལྡན་དུ་བྱམས་པ་ལ་ཆོས་ཞུ་བ་དང་། སུམ་བཅུ་རྩ་གསུམ་གྱི་གནས་ལྟ་བ་ལ་སོགས་པ་བྱའོ༑ ༑དེ་ཚོ་ཆོས་ཐམས་ཅད་སེམས་སུ་བལྟ། སེམས་ཉིད་སྟོང་པས་ཅིར་ཡང་མ་གྲུབ་པས་འབོལ་ལེ་ཧྲིག་གེ་ངོས་བཟུང་ཐམས་ཅད་དང་བྲལ་བར་ཤེས་པར་བྱའོ། །གཉིད་འོག་གསལ་དུ་འཕོ་བའོ། །རྨི་ལམ་
2-2-91a
༄༅། །གྱི་བར་དོ་འཁྲུལ་པ་ལམ་དུ་སློང་བའི་མན་ངག་གོ །སྒྱུ་མ་གསུམ་པ་སྲིད་པའི་བར་དོ་ལ། ས་ཆུ་ལ་ཐིམ་པ་ལ་སོགས་པའི་དུས་སུ། བདག་གིས་སེམས་ཅན་ཐམས་ཅད་ཀྱི་དོན་དུ་འཆི་བ་འོད་གསལ་ངོས་ཟིན་པར་བྱས་ལ་སེམས་ཅན་གྱི་དོན་བྱ་སྙམ་དུ་བསམ། དེ་ནས་རང་ཡི་དམ་སྣང་སྟོང་སྒྱུ་མ་ཙམ་དུ་བསྒོམ། མདུན་དུ་བླ་མ་བསམ། མོས་གུས་དྲག་པོ་བྱ། དེ་ནས་དབུགས་འགྲོ་ཁར་སེམས་མ་བཅོས་པ་ཆོས་ཉིད་ཀྱི་ངང་དུ་བཞག་ནས། དེའི་ངང་དུ་དབུགས་འགྲོ་བར་བྱའོ། །དེ་ལ་བར་དོའི་སྣང་བ་མེད་དོ། །རྒྱ་ལ་འོད་གསལ་མ་ཟིན་ན་བར་དོའི་སྣང་བ་འབྱུང་བས་བར་དོར་རང་ཡི་དམ་དུ་བསྒོམ་པ་དང་༑ བླ་མ་བསྒོམ་པ་དང་། སྣང་བ་སྒྱུ་མར་གཏན་ལ་ཕབ་ལ་སེམས་མ་བཅོས་པ་ཆོས་སྐུའི་ངང་ལ་བཞག་གོ །དེས་བར་དོ་ནས་གྲོལ་ལོ། །དེ་ནས་ཐུགས་རྗེའི་དབང་གིས་སྐྱེ་བ་ལེན་ན་མའི་མངལ་དེ་ཆོས་འབྱུང་དུ་བསམ། དེའི་ནང་དུ་རིག་པའི་ངོ་བོ་དེ་སངས་རྒྱས་ཐམས་ཅད་ཀྱི་ཐུགས་ཀྱི་ས་བོན་ཧཱུྃ་དཀར་པོ་འོད་ཟེར་ཁ་དོག་ལྔ་འཕྲོ་བ་གཅིག་ཏུ་བསམ་པས་སྐྱེ་བ་ཕྱི་མ་ལ་སྤྲུལ་སྐུར་སངས་རྒྱས་སོ། །རྫོགས་སོ།། །།
༄། །སྐྱེ་མེད་རླུང་སེམས་གཉིས་མེད།
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །སྐྱེ་མེད་རླུང་སེམས་གཉིས་མེད་ནི། གཞུང་ལས། བཟུང་བའི་ཡུལ་དང་འཛིན་པའི་སེམས། །ཡང་དག་དོན་ལ་གྲུབ་པ་མེད། །ཅེས་པས་སྔོན་འགྲོ་ལྷ་
2-2-91b
བསྒོམ༑ དེའི་ངང་ནས་ཐུན་བསྡུ་བའམ། ཡང་ན་འདི་ལྟར། བཟུང་བའི་ཡུལ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ཡིད་ཀྱི་ཡུལ་ཆོས་རྣམས་ལྷ་དང་ལྷ་མོ་མཆོད་པའི་རྫས་སུ་ཤེས་ལ། དེ་ཡང་རང་གི་རྟོག་པས་བྱས་པ་ཡིན་པས། དོན་དམ་པར་མིག་དང་གཟུགས་དང་མིག་གི་རྣམ་པར་ཤེས་པ་བདེན་པར་མ་གྲུབ་སྟེ། རང་གི་སེམས་བརྫུན་པར་མི་འཛིན་ཏེ། རང་གི་སེམས་སྣང་སྟོང་དབྱེར་མེད་དུ་བླང་དོར་མེད་པར་ཐག་བཅད་ལ་རྩེ་གཅིག་ཏུ་བཞག་གོ །དེ་བཞིན་དུ་རྣ་བ་དང་། སྒྲ་དང་། རྣ་བའི་རྣམ་པར་ཤེས་པ་དང་། སྣ་དང་། དྲི་དང་། སྣའི་རྣམ་པར་ཤེས་པ་དང་། ལྕེ་དང་། རོ་དང་། ལྕེའི་རྣམ་པར་ཤེས་པ་དང་། ལུས་དང་རེག་བྱ་དང་། ལུས་ཀྱི་རྣམ་པར་ཤེས་པ་དང་། ཡིད་དང་། ཡིད་ཀྱིས་ཡུལ་ཆོས་དང་། དྲུག་པ་ཡིད་ཀྱི་རྣམ་པར་ཤེས་པ་ཡང་བཟུང་བར་བདེན་པར་མ་གྲུབ་སྟེ། རང་གི་སེམས་ཡིན། འཛིན་པར་བདེན་པར་མ་གྲུབ་སྟེ་སྐད་ཅིག་ཀྱང་མི་བདེན་པར་མི་གནས་པར་སྐྱེ་ཞིང་འགག་པར་སྣང་བ་རང་གི་སེམས་ཡིན། དྲུག་པ་ཡིད་ཀྱི་རྣམ་པར་ཤེས་པ་ཡང་དེ་ནས་སྣང་སྟོང་དབྱེར་མེད་དུ་ཐག་བཅད་ལ་རྩེ་གཅིག་ཏུ་བཞག་གོ །དེ་ལྟར་བསྒོམས་པས་འཁོར་བའི་སྣང་བ་ལྷ་དང་ལྷ་མོ་འདོད་ཡོན་མཆོད་རྫས་མ་འགགས་པའི་རོལ་པར་འཇའ་ཤར་བས་ཞི་བའི་མཐའ་ཁེགས། དེ་ཐམས་ཅད་སྐྱེ་འགག་གནས་
2-2-92a
༄༅། །གསུམ་དང་བྲལ་བའི་ཆོས་ཉིད་ལས་མ་འདས་པར་སྲིད་པ་རང་བཞིན་གྱི་གྲོལ་བས་འཁོར་འདས་མཉམ་ཉིད་ཀྱི་རང་བཞིན་མངོན་དུ་བྱས་ནས། རང་གི་སེམས་ཉིད་ཆོས་ཀྱི་སྐུར་རྟོགས་པས་དཔལ་རྡོ་རྗེ་རྣལ་འབྱོར་མའི་ངོ་བོ་ཡིན་ནོ། །དེ་ནི་དང་པོ་སེམས་ཀྱི་གཞི། བར་དུ་རྣམ་རྟོག་གིས་མ་སྦགས་པ། མཐར་རང་གྲོལ་བ་སྟེ། སྐྱེ་མེད་རླུང་སེམས་གཉིས་མེད་ཅེས་བྱའོ། །དཔལ་ནཱ་རོ་པའི་གདམས་ངག་བསྐྱེད་རིམ་ལྷན་ཅིག་སྐྱེས་མ་རྫོགས་རིམ་རླུང་སེམས་གཉིས་མེད་དང་བཅས་པ་འདི་ནི་མར་པ་ལྷོ་བྲག་པ་ནས། རྗེ་རང་བྱུང་རྡོ་རྗེའི་བར་དུ་རིམ་གྱིས་བརྒྱུད་པ་ལགས་སོ། །རྫོགས་སོ། །དགེ་བར་གྱུར་ཅིག༑ ༑རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །སྤྱི་དོན་གཉིས་པ་སྐྱེ་མེད་རླུང་སེམས་གཉིས་མེད་ནི། དུས་གསུམ་སངས་རྒྱས་ཐམས་ཅད་ཀྱི་ཡུམ་ལྷན་ཅིག་སྐྱེས་མ་འདི་ལ་སྣང་སྲིད་འཁོར་འདས་ཀྱི་ཆོས་ཐམས་ཅད་འདུས་སོ། །དེ་ལ་སེམས་ཉིད་ལྷན་ཅིག་སྐྱེས་པ་ཆོས་ཀྱི་སྐུ། སྣང་བ་ལྷན་ཅིག་སྐྱེས་པ་ཆོས་སྐུའི་འོད་ཟེར། སེམས་ཉིད་ལྷན་ཅིག་སྐྱེས་མ་ཆོས་ཀྱི་སྐུ་ལ་གསུམ། སེམས་ཀྱི་ངོ་བོ། རང་བཞིན། མཚན་ཉིད་དོ། །དང་པོ་ནི། བཟུང་དུ་མེད་པ་དབྱིབས་དང་ཁ་དོག་ལ་སོགས་པ་མེད་པས་ནམ་མཁའ་ལྟ་བུའོ། །རང་བཞིན་མ་འགགས་པ་རོལ་པ་ཅིར་ཡང་སྣང་བ། བརྟགས་ན་དོན་དམ་པར་ངོས་བཟུང་མེད་པ། དངོས་རང་
2-2-92b
བཞིན་མེད་ཡེ་སངས་རྒྱས་པ། སྐྱེ་རྟེན་དེ་དང་པོ་མེད་ཆོས་སྐུ་གཅིག་ཡིན་ནོ། །བར་དུ་མཚན་ཉིད་གཉིས་སུ་མེད་པ། རྒྱུ་ཡིས་མ་བསྐྱེད་པ། རྐྱེན་གྱིས་མི་འཇིག་པ། སངས་རྒྱས་ཀྱིས་མ་མཛད་པ། སེམས་ཅན་གྱིས་མ་བཅོས་པ། དཔེས་མཚོན་དུ་མེད་པ། ཚིག་གིས་བརྗོད་དུ་མེད་པ། བློའི་ཡུལ་ལས་འདས་པ་གཅིག་ཡིན་ནོ། །སྣང་བ་ལྷན་ཅིག་སྐྱེས་པ་ཆོས་སྐུའི་འོད་ཟེར་ནི། དེ་ཉིད་ཀྱི་ངང་ལས་གཟུང་འཛིན་གྱི་རྣམ་རྟོག་ཕྲ་རགས་སུ་ཤར་ནས་ཆགས་སྡང་གཉིས་ལུང་མ་བསྟན་དང་གསུམ་ལ་བརྟེན་ནས། ཉོན་མོངས་པ་བསམ་གྱིས་མི་ཁྱབ་པ་ཤར་ནས་རིགས་དྲུག་ཏུ་འཁྱམ་པའོ། །དེ་བདག་གཞན་ཉིད་ཀྱང་བརྗོད་དུ་མེད་ཉིད་ཀྱང་ཉི་མ་དང་འོད་ཟེར་རམ། ཆུ་དང་འཁྱག་པ་ལྟ་བུའོ། །འཁོར་འདས་ཀྱི་རྒྱབ་གྱེས་ལུགས་དེ་ལྟར་ཡིན་ཡང་། འཁོར་འདས་གཉིས་མེད་དུ་རྟོགས་དགོས། ཉམས་སུ་བླང་བའི་ཆོས་སོ། །རྟོགས་པར་བྱ་བ་སྣང་བ་ལྷན་ཅིག་སྐྱེས་པ་ཆོས་ཀྱི་སྐུའི་འོད་ཟེར་རྣམ་རྟོག་སྣ་ཚོགས་སུ་སྐྱེས་པ་སྟེ། ཅི་ཡང་ཆོས་སྐུའི་ངང་ལས་མ་ཡིན་པ་ལ་སྣ་ཚོགས་སུ་ཤར་བར་རྟོགས་པར་བྱ། གང་ལྟར་ཤར་ཡང་དོན་ཅི་ཡང་མ་ཡིན་པར་རྟོགས་པར་བྱའོ། །དེ་ཡང་གཉིས་མེད་སྨྲར་སྣང་ཚད་ཆོས་སྐུར་མེད་པར་རྟོགས་པར་བྱའོ། །དེ་ལྟར་ཤེས་རྟོགས་ཉམས་སུ་མྱོང་ན་རྟོགས་པ་དང་གྲོལ་བ་དུས་མཉམ་པ་སྟེ། ཤར་ཚད་རིག་པའི་ངོ་བོ་ཡེ་ཤེས་རང་ལ་ཤར་བ་ཡིན། གྲོལ་ཚད་
2-2-93a
༄༅། །ཐམས་ཅད་ཆོས་ཉིད་རང་བྱུང་ཡེ་ཤེས་ཆེན་པོར་གྲོལ་བ་ཡིན་ནོ། །དེ་ལ་ཉམས་སུ་བླང་རྒྱུ་མེད་དོ། །དེ་ལྟར་མ་རྟོགས་ན་ཉམས་སུ་བླང་བའི་ཆོས་ལ་གསུམ་སྟེ། དང་པོར་ཉམས་སུ་བླང་། བར་དུ་ཉམས་སུ་བླང་། ཐ་མར་ཉམས་སུ་བླངས་པའོ། །དང་པོར་ཉམས་སུ་བླང་བ་ནི། བདག་གིས་སེམས་ཅན་གྱི་དོན་དུ་ལྷན་ཅིག་སྐྱེས་མའི་གོ་འཕང་ཐོབ་པར་བྱ་སྙམ་དུ་བསམ། ལུས་གནད་བསམ་གཏན་གྱི་ཆོས་དྲུག་བྱ། ངག་གནད་རླུང་རང་སོར་བཞག །ཡིད་གནད་རང་གི་སེམས་ཀྱིས་སེམས་བཙལ་ཏེ། སེམས་དང་པོ་གང་ནས་བྱུང་བལྟས་པས། སྐྱེ་བའི་རྒྱུ་མེད་དེ་ཆོས་སྐུའི་རང་བཞིན། བར་དུ་གང་ན་གནས་བལྟས་པས་གནས་པའི་ཡུལ་མེད་དེ་གནས་མེད་ལོངས་སྐུའི་རང་བཞིན་ཡིན། ཐ་མ་གང་དུ་འགྲོ་བལྟས་པས་འགག་པའི་རྐྱེན་མེད་དེ། འགག་མེད་སྤྲུལ་སྐུའི་རང་བཞིན་ཡིན། དེ་ལྟར་སྐུ་གསུམ་དབྱེར་མེད་ཀྱི་ངང་ལ་མ་བཅོས་པར་བཞག་གོ །དེ་ལ་བྱིང་རྒོད་བྱུང་ན། ཤར་ཐིམ་དང་། མཁན་པོ་རྩད་གཅོད་དང་། འབོར་ལེན་ལ་བསླབ་པོ། དེས་མ་སོལ་ནས་ཁྱད་པར་དུ་བྱིང་ན། ས་མཐོ་སར་བསྡད། མལ་ཆ་སྲབ་པར་བྱ། རི་དང་ནམ་མཁའི་མཚམས་སུ་བལྟ། རྐང་པ་སྐྱིལ་ཀྲུང་བྱ། ལག་པ་གཉིས་པུས་གོང་གཉིས་སུ་འཁྱུད། རོ་སྟོད་ལན་གསུམ་སྤྲུགས་པས་ལུས་དྲང་པོར་སྲང་། ཡིད་ཀྱིས། རང་གི་སྙིང་པདྨ་འདབ་བརྒྱད་ཁ་གྱེན་དུ་
2-2-93b
བསྟན་པའི་ནང་དུ་ཟླ་བའི་དཀྱིལ་འཁོར་བསམ། དེའི་དཀྱིལ་ན་ཐིག་ལེ་དཀར་པོ་མཐེ་བོང་ཙམ་གཅིག་བསམ། དེ་ལས་འོད་དཀར་པོ་དབུ་མའི་ནང་ན་ཡར་སོང་པས་ཚངས་པའི་བུ་ག་ནས་སོང་ནས་ནམ་མཁའི་མཐར་ཐུག་པ་མེད་པ་ན་ཡར་སོང་ནས་ནམ་མཁས་ཁྱབ་ཚད་འོད་དུ་སོང་པར་བསམ། དེ་ལྟར་ཡང་བསྒོམ། ངག་གིས་ཕཊ་ཅེས་བྱ་བ་བརྗོད། བྱིང་བ་སེལ་བའོ། །རྒོད་ན་ལུས་ཀྱི་སྤྱོད་ལམ་ས་དམའ་བར་བསྡད། མུན་པ་ནག་སར་བསྡད། གོས་དྲོ་ཞིང་ཁ་ཟས་བཅུད་ཆེ་བ་ཟ། ཁ་སྨྲས་གླེང་གཞི་ལ་སོགས་པ་སྤང་། བསམ་གཏན་གྱི་སྐྱིལ་ཀྲུང་བཅའ། ཡིད་ཀྱིས་རང་གི་སྙིང་པད་མ་འདབ་བརྒྱད་པ་ཁ་ཐུར་དུ་བསྟན་པའི་ནང་དུ་ཉི་མའི་དཀྱིལ་འཁོར། དེའི་ནང་ན་ཐིག་ལེ་ནག་པོ་བྱེའུའི་སྒོ་ང་ཙམ་པ་གཅིག་ལ་འོད་ཟེར་སྲན་མ་ཙམ་གཅིག་ཆད་ནས་བ་ཐག་ལ་འཁྲིལ་ཆུ་ལམ་ནས་ཐོན་དབང་ཆེན་གསེར་གྱི་ས་གཞི་ལ་ཐུག་པའི་བར་ལ་སོང་བར་བསམ། ངག་གིས་ཨཱཿརིང་པོ་བརྗོད་དོ། །དེ་ལྟར་ཡུན་རིང་དུ་བསྒོམས་པས་བྱིང་རྒོད་སོལ་ནས་རྟོགས་པའི་བོགས་སུ་འགྱུར་རོ། །དེ་ལྟར་བསྒོམས་ཀྱང་རྟོགས་པའི་བོགས་མ་ཐོན་ན། བོགས་འདོན་པ་ལ་གཉིས་ཏེ། སྔོན་འགྲོ་དང་། དངོས་གཞིའོ། །སྔོན་འགྲོ་ལ་དྲན་པ་གསུམ་བསྒོམ་པ་ནི། རང་ཡི་དམ་དྲན་པ་ཡི་དམ་དུ་བསྒོམ། དེའི་སྙིང་གར་ལྷན་ཅིག་སྐྱེས་མ་སྣང་སྟོང་སྒྱུ་མ་ལྟ་བུར་བསྒོམ། སྤྱི་
2-2-94a
༄༅། །བོར་བླ་མ་བསམ་ལ་མོས་གུས་བྱ། སེམས་ཅན་ཐམས་ཅད་སེམས་ཅན་དྲན་པ་ལ་སྙིང་རྗེ་ཐུན་མོང་མ་ཡིན་པ་བསྒོམ། དངོས་གཞི་ནི། རང་ཡི་དམ་ལྷར་བསམ་པའི་ཐུགས་ཀར་རྗེ་བཙུན་མ། དེའི་ལྟེ་བའི་ནང་ན་པདྨ་ཉི་མའི་སྟེང་ན་བི་དམར་པོ་བྱིང་བ་སེལ་བ་བསམ། དེ་ལས་ཐིག་ལེ་སྔོན་པོ་འོད་ལྔ་དང་ལྡན་པ་འཕྲོས་ནས་ཚངས་བུག་ནས་ཐོན་ནས། ནམ་མཁས་ཁྱབ་ཚད་དུ་འོད་ཁོག་དོག་ལྔ་ཡིས་གང་བར་བསྒོམ་མོ། །རྗེས་འོད་ནམ་མཁའ་ལ་ཡལ་ནས་སྟོང་པའི་ངང་ལ་ཆགས་ཚད་བཞག་གོ །ངག་གི་གནད་ཕཊ་ཕཊ་བྱ་བར་བརྗོད་དོ། །བར་དུ་ཉམས་སུ་བླང་བ་ནི། དང་པོ་སེམས་ཅན་ཐམས་ཅད་འབད་རྩོལ་དང་བྲལ་འཐོར་བ་བསྡུད་ལ་བ་ཡིན་པས་ལུས་སེམས་ལྷོད་དེ་གློད་པར་བྱ། བར་དུ་སེམས་ཉིད་ཆོས་སྐུའི་རང་བཞིན་རིག་པ་ངར་གདགས་པ་ནི་ཆོས་སྐུ་ཡིན་པའི་ཕྱིར་རོ་ཡིན་པས་ཐེ་ཚོམ་མི་བྱ། མ་བཅོས་པར་བཞག ༑ཐ་མ་རྟོག་པ་བྱུང་ཚོར་ཐམས་ཅད་སྐྱེ་མེད་དུ་ཤེས་པར་བྱའོ། །དཔེར་རླུང་ལ་སོགས་པ་ཐམས་ཅད་མེའི་གྲོགས་སུ་འགྲོ་བ་བཞིན་རྟོག་པ་ཐམས་ཅད་ཤར་ཚད་ཆོས་ཉིད་ཀྱི་གྲོགས་སུ་འགྲོའོ་ན་ནགས་ཆེན་པོ་ལ་མེ་མཆེད་པ་དང་འདྲའོ༑ ༑ནཱ་རོ་པའི་ཞལ་ནས། རྣམ་རྟོག་ཆོས་སྐུར་ཡོངས་ཤེས་ན། །མཚན་མའི་གཡེང་བ་ཆོས་ཀྱི་སྐུ། །ཚོང་འདུས་སུ་ཕྱིན་ཡང་ཡེངས་པ་མེད། །རྣམ་རྟོག་ཕྲ་རགས་ཇི་སྙེད་ཀྱང་། །ཕྱག་རྒྱ་ཆེན་པོའི་རང་
2-2-94b
བཞིན་ཡིན། །གཉེན་པོས་བཅོས་ཤིང་དགག་ཏུ་མེད། །ཅེས་གསུངས་སོ། །ཐ་མ་ཉམས་སུ་བླང་བ་ནི། མཉམ་བཞག་རྗེས་ཐོབ་དབྱེར་མེད་དུ་ཉམས་སུ་བླངས་ལ་སྤྱོད་ལམ་རྣམ་བཞི་དང་ཐམས་ཅད་བསྲེའོ། དཔེར་ན་གསེར་གླིང་དུ་ཕྱིན་པ་དང་འདྲའོ། །དེ་ལྟར་ཉམས་སུ་བླངས་པ་ལ་ཉམས་འཆར་ལུགས་རྣམ་པ་གསུམ་ཏེ། རབ་ཅིག་ཆར་དུ་འཆར་གསེར་གླིང་ན་གསེར་མིན་པ་མི་རྙེད་པ་བཞིན། ཆོས་ཉིད་ཀྱི་ངང་ནས་རྣམ་རྟོག་མི་རྙེད་པའོ་ཏེ་དེ་ལ་མཉམ་བཞག་རྗེས་ཐོབ་མེད། སྤྱོད་ལམ་རྣམ་བཞི་གང་གིས་ཀྱང་མི་ལྟོ། ཐམས་ཅད་ཆོས་ཉིད་ཀྱི་ཆོས་ཉིད་དང་འབྲལ་བ་མེད་པར་བྱའོ། །སྒྱུ་མ་དང་པོ་སྐྱེ་ཤི་བར་དོར་བསྒོམ་པར་བྱའོ་ངང་ངོ་། །འབྲིང་ཐོད་རྒལ་དུ་འཆར་ཏེ༑ རེས་སངས་རྒྱས་དང་མཉམ། རེས་ཐ་མལ་པ་རང་དགར་འཆར་རོ། །མཐོ་དམན་ཆེའོ། །དེའི་དུས་སུ་བློ་ལ་སངས་རྒྱས་སུ་བསྒོམ་ཞིང་མོས་གུས་བྱའོ། །ཉམས་མཐོ་དམན་ཐམས་ཅད་ངོ་བོ་མཉམ་སྟེ་ཐམས་ཅད་ཆོས་ཉིད་ཀྱི་ངང་དུ་མཉམ་པར་འགྲོའོ། །ཐ་མའི་རིམ་པ་ལ་རྣལ་འབྱོར་བཞི་སྟེ། དང་པོ་རྩེ་གཅིག་གིས་སེམས་སྟོང་པར་མ་རྟོགས། ཉམས་ཀྱི་ཆ་ཡིན་པས་སེམས་གསལ་ལ་འགག་པ་མེད་པས་ས་ལེ་ཧྲིག་གེ་བུམ་ནང་གི་མར་མེ་འདྲ་བ་དེའི་ངང་ལ་འཇོག་པའོ། །དེ་ལ་ཉམས་བཟང་ངན་མང་པོ་འབྱུང་སྟེ་གཉིས་མེད་དུ་ཉམས་སུ་བླང་ངོ་། །དེ་ནས་སྤྲོས་བྲལ་རི་བོང་གི་གཉིད་དང་དུ་འགྱུར་ཏེ་འདྲ། དེ་ནི་ནང་འཛིན་པའི་
2-2-95a
༄༅། །སེམས་སྤྲོས་པ་དང་བྲལ་བར་རྟོགས། ཕྱི་གཟུང་བའི་ཡུལ་གཏན་ལ་ཕེབས། ཐམས་ཅད་སེམས་སྟོང་པ་ཉིད་ལ་བསྒོམ་དུ་མེད་སྙམ་པ་འབྱུང་། སྤྲོས་བྲལ་བསྒོམ་མེད་དུ་གོ་བས་གོལ་ས་ཆེའོ། །དེ་དུས་བླ་མ་དང་འབྲལ་ཐབས་མེད་དོ། །མི་བཞུགས་ནའང་གསོལ་བ་དྲག་ཏུ་གདབ་བོ། །དྲན་པ་གསུམ་བསྒོམ། དེ་ལྟར་ཉམས་སུ་བླངས་པས་རོ་གཅིག་ཏུ་འགྱུར་ཏེ། དེ་ནི་སྣང་སེམས་གཉིས་མེད་དུ་རྟོགས། གཟུང་ཡུལ་དང་འཛིན་སེམས་གཉིས་ཀ་སྟོང་པར་རྟོགས་ཀྱང་དེ་ལྟར་ཡེངས་མ་ཡེངས་དྲན་པས་བཟུང་དགོས། སློབ་པའི་ཟུང་འཇུག་ཡིན། མ་ཡེངས་པ་གལ་ཆེའོ། །དེ་ཙམ་ན་ཆགས་སྡང་རང་ག་མ་མི་སྐྱེ། ཕྲག་དོག་ཞི་བ་ཡིན་ནོ། །དེ་ནས་བསྒོམ་མེད་འཆར་ཏེ་དེ་ནི་མཉམ་རྗེས་མེད། ཡེངས་མ་ཡེངས་མེད། དྲན་པས་བཟུང་དུ་མེད། ཐམས་ཅད་ཆོས་ཉིད་དུ་ཞི། མི་སློབ་པ་མཐར་ཕྱིན་པ་ཡིན་ནོ། །གང་ཟག་དེ་ལ་སྤྱོད་ལམ་རྣམ་བཞི་གང་གིས་ཀྱང་མི་གནོད་པ་ཡིན་ནོ། །དེ་ལྟར་ཡང་ཧེ་བཛྲ་ལས། བསྒོམ་མེད་བསྒོམ་པ་པོ་ཡང་མེད། ཅེས་པ་དང་། འཁོར་ལོ་སྡོམ་པ་ལས་ཀྱང་། གང་དུ་ཕྱིན་ཀྱང་གཞལ་ཡས་ཁང་། །སུ་དང་འགྲོགས་ཀྱང་ཡི་དམ་ལྷ། །ཅི་ལྟར་བསམས་ཀྱང་ཆོས་ཀྱི་སྐུ། །དོན་དུ་མི་འགྱུར་གང་ཡང་མེད། །ཅེས་སོ། མ་ཧཱ་མུ་དྲ་ཐུགས་ཀྱི་ཉིང་ཁུ། །ཨྠྀི།། །།ཕྱག་རྒྱ་ཆེན་པོ་ལ་བསྡུས་དོན་གསུམ་ཏེ། ཁྱབ་པ་
2-2-95b
གཞིའི་ཕྱག་རྒྱ་ཆེན་པོ་དང་། འཆར་བ་ལས་ཀྱི་ཕྱག་རྒྱ་ཆེན་པོ་དང་། གྲོལ་བ་འབྲས་བུའི་ཕྱག་རྒྱ་ཆེན་པོའོ། །དང་པོ་ནི། སངས་རྒྱས་ནས་དམྱལ་བ་ཡན་ཆད་ཁྱབ་པའོ། །གཉིས་པ་རྣལ་འབྱོར་གྱི་དབང་ཕྱུག་ཆེན་པོ་ལ་འཆར་ཚད་ཡེ་ཤེས་སུ་འཆར། ཐ་མལ་པ་ལ་ཉོན་མོངས་པ་རང་ག་མར་འཆར། ལམ་ཉམས་སུ་ལེན་པ་རྣམས་ལ་ཉོན་མོངས་པ་དང་ཡེ་ཤེས་ཁྲ་བོར་འཆར་རོ། །གསུམ་པ་རིག་པའི་ངོ་བོ་སྐྱེ་བ་མེད་པ་ཆོས་ཀྱི་སྐུར་གྲོལ། འགག་པ་མེད་པ་ལོངས་སྐུར་གྲོལ། གནས་པ་མེད་པ་སྤྲུལ་སྐུར་གྲོལ། །ཉོན་མོངས་པ་ལྔ་ཡེ་ཤེས་སུ་གྲོལ། ཕུང་པོ་ལྔ་རིགས་ལྔར་གྲོལ་བའོ། །ཟབ། ཨྠྀི།། །།
༄༅། །ཕག་མོའི་བཀའ་སྡོད་ཀྱི་སྒྲུབ་ཐབས་བཞུགས་སོ། །
༄། །བླ་མ་རིན་པོ་ཆེ་གནས་ནང་པས་གསུངས་པའི་མཁའ་འགྲོ་མའི་སྒྲུབ་ཐབས།
༄༅། །ཕག་མོའི་བཀའ་སྡོད་ཀྱི་སྒྲུབ་ཐབས་བཞུགས་སོ། །བརྒྱུད་པའི་བླ་མ་དམ་པ་དང་། །རྡོ་རྗེ་ཕག་མོ་འཁོར་བཅས་ལ། །ཀུན་ནས་དང་བས་ཕྱག་འཚལ་ལོ། །བླ་མ་རིན་པོ་ཆེའི་ཞལ་ནས་གསུངས་པའི་རྡོ་རྗེ་ཕག་མོའི་བཀའ་སྡོད་ཕོ་ཉ་མོ་འདིའི་སྒྲུབ་ཐབས་ལ། གནས་དབེན་པར་ནུབ་ནས་དྲངས་པའི་ས་བླངས་ལ། མཎྜལ་འཕངས་དང་རྒྱ་རྐྱང་ཁྲུ་གང་བྱས་ལ། དེ་ནས་རྒྱབ་ཏུ་སོར་གསུམ་འཐེན། ཁ་ཁྱེར་ལ་ཡན་མན་དུ་སོར་གསུམ་ཙམ་འཐེན། བྲུབ་ཁུང་གི་ཕྱི་ནང་མཚམས་སུ་སྐྱེར་དམར་གྱི་རྩང་ཉི་ཤུ་རྩ་གཅིག་གཙུག །གཙང་གི་ཁ་ལ་ལིང་ག་དང་སྙིང་སྣ་ཚོགས་གཟུག །བསྒྲུབ་པ་འདིའི་རྫས་ནི། ཕག་གུ་ཁྲ་བོའི་རོ་མ་
2-2-96a
༄༅། །ཉམས་པ་གཅིག་བྲུབ་ཁུང་དུ་ཕྱིན་རྒན་དུ་བཞག །དེའི་སྟེང་དུ་དུར་ཁྲོད་ཀྱི་གཡམ་པ་ལ་རྡོ་རྗེ་རྒྱ་གྲམ་བྲིས་ལ། བྲུབ་ཁུང་ཁ་བཅད། དེའི་སྟེང་དུ་རིན་པོ་ཆེའི་གཏོར་གཞོང་དུ་ཤ་ཆེན་གྱི་གཞི་བྱས་པའི་ཤ་སྣ་ཚོགས་དང་། ཁྲག་ཆེན་གྱི་གཞི་བྱས་པའི་ཁྲག་སྣ་ཚོགས་དང་། རིན་པོ་ཆེ་སྣ་ཚོགས་དང་། ཨ་མྲྀ་ཏ་དང་། རྟེན་གཏོར་ཤ་ཆེ་བ་གཅིག་བྱ། བོང་བུའི་ཤ་མི་བཏང་། ཕྱི་མ་ལ་འདྲེ་མི་ཉན། སྨྱུག་མ་སུམ་ཚལ་དུ་བཏང་བ་གཅིག་གཏོར་མའི་ནང་དུ་བཙུགས་ལ། ལིང་ག་གྲི་ཁྲག་གིས་བྲིས་ལ་སྙིང་གར་ཨགྣེ་ཡེ་དགྲ་བོ་མཱ་ར་ཡ་ཧཱུྃ་ཕཊ་བྱ་བ་བྲི། ལིང་ག་ཞིང་རྒྱུས་ཀྱིས་བཏགས་ལ་མགོ་བོ་ཐུར་དུ་བསྟན། ཁ་རང་ལ་ཚུར་བསྟན། དར་དམར་པོ་ཁ་ཆེན་གང་སྨྱུག་མ་བཞི་ལ་བཀོན་ལ་གུར་དུ་ཕུབ། ལིང་ག་རང་གིས་མི་མཐོང་བར་བྱས་ལ། བྲུབ་ཁུང་དུ་དུར་ཁྲོད་ཀྱི་སོལ་བས་བྱུག །དུས་དྲུག་ཏུ་ཚིལ་ཆེན་གྱི་དུད་པ་རྒྱུན་མ་ཆད་པར་བཏང་། ཕག་མོའི་བཀའ་སྡོད་ཡིན་པས་རང་ཉིད་ཕག་མོར་བསྒོམ། བྲུབ་ཁུང་འོད་ནག་པོའི་ཁང་པ་གྲུ་གསུམ་པ་གཅིག་ཏུ་དམིགས། དེའི་ནང་དུ་མཁའ་འགྲོ་མ་སྐུ་དོག་དམར་པོ་ཞལ་གཅིག་ཕྱག་གཉིས་མ་གཡས་གྲི་གུག་ངར་མ་བསྣམས་པ། གཡོན་དགྲ་བོའི་ཙིཏྟ་བསྣམས་པ། རལ་པ་མ་གཏུབས་པ། འཚམ་ཞིང་རྔམ་པ་གཅེར་བུ་རྒྱན་མེད་པ་གཅིག་ལྕགས་ཀྱི་འཕར་སྤྱང་མགོ་དགུ་པ་ལ་ཞོན་པ། དེ་ལྟ་བུ་
2-2-96b
གཅིག་བསྒོམ། བོད་རྦད་བསད་གསུམ་དྲིལ་བ་ནི། ཨོཾ་བཛྲ་ཌཱ་ཀི་ནི་བཻ་རོ་ཙ་ནཱི་ཡེ་བྷནྡྷ་ཚིནྡྷ་རཀྟ་ཆེ་གེ་མོའི་སྙིང་ཁ་རག་རག་མོས་དྲོངས་ཁུག་མྱུར་དུ་དྲོངས་ཁུག་ཛ་ཛ༔ དགྲ་བོའི་སྙིང་ཤིག །དུམ་བུར་ཆོད། དགྲ་བོ་མཱ་ར་ཡ་ཛ་སོད། དགུག་འདྲེན་ནི་ཆོས་སྐྱོང་གཞན་དང་མཐུན། གཏོར་མ་དགྲའི་ཤ་ཁྲག་དུ་དམིགས་ལ། ཨོཾ་བ་ལིཾ་ཏ་ཌཱ་ཀི་བཻ་རོ་གྲྀཧྞ་ཧཱུཾ་ཕཊ་ཁཱ་ཧི། ལས་ཀྱི་མཁའ་འགྲོ་མ་ཐམས་ཅད་ཀྱིས་དགྲ་བོའི་ཤ་ཁྲག་གསོལ་བར་བསམ། དཀར་གསུམ་མི་ཟ། ཤ་ཆང་ལོངས་སྤྱོད། དཀར་གཏོར་མི་བྱ། སྤྱིར་ཞག་བདུན་བསྒྲུབ། བདུན་གྱི་རྒོངས་མོ་ཙ་ན་མཁའ་འགྲོ་མས་ལིང་ག་དང་གཏོར་མ་མངོན་དུ་ཁྱེར་བ་བྱུང་ན། གཏོར་མ་དང་ལིང་ག་སྦྱིན་སྲེག་བྱ། དགྲ་གཅིག་ལས་མི་ཚུད། སྤྱིར་དཔོན་མི་དགོས། དེ་ལྟར་བྱས་ན་རབ་ཞག་བདུན་གྱིས་འཆི། འབྲིང་ཉི་ཤུ་རྩ་གཅིག་གིས་འཆི། ཐ་མ་ཞག་བཞི་བཅུ་རྩ་གཉིས་ཀྱིས་མི་འཆི་མི་སྲིད་དོ། །དངོས་ལ་ཚད་བཙུག །རྡོ་རྗེ་ཕག་མོའི་བཀའ་སྡོད་ཡིན་པས་བཀའ་སྡོད་དུ་བསྒྲུབ་བོ། །བླ་མ་རིན་པོ་ཆེ་གནས་ནང་པས་གསུངས་པའི་མཁའ་འགྲོ་མའི་སྒྲུབ་ཐབས་རྫོགས་སོ།། །།
༄། །བཀའ་གཏོད་ཀྱི་གདམས་པ།
ན་མོ་བཛྲ་ཡོ་གི་ནཱི། རྣལ་འབྱོར་མའི་བཀའ་ཉན་འདི་བསྒྲུབ་པ་ལ་དོན་བཞི་སྟེ། དེ་ལ་གསང་ཞིང་རྫས་བསག་པ་དང་། བདག་གཞན་བསྐྱེད་ཅིང་ཕྲིན་ལས་བཅོལ་བ་དང་། ལས་མཁན་ཡོངས་སུ་མྱ་ངན་ལས་འདའ་བ་དང་། 
2-2-97a
༄༅། །ལས་གཞུང་བསྲེ་མནན་མཐའ་བཏུལ་བའོ། །དང་པོ་གཉིས་ཀྱི་དཀྱིལ་འཁོར་བྱ་བ་ནི། དུར་ཁྲོད་ས་ལ་འཕང་དང་རྒྱར་ཁྲུ་གང་གྲུ་གསུམ་དུ་བྱས་ལ་དེའི་ཁ་ཁྱེར་རྒྱབ་ཏུ་ཁ་ཁྱེར་སོར་གསུམ་ཡར་བརྩིག ༑ གྲི་ཁྲག་དང་དུར་སོལ་གྱིས་བྱུག །དེ་ནས་རྫས་ནི། ཕག་གུ་ཁྲ་བོ་རོ་མ་ཉམས་པ་གཅིག་གི་ཁར་ལིང་ག་སོར་གསུམ་པ་ཁྲག་གིས་བྲིས་པ་དང་། དཔྲལ་བར་རུས། སྙིང་གར་ཪྣྲི་དང་མིང་བྲི། ཡང་སྙིང་གར༑ ཨཧྣེ་ཡེ་དགྲ་བོ་མཱ་ར་ཡ་ཧཱུྃ་ཕཊ་བྲི། མཐའ་མ་ལ་སྔགས་ཀྱིས་གཡོན་དུ་བསྐོར། མཚོན་སྐུད་ཀྱིས་རྒྱ་གྲམ་དུ་བཅིངས་ལ་བཅུག །དེ་བྲུབ་ཁུང་ནང་དུ་ཕྱི་རྒན་དུ་ནུབ་བྱང་མཚམས་སུ་ཁ་བསྟན་ལ་བཅུག །དེའི་སྟེང་དུ་དུར་ཁྲོད་གཡམ་པ་ལ་རོ་སོལ་གྱིས་རྡོ་རྗེ་རྒྱ་གྲམ་བྲིས་པས་ཁ་བཅད། དེའི་སྟེང་དུ་རྟེན་གཏོར་བཅའ་བ་ནི། རིན་པོ་ཆེའམ་ཐོད་པའི་སྣོད་དུ་བཤོས་བུ་ཟུར་གསུམ་པ་སྔ་མ་ལྟར་བྲིས་ལ་མགོ་མར་ལ་བསྟན་ལ་བཏགས་ཁྲུ་གང་བ་གཅིག་ལ་སྨྱུག་རྒོད་ཁྲུ་གང་བ་གཅིག་སུམ་དུམ་དུ་བཤགས་ལ་ལིང་ག་གསུམ་པ་པ་ཟུར་གསུམ་བཅུག་སྟེ་གཏོར་མའི་ནང་དུ་བཞག །གཞན་ཡང་ཤ་ཆེན་གྱིས་གཞི་བྱས་པའི་ཤ་སྣ་ཚོགས་པའི་ཕུད་ཆང་ཨ་མྲྀ་ཏ་བླུག་ལ་བཞག་གོ །གྲུ་གསུམ་གྱི་ཕྱི་ནང་མཚམས་སུ་སྐྱེས་དམར་གྱི་རྩང་ཉི་ཤུ་རྩ་གཅིག་ཁྲུ་རེ་བ་སྨད་དུར་སོལ་དང་དུག་གིས་ནག་པོར་བྱ། སྟོད་གྲི་ཁྲག་དང་མཚལ་གྱིས་དམར་པོར་བྱུགས་ལ་སྲིན་མོ་
2-2-97b
འགྲོས་སུ་བཙུགས། དེའི་སྟེང་དུ་དར་དམར་པོ་ཁ་གང་གི་གུར་ཕུབ། རང་གི་མིག་གིས་མི་མཐོང་བར་བྱའོ། །གཞན་ཡང་ཐོད་པ་མཚན་ངན་དུམ་བུ་དྲུག་པའི་ནང་དུ་ཁྲག །ཡུངས་དཀར་ནག །ཟངས་ཕྱེ། ལྕགས་ཕྱེ། གཡུལ་སར་མི་ཤི་བསད་བྱས་པའི་ས་རྡོ་རྣམས་བླུག་ལ་བཞག །གཞན་རྒྱུན་གཏོར་རྒྱ་ཆེན་པོ་བཤམ། གཞན་ཡང་དར་དམར་པོ་ལ་མཚལ་དང་གྲི་ཁྲག་རྒྱ་སྐག་བསྲེས་ལ་གྲི་གུག་མས་མཚན་པ་སོ་གཡོན་དུ་ལྟ་བ་གཅིག་བྲི། གཙོ་འཁོར་གྱི་སྔགས་ཀྱིས་གཡོན་དུ་བསྐོར། གྲི་སྙིང་གི་ཕྱི་མ་ཨ་མྲྀ་ཏར་བླུག་པ་གྲུ་གསུམ་ཆོས་འབྱུང་དུ་བཏབ་ཅིང་ཞིང་ལྤགས་ཀྱི་ཁུག་མར་བཅུག །གཙོ་འཁོར་ལས་མཁན་དང་བཅས་པ་བསྐྱེད། ལན་བརྒྱ་རྩ་བརྒྱད་བཀུག་ལ་བསྟིམ། གསོལ་བ་གདབ། ཕྲིན་ལས་བཅོལ། དེ་བསྒྲུབ་པ་བྱེད་པའི་དུས་སུ་རང་གི་ལུས་ལ་བཅང་ངོ་། །གཉིས་པ་ལ་གསུམ་གྱི་དང་པོ་ནི། བདག་ཉིད་རྗེ་བཙུན་མར་བསྐྱེད་ལ་བཟླས་བསྒོམ་བྱའོ། །དེ་ནས་ཕྱི་རྒྱུད་པོ་ལ་དཀར་གཏོར་བཏང་། བཀའ་བསྒོ། བདེན་པ་བདར། དྲག་པོའི་ལས་ཡིན་པས། བསྒྲུབ་པ་ལ་ཞུགས་ནས་དཀར་གཏོར་བཅད། །རང་ཉིད་དཀར་གསུམ་བཅད། ཤ་ཆང་བཟའ་བཏུང་བྱ། བཟའ་བཏུང་བདུད་རྩིར་བྱིན་གྱིས་རླབས། ཁ་ཟས་ཀྱི་རྣལ་འབྱོར་བྱ། བོང་བུའི་ཤ་ཁྲག་ལ་གཏོར་མ་མི་བྱ། ཚིལ་ཆེན་དང་ཨ་ཀ་རུ་ནག་པོ་དང་། གུ་གུལ་དང་
2-2-98a
༄༅། །གླ་བའི་སྤོས་མེར་བསྲེག །དེ་ནས་ལས་མཁན་བསྐྱེད་པ་ནི། བྲུབ་ཁུང་དེ་དུར་ཁྲོད་ཁང་པའི་དབུས་སུ་རཀྟའི་རྦ་ཀློང་འཁྲུག་པ། ཞིང་ཆེན་གསར་རྙིང་གི་ཁྲི་སྟེང་དུ་ཛ་ནག་པོ་ལས་ལྕགས་ཀྱི་སྤྱང་མོ་མགོ་དགུ་པ་ནི། སྟག་སེང་དོམ་དྲེད་འཕར་སྤྱང་གཟིག་ཁྱི་སྒང་པ་དང་དགུ་མདུན་གྱི་ལིང་གའི་མགོ་བོར་འདུག་པ། སྤུ་གནམ་ལྕགས་ཀྱི་ཐུར་མས་གཤིབས། མཇུག་མ་གནམ་ལྕགས་ཀྱི་སོག་ལེ། རླུང་གི་གཤོག་པ་རལ་གྲི་གཤིབས་པ་འདྲ་བ། ཚ་ཚ་དམར་ནག་འཕྲོ་བ། ཁ་རླངས་སྔོ་དམར་ནད་ཀྱི་ན་བུན་འཐུལ་བའོ། །དེའི་སྟེང་དུ་དམར་ནག་ལས་བུད་མེད་དམར་མོ་ཕྱག་གཉིས་མ། གཡས་གྲི་གུག །གཡོན་ཐོད་ཁྲག །ཞབས་གཡས་བསྐུམ་གཡོན་བརྐྱང་བ། བསུས་པ་ལྷོར་བ། མཆེ་བ་གཙིགས་པ། སྤྱན་ཁྲོད་དུ་འདུག་པ། བསེའི་ལན་ཕྲན་ཅན། དུང་གི་སོ་ཅན། ཁྲོས་གཟུགས་ཅན། དེའི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་གྲི་གུག་གཡོན་དུ་བལྟ་བ་ལ་མས་མཚན་པ། མཐའ་མ་སྔགས་ཀྱིས་བསྐོར་བར་བསྒོམ་མོ། །དེ་ནས་ཕྲིན་ལས་བཅོལ་བ་ནི། རང་གི་ཐུགས་ཀའི་ཕྱག་མཚན་ནམ་ས་བོན་ལ་ཕོག །འོད་ཟེར་དམར་ནག་ལྕགས་ཀྱུ་ལྟ་བུ་སྤྲོས་པས། འཇིག་རྟེན་གྱི་མཁའ་འགྲོ་མ་ཐམས་ཅད་ཁབ་ལེན་གྱིས་ལྕགས་ཕྱེ་བསྡུ་བ་ལྟར་ཐམས་ཅད་འུབ་ཀྱིས་བསྡུས་པ་ལས་མཁན་དང་རྩང་རྣམས་ལ་ཐིམ། དེ་ནས་ཐུགས་
2-2-98b
རྗེའི་སྔགས་ལ་དམིགས་པ་གཏད་ལ་བཟླས་པ་བྱའོ། །སྐབས་སུ་རང་གི་ཐུགས་ཀ་ནས་རང་དང་འདྲ་བ་གཅིག་སྤྲོས་པ་ལས་མཁན་གྱི་སྤྱི་བོར་གར་བྱས་པས་འདར་ལྡི་ལི་ལི་བྱེད་པར་བསམ། དེ་རྒྱས་བཏབ་པའོ༑ ༑དེ་ནས་བསད་པ་དངོས་ནི། ལས་མཁན་གྱི་མདུན་དུ་ལྕགས་ཁང་ནག་པོའི་ནང་དུ་རྨི་ལས་བསྒྲུབ་བྱ་བསྐྱེད། རང་གི་འོད་ཟེར་གྱིས་མོ་བསྐུལ། འོད་ཟེར་ལྕགས་ཀྱུ་ལྟ་བུར་སྤྲོས་པས། བསྒྲུབ་བྱ་བཀུག་ལ་བསྟིམ། དེ་ནས་ཅུང་མཁའ་འགྲོ་མར་བསྐྱེད་པ་རྣམས་ཀྱིས་ལིང་ག་ལ་བསྟིམ་པར་བསམ་མོ། །དེའི་རྗེས་ལ་ཐུན་རྫས་རྣམས་ལ་སྔར་བཞིན་བསྐྱེད་པ་རྣམས་བརྡེག་པ་ནི། ཡང་སྔར་བཞིན་སྤྲོ་བསྡུ་བྱས་ལ་བསྒྲུབ་བྱ་བཀུག་ལ་གཏོར་མ་ལ་བསྟིམ། ཕྱག་མཚན་ལ་མཚོན་ཆ་སྤྲོས་ལ་ཤ་ཁྲག་གཏུབས་ལ་བྱིན་རླབས་ཡི་དམ་ལྟར་བྱས་ལ་རྣལ་འབྱོར་མ་ལ་དབུལ། ལས་མཁན་གྱི་སྙིང་པོའི་བཤམ་ལ། ཨོཾ་བ་ལིཾ་ཨུརྟ་གྲྀཧྞ་ཧཱུཾ་ཕཊ། ཅེས་དབུལ་ལོ། །གསུམ་པ་ནི། ཐུན་མཚམས་ནས་རང་གི་ཐུགས་ཀ་ནས་འོད་ཟེར་སྤྲོས་པས་ཕྱི་སྣོད་ཀྱི་འཇིག་རྟེན་གྱི་ཁམས་ལ་ཕོག །དེ་ནང་བཅུད་ཀྱི་འགྲོ་བ་ལ་ཐིམ། དེ་ཡང་འོད་གསལ་སྟོང་པར་བསྒོམ་མོ། །དེ་ལྟར་ཞག་བདུན་ནམ་བཅུ་བཞིའམ། ཉེར་གཅིག་བར་དུ་མཚན་མ་གསུམ་མ་བྱུང་གི་བར་དུའོ། །རབ་སྔར་བཤད་པའི་ཌཱ་ཀི་ནིས་རྟེན་གཏོར་དང་ལིང་ག་ཁྱེར་ནས་འགྲོ། འབྲིང་ཡིད་ལ་རྒྱུ། 
2-2-99a
༄༅། །ཐ་མ་རྨི་ལམ་དུ་འོང་ངོ་། །དེ་ནས་སྐབས་ཕྱེའོ། །བཞི་པ་ནི། བྲུབ་ཁུང་དེ་ཉིད་དུ་མཁའ་འགྲོ་ཞལ་དུ་རྟེན་གཏོར་དང་ལིང་ག་གཏུམས་ལ་དགུག་གཞུག་བྱའོ། །གཏོར་སྔགས་བརྗོད་ལ་འབུལ་ལོ༑ ༑དེ་ནས་བསྲེག་སྔགས་ལྟར་བྱའོ། །ཐ་མ་གཉན་པའམ། ལམ་རྒྱ་གྲམ་དུ་དོང་གྲུ་གསུམ་བྲུས་ལ་མནན་ནོ། །དེས་རབ་ཞག་བདུན། འབྲིང་ཉི་ཤུ་གཅིག །ཐ་མ་བཞི་བཅུ་ན་འཆིའོ། །སྤྱིར་ཇི་ལྟར་དཀའ་ན་ཡང་ཟླ་བ་གསུམ་ཕྱིན་ཆད་སྡོད་མི་སྲིད་དོ། །དངོས་ཉིད་ལ་ཚད་འཇུགས་སོ། །སྤོགས་ཆོག་མི་དགོས། དགྲ་ཤི་ཚད་བྱས་ནས་མ་ཤི་ན། སྤོགས་ཆོག་དགོས། །ལིང་ག་གཅིག་ལས་མི་ཚུད། བཀའ་གཏོད་ཀྱི་གདམས་པ་རྫོགས་སོ།། །།
༄། །བཅོལ་བའི་ཕྲིན་ལས་སྒྲུབས་པ།
བྷྱོ་ཉི་མ་ལྷོ་ནུབ་ཕ་ཀི་ན། །མུན་ནག་འཁྲིགས་པའི་དུར་ཁྲོད་ནས། །ཁྲག་གི་རྒྱ་མཚོ་བཀྱིལ་ལི་ལི། །ནད་ཀྱི་ན་བུན་ཐུ་ལུ་ལུ། །མི་རོ་འབུམ་ནི་རི་ལྟར་སྤུངས། །རྟ་རོ་འབུམ་ནི་བཅལ་དུ་བཀྲམ། །གཅན་གཟན་ངར་སྐད་ལྷུབ་སེ་ལྷུབ། །ཤན་པ་རྣམས་ནི་སྲོག་ལ་ཤམ་སེ་ཤམ། །ལས་མཁན་རྣམས་ནི་ལས་ལ་ཀྱུ་རུ་རུ། །གཤིན་རྗེ་སྲིན་པོ་འཁྲུག་པའི་ས། །དེ་ལྟ་བུ་ཡི་དུར་ཁྲོད་ན། །རྡོ་རྗེ་ཕག་མོའི་བཀའ་ཉན་མོ། །ལས་ཀྱི་མཁའ་འགྲོ་སྤྱང་ཞོན་མ། །གཅེར་བུ་མདོག་དམར་རལ་པ་གཡེངས། །ཕྱག་གཡས་གྲི་གུག་ངར་མ་ཡིས། །དགྲ་བའི་ཚེ་སྲོག་རྒལ་ནས་གཅོད། །གཡོན་པ་ཙིཏྟ་དམར་
2-2-99b
བསྣམས་པས། །དགྲ་བོའི་སྙིང་ཁྲག་འཐུང་བར་མཛད། །ཁྱོད་ཀྱི་ཐུགས་དམ་དུས་ལ་བབ། ། བྷྱོ། སྡང་བའི་དགྲ་བོ་ལས་ངན་འདིས། །སངས་རྒྱས་བསྟན་པ་འདི་ཡིས་བཤིག །དཀོན་མཆོག་གསུམ་ལ་འདི་ཡིས་གནོད། །ཐེག་པ་ཆེན་པོ་འདི་ཡིས་སྤངས། །རྣལ་འབྱོར་བར་དུ་འདི་ཡིས་བཅད། །སློབ་དཔོན་སྐུ་ལ་འདི་ཡིས་བསྡོས། །འདི་ནི་བསྒྲལ་བའི་ཞིང་ཡིན་པས། །ལས་ཀྱི་མཁའ་འགྲོ་འཁོར་བཅས་ཀྱིས། །ནམ་གྱི་པར་ཕྱེད་ཚུར་ཕྱེད་ནས། །ལྷན་ཅིག་སྐྱེས་པའི་ལྷ་དང་ཕྱེ། །མཉམ་པོར་འོངས་པའི་བདུད་དང་སྤྱོད། །དམིགས་པའི་དགྲ་བོ་དམ་ཉམས་ཀྱི། །སྙིང་གི་ཙིཏྟ་ཕྱུང་ལས་ཤོག །སྲོག་གི་རྩ་བ་ཆོད་ལས་ཤོག །དབུགས་ཀྱི་དབང་པོ་ཕྲོལ་ལ་ཤོག །ཤ་དང་རུས་པ་ཕྱེ་ལ་ཤོག ། ཀླད་ཁྲག་དྲོན་མོ་དཀྲུགས་ལ་ཤོག །དབང་པོ་རྟེན་དང་ཕྲོལ་ལ་ཤོག །དམར་གྱི་གཏོར་མ་བཞེས་ལ། །བཅོལ་བའི་ཕྲིན་ལས་སྒྲུབས་པར་མཛོད༑ ༑ཅེས་བསྐུལ་ལོ། །ཨོཾ་བཛྲ་ཌཱ་ཀི་ནི་བཻ་རོ་ཙ་ནི་ཡེ་ཆེ་གེ་མོ་འདུ་ནི་ཡེ། བྷནྡྷ་ཚིནྡྷ་རཀྟ་ཆེ་གེ་མོའི་སྙིང་རག་རག་མོ། རག་མོས་ཁུག་ཁུག་མྱུར་དུ་ཁུག་ཁུག་ཛཿཛཿ ཆེ་གེ་མོ་ཤག་སྙིང་དུམ་བུར་ཆོད། ཆེ་གེ་མོ་མཱ་ར་ཡ་ཛ་སོད།། །།
༄། །མན་ངག་གསང་བསྒྲུབ།
གུ་རུ་ན་མོ། འདི་ནི་མཐུ་མི་འབྱུང་ཁ་མེད་ཀྱི་ལས་ཡིན་ལ། ལས་ལས་བུལ་ན་ཡང་བྱ། འཁུ་ལྡོག་ཡོད་དོགས་ན་ཡང་བྱ། མན་ངག་གསང་བསྒྲུབ་ཡིན་གསུང་ངོ་། །འདི་ལྟར་བྱས་
2-2-100a
༄༅། །ནས་ལས་མ་གྲུབ་ན་བསླུས་པ་ཡིན་ནོ། །འདི་ཡི་གདམས་ངག་ལ་གནད་གསུམ། གཉེན་པོ་ལྷ་སྔོན་དུ་བཏང་བ་དང་། གཉེན་པོ་སྔགས་སྔོན་དུ་བཏང་བ་དང་། ལས་མཁས་ཡོངས་སུ་མྱ་ངན་ལས་འདའ་བའོ། །དེ་ལ་དང་པོ་མདུན་དུ་མཁའ་འགྲོ་མ་བསྐྱེད། དེའི་དབུས་ཀྱི་སྟེང་དུ་བདག་ཉིད་ཀྱི་ཐུགས་ཀ་ནས་རང་བཞིན་གྱི་གནས་ནས། རྗེ་བཙུན་མ་བྱོན་ནས་གར་བྱེད་པར་བསམ་མོ། །འདི་ནི་རྨི་ལམ་དུ་མི་ཆུད་པ་བྱུང་ན་བྱས་པ་ཡིན་ནོ། །དབུ་ལ་རྒྱས་གདབ་ཞེས་བྱའོ། །འཇིགས་པར་མ་བྱུང་ན་ལས་བྱས་ནས་འདི་བྱ་བར་མ་བཤད་དོ། །བདག་ཉིད་རྡོ་རྗེ་རྣལ་འབྱོར་མར་བསྒོམ་མོ། །གདེང་དང་ལྡན་པས་གཉེན་པོའི་སྔགས་ནི་ལྷའི་སྔགས་ཀྱི་བཤམ་ལ་བཏགས་སོ། །དུས་དྲུག་གི་ཐུན་མགོ་ལ་བརྒྱ་རྩ་བརྒྱད་རེ་བཟླས་སོ། །དེ་ནི་སྔགས་དང་བསྒོམ་པའི་གནད་དོ། །ལས་མྱུར་བར་བྱ་བ་དང་། ཕ་རོལ་གྱི་རྣམ་ཤེས་མཐོ་རིས་སུ་བཏོན་པ་དང་། བཀྲ་ཤིས་པར་བྱ་བའི་ཕྱིར་ལས་མཁན་མྱ་ངན་ལས་འདའ་བ་ནི། བདག་གི་ཐུགས་ཀ་ནས་འོད་ཟེར་འཕྲོས་པས། ཕྱི་སྣོད་ཀྱི་འཇིག་རྟེན་ལ་ཕོག་པས་འོད་ཀྱི་རྣམ་པར་གྱུར། དེ་ནང་བཅུད་ཀྱི་འགྲོ་བ་ལ་ཐིམ། དེ་འོད་དུ་ཞུ་བ་ལས་མཁན་ལ་ཐིམ། ལས་མཁན་ཡང་འོད་ཀྱི་རྣམ་པར་བདག་ལ་ཐིམ། བདག་ཀྱང་ཐུགས་ཀའི་ས་བོན་ལ་ཐིམ། ས་བོན་ཡང་རང་ཉིད་ཀྱི་སེམས་ཀྱི་ངོ་བོ་
2-2-100b
སེམས་ཉིད་སྐྱེ་བ་མེད་པར་བསྒོམ། ལས་མཁན་ཡོངས་སུ་མྱ་ངན་ལས་འདའོ། །འདི་ནི་མན་ངག་གསང་བསྒྲུབ་བོ།། །།
༄། །སློབ་དཔོན་ཆེན་པོ་ནཱ་རོ་པས་མཛད་པའི་གདམས་ངག
ན་མོ་གུ་རུ། སློབ་དཔོན་ཆེན་པོ་ནཱ་རོ་པས་མཛད་པའི་གདམས་ངག །རྡོ་རྗེ་ཕག་མོའི་རྒྱུད་བསྲུང་ངན་སྔགས་ཀྱི་སྤུ་གྲི་རེ་གཅོད་མཚོན་ཆ་ལྟ་བུའི་གདམས་ངག་ནི། དུག་དང་འདྲ་སྟེ་མ་སྤེལ་ཅིག་རྩྭའི་ནང་དུ་མེ་ཤོར་བཞིན། །སྤེལ་ན་རྒྱལ་ཁམས་ཕུང་པར་འགྱུར། །དེ་བས་འདི་ནི་ཤིན་ཏུ་དཀོན། ཤིན་ཏུ་གསང་ལ་བསྒྲུབ་པར་བྱ། །འདི་བསྒྲུབ་པའི་དུས་སུ་གཙོ་མོའི་ཚོགས་མཆོད་རྒྱུན་དུ་བྱ། །གཙོ་མོའི་བུམ་པ་གཅིག་གིས་ཁྲུས་བྱ། འདི་ནི་བསྲུང་འཁོར་དུ་འགྲོ་བ་ཡིན། དཀྱིལ་འཁོར་གྱི་གཡས་ཕྱོགས་སུ་མདའ་བྱ་རྒོད་མ་གཅིག་གི་མགུལ་དུ་དར་དམར་པོ་ཁ་གང་བཏགས་ལ་བཙུག་གོ །འདོད་པའི་དུས་སུ་གཡབ་བོ། །ཞིང་ལྤགས་ལ་ཊཱ་ཀི་མའི་སྐུ་བྲིས་ལ་ཡང་རྟེན་དུ་བཙུག་གོ །གྲི་སྙིང་ནང་དུ་ཨ་མྲྀ་དང་རིན་པོ་ཆེ་སྣ་ལྔ་དང་། མཚལ་དང་རྒྱ་སྐག་དང་། གྲི་རྒོད་ཁྲག་དང་སྦྱར་ལ། སྙིང་པོ་བྲིས་ལ་བཙུག་གོ །བྱ་ནག་པོའི་སྙིང་དང་རྒྱལ་མཚན་དར་སྣ་ཚོགས་ཀྱིས་བརྒྱན་པ་གཅིག་གཏོར་མའི་ཁར་བཙུག་གོ །བྷནྡྷ་ཁྲག་གིས་བཀང་བ་དང་། གྲི་གུག་མས་མཚན་པ་དང་། གྲི་རྒོད་རྐང་གི་དུང་དང་། བྷནྡྷའི་རྔ་དང་། ཌཱ་མ་རུའི་སྒྲ་དང་། གདུང་བའི་དབྱངས་ཀྱིས་བསྟོད་པར་བྱའོ། །རྟགས་བྱུང་པ་དང་། དཀྱིལ་འཁོར་གྱི་རྫས་རྣམས་
2-2-101a
༄༅། །བཏོན་ལ། ཐབ་ཏུ་མེ་བཏང་ལ། དེར་ལྷ་མོ་ཇི་ལྟ་བ་བཞིན་བསྐྱེད་ལ། རྟེན་གཏོར་དང་། ཕག་རོ་དུམ་བུར་གཏུབས་པ་དང་། ལིང་ག་སྦྱིན་སྲེག་བྱའོ། །སྔགས་ནི། བསྙེན་སྔགས་ལ་དགྲ་བོ་མཱ་ར་ཡ་ཕཊ། ཅེས་པས་བསྲེག་གོ །ཐོན་ནས་ཕྱི་མིག་མི་ལྟ་བར་ཐལ་བ་ཅི་རིགས་པར་བྱའོ། །ལིང་ག་དེ་མནན་ན་ཡང་གཉན་གསུང་ངོ་། །བཀྲ་ཤིས་པར་གྱུར་ཅིག། །། ༄༅། །དུས་གསུམ་མཁྱེན་པའི་ཞུས་ལན་ནོ། །བླ་མ་དམ་པ་རྣམས་ལ་ཕྱག་འཚལ་ལོ། །བྱིན་གྱིས་བརླབས་ཀྱི་དགོན་པ་རུ། །བདག་ཉིད་དབུ་མའི་གནས་སུ་རླུང་ཚུད་པས། །མི་རྟོག་བདེ་གསལ་དོན་མཐོང་ནས། །དེའི་དོན་རྟོགས་བླ་མ་རྗེ་ལ་ཞུས། །ཞུས་ལན་རྗེད་འཇིགས་ཅུང་ཟད་ཡི་གེར་བྲིས། །བདག་གིས་བསྒོམས་པས་རྣམ་རྟོག་ཐམས་ཅད་དང་བྲལ་བ། རང་བཞིན་གྱིས་འོད་གསལ་བ། ངོ་བོ་བདེ་བ་དེ་གསུམ་དབྱེར་མེད་པ། བརྗོད་དུ་མ་བཏུབ་པ་ཞིག་བྱུང་པའི་དུས་སུ། ནམ་མཁའ་ལ་བྱང་ཆུབ་སེམས་དཔའ་མང་པོའི་གཟུགས། རོལ་མོའི་སྒྲ་སྒྲོགས་ཤིང་པིར་ཏི་རི་གསུང་གིན་གདའ་ན། དེ་ཅི་ལགས་ཞུས་ནས། རྗེ་བཙུན་གྱི་ཞལ་ནས། རླུང་དབུ་མར་ཚུད་པ་ཡིན་ཏེ། ཅུང་ཡང་རླུང་བཅུན་དྲག་པས། རྩུབ་རླུང་དུ་སོང་བ་ཡིན། རྩུབ་རླུང་དང་འཇམ་རླུང་གི་ཁྱད་ཅི་ལགས་ཞུས་པས། རྩུབ་རླུང་ནི་སྟོང་འོག་གི་རླུང་གཉིས་ཀ་
2-2-101b
ཟུག་དང་བཅས་ནས་ཐུབ་ཚད་དུ་འཛིན་པ་ཡིན་ཏེ། དཔེ་ཡུར་བ་ཆུས་བརྒྱངས་ནས་འབོ་ཞིང་འདྲལ་བ་དང་འདྲ་བར་ལོག་པ་མང་པོ་འོང་བས། མཛེ་ལ་སོགས་པ་སྐྱོན་ཅན་དུ་འགྲོ་ཉན་ཡོད་གསུང་། འཛམ་རླུང་ནི་སྟེང་རླུང་སུམ་ཆ། འོག་རླུང་སུམ་གཉིས་བཟུང་ནས་བདེ་བའི་བར་དུ་འཛིན། ཟུག་རྔུ་བྱུང་ཙ་ན་དལ་གྱིས་གཏོང་བ་ཡིན་ཏེ། ལོག་མི་འོང་བས་དེ་ལེགས་པ་ཡིན་གསུང་། དེ་གཉིས་ཀྱི་དམིགས་པ་གཏད་ས་ཞུས་པས་འདྲ་གསུང་། འོ་ན་རླུང་དབུ་མར་ཚུད་པ་ལ་དུས་དུ་ཡོད་ཞུས་པས། རང་བཞིན་གྱིས་ཚུད་པ་ལ་བཞིའམ་བརྒྱད་ཡོད་དེ། བཞི་ནི་དང་པོར་སངས་རྒྱས་པའི་དུས་ཚུད། ར་རོ་བ་དང་། ཕོ་མོའི་སྙོམས་འཇུག་དུས་སུ་ཚུད། བརྒྱད་ནི་དེའི་ཁར་རླུང་གཡས་གཡོན་དུ་འཕོ་བ་དང་། ཞེ་སྡང་དྲག་པོ་སྐྱེས་པ་དང་། གཉིད་འཐུག་པོ་དང་། མིག་གིས་གཟུགས་མཐོང་ནས་འཛིན་པ་མེད་པའི་དུས་དང་། བརྒྱད་ལ་འཇུག་སྟེ༑ ཇི་ལྟ་བའི་དོན་མ་རྟོགས་པས་ཡེ་ཤེས་ཀྱི་ཕྱེ་བོ་བྱ་བ་ཡིན། འདིར་བླ་མའི་གདམས་ངག་གིས་ལྷན་ཅིག་སྐྱེས་པའི་རྐྱེན་བྱས་ནས་དུས་གསུམ་དུ་འཇུག་སྟེ། བུམ་པའི་དབང་གི་དུས་དང་། རྨི་ལམ་འོད་གསལ་ཟིན་པ་དང་། རླུང་ལ་སོགས་པ་བསྒོམས་པའི་སྟོབས་ཀྱིས་ཚུད་པའི་དུས་སུ། ཇི་ལྟ་བའི་དོན་མ་བཅོས་པ་དེ་རྟོགས་པ་ཡིན་གསུང་། འོ་ན་ཙཎྜ་ལི་ལ་དམིགས་ནས་རླུང་བཅུན་པ་དང་། མི་རྟོག་པ་བསྒོམ་
2-2-102a
༄༅། ནས་རླུང་བཅུན་པ་སྟོབས་གང་ཆེ་ཞུས་པས། ཙཎྜ་ལི་ཆེ་སྟེ། ཙཎཱ་ལི་ལ་དམིགས་པ་རྣོན་པོས་མ་ཡེངས་པར་བཟུང་ན། དང་པོ་དྲོད་འུར་གྱིས་སྐྱེ། དེ་ནས་བདེ་བ་བསྐྱེད། དེ་ནས་མི་རྟོག་པ་ཤུགས་འབྱུང་དུ་འོང་བས་ན་ཙཎྜ་ལི་བོགས་ཆེ་བ་ཡིན་གསུང་། དང་པོར་དྲོད་སྐྱེས་པ་ཤེས་ནས། བདེ་བ་དང་མི་རྟོག་པའི་གོ་བ་ཅི་ཙམ་ཅིག་འཇོག་པ་ལགས་ཞུས་པས། ཚོད་བཟུང་དུ་མི་བཏུབས། དཔེ་དཔྱིད་ཀྱི་དུས་སུ་ཆུ་དྲོས་པས། འཁྱགས་པ་ཀུན་ཞུ་ནས་མྱུ་གུ་སྐྱེ། དེ་ལས་ལོ་མ་དང་སྡོང་པོ་དང་། མེ་ཏོག་དང་འབྲས་བུ་སྨིན་པ་ལྟར། རླུང་དང་ཙཎྜ་ལི་ལས་དྲོད་སྐྱེ། དེ་ནས་བདེ་བ་ཟུག་རྔུ་དང་བཅས་པ་ལྟེ་བར་ཅག་གིས་འོང་༑ དེའི་དུས་སུ་བདེ་བ་དེ་འཁོར་ལོ་བཞི་རུ་སེམས་བཟུང་ནས་སྤྲོས་པས། བདེ་བས་ལུས་ཐམས་ཅད་ལ་ཁྱབ་ན། རྟོག་པ་ཐམས་ཅད་ཤུགས་ཀྱིས་འགགས་ནས། ཟག་པ་མེད་པའི་བདེ་བ་ཆེན་པོ་ཞེས་བྱ་སྟེ༑ འོག་མ་འོག་མའི་ཤུགས་ལས་འབྱུང་པ་ལས། འདི་ལྟ་བུ་ཡིན་ཞེས་བསྟན་དུ་མི་བཏུབ། བསྟན་པ་རླུང་དབུ་མར་ཚུད་པ་དེ་རང་ཡིན་གསུང་། འོ་ན་རླུང་བཅུན་པའི་མི་རྟོག་པ་དང་། རླུང་མ་བཅུན་པའི་མི་རྟོག་པ་འདྲའམ་ཞུས་པས། མི་འདྲ། རླུང་མ་བཅུན་པའི་མི་རྟོག་པ་དེ། ཚོར་བ་བཏང་སྙོམས། མི་རྟོག་པ་སྟེངས་པོ་བྱ་བ་ཡིན། རླུང་གི་བྱིང་རྒོད་ལ་སོགས་པའི་སྐྱོན་བསལ་ནས། མི་རྟོག་པ་རང་གི་མཚན་ཉིད་
2-2-102b
མངོན་སུམ་དུ་སྐྱེ་བ་ཡིན་གསུང་། འོ་ན་ཚོགས་དྲུག་བཀག་ནས། ནང་དུ་མི་རྟོག་པ་འཇུག་པ་དང་། ཚོགས་དྲུག་མ་འགགས་པར་འཛིན་མེད་ལྷུག་པར་འཇོག་པ་གཉིས་གང་ལགས་ཞུས་པས། ནང་དུ་འཇོག་པ་དེ་ཀུན་གཞི་དྲན་པའི་ས་བོན་ལ་བསྡུས་ནས། མི་རྟོག་པར་འཇོག་པ་ཡིན་ཏེ། ཡང་དག་པ་མ་ཡིན། དེ་ཉོས་དང་མུ་སྟེགས་པ་ལ་ཡང་ཡོད། ཚོགས་དྲུག་ལྷུག་པར་མི་འཇོག་པ་ཡིན་གསུང་། འོ་ན་ཆོས་ཐམས་ཅད་ཀྱི་འབྲས་བུ་འཆི་ཁའི་དུས་སུ་དགོས་པ་ཡིན་ལགས་པས། སྒོམ་ཆེན་པ་འཆི་བའི་ཚེ། གནད་གཅོད་ཀྱི་སྡུག་བསྔལ། ཤེས་པ་མ་མྱོགས་པའི་གོང་དུ་འཕོ་ན། འཕོ་བ་གང་རྣོ་ཞུས་པས། ཧིག་ཀ་ཉི་ཤུ་རྩ་བརྒྱད་དང་། བསམ་དུ་མི་རུང་བའི་འཕོ་བ་བྱ་གསུང་། དེ་གཉིས་ཇི་ལྟར་བགྱི་ཞུས་པས། གཞི་ཏ་སམ་བྷུ་ཊ་ནས་བཤད་པ་ལྟར། རྒལ་ཚིགས་ན་ཡར་པདྨ་འདབ་མ་བཞི་པ་ཉི་ཤུ་རྩ་བདུན་བརྩེགས་པའི་ལྟེ་བར༑ པདྨ་ཀུན་ལ་རང་གི་ཤེས་པ་ཨཱཿའཁྲིས་ནས་ཡོད་པར་བསམ་ལ། དཔའ་བོའི་གོ་ཆས་སྨད་ཀྱི། དཔའ་མོའི་གོ་ཆས་ཁ་ལ་སོགས་པ་སྟོད་ཀྱི་སྒོ་བཀག་ལ། རླུང་ཧིག་དྲག་དྲག་ཏུ་དྲངས་ལ། ཧིག་ཀ་ཞེས་བརྗོད་པས། པད་ལྟའི་ཨ་དེ་སྐུད་པ་ལ་འཁྲིས་ནས། པདྨ་རེ་རེའི་ནང་དུ་ཐོན་པར་བསམ་ལ་འཕོ་བ་སྦྱོང་དུས་བཙུན་བྱས་ལ། ཡང་ཀ་ཧིག་ཅེས། སྟེང་རླུང་ཡང་ནང་དུ་དྲངས། ཨ་ཡང་ཐུར་དུ་བབ་པོ། །རྒས་
2-2-103a
༄༅། །ནས་འཕོ་བ་ནི་མ་ནུས། ཉེར་གཅིག་གི་ཧིག་ཀས་གྱེན་དུ་དྲངས་ལ། ཀ་ཧིག་གིས་མར་ལ་མི་དབབ་པར་ཡང་དང་ཡང་དུ་བྱ། འཕོ་བའི་ཚེ་ཉི་ཤུ་རྩ་བརྒྱད་ཀྱིས་དྲངས་ལ། ཤེས་པ་རང་གར་འདོད་ཀྱི་གནས་སུ་བཏང་གསུང་། དེས་ཕར་འཕོའམ་ཞུས་པས། དེས་ཅུང་མི་འོང་། སྙིང་བསྒུལ་བས་སྙིང་འདར་དུ་འོང་། དེའི་རྗེས་ལ་བསམ་དུ་མི་རུང་བའི་འཕོ་བ་བྱ། དེས་ཐེ་ཚོམ་མེད་པར་འོང་གསུང་། འོ་ན་མི་རྟོག་པ་བསྒོམ་པའི་བསྒོམ་ཆེན་ཡིན་ན། དེ་ལྟར་བགྱིའི་ཞུས་པས། ངའི་བླ་མ་ཆེན་པོའི་ཞལ་ནས། འཆི་བའི་དུས་སུ་གནད་གཅོད་ཀྱི་སྡུག་བསྔལ་འཚེར་ན། གོང་དུ་འཕོ་བ་ཡིན་ཏེ། དེ་མི་དགའ་བར་འདུག་གསུང་༑ འོ་ན་ཇི་ལྟར་བགྱི་ཞུས་པས། འཆི་བའི་དུས་སུ་སེང་གེའི་ཉལ་ཐབས་སུ་གཞོགས་གཡས་པ་འོག་ཏུ་བཅུག་ལ་གློས་ཉལ་ཏེ། ལུས་དང་སེམས་ཕྲལ་ལ། སེམས་དགའ་ལྡན་ལ་སོགས་པར་རང་གང་འདོད་ཀྱི་གནས་སུ་བཏང་སྟེ། དེར་མི་རྟོག་པར་བཞག་པ་རང་དགའ་བ་ཡིན་གསུང་། དེས་འཕོའམ་ཞུས་པས། དགུན་གྱི་མེ་ཏོག་བསྡུས་པ་བྱ་བ། སྟོན་ཀ་སྨིན་པའི་མེ་ཏོག་ལ་རེག་པ་སུངས་ཀྱིས་འགྲོ་བ་དང་འདྲ་བར། ཤི་ཀའི་དུས་སུ། འབྱུང་བ་བསྡུས་པའི་གནད་ཀས་ལུས་སེམས་བྲལ་བས། གནད་གཅོད་སྡུག་བསྔལ་ཡང་མི་ཡོང་བར་མྱུར་བར་འཕོ་བ་ཡིན་གསུང་། འོ་ན་བཙན་ཐབས་ཀྱི་འཕོ་བ་དང་། སྦྱངས་ཏེ་
2-2-103b
འཕོ་བའི་གོ་བ་ཅི་ཙུག་ལགས་ཞུས་པས། བཙན་ཐབས་སྡིག་པོ་ཆེའམ། མི་ཐ་མལ་པའི་ལུས་སེམས་དབྱུག་པ་ལ་འགེལ་བ་ལ་སོགས་པ་ཡིན། སྦྱངས་ཏེ་འཕོ་བ་བསྒོམ་ཆེན་པས། ཧིག་ཀ་བཅུན་པའམ། འཁྲུལ་འཁོར་དྲུག་པའམ། སྲེག་པ་གོང་ནས་སྦྱོང་བ་དེ་ཡིན་མོད་གསུང་། འོ་ན་འཕོས་པས་བར་ས་བར་དོ་ཇི་ལྟར་འབྱུང་ཞུས་པས། བར་དོ་ལ་རྣམ་པ་གསུམ་ཡོད་དེ། ད་ལྟ་རང་སྐྱེ་ཤི་བར་དོ་བྱ་བ་བར་དོ་འདི་རང་ཡིན༑ རྨི་ལམ་དང་འདྲ་མོད། རྨི་ལམ་བར་དོའི་གདམས་ངག་ད་ལྟ་བསྒོམས་པས་རྨི་ལམ་དུ་འོད་གསལ་ཟིན་པ་དེ་ལམ་ཡིན། སྲིད་པ་བར་དོ་འབྲས་བུ་འོད་གསལ་དང་བསྲེ་བ་ཡིན་གསུང་། རྨི་ལམ་ཟིན་ནས། རྗེས་སད་པའི་དུས་སུ་ཇི་ལྟར་བསྒོམ་ཞུས་པས། རྗེས་སད་པའི་དུས་སུ་མདང་གི་རྨི་ལམ་དང་། ད་ལྟའི་སྣང་བ་འདི་ཁྱད་ཅི་ཡོད་སྙམ་དུ་བསྒོམ་སྟེ། ཁྱད་མེད་པར་རང་ཡིན་གསུང་། འོ་ན་རྔོག་ཇོ་སྲས་ལ་གཉིད་ལ་ཆོས་སྐུར་བསྒོམ། རྨི་ལམ་ལོངས་སྐུར་བསྒོམ་གསུང་བ་དེ་ལགས་སམ་ཞུས་པས། གཉིད་མ་རིག་པ་ཡིན་པས་ཆོས་སྐུར་བསྒོམ་དུ་ག་ལ་བཏུབ། བསྒོམ་ཉམས་མེད་པར་བཤད་པའི་ཆོས་བྱ་བ་ཡིན། རྨི་ལམ་ཟིན་ནས་ཆོས་སྐུ་འོད་གསལ་ངོས་བཟུང་ནས་བསྒོམ་པ་ཡིན་མོད། དེའི་དུས་སུ་རྨི་ལམ་དང་སྒྱུ་ལུས་དང་འབྲས་བུ་འོད་གསལ་བསྲེ་བས་ན་བསྲེ་བ་ཡིན་མོད། འོ་ན་འཆི་བའི་དུས་སུ་འབྱུང་བའི་བསྡུད་ལུགས་
2-2-104a
༄༅། །སམ། སྣང་བ་དང་། མཆེད་པ་དང་། ཐོབ་པ་དང་། འོད་གསལ་གྱི་རྟགས་ཇི་ལྟར་མཆི་ཞུས་པས། འཆི་བའི་དུས་སུ་ས་ཆུ་ལ་ཐིམ་པས་ལུས་མི་ཐེག །ཆུ་མེ་ལ་ཐིམ་པས་ཁ་སྣ་སྐམ་དེའི་དུས་སུ་སྣང་བའི་རྟགས། ཕྱི་རྟགས་ཟླ་བ་ཤར་བ་ལྟ་བུ། ནང་རྟགས་སྲིན་བུ་མེ་ཁྱེར་ལྟ་བུ་འབྱུང་། རྣམ་རྟོག་བརྒྱད་བཅུ་ལས། ཞེ་སྡང་ལས་གྱུར་པ་སུམ་བཅུ་སོ་གསུམ་འགག །རླུང་རྣམ་པར་ཤེས་པ་ལ་ཐིམ་པའི་དུས་སུ༑ ལུས་ཀྱི་དྲོད་བསྡུད། སྣང་བ་མཆེད་པའི་རྟགས་ཉི་མ་ཤར་བ་ལྟ་བུ། ནང་རྟགས་མར་མེ་ལྟ་བུ། འདོད་ཆགས་ལས་གྱུར་པ་བཞི་བཅུ་ཐམ་པ་འགག །བསྒོམ་ཆེན་པ་ལ་མཁའ་སྤྱོད་ནས་བསུ་བ་འོང་། སྡིག་ཅན་ལ་གཤིན་རྗེའི་ཕོ་ཉ་འོང་། རླུང་གི་འཁོར་བ་ཞིག་ན། ཕྱི་དབུགས་རིང་། ནང་དབུགས་ཐུང་ལ་བསྐྱོད། སྣང་བ་ཐོབ་པའི་ཕྱི་རྟགས་མུན་པ་ལྟ་བུ། ནང་རྟགས་མར་མེ་ལྟ་བུ། གཏི་མུག་ལས་གྱུར་པ་བདུན་འགག ༑དེར་ནང་དུ་དབུགས་ཙམ་ལས་གནས་པའི་དུས་སུ། སྤྱི་བོའི་ཕ་ལས་ཐོབ་པའི་ཧཾ་རྡིབ། ལྟེ་བའི་མ་ལས་ཐོབ་པའི་གཏུམ་མོའི་རང་བཞིན་དང་། ཐབས་ཤེས་རབ་ཀྱི་ཡི་གེ་གཉིས་སྙིང་གར་ཕྲད་པས་རོ་མདངས་ཡལ་ཏེ་ཞག་གཅིག་གམ་གཉིས་སམ་གསུམ་མམ་བཞིའམ་ལྔ་དྲུག་དུ་འོང་། དེའི་རྗེས་ལ་འབྲས་བུའི་འོད་གསལ་ཕྱི་རྟགས་སྐྱ་རེངས་ཤར་བ་ལྟ་བུ། ནང་རྟགས་ནམ་མཁའ་སྤྲིན་དེངས་པ་ལྟ་བུ། དེར་
2-2-104b
ལམ་གྱི་འོད་གསལ་དང་། འབྲས་བུའི་འོད་གསལ་འདྲེས་པས། འོད་གསལ་དེ་ཡང་རང་བཞིན་གྱིས་འོད་གསལ་བ། རྣམ་པར་རྟོག་པ་ཐམས་ཅད་བྲལ་བ། ཟག་པ་མེད་པའི་བདེ་བས་གང་བ་སྟེ། སྣང་བ་ཡང་བདེ་བའི་རང་བཞིན་དུ་འཆར་བ་ཡིན། དམྱལ་བ་ལ་སྣང་བས་གནོད་པ་མ་སྐྱལ་ཏེ། སྣང་བ་སྡུག་བསྔལ་དུ་མཐོང་བས་བཅིངས། སངས་རྒྱས་ལ་སྣང་བས་ཕན་མ་བཏགས་ཏེ། སྣང་བ་བདེ་བར་ཤར་གྲོལ་གསུང་༑ འོ་ན་ད་ལྟའི་ལམ་གྱི་འོད་གསལ། རླུང་དབུ་མར་ཚུད་པའམ། དབང་གསུམ་པའི་དུས་སམ། རྨི་ལམ་འོད་གསལ་ལམ། དེ་རྣམས་དང་འབྲས་བུའི་འོད་གསལ་ངོ་བོ་འདྲེའམ། འབྲས་བུའི་འོད་གསལ་དེ་ཡུན་ཇི་ཙམ་མཆི་ཞུས་པས། ངོ་བོ་འདྲ། ད་ལྟ་ཡང་ལམ་དང་འབྲས་བུ། རླུང་དབུ་མར་ཚུད་པའི་དུས་སུ་འདྲ་སྟེ་ཡུན་ཐུང་། དཔེ་ཚེས་གཅིག་གི་ཟླ་བ་ལྟ་བུ། འབྲས་བུའི་འོད་གསལ་དང་འདྲེས་ན་ཡུན་རིང་སྟེ། ཐ་མ་ཡང་ཞག་ཕྱེད་དང་བཞི་འོང་། དཔེ་ཉའི་ཟླ་བ་ལྟ་བུ་ཡིན་གསུང་། དེའི་དུས་སུ་གདམས་པ་ཅན་ལ་གསལ་བ་སྤྲུལ་སྐུ། བདེ་བ་ལོངས་སྐུ། མི་རྟོག་པ་ཆོས་སྐུ། དེ་གསུམ་དབྱེར་མེད་པ་ངོ་བོ་ཉིད་ཀྱི་སྐུ་དང་བཞི་ཚང་བས། ཡོན་ཏན་ཐམས་ཅད་རྫོགས་པའི་བར་དོ་བྱ་བ་ཡིན་ཏེ། མཚན་བརྗོད་ལས། སྐད་ཅིག་གཅིག་གིས་རྫོགས་སངས་རྒྱས། །སྐད་ཅིག་གཅིག་གིས་བྱེ་བྲག་ཕྱེད། །ཞེས་པ་དང་། དྭ་ཧ་ལས།
2-2-105a
༄༅། །མཁྱེན་པའི་སྐད་ཅིག་གཅིག་ཉིད་ལས། །ཤེས་བྱའི་དཀྱིལ་འཁོར་ཀུན་ཁྱབ་ལྟར། །རྣམ་རྟོག་མི་མངའ་ཅི་ཡང་ས་ལེར་མཁྱེན། །ཞེས་པ་དེ་ཡིན་གསུང་། འོ་ན་དེ་ལ་གཟུགས་སྐུ་གཉིས་ཀྱིས་འགྲོ་དོན་ཇི་ལྟར་འབྱུང་ཞུས་པས། བྱ་བ་བྱེད་པའི་བསམ་པ་མི་མངའ་ཡང་། ལས་དག་པའི་ས་བཅུའི་བྱང་ཆུབ་སེམས་དཔའ་རྣམས་ལ་མཚན་དཔེས་བརྒྱན་པར་སྣང་། འཛམ་བུའི་གླིང་བྱེ་བ་ཕྲག་བརྒྱ་ལ་སོགས་པར་ཐུབ་པ་དྲུག་ཏུ་སྣང་བས་དོན་བྱེད་པ་ཡིན་གསུང་། དེ་ནས་སློབ་དཔོན་གང་གི་བཞེད་པ་ལགས་ཞུས་པས། ནཱ་རོ་པའི་རྒྱུད་པ་བླ་མ་ཏེ་པུ་པ་དང་། བླ་མ་ཨ་དུ་ལ་བཛྲ་དང་། ངའི་འདོད་པ་ལ་ཡང་། ད་ལྟའི་ལམ་གྱི་འོད་གསལ་དང་། བར་དོའི་འོད་གསལ་དང་འབྲས་བུ་འདྲེ་བར་འདོད་པ་ཡིན། བླ་མ་བམ་པོས་ད་ལྟ་རང་འབྲས་བུ་ཡིན་གསུང་བ་ལ། དེའི་ཕྱིར་ཉིན་གྱི་རིང་ལ་ང་དང་གཉིས་རྩོད་པ་ཡང་ངང་བྱས་པའི་ལོ་རྒྱུས་གསུངས། འོ་ན་འབྲས་བུའི་འོད་གསལ་དེ་ལ་མ་ཟིན་ན། ཇི་ལྟར་མཆི་ཞུས་པས། བླ་མའི་ལྷན་ཅིག་བྱེད་པའི་གདམས་ངག་གིས། ད་ལྟ་རླུང་དབུ་མར་ཚུད་པའི་དུས་སུ། ལམ་གྱི་འོད་གསལ་ངོ་ཤེས་པས། འབྲས་བུའི་འོད་གསལ་མི་ཟིན་མི་སྲིད། གདམས་ངག་མེད་པ་རྣམས་འདོལ་ལ་བྲེད་ནས། ལུས་ཚང་འཚོལ་བས་འཁོར་བར་འཁྱམ་པ་ཡིན། གལ་ཏེ་འོད་གསལ་མ་ཟིན་ན། འབྲས་བུའི་འོད་
2-2-105b
གསལ༑ དག་པའི་སྒྱུ་ལུས་བྱ་བ་ཡི་དམ་ལྷ་མཚན་དཔེས་བརྒྱན་པར་ལྡང་། འཚུར་དབང་ངེ་ན་རེ། སྡུག་པ་སྙིང་རེ་རྗེ། གཞན་སེམས་ལ་རྟེན་མི་འདོད། ངའི་ལྷ་རྗེ་མར་པ་སེམས་ལ་རྟེན་འདོད། བར་དོར་སེམས་ཉིད་འདི་ངོ་བོ་ལྷ། ཉམས་མྱོང་བདེ་བ། དོན་སྐྱེ་མེད། བྱ་བ་འབྲས་བུའི་མཐའ་ཐུག་ཡིན། སློབ་དཔོན་ངག་གི་དབང་ཕྱུག་གྲགས་པའི་བདུན་ལྡན་གྱིས་ཟེར། མཐའ་ཐུག་གི་འབྲས་བུ་སངས་རྒྱས་གཟུགས་སུ་འདོད། དེ་ལ་བདག་དང་རྩོད་པ་ཡང་བྱས་ཏེ་དེ་མེན། དེ་དག་པའི་སྒྱུ་ལུས་བྱ་བ་ཡིན་ཏེ། དེས་ཕྱོགས་བཅུའི་བྱང་ཆུབ་སེམས་དཔའ་བརྒྱ་སྟོང་ལ་དབང་བསྐུར་བ་དང་། ཆོས་ཞུས་ནས་མཐའ་ཐུག་ས་བཅུའི་བྱང་ཆུབ་སེམས་དཔའ་ཐོབ་པ་ཡིན་གསུང་། འོ་ན་འཕོ་བའི་འབྲས་བུ་དུ་བདོག་ཞུས་པས། སྡིག་པོ་ཆེ་མཚམས་མེད་པ་ལྔ་བྱེད་པ་ལ་བཙན་ཐབས་སུ་འཕོས་ནས་གཟུགས་མེད་དུ་སྐྱེ་བ་དང་གཅིག །ལྷ་དང་མིའི་འཁོར་ལོ་བསྒྱུར་བའི་མངལ་བསྡམས་ནས་འཕོ་བ་དང་གཉིས། སྦྱངས་ཏེ་འཕོས་པས་འབྲས་བུ་འོད་གསལ་ངོས་བཟུང་ནས་སངས་རྒྱས་པ་དང་གསུམ། འོད་གསལ་མ་ཟིན་ན་དག་པའི་སྒྱུ་ལུས་སུ་ལངས་ནས། འབྲས་བུ་ས་བཅུའི་བྱང་ཆུབ་སེམས་དཔའ་ཐོབ་པ་དང་བཞི་ཡིན་གསུངས་སོ། །འོ་ན་འོད་གསལ་ལས་རིགས་དྲུག་ཏུ་ཇི་ལྟར་འཁྱམ་པ་ལགས་ཞུས་པས། གདམས་ངག་མེད་པ་རྣམས་འོད་གསལ་
2-2-106a
༄༅། །ལ་བྲེད་ནས་ལུས་འཚོལ་ཏེ། སྲིད་པ་བར་དོར་ཡིད་ཀྱི་ལུས་ལེན། དེ་ལ་མ་དག་པའི་སྒྱུ་ལུས་ཞེས་བྱ་སྟེ། དེའི་མཚན་ཉིད་ནི། སྔོན་འབྱུང་སྲིད་པའི་ཤ་གཟུགས་ཅན་བྱ་བ་འབྲས་བུའི་འོད་གསལ་ལས༑ སྔར་གྱི་ཡིད་ཀྱི་ལུས་སུ་ལྡང་། གཞན་ཕྱིས་གང་ལེན་གྱིས་ལྡང་བར་འདོད་པ་ཡང་ཡོད། དབང་པོ་ཀུན་ཚང་ཐོགས་མེད་ལྡན་ཏེ། སྔར་བས་ཚོར་བ་རགས་པ། ཐོགས་པ་མེད་པ་ནི་ཆོས་ཀྱི་དབྱིངས་དང་། མའི་མངལ་མིན་པ་གཞན་ལ་མི་ཐོགས། གཞན་རྡོ་རྗེ་གདན་ལ་རྡུགས་ཟེར་ཏེ་མི་རྡུགས། རིགས་འཐུན་ལྷ་མིག་དག་པས་མཐོང་སྟེ། བར་དོ་ནང་དང་ལྷས་མཐོང་། ལས་ཀྱི་རྫུ་འཕྲུལ་ཤུགས་དང་ལྡན་ཏེ། ཡེ་ཤེས་ཀྱི་རྫུ་འཕྲུལ་མིན། སྲིད་པ་བར་དོར་ཚེ་ཇི་ཙམ་ཐུབ་ན། ཞག་བདུན་ནམ། བཅུ་བཞིའམ། ཉི་ཤུ་རྩ་གཅིག་གམ། རྩ་བརྒྱད་དམ། སོ་ལྔའམ། ཞེ་གཉིས་སམ། མཐའ་ཐུག་ན་ཞེ་དགུ་ཐུབ། དེ་ནས་ཚེ་འཕོ་བའི་རྐྱེན་ཕ་མ་ལ་འདོད་ཆགས་ཤིང་མངལ་དུ་འཇུག་པས་ཞེ་སྡང་ངོ་། །འོ་ན་བར་དོ་རུ། གསང་སྔགས་གསེབ་ལམ་གྱི་གདམས་ངག་བགྱི་བ་བདོག་སྐད་པ་དེ་གང་ལགས་ཞུས་པས། སྲིད་པ་བར་དོ་ལ་ཏུ་རེ་མ་ཡེངས་པར་བྱ་བ་དང་གཅིག །ཕ་མའི་མངལ་དུ་མི་འགྲོ་བར་བྱའོ་སྙམ་པས་མངལ་དུ་མི་འགྲོ་བ་དང་གཉིས། འབྲས་བུའི་འོད་གསལ་ངོ་ཤེས་པར་བྱས་པས་བདེ་བ་ལ་གནས་པ་དང་གསུམ་ཡིན་གསུང་ངོ་། །
2-2-106b
ཞུས་ལན། །ཨྠྀི།། །།
༄༅། །དུས་གསུམ་མཁྱེན་པའི་ཞུས་ལན་བཞུགས་སོ། །
༄༅། །དུས་གསུམ་མཁྱེན་པའི་ཞུས་ལན་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །བླ་མ་རིན་པོ་ཆེ་ལ། ཕྱིས་ཁོ་བོས་གདམས་ངག་ཅིག་ཞུས་ནས་བསྒོམས་པས། ཞག་འགའ་ལོན་པ་དང་། གང་ནས་བྱུང་ཆ་མེད་པའི་གསལ་སིང་ངེ་བའི་ཉམས་ཅིག་བྱུང་ཞུས་པས། རིན་པོ་ཆེའི་ཞལ་ནས། དེ་དཀར་པོ་གཅིག་ཐུབ་བྱ་བ་ཡིན་པས། སང་གནངས་དང་ཕྱིས་རྟག་ཏུ་དེ་ཙུག་འོང་བ་ཡིན་པས་རྒྱབ་ཡོལ་དྲོ་བར་གྱིས༑ གོས་སྲབ་པར་གྱིས་ལ་བསྒོམས་དང་ཤེས་པ་བཀོལ་དུ་བཏུབ་པར་འདུག་གི་གསུང་། དེ་ནས་བཟའ་མེད་ནས་བཟའ་ཚོལ་དུ་ཕྱིན་པས་ཟླ་བ་གསུམ་དུ་མ་མཇལ། དེ་ནས་འོལ་ཀ་སྲུབ་ན་བཞུགས་ནས་འདུག ༑དེར་ཕྱིན་ནས་ཞག་འགའ་བསྒོམས་པས། བདེ་གསལ་མི་རྟོག་པའི་ཉམས་བཤའ་མ་ཞིག་བྱུང་ནས་ཞུས་པས། ཧུར་རེ་མཛད་ནས། ད་ལྟ་བསྒོམ་བཟང་བར་འདུག་སྟེ། དེ་རྩ་བ་གང་ནས་བྱུང་གསུང་། མ་ཤེས་བྱས་པས། འོ་ན་ད་རུང་དེ་ཀ་ཙུག་བསྒོམ་དགོས་པ་ཡིན་གསུང་། ཡང་ཞག་འགའ་བསྒོམས་པས་བདེ་གསལ་དེ་འགྲོ་བའི་ལམ་ཀུན་ཏུ་ཡང་བྱུང་། དེ་སེམས་ཡིན་སྙམ་པ་ཞིག་བྱུང་། རྣམ་རྟོག་ཡང་
2-2-107a
༄༅། །སེམས་སུ་ཤེས་པ་བག་རེ་ཡོང་བར་འདུག་ཞུས་པས། བདེ་གསལ་དང་དྲོད་ལ་སོགས་པ་ཅི་བྱུང་ཡང་ཡུན་མ་རིང་བར་ཡང་ཡང་བསྒོམས་གསུང་། ཡང་ཞག་འགའ་རེ་བསྒོམས་པས་ལྟེ་བའི་འོག་ཏུ་ཚ་མི་བཟོད་པ་ཞིག་བྱུང་ཞུས་པས། རིན་པོ་ཆེའི་ཞལ་ནས། རླུང་བག་རེ་ཚུད་པར་འདུག་སྟེ། རྩར་རླུང་བྱུང་བས་དེར་རྣམ་རྟོག་ཞུགས་པ་ཡིན་པས་ཞག་འགའ་གཏུམ་མོ་རང་མ་བསྒོམ་གསུང་། མ་བསྒོམས་ཀྱང་གཏུམ་མོ་རང་དྲན་པ་ཙམ་གྱིས་ཀྱང་དེ་ཙུག་བྱུང་ཞེས་པས། དེ་ཐམས་ཅད་རྣམ་རྟོག་ཡིན་པས་ལྟེ་བ་མན་ཆད་དུ་འཇམ་རླུང་བཟུང་ལ་ཕྱག་རྒྱ་ཆེན་པོ་རང་བསྒོམས། རླུང་རང་གར་འགྲོར་ཐོང་གསུང་། ཡང་ཐེབས་གཅིག་བསྒོམ་བྱ་བསྒོམ་བྱེད་སྣང་གྲགས་འདི། ཅི་ཡང་མ་མཐོང་པར་རིག་པ་གསལ་སིང་ངེ་བ་ཅིག་བྱུང་ཞུས་པས། རིན་པོ་ཆེའི་ཞལ་ནས། ལྐུགས་པས་རྨི་ལམ་རྨིས་པ་དང་། གཞོན་ནུ་མའི་བདེ་བ་ལྟ་བུ་ཟེར་བ་དེ་བཤད་པས་མི་ཤེས་པ་ཡོང་། ཁྱོད་ལ་བསྒོམ་ཞིག་ཅི་ཤེས་བྱེད་པ་ཡིན་པས། དྲི་རྒྱུ་མ་བདེ་བ་ཅི་བྱུང་པ་ང་མཚམས་དམ་ཡང་ཤོག་དང་གསུང་། ཡང་ནུབ་གཅིག་རྨི་ལམ་ན་དགེ་སློང་ཞིག་གིས་སྔར་མ་ཐོས་པའི་ཆོས་གཅིག་བཤད་པ་ཞིག་རྨིས། དེ་གསལ་བ་ཞིག་བྱུང་ཞུས་པས། རིན་པོ་ཆེའི་ཞལ་ནས། དེ་ལ་ཁྱོད་དགའ་བར་འདུག་གི་གསུང་། འདུག་ལགས་ཞུས་པས། བཀའ་སྐྱོན་དྲག་པོ་ཞིག་མཛད་ནས། 
2-2-107b
ཁོ་དེ་མངོན་སུམ་དུ་ཡང་ཆོ་འཕྲུལ་དྲག་པོ་སྣ་ཚོགས་བྱུང་པ་ལ། དེ་ཐམས་ཅད་སྒྱུ་མར་ཤེས་ནས་ལམ་དུ་འགྲོ་བ་ཡིན། བདེན་པར་བཟུང་ན་བར་ཆད་ཡིན་པས། སེམས་ལ་ཅི་བྱུང་བ་ཐམས་ཅད་བཟང་ཡང་དང་དུ་མི་བླང་། ངན་པ་བྱུང་ཡང་མི་སྤང་། དེ་ཐམས་ཅད་གཉིས་མེད་དུ་ཤེས་པར་བྱེད་པ་ཡིན། དེ་ལྟར་མ་ཤེས་ན་མི་འདོད་པ་ཞིག་བྱུང་བའི་དུས་སུ་དེ་བར་ཆོད་དུ་འགྲོ་བ་ཡིན་གསུང་། ཡང་གཏུམ་མོ་བསྒོམས་པས་དྲོད་སྐྱེས་པའི་དུས་ཉོན་མོངས་པའི་འཆིང་བར་སོང་ཞུས་པས། རིན་པོ་ཆེའི་ཞལ་ནས། ད་དེ་བྱང་སེམས་རྒྱས་པ་ཡིན་པས། དེ་བདེ་བར་འཁྱེར་བ་ཡིན། རྡོ་རྗེ་ནོར་བུ་ནས་ཡར་བཀྲམ་ནས་སྤྱི་བོ་མན་ཆད་བདེ་ལྟེམས་ལྟེམས་སོང་པར་བསྒོམ་པ་ཡིན། དེ་ནས་མར་ལ་ཐིག་ལེ་འཆོར་འཆོར་འདྲ་ན། རང་གི་སྤྱི་བོར་མ་དམར་སེར་ཅིག་བསམ། རང་གི་མི་གཉིས་ལྟེ་བར་བསམས་ནས། དེ་ལ་ཡར་བསམ་པ་ཡིན༑ དེ་ལས་ཡང་ཤེས་པ་མ་ཡེངས་པར་བདེ་གསལ་དུ་འདུག་པ་ལ། རྣམ་རྟོག་རེ་བྱུང་ཡང་སེམས་སུ་ཤེས་པ་འབྱུང་བས། རྣམ་རྟོག་དེར་འཕྲོར་མ་བཏུབ། རྣམ་གྲངས་སེམས་སུ་ཤེས་པ་དེ་ཡང་འཕྲོར་མ་བཏུབ་ཞུས་པས། རིན་པོ་ཆེའི་ཞལ་ནས། རྣལ་འབྱོར་མ་ག་ག་དྷ་རས། རྣལ་འབྱོར་པ་བཛྲ་ཤྲཱི་ལ། རིགས་ཀྱི་བུ་ཡུལ་ལ་མ་བལྟ་སེམས་ལ་བལྟ། །བྱ་བ་མ་མང་ཞེ་འདོད་ཀུན་དང་ཕྲོལ། །ཉམས་ང་མ་བྱེད་
2-2-108a
༄༅། །དོགས་པས་བདག་ལ་འཆིང་། །སེམས་ནི་གར་དགའ་ཉིད་དུ་ཐོང་ལས་ཐོང་། །ཞེས་གསུངས་པས། བཛྲ་ཤྲཱིས་གྲུབ་པ་ཐོབ་སྐད། གཉིས་མེད་ཤེས་པ་ཆུ་དང་འོ་མ་འདྲེས་པ་འདྲ། །ཉམས་མྱོང་སྤྲིན་ལྟར་ཅི་ལྟར་འགྱུ་ཡང་རུང་། །རྣལ་འབྱོར་ཤེས་པ་གླང་པོ་ལྟ་བུར་གང་རྟོགས་པ། །ནམ་མཁའ་བཞིན་དུ་ཀུན་ལ་ཁྱབ་པ་ཡིས། །རིག་པ་རྣམ་རྟོག་ཕྱིར་འབྲང་མ་ཤོར་བར། །རྣམ་རྟོག་ཅི་བྱུང་སེམས་སུ་ཤེས་པར་གྱིས། །བྱ་བ་ཡིན་པས། རིག་པ་གསལ་སིང་ངེར་འདུག་པ་དེ། ནམ་མཁའ་བཞིན་དུ་སེམས་སུ་ཤེས་དགོས་པ་ཡིན། ཐམས་ཅད་སེམས་སུ་ཤེས་པ་བྱུང་བ་ལ། མཛོ་ཕོ་བྱང་དུ་སོང་ཡང་། སྣ་ཐག་ཆག་པར་ཡོད་བྱ་བ་ཡིན། རྣམ་རྟོག་སྤྲིན་དང་འདྲ་བ་ཡིན། རས་ཅི་ཙུག་ཡོང་རེས་ཅི་ཙུག་ཡོང་བ་ཡིན། དེ་ཐམས་ཅད་ཉམས་བྱ་བ་ཡིན། ཅི་བྱུང་ཡང་ཐམས་ཅད་སེམས་སུ་ཤེས་པར་གྱིས་ལ་བསྒོམས་གསུང་། ཡང་ངའི་རིག་པ་གསལ་སིང་ངེར་འདུག་པ་དེ། རས་སྲིད་པའི་རྩེ་མོ་མན་ཆད་རླུང་གི་དཀྱིལ་འཁོར་ཡན་ཆད་པ་ཐམས་ཅད་རང་གི་སེམས་མ་ཡིན་པ་ཅི་ཡང་མི་འདུག་སྙམ་པ་ཞིག་བྱུང་ཞུས་པས། རིན་པོ་ཆེའི་ཞལ་ནས། ངོ་བོ་གཟུགས་མེད་མཐོང་བ་པོ་ཡང་མེད། །སྒྲ་མེད་ཐོས་པ་པོ་ཡང་མེད། །དྲི་མེད་བསྣོམ་པ་པོ་ཡང་མེད། །རོ་མེད་མྱོང་བ་པོ་ཡང་མེད། །ཅེས་པ་དགྱེས་པ་རྡོ་རྗེའི་ལུང་ལས་གསུངས་པས། ཇི་ལྟར་ཆུ་ལ་ཆུ་
2-2-108b
བཞག་དང་། ཅི་ལྟར་མར་ལ་མར་བཞག་བཞིན། །བྱ་བ་ཡིན་པས་ལུས་སེམས་ཁོང་ཀློད་ལ་ཞོག །སྲིད་པ་གསུམ་མན་ཆད་རླུང་གི་དཀྱིལ་འཁོར་ཡན་ཆད་རང་གི་སེམས་ཡིན་རང་བཞིན་གྲུབ་པ་མེད་གསུང་། ཡང་འོད་གསལ་བྱ་བ་དེ་ཆོས་ཐམས་ཅད་སེམས་སུ་ཤེས་པ་ལ་ཟེར་བ་ལགས་སམ་ཞུས་པས། ཀུན་དེ་ཙུག་ཡིན། གོ་ཙ་ན་འོ་སྐོལ་ལ་རང་གི་རིག་པ་དེ་གསལ་ལ་མ་འགགས་པ། སྐྱེ་འགག་མེད་པ་དེ་གསལ་བྱ་བ་ཡིན་གསུང་། ཡང་གཅིག་པུར་སྡོད་དུས་སུ་རྒོད་སྙིང་ཁོ་ན་འདོད། གཉིད་གུང་དུ་རྒོད་པ་འོང་བས་མིའི་རྩར་ཉལ་མི་བཏུབ་པར་འདུག་ཞུས་པས། དེ་བདེ་བ་རྒྱས་པ་ཡིན་བཟང་བ་ཡིན་གསུང་། ཡང་ཉིན་གཅིག་ཐབས་ལམ་ཞུ་བྱས་པས། དེ་ཀུན་གོང་དུ་བཤད་པ་དེས་ཆོག །མ་བསྒོམས་ན་བར་དོ་དང་གདམས་ངག་ཤེས་ཀྱང་མི་ཕན། ཁྱེད་རང་ཡང་ད་རུང་བསྒོམ་ནུས་ན་དེ་རྐྱང་པས་ཆོག་པར་འདུག བར་དོའི་དུས་ཚོད་དུ་ཡང་བསྒོམ་འོད་གསལ་དེའི་རྗེས་སུ་འབྲང་། རང་བཞིན་གྱི་འོད་གསལ་གྱིས་སྔུན་ནས་བསུ་བ་ཡིན་གསུང་། བསྒོམ་ནུས་ན་དེས་ཆོག་གམ་ཞུས་པས། རིན་པོ་ཆེའི་ཞལ་ནས། ང་དཀར་པོ་གཅིག་ཐུབ་དེ་ལ་བྱེད་པ་ཡིན། ང་ལ་ཡང་དེ་ལས་མེད་གསུང་། འོ་ན་ངའི་བདེ་བ་གསལ་སིང་ངེ་བ་འདུག་པ་དེ་ལ་རེས་ཡེངས་ཐབས་སུ་བྱུང་། ཉིན་ལ་གསལ་མཚན་ལ་མི་གསལ་ཞུས་པས། རིན་པོ་ཆེའི་ཞལ་
2-2-109a
༄༅། །ནས། ཁྱོད་ལ་ད་རུང་སྐྱོན་ཅིག་འདུག་པས། གསལ་ན་དགའ་མི་གསལ་ན་མི་དགའ་བའི་སྐྱོན་གཅིག་འདུག །དེ་ཙུག་བྱེད་པ་མིན། རང་གི་རིག་པ་གསལ་སིང་ངེར་བཞག་ནས་རྣམ་རྟོག་གི་ཕྱིར་མི་འབྲངས། རྣམ་རྟོག་ཅི་བྱུང་ཡང་སེམས་སུ་ཤེས། སེམས་སྐྱེ་མེད་དུ་ཤེས་པ་བྱེད་པ་ཡིན། སེམས་ལ་ཅི་བྱུང་ཡང་གཉིས་མེད་དུ་ཤེས་དགོས་པ་ཡིན། ཉིན་ལ་གསལ་བ་དེ་རིག་པ་དང་སྣང་བ་འདྲེས་པ་ཡིན། ནུབ་མོ་ཡང་ཅི་ཡང་མ་ཡིན་པའི་བདེ་སིང་ངེ་བ་ཞིག་ཡོད་པ་ཡིན། མི་མང་སར་ཁ་རག་བསྡོད་ལ་བསྒོམས། འགྲོ་བའི་ལམ་ཀུན་ཏུ་ཡང་བསྒོམ་བྱུང་ངམ་ལྟོས་གསུང་། དེ་གཉིས་ཀ་ལ་ཁྱད་མེད་པར་འོང་བར་འདུག་ཞུས་པས། འོ་དེ་ཡིན་གསུང་། སྔར་ངས་སྡིག་པ་བག་ཙམ་ཕྲ་བ་ཞིག་བྱས། ལས་འབྲས་བསྒོམ་པའི་དུས་སུ་དེ་ཀུན་དྲན་ཙམ་གྱིས་སྡུག་བསྔལ་ཆེ་བར་བྱུང་ཞུས་པས། རིན་པོ་ཆེའི་ཞལ་ནས། དེ་ཀུན་སྟོང་ཉིད་ཐུན་གཅིག་གིས་འདག་པ་ཡིན། དཔེར་ན་སོག་མ་ཕུང་པོ་ཞིག་ལ་མེ་སྟག་ཅིག་བཏབ་པས་ན་ཐམས་ཅད་དངོས་མེད་ལ་འགྲོ། དེ་བཞིན་དུ་སྔ་ནའི་སྡིག་པ་བྱས་པ་ཕྲ་མོ་དེ་རྣམ་རྟོག་ཡིན། སེམས་ཡིན། སེམས་དེ་སྐྱེ་མེད་དུ་བྱས་པས་འདག་པ་ཡིན་གསུང་། ཡང་སྣང་གྲགས་ཐམས་ཅད་སེམས་ཡིན་པར་འདུག །གཞན་ལོགས་ན་མེད་སྙམ་པ་ཞིག་བྱུང་། སེམས་ཀྱི་ངོ་བོ་ལ་བལྟས་པས་ཐུག་པ་མི་འདུག །ནམ་
2-2-109b
མཁའ་ལ་མདུང་བསྐོར་བ་བཞིན་དུ་བྱུང་ཞུས་པས། རིན་པོ་ཆེའི་ཞལ་ནས། སེམས་འདི་རྣམ་རྟོག་གི་ཕྱིར་མ་འབྲངས་པར་བཅས་བཅོས་མ་བྱེད་པར་རང་དག་རང་གསལ་དུ་ཞོག་ལ། རྣམ་རྟོག་ལ་མི་འཐད་པ་ཅི་བྱུང་ཡང་དེ་ལ་མི་དགའ་བར་མ་བྱེད་པར་དེ་རང་ལ་ལྟོས་དང་། དེ་ལ་ཁ་དོག་མེད། དབྱིབས་མེད། ངོས་བཟུང་མེད། དེ་རིག་པ་རང་གི་ངོ་བོ་ཡིན་པས། གསལ་ལ་མ་འགགས་པ་དེ་རང་ཡིན་གསུང་། འོ་ན་བདེ་གསལ་མི་རྟོག་པའི་དུས་སུ་ཡུན་མ་རིང་གསུང་བ་ཞུས་པས། རིན་པོ་ཆེའི་ཞལ་ནས། དེ་མ་ཡིན་བྱས་པ་ལ། ད་རེས་འདི་གསལ་མི་ཟེར། ལུས་ལ་བདེ་བ་ཆེ་ལ་གསལ་ལ་མི་རྟོག་པའི་དུས་སུ་དེར་ཡུན་རིང་ན་ཤེས་པ་ལུས་ཀྱི་བདེ་བ་ལ་ཡེངས་ནས་རླུང་བ་སྤུའི་བུ་ག་ནས་ཕར་ཤོར་ནས་ཕྱིས་གྲང་བ་ཅན་དུ་འགྲོ་བ་ཡིན། དགེ་བཤེས་སྤྱང་ང་བའི་ལོ་རྒྱུས་ཀྱང་གསུང་། ཡང་ང་ལ་བདེ་གསལ་མི་རྟོག་པ་གསུམ་ལས། གསལ་བ་ཤས་ཆེ། མདོ་ལོང་ངའི་ཤེས་པ་དེ་ཡེངས་ན་དངོས་པོ་ཕྱི་ནང་དང་འདྲེས་ནས། ནམ་ཕྱེད་ནས་ཅི་ཡང་མི་དྲན་པ་ཞིག་བྱུང་ཞུས་པས། རིན་པོ་ཆེའི་ཞལ་ནས། རིག་པ་གསལ་ལེ་སིང་ངེར་འདུག་པས་དེ་རྩ་བ་སེམས་ཡིན་པས་དེ་མ་ཤོར་བར་གྱིས་ལ། དྲན་ཚད་ཅི་བྱུང་ཡང་རྩ་བ་སེམས་སུ་གྱིས། བཅས་བཅོས་མ་བྱེད་རྟོག་དཔྱོད་མ་བྱེད་པར་ལུས་སེམས་ཁོང་ཀློད་ལ་གླེན་བསྒོམ་རང་བགྱིས་དང་། དེ་ཡང་ཆུ་མ་
2-2-110a
༄༅། །རྙོག་ན་དྭངས་པའི་རང་བཞིན། སེམས་མ་སླད་ན་གསལ་བའི་རང་བཞིན་བྱ་བ་ཡིན་པས། རྟོག་དཔྱོད་བྱས། བཅས་བཅོས་བྱས། ཆགས་སྡང་བྱས་ན་མི་གསལ་དུ་འགྲོ་བ་ཡིན་གསུང་། ཡང་ཐེངས་གཅིག་ངའི་བདེ་བ་དེ་ཆུང་དུ་སོང་། གསལ་བ་དང་མི་རྟོག་པ་དེ་ཉན་པར་འདུག་ཞུས་པས། ཅི་ཡང་མི་ཉེས། སྔར་བདེ་བ་ཆེ་དུས་སུ་བསྒོམ་ཡུན་རིང་པས་ཡལ་བ་ཡིན་གསུང་། ཡང་ཐེངས་གཅིག་གཉིད་ཐུན་གཅིག་གི་ནང་དུ་ཡང་ཐམས་ཅད་རྩིར་བཏུབ་པ་ཞིག་བྱུང་། དེའི་དུས་སུ་ཡི་དྭགས་ཀྱི་སྡུག་བསྔལ་དཔག་ཏུ་མེད་པ་བྱུང་ཞུས་པས། རིན་པོ་ཆེའི་ཞལ་ནས། དེ་རླུང་སྐྱོན་ཡིན་ཏེ་འོང་། སྐྱོན་ཐམས་ཅད་འདིས་སོལ་བ་ཡིན་གསུངས་ནས། འཁྲུལ་འཁོར་ཟབ་པ་ཞིག་བསྟན། དེས་སོལ། ནང་གཅིག་སྤྱན་སྔར་འབོད་དུ་བྱུང་ནས་ཕྱིན་པ་དང་། རིན་པོ་ཆེའི་ཞལ་ནས། འོ་སྐོལ་གཉིས་རླུང་གིས་ཁྱེར་བ་ཁྱོད་ཀྱིས་ཆོས་ཉན་པ་བཤད་པ་ལ་གང་གིས་ཀྱང་དེ་མ་ཤེས། ཁྱོད་ཀྱིས་ཆོས་གཤའ་མ་གཅིག་ད་གཟོད་རྙེད་པ་ཡིན་གསུང་། སྔར་གྱི་ཡི་དྭགས་ཀྱི་སྣང་བ་བྱུང་བ་དེ་འདོད་པ་ཡིན་ཏེ། གཞན་གང་ནས་ཀྱང་མ་བྱུང་རང་གི་སེམས་ལས་བྱུང་པ་ཡིན། རང་སེམས་དེ་སྐྱེ་མེད་ཆོས་སྐུ་ཡིན་པས་དེ་བཞིན་དུ་བསྒོམས་གསུང་། ཡང་མདོ་ལུང་ཤེས་པ་དེ་ཞབས་སུ་བསྟིམ་བསྟིམ་འགྲོ་བ་འདྲ་བ་གཅིག་བྱུང་། དེའི་དུས་སུ་རྟོག་པ་ཅི་ཡང་མི་
2-2-110b
འཕྲོ་བ་འདྲ་བ་ཞིག་བྱུང་ཞུས་པས། རླུང་བག་རེ་ཨ་བ་དྷཱ་ཏཱིར་ཚུད་པ་ཡིན་ཏེ་གཏན་དུ་མི་འོང་གསུང་། ཡང་ཐེངས་གཅིག་སའི་གཏིང་དུ་འཛུལ་བ་ཞིག་རྨིས། ཉམས་རང་ཡང་དེ་ཙུག་བྱུང་ཞུས་པས། རིན་པོ་ཆེའི་ཞལ་ནས། འོ་ཅག་རྣམ་རྟོག་ལམ་དུ་འཁྱེར་བ་ལ། རྣམ་རྟོག་ཆང་ཆུང་སེམས་སུ་ཤེས་པས་མི་འོང་། འོ་ན་ངན་སོང་གསུམ་གྱི་སྡུག་བསྔལ་ལམ། མེར་འཆོང་བའམ། ཆུར་འཆོང་བའམ། སྡུག་བསྔལ་ཆེན་པོ་ཞིག་ཉམས་སུ་མྱོང་བ་ཞིག་རྨིས་པའམ། ཉམས་སུ་མྱོང་བ་གཅིག་བྱུང་ན་དེ་ལ་འདོད་ཐོག་ཏུ་བྱེད་ལམ་དུ་བྱེད་པ་ཡིན། ཆོས་གཤའ་མ་ཞིག་བཟོད་བྱེད་པ་ཡིན། དེ་ལ་ནན་ཆགས་ཆེར་གྱིས་ལ། དེ་ལྟ་བུའི་སྡུག་བསྔལ་དེ་ལ་ལྟས་པས་ཁ་དོག་མེད། དབྱིབས་མེད། དེ་ཐམས་ཅད་རང་སེམས་ལས་མ་འདས། ཐམས་ཅད་སེམས་ཡིན། སེམས་སྐྱེ་མེད་ཡིན་པས་དེ་ཙུག་བསྒོམ་དགོས་པ་ཡིན། ཡང་ཞག་འགའ་བསྒོམས་པས། ཉམས་ལ་དམྱལ་བའི་སྣང་བ་བྱུང་། དེ་སེམས་སུ་ཤེས་པ་བྱུང་ཞུས་པས། རིན་པོ་ཆེའི་ཞལ་ནས། སྤྱིར་ཐེག་པ་ཆེན་གསང་སྔགས་འདི་བདེན་པ་ཟབ་པ་ཡིན། དམྱལ་བ་ཉན་ཐོས་པའི་བདེན་པ་བཞིན་མེད། དེའི་ཡུལ་མེད། སེམས་ཀྱི་འཁྲུལ་སྣང་ཡིན་པས་རྣམ་རྟོག་ལམ་དུ་འཁྱེར་བ་འདི་ལས་ཟབ་པ་མེད་པས། ད་རུང་དུ་དམྱལ་བའི་ཉམས་སུ་བྱུང་བ་དང་དེ་སེམས་སུ་ཤེས་པར་གྱིས་ལ། སེམས་སྐྱེ་
2-2-111a
༄༅། །མེད་དུ་ཤེས་པར་གྱིས། དེ་ལ་གོམས་པས་སང་གནངས་ཕྱིས་བར་དོར་དམྱལ་བའི་སྣང་བ་བྱུང་ཡང་སེམས་སུ་ཤེས་པས་དར་གྱི་ཕོ་ལོང་བརྡབས་པ་ཙམ་ཞིག་ཡིན། སློབ་དཔོན་རྟོག་ཙེ་བའི་ཞལ་ནས༑ ཤེས་པ་འདི་ལ་བརྟེན་ནས་ནི། །བག་ཆགས་ངན་པའི་སྣང་བ་ཡིས། །དམྱལ་བ་དག་ཏུ་སྐྱེ་སྲིད་ཀྱང་། །དམྱལ་བ་རང་ཡང་བདེ་བ་ཅན། །བྱ་བའི་དོན་ཡང་དེ་ཡིན་གསུང་། ཡང་ཐེབས་གཅིག་ན་སྔོན་རྩ་གསུམ་འདུས་པའི་སར་ནད་ཅིག་བྱུང་། ད་ལྟར་དེའི་ཐད་སོ་སྐྲངས་ནས་འདུག །ཚངས་བུག་ཡང་སྐྲངས། ཟས་ཀྱང་མི་འདོད་པ་ཅིག་བྱུང་ཞུས་པས། རིན་པོ་ཆེའི་ཞལ་ནས། འབྱུང་བའི་ནད་ཀྱང་བག་རེ་ཡིན། བསྒོམ་ཆེན་པའི་ནད་ཕལ་ཆེར། ཆོས་བསམ་པ་དང་བསྒོམ་མ་ལེགས་པས་རྣམ་རྟོག་ནད་དུ་སོང་བ་ཡིན། གཉིས་མེད་བསྒོམས་པས་གཉིས་སུ་ཤོར་བྱ་བ་ཡིན་གསུང་། ནད་ཐམས་ཅད་རེ་དོགས་རང་ཡིན། རེ་བས་ཕུང་། དོགས་པས་འགག་བྱ་བ་ཡིན་པས། ནད་དེ་རང་ལ་ལྟོས་དང་། ཁ་དོག་མེད། དབྱིབས་མེད། ཐམས་ཅད་སེམས་ཡིན་པས། ནར་སོང་གིས་དོགས་པའི་དོགས་པ་མ་བྱེད། སོས་སུ་རེ་བ་མ་བྱེད། འདིས་གོ་བཅད་པ་ཡིན་སྙམ་དུ་བྱ་གསུང་། ཡང་མཉམ་བཞག་ལ་གསལ་སིང་ངེར་འདུག །དེའི་དུས་སུ་ཉིན་གཅིག་བྲག་ཁ་གཅིག་ན་ཕར་སོང་བ་ལ། རྨི་ལམ་ཡིན་སྙམ་ནས་གཡང་ལ་དེའུ་སོང་ཞུས་པས། 
2-2-111b
རིན་པོ་ཆེའི་ཞལ་ནས། དང་པོའི་སྣང་བ་དེ་བན་བུན་དུ་སོང་བ་ཡིན། གཉིས་པ་དེ་འོད་གསལ་གྱིས་ཁྱབ་པ་ཡིན། གསུམ་པ་དེ་སེམས་ནང་དུ་གནས་པ་ཡིན། དེ་ཀུན་ལ་བཅོས་རྒྱུ་མེད་གསུང་། ཡང་ཐེངས་གཅིག ༑རིག་པ་རང་གསལ་ཅི་ཡང་མ་རྡུགས་པ་ཅིག་བྱུང་། གཞན་ཅི་ཡང་མཐོང་བ་མེད་པ་རེ་རེ་ཙམ་བྱུང་། དེ་ལ་གོམས་པར་བྱས་ན་འབྱུང་བ་རིམ་གྱིས་བསྡུས་ནས་ལུས་འདི་དོར་ནས་རིག་པའི་ངོ་བོ་དེ་ཆོས་ཀྱི་སྐུ་ཡིན་ནམ་ཞུས་པས། དེ་ཅི་ཡོང་། ལུས་སེམས་གཉིས་སུ་བྱས་ཀྱང་གཉིས་སུ་མ་སོང་། ཐམས་ཅད་དུ་འོད་གསལ་དུ་སོང་ནས། དངོས་པོ་དང་མཚན་མ་མེད་པ་ཞིག་ལ་སངས་རྒྱས་ཟེར་བ་ཡིན་གསུང་། ཡང་ཐེངས་གཅིག་དྲོ་སྐད་རེ་རེ་ཙམ་དུ་དྲན་པ་མེད་པར་སོང་བ་ཅིག་བྱུང་ཞུས་པས། རིན་པོ་ཆེའི་ཞལ་ནས། འོ་དེ་མི་འདོད་ཤོས་གཅིག་པོ་དེ་ཡིན། སྔོན་ཡང་དེ་འདྲ་བ་ཞིག་གིས་མགོ་བསྐོར་མང་དུ་བྱུང་གསུང་༑ ཞི་གནས་རབ་གཅིག་ལྷ་མིའི་རྒྱུ་ཙམ་ཡིན། ད་ལྟ་བསྒོམ་བཟང་བ་དེ་སང་གནངས་ཡལ་ནས་འགྲོ་བ་ཡིན། རིག་པ་འདི་རྣམ་རྟོག་གི་ཕྱིར་སྲེང་སྲེང་མ་བཏང་པས། རྣམ་རྟོག་གཅིག་བྱུང་སེམས་སུ་ཤེས་པར་གྱིས། གཉིས་བྱུང་སེམས་སུ་ཤེས་པར་གྱིས་ལ། རྣམ་རྟོག་ཅི་ཙམ་མང་བ་ཡིན་ན། རྣམ་རྟོག་མི་འདོད་པ་རེ་རེ་བྱུང་བའི་དུས་སུ་རིག་པ་དེ་ལ་གཏོད་ལ་སེམས་སུ་ཤེས་པར་གྱིས། ཡང་མི་ནུས་ན་ཀློད་
2-2-112a
༄༅། །ལ་ཞོག་གསུང་། ཡང་བསྒོམས་པས་མགོ་དང་རོ་སྟོད་ན་བ་གཅིག་བྱུང་། དེ་སེམས་སུ་ཤེས་པ་རང་གིས་ཕན་ནམ་ཞུས་པས། དེ་ལ་གནད་གཅིག་ཡོད། ན་བ་དེ་རང་གི་སེམས་སུ་ཤེས་པར་བྱས་ལ༑ དེ་ནས་ནད་དེ་སོལ་བར་བྱ་སྙམ་པ་ཅིག་བྱུང་ན། དེ་སྟོང་པ་ཉིད་ཉོན་མོངས་པའི་གཉེན་པོར་ཤོར་བ་བྱ་བ་ཡིན། ནད་དེ་རང་ལ་བལྟས་པས་ཁ་དོག་དང་དབྱིབས་གང་གི་ཡང་ངོ་བོར་མ་གྲུབ་པ་དེ་ཡང་སེམས་ཀྱི་རང་བཞིན་དུ་ཤེས་པས་ནད་ཞི་བའི་ཆོས་ཉིད་ཡིན་གསུང་། ཡང་ཐེངས་གཅིག་སྔར་དང་མི་འདྲ་བ་ཅིག་བྱུང་། གནས་པ་དེ་ཡང་ཆུང་དུ་སོང་། རིག་པ་སིང་ངེར་གཏད་པའི་དུས་སུ་རྣམ་རྟོག་ཅི་བྱུང་དེའི་ངང་དུ་སོང་། རྣམ་རྟོག་རེ་རེ་བྱུང་ཉམས་དེ་བས་བཟང་དུ་སོང་། དེར་རིག་པ་ལྷོད་དེ་བྱས་པའི་དུས་སུ་ནང་དུ་གསལ་སྟོང་གི་ཉམས་ཅི་ཡིན་ཆ་མེད་པ་གཅིག་བྱུང་། རྗེས་ཐོབ་ལ། འབྲས་བུ་སེམས་སུ་འདུག ༑སེམས་ལས་ཕྱི་རོལ་གང་ཡང་གྲུབ་པ་མེད་པར་འདུག་ཞུས་པས། རིན་པོ་ཆེའི་ཞལ་ནས། འོ་ན་དེ་རང་ཡིན། སྤྱོད་འཇུག་ལས། གཉའ་ཤིང་གང་ལ་གཏད་པས་ཞེས་བཤད་དེ་ཤེས་པ་རྒོད་པར་འདུག་པས༑ ཁྲུ་གང་ཙམ་དུ་དངོས་པོ་ཆུང་བ་གཅིག་ལ་རིག་པ་ལྷན་ནེར་གཏད་ནས་རྣམ་རྟོག་གང་མི་འདོད་པ་ཅི་བྱུང་ཡང་དེ་ལ་རིག་པ་གཏོད་པ་ཡིན། བྱིང་བ་འདྲ་ན་སྤངས་བསྟོད་པ་ཡིན། དེ་ནས་ཤེས་པ་གཡུང་
2-2-112b
དུ་སོང་ནས། ཐག་རིང་དུ་ཡང་གཏད་པས་ཆོག །ཞི་གནས་དང་སེམས་ཉིད་ཀྱི་དོན་ལ་གནས་པ་གཉིས་མི་གཅིག །ཞི་གནས་ནི་ཅི་ཡང་མི་དྲན་པ་དེ་ཡིན། སེམས་ཉིད་ཀྱི་དོན་ལ་གནས་པ་རིག་པ་གཏད་པའི་དུས་སུ་རྣམ་རྟོག་ཅི་བྱུང་གསལ་སྟོང་གི་ཉམས་སུ་སོང་བ་དེ་ལ། བག་ཡུན་རིང་ཡང་མི་སྟོ། རིག་པ་སྒོར་བཏོན་པ་བྱ་བ་ཡིན། ལར་རིག་པ་ཀུན་ལ་ཁྱབ་པ་བྱ་བ་ཡིན་གསུང་། ཡང་འཇམ་རླུང་མནན་པའི་དུས་སུ་གཤའ་མ་མནན་རྒྱུ་ནི་མེད། དྲོད་ནི་ཆེ་བར་འདུག་ཞུས་པས། རླུང་དག་པར་འབྱོངས་པ་བྱ་བ་ཡིན། བཟང་། དེ་ཀ་བཞིན་བསྒོམས་པས་ཆོག །དེ་བས་ཀྱང་རིག་པ་རང་ལ་མ་ཡེངས། ཚོ་གཅིག་ན་རེ། ང་ལ་ཅིས་ཀྱང་མི་གནོད། བསྡད་པ་བས་འགྲོ་བ་རང་འཕེལ་ཟེར་ཏེ། དེ་ཙ་ན་གནོད་བདོ་བ་ཡིན་ནོ། །འོ་ན་ད་རུང་འོ་སྐོལ་གཉིས་གཏམས་པས། སྡུག་པར་འདུག་སྟེ་ཡང་གོམས་པ་ཡིན་གསུང་། འོ་ན་རིག་པ་གཏད་པའི་དུས་སུ་དངོས་པོ་གང་ལ་མཐོང་བ་མེད་པར་གསལ་སྟོང་དེ་ལ་ཡུན་རིང་ཡང་སྐྱོན་ཅང་འོང་ངམ་ཞུས་པས། རིན་པོ་ཆེའི་ཞལ་ནས། དེ་ལ་ཡུན་རིང་དྲག་ན་ཡང་ལྡེངས་པ་དང་། རྨུགས་པའི་ཞད་ཅིག་ཡོད་པས། ཤིགས་ཀྱིས་ཤིག །ལྷོད་ཀྱིས་ཀློད་ནས་ཕྱི་ནང་མེད་པར་གསལ་སྟོང་གི་ཉམས་འབྱུང་བ་ཡིན་པས། ཡང་ཡང་བསྒོམ་པ་ཡིན་གསུང་། དེའི་དུས་གསལ་སྟོང་གི་ཉམས་ཅི་ཡིན་ཆ་མེད་པ་ཅིག་བྱུང་
2-2-113a
༄༅། །ཞུས་པས། དེ་སང་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་བྱ་བ་དེ་ཡིན། འོ་སྐོལ་གྱིས་དེ་ག་ན་ཤེས་གསུང་། ཡང་ཐེངས་གཅིག་གསལ་ཡང་གཏད་པ་མེད་པ་དེ་གཞི་མེད་དུ་འགྲོ་བར་འདུག་ཞུས་པས། དེ་དོན་དམ་གཉུག་མ་རང་གི་ངོ་བོ་བྱ་བ་ཡིན། དེ་བཞིན་དུ་ནད་ཀྱི་དངོས་པོ་ཅི་བྱུང་ཡང་དེ་ལ་རིག་པ་གཏད་པས་གཞི་མེད་དུ་འགྲོ་བ་ཆོས་ཉིད་ཡིན། དེ་བཞིན་དུ་གདོན་དང་ཆོ་འཕྲུལ་ལ་སོགས་པ་གང་ཅི་བྱུང་ཡང་དེ་རང་ལ་རིག་པ་གཏོད་པ་ཡིན་གསུང་། ཡང་དངོས་པོ་ལ་སོགས་པ་རིག་པ་གཏོད་པ་དེ་ལ་ཐག་ཉེ་རིང་ལ་ཁྱད་ཅི་ཡོད་ཞུས་པས། ཤེས་པ་རྒོད་པ་ལ་ཐག་ཉེ་བ་དངོས་པོ་ཆུང་བ་ལ་ཤེས་པ་གཏོད་པ་ཡིན། བྱིང་ན་ལ་ཀ་མཐོན་པོའི་དངོས་པོ་ཆུང་བ་ལ་ཤེས་པ་གཏོད་དགོས་པ་ཡིན། ཡང་ཐེངས་གཅིག་བསྒོམས་པའི་དུས་སུ། རྗེད་ཐབས་ལ་དངོས་པོ་ལ་སོགས་པ་ཅི་ཡང་མེད་པ་སྟོང་ཅམ་ཅམ་པ་རེ་བྱུང་ཞུས་པས། དེ་ཀུན་ཐམས་ཅད་ཉམས་ཀྱི་ཁྱད་པར་ཡིན། སྟོན་པ་རྣམས་ཀྱིས་དབུ་མའམ། སེམས་ཙམ་ཕ་རོལ་ཕྱིན་པའམ། སྔགས་སམ་གྲུབ་མཐའ་མི་འདྲ་བ་རེ་རེ་འདོད་པར་འདུག་སྟེ། བསམ་གྲུབ་གཅིག་ཡིན། ཆོས་ཐམས་ཅད་སེམས་སུ་མ་འདུས་པ་གཅིག་ཀྱང་མེད། ངས་བསམས་པས་བདེ་གསལ་དུ་སིང་ངེ་འདུག་པ་དེ་གཅིག་པུ་རྐྱང་པས་ཀྱང་ལྷར་སྐྱེ་ངེས་སྙམ་པ་གཅིག་བྱུང་ནས། འོ་སྐོལ་རང་གི་ལྷན་
2-2-113b
ཅིག་སྐྱེས་སྦྱོར་འདི་གདམས་ངག་ཟབ་པར་འདུག །རྣམ་རྟོག་བྱུང་བ་གང་བྱུང་། གང་མི་འདོད་པ་ཅི་བྱུང་ཡང་སེམས་སུ་ཤེས་པར་བྱེད། ཅི་དང་ཅི་བྱེད་པ་ཐམས་ཅད་རྨི་ལམ་སྒྱུ་མ་ཙམ་ལ་སེམས་སྦྱོང་བ་ཡིན་ནོ་གསུང་། ཡང་ཐེངས་གཅིག་ངས་དངོས་པོ་རེ་རེ་ལ་རིག་པ་ཐེངས་རེ་ཧྲིག་གེ་གཏད་པའི་རྗེས་ལ་ལྷོད་ཀྱིས་ཀློད་ནས་བཞག་པས། དངོས་པོ་གང་ཡང་མེད་པར་གསལ་སྟོང་རང་དུ་ཅམ་ཅམ་འདུག །དེའི་དུས་སུ་གར་འདོད་པའི་སར་སོང་ཡང་བརྩིག་པ་དང་རི་ལ་ཡང་འདུག་འདུག་མི་འདྲ་ན་ཞུས་པས། འོ་ཁྱོད་ཀྱི་དེ་ཉམས་བཟང་པོ་དཔེ་མེད་པ་གཅིག་ཡིན། ལྟ་བ་ནི་དང་པོ་རིག་པ་གསལ་སིང་ངེ་བ་དེ་ཡིན། དེ་སངས་རྒྱས་ཀུན་གྱི་ཐུགས་གཉིས་སུ་མེད་པའི་ཡེ་ཤེས་ཆེན་པོ་ཡིན་ཏེ། དེ་ལ་བརྟེན་ནས་བསྒོམས་པས་ད་རུང་འགྲོ་བའི་སྐས་ཀྱི་རིམ་པ་བཞིན་དུ་འོང་པ་ཡིན། ད་རུང་དེ་འདྲ་བ་བརྒྱ་དང་སྟོང་འོང་གསུང་། རིན་པོ་ཆེ་སྒམ་པ་པོ་དང་། རིན་པོ་ཆེ་མཚུར་ཕུ་བ་གཉིས་ཀྱི་ཞུས་ལན། ཆོས་འདིས་སེམས་ཅན་ལ་ཕན་ཐོགས་པར་གྱུར་ཅིག ། ཨྠྀི།། །།
2-2-114a
༄༅། །ཆོས་དྲུག་གི་ཞལ་གདམས་བཞུགས་སོ། །
2-2-114b
གཉིས་སོ། །དེ་ལ་འདི་ཉམས་སུ་ལེན་ན། ལུས་དངོས་པོའི་གནས་ཐབས་གཏུམ་མོ་ཡེ་ཤེས་ཀྱི་གདམས་ངག་ལ་གསུམ་ལས། མ་ཟིན་པ་ཟིན་པར་བྱེད་པའི་གདམས་ངག །རྡོ་རྗེ་སྐྱིལ་ཀྲུང་ལ་སོགས་བསམ་གཏན་གྱི་ཆོས་དྲུག་བྱ། དེས་དམིགས་པ་ཐིག་ལེ་ལ་གཏད་པ་ནི། སྨིན་ཕྲག་ཏུ་རུས་པ་གྲུ་གསུམ་གྱི་ནང་དུ་རླུང་སེམས་འདྲེས་པའི་ཐིག་ལེ་དཀར་ལ་སྣུམ་པ། སྣུམ་ལ་འདྲིལ་བ་གཅིག་ལ་སེམས་གཏད་ལ་འཇམ་རླུང་བཟུང་། དེ་ནས་ཡར་ཚངས་པའི་བུ་ག་དང་། མར་རྡོ་རྗེའི་རྩེ་མོ་རྣམས་སུ་སིང་སྒྲ་དང་བཅས་པས་རིམ་གྱིས་གང་། བདེ་བ་ལ་སེམས་གཏད་ལ་ཞག་བདུན་བསྒོམ། གཉིས་པ་དམིགས་པ་རླུང་ལ་གཏད་པ་ནི། གཡས་གཡོན་རྩ་དབུ་མ་ལ་རྒྱུ་མ་ཕུས་བཏབ་པ་བཞིན་དབུ་མ་ན་མར་སོང་བ་ལ་སེམས་གཏད། གསུམ་པ་རྩ་ལ་གཏད་པ་ནི། རྩ་གསུམ་པོ་དེ་སྦོམ་ཕྲ་གྲོ་སོགས་འབྲིང་པོ་ཙམ། ཕྱི་སྔོ་བ་ནང་དམར་བ་ཁོང་སྟོང་སང་ངེ་བ་དེ་ལ་སེམས་གཏད། དེ་ལ་སྦྱང་བ་གསུམ་གསུངས་སོ། །དེ་གསུམ་གྱིས་ཟིན་ན། གཉིས་པ་ལ་མི་དགོས། མ་ཟིན་ན་རླུང་དྲག་ཏུ་བསྒོམ། ཟིན་པ་བརྟན་པར་བྱེད་པ་ལ་ལུས་ཀྱི་གནད་ནི། བསམ་གཏན་གྱི་ཆོས་དྲུག །བཅིང་བ་གསུམ་ཡང་གསུངས། ཡུལ་གྱི་གནད་ནི། སྤྱི་བོ་ཚངས་པའི་བུ་ག་ནས་ལྟེ་བའི་འོག་ལ་ཐུག་པར་ཤིན་ཏུ་དྲང་བ། སྔོ་བ། སྟོང་པ། ཕྱི་སྔོ་ལ་ནང་དམར་བ། སྦོམ་
2-2-115a
༄༅། །ཕྲ་གྲོ་སོག་འབྲིང་པོ་ཙམ་མོ། །དེའི་ནང་ན་ལྟེ་བའི་སོར་བཞིའི་འོག་ན་ཡེ་ཤེས་ཀྱི་ས་བོན་ནི། ཨ་ཤད་ཀྱི་རྣམ་པ་དམར་ལ་ཚ་བ་མོ་ཁབ་ཙམ་གཅིག་བསམ། རླུང་གི་གནད་བཞི་ལས། དང་པོ་རྡུབ་པ་ནི། རོ་མ་རྐྱང་མ་གཉིས་ནས་སོ། །དགང་བ་ནི་དབུ་མ་ནས་ཕུས་བཏབ་པ་བཞིན་ནོ། །གཞིལ་བ་ནི། བ་སྤུའི་བུ་ག་ཐམས་ཅད་ནས་སྐྱ་སིབ་སིབ་སོང་བར་བསམ་མོ། །མདའ་ལྟར་འཕང་བ་ནི། དབུ་མ་ནས་ཚངས་པའི་བུ་ག་ན་ཡར་ལ་འཕངས་པ་ཡིན་ནོ། །དེ་ནི་འཕོ་བའི་སྔོན་འགྲོ་ཡང་ཡིན་ནོ། །བཞི་པ་དུས་ཀྱི་གནད་ནི། ལུས་ལ་བདེ་བ་སྐྱེས་པའི་དུས་སུ་ཡུན་རིང་དུ་བསྒོམ་མོ། །རླུང་དབུ་མར་ཆུད་ནས་ཟག་བཅས་ཀྱི་བདེ་བ་བས་ཀྱང་ལྷག་པ་འབྱུང་སྟེ། དེའི་དུས་སུ་དེ་ཉིད་ཕྱག་རྒྱ་ཆེན་པོར་ཤེས་དགོས་སོ། །གཟུང་འཛིན་གཉིས་ནི་གཡས་དང་གཡོན་དབུ་མར་དེ་དག་ཆུད་ན་བདག་མེད་གཉིས་ཀྱི་དོན་ཤུགས་ལས སྐྱེའོ། །ད་ནི་གསུམ་པ་བརྟན་པ་བོགས་དབྱུང་བ་ནི། ཁ་ཟས་ཀྱི་ལྕག་གལ་ཆེ་སྟེ། དང་པོ་དྲོད་ཀྱི་བོགས་འབྱིན་པ་ནི། ལུས་གནད་ལ་སོགས་པ་དངོས་གཞི་ལྟར་བྱས་ལ། ལག་པ་གཡས་གཡོན་གྱིས་པུས་མོ་གཡས་གཡོན་ལ་འཁྱུད། ལྟེ་བའི་འོག་གི་མེ་ཇེ་ཆེ་ལ་བསྐྱེད་པས་ལྟེ་བའི་ལྟག་གི་སོར་བཞིར་ཕྱིན། དེར་དབུགས་ངལ་བསོ། དེ་ནས་སྙིང་ཁར་ཕྱིན་དེར་དབུགས་ངལ་བསོ། དེ་ནས་མགྲིན་པར་ཕྱིན། དེ་ནས་
2-2-115b
སྤྱི་གཙུག་མན་ཆད་ཀྱི་ལུས་ཕྱི་ནང་གི་བ་སྤུའི་བུ་ག་ཐམས་ཅད་ནས་མེ་བྱུང་སྟེ་དམར་འུ་རུ་རུ་འབར་ཞིང་། ལུས་དང་དབང་པོ་བསྒྲིམས་ལ་དྲག་ཏུ་བསྒོམ། བཀུ་མཉེ་བྱ། གྲང་ས་ཀུན་ཏུ་ལག་མཐིལ་གྱིས་མཉེ། དྲོད་སྐྱེས་ནས་དམིགས་པ་སྔར་ལྟར་བསྒོམ། རླུང་ཁ་སྦྱོར་བྱ་གསུང་། དེ་ནས་དྲོད་སྐྱེས་ཀྱང་བདེ་བ་མ་སྐྱེས་ན། དྲོད་བརྐྱང་དུ་སོང་བས། བདེ་བ་བོགས་འབྱིན་པ་ནི། ཧམ་འབར་འཛག་གི་མན་ངག་བྱ་སྟེ། ཆུ་སོའི་མེ་དེ་ལྟེ་བའི་ལྷག་སོར་བཞིན་ན་ཡར་འབར་བར་བསམ། དེའང་རྩ་དབུ་མའི་ནང་དུ་ཡར་འབར་བས་སྤྱི་བོའི་ཧཾ་ལས་ཐིག་ལེ་གཅིག་ཆད་པས་མེ་ལ་ཕོག་པས་མེ་འབར་བ་ལ་སྣུམ་ཕོག་པ་བཞིན་དུ་མེ་དམར་ནར་གྱིས་བྱུང་བར་བསམ། དེ་ནས་ཧམ་ལས་ཐིག་ལེ་རྒྱུན་བབ་པས་ལྟེ་བ་ཡན་ཆད་ཀྱི་རྩ་ཐམས་ཅད་བྱང་སེམས་ཀྱིས་གང་བར་བསམ། དེས་ཀྱང་བདེ་བ་མ་སྐྱེས་ན་གཏུམ་མོ་བ་འཇོ་བའི་མན་ངག་བྱ་སྟེ༑ པུས་མོ་གཉིས་སྤྲད་ལ་རྐང་རྩེ་གཉིས་བསྐྱེད། སྤྱི་བོའི་ཧཾ་ལས་ཧཱུྃ་དཀར་པོ་གཅིག་ཆད་པས་རྩ་དབུ་མའི་ནང་ན་མར་བྱུང་བས་གསང་བའི་རྡོ་རྗེའི་རྩེ་མོར་དཀར་ཡེར་ཡེར་འདུག་པར་བསམ་པ་ལ་རླུང་ཁ་སྦྱོར་བྱ། དེ་ལྟར་རྔུབས་པ་དང་གཞིལ་བའི་སྦྱོར་བས་གྲོལ་ལམ་པས་ཡུན་རིང་དུ་བསྒོམ། དེས་བདེ་བ་མི་ཐུབ་པ་སྙམ་བྱེད་ནས་རྡོ་རྗེ་ནོར་བུའི་རྩེ་མོའི་ཧཱུཾ་དེ་ཡར་སོང་བས་སྤྱི་བོ་ཚངས་པའི་བུ་གའི་སྟེང་དུ་
2-2-116a
༄༅། །དཀར་མེར་མེར་རེ་ཧཱུྃ་ལ་ཐིམ་པར་བསམ། ཚངས་བུག་རྡོ་རྗེ་རྒྱ་གྲམ་དཀར་པོ་རྩེ་ལྔ་པ་གཅིག་གིས་ཁ་བཅད་པར་བསམ། དེ་ནས་ཐིག་ལེ་ཧཾ་ལ་འདུ་བ་མེ་སྔ་མ་བཞིན་ནོ། །བདེ་བ་སྐྱེས་ཀྱང་མི་རྟོག་པ་མ་སྐྱེས་ན། གསུམ་པ་མི་རྟོག་པ་བསྒོམ་བྱུང་གི་མན་ངག་བྱ་སྟེ། ལུས་གནད་དངོས་གཞི་དང་འདྲ། འཇམ་རླུང་མནན། སེམས་ཀྱི་དམིགས་པ་སྣ་བུག་གཡོན་པའི་སོར་བཞིའི་སར་གཏད་ལ། སེམས་ཀློད་ལ་ཕྱག་རྒྱ་ཆེན་པོ་བསྒོམ་མོ། །རྗེ་ནཱ་རོ་པ་པཎ་ཆེན་གྱིས་བསྒོམས་པས་སངས་རྒྱ་བ་གཏུམ་མོའི་གདམས་ངག །འཁོར་ལོ་ན་ལྟེ་བ་སྤྲུལ་པའི་འཁོར་ལོ། དེ་ལྟར་འབད་རྩོལ་གྱིས་བསྒོམ་པ་དེ་ཡིན། དེ་ནམ་མཁའ་ལྟ་བུའི་ཉམས་འབྱུང་བ་རང་བཞིན་ནོ། །མི་རྟོག་པ་བྱུང་ནས་སེམས་འཛིན་ཐུག་ཐལ་ན་དེ་ལྟར་ཡང་ཡང་རླུང་དྲག་ཏུ་བསྒོམ་མོ། །ཡང་ན་དེ་ཉིད་ལ་མ་ཆགས་པར་ཐམས་ཅད་སེམས་སུ་ཤེས་པར་བྱས་ནས་ཕྱག་རྒྱ་ཆེན་པོའི་འདིའི་ངང་དུ་ཤེས་དགོས་སོ། །འདི་ལ་གསུམ་འཁོར་ལོ་བཞི་ལ་བརྟེན་པ་ཡང་གསུང་། སྲོག་དང་རྩོལ་བའི་མན་ངག་ཀྱང་གསུང་། བདེ་སྟོང་ལམ་དུ་འཁྱེར་བ་ཡང་གསུང་། རྫོགས་སོ།། །།
༄། །རྗེ་ནཱ་རོ་པ་པཎ་ཆེན་གྱི་སྒྱུ་མ་དང་པོའི་གདམས་ངག
བླ་མ་རྣམས་ལ་ཕྱག་འཚལ་ལོ། །སྣང་བ་སྒྱུ་མར་མ་ཤེས་ནས། །རྨི་ལམ་སྒྱུ་མར་མི་ཤེས་ན། །བར་དོ་སྒྱུ་མར་མི་ཤེས་པས། །སྒྱུ་མ་གསུམ་ལ་བསླབ་པ་སྟེ། དེ་བསྒོམ་པར་འདོད་ན། གནས་དབེན་
2-2-116b
པར་ཕྱིན་ནས་སྟན་བདེ་བ་ལ་འདུག་སྟེ། སྒྱུ་མའི་དཔེ་བརྒྱད་དང་འདྲ་བར་བསྒོམ་སྟེ། ཕྱོགས་གཅིག་ཉེ་བར་མཚོན་ན། མདུན་དུ་མེ་ལོང་གཡའ་དག་པ་ཞིག་བཅིངས་ལ། སེམས་ཅན་གྱི་དོན་བྱ་སྙམ་དུ་བྱང་ཆུབ་མཆོག་ཏུ་སེམས་བསྐྱེད་དེ། བསྐྱེད་པའི་རིམ་པ་ཅི་རིགས་སུ་བསྒོམ་ལ། མདུན་གྱི་མེ་ལོང་ལ་བལྟས་ལ། རང་དང་སྣང་བ་འདི་ཁྱད་མེད། ཁྱད་པར་ཅི་ཡོད་སྙམ་དུ་ཡང་ནས་ཡང་དུ་ཐ་མི་དད་པར་རང་ལ་གཞུག་ཅིང་བསྒོམ་མོ། །སློབ་དཔོན་ནམ་གྲོགས་པོ་ལ་སོགས་རྒྱུས་ཤེས་པ་དེ་ལ་བསྟོད་པ་དང་སྨད་པ་ལ་སོགས་བྱེད་དུ་གཞུག །དགའ་བ་དང་མི་དགའ་བ་མེད་པར་བལྟས་ལ་མེ་ལོང་གི་གཟུགས་བརྙན་དེ་རང་ལ་བསྡུས་ཏེ་དེ་ལྟར་ཡང་ནས་ཡང་དུ་བསྒོམ། ཕྱིས་ཚོང་འདུས་སུ་སོང་ལ་ཚིག་ལ་སོགས་པ་ཐམས་ཅད་ཀྱང་དེ་བཞིན་དུ་ཤེས་པར་བྱའོ། །དེའི་དུས་སུ་ཆོས་བརྒྱད་ཀྱིས་ཅུང་ཟད་གནོད་ན། ད་རུང་དབེན་པར་ཕྱིན་ལ་བསྒོམ། མི་གནོད་ན་རོ་སྙོམས་ཀྱི་སྤྱོད་པ་བྱ་གསུང་། དེ་ནས་གང་བདེར་འགྲོ་བ་ལ་སོགས་ཅི་བདེ་བར་བྱ། དེ་ལྟར་བྱས་པས་སྣང་བ་སྒྱུ་མར་ཤེས་པ་འབྱུང་གསུང་ངོ་། །འདི་ལ་བཞི་ལས། ལུས་ནི་རྣམ་པར་སྨིན་པའི་ལུས། བསྲེ་བ་ན་སྒྱུ་ལུས་དང་བསྲེ། བར་དོ་ན་སྐྱེ་ཤི་བར་དོ། །སྒྱུ་མ་ན་དང་པོ་ཉིན་པར་གྱི་དུས་སུ་བསྒོམ་པའོ། །རྗེ་ནཱ་རོ་པ་པཎ་ཆེན་གྱི་སྒྱུ་མ་དང་པོའི་གདམས་ངག །ཨྠྀི།། །།
༄། །རྗེ་ནཱ་རོ་པཎ་ཆེན་གྱི་རྨི་ལམ་ལམ་དུ་འཁྱེར་བའི་ཞལ་གྱི་གདམས་ངག་དམ་པ།
བླ་མ་
2-2-117a
༄༅། །དམ་པ་རྣམས་ལ་ཕྱག་འཚལ་ལོ། །ད་རྨི་ལམ་ལམ་དུ་འཁྱེར་བ་ལ་དོན་བཞི་སྟེ། དང་པོ་བཟུང་བ་དང་། སྦྱང་བ་དང་། སྒྱུ་མར་བྱིན་གྱིས་བརླབ་ཅིང་ཡ་ང་བ་སྤང་བ་དང་། རྨི་ལམ་གྱི་དེ་ཁོ་ན་ཉིད་དོ༑ ༑དང་པོ་བཟུང་བ་ལ་དོན་གསུམ་ཏེ། ལུས་ཀྱི་གནད་ནི་ཅི་བདེ་བར་ཉལ་ལོ། །དུས་ཀྱི་གནད་ནི་གཉིད་ཐུན་དུ་བཅད་པའམ། གཉིད་མ་སད་ཀྱི་བར་དུ་བྱའོ། །ཡུལ་གྱི་གནད་ནི་མགྲིན་པར་པདྨ་དམར་པོ་འདབ་མ་བཞི་པ་བསམ་ལ། རིམ་གྱིས་བསྒོམ་པའམ། ཅིག་ཅར་དུ་བསྒོམ་པའོ། །རིམ་གྱིས་བསྒོམ་ན་མགྲིན་པའི་པད་མའི་དབུས་སུ་ཨོཾ། མདུན་གྱི་འདབ་མ་ལ་ཨཱཿ གཡས་སུ་ནུ། རྒྱབ་ཀྱི་འདབ་མ་ལ་ཏ། གཡོན་ཕྱོགས་ཀྱི་འདབ་མ་ལ་ར་དྲན་པ་ཙམ་བྱ། དེ་ནས་དབུས་ཀྱི་ཨོཾ་ལ་ཤེས་པ་ལྷན་གྱིས་གཏད་ལ་གཉིད། ཅིག་ཅར་དུ་བསྒོམ་ན། དང་པོ་ནས་མགྲིན་པར་པད་མ་དམར་པོ་འདབ་མ་བཞི་པའི་དབུས་སུ་ཨོ་དམར་པོ་གཅིག་བསམ་ལ། དེ་ལ་ཤེས་པ་གཏད། ཡང་ན་སྨིན་ཕྲག་ཏུ་རུས་པ་གྲུ་གསུམ་ན་ཐིག་ལེ་དཀར་པོ་སྲན་འབྲུ་ཙམ་ལ་ཤེས་པ་གཏད་ནས་ཉལ་ན་གཉིད་འཐུག་པོ་འོང་བ་དང་། དམར་པོ་ལ་གཏད་ན་རྨི་ལམ་དུ་ཆུ་ཆེན་པོ་འོང་བ་དང་། མེ་དང་མི་བདེ་བ་དང་ཤ་ཟ་སྲིན་པོ་འདྲ་བ་ལ་སོགས་པ་འཇིགས་པ་དང་མི་འཚམ་པ་རྣམ་པ་སྣ་ཚོགས་འོང་། དེ་ཡང་འདི་ལྟར་ཉམས་སུ་བླང་སྟེ། བསྐྱེད་པའི་རིམ་པ་བསྒོམ། 
2-2-117b
བྱང་ཆུབ་ཏུ་སེམས་བསྐྱེད་བྱས་ལ་ཅི་བདེ་བར་ཉལ་ལ་འདུན་པ་འདི་ལྟར་བཏང་བར་བྱ་སྟེ། བདག་གིས་རྨི་ལམ་རྨི་བར་བྱའོ། །དེ་ཡང་ཡི་དམ་ལྷ་ཡི་ཞལ་མཐོང་བ་དང་། ནམ་མཁར་འཕུར་བ་དང་། ཉི་ཟླ་རྡོག་པས་གནོན་པ་ལ་སོགས་པའི་ངོ་མཚར་ཅན་གྱི་རྨི་ལམ་རྨི་བར་བྱའོ་བསམ་པའི་འདུན་པ་བཏང་ལ་ཉལ་བར་བྱའོ། །དེ་ནས་རྨི་ལམ་དུ་ངོ་མ་ཤེས་ན་ཐུན་མཚམས་སུ་ཆོས་ཐམས་ཅད་རྨི་ལམ་ལྟ་བུ་ཡིན་ཟེར་བ་ལ༑ དེ་ལྟར་མ་ཤེས་པ་རེ་མ་ལེགས་ན་སྙམ་དུ་འདུན་པ་དྲག་པོ་བྱ་ཞིང་བསྒོམ། དེ་ལྟར་ཡང་ནས་ཡང་དུ་འདུན་པ་དྲག་པོ་བྱས་ཤིང་བསྒོམས་པས་རྨི་ལམ་ལ་རྨི་ལམ་དུ་ངོ་ཤེས་ནས་ཆོས་ཐམས་ཅད་རྨི་ལམ་ཡིན་ཟེར་བ་དེ་བདེན་སྙམ་དུ་བྱའོ། །གཉིས་པ་རྨི་ལམ་སྦྱང་བ་ནི། སུམ་བཅུ་རྩ་གསུམ་ལྷའི་གནས་ན་རྡོ་ཨ་མོ་ལེ་གའི་སྟེང་ན་འདུག་ནས་ལྷ་རྣམས་ལ་ཆོས་འཆད་པ་དང་། རྒྱ་གར་གྱི་ཡུལ་ལྟ་བ་དང་། བུད་མེད་ལ་སོགས་པ་ཐམས་ཅད་རྗེ་བཙུན་མ་དང་བདག་མེད་མའི་རང་བཞིན་དུ་བྱ་བ་ལ་སོགས་པ་ཡིད་ལ་ཅི་ལྟར་བསམ་པ་ཐམས་ཅད་བྱའོ། །གསུམ་པ་སྒྱུ་མར་བྱིན་གྱིས་རླབས་ཅིང་ཡ་ང་བ་སྤང་བར་བྱ་བ་ནི། ཆུ་ཆེན་པོ་དང་། གཡང་ལ་སོགས་པ་རྨིས་པ་ཐམས་ཅད་སྒྱུ་མ་ཡིན་མོད་འཇིགས་སུ་ཅི་ཞིག་དགོས་སྙམ་དུ་བསམ་མོ། །དེ་ཡན་ཆད་རྨི་ལམ་གྱི་རང་བཞིན་དང་། ལམ་གྱི་རང་བཞིན་བསྲེ་བའོ། །བཞི་པ་རྨི་ལམ་
2-2-118a
༄༅། །གྱི་དེ་ཁོ་ན་ཉིད་ནི། དེ་དག་ཐམས་ཅད་སྐྱེ་བ་མེད་པས་ཕྱག་རྒྱ་ཆེན་པོའི་ངང་དུ་བཞག་པའོ། །དེ་ལྟར་བྱས་ཀྱང་རྨི་ལམ་ལ་རྨི་ལམ་དུ་མ་ཤེས་ན་མདང་སུམ་གྱི་རྨི་ལམ་དྲན་པར་བྱས་ལ། མདང་གི་རྨི་ལམ་དང་ཉིན་པར་གྱི་སྣང་བ་འདི་ལ་ཁྱད་པར་ཅི་ཡང་མེད་སྙམ་དུ་འདུན་པ་དྲག་ཏུ་བསྒོམས་པས་རྨི་ལམ་དུ་ངོ་ཤེས་པ་འབྱུང་ངོ་། །དེ་ལྟར་བསྒོམས་པས་ཕྱི་རོལ་གྱི་སྣང་བ་འདི་ལང་ངེ་ལིང་ངེར་མཐོང་བ་དང་༑ བསྟོད་པ་དང་སྨད་པ་ལ་སོགས་པ་དགའ་བ་དང་མི་དགའ་བ་མེད་པས། འཇིག་རྟེན་པའི་ཆོས་ལ་ཡ་ང་བ་ལ་སོགས་པ་མེད་པར་འགྱུར་རོ། །འདི་ཡང་ལུས་འདི་བག་ཆགས་ཀྱི་ལུས་ལ་བརྟེན་ནས་།བསྒོམ་མོ། །བར་དོ་ན་རྨི་ལམ་བར་དོ། །བསྲེ་བ་ན་རྨི་ལམ་དང་སྒྱུ་མ་བསྲེ། སྒྱུ་མ་ན་བར་པའོ། །རྗེ་ནཱ་རོ་པཎ་ཆེན་གྱི་རྨི་ལམ་ལམ་དུ་འཁྱེར་བའི་ཞལ་གྱི་གདམས་ངག་དམ་པའོ། །ཨྠྀི།། །།
༄། །རྗེ་ནཱ་རོ་པཎ་ཆེན་གྱི་བར་དོར་སངས་རྒྱས་པའི་གདམས་ངག
བླ་མ་དམ་རྣམས་ལ་ཕྱག་འཚལ་ལོ། །བར་དོ་བསྒོམ་པར་འདོད་པའི་གང་ཟག་གིས་འདི་ལྟར་ཉམས་སུ་བླང་ངོ་། །དང་པོ་འབྱུང་བ་བཞིས་བསྐྱེད་པའི་ལུས་འདི་འཇིག་པའི་དུས་སུ་ས་ཆུ་ལ་ཐིམ་པས་རྟགས་སུ་ལུས་ཀྱི་ཟུངས་མི་ཐུབ། ཆུ་མེ་ལ་ཐིམ་པའི་རྟགས་སུ་ཁ་སྣ་སྐམས། མེ་རླུང་ལ་ཐིམ་པའི་རྟགས་སུ་ལུས་ཀྱི་དྲོད་ཤོར། རླུང་རྣམ་པར་ཤེས་པ་ལ་ཐིམ་པའི་རྟགས་སུ་ཕྱིའི་དབུགས་ཆད། ནང་དབུགས་ཨེན་གཅིག་མི་ཆད། 
2-2-118b
དེའི་དུས་སུ་སྣང་བ་འདི་འབྱུང་སྟེ། དེའི་དུས་སུ་ཕྱི་རྟགས་ཟླ་བ་ཤར་བ་ལྟ་བུ་འབྱུང་། ནང་རྟགས་དུ་བ་ལྟ་བུ་འབྱུང་། སྣང་བ་མཆེད་པའི་རྟགས་སུ་ཕྱི་རྟགས་ཉི་མ་ཤར་བ་ལྟ་བུ་འབྱུང་། ནང་རྟགས་སྲིན་བུ་མེ་ཁྱེར་ལྟ་བུ་འབྱུང་། སྣང་བ་ཐོབ་པའི་རྟགས་སུ་ཕྱི་རྟགས་མུན་བསྲོས་པ་ལྟ་བུ་འབྱུང་། ནང་རྟགས་མར་མེ་ལྟ་བུ་འོང་། ཐོབ་པ་འོད་གསལ་བའི་དུས་སུ་ཕྱི་རྟགས་སྐྱ་རེངས་ཤར་བ་ལྟ་བུ་འབྱུང་། ནང་རྟགས་སྤྲིན་མེད་པའི་ནམ་མཁའ་ལྟ་བུ་འབྱུང་། དེའི་དུས་སུ་འོད་གསལ་ལ་འོད་གསལ་དུ་ངོ་ཤེས་པས་ཆོག །དབང་པོ་རབ་ཚེ་གཅིག་ལུས་གཅིག་གིས་སངས་རྒྱས་པ་ཡིན་ཏེ། དེ་ནི་མི་སློབ་པའི་ཟུང་འཇུག་གོ །དེ་ཡང་ལོ་ཧི་པ་ལ་སོགས་པའི་སྒྲུབ་ཐབས་ནས། འཆི་བ་ཞེས་བྱ་རྣམ་རྟོག་སྟེ། །མཁའ་སྤྱོད་གནས་སུ་ཁྲིད་པར་བྱེད། །ཞེས་བྱ་བའི་དོན་ཡང་དེ་ཡིན། འཆི་བ་དོན་དམ་ཤེས་རབ་ཕ་རོལ་ཕྱིན་པ་ཞེས་ཀྱང་བྱ། འོད་གསལ་བ་ནི་རྒྱུན་པར་གནས། །བར་དོའི་གྲོང་ཁྱེར་དེ་ལ་མེད། །ཅེས་པས་ཡར་གྱི་མཚམས་མེད་ཀྱང་དེ་ཡིན། དེ་ནི་སློབ་པའི་ཟུང་འཇུག་སྟེ། ཤི་ནས་ཞག་བདུན་ཕྲག་དང་པོ་ལ་རེས་ཤི་རས་མ་ཤི་སྙམ་པ་འབྱུང་༑ ཡོ་བྱད་དང་ཉེ་དུ་ལ་ཆགས། དེ་རང་ལ་བརྟེན་ནས་བར་དོ་ངོས་བཟུང་ངོ་། །དེ་ནི་མ་དག་པའི་སྒྱུ་ལུས་སོ། །དག་པའི་སྒྱུ་ལུས་ནི། ཞག་ཕྱེད་དང་བཞི་འདས་ནས་ཤི་བ་ལ་ཤི་བར་ངོ་ཤེས་པའི་དུས་སུ་
2-2-119a
༄༅། །སྔར་གྱི་ཡི་དམ་ལྷའི་སྐུ་སྒྱུ་མ་ཙམ་དུ་བསྒོམ་མོ། །དེས་ཀྱང་མ་ཟིན་ན། དྲན་པ་སྦྱང་གཞི། རྣམ་རྟོག་སྦྱོང་བྱེད། འོད་གསལ་བ་དང་འདུན་པ་ལ་བརྟེན་ནས། །ཡང་ན་ཕོ་དེ་དགྱེས་པའི་རྡོ་རྗེ། མོ་དེ་བདག་མེད་མར་བསམ་ལ་འཁོར་བའི་ཉེས་དམིགས་བསྒོམས་པས་དགག །དེས་ཀྱང་མ་ཁེགས་ན། ཕོ་མོ་གར་སྐྱེ་ཤེས་པས། མོར་སྐྱེ་ན་ཕོ་ལ་འདོད་ཆགས་དང་། མོ་ལ་ཞེ་སྡང་སྐྱེ་བས། ཐམས་ཅད་བླ་མ་ཡབ་ཡུམ་ཡིན་པས་དབང་བཞི་བསྐུར་སྙམ་དུ་མངལ་དགག །དེས་ཀྱང་མ་ཁེགས་ན་ཕོ་དེ་བླ་མ། མོ་དེ་བླ་མའི་ཕྱག་རྒྱ་མོར་བསམ་ལ། དེ་གཉིས་ཀྱི་སྦྱོར་མཚམས་སུ་རང་གི་སེམས་ཉིད་ཧཱུཾ་གི་ངོ་བོར་བྱས་ལ། ཡང་ན་ཕོ་དེ་དགྱེས་པའི་རྡོ་རྗེ། མོ་དེ་བདག་མེད་མར་བསམ་ལ། དེས་ལས་ཀྱི་སྟོབས་ཀྱིས་ལུས་མི་ལེན། འཕེན་པའི་སྟོབས་ཀྱིས་ལུས་ལེན་ཏེ། དེའང་སེམས་ཅན་གྱི་དོན་གང་ལས་འབྱུང་བའི་ལུས་བླང་ངོ་། འདིས་ནི་སྐྱེ་བ་ཕྱི་མ་ལ་སངས་རྒྱས་སུ་འགྱུར་རོ། །འདིའི་ལུས་གང་ལ་བརྟེན་ནས་བསྒོམ་ན། ཡིད་ཀྱི་ལུས་ལ་བརྟེན། སྒྱུ་མ་ན་ཐ་མ། བར་དོ་ན་སྲིད་པ་བར་དོ། བསྲེ་བ་ན་སྒྱུ་མ་དང་བསྲེ། སློབ་པའི་ཟུང་འཇུག་གོ། །རྗེ་ནཱ་རོ་པཎ་ཆེན་གྱི་བར་དོར་སངས་རྒྱས་པའི་གདམས་ངག་གོ །དམར་ཁྲིད་རྫོགས་སོ།། །།
༄། །གཉིད་འོད་གསལ་དུ་གཞུག་པའི་མན་ངག
བླ་མ་དམ་པ་རྣམས་ལ་ཕྱག་འཚལ་ལོ། །བཅོམ་ལྡན་དགྱེས་པ་རྡོ་རྗེ་ལས། །གཉིད་ནི་སྤང་བར་མི་
2-2-119b
བྱ་སྟེ། །དབང་པོ་རྣམས་ནི་མི་དགག་གོ །ཞེས་གསུངས་སོ། །འདི་བསྒོམ་པར་འདོད་པས། གནས་དབེན་པར་གཉིད་འོང་པའི་ཐབས་བྱ་གསུང་། ལུས་ཀྱི་བཀུ་མཉེ་བྱས་ལ་དུགས་བྱེད་དུ་གཞུག །དེ་ནས་སྟན་བདེ་བ་ལ་འདུག་ལ་བྱང་ཆུབ་མཆོག་ཏུ་སེམས་བསྐྱེད། གོང་འོག་ཀུན་ཐུན་མོང་དུ་བྱ་གསུང་སྟེ། ཐུན་བཞིར་བསྐྱེད་རིམ་དང་བཟླས་བརྗོད་རྫོགས་པར་བྱ། དེ་ནས་དངོས་གཞི་ལ། དང་པོ་འོད་གསལ་ལ་འོད་གསལ་དུ་ངོ་ཤེས་པར་བྱ་སྙམ་པའི་འདུན་པ་དྲག་པོ་ཡང་ནས་ཡང་དུ་བཏང་ངོ་། །དེ་ནས་གནད་རྣམ་པ་གསུམ་ལས། ལུས་ཀྱི་གནད་ནི་སེང་གེའི་ཉལ་ཐབས་བྱ། མགོ་བྱང་ལ་བསྟན་ལ་ཉལ་ཏེ། ཡུལ་གྱི་གནད་ནི་སྙིང་གར་པདྨ་དམར་པོ་འདབ་བཞི། ཨ་ནུ་ཏ་ར་ཧཱུྃ་དབུས་སུ་ཡོད་པར་བསམ་སྟེ། གཅིག་པུར་བསྒོམ་ན་དང་པོ་ནས་ཧཱུྃ་ལ་དམིགས་པ་བཟུང་སྟེ། ཕྱག་རྒྱ་ཆེན་པོ་བསྒོམ། སློབ་དཔོན་པས་ཅིག་ཅར་བ་འདི་ཡིན་གསུང་། རིམ་གྱིས་བསམ་ན་ཐ་མལ་པའི་དུས་སུ་ཨ་དྲན་པ་ཙམ་སྣང་བ་ཅུང་ཟད། འདུན་པ་ཅུང་ཟད་ཕྱོགས་པའི་དུས་སུ་ནུ། སྣང་བ་མཆེད་འདུན་པ་ཆེར་ཕྱོགས་པའི་དུས་སུ་ཏ། སྣང་བ་ཐོབ་པའི་སྟེ། ཕྱིའི་སྣང་བ་ཞུ་ནས་སྟོང་པར་ཐིམ་པའི་དུས་སུ་ར། ཐོབ་པ་འོད་གསལ་དངོས་གཞིའི་དུས་སུ་ཧཱུཾ་ངོ་། །དུས་ཀྱི་གནད། གཉིད་ལོག་པའི་དུས་སུ་དེ་བསྒོམས་པས་ཉམས་ནི་གཉིད་ལ་སོགས་པའི་དབང་པོ་ལྔའི་
2-2-120a
༄༅། །ཡུལ་དུ་གྱུར་པ། གཟུགས་ལ་སོགས་པ་ཐམས་ཅད་བདེ་བ་སྟོང་པ་ལྷན་ལྷན་འབྱུང་བ་ལས་སོགས་ཆོས་བརྒྱད་ཤས་ཆུང་བ་ལ་སོགས་པ་འབྱུང་ངོ་། །གཉིད་འོད་གསལ་དུ་གཞུག་པའི་མན་ངག །རྗེ་ནཱ་རོ་པཎ་ཆེན་གྱི་ཞལ་ནས་བརྒྱུད་པ་རྫོགས་སོ། །འདི་ནི་གཉིད་ལོག་པ་མ་ཡིན་ཏེ། ཐ་མལ་པའི་གཉིད་དམ། ལུང་མ་བསྟན་པའི་གཉིད་དུ་མ་སོང་པས་སོ། །སད་པ་མ་ཡིན་ཏེ། འོད་གསལ་ལམ། བདེ་སྟོང་གི་ཉམས་གཉིས་མེད་དུ་ཆུད་པའོ། །སློབ་དཔོན་ལ་བ་པས། ལོ་བཅུ་གཉིས་སུ་གཉིད་ཐུན་གཅིག་བྱས་ནས་སད་པ་དང་། ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་གྱུར་གསུང་ངོ་། །ཞག་བདུན་ནམ། དགུ་ལ་སོགས་པར་གྲོགས་སྔས་སུ་བཞག་ལ། སོ་སྒྲ་དང་སྡུར་པ་བྱུང་ན་བསླང་དུ་གཞུག་གོ །རྫོགས་སོ།། །།
༄། །རྗེ་ནཱ་རོ་པཎ་ཆེན་གྱི་སྦྱངས་ཏེ་འཕོ་བའི་གདམས་པ།
དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །དཔལ་གདན་བཞི་ལས་བྱུང་བའི་འཕོ་བའི་མན་ངག་ལ་གསུམ་ཏེ། རྣལ་འབྱོར་པ་ལ་འཆི་ལྟས་བྱུང་ན། འཆི་བ་སླུ་བ་དང་། ཚོགས་བསག་པ་དང་། བྱང་ཆུབ་ཏུ་སེམས་བསྐྱེད་པ་དང་། དེས་མ་བཟློག་ན་འཕོ་བ་བྱ་སྟེ། རབ་འོད་གསལ་ལ་འཕོ་བ་ནི། བར་དོར་འོད་གསལ་ཟིན་པ་དེ་ཡིན། འབྲིང་སྒྱུ་ལུས་ལ་འཕོ་བ་ནི། བར་དོ་དག་པའི་སྒྱུ་ལུས་བསྒོམ་པ་དེ་ཡིན། ཐ་མ་བསྐྱེད་པའི་རིམ་པ་ལ་འཕོ་བའོ། །འདི་ལ་གསུམ་ལས། དང་པོ་སྦྱངས་ཏེ་འཕོ་བ་ནི། བསྐྱེད་
2-2-120b
པའི་རིམ་པ་ཅི་རིགས་པར་བསྒོམས་པས། རང་ཉིད་ཀྱི་གནས་གསུམ་དུ་ཡི་གེ་གསུམ་བསམ་ལ། དེ་ཉིད་ཀྱང་རླུང་རྔུབ་པའི་དུས་སུ་མགྲིན་པའི་ཨོ་ལས་ཧཱུྃ་མར་ཆད་པ་སྙིང་གར་ཕྱིན། སྙིང་གའི་ཧཱུྃ་ལས་ཨ་མར་ཆད་པས་ལྟེ་བར་གནས་པར་བསམ། རླུང་ཕྱིར་འཕེན་པའི་དུས་སུ་ལྟེ་བའི་ཨ་སྙིང་ཁའི་ཧཱུྃ་ལ་ཐིམ། སྙིང་གའི་ཧཱུྃ་མགྲིན་པའི་ཨོ་ལ་ཐིམ་པས་གཉིས་སུ་མེད་པར་བསམ། དེ་ལྟར་སྦྱངས་པས་རབ་ཀྱིས་རླུང་ཁུག་པ་བརྒྱ་རྩ་བརྒྱད་རེ། འབྲིང་གིས་བདུན་བཅུ་རྩ་གཉིས། ཐ་མས་སུམ་བཅུ་དྲུག་ཁེགས་སོ། །དེ་ནི་རླུང་སྦྱང་བའོ། །དེ་ནས་རྣལ་འབྱོར་པ་ལ་འཆི་ལྟས་བྱུང་ནས། འཆི་བ་སླུ་བ་དང་ཚོགས་གསོག་ཅེས་ཀྱང་མ་ཕན་ན། དང་པོ་ཡིད་ཀྱིས་འཁྲུལ་འཁོར་བཅས་ཏེ། སེམས་ཅན་ཐམས་ཅད་ཀྱི་དོན་དུ་བདག་ཉིད་ཧེ་བཛྲའི་གོ་འཕངས་ཐོབ་པར་བྱའོ་སྙམ་པའི་སེམས་བསྐྱེད། དེ་ནས་ཆོས་ཐམས་ཅད་སྒྱུ་མ་ལྟ་བུར་དམིགས་ལ་ལུས་ཀྱི་འཁྲུལ་འཁོར་སེམས་དཔའི་སྐྱིལ་ཀྲུང་ལ་སོགས་ཅི་བདེ་བར་བྱས་ལ། མགྲིན་པར་ཨོ་བསམ། སྙིང་གར་ཧཱུྃ་ལས་ཡུམ་བཞིས་བསྐོར་བར་བསྒོམ། འཕར་བར་བསམ། ལྟེ་བར་ཨ་བསམ། མདུན་དུ་ཡི་དམ་ལྷའི་སྐུ་སྒྱུ་མ་ལྟ་བུར་བསམ། དང་པོ་ཀ་ཧིག་བདུན་ནམ་དགུ་བརྗོད་པས་སྙིང་ཁའི་ཧཱུྃ་ལ་ཨ་ཡར་ཐིམ། དེ་ནས་ཡང་ཀ་ཧིག་བདུན་ནམ་དགུ་བརྗོད་པས་སྙིང་ཁའི་ཧཱུྃ་མགྲིན་པའི་ཨོཾ་ལ་ཐིམ། དེ་ནས་ཡང་
2-2-121a
༄༅། །ཀ་ཧིག་བརྗོད་པས། ཧཱུྃ་དེས་སྤྱི་བོ་ཚངས་པའི་བུ་གའི་ཀླུ་དེ་ཡར་རྒྱངས་ཀྱིས་འཕངས་པར་བསམ་མོ། དེ་ནས་ཡང་ཀ་ཧིག་བརྗོད་པས་ཧཱུཾ་དེ་ཡི་དམ་ལྷའི་ཐུགས་ཀར་ཐིམ་པར་བསམ་མོ། །རྗེ་ནཱ་རོ་པཎ་ཆེན་གྱི་སྦྱངས་ཏེ་འཕོ་བའི་གདམས་པ་རྫོགས་སོ། །རླུང་ལ་དབང་ཐོབ་པས་སྒྱུ་མ་ལ་བློ་སྦྱངས་ནས་འོང་གསུང་ངོ་།། །།
༄། །མ་བསྒོམས་པར་སངས་རྒྱས་པའི་འཕོ་བའི་གདམས་ངག
དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །ལུས་བཅོས་ཏེ་འཕོ་བ་འདི་སེང་གེའི་ཉལ་ཐབས་ཀྱིས་འཕོ་བར་བྱའོ། །རྣལ་འབྱོར་པ་ངེས་པར་འཆི་བའི་དུས་སུ་ཕྱིན་ངེས་ན། སྔོན་དུ་ཚོགས་བསག་པ་དང་འཆི་བསླུ་བྱའོ། །རླུང་གཡས་ནས་རྒྱུ་ན་ལག་པ་གཡས་པའི་སྲིན་ལག་གིས་དགག །སྤྱིར་ཡང་རླུང་གཡས་ནས་རྟག་ཏུ་རྒྱུ་ན་སྲིན་ལག་གིས་དགག །ཕྱག་རྒྱ་ཆེན་པོ་ལ་རྟགས་མ་བྱུང་ན་འཕོ་བ་འདི་བྱ་གསུང་། དེ་ནས་ཆོས་ཐམས་ཅད་སྒྱུ་མ་དང་རྨི་ལམ་ཙམ་དུ་ཤེས་པར་བྱས་ལ། འདི་ཀུན་གྱི་ཐུན་མོང་ཡིན་ཏེ་མགོ་བྱང་དུ་བསྟན་པ་སེང་གེའི་ཉལ་ཐབས་བྱས་ལ། རང་ཉིད་ཡི་དམ་དེ་ལྟར་བསྒོམས་ལ། ཡང་ན་ཡི་དམ་ལྷ་ཡི་ཐང་ཀ་བཀྲམ། དེ་ནས་མགྲིན་པར་ཨོཾ་བསམ། སྙིང་གར་ཧཱུྃ་བསམ། ལྟེ་བར་ཨ་བསམ། དེ་ནས་ལྟེ་བའི་ཨ་དེ་སྙིང་གའི་ཧཱུྃ་ལ་ཐིམ། སྙིང་གའི་ཧཱུྃ་མགྲིན་པའི་ཨོཾ་ལ་ཐིམ། མགྲིན་པའི་ཨོ་སྣ་བུག་གཡོན་པ་ནས་ཡི་དམ་ལྷའི་ཐུགས་ཀར་ཐིམ་པར་བསམ། འདི་ནི་བཅོམ་ལྡན་འདས་ཀྱི་སྐུ་
2-2-121b
གསུང་ཐུགས་ཀྱི་སྒོ་ནས་ཆོས་གསུངས་པ་ལགས་སོ། །འདི་སྐུ་ཡི་སྒོ་ནས་ཆོས་གསུངས་པ་ལགས། ཕྱི་རབས་ཀྱི་སེམས་ཅན་རྣམས་ཀྱང་ང་ལྟར་གྱིས་བྱ་བའི་བརྡ་བསྟན་ཏེ། འདི་ནི་ཐུན་མོང་མ་ཡིན་པའི་གདམས་ངག་སྟེ། ཡེ་མ་བསྒོམས་ཀྱང་འཆི་ཁར་འདི་ལྟར་བྱས་ན་སྤྲུལ་པའི་སྐུ་ཐོབ་པོ། །དེ་ཡང་བཅོམ་ལྡན་འདས་ཀྱིས། རྐུ་འཕྲོག་གིས་ནི་ལྷ་དབྱེ་དང་། །ཉིན་རེ་བྲམ་ཟེ་བརྒྱ་བསད་དང་། །མཚམས་མེད་ལྔ་ནི་བྱེད་པ་དག །འདི་ཉིད་ཡོད་ན་གྲོལ་བར་འགྱུར། །ཅེས་གསུངས་སོ། །རྗེ་ནཱ་རོ་པཎ་ཆེན་གྱི། མ་བསྒོམས་པར་སངས་རྒྱས་པའི་འཕོ་བའི་གདམས་ངག་འདི་ཤིན་ཏུ་གལ་ཆེ་བར་གསུངས་སོ། །འདིར་ཀ་ཧིག་བརྗོད་མི་དགོས་སོ།། །།
༄། །རྗེ་ནཱ་རོ་པཎ་ཆེན་གྱི་བཙན་ཐབས་སུ་འཕོ་བའི་གདམས་པ།
བླ་མ་དམ་པ་རྣམས་ལ་ཕྱག་འཚལ་ལོ། །བཙན་ཐབས་ཀྱི་འཕོ་བ་འདི་ལ་ནི། རང་གིས་སྡིག་པ་མི་ཟད་པ་བྱས་ཏེ། རྒྱལ་པོའི་ཆད་པ་ལ་སོགས་པས་འཆི་ངེས་པ་བྱུང་ནས་སྡིག་པ་བཤགས་པའི་སྐབས་མ་བྱུང་ན། རང་གི་གཡས་གཡོན་དུ་ནས་ཡའམ། བརྩིག་པ་ཁྲུ་གང་པ་བྱས་ལ། དེ་ལ་ཤིང་ལག་ངར་ལས་ཅུང་སྦོམ་པ་ཁྲུ་གང་པ་ཅིག་བཀལ། ལུས་ཀྱི་འཁྲུལ་འཁོར་བཅད་པའི་ཕྱིར་ཐད་ཀའི་སྐེད་པ་དེ་ལ་བཀལ་ཏེ། གལ་རྐྱལ་དུ་ཉལ་ཏེ། ལག་པ་གཉིས་ཀྱི་སོར་མོ་རྣམས་ལྡག་ཁུང་དུ་བསྣོལ་ལ། རྐང་མཐིལ་གཉིས་ཀྱིས་གཤང་བའི་དབུགས་བཀག་ལ། སེམས་ཀྱི་འཁྲུལ་འཁོར་བཅད་པ་ནི། 
2-2-122a
༄༅། །བདག་གིས་སེམས་ཅན་ཐམས་ཅད་ཀྱི་དོན་དུ་ཧེ་བཛྲ་གྱི་གོ་འཕང་ཐོབ་པར་བྱའོ་སྙམ་པའི་སེམས་བསྐྱེད་བྱས་ལ། ཆོས་ཐམས་ཅད་སྒྱུ་མ་ལྟ་བུར་བསམ་པར་བྱའོ། །དེ་ནས་བདག་གིས་ཡི་དམ་ལྷ་ཡི་སྐུ་སྒྱུ་མ་ལྟ་བུར་བསྒོམས་ལ་རང་གི་ལྟེ་བར་ཨ། སྙིང་གར་ཧཱུྃ་ལ་ཡུམ་བཞིས་བསྐོར། དེ་འཕར་བཞིན་པར་བསམ། མགྲིན་པར་ཨོཾ་བསམ། དེ་ནས་ངག་གི་འཁྲུལ་འཁོར་བཅད་པ་ནི། ཀ་ཧིག་བདུན་ནམ། བརྒྱ་ཙམ་མམ། གཉིས་གསུམ་ཅི་ནུས་གཅིག་བརྗོད་པས་ལྟེ་བའི་ཨ་དེ་སྙིང་གའི་ཧཱུྃ་ལ་ཐིམ། ཡང་དེ་བཞིན་བྱས་པས་སྙིང་གའི་ཧཱུཾ་དེ་ཡུམ་བཞིས་འཕངས་པས། ནམ་མཁའ་ནས་ཡི་དམ་ལྷ་ཡི་ཐུགས་ཀར་ཐིམ་པར་བསམ་ལ། ཡི་དམ་ལྷའི་ཐུགས་ཀར་ཤེས་པ་དྲག་ཏུ་གཏད་དོ། །དང་པོ་ལུས་ངག་ཡིད་གསུམ་གྱི་འཁྲུལ་འཁོར་གསུམ་བཅད་ནས། འཕོ་བའི་དུས་སུ་སྟེང་རླུང་མནན། འོག་རླུང་ཡར་ཐེན་ལ་བུམ་པ་ཅན་བྱ༑ དེ་ནས་ཡང་རླུང་མ་ཐུབ་ན་ཡང་། འཕེན་པ་དང་། ཨ་ཡར་འཕང་བ་དང་། ངག་ཏུ་ཀ་ཧིག་བརྗོད་པ་དང་གསུམ་དུས་མཉམ་པ་ཡིན་གསུང་། འདི་སྡིག་པ་ཤིན་ཏུ་ཆེ་བས་རང་དགར་མི་བྱའོ། །རྗེ་ནཱ་རོ་པཎ་ཆེན་གྱི་བཙན་ཐབས་སུ་འཕོ་བའི་གདམས་པའོ། །བཙན་ཐབས་སུ་འཕོ་བ་རྣམས་ལ་འདི་གནད་ཆེ་གསུང་། ཚད་ཀྱང་མི་ཉན་རང་ལྕེབ་ཏུ་འགྲོ་བ་ཡིན་གསུང་ངོ་། །རྫོགས་སོ། །ཨྠྀི།། །།
༄། །རྗེ་ནཱ་རོ་པཎ་ཆེན་གྱི་གདམས་ངག་ཞལ་ནས་བརྒྱུད་པ།
དཔལ་རྡོ་རྗེ་མཁའ་
2-2-122b
འགྲོ་མ་ལ་ཕྱག་འཚལ་ལོ། །གྲོང་དུ་འཇུག་པ་འདི་ཉམས་སུ་ལེན་པ་ལ་འདི་ལྟར་བྱ་གསུང་སྟེ། དང་པོ་སྦྱངས་ཏེ་འཕོ་བ་ལྟར་རླུང་ལ་སྦྱངས་ལ། དེ་ནས་རླུང་ལ་བློ་འབྱོངས་ནས་མི་དཀའ་གསུང་། དེ་ནས་ཉམས་སུ་ལེན་པའི་དུས་སུ་མཎྜལ་ཐོག་ཏུ་ཐོད་པ་མཚན་ལྡན་ནམ། ཡང་ན་གཡམ་པ་ལ་ཧཱུྃ་དཀར་པོ་བྲིས་ལ་རྩི་ནག་པོས་བྱུག་གོ །དེ་རས་སམ་གོས་ཀྱིས་གཡོགས་ལ། དེ་ནས་ཤེས་པ་དེ་རང་གི་སྙིང་ཁའི་ཧཱུཾ། ལ་གཏད། དེ་གཏད་པ་དང་ཤེས་པ་རོའི་སྙིང་གའི་ཉི་ཟླའི་སྟེང་དུ་ཧཱུྃ་ཡོད་པར་བསམ་ལ། དེ་ལ་གཏད་ནས་རླུང་ཁ་སྦྱོར་དུ་བསྒོམས་ན་ཐོད་པ་འཚག་པ་དང་འཕར་བ་འོང་། དེའི་ཚེ་མཐར་ཕྱིན་ནས་སེམས་ཅན་གྱི་དོན་བྱེད་པར་འདོད་ན། གྲོང་འཇུག་བྱ་སྟེ། དང་པོ་ཕུག་རོན་ནམ་སེམས་ཅན་ཕྲ་མོ་གཅིག་ལ་ཚད། དེ་ལ་འགུལ་བ་ཙམ་ནུས་ན་སེམས་ཚུར་བསྡུས་ནས། དེ་ནས་མི་ཤི་ནས་ཞག་གསུམ་ལས་མ་ལོན་པ། རྒྱལ་པོ་ལ་སོགས་བསོད་ནམས་ཅན་གྱི་ལུས་ཡིན་ན་བཟང་། དེ་མིན་ན་ཡང་ཞར་བ་དང་ཞ་འོན་མ་ཡིན་པ། སྒུར་པོ་ལ་སོགས་པ་འཐེང་པོ་མ་ཡིན་པ། སྐྱོན་ཅན་མ་ཡིན་པ། མ་རུལ་བ་རྨ་མེད་པ། ལྐུགས་ནས་ཤི་བ་མ་ཡིན་པ། དེ་བླངས་ལ་ཁྲུས་བྱ། རྒྱན་གྱིས་བརྒྱན། གོས་བཀོན། དྲིས་བྱུག་དེ་ནས་དཀྱིལ་འཁོར་གྱི་སྟེང་དུ་བཞག་ལ་རང་དང་ཁ་སྦྱར་ལ་སྣ་བུག་གཡས་གཡོན་སྤྲད་ནས་རླུང་ཁ་སྦྱོར་ཞིང་། རང་གི་སྙིང་
2-2-123a
༄༅། །རྗེའི་ཧཱུྃ་ལ་ཤེས་པ་གཏད་ལ་བསྒོམ། རང་གི་སྣ་བུག་གཡོན་པ་ནས་ཁོའི་སྣ་བུག་གཡས་པར་ཧཱུྃ་དེ་འཇུག་པར་བསམ། དེ་ལྟར་བྱས་པས་ལུས་རྔུབ་པ་ནི་རྩ་གཉིས་ཀྱི་ནང་དུའོ། །དགང་བ་ནི། དེ་གཉིས་ནས་དབུ་མ་ཡར་ལ་ཏང་ཏང་སོང་བར་བསྒོམ། གཞིལ་བ་ནི། བ་སྤུའི་རྩ་བ་ནས་ཕར་སིབ་སིབ་སོང་བར་བསམ། མདའ་ལྟར་འཕང་བ་ནི། རླུང་མ་ཐུབ་ན་ཚངས་པའི་བུ་ག་ན་ཡར་ལ་རྒྱངས་ཀྱིས་སོང་བར་བསམ། དུས་ཀྱི་གནད་ནི། རླུང་གཡས་གཡོན་འཕོ་བའི་དུས་ཨ་བ་དྷཱ་ཏཱིར་རླུང་ཚུད་ནས་བདེ་བ་སིང་བ་སྐྱེ་བའི་དུས་སུ། དར་དྲག་ལ་ཡུན་རིང་དུ་བསྒོམ། དེ་ནི་སེམས་ཟིན་པ་བརྟན་པར་བྱེད་པ་དངོས་གཞིའི་གདམས་ངག་གོ །བརྟན་པ་བོགས་འབྱིན་པར་བྱེད་པ་བོགས་དབྱུང་གི་གདམས་ངག་ལ། ཡུན་རིང་དུ་བསྒོམས་ཀྱང་དྲོད་མ་སྐྱེས་ན། དྲོད་བོགས་དབྱུང་སྟེ། སྔོན་འགྲོ་ལུས་སྦྱོང་དྲག་ཏུ་བྱ། ཁ་ཟས་ཀྱི་ལྕག་གིས་བྲབ། བསྐུ་མཉེ་བྱ། དངོས་གཞི་ལ། རྐང་པ་གཡས་པའི་མཐིལ་གྱིས་གཡོན་པའི་བོལ་མནན། སུས་བྲང་སྦྱར་ལ། ལག་པ་གཡས་པས་གཡོན་པའི་དཔུང་པ་ལ་འཁྱུད། དམིགས་པ་ལྟེ་བའི་མེ་ཡར་ལ་འབར་བར་བསམ། དེ་མེ་དམར་ནག་འུར་སྒྲ་དང་བཅས་ནས་དྲག་ཏུ་འབར་བས་བ་སྤུའི་བུ་ག་ན་ཕར་ལ་སིབ་སིབ་སོང་བར་བསམ། དེ་ལྟར་བསྒོམས་ནས་དྲོད་སྐྱེས་ཀྱང་བདེ་བ་མ་སྐྱེས་ན་དྲོད་རྐྱང་པར་
2-2-123b
འགྲོ་བས་བདེ་བ་བོགས་དབྱུང་སྟེ། ལུས་སྔར་བཞིན་བྱ་སྟེ། སྤྱི་བོ་བདེ་ཆེན་གྱི་ཧཾ་མགོ་ཐུར་དུ་འཕྱང་པ་ལས་རླུང་སེམས་འདྲེས་པའི་ཐིག་ལེ་བབ་ནི་མ་བབ། བབ་ལ་ཁད་པ་དཀར་ཁྱིལ་ལེར་འདུག་པར་བསམ། ལྟེ་བའི་འོག་གི་མེ་ལྟེ་བའི་སོར་བཞི་ནས་ཡར་ལ་དྲངས་ལ། སྤྱི་བོའི་ཧཾ་གི་ཐིག་ལེ་ལས་གཅིག་དཀར་ཧྲིལ་གྱིས་ཆད་ནས། མེ་ལ་ཕོག་པས། མེ་ཡར་ལ་དམར་ནར་གྱིས་བྱུང་ནས་སྙིང་ཁར་སླེབ་པས་ཧཾ་ལས་བྱང་ཆུབ་ཀྱི་སེམས་དཀར་ཧྲིལ་ལི་ལི་ཆད་པས། དཔེར་ན་འོ་མའི་དྲོད་པ་ལྟ་བུ་ལྟེ་བ་མན་ཆད་དཀར་མེར་གྱིས་གང་བར་བསྒོམ། དེས་ཀྱང་བདེ་བ་མ་སྐྱེས་འཚེར་བ། སྣུམ་ལ་འདྲིལ་བ། ཆེ་ཆུང་གི་ཚད་ཡུངས་ཀར་རམ། སྲན་མའི་རྡོག་པོ་ཙམ་ཅི་རིགས་པ་ཅིག་ལ་ཤེས་པ་གཏད། གན་ན་མི་ཡོད་པས་མི་ཚོར་ཙམ་དུ་འཇམ་རླུང་བཟུང་ལ། ཞག་བདུན་ཙམ་དུ་བསྒོམས་པས་ཐིག་ལེ་འགུལ་བའམ། རྩེ་བའམ། ལག་པས་རེག་ཏུ་བཏུབ་པ་སྙམ་བྱེད་པའམ། གཞན་ལ་བསྟན་དུ་བཏུབ་པ་སྙམ་བྱེད་པ་ཙམ་ན། རུས་པའི་སྟེང་ལྤགས་པའི་འོག་ནས་ཡར་ཧྲིལ་ལི་ལི་འདྲིལ་ནས་སྤྱི་བོ་ཚངས་པའི་བུ་ག་སྐྱ་ཙི་རེ་འདུག་པ་ལ་ཨེན་ཙམ་ཅིག་བསྒོམ། སྤྱི་བོ་ཚངས་པའི་བུ་ག་ནས་ཨ་བ་དྷཱུ་ཏཱི་ན་མར་སིང་སྒྲ་དང་བཅས་ནས་སོང་བས། རྡོ་རྗེའི་རྩེ་མོ་ན་སྐྱ་རྩེ་རེ་འདུག་པ་ཨེན་ཅིག་བསྒོམ། ཡང་ཡར་ལ་བྱུང་། ཚངས་པའི་བུ་ག་དང་སྨིན་ཕྲག་ཏུ་
2-2-124a
༄༅། །བསྒོམ་པའོ། །གཉིས་པ་རླུང་སྦྱང་བ་ནི། རླུང་ནང་དུ་རྔུབས་པས་དཔེར་ན་ལུག་རྫུད་ཀྱི་རྒྱུ་མ་ཕུས་བཏབ་པ་བཞིན་དུ་རྩ་གཡས་གཡོན་ན་མར་ལ་སོང་ནས། རྩ་དབུ་མའི་ནང་ན་ཡར་ལ་ཏང་ཏང་བྱུང་ནས། སྤྱི་བོ་ཚངས་པའི་བུ་ག་ན་ཡར་ལ་སོང་བར་བསམ། གསུམ་པ་རྩ་སྦྱང་བ་ནི། ལུས་ཁོང་སྟོང་གི་ནང་ན། དཔེར་ན་ཁང་སྟོང་གི་ཀ་བ་བཞིན། དྲང་ཏིག་གེ་བ་ཕྱི་སྔོ་ལ་ནང་དམར་བ། སྦོམ་ཕྲ་གྲོ་སོག་འབྲིང་པོ་ཙམ། ཁོང་པའི་ནང་སྟོང་སིང་ངེ་འདུག་པ་ལ་ཤེས་པ་གཏད་ལ་བསྒོམ་མོ། དེ་གསུམ་ནི་སེམས་མ་ཟིན་པ་ཟིན་པར་བྱེད་པ་སྔོན་འགྲོའི་གདམས་ངག་གོ །ད་ནི་ཟིན་པ་བརྟན་པར་བྱེད་པ་དངོས་གཞིའི་གདམས་ངག་ལ། ལུས་བསམ་གཏན་གྱི་ཆོས་དྲུག །ཡུལ་གྱི་གནད་ལྟེ་བའི་སོར་བཞི་གཞལ་བའི་རྩ་གསུམ་འདུས་པའི་སར་ཨ་ཤད་ཊ་ལོག་སེར་པོ་ལྟ་བུ་རེག་བྱ་ཚ་བ་ཞིག་བསམ། གསལ་ཞིང་དྭངས་པ་མར་མེ། རྒྱ་སྐྱེགས་ཀྱི་མེ་ཏོག་ལྟ་བུར་དམར་བ། པད་མའི་རྣལ་མ་ལྟར་ཕྲ་བ། ཙན་དན་གྱི་མེ་ལྟར་ཚབ། མེ་མཚན་ཉིད་བཞི་དང་ལྡན་པ་གཅིག་བསྒོམ་ཡང་ན་མར་མེ་འབྲིང་པོ་ཙམ་ཅིག་བསམ། རླུང་ག་གནད་ལ་བཞི། དེས་སེམས་ཅན་གྱི་དོན་བྱེད་དོ། །སྐྱེ་བ་དེ་ལ་སངས་རྒྱས་པར་འགྱུར་རོ། །བསོད་ནམས་ཅན་གྱི་ལུས་དེ་བླང་། །ཞེས་དགྱེས་པ་རྡོ་རྗེ་དང་གདན་བཞི་ལས་གསུངས་སོ། །རྗེ་ནཱ་རོ་པཎ་ཆེན་གྱི་གདམས་ངག་ཞལ་ནས་བརྒྱུད་པའོ། །རྫོགས་
2-2-124b
སོ།། །།
༄༅། །ཞལ་གདམས་བཞུགས་སོ། །
༄། །དགྱེས་པ་རྡོ་རྗེ་བསྲེ་བའི་གདམས་ངག །གཏུམ་མོའི་གདམས་ངག
༄༅། །ཞལ་གདམས་བཞུགས་སོ། །རྗེ་བླ་མ་རྣམས་དང་རྗེ་བཙུན་ཉིད། །ཡི་དམ་ལྷ་ལ་ཕྱག་འཚལ་ལོ། །སློབ་དཔོན་ཆེན་པོ་ནཱ་རོ་པས། །བདེ་མཆོག་འཁོར་ལོའི་གསང་སྔགས་ནི། །འབུམ་ཕྲག་གཅིག་ཏུ་བཟླས་པ་ཡིས། །ས་ནི་གཡོ་ཞིང་ལུང་བསྟན་ཐོབ། །ཤར་ཕྱོགས་ངོས་ཀྱི་ཏེ་ལོ་པའི། །ཞལ་སྔར་གདམས་ངག་མནོས་པ་ནི། །དངོས་པོའི་གནས་ཐབས་ལམ་དང་ནི། །འབྲས་བུ་སྐྱེ་བའི་རིམ་པའོ། །དངོས་པོའི་གནས་ཐབས་ལ་གཉིས་ཏེ། སེམས་དངོས་པོའི་གནས་ཐབས་ཕྱག་རྒྱ་ཆེན་པོའི་མན་ངག་དང་། ལུས་དངོས་པོའི་གནས་ཐབས་གཏུམ་མོ་དྲོད་ཀྱི་གདམས་ངག་གོ །ལམ་གྱི་རིམ་པ་ལ། སྨིན་པར་བྱེད་པ་དབང་བཞི༑ གྲོལ་བར་བྱེད་པ་བསྐྱེད་རྫོགས་གཉིས་སོ། །དེ་ལ་དང་པོ་ཟབ་མོ་རྫོགས་པའི་རིམ་པ་ཕྱག་རྒྱ་ཆེན་པོའི་མན་ངག མི་ཟབ་པ་རྩ་རླུང་ཐིག་ལེའོ། །ཟབ་པ་བསྐྱེད་པའི་རིམ་པ་རྩ་རླུང་ཐིག་ལེ་ཡིན་ལ། མི་ཟབ་པ་བསྐྱེད་པའི་རིམ་པ་ནི་ལྷ་བསྒོམ་པའོ། །ཡང་འདི་རྣམས་ཐམས་ཅད་ལམ་གྱི་རིམ་པ་ཡིན་ལ། འབྲས་བུ་ནི་གནས་སྐབས་ཀྱི་འབྲས་བུ་དྲོད་དང་བདེ་བ་མི་རྟོག་པ་ཡིན་ལ། མཐའ་དྲུག་རང་དོན་ཆོས་སྐུ་
2-2-125a
༄༅། །དང་། གཞན་དོན་གཟུགས་སྐུ་རྣམ་པ་གཉིས་འབྱུང་པའོ། །གཏུམ་མོའི་གདམས་ངག་ལ་གསུམ་ཏེ། དང་པོ་སེམས་མ་ཟིན་པ་ཟིན་པར་བྱེད་པ་སྔོན་འགྲོའི་གདམས་ངག །ཟིན་པ་བརྟན་པར་བྱེད་པ་དངོས་པོ་གཞིའི་གདམས་ངག །བརྟན་པ་བོགས་དབྱུང་བར་བྱེད་པ་བོགས་དབྱུང་གི་གདམས་ངག་གོ །སྔོན་འགྲོའི་གདམས་ངག་ལ་གསུམ་སྟེ། དང་པོ་ཐིག་ལེ་སྦྱང་བ་ནི། ལུས་བསམ་གཏན་ནམ་གྱི་ཆོས་དྲུག་སྔོན་དུ་བྱས་ལ། སྨིན་ཕྲག་ཏུ་རུས་པ་གྲུ་གསུམ་གྱི་ནང་དུ་རླུང་སེམས་འདྲེས་པའི་ཐིག་ལེ་དཀར་ལ་ནང་ལུས་ཀྱི་གནད་རྐང་པའི་བོལ་བསྒྲད། པུས་མོ་གཉིས་གཅིག་ཏུ་བསྡུ། དམིགས་པ་ལྟེ་བའི་མེས་སྤྱི་བོའི་ཧཾ་དྲོས་པས། ཧཱུྃ་ལས་ཧཱུྃ་དཀར་པོ་གཅིག་ཆད་ནས་རྡོ་རྗེའི་རྩེ་མོ་ན་དཀར་ཡེར་རེ་འདུག་པ་ལ་ཤེས་པ་གཏད་ལ་བསྒོམ། ཡང་ཧཱུྃ་ཡར་བྱུང་ཧཱུྃ་ལ་ཐིམ། ཡང་མར་བྱུང་རྡོ་རྗེའི་རྩེ་མོར་བསྒོམ་མོ། །དེས་བདེ་བ་མི་བཏུབ་པ་སྙམ་བྱེད་ན། ཧཱུྃ་དེ་སྤྱི་བོ་ཚངས་པའི་བུ་གའི་སོར་བཞི་བས་མཐོ་ཙམ་དུ་བསམ་ལ་ཚངས་བུག་རྡོ་རྗེ་རྒྱ་གྲམ་གྱིས་ཁ་བཅད་པར་བསམ། དེ་ལྟར་བསྒོམས་པས་དྲོད་དང་བདེ་བ་སྐྱེས་ཀྱང་མི་རྟོག་པ་མ་སྐྱེས་ན་མི་རྟོག་པ་བོགས་དབྱུང་སྟེ། ལུས་གནད་གཏུམ་མོའི་དངོས་གཞི་ལྟར་བྱའོ། །དམིགས་པ་ནི། སྣ་རྩེ་ནས་སོར་བཞིའི་ནམ་མཁའ་ལ་རིག་པ་འཛིན་མེད་དུ་མ་བཅོས་པར་བཞག་ལ་འཇམ་རླུང་
2-2-125b
བཟུང་ཞིང་ཕྱག་རྒྱ་ཆེན་པོ་བསྒོམ་མོ། །དེ་ནི་བརྟན་པ་བོགས་འབྱིན་པར་བྱེད་པ་བོགས་དབྱུང་གི་གདམས་ངག་གོ །དེ་ལྟར་འབད་རྩོལ་གྱིས་བསྒོམ་པ་དེ་ལམ་ཡིན། ནམ་མཁའ་ལྟ་བུའི་ཉམས་འབྱུང་བ་དེ་རང་བཞིན་ཡིན། གཏུམ་མོའི་གདམས་ངག་གོ །ཨྠྀི།། །།
༄། །དགྱེས་པ་རྡོ་རྗེ་བསྲེ་བའི་གདམས་ངག །རྗེ་ནཱ་རོ་པཎ་ཆེན་གྱི་སྒྱུ་ལུས་ཀྱི་གདམས་ངག
ན་མོ་གུ་རུ། དང་པོ་སྣང་བ་སྒྱུ་མར་མ་ཤེས་ན་རྨི་ལམ་ལ་རྨི་ལམ་དུ་མི་ཤེས། རྨི་ལམ་ལ་རྨི་ལམ་དུ་མ་ཤེས་ན་བར་དོ་ངོས་མི་ཟིན། དེ་མ་ཟིན་ན་འཁོར་བར་འཁྱམས་པར་འགྱུར་བས་སྒྱུ་མ་ལ་བསླབ་སྟེ། དེ་ཡང་གནས་དབེན་པར་བསྟན་བདེ་བ་ལ་འདུག་སྟེ། མདུན་དུ་མེ་ལོང་གཡའ་དག་པ་གཅིག་བཞག་ལ། སེམས་བསྐྱེད་བྱ། བསྐྱེད་རྫོགས་བསྒོམ། བཟླས་པ་བྱ། མདུན་གྱི་མེ་ལོང་ལ་རང་གི་གཟུགས་བརྙན་འཆར་དུ་བཅུག་ལ། བསྟོད་ར་བྱ། སྨད་ར་བྱས་པས་དགའ་མི་དགའ་མི་འདུག་པས། དེ་ནས་མེ་ལོང་གཟུགས་བརྙན་དེ་རང་ལ་བསྡུས་ལ། རང་དང་སྣང་བ་ཐམས་ཅད་འདི་དང་ཁྱད་མེད་སྙམ་དུ་ཡང་དང་ཡང་དུ་བསྒོམ། དེ་ནས་གྲོགས་པོ་ལ་སོགས་པས་བསྟོད་ར་སྨད་ར་བྱེད་དུ་གཞུག །དེ་ལ་དགའ་མི་དགའ་འདུག་ན། ཡང་མེ་ལོང་གི་གཟུགས་བརྙན་འཆར་དུ་གཞུག་ལ། བསྟོད་ར་སྨད་ར་བྱ། དེ་ལ་དགའ་མི་དགའ་མི་འདུག་པས། ཡང་མེ་ལོང་གི་གཟུགས་བརྙན་རང་ལ་བསྡུས་ལ་བསྟོད་ར་སྨད་ར་བྱས་པས་དགའ་མི་དགའ་མི་འདུག་ན་ཚོང་འདུས་ལ་སོགས་པར་
2-2-126a
༄༅། །འགྲོ། ཚིག་རྩུབ་པོ་ལ་སོགས་པ་ལ་དགའ་མི་དགའ་འདུག་གམ་མི་འདུག་ལྟ། འདུག་ན་དགོན་པར་བསྒོམ། མི་འདུག་ན་འཇིག་རྟེན་ཆོས་བརྒྱད་མགོ་སྙོམས་པ་ལ་སོགས་པའི་ཕྱི་རྟགས་བྱུང་ནས་སེམས་ཅན་གྱི་དོན་བྱའོ། །འདི་ལུས་ལ་བརྟེན་ནས་བསྒོམ་ན་རྣམ་པར་སྨིན་པའི་ལུས་ལ་བརྟེན་ནས་བསྒོམ། བསྲེ་བ་ན་སྣང་བ་དང་སྒྱུ་མར་བསྲེ་བ། བར་དོ་ན་སྐྱེ་ཤི་བར་དོ། སྒྱུ་མ་ན་དང་པོ་ཉིན་པར་གྱི་དུས་སུ་བསྒོམ་པའོ། །རྗེ་ནཱ་རོ་པཎ་ཆེན་གྱི་སྒྱུ་ལུས་ཀྱི་གདམས་ངག ། ཨྠྀི།། །།
༄། །དགྱེས་པ་རྡོ་རྗེ་བསྲེ་བའི་གདམས་ངག །རྗེ་ནཱ་རོ་པཎ་ཆེན་གྱི་རྨི་ལམ་གྱི་གདམས་ངག
ན་མོ་གུ་རུ། རྨི་ལམ་ལམ་དུ་འཁྱེར་བ་ལ་དོན་རྣམ་པ་བཞི་སྟེ། བཟུང་བ་དང་། སྦྱང་བ་དང་། སྒྱུ་མར་བྱིན་གྱིས་རླབས་ཅིང་། ཡ་ང་བ་སྤང་བ་དང་། རྨི་ལམ་གྱི་དེ་ཁོ་ན་ཉིད་བསྒོམ་པའོ། །དང་པོ་རྨི་ལམ་བཟུང་བ་ནི། ལུས་ཀྱི་གནད་ཅི་བདེ་བར་ཉལ་ལོ། །དུས་ཀྱི་གནད་གཉིད་ལོག་ནས་མ་སད་ཀྱི་བར་དུའོ། །ཡུལ་གྱི་གནད་མགྲིན་པར་པདྨ་འདབ་མ་བཞི་པ་ལ། ཨ་ནུ་ཏ་ར་ཨོཾ། ཤར་དུ་ཨ། ལྷོར་ནུ། ནུབ་ཏུ་ཏ། བྱང་དུ་ར། དབུས་སུ་ཨོ་ལ་ཤེས་པ་གཏད་པའམ། ཡང་ན་སྨིན་ཕྲག་ཏུ་ཐིག་ལེ་ལ་ཤེས་པ་གཏད་པའོ། །བསྐྱེད་རིམ་བསྒོམ། རྫོགས་རིམ་བསྒོམ། བཟླས་པ་བྱས་ལ་ཅི་བདེ་བར་ཉལ་ལོ། །རྨི་ལམ་རྨི་བར་བྱའོ། །དེ་ཡང་ངོ་མཚར་ཅན་གྱི་རྨི་ལམ་གཅིག་རྨི་བར་བྱའོ་སྙམ་དུ་བསམ་ལ་ཉལ་ལོ། །དེའི་དུས་སུ་རྨི་ལམ་དུ་མ་ཤེས་ན། བླ་མ་
2-2-126b
སྙིང་ཁར་བསྒོམས་ལ་རྨི་ལམ་ཟིན་པར་བྱིན་གྱིས་རླབས་དུ་གསོལ། །ཞེས་བྱས་ལ་གཉིད་ལོག་གོ །ཆོས་ཐམས་ཅད་རྨི་ལམ་དང་འདྲ་བར་བཤད་པ་ལ། དེ་ལྟར་མ་ཤེས་པ་རེ་མ་ལེགས་སྙམ་དུ་བསམ་ཞིང་བསྒོམ་མོ། །དེ་ནས་རྨི་ལམ་ལ་རྨི་ལམ་དུ་ངོ་ཤེས་ནས། ཆོས་ཐམས་ཅད་རྨི་ལམ་དང་འདྲའོ་ཞེས་བཤད་པ་དེ་རེ་བདེན་སྙམ་དུ་བསམ་སྟེ། དེ་ནི་རྨི་ལམ་བཟུང་བའོ། །དེ་ནས་རྨི་ལམ་སྦྱང་བ་ནི། རང་ལུས་དཔག་ཏུ་མེད་པར་བསམ་པ་དང་། ཉི་ཟླ་རྟོག་པས་གནོན་པ་དང་། ཆུར་མཆོང་བ་དང་། མེར་མཆོང་བ་དང་། གཡང་ལ་མཆོང་བ་དང་། རྒྱ་གར་གྱི་ཡུལ་ཐམས་ཅད་ལ་བལྟ་བ་དང་། སུམ་བཅུ་རྩ་གསུམ་ལྷའི་གནས་ཐམས་ཅད་བལྟ་བ་དང་། ཁྱེའུ་དང་བུད་མེད་ལ་སོགས་པ་ཐམས་ཅད་རྡོ་རྗེ་རྣལ་འབྱོར་མའམ། བདག་མེད་མའི་རང་བཞིན་དུ་བལྟ་བ་ལ་སོགས་པ་སེམས་ལ་ཅི་བསམ་ཐམས་ཅད་བྱའོ། །དེ་ནི་སྦྱང་བའོ༑ ༑ད་ནི་སྒྱུ་མར་བྱིན་གྱིས་བརླབ་ཅིང་ཡ་ང་བ་སྤང་བ་ནི། སྦྱོང་བའི་དུས་སུ་ཆུར་མཆོང་བ་ལ་སོགས་པ་བྱས་པ་ལ། ད་རུང་ཡ་ང་ཞིང་བག་ཚ་བ་བཞིན་བྱེད་ན། འདི་ཐམས་ཅད་ཀྱང་འཁྲུལ་པ་སྒྱུ་མ་ཙམ་ཡིན་ཏེ། འཇིགས་པའམ། བག་ཚ་རུ་ཅི་ཡོད་སྙམ་དུ་བསམ་པའོ། །དེ་ཁོ་ན་ཉིད་བསྒོམ་པའོ། །དེ་ཐམས་ཅད་ཀྱང་འཁྲུལ་པ་སྒྱུ་མ་ཙམ་སྟེ། དོན་ལ་རང་བཞིན་མེད་པར་ཤེས་པར་བྱའོ། །འདི་ལུས་གང་ལ་
2-2-127a
༄༅། །བརྟེན་ནས་བསྒོམ་ན། བག་ཆགས་ཀྱི་ལུས་ལ་བརྟེན་ནས་བསྒོམ། བསྲེ་བ་ནི་རྨི་ལམ་དང་སྒྱུ་མ་བསྲེ། བར་དོ་ན་རྨི་ལམ་བར་དོ། སྒྱུ་མ་ན་བར་དོ་བར་པའོ། །རྗེ་ནཱ་རོ་པཎ་ཆེན་གྱི་རྨི་ལམ་གྱི་གདམས་ངག་གོ །ཨྠྀི།། །།
༄། །དགྱེས་པ་རྡོ་རྗེ་བསྲེ་བའི་གདམས་ངག །གཉིད་འོད་གསལ་དུ་གཞུག་པའི་གདམས་ངག
ན་མོ་གུ་རུ། བར་དོ་བསྒོམ་པར་འདོད་པའི་གང་ཟག་གིས། འདི་ལྟར་ཉམས་སུ་བླང་སྟེ། དེ་ཡང་འབྱུང་བ་བཞི་ལས་སྐྱེས་པའི་ལུས་འདི་འཇིག་པའི་དུས་སུ། ས་ཆུ་ལ་ཐིམ་པས་ལུས་ཀྱིས་ཟུངས་མི་ཐུབ། ཆུ་མེ་ལ་ཐིམ་པའི་རྟགས་སུ་ཁ་སྣ་སྐམ། མེ་རླུང་ལ་ཐིམ་པའི་རྟགས་སུ་ལུས་ཀྱི་དྲོད་འཆོར། རླུང་རྣམ་པར་ཤེས་པ་ལ་ཐིམ་པའི་རྟགས་སུ་ཕྱི་དབུགས་འཆད་དོ། །དེའི་དུས་སུ་སྣང་བ་བཞི་འཆར་ཏེ། སྣང་བའི་དུས་ན་ཕྱི་རྟགས་ཟླ་བ་ཤར་བ་ལྟ་བུ། ནང་རྟགས་དུ་བ་ལྟ་བུ། སྣང་བ་མཆེད་པའི་དུས་སུ་ཕྱི་རྟགས་སུ་ཉི་མ་ཤར་བ་ལྟ་བུ། ནང་རྟགས་སྲིན་བུ་མེ་ཁྱེར་ལྟ་བུ་འབྱུང་། དེའི་དུས་སུ་འོད་གསལ་དུ་ངོ་ཤེས་པ་རང་གིས་ཆོག་སྟེ། དབང་པོ་རབ་ཚེ་གཅིག་གིས་སངས་རྒྱས་པ་སྟེ། དེ་ནི་མི་སློབ་པའི་ཟུང་འཇུག་གོ ། ནམ་ཞིག་ཕུང་པོ་བོར་དུས་སུ། །འོད་གསལ་བ་ལ་རྒྱུན་པར་གནས། །བར་དོའི་གྲོང་ཁྱེར་དེས་མི་མཐོང་། །ཞེས་པའི་དོན་ཡིན་ཏེ། དེ་ནི་བར་དོ་དང་པོ་འོད་གསལ་ངོས་བཟུང་བའོ། །ད་ནི་བར་དོ་གཉིས་པ་སྒྱུ་ལུས་ངོས་བཟུང་བའི་གདམས་ངག་ལ། སློབ་པའི་ཟུང་འཇུག་ནི། ཤི་ནས་ཞག་
2-2-127b
བདུན་ཕྲག་དང་པོ་ལ། ཕྱེད་དང་བཞི་ཚུན་ཆད་རེས་ཤི་བ་སྙམ་རེས་མ་ཤི་བ་སྙམ་པ་ལ་མ་དག་པའི་སྒྱུ་ལུས། དེ་ལ་བརྟེན་ནས་སྒྱུ་ལུས་བསྒོམ་པའོ། །འདི་ནི་མ་དག་པའི་སྒྱུ་ལུས་སོ། །དག་པའི་སྒྱུ་ལུས་ནི། ཞག་ཕྱེད་དང་བཞི་འདས་ནས་ཤི་བར་ཤེས་པ་འབྱུང་སྟེ། དེའི་དུས་སུ་ཡི་དམ་ཀྱི་ལྷ་སྒྱུ་མ་ལྟ་བུ་བདེ་གསལ་ཟུང་འཇུག་དུ་བསྒོམས་པས་འོད་གསལ་ཟིན་ཏེ་འོང་ངོ་། །དེ་ནི་བར་དོ་བར་བ་སྒྱུ་ལུས་ངོས་ཟིན་པའི་གདམས་ངག་གོ །ད་ནི་གསུམ་པ་མངལ་སྒོ་དགག་པ་ནི། ད་ལྟ་འོ་སྐོལ་ཐ་མལ་པ་རྣམས་ནི། མངལ་དུ་འཇུག་པའི་དུས་སུ་ཕོར་སྐྱེ་ན་ཕ་ལ་ཞེ་སྡང་སྐྱེ། མ་འདོད་ཆགས་སྐྱེ། མོར་སྐྱེ་ན་ཕ་ལ་འདོད་ཆགས། མ་ལ་ཞེ་སྡང་སྐྱེ། ཆགས་སྡང་གཉིས་ཅིས་ཀྱང་འོང་བས་དེ་གཉིས་དགག་པ་ནི། དྲན་པ་དང་འདུན་པ་འཁོར་བའི་ཉེས་དམིགས་ཀྱིས་དགག །དེས་ཀྱང་མ་ཁེགས་ན་ཕ་དེ་བླ་མར་བསྒོམ། མ་དེ་བླ་མའི་ཡུམ་དུ་བསྒོམ་ལ། བླ་མ་ཡབ་ཡུམ་དེས་བདག་ལ་གསང་དབང་བསྐུར་བས། བསྐྱེད་རྫོགས་བསྒོམས་ཤིག་པར་སྨོན་ལམ་འདེབས་པར་བསྒོམ་མོ། །བླ་མ་ཡབ་ཡུམ་ལ་ཆགས་སྡང་མི་སྐྱེ། དེས་ཀྱང་མ་ཁེགས་ན་རང་དགྱེས་རྡོར་དུ་བསྐྱེད་ལ་ཐུགས་ཀ་ནས་ཡུམ་ཕྱུང་ལ་སྦྱོར་བར་བྱ། དེས་ཁེགས། དེས་ཀྱང་མ་ཁེགས་ན། ད་ལས་ཀྱི་སྟོབས་ཀྱིས་ལུས་མི་ལེན། འཕེན་པའི་སྟོབས་ཀྱིས་ལུས་ལེན་པས། དེ་ལ་ལེན་པ་དང་མི་
2-2-128a
༄༅། །ལེན་པ་གཉིས་བདམ་ཁ་ཡོད་པ་ལ། ལུས་ལེན་ན་འཁོར་ལོས་བསྒྱུར་བའི་རྒྱལ་པོའམ། དགེ་བའི་བཤེས་གཉེན་གྱི་སྲས་སུ་ལུས་བླང་། ཕལ་པ་ཙམ་དུ་བླངས་པས་སེམས་ཅན་གྱི་དོན་མི་འོང་ངོ་༑ ༑ལུས་མི་ལེན་པར་འདོད་ན། མའི་མངལ་དེ་ཁང་བཟང་ངམ། ཆོས་འབྱུང་ཁ་དོག་ཚང་བ་གཅིག་ཏུ་ཝལ་གྱིས་བསྒོམ། དེའི་ནང་དུ་རང་དཔལ་དགྱེས་པའི་རྡོ་རྗེ་ཞལ་བརྒྱད་ཕྱག་བཅུ་དྲུག་པ་གཅིག་ཏུ་ཝལ་གྱིས་བསྒོམ། དེའི་སྙིང་གར་ཐིག་ལེ་དཀར་པོ་གཅིག་བསམ། ཐིག་ལེ་འོད་དུ་ཞུ་བས་རང་ཡང་འོད་དུ་ཞུ། ཆོས་འབྱུང་ཡང་འོད་དུ་ཞུ་བས་ཡེ་ཤེས་ཀྱི་ལུས་སྣང་ལ་རང་བཞིན་མེད་པར་སོང་བར་སྙམ་བྱེད་ཙ་ན་ཡི་དམ་ལྷའི་ཞལ་མཐོང་ནས་བར་དོ་དེ་ཉིད་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པ་ནི་རྗེ་ནཱ་རོ་པཎ་ཆེན་གྱིས་བཞེད་དོ། །ལུས་ལེན་པ་དང་མི་ལེན་པ་གང་བྱེད་ཀྱང་འདུན་པ་དྲག་པོ་སྔོན་དུ་འགྲོ་དགོས་གསུང་ངོ་། །འདི་ལུས་གང་ལ་བརྟེན་ནས་བསྒོམ་ན། ཡིད་ཀྱི་ལུས་ལ་བརྟེན་ནས་བསྒོམ་པ། བསྲེ་བ་ནི་འོད་གསལ་དང་སྒྱུ་ལུས་བསྲེ། བར་དོ་དང་སྲིད་པ་བར་དོ། སྒྱུ་མ་ནི་ཐ་མའི་གདམས་ངག་གོ །རྗེ་ནཱ་རོ་པའི་བར་དོ་དམར་ཁྲིད་ཀྱི་གདམས་ངག་གོ །ཨྠྀི། །།ན་མོ་གུ་རུ། བརྟག་པ་གཉིས་པ་ལས། གཉིད་ནི་སྤ་བར་མི་བྱ་སྟེ། །དབང་པོ་རྣམས་ནི་མི་དགག་གོ །བསྒོམ་པ་ཐམས་ཅད་བཟང་བར་བྱ། །ཞེས་
2-2-128b
གསུངས་པས། འོད་གསལ་བསྒོམ་པར་འདོད་པས། གནས་དབེན་པར། སྦྱོར་བ་ནི་ལུས་ཀྱི་ངལ་དུབ་དང་བཀུ་མཉེ་བྱ། མཚམས་ལྟ་བུ་ལ་ཞུགས། དེ་ནས་སྟན་བདེ་བ་ལ་འདུག་སྟེ། སེམས་བསྐྱེད་བྱ། བདག་ཉིད་ཧེ་བཛྲའི་གོ་འཕང་ཐོབ་པར་བྱ་སྙམ་དུ་སེམས་བསྐྱེད་བྱ། དེ་ནས་བསྐྱེད་རིམ་དང་བཟླས་པ་དང་རྫོགས་རིམ་བསྒོམ་པར་བྱའོ། །དངོས་གཞི་ལ་གནད་རྣམ་པ་གསུམ་ལས། ལུས་ཀྱི་གནད་སེང་གེའི་ཉལ་ཐབས་སོ། །གཞོགས་གཡས་འོག་ཏུ་གཞུག་གོ །དུས་ནི་གཉིད་ལོག་ནས་མ་སངས་བར་དུའོ། །ཡུལ་གྱི་གནད་ནི་སྙིང་ཁར་པདྨ་འདབ་མ་བཞི་པ་སྔོན་པོ་ལ། ཨ་ནུ་ཏ་ར་ཧཱུྃ་དབུས་དང་ལྔའོ། །འདི་ཡང་རིམ་གྱིས་བསྒོམ་ན། ཐ་མལ་གྱི་དུས་སུ་ཨ། སྣང་བའི་དུས་སུ་ནུ། སྣང་བ་མཆེད་པའི་དུས་སུ་ཏ། སྣང་བ་ཐོབ་པའི་དུས་སུ་ར། ཐོབ་པ་འོད་གསལ་བའི་དུས་སུ་ཧཱུཾ་ངོ་། །དེའི་དུས་སུ་བདེ་གསལ་གྱི་ངང་ལ་གཉིད་ལོག་པ་ཡང་མིན། མ་ལོག་པ་ཡང་མིན། བདེ་གསལ་དུ་ཕྲིལ་ཕྲིལ་བ་འབྱུང་ངོ་། །ནང་པར་ཡང་གནས་དབེན་པར་ཧཱུྃ་ལ་ཤེས་པ་བསྡུས་ལ་མདང་གི་ཉམས་དྲན་པར་བྱས་ལ་བསྒོམས་པས་ཀྱང་དེ་ལ་གོམས་པའི་ཉམས་ནི། དབང་པོ་ལྔའི་ཡུལ་དུ་གྱུར་པ་ཐམས་ཅད་བདེ་སྟོང་དུ་ལྷང་ལྷང་བ་བྱུང་བ་དང་། ཆོས་བརྒྱད་ཤས་ཆུང་བ་ལ་སོགས་པ་འབྱུང་ངོ་། །གཉིད་འོད་གསལ་དུ་གཞུག་པའི་གདམས་ངག །རྗེ་ནཱ་རོ་པཎ་
2-2-129a
༄༅། །ཆེན་གྱི་ཞལ་ནས་བརྒྱུད་པ། སློབ་དཔོན་ལ་བ་པས་ལོ་བཅུ་གཉིས་སུ་གཉིད་ཐུན་གཅིག་ལོག་པས་སད་པ་དང་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པོ་གསུང་། རྗེ་རིན་པོ་ཆེའི་ཞལ་གདམས་བརྗེད་པར་འཕངས་ནས་བྲིས་པ་ལགས་སོ། །དེ་ཡན་ཆད་དགྱེས་པ་རྡོ་རྗེ་བསྲེ་བའི་གདམས་ངག་ཡིན། ཨྠྀི། འདི་མན་ཆད་གདན་བཞིའི་འཕོ་བ་ཡིན་ནོ།། །།
༄། །གདན་བཞིའི་འཕོ་བ། སྦྱངས་ཏེ་འཕོ་བའི་མན་ངག
ན་མོ་གུ་རུ། འཕོ་བའི་མན་ངག་ལ་གསུམ་ཏེ། རབ་འོད་གསལ་ལ་འཕོ་བ་དང་། འབྲིང་སྒྱུ་ལུས་ལ་འཕོ་བ་དང་། ཐ་མ་བསྐྱེད་རིམས་སུ་འཕོ་བའོ། །དང་པོ་སྦྱངས་ཏེ་འཕོ་བ་ནི། རང་ཡི་དམ་དུ་བསྒོམ་པའི་མགྲིན་པ་དང་། སྙིང་ཁ་དང་། ལྟེ་བ་དང་གསུམ་དུ། ཨོཾ་ཨཱཿཧཱུྃ་གསུམ་བསམ་ལ་རླུང་སྦྱང་ངོ་། །དེ་ཡང་རླུང་ཕྱིར་འགྲོ་བའི་དུས་སུ་ཡིག་གེ་གཉིས་པོ་ཡང་ཡར་ལ་ཐིམ་པས་མགྲིན་པའི་ཨོཾ་ལ་ཐིམ། རླུང་ནང་དུ་འཇུག་པའི་དུས་སུ་ཨོ་ལས་ཡིག་གེ་གཉིས་ཆད་ཅིང་བྱུང་བས་རང་རང་གི་གནས་སུ་ཐིམ་པར་བསམ་མོ། །དེ་ལྟར་བསྒོམས་པས་པུས་མོ་ལ་ལན་གསུམ་བསྐོར་ཞིང་སོ་གོལ་རེ་ཏོག་པའི་བརྒྱ་རྩ་བརྒྱད་རེ་ཐུབ་ན་རབ། བདུན་བཅུ་རྩ་གཉིས་ཐུབ་ན་འབྲིང་། སུམ་བཅུ་རྩ་གཉིས་ཐུབ་ན་ཐ་མའོ། །དེ་ནས་འཆི་རྟགས་བྱུང་ནས་འཕོ་བའི་དུས་སུ། དང་པོ་ཡིད་ཀྱིས་འཁྲུལ་འཁོར་བཅའ་བ་ནི། བྱང་ཆུབ་མཆོག་ཏུ་སེམས་བསྐྱེད་པ་དང་། ཆོས་ཐམས་ཅད་སྒྱུ་མ་ལྟ་བུར་བསྒོམ། ལུས་
2-2-129b
ཀྱིས་འཁྲུལ་འཁོར་བཅའ་བ་ནི། རྡོ་རྗེ་སྐྱིལ་ཀྲུང་སམ། སེམས་དཔའི་སྐྱིལ་ཀྲུང་བཅའ། ཐུགས་ཁའི་ཡིག་གེ་ཡུམ་བཞིས་བསྐོར་ནས་འཕར་བཞིན་པར་བསམ། མདུན་དུ་ཡང་ཡི་དམ་གྱི་ལྷ་སྒྱུ་མ་ལྟ་བུར་བསམ༑ ངག་གི་འཁྲུལ་འཁོར་བཅད་པ་ནི། ངག་ཏུ་ཀ་ཧིག་ཅེས་ལན་བདུན་ཙམ་བརྗོད་པས། ལྟེ་བའི་ཨ་ཡར་བྱུང་བས་སྙིང་ཁའི་ཧཱུྃ་ལ་ཐིམ། དེ་ཡར་ལ་བྱུང་མགྲིན་པའི་ཨོཾ་ལ་ཐིམ་པས་ཧཱུྃ་དང་རོ་གཅིག་ཏུ་གྱུར་ནས། ཧཱུྃ་གིས་སྤྱི་བོ་གླད་པའི་སྟེང་གི་ཀྵ་བསལ་ནས་ཧཱུཾ་དེ་ན་གནས་པར་བསམ། དེ་ནས་ཀ་ཧིག་ཅེས་བརྗོད་པས་ཧཱུཾ་དེ་ཡི་དམ་ལྷའི་ཐུགས་ཀར་ཐིམ་པར་བསམ་མོ། །སྦྱངས་ཏེ་འཕོ་བའི་མན་ངག་གོ །ཨྠྀི།། །།
༄། །གདན་བཞིའི་འཕོ་བ། ལུས་བཅོས་ཏེ་འཕོ་བའི་གདམས་ངག
ལུས་བཅོས་ཏེ་འཕོ་བ་ནི། ངེས་པར་འཆི་ལྟས་བྱུང་བའི་ཚེ། ཚོགས་བསག་པ་ལ་སོགས་པའི་འཆི་བསླུ་བྱ། དེས་ཀྱང་མ་ཕན་ན་མགོ་བྱང་དུ་བསྟན། ཁ་ནུབ་ཏུ་བསྟན། སེང་གེའི་ཉལ་ཐབས་བྱ། ཡི་དམ་ལྷའི་སྐུ་སྒྱུ་མ་ལྟ་བུ་བསམ། མདུན་དུ་ཡང་ཡི་དམ་ལྷའི་སྐུ་སྒྱུ་མ་ལྟ་བུ་བསམ། དེ་ནས་རང་གི་མགྲིན་པ་དང་། སྙིང་ཁ། ལྟེ་བ་དང་གསུམ་དུ་ཨོཾ་ཨཱཿཧཱུྃ་གསུམ་བསམ་ལ། ཀ་ཧིག་བརྗོད་མི་དགོས། ལྟེ་བའི་ཨ༑ སྙིང་གའི་ཧཱུྃ་ལ་ཐིམ། ཧཱུྃ་ཡར་ལ་བྱོན་ནས་མགྲིན་པར་ཨོ་དང་རོ་གཅིག་ཏུ་གྱུར་ཏེ། ཨོཾ་ཡང་ཧཱུྃ་ལ་ཐིམ། ཧཱུྃ་ཡང་སྣ་བུག་གཡོན་ནས་རླུང་དང་འགྲོགས་ནས་ཡི་དམ་ལྷ་ཡི་ཐུགས་ཀར་ཐིམ་པར་བསམ་མོ། །
2-2-130a
༄༅། །འདི་ནི་བཅོམ་ལྡན་འདས་ཀྱིས་ལུས་ཀྱི་སྒོ་ནས་ཆོས་བཤད་པའི་གདམས་ངག་སྟེ། རྐུ་འཕྲོག་གིས་ནི་ལྟོ་བྱེད་དང་། །ཉིན་རེ་བྲམ་ཟེ་བརྒྱ་གསོད་དང་། །མཚམས་མེད་ལྔ་པོ་བྱེད་པ་ཡང་། །དེ་ཉིད་ཡོད་ན་གྲོལ་བར་འགྱུར། །ཞེས་ཧེ་བཛྲ་ལས་གསུངས་སོ། །ལུས་བཅོས་ཏེ་འཕོ་བའི་གདམས་ངག །ཨྠྀི།། །།
༄། །གདན་བཞིའི་འཕོ་བ། བཙན་ཐབས་སུ་འཕོ་བའི་མན་ངག
ན་མོ་གུ་རུ། བཙན་ཐབས་སུ་འཕོ་བའི་མན་ངག་ནི། སྡིག་པ་ཤིན་ཏུ་ཆེ་བ་བྱས་ནས་སྦྱང་མེད་པ་ལྟ་བུ་ལ་བྱ་བ་ཡིན་ཏེ། རང་གི་གཡས་གཡོན་དུ་བརྩིག་པ་ཁྲུ་གང་པ་ལྟ་བུ་རེ་རེ་བྱས་ལ། དེ་གཉིས་ལ་དབྱུག་པ་བཀལ་ལ། དེ་ལ་རང་ཕྱིར་གན་དུ་བྱས་པ་སྐེད་པ་བཀལ། ཡི་དམ་གྱི་ལྷ་སྒྱུ་མ་ལྟ་བུ་ཙམ་དུ་བསྒོམ། མདུན་དུ་ཡང་ཡི་དམ་གྱི་ལྷ་སྒྱུ་མ་ཙམ་དུ་བསྒོམ། རང་གི་མགྲིན་པ་ལ་སོགས་པའི་གནས་གསུམ་ཡང་སྔ་མ་ལྟར་བསྒོམ། དེ་ནས་ལག་པ་ལྡག་པར་སྦྲེལ། རྐང་རྟིང་གིས་བཤང་སྒོ་བཀག །ཀ་ཧིག་བརྗོད་པས་ཡིག་གེ་རྣམས་རིམ་གྱིས་ཡར་ལ་ཐིམ་པས། མགྲིན་པར་ཕྱིན་པ་དང་མགྲིན་པའི་ཧཱུཾ་ཁ་ནས་མར་ཐོན་ཞིང་ཡི་དམ་ལྷའི་ཐུགས་ཀར་ཐིམ་པར་བསམ་མོ། །བཙན་ཐབས་སུ་འཕོ་བའི་མན་ངག །ཨྠྀི།། །།
༄། །གདན་བཞིའི་འཕོ་བ། གྲོང་འཇུག་གི་གདམས་པ།
གྲོང་འཇུག་གི་གདམས་ངག་ནི། ན་མོ་གུ་རུ། དང་པོ་སྦྱངས་ཏེ་འཕོ་བ་ལྟར་རླུང་སྦྱངས་ལ། དེ་ནས་གཡམ་པའམ་ཐོད་པ་ལ་རྩི་ནག་པོས་བྱུགས་ལ། ཧཱུྃ་དཀར་པོ་བྲིས་ལ། ཤེས་པ་ཧཱུྃ་ལ་གཏད་ལ་རླུང་ཁ་
2-2-130b
སྦྱོར་དུ་བསྒོམས་པས། ཐོད་པ་དྲོས་པའམ་འཕར་བའི་རྟགས་འབྱུང་ངོ་། །དེ་ནས་ཉམས་སུ་ལེན་པའི་དུས་སུ། རྒྱལ་པོའི་ཕྲུ་གུ་ལྟ་བུའི་རོ་མ་རུལ་བ་རྨ་མེད་པ་དབང་པོ་ལ་སྐྱོན་མེད་པ། འཁྲུ་བ་དང་སྐྱུགས་པས་ཤི་བ་མ་ཡིན་པ། དེ་བླངས་ལ། ཁྲུས་བྱས། རྒྱན་བཏགས། ཡིད་འཇུག་པར་བྱས་ལ། མཎྜལ་གྱི་ཐོག་ཏུ་བཞག་ལ། དེའི་ཐུགས་ཀར་ཧཱུྃ་བསམ་མོ། །རང་གི་ཐུགས་ཀར་ཡང་ཧཱུྃ་བསམ་ལ་རང་དང་ཁ་སྦྱར་པ་རླུང་ཁ་སྦྱོར་བསྒོམ་ཞིང་། ཤེས་པ་རོའི་སྙིང་གའི་ཧཱུྃ་ལ་ཧྲིལ་གྱིས་བཅུག་ནས་བསྒོམས་པས། ཤེས་པ་རོའི་སྙིང་གའི་ཧཱུྃ་ལ་ཟིན་ནས། དགའ་བ་སྐྱེ་ཞིང་འདུག་ཙ་ན་ཚུར་མི་དྲང་པར་བཞག་སྟེ། དེ་ནས་ལུས་རྙིང་པ་བོར་ལ་གསར་པ་དེས་སེམས་ཅན་གྱི་དོན་བྱའོ། །གྲོང་འཇུག་གི་གདམས་པ། །ཨྠྀི།། ཆོས་དྲུག་ཞལ་གྱི་གདམས་པ། རྗེ་དུས་གསུམ་མཁྱེན་པས་མཛད་པའོ།། །།
༄༅། །གཏུམ་མོ་གངས་སེང་མ་བཞུགས་སོ། །
༄། །གཏུམ་མོ་གངས་ཀྱི་སེང་ཆེན་མ།
༄༅། །གཏུམ་མོ་གངས་སེང་མ་བཞུགས་སོ། །རྗེ་བཙུན་མི་ལ་རས་པ་ལ་ཕྱག་འཚལ་ལོ། །གཏུམ་མོ་གངས་ཀྱི་སེང་ཆེན་མ་བསྒོམ་པར་འདོད་པས། སེམས་ཅན་ཐམས་ཅད་བདེ་བ་དང་ལྡན། སྡུག་བསྔལ་དང་བྲལ༑ མྱུར་དུ་བླ་ན་མེད་པའི་བྱང་ཆུབ་རིན་པོ་ཆེ་ཐོབ་པར་བྱ། དེའི་ཆེད་དུ་ཚོགས་རྣམ་པ་གཉིས་བསག །སྒྲིབ་པ་རྣམ་པ་གཉིས་སྦྱང་། ལུས་ངག་ཡིད་གསུམ་གྱི་སྒོ་ནས་དགེ་བ་ཆུ་བོའི་ཀློང་བཞིན་དུ་རྒྱུན་ཆད་
2-2-131a
༄༅། །མེད་པར་བསྒྲུབ་པར་བྱ་ཨང་སྙམ་དུ་བསམ། དེའི་ངང་ལས་ཕྱི་སྣོད་ཀྱི་འཇིག་རྟེན་གྱི་ཁམས་ཐམས་ཅད་སྟོང་པ་ཉིད་དུ་བསམ་ཞིང་། དེ་ཉིད་ཀྱི་ངང་ལས་ཆོས་ཀྱི་འབྱུང་གནས་ཡངས་ཤིང་རྒྱ་ཆེ་བ་གཅིག་ཏུ་བསྒོམ། །དེའི་སྟེང་དུ་ཉི་མའི་དཀྱིལ་འཁོར་གཅིག་བསམ། དེ་ནས་རང་ཉིད་ཀྱི་རྣམ་པར་ཤེས་པ་ཡིག་གེ་ཧྲིཿདམར་པོ་གཅིག་ཏུ་བསྒོམ་ཞིང་། ཧྲིཿ དེ་ལས་འོད་ཟེར་འཕྲོས་ཤིང་སེམས་ཅན་ཐམས་མ%ཅད་ལ་ཕོག ། སེམས་ཅན་ཐམས་ཅད་རྗེ་བཙུན་རྡོ་རྗེ་རྣལ་འབྱོར་མར་གྱུར། ཚུར་འདུས་ཧྲིཿལ་ཐིམ་པ་ཙམ་གྱིས་རང་ཉིད་རྗེ་བཙུན་རྡོ་རྗེ་རྣལ་འབྱོར་མར་གྱུར་པར་བསྒོམ་པ་ནི། ཆོས་ཐམས་ཅད་རོ་གཅིག་པའི་བརྡར་ཞལ་གཅིག་དང་ལྡན་པ། ཐབས་ཤེས་རབ་ཟུང་དུ་འཇུག་པའི་བརྡར་ཕྱག་གཉིས་དང་ལྡན་པ། རབ་ཏུ་འཇིགས་པའི་སྐུ་བདུད་དཔུང་གི་ཚོགས་ལས་ཁྲོས་ཤིང་ཆེར་ཁྲོས་པ། སྐུ་དོག་དམར་ཞིང་འོད་ཟེར་རབ་ཏུ་འབར་བས་སྟོང་གསུམ་རབ་ཏུ་འབྱེད་ཅིང་བརྟན་པ་དང་གཡོ་བའི་བཅུད་འཕྲོག་པར་བྱེད་པ། ཕྱག་གཉིས་ཀྱིས་རྡོ་རྗེ་གྲི་གུག་དང་ཐོད་པ་ཁྲག་གིས་བཀང་བ་བསྣམས་ཤིང་གར་ཐབས་སུ་འགྱིང་བ༑ ༑ཡབ་ཧེ་རུ་ཀ་སྦས་པའི་ཚུལ་དུ་ཡོད་པ། བཅུ་དྲུག་ལོན་པའི་ན་ཚོད་ལྟར་བཅུད་ཀྱིས་རྒྱས་ཤིང་ནུ་མ་འབུར་བ། དུས་གསུམ་མཁྱེན་ཕྱིར་སྤྱན་གསུམ་ཡོད་པ། རིགས་ལྔ་མཚོན་ཕྱིར་ཐོད་པ་སྐམ་པོ་ལྔས་དབུ་
2-2-131b
བརྒྱན་པ། འདུ་བྱེད་ལྔ་བཅུ་རྩ་གཅིག་དག་པའི་ཕྱིར་ཐོད་རློན་ལྔ་བཅུ་རྩ་གཅིག་གི་དོ་ཤལ་བྱས་པ། ཕ་རོལ་ཏུ་ཕྱིན་པ་དྲུག་ཡོངས་སུ་དག་པའི་ཕྱིར་ཐལ་བ་སྤངས་པའི་ཕྱག་རྒྱ་ལྔས་བརྒྱན་པ། དབུ་སྐྲ་སྐེད་སོར་སླེབ་པ་ལ་རིན་པོ་ཆེ་སྣ་ཚོགས་ཀྱིས་བརྒྱན་པ་གཅིག་བསྒོམ། དེ་ལྟར་བསྒོམ་པའི་སྤྱི་བོའི་གཙུག་ཏུ་ཡི་གེ་ཧ་དཀར་པོ་ལ་ཧ་སུམ་བཅུ་རྩ་གཉིས་ཀྱིས་བསྐོར་བ་གཅིག་བསྒོམ། མགྲིན་པར་རི་སེར་པོ་ལ་རི་སེར་པོ་བཅུ་དྲུག་གིས་བསྐོར་བ་གཅིག་བསྒོམ། སྙིང་གར་ནི་དམར་པོ་ལ་ནི་དམར་པོ་བརྒྱད་ཀྱིས་བསྐོར་བར་བསྒོམ། ལྟེ་བར་ས་ལྗང་ཁུ་ལ་ས་དྲུག་བཅུ་རྩ་བཞིས་བསྐོར་བར་བསྒོམ། དེ་ནས་ལྟེ་བའི་འོག་སོར་འཇལ་བའི་ཐད་སོར། ཡིག་གེ་རཾ་ཉི་མའི་དཀྱིལ་འཁོར་དང་བཅས་པ་གཅིག་བསྒོམ། དེ་ནས་མེ་མཚན་ཉིད་བཞི་དང་ལྡན་པས་ཕྲ་སྦོམ་ཟངས་ཁབ་ཙམ་གཅིག་བྱུང་པས་རྩ་དབུ་མའི་ནང་དུ་ཡར་སོང་། སྤྱི་བོ་ཚངས་པའི་བུ་ག་ན་ཡར་བྱུང་པར་བསྒོམ་ཞིང་། དེ་ལྟར་དུ་རོ་རྐྱང་གཉིས་ནས་མེ་བྱུང་ནས་སྣ་བུག་གཉིས་སུ་མེ་བྱུང་པར་བསྒོམ། དེ་ལྟར་དུ་རྩ་ཀུན་ནས་ཀྱང་མེ་བྱུང་པར་བསྒོམ། བ་སྤུའི་བུ་ག་དང་དབང་པོའི་སྒོ་ཐམས་ཅད་ནས་མེ་བྱུང་ནས། མེ་ཕྱིར་འཕྲོས་པས་ཕྱི་སྣོད་ཀྱི་འཇིག་རྟེན་ཐམས་ཅད་མེའི་ཕུང་པོ་མཚན་ཉིད་བཞི་དང་ལྡན་པར་བསྒོམ་ཞིང་། རླུང་དྲག་ཏུ་བཟུང་། ལུས་ཀྱི་གནད་ན་རྐང་པ་རེ་མིག་ལྟར་
2-2-132a
༄༅། །བསྣོལ། ལག་པ་བསྒོམ་ཐག་ལྟར་བསྡམ། མགྲིན་པ་ལྕགས་ཀྱུ་ལྟར་བཀུག་ཅིང་། རླུང་ཐེབས་གཅིག་བཟུང་ནས་གཡས་སུ་བསྐོར། ཡང་རླུང་ཁུག་པ་གཅིག་གཡོན་དུ་བསྐོར། གཟུགས་པོ་ལ་རྔུལ་བྱུང་ན་ལུས་སྦྱོང་བཅུ་གཉིས་པ་བྱ། གཏུམ་མོ་གངས་ཀྱི་སེང་ཆེན་མ་རྫོགས་སོ། །ཨྠྀི།། །།
༄། །གཏུམ་མོ་གངས་ཀྱི་སེང་ཆེན་མའི་བོགས་འདོན་འབར་འཛག་གི་གདམས་ངག
ལུས་སྦྱོང་བཅུ་གཉིས་པ་བྱ་བ་ནི། ལག་པ་ས་གནོན་གྱི་ཕྱག་རྒྱ་བཅས་ནས་སྐེད་པ་གཡས་སུ་ཐེབས་གསུམ་བསྐོར་བ། པུས་མོ་གཡས་པ་ལ་འཇུས་ནས་ཐེབས་གསུམ་བསྐོར། པུས་མོ་གཡོན་པ་ལ་འཇུས་ནས་ཐེབས་གསུམ་བསྐོར། དེ་ནས་ལག་པའི་མཐེ་བོང་ནང་དུ་བསྐུམ་ནས་ཞགས་པ་འཕེན་པ་ལྟར་ཤད་པ་གཉིས་སྤྲུག །དེ་ནས་རླུང་གཏོང་བ་དང་དུས་མཉམ་པར་ལུས་ཀྱི་རོ་སྟོད་རྟ་འགྲེས་པ་ལྟར་སི་ལི་ལི་སྤྲུག །དེ་ནི་ལུས་སྦྱོང་བཅུ་གཉིས་པའོ། །གཏུམ་མོ་གངས་ཀྱི་སེང་ཆེན་མའི་བོགས་འདོན་པར་བྱེད་པའི་གདམས་ངག་ནི། ལུས་ཀྱི་གནད་གོང་ལྟར་བྱ་ཞིང་། རང་ཉིད་རྗེ་བཙུན་མར་བསྒོམ་པའི་དབུས་ཀྱི་མཁའ་འགྲོ་མའི་ས་བོན་ལ་ཕོག་པས་བྱང་ཆུབ་ཀྱི་སེམས་སུ་མེར་གྱིས་ཞུ་ནས། ཡེ་ཤེས་ཀྱི་མེ་ལ་ཕོག་པས་མེ་འབར་ནས་སྙིང་གའི་ས་བོན་དང་མགྲིན་པའི་ས་བོན་དང་སྤྱི་བོ་བདེ་བ་ཆེན་པོའི་ས་བོན་ལ་སོགས་པ་རྣམས་རིམ་གྱིས་བྱང་ཆུབ་ཀྱི་སེམས་སུ་ཞུ་ནས། རྩ་ཐམས་ཅད་ཀྱི་ནང་དུ་སོང་པས་གང་བར་བསྒོམ་ཞིང་། 
2-2-132b
དཔྲལ་བའི་རི་བོང་འཛིན་པ་ལ་བྱང་ཆུབ་སེམས་ཀྱི་རྒྱུན་རྟ་རྔ་ཙམ་བྱུང་པ་ལ་མེ་ཆེར་སོང་པར་བསྒོམ་ཞིང་། བྱང་ཆུབ་ཀྱི་སེམས་ཀྱང་མང་པོར་ལྷག་པར་བ་སྤུའི་བུ་གར་གསལ་བར་བསྒོམ་ཞིང་། ཐུན་འཇོག་པའི་དུས་སུ་སྤྱི་བོ་བདེ་བ་ཆེན་པའི་འཁོར་ལོར་ཐམས་ཅད་བསྡུས་ལ་བསྒོམ་པར་བྱའོ། །གཏུམ་མོ་གངས་ཀྱི་སེང་ཆེན་མའི་བོགས་འདོན་འབར་འཛག་གི་གདམས་ངག །ཨྠྀི།། །།ད་ནི་གེགས་སེལ་བཤད་པར་བྱའོ། །གོང་ལྟར་དམིགས་པ་བསྒོམས་ཀྱང་གྲང་ན། བཙན་ཐབས་ཀྱི་ཕྱག་རྒྱ་དང་ལུས་སྦྱོང་བྱ། ཁོལ་བུར་གྲང་ན་ཉི་མའི་དམིགས་པ་བྱ། ལུས་ཀྱི་ཡན་ལག་ལ་སོགས་སྦྲིད་ན་སོ་སོའི་ལུས་སྦྱོང་བྱ། མིག་ན་ན་ལྟག་པར་བརྡེག །མགོ་ན་ན་སྤྱི་ལྡོང་གི་ལུས་སྦྱོང་བྱ། རོ་སྟོད་ན་ན་རིན་ཆེན་ཁུར་ཚུར་གྱི་ལུས་སྦྱོང་བྱ། རོ་སྨད་ན་ནི་དེ་དང་འདྲ་། རྐང་པ་ན་ན་འཁོར་ལོའི་ལུས་སྦྱོང་བྱ། དེ་ནི་གེགས་སེལ་ལོ། །ཤིན་ཏུ་ཟབ་པོ། ཨྠྀི།། །།
2-2-133a
༄༅། །གཏུམ་མོ་ལ་བར་མ་བཞུགས་སོ། །
༄༅། །གཏུམ་མོ་ལ་བར་མ་བཞུགས་སོ། །ན་མོ་གུ་རུ། རྗེ་དུས་གསུམ་མཁྱེན་པས་མོན་ཤ་འུག་སྟག་སྒོར་བསྒོམས་པའི་དུས་སུ། མོན་གྱི་རྒྱལ་པོ་ག་ཐུང་ཞེས་བྱ་བའི་བླ་མཆོད་མཛད་ནས་གངས་ཞུར་མོ་ལ། བྱོན་པའི་ལམ་དུ་ཁ་བ་ཆེན་པོ་བབ་ནས་དཔོན་སློབ་གཉིས་ལུས་པ་ལ། ལྷ་འདྲེའི་ཆོ་འཕྲུལ་ཡིན་ནས་ཁ་བས་ལམ་ཆོད་པ་ལ། རིན་པོ་ཆེ་ཐོན་པ་ལ། སློབ་མ་འཁྱགས་ནས་མ་ཐོན་པའི་དུས་སུ། གཏུམ་མོ་ལ་བར་མ་འདི་ཌཱ་ཀི་མ་གསེར་གྱི་མདངས་ཅན་གྱིས་གནང་བ་ལ། ཆོས་རྗེས་བསྒོམས་ནས་རས་ཕྱམ་ཉེ་གནས་ལ་བཀབ། ཁང་པ་ཀ་བཞི་མ་ཙམ་གྱི་ཁ་བ་ཞུ་བ་ཡིན་གསུང་ངོ་། །གནད་བཞི་ངོ་སྤྲོད་དང་འདྲ། དེ་ནས་རྩ་བ་རྒྱུད་པའི་བླ་མ་དང་། བོ་དྷི་སཏྭ་དང་། དཔའ་བོ་ཌཱ་ཀི་རྣམ་པ་ཐ་དད་མེད་པར་ཌཱ་ཀི་མ་གསེར་གྱི་མདངས་ཅན་ཞལ་གཅིག་ཕྱག་གཉིས་སྐུ་མདོག་སེར་མོ་སྐུ་ལ་མེ་རི་དམར་ཆི་ལི་ལི་འབར་བར་བསྒོམ། བོ་དྷི་སཏྭ་དང་། དཔའ་བོ་ཌཱ་ཀི་མ་རྣམས་རང་གི་སྤྱི་བོར་བྱོན་པས་ལུས་བྱིན་གྱིས་རླབས་པར་བསམ། མགྲིན་པར་ངག་བྱིན་གྱིས་རླབས། སྙིང་གར་ཡིད་བྱིན་གྱིས་རླབས། ལྟེ་བ་གསང་གནས་སུ་བྱོན་པས་ཡོན་ཏན་ཕྲིན་ལས་སུ་བྱིན་གྱིས་བརླབས། ཉོན་མོངས་པ་ལྔའམ། དུག་ལྔ་ཡེ་ཤེས་ལྔའི་ངོ་བོར་རྟོགས་པར་བསམ། དེ་ནས་ཌཱ་ཀི་རྒྱན་ཆ་ལུགས་རྫོགས་པར་བསྒོམ། མེ་རི་མེ་དཔུང་གཉིས་སུ་བསྒོམ། རྐང་ཞབས་སུ་ཡཾ་
2-2-133b
རཾ་རེ་རེ་བསམ། བ་སྤུའི་རྩ་བ་དང་ཚིགས་རྣམས་སུ་ཡཾ་རཾ་རེ་རེ་བསྒོམ། ཁོང་པའི་ནང་དུ་ཡང་ཡེ་ཤེས་ཀྱི་མེ་དམར་འུ་རུ་རུ་འབར་བར་བསྒོམ། ཕྱིར་ཡང་མེའི་སྣ་ལ་རིགས་བཞིའི་ཌཱ་ཀི་མ་གར་ཁྱུག་ཁྱུག་བྱེད་པར་བསམ། བུ་ག་དགུ་ལ་ཡང་ཌཱ་ཀི་མ་རེ་རེ་བསྒོམ། བོ་དྷི་སཏྭ་དང་དཔའ་བོ་ཌཱ་ཀི་སིབ་སིབ་མེའི་ནང་དུ་མར་ཁུ་ནར་བ་བཞིན་དུ་མེ་ཇེ་ཆེ་ལ་སོང་བར་བསམ། ཐབས་ལམ་བདེ་དྲོད་དང་ཕྱག་རྒྱ་ཆེན་པོ་སྐྱེ་བར་མཛད་དུ་གསོལ། །ཞེས་གསོལ་བ་དྲག་ཏུ་གདབ་པོ། བོ་དྷི་སཏྭ་དང་དཔའ་བོ་ཌཱ་ཀི་རྣམས་སྣ་བུག་དུ་ཞུགས་པར་བསམ། རླུང་བཟུང་བས་ཁོང་པའི་ནང་དུ་མེ་དམར་ཆི་ལི་ལི་འབར་བར་བསམ། རླུང་གཏོང་ཙ་ན་མེའི་དཀྱིལ་འཁོར་གཅིག་ཏུ་བསྒོམ། མཆོག་ཐུན་མོང་གི་དངོས་གྲུབ་ཐོབ་པར་བསམ། རྗེ་དུས་གསུམ་མཁྱེན་པའི་གཏུམ་མོ་ལ་བར་མ་རྫོགས་སོ། །ཨྠྀི།། །།
༄༅། །མཆོག་གི་གཏུམ་མོ་བཞུགས་སོ། །
༄༅། །མཆོག་གི་གཏུམ་མོ་བཞུགས་སོ། །བླ་མ་གྲུབ་ཐོབ་རྣམས་ལ་ཕྱག་འཚལ་ལོ། །སློབ་དཔོན་ཆེན་པོ་ནཱ་རོ་པས། །གསང་སྔགས་རྒྱལ་པོ་ཡིག་གེ་བདུན། །འབུམ་ཕྲག་གཅིག་ནི་བཟླས་བྱས་ནས། །ས་ནི་གཡོ་ཞིང་ལུང་བསྟན་ཐོབ། །ཤར་ཕྱོགས་ངོས་ཀྱི་ཏེ་ལོ་པའི། །ཞལ་སྔགས་གདམས་ངག་མནོས་པ་ནི། །དངོས་པོའི་ལུས་སེམས་གཉིས་གནས་ལུགས་ལམ་དང་ནི། །འབྲས་བུ་སྐྱེ་བའི་རིམ་ཐུན་མོང་དང་ཁྱད་པར་པའོ། །
2-2-134a
༄༅། །དེ་ཡང་གསང་བ་འདུས་པ་ལས། །འོད་གསལ་བ་ལ་སྟོང་པ་ཆེ། །དེ་ལ་ཐབས་ནི་སྣ་ཚོགས་འབྱུང་། །ཞེས་པས། དངོས་པོའི་གནས་ལུགས་ལ་གཉིས་ཏེ། ལུས་དང་སེམས་ནི་ཤེས་པར་བྱ། །ལུས་ཀྱི་གནས་ལུགས་མ་ཤེས་ན། །བསྒོམ་པའི་གནད་མི་ཤེས། དེ་མ་ཤེས་པས་སེམས་མི་ཟིན། དེ་ནས་ལྟེ་བ་སྤྲུལ་པའི་འཁོར་ལོ་ན་སྐྱེ་མེད་མཚོན་པའི་ཡིག་གེ་ཨ་གནས། དེ་ལ་སྐྱེ་མེད་མཚོན་པའི་རྩ་ཨ་བ་དྷཱུ་ཏཱི་འབྱུང་༑ ཡར་སྣ་ཚངས་པའི་བུ་གར་ཟུག །མར་སྣ་གཉེར་པོ་ཆེ་རུ་ཟུག །གདུགས་རྩ་འདབ་རྣམས་དང་ཤིང་རྟ་ལྟ་བུར་དབུ་མར་འབྲེལ་ཅེས་སོ་གནས། །འཁོར་ལོ་བཞི་དང་བཅས་པ་བསྒོམ། དེ་ཡང་། ལུས་ནི་བྱང་ཆུབ་རྣམ་ལྔ་དང་། །རྩ་རྩ་གང་ན་གནས་པ་ན་རླུང་གནས། དེ་ལ་ཡེ་ཤེས་ལྔ་ན་ཐིག་ལེ་གནས་པས་མི་རྟོག་པ་སྐྱེའོ་དང་བྱང་ཆུབ་སེམས་དང་ནི། །མི་གཙང་མ་རྟོགས་དུས་ན་རྫས་དང་རྣམ་རྟོག་གི །ལུས་ཀྱི་ཆོས་ཀྱི་ཆོས་ནི་གནས་པ་ཡིན། །ཞེས་དང་། སེམས་ཀྱི་གནས་ལུགས་བསྟན་པ་ནི། ཀྱཻ་ཧོ། འདི་ནི་རང་རིག་ཡེ་ཤེས་ཏེ། །ངག་གི་སྤྱོད་ཡུལ་བསམ་པའི་ཡུལ་ལས་འདས། །ཏེ་ལོ་ངས་ནི་ཅི་ཡང་བསྟན་དུ་མེད། །རང་གིས་རང་ཉིད་མཚོན་ཏེ་ཤེས་པར་བྱོས། །ཏེ་ལོ་པའི་ཆོས་དྲུག་ལ། མི་མནོ་འདས་པ། མི་བསམ་འདས་པ་། མི་གཡེང་མ་འོངས་པ་། མི་བསྒོམ་དམིགས་པ་གཏད་ལ་། མི་དཔྱོད་དབང་པོ་ཡུལ་ལ། སེམས་རང་བཞིན་མ་བཅོས་པའི་ངང་ལ་དུ་གནས་པར་
2-2-134b
བྱའོ༑ ༑དེ་ཡང་ལམ་གྱི་རིམ་པ་ལས། གནད་ནི་རྣམ་པ་གསུམ་ཡིན་ཏེ། །ལུས་དང་ཡུལ་དང་དུས་དང་ངོ་། །ལུས་ཀྱིས་རྡོ་རྗེ་སྐྱིལ་མོ་ཀྲུང་། །སྒལ་ཚིགས་རིན་ཆེན་རྩར་ལ་རྒྱུས། མཐོངས་ཀ་ཕྱིར་ལ་དགྱེ་བས་ཤིན་ཏུ་ཡངས་པར་བྱ། །སྟོང་སྒོ་ཤིན་ཏུ་སྦ་བར་བྱ། །ལྕེ་ནི་ཡར་རྐན་ཉིད་དུ་གཏད། །མཉམ་བཞག་ལྟེ་བའི་འོག་ཏུ་རྒྱ་ཡིས་བཙིར་བར་བྱ། །ཡང་ན་ལུས་ཀྱིས་ཙོག་པུར་བསྡད། །རེ་མིག་བཞིན་དུ་བསྣོལ་བར་བྱ། །རྒྱ་མདུད་བཞིན་དུ་བསྡམ་པར་བྱ། །ལྕགས་ཀྱུ་བཞིན་དུ་དགུག་པར་བྱ། །བུམ་པ་བཞིན་དུ་དགང་བར་བྱ། །མདའ་ལྟར་བཏང་བ་གྱེན་དུ་སྣ་བུག་གཉིས་ནས་འཕང་བར་བྱ་ཡང་གཅིག །ཧཾ་ལས་ནམ་ནམ་མཁའི་བ་ནི་རིམ་གྱིས་དྷུ་ཏཱིར་བཞག་བཞོ། ཡང་ན་ཨོལ་ཀོས་ཨོལ་མདུད་མནན། །ཡང་ན་འཇིགས་པར་ལྡག་པ་མནན། །གཡས་ན་རྒྱུ་ན་གཡས་རྩ་མནན། །གཡོན་ནས་རྒྱུ་ན་གཡོན་རྩ་མནན། །ལྟེ་ཟུར་དང་ཕོ་རླུང་རྩུབ་གདུལ་ཞིང་གཉིད་ལོག་མོ་རླུང་སྦྱོང་། །མ་ནིང་རླུང་ལ་རྒྱུན་དུ་བསྒོམ། །དེ་ཡང་། རྡོ་རྗེ་སྐྱིལ་ཀྲུང་རྫོགས་སངས་རྒྱས། །ཞེས་པ་དང་། ཡང་གདན་བཞི་ལས། ལུས་སེམས་སྲོག་ནི་དབྱུག་པ་ལ། །སྦྱོར་བ་དྲུག་གི་ཡན་ལ་ནས། །ཐབས་དང་བཅས་ན་ཤིན་ཏུ་འབར། །ཞེས་སོ། །དབུགས་ལ་སྦྱོར་བ་བཞི་ལྡན་བྱ། །དབུགས་ཀྱིས་རྡུབ་པ་ལ་སོགས་པ་བཞི་ལྡན་མ་ཤེས་ན། །གོང་གི་ཡོན་ཏན་འབྱུང་བ་དཀའ། །དེ་ཡང་། རྡོ་རྗེ་
2-2-135a
༄༅། །མཁའ་འགྲོ་ལས། དགང་བ་ཡིས་ནི་ལུས་དག་ནས། །དུག་དང་རིམས་ཀྱི་ཚ་བ་འཕྲོག །བུམ་པ་ཅན་གྱི་རླུང་བཅིངས་ན། །སྒོའི་བུ་ག་འགག་པར་འགྱུར། །འཐོར་བ་སྣང་བར་སྐྱེས་པར་བསམ་སྣ་ཚོགས་བསྡུ་བར་བྱ་དེ་ནས་བསྡུ་བར་བསམ། །བར་དུ་གཞིལ་བས་གཞིལ་བར་འགྱུར། །སེང་གེ་རྣམ་གྲོལ་ཕྱག་རྒྱ་ཡིས། །རྣལ་འབྱོར་པ་ཡིས་བཅིངས་ནས་སུ། །རྟག་ཏུ་སྲོག་དང་རྩོལ་རྡུབ་བས་སྦྱང་། །ཞེས་སོ། །ཧེ་བཛྲ་ལས༑ རྔུབ་པ་སྣ་ནས་ནང་དུ་དྲང་བར་བསམ་ཡིས་ནི་དབང་དུ་བྱེད། །དགང་བ་སྟེང་རླུང་མནན། རོ་རྐྱང་གཉིས་ན་མར་ཡིས་ནི་རེངས་པར་བྱེད། །རབ་ཏུ་གཞིལ་གཞུག་བས་གཞིལ་དྷུ་ཏཱིར་གཞུག་བར་འགྱུར། །རིམ་པ་ལྔ་ལས་ཀྱང་༑ ལྟེ་བར་གྲུ་གསུམ་ཕྱི་ཆངས་སྒོ་མཆུ་སོ་ཕྱི་དཀར་ཞིང་སྣང་བ་ལ་དམར་བ་ལ། །ཐིག་ལེ་ཁ་དོག་ལྔ་བསམ་སྟེ། །སངས་རྒྱས་ལྔ་རུ་མཚོན་པར་བྱ། །སྲོག་འགོག་པ་དང་ལྡན་བྱས་ནས། །སྐད་ཅིག་དེ་ལས་འབར་འགྱུར་ཏེ། །འཇིག་རྟེན་ཁམས་རྣམས་མཆོད་པའི་གནས། །རྡོ་རྗེ་འཛིན་པ་ཉིད་དུ་འགྱུར། །ཞེས་སོ། །ཡུལ་གྱི་གནད་ནི་གཉིས་ཡིན་ཏེ། །ཕྱི་རོལ་སྣང་བ་དཀར་དམར་ཡུལ་གྱི་སེམས་གར་བཙུགས་གནད། །རིག་མ་མཚན་ལྡན་ཡུལ་གྱི་གནད། །ནང་གི་འཁོར་ལོ་བཞི་ལ་གཏད། །ལྟེ་བར་སྤྲུལ་སྐུ་དགའ་བཞི་བསྐྱེད། །དུས་ཀྱི་གནད་ནི་བཞི་ཡིན་ཏེ། ཐ་མལ་གྱི་དུས་སུ་ལྟེ་བར་སེམས་ཀྱི་རྒྱལ་པོ་གནས། དེར་གཏད་ན་ལུས་
2-2-135b
ཐམས་ཅད་ཀྱི་བདེ་བ་སྐྱེ། སྙོམས་འཇུག་གི་དུས་སུ་བདེ་ཆེན་དུ་གཏད་ན་ལུས་ཐམས་ཅད་ཁྱབ་པའི་བདེ་ལྷན་ཅིག་སྐྱེས་པའི་དགའ་བ་སྐྱེ་བ་སྐྱེ། གཉིད་ཀྱི་དུས་སུ་སྙིང་གར་གཏད་ན་ལུས་ཀྱི་སྨད་དུ་དགའ་བ་སྐྱེ། གཉིད་ལོག་པའི་དུས་སུ་མགྲིན་པར་གནས་ཏེ་དགའ་བྲལ་གྱི་དགའ་བ་སྐྱེ། ཡུལ་ནི་འཁོར་ལོ་རྒྱལ་པོ་ལ་སོགས་པ་ཐམས་ཅད་དབང་དུ་བྱེད་པ་དང་འདྲ། ཡུལ་གྱི་ཚིག་འདུ་དང་དབང་དུ་བྱེད་དོ་བསྒྱུར་རྒྱལ་འདྲ། དེ་ཡང་གདན་བཞི་ལས༑ ལྟེ་བར་ཆུ་ཤིང་སྙིང་པོ་གནས། །སྙིང་གར་ཡང་ནི་འགྲེང་སྟེ་གནས། །རྟག་ཏུ་སྟོང་པའི་སྒོ་ཡིན་ཏེ། །མཁས་པས་རྟག་ཏུ་བཟློག་པར་བྱ། །བསྒོམ་དང་བཟླས་པའི་ཁྱད་པར་གྱིས། །གང་གི་ལམ་ནས་ཞུགས་གྱུར་ནས། །འགྲུབ་འགྱུར་འདི་ལ་ཐེ་ཚོམ་མེད། །འབྲས་བུ་སྐྱེ་བའི་རིམ་པ་ནི། །མཆོག་དང་ཐུན་མོང་གཉིས་ཡིན་ཏེ། །ཐུན་མོང་རིམ་པ་བསྟན་པ་ནི། །དང་པོ་དུ་བ་ལྟ་བུ་འབྱུང་། །གཉིས་པ་བདེ་བ་ལྟ་བུ་འབྱུང་། །གསུམ་པ་མི་རྟོག་སྐྱེ་བར་འགྱུར། །དེ་ནས་རྣམ་རྟོག་ཤུགས་ཀྱིས་འགག །དུ་བ་སྨིག་སྒྱུ་སྲིན་བུ་མེ་ཁྱེར་དང་། སྐྱ་རེངས་ཤར་བ་ལྟ་བུ་འབྱུང་། །ནམ་མཁའ་སྤྲིན་དག་པ་ལྟ་བུ་འབྱུང་། །དེའི་རྐྱེན་གྱིས་ཨ་བ་དྷཱ་ཏཱིར་རླུང་ཚུད་ནས། རྣམ་པར་མི་རྟོག་པའི་ཡེ་ཤེས་རྒྱུད་ལ་ཤར་ནས། མཆོག་གི་དངོས་གྲུབ་ཐོབ་ནས་སྐྱེ་བ་འདི་ལ་སངས་རྒྱས། རྒྱུད་པ་ནི། རྡོ་རྗེ་འཆང་། ཏེ་ལོ་པ། དེས་ནཱ་རོ་པ། དེས་སྐྱེས་
2-2-136a
ཨྠྀི། །མཆོག་མར་པ། དེས་རྔོག་ཆོས་རྡོར། དེ་གཉིས་ཀྱིས་རྗེ་བཙུན་མི་ལ་རས་པ་ལ། དེས་བླ་མ་ལྷ་རྗེ་ལ། དེས་དུས་གསུམ་མཁྱེན་པ་ལ། དེས་ཆོས་རྗེ་གངས་དཀར་བ་ལ། མཆོག་གི་གཏུམ་མོ་ཞེས་བྱ་བ། ཨྠྀི།། །།
༄༅། །བླ་མའི་གཏུམ་མོ།
༄༅། །བླ་མའི་གཏུམ་མོའོ། །བླ་མ་རྣམས་ལ་ཕྱག་འཚལ་ལོ། །བླ་མའི་གཏུམ་མོ་ནི། སྔོན་ལ་སེམས་ཅན་ཐམས་ཅད་ཀྱི་དོན་དུ་སེམས་བསྐྱེད་ནས། སྔོན་འགྲོ་ལུས་གནད་ཆོས་དྲུག་ལ་སོགས་པ་གཞན་དང་མཐུན། རང་གི་ལུས་རྗེ་བཙུན་མའམ་གང་ཡིན་ཡི་དམ་ལྷར་བསྒོམ་པའི་ལྟེ་བའི་ཐད་ཀར་ཉི་མའི་སྟེང་དུ་རྩ་བའི་བླ་མ་སྐུ་གཅེར་བུར་བཞུགས་པ་སྟེ། རུས་པའི་རྒྱན་ཐམས་ཅད་ཀྱིས་བརྒྱན་པ། ལྕགས་ཚན་འདྲ་བ་དྲོད་དང་ལྡན་པ་གཅིག་ཏུ་བསྒོམ་ལ། རང་དང་བླ་མའི་ཐུགས་ཀ་ནས་འོད་ཟེར་བདེ་བ་དགོས་འདོད་འཕྲོས་པས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྒྱུད་བསྐུལ་ཏེ། སྟེང་གི་ནམ་མཁའ་ལ་བྱོན་ཏེ། སངས་རྒྱས་དང་བྱང་ཆུབ་སེམས་དཔའ་ཐིག་ལེའི་ངོ་བོར་རང་གི་སྤྱི་བོ་ན་མར་ལ་འོད་ཟེར་གྱི་ཚུལ་དུ་བྱོན་ནས། བླ་མའི་སྐུ་ལ་རང་བདེ་ཕྲིལ་ལེར་བསྒོམ་ཕོག་པ་དང་། དཔེར་ན་མར་མེའི་སྡོང་བུ་ལ་མར་སོང་བས་སར་ཟེར་ནས་མེ་འབར་བ་
2-2-136b
བཞིན་དུ་འབར་བར་བསམ། རང་གི་ལུས་ཀྱི་ནང་ཐམས་ཅད་མེས་ཁེངས་པར་དྲོད་བོགས་འདོན་བསམ་ལ། བླ་མ་དགྱེས་བཞིན་དུ་མེའི་གུར་དུ་བཞུགས་པ་ལ་སེམས་གཏད་དེ་བསྒོམས་པས་བདེ་དྲོད་མྱུར་དུ་སྐྱེའོ། །འགྲོ་བའི་དུས་སུ་སྟེང་འོག་གི་རླུང་རླུང་གལ་ཆེ་བསྡམ་ལ། རང་གི་རྐང་པའི་བར་དུ་ཡཾ་ལས་རླུང་གི་དཀྱིལ་འཁོར་གཞུ་ལྟ་བུ་ཞིག་བསམ། ཆང་ཟུངས་རྐང་པའི་བར་ན་ཡར་ཡོད་པ། མཆོག་མ་གཉིས་ལ་རྐང་མཐིལ་གཉིས་ཀྱི་འོག་ན་མར་ཡོད་པ། མཆོག་མ་གཉིས་རླུང་གི་བ་དན་འཕྱང་བར་བསམ་ལ། རང་བར་སྣང་འཚམས་ནས་ཕར་འགྲོ་བར་བསྒོམ། རང་གར་འགྲོ་བའི་རྒྱབ་ཕྱོགས་ནས་རླུང་བྱུང་ནས། རླུང་གི་བ་དན་བསྐྱོད་ནས་འགྲོ་བར་བསམ། འདི་བླ་མའི་གཏུམ་མོའོ། །དམར་ཁྲིད་ལགས་སོ།། །།
༄༅། །བསྲེ་བ་བསྐོར་གསུམ་བཞུགས་སོ། །
༄༅། །བསྲེ་བ་བསྐོར་གསུམ་བཞུགས་སོ། །ཚོགས་གསུམ་རབ་རྫོགས་བདེ་ཆེན་དཀྱིལ་འཁོར་ནས། །དུས་གསུམ་མཉམ་པར་མཁྱེན་པའི་ཆོས་རྗེ་རིན་པོ་ཆེ། །སྤྲུལ་སྐུའི་ཚུལ་དུ་བྱོན་ནས་འགྲོ་དོན་མཛད་པ་ཡི༑ ༑བླ་མ་རིན་པོ་ཆེ་ཞབས་ལ་འདུད། །བླ་མ་རིན་པོ་ཆེའི་ཁྲིད་ཀྱི་ཕྱག་བཞེས་བདག་གིས་བརྩམས་པ་འདི་བརྗེད་དུ་འཕངས་ནས་བྲི་བར་བགྱི། དེ་ནས་ཁྲིད་མཛད་པའི་དུས་སུ། བླ་མའི་ཞལ་ནས། བྱང་
2-2-137a
༄༅། །ཆུབ་ཀྱི་སེམས་གསུམ་སྔོན་དུ་བཏང་ནས་ལུས་ངག་ཡིད་གསུམ་མལ་ན་བཞག །སེམས་རང་ལུགས་སུ་བཞག་ཀྱང་གསུང་། ལུས་ཀྱི་ལས་སུ་རྩོལ་བསྒྲུབ་མེད། ངག་གི་ལས་སུ་སྨྲ་བརྗོད་མེད། སེམས་ཀྱི་ལས་སུ་བསམ་རྒྱུ་མེད། ནམ་མཁས་ནམ་མཁའ་བསྒོམ་དུ་མེད། ནམ་མཁས་ནམ་མཁའ་བསམ་དུ་མེད། དཔེ་དེ་བཞིན་དུ། སེམས་ལ་སེམས་ཀྱིས་བལྟ་རུ་མེད། སེམས་ལ་སེམས་ཀྱིས་བསྒོམ་དུ་མེད༑ སེམས་ལ་སེམས་ཀྱིས་བསམ་དུ་མེད་པས་སེམས་གར་འགྲོ་འགྲོ་རུ་ཆུག །རང་ལུགས་རང་ཡན་རང་གྲོལ་དུ་བཞག་གསུང་། དེ་ནས་དགེ་བའི་རྩ་བ་བསྔོ་བ་ནི། བདག་དང་སེམས་ཅན་ཐམས་ཅད་ཀྱིས་ཕྱག་རྒྱ་ཆེན་པོ་མྱུར་དུ་ཐོབ་པར་གྱུར་ཅིག །ཅེས་ལན་གསུམ་བརྗོད། དེ་ནས་གཏུམ་མོའི་ཁྲིད་མཛད་པ་ལ། སྔོན་འགྲོ་དང་དངོས་གཞི་གཉིས་ཏེ། སྔོན་འགྲོ་ལ་ལུས་གནད་བཅས་ལ་བྱང་ཆུབ་མཆོག་ཏུ་ཐུགས་བསྐྱེད༑ རང་གི་སྤྱི་བོའི་གཙུག་ཏུ་ཟླ་བའི་དཀྱིལ་འཁོར་དཀར་ཁྱིལ་ལེ་བ་གཅིག་བསམ། དེའི་སྟེང་དུ་རྩ་བའི་བླ་མ་དང་། ཆོས་རྗེ་དུས་གསུམ་མཁྱེན་པ་གཉིས་སུ་མེད་པ། དབུ་སྐྲ་དཀར་པོ། དབུ་ཞྭ་ནག་པོ། འོད་དང་འོད་ཀྱི་རང་བཞིན་དུ་བཞུགས་པར་བསྒོམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། བཀའ་རྒྱུད་ཀྱི་བླ་མ་ཐམས་ཅད་རྗེ་དུས་གསུམ་མཁྱེན་པའི་ངོ་བོར་ཁ་བ་བབ་པ་བཞིན་དུ་འུབ་
2-2-137b
ཀྱིས་ཐིམ་པས་སྡིག་སྒྲིབ་ཐམས་ཅད་སངས་ཀྱིས་དག་པར་བསམ་ལ། ལུས་སྦྱོང་བྱ། རླུང་ཕར་གཏོང་བའི་དུས་སུ་བ་སྤུའི་བུ་ག་ནས་རླུང་ཐམས་ཅད་ཕར་སོང་བས་བདག་དང་སེམས་ཅན་ཐམ་ཅད་ཀྱི་སྡིག་སྒྲིབ་སངས་ཀྱིས་དག་པར་བསམ། དེ་ནི་ལུས་སྦྱང་། རྩ་སྦྱང་། སྡིག་པ་སྦྱང་བ་དང་གསུམ་ཡིན་ནོ། །དེ་ནས་ལུས་སྦྱོང་གཉིས་པ་ནི། རང་གི་སྤྱི་བོར་བླ་མའི་རྣལ་འབྱོར་གོང་བཞིན་དུ་བསྒོམས་ལ། བླ་མ་རང་གི་ལུས་ལ་ཐིམ་པ་དང་། སེམས་ཅན་ཐམས་ཅད་ཀྱི་སྡིག་སྒྲིབ་དག་པར་བསམ་ལ། རླུང་གཏོང་བ་དང་སྤྲུག་པ་དུས་གཅིག་བྱའོ། །དེ་ནི་སྔོན་འགྲོའོ། །དངོས་གཞི་ལ་ཆོས་ཀྱི་སྐུའི་གདམས་ངག་མཆོག་གི་གཏུམ་མོ་བསྟན་ནོ། །སྐྱེ་མེད་ཀྱི་དོན་རྟོགས་ན་འགག་མེད་ཀྱི་རྩལ་རྫོགས་དགོས། དེ་ལ་སེམས་ཉིད་ཀྱི་རྩལ་རྫོགས་པར་བྱེད་པ་ལ། གཏུམ་མོ་རླུང་སེམས་གཉིས་མེད་ཀྱི་རྩལ་རྫོགས་དགོས་པས། དེ་ལ་ཆོས་རྗེ་དུས་གསུམ་མཁྱེན་པ་རིན་པོ་ཆེའི་རླུང་སེམས་གཉིས་མེད་ཀྱི་གདམས་ངག་འདི་ཡིན་ལ། དེ་ལ་དང་པོ་ལུས་གནད་བཅས་ལ་སེམས་བསྐྱེད་དང་བླ་མའི་རྣལ་འབྱོར་བསྒོམ། དེ་ནས་རང་ལུགས་སུ་བཞག་སྟེ། ཕྱི་སྣང་བ་རྒྱ་ཡན། ནང་རིག་པ་རང་གྲོལ། ལུས་ཐམས་ཅད་ཡེ་ཤེས་ཀྱི་ལུས། ངག་ཐམས་ཅད་ཡེ་ཤེས་ཀྱི་ངག །ཡིད་ཐམས་ཅད་ཡེ་ཤེས་ཀྱི་ཡིད། རྩ་ཐམས་ཅད་ཡེ་ཤེས་ཀྱི་རྩ། རླུང་ཐམས་ཅད་ཡེ་ཤེས་ཀྱི་རླུང་། 
2-2-138a
༄༅། །དེའི་ངང་ལ་རླུང་བཟུང་ལ་ལུས་སྦྱོང་བྱའོ། །ལོངས་སྐུའི་གདམས་ངག་ནི། ལུས་གནད་བཅས་ཏེ་སེམས་བསྐྱེད་ལ། སྐད་ཅིག་མ་ཉིད་ལས་པདྨ་དང་ཉི་མའི་སྟེང་ན་རྗེ་བཙུན་མ་བཏང་སྙོམས་ཀྱི་ཕྱག་རྒྱས་བཞུགས་པར་བསྒོམ། དེ་ལས་འོད་ཟེར་འཕྲོས་པས་ཕྱི་སྣོད་ཀྱི་འཇིག་རྟེན་ཐམས་ཅད་ལ་ཕོག་པས་གཞལ་ཡས་ཁང་། དེ་ཆོས་ཀྱི་འབྱུང་གནས་རྒྱ་ཁྱོན་ཆོས་ཀྱི་དབྱིངས་དང་མཉམ་པ། དེའི་དབུས་སུ་པད་མ་དང་ཉི་མ་རོའི་གདན་ལ་བདག་ཉིད་རྗེ་བཙུན་མ་རུས་པའི་རྒྱན་ཆ་ལྔ་ཡིས་བརྒྱན་པ། སྤྱན་གསུམ་པ་ཐོད་སྐམ་གྱིས་དབུ་བརྒྱན་པ། ཐོད་རློན་གྱི་དོ་ཤལ། དབུ་སྐྲ་སིལ་བུ་སྐྱེད་པར་སླེབ་པ་གཅིག་ཏུ་བསྒོམ༑ དེ་ཡང་ཕྱི་བལྟས་ན་ནང་གསལ་བ། ནང་བལྟས་ན་ཕྱི་གསལ་བ། དར་དམར་པོའི་གུར་ཕུབ་པ་བཞིན་དམར་སང་ངེ་བ་གཅིག་ཏུ་བསྒོམ་མོ། །དེའི་ལྟེ་བའི་འོག་ཏུ་ཡེ་ཤེས་ཀྱི་མེ་རྩ་བ་སྦོམ་པ་རྩེ་མོ་ཕྲ་བ༑ རང་གི་རིག་པ་དང་ཐ་དད་མེད་པ། ཁ་དོག་དམར་པོ་རེག་བྱ་ཚ་བ་མྱུར་བ་གཅིག་བསམ། དེ་ལ་སངས་རྒྱས་དང་བྱང་ཆུབ་སེམས་དཔའ་དང་། བཀའ་རྒྱུད་ཀྱི་བླ་མ་རྣམས་དང་། དུས་གསུམ་མཁྱེན་པའི་ངོ་བོར་རང་གི་སྣ་བུག་ནས་མེ་ལ་ཐིམ་པས། རང་གི་རིག་པ་དང་ཐ་དད་མེད་པར་རང་ལུས་ཀྱི་ནང་ཐམས་ཅད་ཡེ་ཤེས་ཀྱི་མེས་དམར་ཁྲིགས་ཀྱིས་གང་བར་བསམ་ལ་རླུང་ལྟེ་བའི་འོག་ཏུ་དྲག་ཏུ་མནན་ནོ། །རྗེས་
2-2-138b
དགེ་བའི་རྩ་བར་བསྔོ། སྤྲུལ་སྐུའི་དངོས་གཞི་ལ། རང་གི་ལུས་མེར་བསྒོམ་པ་གོང་དང་འདྲ། སེམས་ཅན་ཐམས་ཅད་ཀྱང་རང་གི་སེམས། སངས་རྒྱས་ཀྱང་རང་སེམས་ཡིན་པས་སེམས་ཅན་ཐམས་ཅད་ལ བྱམས་པ་དང་སྙིང་རྗེ་བསྒོམ་ལ་རླུང་བཟུང་བས་སེམས་ཅན་ཐམས་ཅད་རང་གི་སེམས་ལ་ཐིམ་པར་བསམ་ལ་ལུས་སྦྱོང་བྱའོ། །དེ་ནི་སྤྲུལ་སྐུའི་གདམས་ངག་གོ །བྱང་ཆུབ་སེམས་དང་བསྲེ་བ་ནི། པད་ཉིའི་སྟེང་དུ་རང་རྗེ་བཙུན་མ་བཏང་སྙོམས་ཀྱི་ཕྱག་རྒྱར་བཞུགས་པ་བསམ་ལ། དེའི་རྩ་དབུ་མ་ཕྱི་དཀར་ལ་ནང་དམར་བའི་འོག་ཏུ་བྱང་ཆུབ་སེམས་དང་རིག་པ་ཐ་དད་མེད་པ། དངུལ་ཆུའི་མདོག་ལྟར་དཀར་ལ་སྣུམ་ཅིང་འདྲིལ་བ་གཅིག་བསམ་ལ་ལུས་སྦྱོང་བྱ། ཡང་གཅིག་ལ་གཅིག་ཆད་པའི་ཚུལ་དུ་བྱ། ཡང་ཧཾ་ལ་ཐིམ་པར་བསམ། དེ་ནས་སྤྲུགས་པས་སྐེ་རགས་ཡན་ཆད་བྱང་སེམས་ཀྱིས་གང་བར་བསམ་ལ་ལན་གསུམ་སྤྲུག་གོ །དེ་ནི་བྱང་ཆུབ་སེམས་དང་བསྲེ་བའོ། །ཆོས་སྐུ་ལྷུན་གྱིས་གྲུབ་པ་ལ། །ལོངས་སྤྱོད་རྫོགས་དང་སྤྲུལ་པའི་སྐུ། །ཐུན་མོང་མ་ཡིན་སྤྲུལ་སྐུའི་ཁྲིད། །འདི་བྲིས་བདག་གཞན་སྐུ་གསུམ་ཐོབ་པར་ཤོག ༑བླ་མའི་གསུང་ལ་ཟུར་ཙམ་ཡིན་པ་ཡིག་གེར་བཀོད་པ་མི་རིགས་ཀྱང་། བླ་མ་མཁའ་འགྲོས་བཟོད་པར་གསོལ། ཨྠྀི། རྫོགས་སོ།། །།
2-2-139a
༄༅། །ཕྱག་རྒྱ་ཆེན་པོ་ཐོག་བབས་སོ། །
༄༅། །ཕྱག་རྒྱ་ཆེན་པོ་ཐོག་བབས་སོ། །ན་མོ་གུ་རུ། ཕྱག་རྒྱ་ཆེན་པོ་ཐོག་བབས་འདི་ལ་བཞི་སྟེ། ངོ་བོ་གསུམ། ངེས་ཚིག་བཞི། གོལ་ས་གསུམ། བཞག་ཐབས་བཞིའོ། །ངོ་བོ་གསུམ་ནི། སེམས་མ་བཅོས་པ། རྩོལ་བསྒྲུབ་མེད་པ། བྱུང་ཚོར་སེམས་སུ་ཤེས་པའོ། །ལམ་གྱི་དུས་སུ་མ་བཅོས་པ་ལྟ་བ་ཡིན། རྩོལ་བསྒྲུབ་མེད་པ་བསྒོམ་པ་ཡིན། བྱུང་ཚོར་སེམས་སུ་ཤེས་པ་སྤྱོད་པ་ཡིན། འབྲས་བུའི་དུས་སུ་མ་བཅོས་པ་ཆོས་སྐུ་ཡིན། རྩོལ་བསྒྲུབ་མེད་པ་ལོངས་སྐུ་ཡིན། བྱུང་ཚོར་སེམས་སུ་ཤེས་པ་སྤྲུལ་སྐུའོ། །དེས་ནི་མ་བཅོས་པར་གསེར་གྱི་ས་གཞི་དང་འདྲ་རྩོལ་བསྒྲུབ་མེད་པ་གསེར་གཡའ་དག་པ་དང་འདྲ། བྱུང་ཚོར་སེམས་སུ་ཤེས་པ་ནི་གསེར་ལ་གཟུགས་བརྙན་སྣ་ཚོགས་བྱས་ཀྱང་གསེར་ལས་མ་གཡོས་པ་དང་འདྲའོ། །ངེས་ཚིག་བཞི་ནི། ཉོན་མོངས་པ་སྤང་དུ་མེད་དེ་རང་གི་སེམས་ཡིན། གཉེན་པོ་བསྟེན་དུ་མེད་དེ་སེམས་ལ་གཉིས་སུ་མེད་པ་ཡིན། དེ་བཞིན་ཉིད་ལ་བསྒོམ་དུ་མེད་དེ་ངོས་བཟུང་དང་བྲལ་བ་གཅིག་ཡིན། སེམས་རྟོགས་ན་ཡེ་ཤེས་ཡིན་གྱི། སངས་རྒྱས་གཞན་དུ་མི་བཙལ་བའོ། །གོལ་ས་གསུམ་ནི། ཡར་སངས་རྒྱས་ལ་རེ་ན་གོལ། མར་ངན་སོང་དུ་དོགས་ན་གོལ། སྣང་བ་འདི་ལ་ཐད་སོར་ཞེན་ན་གོལ། བཞག་ཐབས་བཞི་ནི། ཆུ་མ་རྙོག་ན་དེངས་པ་བཞིན་དུ་སེམས་མ་བཅོས་པར་བཞག །ཉི་མ་སྤྲིན་དང་བྲལ་
2-2-139b
བ་བཞིན་དུ་ཚོགས་དྲུག་ལྷུག་པར་བཞག །བྱ་འཕུར་བའི་རྗེས་བཞིན་དུ་རིག་པ་རྟེན་མེད་དུ་བཞག །ཆུ་བོའི་རྒྱུན་བཞིན་དུ་དུས་ནམ་ཡང་སྤྱོད་ལམ་ཅི་བྱེད་ཀྱང་མ་ཡེངས་པར་བཞག་པའོ། །དཔེར་ན་འཇིག་རྟེན་ན་ཐོག་ཅིག་བབས་ན་ཅི་ལ་ཡང་མི་རྡུགས་པ་བཞིན་དུ། རང་གིས་ཕྱག་རྒྱ་ཆེན་པོའི་དོན་ཅིག་རྟོགས་ན། དངོས་པོ་དང་མཚན་མ་གང་གིས་ཀྱང་སྒྲིབ་པར་མི་ནུས་གསུང་ངོ་། །རྗེ་དུས་གསུམ་མཁྱེན་པས་མཛད་པའི་ཕྱག་རྒྱ་ཆེན་པོ་ཐོག་བབས་ཞེས་བྱ་བ། །ཨྠྀི།། །།
༄༅། །རྨི་ལམ་འབྲེལ་པ་གསུམ་ལྡན་བཞུགས་སོ། །
༄། །དང་པོ་སྔོན་འགྲོ་ལ་གཉིས་ཏེ། དང་པོ་སྔོན་འགྲོ་དངོས་ལ་ལྔ་སྟེ། དང་པོ་སེམས་བསྐྱེད་པ།
༄༅། །རྨི་ལམ་འབྲེལ་པ་གསུམ་ལྡན་བཞུགས་སོ། །གུ་རུ་ཤྲཱི་བཛྲ་ཤ་རྣ་ན་མོ། དཔལ་ལྡན་རྡོ་རྗེ་འཛིན་པ་དངོས། །བླ་མ་རྣམས་ལ་ཕྱག་འཚལ་ལོ། །བདེ་ཆེན་ཧེ་རུ་ཀ་སྦྱོར་བའི། །དཀྱིལ་འཁོར་འཁོར་ལོར་བཅས་ལ་འདུད། །དངོས་གྲུབ་རབ་སྩོལ་བདེ་བའི་དཔལ། །མཁའ་འགྲོ་མའི་ཚོགས་ལ་འདུད། །རྗེས་འཇུག་དག་པའི་ལམ་སྐྱོང་པའི། །ཆོས་སྐྱོང་རྣམས་ལ་ཕྱག་འཚལ་ནས། །གང་གིས་འདི་དོན་རྗེས་འཛིན་པས། །དོན་དུ་འབད་ཀྱིས་གཞན་དུ་མིན། །རྨི་ལམ་གྱི་སྒྲུབ་ཐབས་འདི་ལ་གསུམ་ཏེ། སྔོན་འགྲོ། དངོས་གཞི། རྗེས་སོ། །དང་པོ་ལ་གཉིས་ཏེ། སྔོན་འགྲོ་དངོས་དང་། རྟགས་སོ། །དང་པོ་ལ་ལྔ་སྟེ། སེམས་བསྐྱེད་པ་
2-2-140a
༄༅། །དང་། ཚོགས་བསག་པ་དང་། བྱིན་རླབས་ནོད་ཅིང་སྡིག་སྒྲིབ་སྦྱང་བ་དང་། བསླབ་བྱ་དང་། འདུན་པ་སྔོན་དུ་འགྲོ་བ་བཏང་པའོ། །དེ་ལ་དང་པོ་སེམས་བསྐྱེད་པ་ནི། བྱམས་པ་དང་སྙིང་རྗེ་བྱང་ཆུབ་ཀྱི་སེམས་ཀྱིས་ཀུན་ནས་བསླང་སྟེ། སེམས་ཅན་ཐམས་ཅད་ཀྱིས་སྒྱུ་མ་ལྟ་བུའི་ཏིང་ངེ་འཛིན་ཐོབ་པར་བྱ་ལ། བླ་ན་མེད་པའི་བྱང་ཆུབ་ལ་འགོད་པར་བྱ་བའི་ཕྱིར་བདག་གིས་རྨི་ལམ་བསྒོམ་སྙམ་དུ་བསམ་པ་བརྟན་པོར་བཅའོ། །དེའང་ཤེས་པ་ཚར་བཅད་པ་དང་། སྐྱོ་ཤས་བསྐྱེད་པ་དང་། ལམ་ལ་སྤྲོ་བ་དང་ལྡན་པ་གསུམ་གྱི་སྒོ་ནས་འཇུག་པ་སྟེ། དང་པོ་ཤེས་པ་ཚར་བཅད་པ་ནི། སྤྱི་འཁོར་བའི་སྡུག་བསྔལ་ལ། བྱེ་བྲག་ཏུ་སྒྱུ་མ་སུམ་རྒྱུད་མ་འབྱོངས་པའི་སྐྱོན་གྱིས་ཉེས་པ་མཐའ་ཡས་འཕེལ་བ་དང་། ཁྱད་པར་དུ་ལུས་ལ་ཞེན་པའི་ཉེས་པ་གཟུང་འཛིན་དུ་སྐྱེས་པ་གཞིར་གྱུར་པ་དང་། འདིར་མ་འབྱོངས་པས་གཟུང་འཛིན་རང་རྒྱུད་པར་འཁྲུལ། རྨི་ལམ་མ་འབྱོངས་པས་བག་ཆགས་རང་རྒྱུད་པར་འཁྲུལ། བར་དོ་མ་འབྱོངས་པས་ཆགས་སྡང་རང་རྒྱུད་པར་འཁྲུལ་བ་སྟེ། དེས་འཁོར་བ་དུ་མ་བསྐྱེད་པར་བྱེད་པའོ། །དེ་རྣམས་ལས་གྲོལ་བས་འཁོར་བའི་རྒྱུ་འབྲས་ཐམས་ཅད་ལས་གྲོལ་ཏེ། འདིར་རྒྱུ་མ་འབྱོངས་པའི་གཟུང་འཛིན་རང་རྒྱུད་ལས་གྲོལ། རྨི་ལམ་སྒྱུ་མ་འབྱོངས་པས་བག་ཆགས་རང་རྒྱུད་ལས་གྲོལ། བར་དོའི་སྒྱུ་མ་འབྱོངས་པས་ཆགས་སྡང་རང་རྒྱུད་ལས་གྲོལ། དེས་བདག་ཏུ་འཛིན་པ་མཐའ་དག་བསྐྱེད་དེ། སྡུག་བསྔལ་དང་ཟུག་རྔུའི་
2-2-140b
བདག་ཉིད་དང་རང་བཞིན་དུ་གྱུར་པའི་ཉེས་པས་འཁོར་བའི་རྨང་རྡོ་ཚུད་པ་ལ་སོགས་པའི་ཉེས་པ་རྣམས་ཉེས་པ་ཁོ་ནར་བསམ་པར་བྱའོ། །སྐྱོ་ཤས་བསྐྱེད་པ་ནི། ད་ལྟ་མིའི་ལུས། དེ་ནས་འགྲོ་བ་ཅིའི་ལུས་སུ་འགྱུར༑ དུས་ནམ་འགྱུར། ཚུལ་ཇི་ལྟར་གྱུར་ཀྱང་བདེ་བའི་གོ་སྐབས་གཅིག་ཀྱང་མེད་དེ། སྡུག་བསྔལ་དང་ཟུག་རྔུའི་བདག་ཉིད་ཡིན་སྙམ་དུ་ངེས་པར་བསམ་པར་བྱའོ། །ལམ་སྤྲོ་བ་ལྡན་པར་འཇུག་པ་ནི། ད་དེ་ལྟ་བུའི་ཉེས་པ་ལས་ཐར་བར་བྱེད་པའི་ཐབས་དམ་པ། སྡིག་སྦྱོངས་ཀྱི་འཁོར་བ་སྒྱུ་མ། སྒྱུ་མ་རང་གྲོལ་དུ་ཤེས་པས་སྡིག་པ་རང་སྒྱུ་མ། ཕྱོགས་འཛིན་ཞེན་པ་ཐམས་ཅད་གྲོལ་བས་བདུན་འགྱུར་གྱིས་ཆེ་བར་གསུངས་གཙོ་བོ། ལམ་སྒྱུ་མའི་ཚུལ་དུ་བགྲོད་པས་ཐམས་ཅད་ཀྱི་གཙོ་བོ། ཡོན་ཏན་ཐམས་ཅད་ཀྱི་ཕུལ། ཚོགས་ཐམས་ཅད་ཀྱི་ནང་ནས་མཆོག་ཡིན་པས་དག་པ་དང་བསྲེ་བ་ད་རེས་དུས་ལ་བབ་པར་ཤེས་པར་བྱ་སྟེ། འཇུག་པའོ། །དེའི་དུས་སུ་སེམས་བསྐྱེད་ཉམས་པའི་རྒྱུ་ངག་གི་གནོད་པ་ལ་སོགས་པ་བྱུང་ནས་ཁྱོད་རང་གིས་སྒྱུ་མར་ཤེས་པས་དེ་ལྟར་སྣང་། ངས་སྒྱུ་མར་ཤེས་པས་དེ་ལྟར་བཟུང་བ་ཙམ་དུ་བས་ཀྱི། སྒྱུ་མའི་རང་བཞིན་ལ་ཟུག་རྔུ་ཅི་ཡོད་སྙམ་སྟེ་སེམས་བསྐྱེད་པ་བརྟན་པར་བྱའོ། །མདོར་ན་དུས་ཉེ་བ་རིང་པའང་རུང་སྟེ། ཁམས་གསུམ་གྱི་སེམས་ཅན་ཐམས་ཅད་དགྲར་ལངས་ནས། བདག་ལ་གནོད་པར་བྱེད་ཅིང་འགལ་བ་གདུག་ཅིང་
2-2-141a
༄༅། །གནོད་པ་བྱེད་དུ་ཟིན་ཀྱང་། བྱང་ཆུབ་ཀྱི་སེམས་བཏང་ནས་སེམས་ཅན་ཐམས་ཅད་བློས་སྤངས་ཏེ། སེམས་བསྐྱེད་ཉམས་པར་གྱུར་ན། བླ་མ་རྗེ་བཙུན་བཀའ་རྒྱུད་དང་བཅས་པ་བསླུས་པར་གྱུར པའི་ཕྱིར་སེམས་བསྐྱེད་ནམ་ཡང་བློས་བཏང་བར་མི་བྱ་བ་ལ་འབད་པར་བྱའོ། །སེམས་བསྐྱེད་དང་འབྲེལ་པ་གསུམ་ལྡན་གྱི་གདམས་པ། །ཨྠྀི།། །།
༄། །གཉིས་པ་ཚོགས་བསག་པ།
གཉིས་པ་ཚོགས་བསག་པ་ནི། ལུས་ཀྱི་ལས་ཕྱག་དང་བཞི། བསྐོར་བ་ལ་སོགས་བྱ། ངག་གི་ལས་བཟླས་བརྗོད་དང་སྐྱབས་འགྲོ་ལ་སོགས་པ་བྱ། སེམས་ཀྱི་ལས་བསྐྱེད་རྫོགས་དང་གསོལ་འདེབས་ལ་སོགས་པ་བྱ། ཚོགས་དང་གཏོར་མ་སྦྱིན་པ་ལ་སོགས་པ་ཅི་རིགས་པར་བྱས་ལ། བདག་གིས་རྨི་ལམ་ཟིན་པར་མཛད་དུ་གསོལ། །ཅེས་གསོལ་བ་གདབ་པོ། །དེ་ཡང་རྨི་ལམ་ཟིན་བར་དུ་དེ་ལྟར་བྱས་ལ། རྨི་ལམ་ཟིན་ནས། རྨི་ལམ་རང་དུ་ཚོགས་བསགས་པས་མཆོག་སྟེ། དེ་ལས་ལྷག་པ་མེད་གསུང་། དེ་ཡང་ཚོགས་ཚོགས་སུ་འགྲོ་བར་བྱེད་པ་ལ་གསུམ་ཏེ། ཚོགས་ལ་ཡིད་ཆེས་པ་དང་། དེ་ཉིད་ལ་མ་ཆགས་པ་དང་། སེམས་བསྐྱེད་དང་བསྔོ་བས་ཟིན་པའོ། །དེ་ཡང་ཆུང་ངུས་ཀྱང་འབྲས་བུ་ཆེན་པོ་འབྱིན་པས་ཡིད་ཆེས་པ་དང་། སྒྱུ་མ་ལྟ་བུའི་བློ་དང་ལྡན་པ་དེ་ཉིད་ལ་མ་ཆགས་པ་དང་། སེམས་བསྐྱེད་པ་དང་བསྔོ་བས་སྤེལ་ཞིང་མི་ཉམས་པར་བྱེད་པའོ། །ཚོགས་བསོག་འབྲེལ་པ་གསུམ་
2-2-141b
ལྡན་གྱི་གདམས་པ། །ཨྠྀི།། །།
༄། །གསུམ་པ་སྡིག་པ་སྦྱང་བ་དང་། བཞི་པ་བསླབ་བྱ།
གསུམ་བྱིན་རླབས་ནོད་ཅིང་པ་སྡིག་པ་སྦྱང་བ་ནི། ཡི་གེ་བརྒྱ་པའི་སྒྲུབ་ཐབས་ནས་འབྱུང་པ་བཞིན་དུ་བྱའོ།། །།བཞི་པ་བསླབ་བྱ་ནི། གནས་དབེན་ཞིང་གཙང་ལ་ཉམས་དགའ་བར། གྲོགས་གཙང་ལ་དམ་ཚིག་དང་ལྡན་ཞིང་ལྟ་སྤྱོད་མཐུན་པས་གཙང་ཞིང་སྡིག་པ་དང་མ་འདྲེས་པའི་ཡོ་བྱད་བསགས་ཏེ། རྣལ་འབྱོར་པས་འཚམས་དམ་པོར་བཅད་དེ། བཤགས་བསྡམས་ཚར་གསུམ་ཁུག་པར་བྱ་ཞིང་། ཡིག་གེ་བརྒྱ་པ་དང་མཎྜལ་སྔར་བཞིན་བྱའོ། །འཇིག་རྟེན་གྱི་བྱ་བ་དང་ལོང་གཏམ་བསམ་མནོ་ལ་སོགས་པ་དང་ཉན་བཤད་བསྒོམ་ཁྲིད་ལ་སོགས་པའི་གཡེང་བ་ཐམས་ཅད་རྒྱུན་བཅད་དེ། བླ་མ་བདུན་དུ་བསམ་ལ་མཎྜལ་ཡང་ཡང་འབུལ་ཞིང་། རྨི་ལམ་ཟིན་པར་མཛད་དུ་གསོལ་ཞེས་པའི་ཡང་ཡང་བ་གདབ། ནང་གི་གཏོར་མ་ཤ་ཁྲག་དང་། མཁའ་འགྲོ་མ་རྣམས་ལ་འབུལ། ཚོགས་ཆུང་མང་དུ་བཏང་། ཡི་དྭགས་ཀྱི་གཏོར་མ་ལ་སོགས་པ་ཐུན་བཞིར་བཏང་། དེ་ནས་རང་གི་རྡོ་རྗེའི་བུ་ག་ནས་མགྲིན་པའི་ཨ་ལ། ཐུག་གི་བར་དུ། རླུང་སྔོན་པོ་སྤོས་དུད་ལྟ་བུས་རྩ་དབུ་མ་གང་བར་བསྒོམ་ཞིང་། རླུང་བག་རེ་བཟུང་བ་དང་། ཡང་མདུན་གྱི་ནམ་མཁའ་ལ་འདོམ་གང་ཙམ་ལས་མཐོ་བའི་སར་འགྲོ་བ་རྣམས་ཀྱི་སྙིང་བསམ་ནས། བདུད་རྩིའི་རྒྱ་མཚོའི་འོ་ན་ལྟ་བུས་གང་པས་སྡུག་བསྔལ་དང་བྲལ་ཞིང་བདེ་བ་ཐོབ་པར་བསམ་པ་དང་། 
2-2-142a
༄༅། །ཡང་སྟོང་གསུམ་ཐམས་ཅད་བླ་མས་གང་པ་ལ་མོས་པ་བྱ་ཞིང་གསོལ་བ་བཏབ་ནས་རང་ལ་འདུས་པར་བསམ་པར་བྱ་སྟེ། དམིགས་པ་དེ་རྣམས་སྤྲོ་ཞིང་བྱའོ། །དེ་ནས་ཉལ་བའི་དུས་སུ་མགོ་བྱང་ལ་བསྟན། ལོགས་གཡས་པ་ཕབ། སེང་གེའི་ཉལ་ཐབས་ཀྱིས་ཉལ། བླ་མ་སྤྱི་བོར་བསྒོམས་ལ་ཉལ་ལོ། །བསླབ་བྱ་འབྲེལ་པ་གསུམ་ལྡན་གྱི་གདམས་པ། །ཨྠྀི།། །།
༄། །ལྔ་པ་འདུན་པ་སྔོན་དུ་བཏང་བ།
ལྔ་པ་འདུན་པ་སྔོན་དུ་བཏང་བ་ལ་གཉིས་ཏེ། སྒྱུ་ལུས་སྦྱང་བའི་འདུན་པ་དང་། མཚམས་སྦྱོར་བའི་འདུན་པའོ། །དང་པོ་ལ་གཉིས་ཏེ། སྒྱུ་མ་གཏན་ལ་ཕབ་པ་དང་། སྒྱུ་མར་ཉམས་སུ་བླང་པའོ། །དང་པོ་ལ་གཉིས་ཏེ། མེ་ལོང་གི་གཟུགས་བརྙན་ལ་བསླབ་པ་དང་། ཡི་དམ་གྱི་ལྷ་སྐུ་ལ་བསླབ་པའོ། །དང་པོ་ནི། མེ་ལོང་གཡའ་དག་པའི་ནང་དུ་རང་གི་ལུས་གཅེར་བུར་ཕུད་ལ་གསལ་བར་བྱ་སྟེ། དེ་ལ་བསྟོད་སྨད་དུ་མས་དགའ་མི་དགའ་བལྟ་སྟེ། ལུས་ནི་གཟུགས་བརྙན། ངག་ནི་བྲག་ཆ། སེམས་དེ་འཛིན་ནས་ཕྱིའི་ཤེས་པ་ནི་འགྱུ་བྱེད་ཙམ་ལས་དེ་ལ་དགའ་མི་དགའ་འགྲུབ་མེད་དོ། །དེ་ལྟར་དང་པོ་ལན་གཅིག་བྱས་ནས། དེ་ནས་གཟུགས་བརྙན་དེ་རང་ལ་བསྟིམ་སྟེ། རང་ལུས་དང་གཟུགས་བརྙན་ལ་ཁྱད་པར་ཅི་ཡོད། ངག་དང་བྲག་ཆ་ཁྱད་པར་མེད། སེམས་དང་སྨིག་སྒྱུ་ཁྱད་པར་མེད་བསམ་པར་བྱ་སྟེ་བསྒོམ་པར་བྱའོ། །དེ་ནས་འཇིག་རྟེན་གྱི་ཆོས་བརྒྱད་ཀ་ལ་
2-2-142b
སྦྱར་ཏེ་བསྒོམ་པར་བྱའོ། །དེ་ནས་རང་གི་ལུས་གཟུགས་བརྙན་ཡིན་པ་བཞིན་དུ། སྐྱེ་འགྲོ་ཐམས་ཅད་ཀྱང་གཟུགས་བརྙན་དུ་བསྒོམ་པར་བྱའོ། །དེ་བཞིན་དུ་སྒྲ་དང་མིང་དང་ཚིག་ཐམས་ཅད་གཟུགས་བརྙན་དང་བྲག་ཆ། རང་གི་ཡིད་རྨི་ལམ་ཡིན་པ་བཞིན་དུ། གཟུང་འཛིན་དུ་སྣང་བ་ཐམས་ཅད་རྨི་ལམ་དུ་བསྒོམ་པར་བྱའོ། །དེ་ནས་གཞན་ལ་བསྟོད་སྨད་དུ་མ་བཅོལ་ལ་དགའ་མི་དགའི་ཆགས་སྡང་སྐྱེ་མི་སྐྱེ་བལྟ། སྐྱེ་ན་སྒྱུ་མ་ལྟ་བུའི་བློས་བཟུང་། མི་སྐྱེ་ན་གྲོང་དུ་ཕྱིན་ལ། སྙན་པ་བསྙེན་བཀུར་ལ་སོགས་པ་དགའ་མི་དགའ། ཆགས་སྡང་སྐྱེ་མི་སྐྱེ་བལྟ། སྐྱེ་ན་སྔར་གྱི་གནས་སུ་ལོག་ལ་འགྱོད་པ་དྲག་ཏུ་བསྐྱེད། གསོལ་བ་དྲག་པོ་བཏབ་ལ་སྔར་བཞིན་ནན་ཏན་གྱིས་བསྒོམ་མོ། །མི་སྐྱེ་ན། འོ་ན་གཟུགས་བརྙན་ལྟར་གྱུར་པ་དང་། བྲག་ཆ་ལ་སྔགས་སུ་བསྒྱུར་བ་དང་། དྲན་རྟོག་རྨི་ལམ་དུ་བསྒྱུར་བ་ལ་ཚེགས་མེད་སྙམ་དུ་བསམ་ལ། སྔར་གྱི་གནས་སུ་མཆོད་པ་དང་ཚོགས་ལ་སོགས་པ་བཤམས་ཏེ། གཉིས་པ་ཡི་དམ་གྱི་ལྷ་ལ་བརྟེན་ཏེ་སྦྱང་བ་ནི། རང་གི་ཡི་དམ་གང་ཡིན་མེ་ལོང་གི་ནང་དུ་འཆར་དུ་བཅུག་སྟེ། དེ་གསལ་བ་དང་། དེ་ནས་བཏོན་ཏེ་རང་ལ་བསྟིམ། གཉིས་སུ་མེད་པར་གྱུར་པ་དང་། རང་གི་ལུས་སྒྱུ་མའི་ལུས། ལྷའི་སྐུ་གཟུགས་བརྙན་ཙམ། ངག་སྒྱུ་མ་བྲག་ཆ་ལྟ་བུ་སྔགས་ཀྱི་རྣམ་པ་ཙམ། སེམས་སྒྱུ་མའི་སེམས་ལྷའི་ཐུགས་མ་
2-2-143a
༄༅། །འགགས་པ་མ་སྐྱེས་པ་ཙམ་དུ་སྣང་བའོ། །གལ་ཏེ་དེ་ལྟར་སྐྱེ་བར་མི་ནུས་ན། ད་རུང་རང་རྒྱུད་པའི་ཞེན་པས་བཅིངས་པས་སྔགས་ཀྱི་གཟུགས་བརྙན་སྤེལ་ཞིང་སྦྱང་ངོ་། །དེ་ལྟར་བྱས་པས་ལུས་ཀྱི་གཟུགས་བརྙན་དང་། ལྷའི་གཟུགས་བརྙན་ལ་ཁྱད་ཅི་ཡོད། ངག་བྲག་དང་སྔགས་བྲག་ཆ་ལ་ཁྱད་པར་ཅི་ཡོད། སེམས་རྨི་ལམ་དང་སྣང་བ་རྨི་ལམ་ལ་ཁྱད་པར་ཅི་ཡོད་སྙམ་དུ་རྟོག་པ་ཙམ་གྱིས་ཀྱང་སྒྱུ་མར་གཏན་ལ་ཕེབས་པའོ། །གཉིས་པ་སྒྱུ་མར་ཉམས་སུ་བླང་བ་ལ་གཉིས་ཏེ། སྐར་མདའི་ཚུལ་དུ་བསླབ་པ་དང་། བསྐྱེད་པའི་རིམ་པའི་ཚུལ་དུ་བསླབ་པའོ། །དང་པོ་སྐར་མདའི་ཚུལ་དུ་བསླབ་པ་ནི། སྒྱུ་ལུས་ཅིག་ཅར་བ་ལ་བསླབ་སྟེ། རང་གི་ལུས་འདི་སྐར་མདའ་འཕང་པའི་ཚུལ་གྱིས་ཤར་གྱི་ཞིང་ཁམས་དཔག་ཏུ་མེད་པར་ཕར་འདས་པར་འཕང་ལ་བཏང་ངོ་། །དེ་བཞིན་དུ་ཕྱོགས་བཅུ་ཐམས་ཅད་དུ་མྱུར་ཞིང་དྲག་པར་འཕང་པར་བྱའོ། །འདི་ནི་ཟིན་པ་སྦྱང་བ་ཐམས་ཅད་ཀྱི་ཡན་ལག་ཏུ་འགྱུར་རོ། །གཉིས་པ་བསྐྱེད་པའི་རིམ་པའི་ཚུལ་བསླབ་པ་ལ་གསུམ་ལས། སྤེལ་བའི་ཚུལ་དུ་བསླབ་པ་དང་། ལུས་སེམས་ཕྲལ་བའི་ཚུལ་དུ་བསླབ་པ་དང་། རྣམ་པར་བསྐྱེད་པའི་ཚུལ་དུ་བསླབ་པའོ། །དང་པོ་སྤེལ་བའི་ཚུལ་དུ་བསླབ་པ་ནི། རང་ཡི་དམ་དུ་བྱས་པའི་མགྲིན་པར་ཨཱཿདམར་པོ་འོད་དང་བཅས་པ་ལ་སེམས་གཏད་དེ། འོད་དེ་ཇེ་
2-2-143b
འབར་ཇེ་འབར་ལ་དམར་ལྷག་ཀྱིས་སོང་ནས། དེའི་འོད་ཀྱིས་སྣང་སྲིད་ཀྱི་དངོས་པོ་ཐམས་ཅད་དམར་ལྟེམས་ཀྱིས་ཞུ་ནས། རྣམ་པ་ཐམས་ཅད་ཡི་དམ་གྱི་ལྷ་ཚོགས་དཔག་ཏུ་མེད་པར་དམར་ལྷག་ལྷག་པར་གྱུར་ཏེ། འདི་རྣམས་ཐམས་ཅད་ང་རང་གིས་བྱས་པའི་སྣང་བ་རྨི་ལམ་དངོས་ཡིན་སྙམ་དུ་བསམ་པའོ། །གཉིས་པ་ལུས་སེམས་ཕྲལ་བའི་ཚུལ་དུ་བསླབ་པ་ནི། རང་ཉིད་ཡི་དམ་དུ་བྱས་པའི་ཐུགས་ཀར་པདྨ་དང་ཉི་མ་ཟླ་བའི་སྟེང་དུ་ཧཱུཾ་སྔོན་པོ་གཅིག་བསམ་པའོ། །དེའི་ཚངས་བུག་ན་ཡར་ཐོན་ཏེ་སྤྱི་བོར་ཕྱིན་པ་དང་། སྔར་འདྲ་བའི་ཡི་དམ་དུ་གྱུར་ཏེ། སྔར་གྱི་ལུས་ཏེ་ཚངས་བུག་ཧ་རེ་བཞག་ནས། སྤྱི་བོའི་ཡི་དམ་དེས་འགྲོ་བ་རིགས་དྲུག་གི་གནས་དང་། སངས་རྒྱས་ཀྱི་ཞིང་ཁམས་སྣ་ཚོགས་སུ་སྐད་ཅིག་རེ་ལ་ཕྱིན་པ་དང་། མང་པོར་སྤྲུལ་ཞིང་གཅིག་ཏུ་བསྡུས་པ་ལ་སོགས་པའི་བྱ་བ་སྣ་ཚོགས་པ་བྱས་ལ། དེའི་རྗེས་ལ། ད་ནི་སྔར་གྱི་ལུས་ལ་འཇུག་པར་བྱའོ་སྙམ་དུ་བསམས་ཏེ། མར་བབས་ལ། སྤྱི་བོར་ཕྱིན་པ་དང་ཧཱུྃ་དུ་གྱུར་ཏེ། ཚངས་བུག་ན་མར་ལ་ཐིམ། དེར་སོང་ནས་སྙིང་གར་པདྨ་ཉི་མའི་སྟེང་དུ་གནས་པར་བསམ་མོ། །དེ་བཞིན་ཡང་ཡང་བྱེད་སྟེ། འདི་ནི་ཤིན་ཏུ་ཟབ་གསུང་ངོ་། །གསུམ་པ་རྣམ་པར་བསྐྱེད་པའི་ཚུལ་དུ་བསླབ་པ་ནི། ཡང་རང་ཉིད་ཡི་དམ་དུ་བྱས་པའི་ལུས་དཔག་ཚད་གསུམ་པ་ཙམ་པའི་ཆེན་པོ་གཅིག་བྱ། དེ་
2-2-144a
༄༅། །ལས་འོད་ཁ་དོག་ལྔ་འཕྲོས་པའི་སྣེ་ལ་སྤྲུལ་པའི་སྐུ་སངས་རྒྱས་ཤཱཀྱ་ཐུབ་པ་ལ་སོགས་པ་མང་པོ་སྤྲོས་ཏེ། ཁམས་གསུམ་སངས་རྒྱས་ཀྱི་ཞིང་ཁམས་ཀྱི་སར་བསམས་ཏེ། འདི་རྣམས་ཐམས་ཅད་རང་གིས་བྱས་པའི་རང་སྣང་རྨི་ལམ་གྱི་རྣམ་འཕྲུལ་ཡིན་སྙམ་དུ་བསམ། གཞན་ཡང་ལུས་རང་སྣང་གཟུགས་བརྙན་ལ་བསླབ་པ། ངག་བྲག་ཆ་བརྫུན་བདེན་པ་འགག་ལ་བརྫུན་ཉེ་ཆེ་བྱའོ་ལ་བསླབ་པ། སེམས་སྒྱུ་མ་རང་གྲོལ་ལ་བསླབ་པ་སྟེ། སྒྱུ་མ་སྦྱང་ཐབས་ཐམས་ཅད་དེ་དག་ཏུ་འདུས་སོ། །འདི་ཀུན་ལ་མེད་པའི་སྦྱང་ཐབས་སོ། །སྒྱུ་ལུས་འབྲེལ་པ་གསུམ་ལྡན་གྱི་གདམས་པ། །ཨྠྀི།། །།གཉིས་པ་མཚམས་སྦྱོར་བའི་འདུན་པ་ནི། ཉལ་ཁར་བླ་མ་ལ་གསོལ་བ་བཏབ་སྟེ། སྣང་སྲིད་ཐམས་ཅད་རྨི་ལམ་ཡིན་སྙམ་དུ་བསམ། ད་ལྟའི་ལུས་འདི་རང་རྨི་ལམ་ཡིན་སྙམ་དུ་དྲན་པས་འདུན་པ་བར་མ་ཆད་ལ་གཉིད་ལོག་པར་བྱ་སྟེ། འདི་ནི་གནད་ཤིན་ཏུ་ཆེ་བས་ཤེས་པ་གཞན་གྱིས་བར་མ་ཆོད་པ་ལ་ནན་ཏན་དུ་བྱའོ། །མཚམས་སྦྱོར་འབྲེལ་པ་གསུམ་ལྡན་གྱི་གདམས་པ། །ཨྠྀི།། །།
༄། །གཉིས་པ་སྔོན་འགྲོ་རྟགས་པ།
གཉིས་པ་རྟགས་པ་གཉིས་ཏེ། ཟིན་ནས་འོང་པའི་རྟགས་དང་། མི་ཟིན་པའི་རྟགས་སོ། །དང་པོ་ཟིན་ནས་འོང་པའི་རྟགས་ལ་གཉིས་ཏེ། མི་རྟགས་དང་། དངོས་ཀྱི་རྟགས་སོ། །མི་རྟགས་ནི། ལུས་ལ་འོད་ཟེར་འཕྲོ་བ་དང་། ལྷ་སྲིན་རྩོལ་དུ་འོང་བ་དང་། 
2-2-144b
དཔག་བསམ་གྱི་ཤིང་ལ་འཛེག་པ་དང་། སྐས་ལ་འཛེག་པ་དང་། གཞན་ཡང་ཆུ་ཆེན་པོས་ཁྱེར་བ་དང་། རླུང་དང་། འབྲུག་དང་། ཐོག་དང་། ཁ་ཆར་དྲག་པོ་བབ་པ་དང་། གཡང་ས་ཆེན་པོ་ལ་ལྷུང་བ་དང་། དགྲ་དང་། ཁྱི་དང་། གཅན་ཟན་གྱིས་དེད་པ་ལ་སོགས་པ་བྱུང་ན་ཟིན་པའི་རྟགས་ཡིན་ནོ། །དངོས་སྔར་བས་ཀྱི་རྟགས་ནི། རང་ཉིད་ཉམས་དགའ་བ་དང་། ཤེས་པ་ཡང་པ་དང་། གང་ལ་གཏད་པ་དེ་དམིགས་པ་གསལ་བ་དང་། རྒོད་སྙིང་འདོད་པ་དང་། འོ་དོད་འབོད་སྙིང་འདོད་པ་དང་། ཤེས་པ་སྤངས་མཐོ། བླ་མ་ལ་གུས་པ་དང་གདུང་སྔར་བས་ཤིན་ཏུ་བ་ཆེ། སྐུ་དྲིན་དྲན། མཆེད་གྲོགས་ཐམས་ཅད་ཡིད་དུ་འོང་དགེ་སྦྱོར་ལ་བརྩོན་ཞིང་སྤྲོ་བ་ལ་སོགས་པ་བྱུང་ན་ཅིས་ཀྱང་ཟིན་པའི་རྟགས་ཡིན་ནོ། །མི་ཟིན་པའི་རྟགས་ལ་གཉིས་ཏེ། དངོས་ཀྱི་རྟགས་དང་། རྨི་རྟགས་སོ། །དངོས་ཀྱི་རྟགས་ནི། ལུས་ལྕི། སེམས་གཡེངས། ཚིག་པ་ཟ། དམིགས་པ་མི་གསལ། སྒོམ་ཁ་འཚེར། བླ་མ་རྣམས་དང་གང་ཟག་ཁྱད་པར་ཅན་གཞན་ལ་སྨོད་སྙིང་འདོད། རྡོ་རྗེ་སྤུན་ལ་ཚིག་པ་ཟ་གདམས་ངག་ལ་ཐེ་ཚོམ་ཟ་ཞིང་མི་ད་དུང་འདི་ལས་ཟབ་པ་གཅིག་ཡོད་ལས་ཆེ་སྙམ་དུ་ངོམས༑ རྨི་ལམ་ལྟས་སུ་འདམ་དུ་ཚུད་པ་དང་། ས་ལ་འབྱར་བ་དང་། རྡུལ་གྱིས་ནོན་པ་དང་། རིའི་འོག་ཏུ་ཚུད་པ་དང་། ཁུར་པོ་ཆེན་པོ་ཁུར་བླུགས་ཟིལ་ཤིན་ཏུ་ཆེན་པོ་ནི་ཉམས་གྲིབ་ཀྱི་རྟགས་སོ་བ་ལ་སོགས་པ་བྱུང་ན་
2-2-145a
༄༅། །མི་ཟིན་པའི་རྟགས་ཡིན་པས་ཚོགས་བསོག་པ་དང་། བསྐང་བཤགས་དང་། བླ་མའི་ཞབས་ཏོག་མང་དུ་བྱའོ། །རྟགས་འབྲེལ་པ་གསུམ་ལྡན་གྱི་གདམས་ངག །ཨྠྀི།། །།
༄། །གཉིས་པ། དངོས་གཞི་ལ་གསུམ་སྟེ། དང་པོ་བཟུང་བའི་ཆོ་ག
གཉིས་པ་དངོས་གཞི་ལ་གསུམ་སྟེ། བཟུང་བ་དང་། མ་ཟིན་ན་སྤོག་པའི་ཆོ་ག་དང་། སྦྱང་བའོ། །དང་པོ་ལ་གཉིས་ཏེ། རིམ་གྱིས་པ་དང་། ཅིག་ཅར་བའོ། །
༈ གཉིད་བསྒྲུབ་པ་དང་། རྨི་ལམ་བསྒྲུབ་པ།
དང་པོ་ལ་བཞི་སྟེ། གཉིད་བསྒྲུབ་པ་དང་། རྨི་ལམ་བསྒྲུབ་པ་དང་། རྨི་ལམ་བཟུང་བ་དང་། ཟིན་པའི་རྟགས་སོ། །དང་པོ་འོད་གསལ་ལྟར་གཉིད་བཅག་ལ་མི་བྱ། ཟས་བཅུད་ཅན་བརྟེན་ལ་མི་བྱ། མུན་ནག་ལ་མི་བྱ། གཉིད་བསྒྲུབ་པ་ནི། བསླབ་བྱ་ལྟར་བྱ་སྟེ། སྨིན་མཚམས་ཐིག་ལེ་དཀར་པོ་སྲན་པོ་ཙམ་ཞིག་ལ་ཤེས་པ་མ་དྲག་ཙམ་ལ་གཏད་ལ་བཞག་པའོ། །དེ་ལྟར་གཉིད་ཆེ་ཆུང་ན་མདུན་དུ་ཐིག་ལེ་ནག་པོ་སྲན་མ་ཙམ་ལ་ཤེས་པ་བསྡུའོ་བྱས་པས་གཉིད་སད་རེས་ཀྱིས་ཐིག་ལེ་ཤེས་པ་བསྡུས་ཀྱིན་འཇོག་པའོ། །ནུབ་དང་པོའི་སྦྱོར་བའོ། །གཉིས་པ་རྨི་ལམ་བསྒྲུབ་པ་ནི། དོ་ནུབ་རྨི་ལམ་མང་པོ་རྨི་བར་བྱ། གསལ་པོར་རྨི་བར་བྱ། བཟང་པོ་རྨི་བར་བྱའོ་སྙམ་པའི་འདུན་པ་དྲག་པོ་བཏང་སྟེ་གཉིད་ལོག་པ་ནི་ནུབ་གཉིས་པའི་སྦྱོར་བ་སྟེ། དེ་ལ་གནད་བཞི་སྟེ། ལུས་གནད་ལ་སེང་གེའི་ཉལ་ཐབས་བྱའོ། །དུས་ཀྱི་གནད་སྲོད་ལ་གཉིད་ལོག་པའི་དུས་སོ། །ཡུལ་གྱི་གནད་ལ། མགྲིན་པར་པདྨ་དམར་པོ་འདབ་བཞི་པ་ཞིག་བསམ། 
2-2-145b
ལྟེ་བ་ལ་ཨ་དམར་པོ། ཤར་གྱི་འདབ་མ་ལ་ཨ་དཀར་པོ། ལྷོའི་འདབ་མ་ལ་ནུ་སེར་པོ། ནུབ་ཀྱི་འདབ་མ་ལ་ཏ་དམར་པོ། བྱང་གི་འདབ་མ་ལ་ར་ལྗང་གུ་བསམ་མོ། །དམིགས་པའི་གནད་ནི་དང་པོ་གཉིད་ཧྲིབ་ཀྱི་འགྲོ་བའི་དུས་སུ། ཤར་གྱི་ཨ་ལ་སེམས་གཏད། གཟུང་བའི་རྟོག་པ་ཕྲ་རགས་འགགས། དེ་ཡེ་ཤེས་ན་དག་པའི་ཡེ་ཤེས། སྣང་བཞི་ན་སྣང་བ་དང་པའོ། །དེ་ནས་གཉིད་ཧྲིབ་ཀྱིས་འགྲོ་བའི་དུས་ལྷོའི་ནུ་ལ་སེམས་གཏད། གཟུང་རྟོག་ཕྲ་བ་འགགས། དེ་ཡེ་ཤེས་ན་མཆོག་གི་ཡེ་ཤེས་སྣང་བ་ན་སྣང་བ་མཆོད་པའོ། དེ་ནས་གཉིད་ཧྲིབ་ཀྱིས་འགྲོ་བའི་དུས་སུ་ནུབ་ཀྱི་ཏ་ལ་སེམས་གཏད་པས་འཛིན་རྟོག་རགས་པ་འགག ༑དེ་ཡེ་ཤེས་ན་དགའ་བྲལ་གྱི་ཡེ་ཤེས། སྣང་བ་ན་ཉེ་བར་ཐོབ་པ་ཡིན་ནོ། །དེ་ནས་གཉིད་ཧྲིབ་ཀྱིས་འགྲོ་བའི་དུས་སུ། བྱང་གི་ར་ལ་སེམས་གཏད་པས་འཛིན་རྟོག་ཕྲ་རགས་འགགས། དེ་ཡེ་ཤེས་ན་ལྷན་ཅིག་སྐྱེས་པའི་ཡེ་ཤེས། སྣང་བ་ན་སྣང་བ་ཐིམ་པའོ། །དེ་ནས་གཉིད་ཧྲིབ་ཀྱིས་འགྲོ་བའི་དུས་སུ། ཡིག་འབྲུ་ཚོ་དབུས་ཀྱི་ཨ་ལ་བསྡུས་ནས། དེ་ཉིད་སྟོང་པར་གྱུར་པར་བསམས་ཏེ། སེམས་འོད་གསལ་དུ་བསྒྱུར། འོད་གསལ་དུ་བསྒྱུར་ནས་གཉིད་ལོག་པས། དེ་ལ་བརྟན་ན་འོད་གསལ་འཇུག་པ་ཡང་སྲིད། དེ་ལ་མ་བརྟན་ན་རྨི་ལམ་འབྱུང་སྟེ། དེའི་ནུབ་མོ་རྨི་ལམ་བྱུང་ན། དེས་མཆོག་བཟང་ངན་མེད། འོད་
2-2-146a
༄༅། །གསལ་ཡང་མ་ཟིན། རྨི་ལམ་ཡང་གསལ་བར་མ་བྱུང་སྟེ། ཅི་བྱུང་ཆ་མེད་པར་བརྗོད་ན་ནང་པར་བླ་མ་དང་མཁའ་འགྲོ་ལ་གསོལ་བ་གདབ། རླུང་བུམ་པ་ཅན་བསྒོམས་ནས་སྔར་བཞིན་བྱ་སྟེ། ཉལ་བས་རྨི་ལམ་འབྱུང་པར་འགྱུར་རོ། །དེ་ནས་རྨི་ལམ་བྱུང་ན་གཉིད་སད་རེས་ཀྱིས་ད་ལྟར་གྱི་སྣང་བ་དང་བསྲེ་བར་བྱའོ་ནང་པར་གྱི་སྣང་བ་དང་ཁྱད་མེད་པར་བསྲེས་ལ་བསྒོམ་པར་བྱའོ། །
༈ རྨི་ལམ་བཟུང་བ།
གསུམ་པ་རྨི་ལམ་བཟུང་བ་ནི། ནུབ་གསུམ་པའི་སྦྱོར་བ་ཡིན་དེ། འདི་ལ་སྦྱོར་བ་གཉིས་ཏེ། ཚར་བཅད་པའི་སྦྱོར་བ་དང་། གནད་ལྔ་སྦྱོར་བའོ། །དང་པོ་ནི། ཕྱིའི་ཡུལ་གྱི་སྒྲོ་འདོགས་བཅད་པ་དང་། སྣང་བ་སྒྱུ་མར་ཐག་བཅད་པ་དང་། ཟག་བཅས་ལུས་ཀྱི་སྒྲོ་འདོགས་བཅད་པ་དང་། ལྷ་སྐུ་སྒྱུ་མར་ཐག་བཅད་པ་དང་། ནང་ཤེས་པའི་སྒྲོ་འདོགས་པ་རང་སེམས་སྒྱུ་མར་ཐག་བཅད་པ་སྟེ། སྒྱུ་མའི་བསམ་པ་ལས་མི་འདའ་བས། ཉོན་མོངས་པ་སྔོན་དུ་སྒྱུ་མའི་རྒྱུན་འགེགས་པའོ། །དེ་རྣམས་ནི་རྟག་ཏུ་བསམ་དེ་ལྟར་བྱས་པས་སྒྱུ་མ་རང་གྲོལ་གྱི་ཉམས་དང་ལྡན་པར་འགྱུར་རོ་པར་བྱའོ། །དེ་རང་གནས་སྐབས་བཅད་པར་བྱ་བ་ནི། གཉིས་པ་གནད་ལྔའི་སྦྱོར་བ་བྱ་སྟེ། ལུས་གནད་ཁང་སྟོང་དུ་ཉལ། ངག་གི་གནད་རླུང་ཁ་སྦྱར་ལ་བསྒོམ། སེམས་ཀྱི་གནད་རྨི་ལམ་ཟིན་པར་བྱའོ། །ཉལ་བའི་འདུན་པ་བཏང་། །དུས་ཀྱི་གནད་སྲོད་ཐོ་རངས་དགུག །སྤྱོད་ལམ་གྱི་གནད་ཁ་ཟས་
2-2-146b
བཅུད་ཆུང་ངུ་ཟའོ། །གོས་སྲབ་པར་བྱའོ། །དེ་ལྟར་བྱས་པས་གཉིད་སད་རེས་ཀྱི་ཟིན་ནམ་བལྟ། མ་ཟིན་ན་བླ་མ་ལ་གསོལ་བ་བཏབ་ཅིང་བཟུང་བར་བྱ་སྟེ། ཇི་སྲིད་མ་ཟིན་བར་དུ་དེ་བཞིན་དུ་བྱ་སྟེ་བཟུང་བར་བྱའོ་༑ ༑གལ་ཏེ་རྨི་ལམ་ལ་བརྟེན་ཏེ་ཡི་དམ་ལྷའི་ཞལ་ལྟ་བའི་མན་ངག་ཟིན་པར་མ་གྱུར་ན་ནུབ་བཞི་པའི་སྦྱོར་བ་ནི། དོ་ནུབ་རྨི་ལམ་རྨིས་པ་ཙམ་གྱིས་མི་ཕན་ཏེ། རྨི་ལམ་གསལ་པོ་བཟང་པོ་རྨི་བར་བྱའོ་སྙམ་དུ་བསམས་ཏེ༑ ཉིན་མོའི་དུས་སུ་རང་ཡི་དམ་དུ་བྱས་པའི་སྣ་བུག་གཡས་ནས་པོ་གཅིག་བྱུང་སྟེ། མདུན་གྱི་ནམ་མཁར་པདྨ་འདབ་མ་སྟོང་དང་ལྡན་པ་བསམ། སྣ་བུག་གཡོན་པ་ནས་རཾ་གཅིག་བྱུང་སྟེ་དེའི་སྟེང་དུ་ཉི་མ་བསམ། རང་གི་སྙིང་ཁ་ནས་པདྨ་ཉི་མ་ཟླ་བའི་གདན་སྟེང་ནས་ཧཱུྃ་གཅིག་སྤྱི་བོ་ནས་བྱུང་སྟེ། མདུན་གྱི་གདན་སྟེང་དུ་དཔལ་དགྱེས་པ་རྡོ་རྗེ་ཞལ་བརྒྱད་ཕྱག་བཅུ་དྲུག་པ་འཁོར་ལྷ་མོ་བརྒྱད་ཀྱིས་བསྐོར་བ། གཞལ་ཡས་ཁང་དུར་ཁྲོད་དང་བཅས་པ་གཅིག་བསམ། དེས་དང་པོ་ལྷ་མོ་བརྒྱད་ལ་དཔལ་དགྱེས་པ་རྡོ་རྗེས་ཆོས་གསུངས་པར་བསམ། ལྷ་མོ་བཅོ་ལྔ་ཡིན་ན་ཡང་དེས་འདྲེ་སྟེ། མདོར་ན་རང་གི་ཡི་དམ་གང་བྱེད་དེ་བཞིན་བྱས་པས་ཆོག་སྙམ། དེ་ནས་རང་གི་སྙིང་གར་པདྨ་ཉི་མ་ཟླ་བའི་སྟེང་དུ་བླ་མ་བཞུགས་སྲོད་ལ་ཉལ་ཁར་པར་བསམས་ཏེ། ངག་ཏུ། སློབ་དཔོན་དགོངས་སུ་གསོལ། །བདག་མིང་འདི་ཞེས་བྱ་བས་རྨི་ལམ་ལ་རྨི་
2-2-147a
༄༅། །ལམ་དུ་ཤེས་པར་མཛད་དུ་གསོལ། ཞེས་གསོལ་བ་དྲག་ཏུ་བཏབ་སྟེ། དོ་ནུབ་རྨི་ལམ་ལ་རྨི་ལམ་དུ་ཤེས་པར་བྱའོ། །དཔལ་དགྱེས་པ་རྡོ་རྗེའི་ཞལ་བལྟ་བ་དང་། ཆོས་མཉན་པར་བྱའོ་སྙམ་པའི་འདུན་པ་དྲག་པོ་བཏང་སྟེ་ཉལ་བར་བྱ་སྟེ། དེ་ནས་གཉིད་སད་དུས་ཟིན་ནམ་བལྟ། གལ་ཏེ་དེ་ལྟར་བྱས་ཀྱང་མ་ཟིན་ན། ཀྱེ་བླ་མ་རྣམས་ཐུགས་རྗེ་རེ་ཆུང་། ཡི་དམ་གྱི་ལྷ་རྣམས་ཀྱང་བྱིན་རླབས་རེ་ཆུང་། མཁའ་འགྲོ་རྣམས་ཀྱང་སྙིང་ཐག་རེ་རིང་། ད་རེས་ཅིས་ཀྱང་ཟིན་པར་བྱ་དགོས་སྙམ་དུ་གསོལ་བ་དྲག་ཏུ་བཏབ་སྟེ། འདུན་པ་ཤིན་ཏུ་དྲག་པོ་བཏང་སྟེ། སྔར་བཞིན་གསལ་བཏབ་ལ་གསོལ་བ་གདབ་སྟེ། ཉལ་བར་བྱ་ཞིང་། གཉིད་སད་རེས་ཀྱིས་དེ་ལྟར་བྱེད་པ་གདམས་པ་ཡིན་གསུང་ངོ་། །དེ་ནས་ཟིན་པར་གྱུར་པ་ན་ཡི་དམ་ཡིད་ལ་སྔར་བསྒོམས་པ་བཞིན་གསལ་བཏབ་སྟེ། སྤྲུལ་ནས་ཆོས་མདུན་དུ་ཉན་པ་ལ་སོགས་པ་བྱའོ། །གལ་ཏེ་དེ་ལྟར་བློས་བཟུང་བའི་ཐབས་མ་ཁོབས་ན། རང་གི་གསང་བའི་གནས་སུ་ཐིག་ལེ་ནག་པོ་རིལ་མ་ཙམ་ལ་སེམས་གཏད་དེ་ཉལ་བར་བྱའོ། །དེ་ལྟར་བྱས་པས་ཟིན་པར་མ་གྱུར་ན། ནང་པར་བླ་མ་ལ་གསོལ་བ་དྲག་ཏུ་གདབ། རླུང་དྲག་ཏུ་མནན་སྒྱུ་མའི་འདུན་པ་དྲག་ཏུ་བྱ་ཞིང་ནན་ཏན་དུ་བྱའོ། །གཉིས་པ་ཅིག་ཅར་བའི་བཟུང་ཐབས་ནི། མགྲིན་པར་ཨཱཿདམར་པོ་བསམས་ཏེ། དེའི་འོད་ཀྱིས་སྣོད་
2-2-147b
བཅུད་ཐམས་ཅད་དམར་ལྷག་ལྷག་པར་བསྒོམ་ཞིང་གཉིད་ལོག་སྟེ། ཟིན་མ་ཟིན་སྔར་གྱི་གཉིད་སད་རེས་ཀྱི་བསམ་པའོ། །གཟུང་བ་འབྲེལ་པ་གསུམ་ལྡན་གྱི་གདམས་པའོ། །ཨྠྀི།། །།
༈ ཟིན་པའི་རྟགས།
བཞི་པ་ཟིན་པའི་རྟགས་ལ་གཉིས། ཟིན་པའི་རྟགས་དང་ཟིན་ནས་བཟློག་པ་དང་། མི་ལྡོག་པའི་རྟགས་སོ། །དང་པོ་ཟིན་པའི་རྟགས་ནི། ཆགས་སྡང་མངོན་ཞེན་ངང་གིས་ལོག་པ་དང་། རྟོག་པ་དང་བྲལ་བ་དང་། ཏིང་ངེ་འཛིན་འོད་གསལ་ཤུགས་ལ་འཆར་བའི་རྟགས་འབད་མེད་དུ་སྐྱེ་བ་དང་། མིག་གནག་ནང་པར་རང་ཉིད་ལངས་པའི་དུས་སུ་མི་འབྱུང་པ་དང་། རྨི་ལམ་དུ་བུད་མེད་མང་པོས་བདག་ལ་མཆོད་བསྟོད་བྱེད་པ་དང་། མཁའ་འགྲོ་ཆོས་སྐྱོང་ངང་གིས་འདུ་བ་དང་། མངོན་པར་ཤེས་པ་འཆར་བའོ། །གལ་ཏེ་རྨི་ལམ་རྨིས་ཟིན་པར་གྱུར་ཀྱང་མངོན་ཞེན་བཟློག་པར་མ་གྱུར་ན། ཉམས་ལེན་རྟགས་དང་མ་འབྲེལ་བ་ཞེས་བྱ་སྟེ་མ་ངེས་པར་འགྱུར་རོ༑ ༑གཉིས་པ་ཟིན་ནས་རྟོག་པ་མི་ལྡོག་པའི་རྟགས་ནི། དུས་གསུམ་ལ་རྟགས་གཅིག་ཆར་ཏེ། དུས་གསུམ་ནི་ད་ལྟར་གྱི་དུས་བལྟ་བ་དང་། རྨི་ལམ་གྱི་དུས་ལ་བལྟ་བ་དང་། བར་དོའི་དུས་ལ་བལྟ་བ་གསུམ་ལ་ཤེས་པར་བྱའོ། །རྟགས་བཞི་ནི། ཡེ་ཤེས་སླེབ་པའི་ཚད་དང་། འཁོར་བར་ལྡོག་པའི་དུས། ཉོན་མོངས་པ་ལྡང་བའི་རོ། འབྱམས་པ་གོལ་བའི་སའོ། །དེ་ཡང་ད་ལྟར་གྱི་དུས་ལ་རྟགས་བཞི་བརྩི་བ་ནི། ཡེ་
2-2-148a
༄༅། །ཤེས་སླེབ་པའི་ཚད་ནི། སྣང་གྲགས་ཐམས་ཅད་རྨི་ལམ་དུ་ཤེས་པ་ནི་དངོས་སུ་ཡེ་ཤེས་སླེབ་པའི་ཚད་དོ། །འཁོར་བར་ལྡོག་པའི་དུས་ནི། བདེ་སྡུག་ལ་སོགས་པའི་ངོ་མཚར་ཆེ་བའི་དུས་སུ་རེས་མི་དྲན་པ་ནི་ལྡོག་པའི་རྟགས་སོ། །དེ་ལ་རྨི་ལམ་གྱི་འདུན་པས་ཡེ་མ་ཟིན་པར་དེའི་རྗེས་སུ་འབྲང་པ་ནི་ལོག་པ་དངོས་ཡིན་ནོ། །བག་ཆགས་ལྡང་བའི་རོ་ནི། རྨི་ལམ་གྱི་འདུན་པ་ཟིན་ཀྱང་། མངོན་ཞེན་གྱི་རྒྱུན་མི་ལྡོག་ན་བག་ཆགས་ལྡང་བའི་རོ་ཡུལ་མི་བདེན་པར་ཤེས་ཀྱང་། བློའི་རྒྱུན་ལྡོག་ཏུ་མི་འདོད་ན། རྒྱུན་འཁྲུལ་པའི་རྗེས་སུ་འབྲངས་པ་ཡིན་འོ། །འབྱམས་པ་གོལ་བའི་ས་ནི། འདུན་པས་ཟིན་ཀྱང་རྨི་ལམ་མིན་སྙམ་པ་ནི་འབྱམས་པ་གོལ་བའི་སའོ། །རྨི་ལམ་དུས་ཀྱི་རྟགས་བཞི་ནི། ཡེ་ཤེས་སླེབ་པའི་ཚད་ནི། རྨི་ལམ་ལ་རྨི་ལམ་དུ་ཤེས་པ་ནི་ཡེ་ཤེས་སླེབ་པའི་ཚད་དོ། །འཁོར་བར་ལྡོག་པའི་དུས་ནི། རྨི་ལམ་དུ་ཆོ་འཕྲུལ་འབྱུང་པའི་དུས་སུ་རྨི་ལམ་གྱི་འདུན་པས་རེས་ཟིན་རེས་མི་ཟིན་པ་ནི་ལྡོག་པའི་རྟགས་སོ། །དྲན་པས་ཡེ་མ་ཟིན་ཏེ། ཡང་ཞིང་བག་ཚ་ལ། སད་ནས་དགེ་མི་དགེའི་བཟང་ངན་དུ་འཛིན་ན་ལོག་པ་དངོས་སོ། །བག་ཆགས་ལྡང་བའི་རོ་ནི། དོན་དྲན་པ་རྨི་ལམ་དུ་ཞེན་པ་མི་ལྡོག་ན་ད་དུང་ལྡང་བའི་རོ་འོ། །འབྱམས་པ་གོལ་བའི་ས་ནི། རྨི་ལམ་བདེན་པར་འཛིན་ཏེ། ལྟ་བས་མ་ཟིན་པ་ཡིན་པས་ལྟ་བས་ཟིན་པར་བྱའོ། །བར་དོའི་དུས་ཀྱི་
2-2-148b
རྟགས་བཞི་ནི། ཉམས་སུ་མྱོང་བའི་ཚད་རྨི་ལམ་གྱིས་འགྲུབ་པས་བཞི་པོ་སྦྱར་མི་དགོས་ཀྱང་། འོན་ཀྱང་རེ་ཤིག་སྦྱར་ན། བར་དོའི་ཡེ་ཤེས་སླེབ་པའི་ཚད་ནི་བར་དོར་ངོ་ཤེས་པའོ། །འཁོར་བར་ལྡོག་པའི་དུས་ནི༑ བར་དོ་ཡིན་མིན་ཐེ་ཚོམ་ཟའོ། །བག་ཆགས་ལྡང་བའི་རོ་བར་དོ་ཡིན་པ་སྙམ་བྱེད་པའོ། །འབྱམས་པ་གོལ་བའི་ས་ནི། བར་དོ་ལ་བར་དོ་ངོས་མ་ཟིན་ཏེ་ཆགས་སྡང་རང་རྒྱུད་ཁོ་ནར་སྐྱེ་བའོ། །རྟགས་འབྲེལ་པ་གསུམ་ལྡན་གྱི་གདམས་པ། །ཨྠྀི།། །།
༄། །གཉིས་པ་མ་ཟིན་ན་སྤོགས་པའི་ཆོ་ག་ལ་གསུམ་ཏེ། མ་ཟིན་པའི་སྤོགས་པའི་ཆོ་ག
གཉིས་པ་མ་ཟིན་ན་སྤོགས་པའི་ཆོ་ག་ལ་གསུམ་ཏེ། མ་ཟིན་པའི་སྤོགས་པའི་ཆོ་ག་དང་། ཤོར་བ་སྤོགས་པའི་ཆོ་ག་དང་། བོགས་བྱུང་པ་སྤོགས་པའི་ཆོ་གའོ༑ ༑དང་པོ་ལ་གསུམ་ཏེ། མི་ཟིན་པའི་རྒྱུ་སྤངས་པ་དང་། ཟིན་པའི་རྒྱུ་བརྟན་པ་དང་། སྤོགས་པའི་ཆོ་ག་དངོས་སོ། །
༈ མི་ཟིན་པའི་རྒྱུ་སྤངས་པ།
དང་པོ་ལ་གསུམ་སྟེ། གཏན་མི་ཟིན་པའི་རྒྱུ་དང་། གནས་སྐབས་སུ་མི་ཟིན་པའི་རྒྱུ་དང་༑ ཚུལ་ཇི་ལྟར་མི་ཟིན་པའོ། །དང་པོ་ལ་བཞི་སྟེ། འཇུག་སྒོ་སྔགས་ལ་མི་སྤྲོ་བ་དང་། བླ་མ་དམ་པ་ལ་མི་གུས་པ་དང་། གདམས་པ་ལ་ཐེ་ཚོམ་ཟ་བ་དང་། ལས་ཀྱི་འཕེན་པ་ལ་ཞེན་པའོ། །གཉིས་པ་གནས་སྐབས་སུ་སྒྲིབ་པ་ལ་ལྔ་སྟེ། འདུན་པའི་བརྩོན་འགྲུས་ཆུང་པ་དང་། སྒྱུ་མའི་བག་ཆགས་ཞན་པ་དང་། དངོས་པོའི་མངོན་ཞེན་ཆེ་བ་དང་། གཏུམ་མོའི་རྩོལ་བསྒྲུབ་ཆུང་པ་དང་། ཉམས་གྲིབ་མས་ཕོག་
2-2-149a
༄༅། །པའོ། །ཚུལ་ཇི་ལྟར་མི་འཛིན་པ་ལ་བཞི་སྟེ། རྒྱུན་རྟག་ཏུ་འཁྲུལ་པའི་རྒྱུན་དུ་ཆགས་པ་ལ་མངོན་པར་ཞེན་པས་བཅིངས་པའོ། འབྱམས་པ་དང་། །འཁྲུལ་འབྱམས་རྨི་ལམ་རྨི་ལམ་དུ་མ་ཤེས་པས་འབྱམས་པའོ། པ་དང་། སད་འབྱམས་རྨི་ལམ་རྨི་བ་དང་གཉིས་སད་དེ་སྦྱང་བ་ལ་སོགས་མེད་པའོ་པ་དང་། བརྗེད་འབྱམས་པའོ་རྨིས་པ་ཆ་མེད་རྗེས་བཟུང་རྒྱུ་མེད་པའོ། །
༈ ཟིན་པའི་རྒྱུ་བརྟེན་པ་ལ་གཉིས་ཏེ། མི་གཙང་ཉམས་གྲིབ་གསོ་བ།
གཉིས་པ་ཟིན་པའི་རྒྱུ་བརྟེན་པ་ལ་གཉིས་ཏེ། མི་གཙང་ཉམས་གྲིབ་གསོ་བ་དང་། འབྱམས་བཞི་པ་བཟློག་པའོ། །དང་པོ་ལ་གཉིས་ཏེ། མི་གཙང་པ་གསོ་བ་དང་། ཉམས་གྲིབ་གསོ་བའོ། །དང་པོ་ནི། གནས་མི་གཙང་ན་གནས་སྤོ། གྲོགས་མི་གཙང་ན་གྲོགས་སྤོ། ཟས་གོས་ལ་སོགས་པ་མི་གཙང་ན་དེ་དག་སྤོ་བའོ། །གལ་ཏེ་དེ་དག་སྤོ་རུ་མ་བཏུབ་ན། དེ་རྣམས་གཙང་བ་བྱ་བ་ལ་གཉིས། སྦྱངས་ཏེ་གཙང་བར་བྱ་བ་དང་། བཅོས་ཏེ་གཙང་བར་བྱ་བའོ། །དང་པོ་ལ་བཞི་སྟེ། བླ་མ་ལ་བརྟེན་ཏེ་སྦྱང་བ་དང་། ཡི་དམ་ལྷ་ལ་བརྟེན་ཏེ་སྦྱང་བ་དང་། དཔའ་བོ་དང་དཔའ་མོ་ལ་བརྟེན་ཏེ་སྦྱང་བ་དང་། ཏིང་ངེ་འཛིན་གྱི་རོ་མཉམ་པའི་ཚུལ་དུ་འདི་རྣམས་གདམས་ངག་ཡིན་གང་མོས་བྱས་པས་ཆོག་སྦྱང་བའོ། །དང་པོ་བླ་མ་ལ་བརྟེན་ཏེ་སྦྱང་བ་ནི། མདུན་དུ་བླ་མ་སྤྱན་དྲངས་ལ། དེ་ལ་མཎྜལ་ཡན་ལག་བདུན་པ་བྱས། དེ་ལ་གསོལ་བ་གདབ། བླ་མའི་ཐུགས་ཀ་ནས་འོད་ཟེར་དཀར་པོ་དཔག་ཏུ་མེད་པ་འཕྲོས་ཏེ། མི་གཙང་བའི་ཡུལ་
2-2-149b
དེ་ལ་སོགས་པ་སྣོད་བཅུད་ཐམས་ཅད་ལ་ཕོག་པས་དེ་དག་ཐམས་ཅད་འོད་དུ་སྐྱ་མེར་གྱིས་ཞུ་བས་ཐམས་ཅད་བླ་མའི་ངོ་བོར་གྱུར་ནས། སྟོང་གསུམ་བླ་མས་གང་བའི་དབུས་ན་རང་འདུག་པར་བསྒོམས་ཏེ། ཐུན་མཇུག་ལ་དེ་རྣམས་རང་ལ་བསྡུའོ། །དེས་ནི་ཡ་ང་བ་དང་། བློ་འཚུབ་པ་དང་། འཚབ་པ་དང་། འཚུས་པ་དང་། མི་གཙང་བ་གཙང་བར་བྱེད་པའི་ཐབས་དམ་པའོ། །གཉིས་པ་ཡི་དམ་ལྷ་ལ་བརྟེན་ཏེ་སྦྱང་བ་ནི། སྔོན་དུ་སེམས་བསྐྱེད་པ་དང་། བདུན་རྣམ་དག་ལ་སོགས་པ་རང་རང་གི་གཞུང་ལྟར་བྱས་ལ། དེ་ནས་སྭ་བྷཱ་ཝའི་སྔགས་ཀྱིས་མི་གཙང་བའི་ཡུལ་དེ་དག་ལ་སོགས་པའི་སྣོད་བཅུད་ཐམས་ཅད་སྟོང་པར་བསམས་ལ། དེའི་ངང་ལས་ས་བོན་ཙམ་ལས་ཡི་དམ་དུ་ལངས་ཏེ། གནས་ཁང་དང་བཅས་པ་བསྒོམས་ཏེ། དེ་ཡང་སྡེ་འཁྲུག་གི་ས་ཚིག་པ་ལ་སོགས་པའོ། ཡུལ་ཁམས་མི་གཙང་བ་དུར་ཁྲོད་དུ་བསྒོམ། ཡོ་བྱད་མི་གཙང་བ་མཆོད་རྫས་སུ་བསྒོམ། གྲོགས་མི་གཙང་བ་ལ་བསྒོ་བ་དང་མཚམས་མ་ལ་སོགས་པར་བསྒོམ། །དེ་ལ་རྣམ་པར་དག་པས་རྒྱས་བཏབ་ལ་བསྒོམ་པར་བྱའོ། །གསུམ་པ་དཔའ་བོ་དང་དཔའ་མོ་ལ་བརྟེན་ཏེ་སྦྱང་པ་ནི། རང་གི་སྤྱི་བོར་དཔལ་ཧེ་རུ་ཀ་ལ་སོགས་པའི་དཔའ་བོ་དང་། རྣལ་འབྱོར་མ་ལ་སོགས་པའི་དཔའ་མོ་དཔག་ཏུ་མེད་པ་སྤྱན་དྲངས་ཏེ། ཡིད་ཀྱིས་མཆོད་པ་ཅི་འབྱོར་པ་དང་། བདུན་རྣམ་
2-2-150a
༄༅། །པར་དག་པ་ལ་སོགས་པ་བྱས་པས། དེ་རྣམས་དགྱེས་ཏེ་ཕྱག་གཡས་པས་ཌཱ་མ་རུ་བཀྲོལ་བ། གཡོན་ཐོད་པ་བདུད་རྩིས་བཀང་བ་གསོལ་བའི་ཚུལ་དུ་བསྣམས་པ། གཅེར་བུ་རུས་པའི་རྒྱན་གྱིས་བརྒྱན་པ་སྟེ། ཞལ་ནས་ཧ་ཧ་ཧི་ཧིའི་སྒྲ་འབྲུག་སྟོང་ལྡིར་བ་ཙམ་སྒྲོག་པ། དཔའ་བོ་དང་དཔའ་མོ་འཛུམ་པའི་མདངས་ཀྱི་ལྟ་སྟངས་མཛད་ཅིང་སྤྱི་བོར་བྲོ་འཁྲབ་པས། ཁོང་གི་སྐུ་ལུས་དང་ཐོད་པའི་བྱང་སེམས་ཀྱི་བདུད་རྩི་ཁོལ་བའི་ཚུལ་དུ་འོང་ཞིང་ལུག་ནས། ལུས་ཀྱི་ནང་ཐམས་ཅད་སྐྱ་ཞལ་གྱིས་སོང་ནས་ཁྲུས་ཀྱི་ཕྱག་རྒྱ་བྱས་པས་ཐམས་ཅད་དག་པ་སྟེ། དེ་ནས་དེ་རྣམས་རང་ལ་བསྟིམ་པར་བསམ་ལ། གང་གིས་ཀྱང་མི་གོས་ཤིང་མི་གནོད་པར་བསམ་མོ་དེས་ཀྱང་མ་སོས་ན་དཔའ་བོ་དང་དཔའ་མོ་སྔར་བཞིན་བསམ་སྟེ། སྙོམས་པར་འཇུག་པའི་བདུད་རྩི་ལུད་པས་སྔར་བཞིན་བཀྲུའོ། །དེས་མི་སོས་མི་སྲིད་དོ། །བཞི་པ་ཏིང་ངེ་འཛིན་གྱི་རོ་མཉམ་པའི་ཚུལ་དུ་སྦྱང་བ་ནི། རང་ཡི་དམ་དུ་བྱས་པའི་སྤྱི་བོར་བླ་མ་བསམ་ལ། མི་གཙང་བ་དེ་རང་གི་སྙིང་གར་བསྡུའོ། །དེས་མ་སོས་ན་རང་ཉིད་ཐ་མལ་མི་གཙང་བའི་ཡུལ་དང་རང་དབྱེར་མེད་དུ་བྱ་པར་བྱས་པ་དེའི་སྙིང་གར་ཕར་ལ་འཇུག་སྟེ། རླུང་དང་དམིགས་པ་གཉིས་དྲག་པོ་གཏད་ལ་བྱའོ། །དེ་ནི་གོ་བཟློག་པར་རོ་སྙོམས་ཀྱི་སྦྱང་བའོ། །གཉིས་པ་བཅོས་ཏེ་གཙང་མར་བྱ་བ་ལ། རང་ཉིད་ལྕགས་ཀྱི་ཕག་པ་གཅིག་ཏུ་བསམ་ལ། དེ་སྲ་
2-2-150b
ཞིང་བརྟན་པའི་དངོས་པོ་རི་རབ་ལ་སོགས་པ་ཐམས་ཅད་རྡུལ་དུ་བརླག་ཅིང་ཟོས་ནས། རྗེས་ལ་དེ་ཉིད་ཡི་གེ་ཨ་གཅིག་ཏུ་བསམས་ཏེ། སེམས་ཉིད་མ་བཅོས་པའི་ངང་ལ་བཞག་པའོ། །དེས་ནི་ཉམས་གྲིབ་སེལ་བ་དང་། དད་ཟས་ཞུ་བའི་དགོས་པ་དང་། མི་གཙང་བ་ལ་སོགས་པ་ཐམས་ཅད་འཇོམས་པར་བྱེད་དོ། །གཉིས་པ་ཉམས་གྲིབ་སེལ་བ་ནི། གཞན་གྱི་གྲིབ་ཀྱིས་ཕོག་པ་ལ་སྔར་ལྟར་བྱས་ལ། རང་ཉིད་གནས་པ་ལ་ཚར་གསུམ་ཁུག་པའམ། སྔོན་འགྲོ་བཤགས་པ་ལྟར་ཡི་གེ་བརྒྱ་པ་ལ་སོགས་སྔར་ལྟར་བྱའོ། །རྣལ་འབྱོར་པའི་དགེ་སྦྱོར་འགྲིབ་པའི་མི་གཙང་བའི་ཉམས་གྲིབ་སེལ་བའི་འབྲེལ་པ་གསུམ་ལྡན། །ཨྠྀི།། །།
༈ འབྱམས་བཞི་པ་བཟློག་པ།
གཉིས་པ་འབྱམས་བཞི་བཟློག་པ་ནི། དྲན་པས་བཟློག་པར་བྱ་སྟེ། དེ་ཡང་རྒྱུན་འབྱམས་བཟློག་པའི་མན་ངག་ནི། རྨི་ལམ་གྱི་གདམས་པ་ཐམས་ཅད་ཡིན་གསུང་། གཞན་གསུམ་པོ་ལ་འཁྲུལ་འབྱམས་ལ་མ་འཁྲུལ་བར་བྱ་སྙམ་པའི་འདུན་པ་བཏང་། སད་འབྱམས་ལ་མི་སད་པར་བྱ་སྙམ་པའི་འདུན་པ་བཏང་། རྗེད་འབྱམས་ལ་མི་རྗེད་པར་བྱ་སྙམ་པའི་འདུན་པ་བཏང་སྟེ། ཁྱད་པར་མ་འཁྲུལ་བར་བྱ་སྙམ་པ་དང་། མི་སད་པར་བྱ་སྙམ་པའི་འདུན་པ་དྲག་ཏུ་བཏང་བ་ནི་ཉམས་སུ་མྱོང་བའོ། །དེ་ལྟར་བྱས་པས་རྨི་ལམ་ལ་རྨི་ལམ་དུ་ཤེས་པའི་དྲན་པ་ཟིན་པ་དང་། དྲན་པ་དེ་རྣམས་དུས་མཚུངས་སུ་འབྱུང་སྟེ། 
2-2-151a
༄༅། །སྦྱང་པ་ལ་སོགས་པའི་སྟོབས་ཐོབ་པར་འགྱུར་རོ། །འབྱམས་བཞི་བཟློག་པའི་མན་ངག་འབྲེལ་པ་གསུམ་ལྡན། ཨྠྀི།། །།
༈ གསུམ་པ་སྤོགས་པའི་ཆོ་ག་ལ་གསུམ་སྟེ། ཚོགས་གསོག་གིས་བོགས་འདོན་པ།
གསུམ་པ་སྤོགས་པའི་ཆོ་ག་ལ་གསུམ་སྟེ། ཚོགས་གསོག་གིས་བོགས་འདོན་པ་དང་། རླུང་གིས་བོགས་འདོན་པ་དང་། སྤྱོད་ལམ་གྱིས་བོགས་འདོན་པའོ། །དང་པོ་ཚོགས་གསོག་གིས་བོགས་འདོན་པ་ནི། བསོད་ནམས་ཀྱི་རྒྱུ་བཏང་པ་ཞེས་གསུངས་ཏེ། རང་གི་བླ་མ་བཞུགས་ནི༑ སྐུ་མཉེས་པ་ལ་སོགས་པ་བྱ། མི་བཞུགས་ན་རྗེས་ལ་མཆོད་པ་འབུལ་ཞིང་གསོལ་བ་གདབ། བླ་མ་ལ་མཎྜལ་འབུལ། བསྐྱེད་རྫོགས་ཐུན་བཞིར་བསྒོམ། ཚ་ཚ་དམར་པོ་བ་དན་གྱིས་བརྒྱན་པ་བཏབ། རྡོ་རྗེ་སྤུན་ལ་ཚོགས་གསོག་བྱ། ཚོགས་མཆོད་བྱ། ཡི་གེ་བརྒྱ་པས་རྟགས་མ་བྱུང་གི་བར་དུ་བཟླས་པ་བྱ། ཕྱི་རུ་ཡི་དྭགས་ཀྱི་གཏོར་མ་བཏང་། ནང་མཁའ་འགྲོ་མའི་གཏོར་མ་བཏང་། རྟེན་ཁྱད་པར་ཅན་ལ་བསྐོར བ་དང་མཆོད་པ་ལ་སོགས་པ་བྱ། སྙིང་རྗེའི་ཞིང་ལ་སྦྱིན་པ་བཏང་། སྐུད་པ་དང་ཁབ་ལ་སོགས་པ་དེ་རྣམས་གང་བྱེད་ཀྱང་ཆགས་པ་མེད་པར་བསྔོ་བ་དང་སེམས་བསྐྱེད་ཀྱིས་ཟིན་པར་བྱ། རྗེས་ཐམས་ཅད་དགེ་བའི་རྩ་བ་དེའི་མཐུས་སེམས་ཅན་ཐམས་ཅད་ཀྱི་དོན་དུ་བདག་གིས་རྨིས་ལམ་ཟིན་པར་གྱུར་ཅིག་པར་སྨོན་ལམ་དང་གསོལ་བ་གདབ། དགེ་བ་གང་བྱེད་ཀྱང་ཆུང་ངུ་ཆེན་པོར་འགྱུར་བའི་གདམས་ངག་
2-2-151b
གསུམ་གྱིས་ཟིན་པར་བྱ་སྟེ། སྔོན་འགྲོ་སེམས་བསྐྱེད། དངོས་གཞི་སྒྱུ་མ། རྗེས་ལ་བསྔོ་བས་ཟིན་པར་བྱའོ། །ཚོགས་གསོག་གི་བོགས་འདོན་འབྲེལ་པ་གསུམ་ལྡན་གྱི་གདམས་པ། ཨྠྀི།། །།
༈ རླུང་གིས་བོགས་འདོན་པ།
གཉིས་པ་རླུང་གི་བོགས་འདོན་ནི། ཙོག་པུར་འདུག་ལ་རང་གི་ཨ་ལོང་ཁར་ཨཱཿདམར་པོ་བསམ། ལྟེ་བའི་རང་བཞིན་ཧཱུྃ་མཐིང་ཁ་བསམ། སྤྱི་བོར་ཨ་དཀར་པོ་བསམས་ལ། ལྟེ་བའི་འོག་ཏུ་མེ་སོར་གསུམ་པ། ངོ་བོ་ཨའི་རྣམ་པ་མེ་མཚན་ཉིད་སྐྱེ་བ་མེད་པའི་རང་བཞིན་རྩེ་མོ་དྷ་ཏཱིར་ཆུད་པ་གཅིག་བསམ། དེ་ནས་འོག་རླུང་འུབ་ཀྱིས་ཡར་རྔུབས་པས། མེ་དམར་ནར་གྱིས་ཡར་བྱུང་པས་གཤང་ལམ་གྱི་མེ་དེ། ཧཱུྃ་ལ་འུབ་ཀྱིས་འདུས་པར་བསམ་པ་དང་། ལྟེ་བ་སྒལ་པ་ལ་ཆར་བ་དང་། ཕྱག་རྒྱ་ཐལ་མོས་སྦྱར་བ་དང་། མིག་གྱེན་ལ་བཟློག་པ་དང་། སྟེང་རླུང་མནན་པ་དང་། ལྡག་པ་ཙ་འུབ་ཀྱིས་འདུས་པར་བསམ་སྟེ། དྲུག་པོ་དེ་རྣམས་དུས་གཅིག་ལ་བྱ་གསུང་ངོ་། །དེ་ལྟར་བྱས་པས་སྤྲུལ་པ་ཆོས་ཀྱི་འཁོར་ལོའི་བར་ན། འཁོར་ལོ་དམར་པོ་རྩིབས་གཅིག་གཡོན་དུ་དམར་སྒ་ར་ར་འཁོར་བ་ལ་དམིགས་པ་གཏད། དེ་ནས་འཁོར་ལོ་དེ་ཇེ་དམའ་ཇེ་དམའ་ལ་སོང་ནས། མེ་དང་གཉིས་སུ་མེད་པར་གྱུར་ནས། མེ་དེ་ཇེ་ཆེ་ཇེ་ཆེར་སོང་ནས་སྤྱི་བོའི་ཧཾ་ལ་ཐུག་པས། ཐིག་ལེ་དཀར་པོ་སྲན་མ་ཙམ་གཅིག་ཞུ་ནས་རྩ་ནང་མར་ཕྲད་ཀྱིས་ལྷུང་པས་མེ་ལ་ཕོག་པས་
2-2-152a
༄༅། །སོར་ཟེར་མར་མེ་ལ་སྣུམ་རྒྱབ་པས་ཆེར་འགྲོ་བ་ལྟར། དེས་ཀྱང་མེ་ཆེར་འོང་བར་བསམ་མོ། །དེ་ལྟར་བྱེད་པའི་ཐུན་རེའི་སྔོན་དུ་སེམས་བསྐྱེད་དང་། རྗེས་ལ་བསྔོ་བས་ཟིན་པར་བྱའོ། །དེ་ལྟར་བྱས་པས་ལུས་བཀྲག་རྒྱས་པ་དང་། ལུས་ཡང་བ་དང་། སྡོད་ཟུག་པ་དང་། ཡང་ཡང་བསྒོམ་སྙིང་འདོད་པ་དང་། ཏིང་ངེ་འཛིན་འཆར་བ་དང་། རྨི་ལམ་ཟིན་པ་ལ་སོགས་པའི་ཡོན་ཏན་མང་པོ་འབྱུང་ངོ་། །དེ་ཡང་ནུབ་དང་པོ་ལ་རླུང་ཁུག་པ་ཉི་ཤུ་རྩ་གཅིག་བཟུང་། དེའི་ཕྱེ་དེ་ནུབ་མོ་བཞི་བཅུ་ཞེ་གཉིས་ལ་སོགས་པ་འདྲེ་ལོག་ཏུ་བཟུང་སྟེ། ཟླ་བ་གཅིག་གི་བར་དེ་ལྟར་བྱས་ན་རྨི་ལམ་མི་ཟིན་མི་སྲིད་གསུང་ངོ་། །རླུང་གི་བོགས་འདོན་འབྲེལ་པ་གསུམ་ལྡན། ཨྠྀི།། །།
༈ སྤྱོད་ལམ་གྱིས་བོགས་འདོན་པ།
གསུམ་པ་སྤྱོད་ལམ་གྱི་བོགས་འདོན་ནི། ཤིན་ཏུ་དབེན་པའི་ས་དཀར་པོ་གངས་རི་ལྟ་བུར་ཕུད་ལ་ཐལ་ཆེན་གྱིས་བྱུགས། ལག་ཏུ་ཌ་མ་རུ་དང་བཅས་ནས་འཆམ་ཞིང་། ངག་ཏུ༑ ངས་ནི་རྨི་ལམ་མ་ཟིན་ཅེས་འོ་དོད་འབོད་ཅིང་འཆམ་རྒྱུག་དྲག་པོ་བྱེད། ཁྱམ་ཁྱམ་འགྲོའོ། །དེའི་དུས་སུ་དམིགས་པ་ནི། ལུས་ཕྱིར་བཟློག་པ་སྟེ། གློ་སྙིང་རྣམས་རྒྱབ་ན་ཕྲལ་ཕྲལ་འདུག་པར་བསམ་མོ། །དེ་ནས་ཉལ་ཁར་ལུས་ཕྱིར་བཟློག་གི་ངང་ལ་ཉལ། གསང་གནས་སུ་ཐིག་ལེ་ནག་པོ་རིལ་མ་ཙམ་གཅིག་ལ་སེམས་གཏད་ལ་ཉལ་ལོ། །སྤྱོད་ལམ་གྱི་བོགས་འདོན་གྱིས་བོགས་དེས་འདོན་པ་ཚར་ནས་ཡན་ཆད་བྱས་
2-2-152b
ནས་རྨི་ལམ་མི་ཟིན་མི་སྲིད་དོ། །ཅིས་ཀྱང་ཟིན་གསུང་ངོ་། །བོགས་འདོན་འབྲེལ་པ་གསུམ་ལྡན་གྱི་གདམས་པ། །ཨྠྀི།། །།
༄། །ཟིན་ནས་ཤོར་བའི་སྤོགས་པའི་ཆོ་ག
གཉིས་པ་ཟིན་ནས་ཤོར་བའི་སྤོགས་པའི་ཆོ་ག་ལ་གསུམ་སྟེ། ཤོར་བའི་རྒྱུ་ངོས་བཟུང་བ་དང་། དེ་བཟློག་པའི་ཐབས་དང་སྤོག་པའི་ཆོ་ག་དངོས་སོ། །དང་པོ་འཆོར་བའི་རྒྱུ་ནི་བརྒྱད་དེ། ཉམས་ལེན་སྤངས་པ་དང་འདྲེས་པ་དང་། འདིའི་བསམ་མནོ་དང་། རེ་དོགས་མང་པ་དང་། ངག་སྨྲ་བ་མང་པོས་དུས་འདས་ཤིང ང་ཟས་དང་གོས་དང་གཏམ་གྱི་ཆོས་སོ་སྒྲ་ཕྱིར་འབྲེང་བའི་གཟུང་འཛིན་བསྐྱེད་པ་དང་། ཉམས་རེ་དོགས་མང་པོ་གདམས་ངག་ལ་ཐེ་ཚོམ་བསྐྱེད་པ་དང་། ཁྱད་པར་དུའང་རྡོ་རྗེ་སྤུན་ནམ་སེམས་ཅན་གཞན་སྤྱི་རང་ངམ་གཞན་ཡང་རུང་པས་རུང་སྟེ། རྩོད་པ་དང་། ཞེ་ཀམ་པ་དང་། རྒྱུད་འཁྲུགས་པ་དང་། ཉམས་གྲིབ་ཅན་དང་འབྲེལ་བྱས་པས། ཉམས་པ་བསྐང་བ་དང་། བགེགས་ཆེན་བརྟུལ་བའོ། །གཉིས་པ་དེ་བཟློག་པའི་ཐབས་ནི། ལུས་མཚམས་བཅད་དེ་བྱ་བ་ལ་མི་འཇུག་ཅིང་། མི་དང་མི་ཕྲད་པར་བྱ། ངག་སྨྲ་བ་བཅད། སེམས་སྒྱུ་མ་ལས་མ་ཡེངས་པར་བྱའོ། །གསུམ་པ་སྤོགས་པའི་ཆོ་ག་དངོས་ནི། ལུང་སྟོང་དུ་ཕྱིན་ནས་འགྱོད་པ་དྲག་པོ་བསྐྱེད། ཆོ་ངེས་གདབ། བྲང་བརྡུང་། བླ་མ་ལ་གསོལ་བ་གདབ། དོམ་ཕྲུག་མ་དང་བྲལ་བ་ལྟ་བུ་བསམ། མགྲོན་པོ་བྱང་ཐང་དུ་ལམ་སྟོར་བ་ལྟ་བུའི་གདུང་བ་དྲག་པོ་བྱ་ཞིང་། སྤྱོད་ལམ་གྱི་
2-2-153a
༄༅། །བོགས་འདོན་སྔར་བཞིན་བྱའོ།། །།
༄། །བོགས་བྱུང་པ་སྤོགས་པའི་ཆོ་ག
གསུམ་པ་བོགས་དབྱུང་བ་ཕྱོགས་པའི་ཆོ་ག་ལ་གསུམ་སྟེ། བོགས་མི་འབྱུང་པའི་རྒྱུ་ངོས་བཟུང་པ་དང་། བོགས་འབྱུང་བའི་ཐབས་བསྟེན་པ་དང་། བོགས་འབྱུང་པའི་ཆོ་ག་དངོས་སོ། །དང་པོ་བོགས་མི་འབྱུང་བའི་རྒྱུ་ལ་ལྔ་སྟེ། རླུང་དང་མ་བསྲེས་པ་དང་། སྒྱུ་མའི་འདུན་པ་གཅིག་པོ་ལ་འཐས་ཏེ། སྦྱང་བའི་འདུན་པ་སྔོན་དུ་མ་སོང་བ་དང་། ཤེས་པ་ཡུལ་ཕྱིར་འབྲངས་པས་ཡེངས་པ་དང་། ཁ་ཟས་བཅུད་ཅན་མ་བསྡམས་རླུང་གནོན་ན་མ་བསྡོམས་ཀྱང་ཆོག་པ་དང་། དད་གུས་ལ་ལྟེམ་རྐྱང་ཤོར་བའོ། །གཉིས་པ་བོགས་འབྱུང་བའི་ཐབས་བསྟེན་པ་ནི། རྨི་ལམ་ཟིན་པས་མི་ཆོག་སྟེ། ལམ་ཟིན་པར་བྱའོ་སྙམ་པའི་འདུན་པ་དེ་བཞག་ནས། སྦྱང་བའི་འདུན་པས་ཉིན་པར་སྐར་མདའི་ཚུལ་དུ་མང་པོར་སྤེལ་བ་དང་། གཅིག་ཏུ་བསྡུད་པ་ལ་སོགས་པ་སྦྱང་བ་དང་། རླུང་དང་སྤེལ་ཞིང་བླ་མ་ལ་གསོལ་བ་ཡང་དང་ཡང་དུ་གདབ་པོ། །དེ་ཡང་ཟིན་ཡང་སྦྱང་དུ་མ་ཐུབ་ན་བོགས་མེད་ཟེར་བས། དེ་ལ་གཉིས་ཏེ། ཤེས་པ་ལ་མ་དྲན་པ་དང་། དྲན་ཡང་ལུས་ལྕི་ནས་མ་བཏུབ་པའོ། །དང་པོར་སྔར་ལྟར་སྒྱུ་ལུས་ཀྱི་དུས་སུ་སྐར་མདའ་ལ་སོགས་པ་བྱ། དོ་ནུབ་རྨི་ལམ་སྦྱང་དགོས་སྙམ་པའི་འདུན་པ་ཉལ་ཁར་བྱའོ། །གཉིས་པ་ལུས་ལྕི་ནས་སྦྱང་དུ་མ་བཏུབ་པ་ལ་སྦྱང་ཐབས་གསུམ་སྟེ། འདུན་པའི་སྟོབས་ཀྱིས་སྦྱང་
2-2-153b
པ་དང་། རླུང་གི་སྟོབས་ཀྱིས་སྦྱང་པ་དང་། ལུས་སེམས་འཕྲལ་བའི་ཚུལ་གྱིས་སྦྱང་པའོ། །དང་པོ་ནི། ལུས་མེད་པ་ལ་ལུས་སུ་འཛིན་པ་དང་། ཡུལ་མེད་པ་ལ་ཡུལ་དུ་འཛིན་པ་འཁྲུལ་པ་སྟེ། འཁྲུལ་པ་ནི་སྒྱུ་མའོ་སྙམ་པའི་འདུན་པས་ཟིན་པར་བྱ་ཞིང་། ཡུལ་དང་རྟེན་ལ་ཞེན་ན་ལྗི་ཞིང་འགྱུར་དཀའ། རིག་པ་ཡུལ་མེད་རྟེན་མེད་ཤེས་པར་བྱའོ། །གཉིས་པ་རླུང་གི་སྟོབས་ཀྱིས་སྦྱང་བ་ནི། རླུང་གི་བོགས་འདོན་ལྟར་བསྒོམ་པར་བྱའོ། །གསུམ་པ་ལུས་སེམས་ཕྲལ་བའི་སྦྱང་བ་བྱ་བ་ནི། དེ་རིང་དུས་སུ་ལུས་སེམས་འབྲལ་བའི་སྦྱང་བ་བྱས་ལ། དོ་ནུབ་གཉིད་ལོག་ཁར་ལུས་སེམས་ཕྲལ་བའི་སྦྱང་བ་བྱའོ་སྙམ་པའི་འདུན་པ་བཏང་སྟེ། དེ་ནས་རྨི་ལམ་ཟིན་པའི་དུས་སུ་འདུན་པ་དེས་ཟིན་པར་བྱ་སྟེ། དེ་བཞིན་སྦྱང་བར་བྱའོ། །དེ་ཡང་དང་པོ་རྨི་ལམ་མི་འཁྲུལ་བའི་གནད་བྱ་སྟེ། ཡུལ་ནི་འདི་ཡིན་ནོ། །གནས་ནི་འདི་ཡིན་ནོ། །གྲོགས་འདི་ཡིན་ནོ། །ང་རང་གི་ཉལ་ས་འདི་ཡིན་ནོ། །མགོ་བོ་འདིར་སྟོན་ཏོ་སྙམ་དུ་བསམས་ཏེ། སྣང་བ་གཞན་རེ་འདུག་ན་འཁྲུལ་པ་ཡིན་པས་མ་འཁྲུལ་བར་བྱའོ་སྙམ་པའི་འདུན་པ་བཞག་པའི་སྒོ་ནས་རང་ལ་ལྟ་ཞིང་བཙལ་བར་བྱའོ། །དེ་ལ་རང་ལུས་མངོན་པར་གྱུར་ན། ད་ང་དེ་ལ་མི་འཇུག་སྟེ། སངས་རྒྱས་ཀྱི་ཞིང་ཁམས་དཔག་ཏུ་མེད་པ་བལྟ་བ་དང་། བླ་མ་ནཱ་རོ་པ་དང་མཇལ་བ་དང་། ཆོས་ཞུ་བ་ལ་སོགས་བྱ་
2-2-154a
༄༅། །དགོས་སྙམ་དུ་བསམས་ལ་འགྲོ་སྟེ། དེ་ཡང་སྔར་གྱི་བག་ཆགས་ཀྱི་ལུས་སུ་སྣང་ན་ད་རུང་ལྕི་རུ་འོང་སྟེ། ལུས་སེམས་བྲེལ་བ་ཡིན་ཏེ། སྦྲེལ་ན་སྤྲུལ་པ་གང་འཐད་པའི་ལུས་སུ་བྱ་སྟེ། ཅི་བདེ་བར་སྤྱད་པར་བྱའོ། །ཡིད་ལའང་ཤ་ཁྲག་གི་ལུས་འདི་མེན་མལ་ན་ཡོད། ཡིད་ཀྱི་ལུས་འདི་ལ་ཅི་བྱེད་ཀྱང་ཐོགས་པ་ཅི་ཡོད། བླ་མས་བྱིན་གྱིས་རློབས་གཅིག་སྙམ་དུ་བསམས་ལ་བྱ་བ་སྣ་ཚོགས་བྱའོ། །དེ་ལྟར་ཤེས་ན་སྦྱང་བ་ཡང་དེས་འགྲུབ་པར་འགྱུར། སྤོགས་པའི་ཆོ་ག་འབྲེལ་པ་གསུམ་ལྡན་གྱི་གདམས་པ། ཨྠྀི།། །།
༄། །གསུམ་པ་སྦྱང་བ་ལ་ལྔ་སྟེ། ཡ་ང་བ་སྤངས་ཏེ་སྦྱང་བ།
དངོས་གཞི་གསུམ་པ་སྦྱང་བ་ལ་ལྔ་སྟེ། ཡ་ང་བ་སྤངས་ཏེ་སྦྱང་བ་དང་། སྤེལ་ཏེ་སྦྱང་བ་དང་། བསྒྱུར་ཏེ་སྦྱང་བ་དང་། དེ་ཁོ་ན་ཉིད་དུ་ཁྱེར་ཏེ་སྦྱང་བ་དང་། བར་དོ་དང་བསྲེས་ཏེ་སྦྱང་བའོ། །དང་པོ་ཡ་ང་བ་སྤངས་ཏེ་སྦྱང་བ་ནི། རྨི་ལམ་གྱི་དུས་སུ་རྨི་ལམ་ངོ་ཤེས་པ་བྱུང་པ་དེའི་ཚེ། གཡང་དང་མེ་དང་ཆུ་ལ་སོགས་པར་སྣང་བ་འདི་དག་ལ་འདི་སྙམ་དུ་བསམས་ཏེ། ཁམས་གསུམ་འཁོར་བར་འཁྱམས་པའི་རྒྱུ་ནི་འཁྲུལ་པ་སྟེ་རྨི་ལམ་ཡིན། རྨི་ལམ་ནི་ཡིད་ཀྱི་དབང་པོ་འཁྲུལ་པ་སྟེ། མི་བདེན་མི་བདེན་པའི་རང་མ་གྲུབ་པའི་རང་བཞིན་ལ་བདེན་པ་དང་གྲུབ་པར་བཟུང་པས་འཁྲུལ། དེ་ནས་རྨི་ལམ་ཡིན་པས་འཁྲུལ་པ་ཡིན། འཁྲུལ་པ་ཡིན་པས་རྨི་ལམ་ཡིན་སྙམ་དུ་བསམས་ཏེ། འཁྲུལ་པ་དང་རྨི་ལམ་ཐ་དད་མེད་དེ་མེད་བཞིན་པར་སྣང་
2-2-154b
བའོ་མེ་དང་ཆུ་དང་གཡང་ལ་སོགས་པ་ལ་འཆོང་ངོ་། །གལ་ཏེ་རྨི་ལམ་གྱི་དུས་སུ་རྨི་ལམ་དུ་ཤེས་ཀྱང་། ད་དུང་གཡང་ས་དང་མེ་དང་ཆུ་དང་ཆུ་ལ་འཇིགས་ཤིང་ཡ་ང་ན། དེས་སྦྱོང་དུ་མི་སྟེར་བའི་གེགས་དང་པོ་ཡིན་ཏེ། དེ་ཡ་ང་བ་ནི་རང་གི་མགྲིན་ཉིན་པར་ཡང་བྱ། གཉིད་ལོག་ཁར་བདུན་པ་དྲག་པོ་བཏང་། རྨི་ལམ་ཟིན་པའི་དུས་སུ་ཡང་བྱའོ་པར་རྡོ་རྗེ་སེམས་དཔའ་མེ་ལོང་གི་གཟུགས་བརྙན་དང་འདྲ་བ་གཅིག་བསམས་ལ། དེ་ཡང་སྦྱང་ཆོས་ཐམས་ཅད་འདི་དང་འདྲ་བས་མི་དགོས་ལ། བཟུང་ཡང་མི་དགོས་ཏེ། འདི་རང་སྣང་སྒྱུ་མ་ཡིན་པས་ཐམས་ཅད་དང་ཁྱད་ཉིན་པར་ཅི་ཡོད་སྙམ་དུ་བསམས་ཏེ། མེར་མཆོང་ཆུར་མཆོང་པར་བྱ་སྟེ། དེས་ངེས་པར་ཡ་ང་བ་ལས་གྲོལ་གསུང་ངོ། ཡུལ་དེའི་གལ་ལྟེ་གདོན་དང་གནོད་སྦྱིན་ལ་སོགས་པའི་གཟུགས་སྣང་ནས་དེ་ལ་འཇིགས་ཤིང་ཡ་ང་ན། དེའི་ཡ་ང་བ་སྤང་བའི་ཐབས་ལ་གཉིས་ཏེ། གདུལ་བར་བྱ་བ་དང་། ཞི་བར་བྱ་བ་གཉིས་ལས། གདུལ་བར་བྱ་བ་ནི་རང་ཉིད་ལྕགས་བསྲེགས་ཀྱི་མེ་སྟག་ལྟ་བུར་བྱ་སྟེ། དེས་ཡང་ལུས་ལ་ཕབ་སིབ་ཀྱིས་གཏོང་པའོ། །ཞི་བར་བྱ་བ་ནི་རང་ཉིད་ཡི་དམ་དུ་བྱས་པའི་ཐུགས་ཀར་དེ་ཚུར་བསྡུས་པ་ཡིན་གསུང་ངོ་། །མདོར་ཡང་ནི་རིག་པ་ཡུལ་མེད་རྟེན་མེད་དུ་མ་ཤེས་པས་ཡུལ་དང་རྟེན་ལ་ཞེན་པས་ལན་ནོ་ན་རྨི་ལམ་མ་རིག་པ་ལས་སུ་རུང་། ཞི་བ་ལྟར་འདོད་པ་བཞིན་དུ་བྱ་ཞིང་སྤྲུལ་ལོ། །སྔགས་ཀྱི་ལས་ཚོགས་གྲུབ་ན་ཡང་། 
2-2-155a
༄༅། །དེ་ལྟ་བུའི་ཚུལ་གྱིས་གྲུབ་པར་གསུངས་སོ། །ཡ་ང་བ་སྤང་བའི་འབྲེལ་པ་གསུམ་ལྡན་གྱི་གདམས་པ། ཨྠྀི།། །།
༄། །སྤེལ་ཏེ་སྦྱང་བ།
གཉིས་པ་སྤེལ་ཏེ་སྦྱང་བ་ནི། རང་རང་ལུས་སྤེལ་བ་དང་། སྣང་བ་གཞན་སྤེལ་བ་སྟེ༑ གང་རུང་བའི་སྣང་བ་དེ་གཅིག་ལས་གཉིས། གཉིས་ལས་བཞི་ལ་སོགས་པའི་ནམ་མཁའི་ཁམས་གང་བ་ཙམ་དུ་སྤེལ་ཏེ། དེ་རྣམས་ཀྱང་རང་གི་ཡི་དམ་གང་ཡིན་དུ་བསྒྱུར་ཏེ་བསམ་པར་བྱའོ། །རང་ཉིད་བློ་སྟོབས་མཐོ་ན་སྐད་ཅིག་རང་ལ་སྤེལ་བས་ཆོག་སྟེ། འདི་བླ་མས་མཛད་སྲོལ་ཡང་ཡིན་ནོ། །འདི་ལ་གོམས་ན་ཚོགས་རྫོགས་པ་དང་། སྡིག་པ་སྦྱང་བ་དང་། ལམ་བསྒྲོད་པ་ལ་ཚེགས་མེད་པར་འགྱུར་རོ། །ད་ལྟའི་དུས་ཚོགས་བསགས་པ་དང་སྡིག་པ་སྦྱངས་པས། རྨི་ལམ་དུ་བྱས་པ་བདུན་འགྱུར་གྱིས་མཚན་ཉིད་པར་སྡོམས་ཆེ། ཞེས་བླ་མ་རིན་པོ་ཆེ་ཚད་མར་གྱུར་པ་རྣམས་གསལ་པོར་གསུང་ཞིང་སྒྲོ་འདོགས་ཆོད་དོ༑ ༑དེ་ལྟར་སྤེལ་བས་ཉམས་བདེ་སྟོང་མྱོང་འཕེལ་བར་འགྱུར་བའི་དགོས་པ་དང་། ལམ་གྱི་དུས་སུ་འཕེལ་བར་འགྱུར་བའི་དགོས་པ་དང་། བར་དོའི་དུས་སུ་རྨི་ལམ་བར་དོ་བདུན་འགྱུར་གྱིས་གསལ་སྤྲུལ་པའི་སྐུ་ཡིས་སེམས་ཅན་གྱི་དོན་བྱེད་པའི་དགོས་པ་ལ་སོགས་པ་མང་པོ་ཡོད་དོ། །གལ་ཏེ་སྤེལ་བར་མ་ནུས་ན། མེ་ལོང་གཡའ་དག་པ་ལ་རྨ་བྱའི་ཁྲག་གིས་རྡོ་རྗེ་སེམས་དཔའ་བྲིས་ཏེ། ནམ་མཁའ་ལ་ཕྱར་བས། ནམ་
2-2-155b
མཁའ་ལ་རྡོ་རྗེ་སེམས་དཔའི་སྐུ་མང་པོ་བྱུང་པས་དེ་ལ་དམིགས་པ་གཏད་དེ་གོམས་པར་བྱས་ལ་སྤེལ་ལོ། །དེ་ལྟར་མ་གྲུབ་ན་སྒྱུ་ལུས་སྤེལ། ཉལ་ཁར་འདུན་པ་བཞག་ལ་སྤེལ་ལོ། །སྤེལ་བ་འབྲེལ་པ་གསུམ་ལྷན་གྱི་གདམས་པ། ཨྠྀི།། །།
༄། །བསྒྱུར་ཏེ་སྦྱང་བ་དང་། དེ་ཁོ་ན་ཉིད་དུ་ཁྱེར་ཏེ་སྦྱང་བ།
གསུམ་པ་བསྒྱུར་ཏེ་སྦྱང་པ་ནི། སྔོན་འགྲོ་སྒྱུ་ལུས་ཀྱི་དུས་སུ་བསྐྱེད་པའི་རིམ་པའི་ཚུལ་སྦྱང་པའི་དུས་དེར་རྨི་ལམ་ཟིན། ད་འདིར་ཡང་བསྒྱུར་ནས་སྦྱངས་ཏེ། ཕྱིར་སྣོད་གཞལ་ཡས་ཁང་། ནང་སྐྱེ་འགྲོ་ཐམས་ཅད་ལྷ་དང་ལྷ་མོར་བསྒྱུར་ཏེ། དེ་ལ་རྣམ་དག་དང་བཅས་པས་སྦྱངས་ནས། དེའི་ཉམས་མྱོང་མཐར་ཕྱིན་པ་ལས། སྣང་སྲིད་ཐམས་ཅད་ལྷ་དང་ལྷ་མོར་གསལ་ཏེ། ལྷའི་སྐུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་ངེས་གསུང་། བསྒྱུར་བ་འབྲེལ་པ་གསུམ་ལྡན་གྱི་གདམས་པ་ཨྠྀི།། །།བཞི་པ་དེ་ཁོ་ན་ཉིད་དུ་ཁྱེར་ཏེ་སྦྱང་བ་ནི། རྣལ་འབྱོར་པ་རྨི་ལམ་དུ་ཤེས་པའི་ཚེ། དེ་ཉིད་རྨི་ལམ་ཡིན༑ རྨི་ལམ་ཉིད་སེམས་ཉིད་ཡིན། སེམས་འོད་གསལ་དང་གཉིས་སུ་མེད་པ་ཡིན་པས། ད་སྦྱང་ཡང་མི་དགོས་སྙམ་དུ་བསམས་པས། དེ་ཉིད་དུ་མཉམ་པར་ལྷན་གྱིས་བཞག་སྟེ། དེ་ད་ལྟ་བས་བདུན་འགྱུར་གྱིས་སླ་ཞིང་གསལ་བ་ཡིན་གསུང་ངོ་། །དེ་ལ་བརྟེན་ནས། རྨི་ལམ་འོད་གསལ་དུ་འཇུག་པར་བྱ་སྟེ། བར་དོར་འགྲོ་ངེས་པ་ལ་ཐེ་ཚོམ་མི་བྱའོ། །གལ་ཏེ་དེ་ལྟར་དྲན་ཀྱང་བློ་བཞག་པར་རྨི་ལམ་འོད་གསལ་དུ་འཇུག་
2-2-156a
༄༅། །པའི་ཐབས་ཡིན་མ་ནུས་ན། སྒྱུ་ལུས་ཀྱི་དུས་སུ་རང་གི་སྨིན་ཕྲག་ཏུ་ཐིག་ལེ་དཀར་པོ་སྲན་རྡོག་ཙམ་དཀར་ལ་འཚེར་བ་གཅིག་ལ་ཤེས་པ་གཏད་ལ། དེ་ལ་འོད་འོད་རང་བཞིན་མེད་པར་ཤེས་པས་འཕྲོས་པས་སྣང་སྟོང་དུས་ཀྱི་མེ་བཅད་པས་སྣང་སྲིད་ཐམས་ཅད་སྐྱ་མེར་གྱིས་ཞུ་ནས། དེ་རང་སར་ཡལ་བ་ལ་བློ་བཞག་སྟེ། སྒྱུ་མའི་ཤེས་པ་ཐམས་ཅད་བདེ་སྟོང་ཟུང་དུ་འཇུག་པ་ངོ་མཚར་ཏོ་སྙམ་དུ་ངེས་ཤེས་བསྐྱེད། དེ་གཉིད་ལོག་ཁར་ཡང་དོ་ནུབ་རྨི་ལམ་ཁོ་ན་ཉིད་དུ་ཤེས་པར་བྱ་སྙམ་པའི་འདུན་པ་བཏང་ལ་གཉིད་ལོག །དེ་ནས་རྨི་ལམ་ཟིན་པའི་དུས་སུ་ཡང་ཐིག་ལེ་ལ་སོགས་པ་སྔར་བཞིན་བསྒོམས་པས་དེ་ཁོ་ནར་ཉམས་སུ་མྱོང་བར་འགྱུར་རོ། །འདི་ཀུན་ལ་མེད་པའི་གདམས་པའོ། །རྨི་ལམ་དེ་ཁོ་ན་ཉིད་དུ་སྦྱང་བ་འབྲེལ་པ་གསུམ་ལྡན་གྱི་གདམས་པ། ཨྠྀི།། །།
༄། །བར་དོ་དང་བསྲེས་ཏེ་སྦྱང་བ།
སྦྱང་བ་ལྔ་པ་བར་དོ་དང་བསྲེས་ཏེ་སྦྱང་བ་ནི། རྣལ་འབྱོར་པ་གཉིད་ལོག་ཁར་དོ་ནུབ་རྨི་ལམ་བར་དོ་ངོས་བཟུང་དགོས་སྙམ་པའི་འདུན་པ་བཏང་སྟེ་གཉིད་ལོག་པས་རྨི་ལམ་ཟིན་པའི་དུས་སུ་འདི་ཀ་བར་དོ་ཡིན་སྙམ་དུ་བསམས་ལ། རང་གི་ལུས་ཡི་དམ་དུ་བྱས་པའི་བ་སྤུའི་བུ་ག་ནས་འོད་ཟེར་དཔག་ཏུ་མེད་པ་བཀྱེ་ལ། འོད་ཟེར་གྱི་སྣ་ལ་སངས་རྒྱས་དཔག་ཏུ་མེད་པ་སྤྲོས་ལ་སེམས་ཅན་གྱི་དོན་བྱའོ། །དེ་ནས་བརྟན་ན་བར་དོ་ལ་བར་དོར་ངོས་ཟིན་ནས་བདག་དང་གཞན་དོན་གྲུབ་པ་
2-2-156b
ལ་ཐེ་ཚོམ་མི་བྱའོ། །དེ་ཡང་འཆི་བའི་དུས་སུ་དབུགས་ཆད་དེ། ཞག་གཅིག་ལ་སྣང་བ་ནུབ་སྟེ་སྲོད་ལ་གཉིད་པ་འདྲའོ། །དེ་ནས་དག་པའི་སྒྱུ་ལུས་ཀྱི་དུས་དག་པའི་སྣང་བ་འཆར་ཏེ་ཐོ་རས་ཀྱི་རྨི་ལམ་དང་འདྲའོ༑ ༑དེའི་དུས་སུ་བར་དོ་ལ་བར་དོར་ཤེས་པ་ཙམ་གྱིས་ཟུང་འཇུག་གཉིས་སུ་མེད་པར་གྲོལ་ཏེ། རྨི་ལམ་རྨི་ལམ་དུ་ཤེས་པས་རྨི་ལམ་དུ་ཤེས་འཛིན་པ་རང་གྲོལ་དང་འདྲའོ། །དེ་ནས་ཞག་བདུན་ལོན་ནས་མི་སློབ་པའི་ཟུང་འཇུག་ཡོངས་སུ་རྫོགས་ཏེ། རྨི་ལམ་དེ་ཁོ་ན་ཉིད་ཤེས་པའི་དུས་སུ་སྤེལ་སྦྱང་མི་དགོས་པ་དང་འདྲའོ། །འདི་ནི་འབྲས་བུ་ཐོབ་དུས་དམ་པའོ། །གལ་ཏེ་དེ་ལྟར་བློས་འཁྱུད་པར་མ་ནུས་ན། རྨི་ལམ་ཟིན་པའི་རྣལ་འབྱོར་པ་རྣམས་འཆི་བའི་རྨི་ལམ་གྱི་ཉམས་མྱོང་བར་དོ་ཟིན་པའི་ཐབས་དུས་སུ་རང་གི་མགྲིན་པར་ཨཱཿདམར་པོ་འོད་དང་བཅས་པ་གཅིག་ལ་ཤེས་པ་གཏད། བར་དོ་ལ་བར་དོར་ཤེས་པར་བྱའོ་སྙམ་པའི་འདུན་པ་ཡང་བཏང་པས། རྨི་ལམ་གྱི་ཉམས་སུ་མྱོང་བའི་སྟོབས་ལས་ངེས་པར་ངོ་ཤེས་པར་འགྱུར་ཏེ། དེ་ཡང་རྨི་ལམ་དེ་ཁོ་ན་ཉིད་དུ་སྦྱང་པ་ལ་གོམས་ན། བར་དོ་དང་པོ་འོད་གསལ་ངོས་ཟིན། སྤེལ་བ་དང་བསྒྱུར་བ་ལ་གོམས་ན་བར་དོ་གཉིས་པ་སྒྱུ་ལུས་ངོས་ཟིན་ནོ། །གལ་ཏེ་རྣལ་འབྱོར་པ་རྨི་ལམ་སྦྱང་པ་ལ་གོམས་པར་མ་གྱུར་ཀྱང་། རྨི་ལམ་ཟིན་པ་ཙམ་གྱིས་ཉམས་སུ་མྱོང་པ་ཡོད་ཀྱང་། བར་དོའི་མངལ་
2-2-157a
༄༅། །དགག་པ་དང་། གདམས་པ་ཚེགས་མེད་པར་འགྲུབ་པ་ལ་ཐེ་ཚོམ་མི་བྱའོ། །དེ་ནས་རྨི་ལམ་གྱི་གདམས་པ་འདི་རྗེས་ཐོབ་སྔོན་ལ་སྦྱོང་བ། བར་དོ་སྔོན་དུ་འདོན་པ། འཁྲུལ་པ་ཡེ་ཤེས་སུ་བསྒྱུར་བ༑ བར་ཆད་དངོས་གྲུབ་ཏུ་སེལ་བ་བྱ་བ་ཡིན་གསུང་ངོ་། །རྨི་ལམ་དང་བར་དོ་བསྲེས་ཏེ་སྦྱང་པ་འདི་ཡང་ཀུན་ལ་མེད་པའི་གདམས་ངག་འབྲེལ་པ་གསུམ་ལྡན་ཨྠྀི།། །།
༄། །རྗེས་ཀྱི་གདམས་ངག
རྗེས་ཀྱི་གདམས་ངག་འདི་མཚན་མོའི་རྨི་ལམ་ཟིན་ཅིང་སྦྱང་པའི་ནང་པར་ཏེ། དེ་ལ་གཉིས་ལས། དབང་པོ་རབ་ཀྱིས་རྨི་ལམ་གྱི་ངོ་བོར་ཁྱེར་བ་དང་། འབྲིང་གིས་རྒྱས་འདེབས་རོ་སྙོམས་སུ་ཁྱེར་ཤེས་པའོ། །དང་པོ་མདང་གི་རྨི་ལམ་དང་ད་ལྟའི་སྣང་བ་འདི་ལ་ཁྱད་མེད་དེ། དཔེར་ན་རྨི་ལམ་སྔ་ཕྱི་དང་འདྲའོ། །རྨི་ལམ་དུ་བླ་མ་ནཱ་རོ་པ་དང་ཞལ་མཇལ་བ་དང་། དེ་རིང་བླ་མ་ནཱ་རོ་པ་བསྒོམ་པ་ཁྱད་མེད་དེ། །རྨི་ལམ་དུ་ཡང་དེ་ལྟར་ཁྱེར། བློ་ཡང་དེ་ཀ་རང་སྐྱེའོ། །གལ་ཏེ་དེ་ལྟར་སྐྱེ་བར་མ་ནུས་ན། དབང་པོ་འབྲིང་ཡིན་ཏེ། དེའི་རྗེས་ལམ་དུ་ཁྱེར་ལུགས་ལ་གསུམ་ཏེ། རྒྱས་འདེབས་བསྒོམ་པ་དང་། བསྲེས་ཏེ་བསྒོམ་པ་དང་། རོ་མཉམ་སྟེ་བསྒོམ་པའོ། །དང་པོ་ནི། མདང་གི་རྨི་ལམ་ཉམས་སུ་མྱོང་བ་དེས་དེ་རིང་གི་སྣང་བ་རྒྱས་འདེབས་ཤིང་སྒོམ་པའོ། །གཉིས་པ་བསྲེས་ཏེ་བསྒོམ་པ་ལ་གཉིས། བདེ་བ་ཆེན་པོར་བསྲེ་བ་དང་། སྐུ་གསུམ་རོ་གཅིག་གི་བསྲེ་
2-2-157b
བའོ༑ ༑དང་པོ་ནི། རང་གི་ལུས་སྒྱུ་མར་སྣང་བ་དང་། རྨི་ལམ་གྱི་ལུས་སུ་བསྲེ། རྨི་ལམ་གྱི་དུས་དང་ད་ལྟར་གྱི་སྣང་བ་ཐམས་ཅད་བསྲེ་སྟེ། སྐུ་བདེ་བ་ཆེན་པོའི་མན་ངག་གོ །རང་གི་ངག་བྲག་ཆ་དང་རྨི་ལམ་གྱི་ངག་ཏུ་བསྲེ། རྨི་ལམ་གྱི་ངག་དང་ད་ལྟར་གྱི་སྒྲ་བསྟོད་སྨད་ཀྱི་སྙན་མི་སྙན་དུ་མ་ལ་བསྲེས་ཏེ། གསུང་བ་བདེ་བ་ཆེན་པོའི་མན་ངག་གོ །རང་གི་སེམས་སྒྱུ་མ་རང་གྲོལ་དང་རྨི་ལམ་དུ་འཛིན་པའི་སེམས་བསྲེ། རྨི་ལམ་གྱི་སེམས་ད་ལྟར་གྱི་རྣམ་རྟོག་འགྲོ་དྲུག་གི་རྣམ་འཕྲུལ་ཐམས་ཅད་བསྲེ་སྟེ། ཐུགས་བདེ་བ་ཆེན་པོའི་མན་ངག་གོ ། བདེ་བ་ཆེན་པོར་བསྲེ་བ་འབྲེལ་པ་གསུམ་ལྡན་གྱི་གདམས་པ། ཨྠྀི།། །།གཉིས་པ་སྐུ་གསུམ་རོ་གཅིག་ཏུ་བསྲེ་བ་ནི། ད་ལྟར་གྱི་དུས་ལ་ཆོས་སྐུ་ལ་ངོ་སྤྲོད་པ་དང་། རྨི་ལམ་གྱི་དུས་ལོངས་སྐུ་ལ་རྩལ་སྦྱང་པ་དང་། བར་དོའི་དུས་སུ་སྤྲུལ་སྐུར་གཞན་དོན་བྱ་བའོ། །དང་པོ་ནི། བླ་མ་རིན་པོ་ཆེའི་བཞེད་པས། ཆོས་ཐམས་ཅད་སེམས་ཉིད་ལྷན་ཅིག་སྐྱེས་པ་དང་སྣང་བ་ལྷན་ཅིག་སྐྱེས་པར་འདུས་པས། སྣང་བ་དང་སེམས་ཉིད་ལ་ཐ་དད་མེད། སེམས་ཉིད་འོད་གསལ་གཉུག་མ་དང་ཐ་དད་མེད་དེ། དེ་རང་བཞིན་གྱི་མྱ་ངན་ལས་འདས་པ་བྱ་བ་ཡིན། ལྷན་ཅིག་སྐྱེས་པའི་ཡེ་ཤེས་བྱ་བའོ། །དེ་ཀ་ཆོས་ཀྱི་སྐུ་སྟེ། དེ་སྣང་བ་འདི་ལ་ལོགས་སུ་མི་རྩལ་ཞིང་མི་སྒྲུབ་པོ། །དེ་ཉིད་སྣང་བ་ཆོས་ཀྱི་སྐུ། སྟོང་པ་ཆོས་ཀྱི་སྐུ། 
2-2-158a
༄༅། །གཉིས་མེད་ཆོས་ཀྱི་སྐུ་རྟོགས་པར་དེ་ལྟར་གོམས་པ་ཉམས་སུ་མྱོང་པས། ལམ་གྱི་གྲུབ་དགོས་ལ། རྨི་ལམ་དུ་གྲུབ་པས་བར་དོའི་ཚད་མར་གྱུར་གསུང་། དང་པོ་སྤྲིན་དང་འདྲ་བ་ཡིན། །གྲུབ་པ་སྒྱུ་མ་ལྟ་བུར་གྱུར། །དེ་ཉལ་ལོག་པའི་ཁྱད་པར་ལས། །རྟག་ཏུ་རྨི་ལམ་དྲན་པར་འགྱུར། །ཞེས་པའི་ཚུལ་གྱིས་བྱ་སྟེ། ངན་ཞིང་དོར་བའི་ཆོས་རྡུལ་ཙམ་ཡང་མེད་ཅིང་། འདི་ཉིད་སྣང་བ་བདོ་ཙ་ན་སྟོང་། སྟོང་བདོ་ཙ་ན་སྣང་བ་ལ་སོགས་སྒྱུ་མའི་ཚུལ་དུ་གནས་པས་རྨི་ལམ་གྱི་དུས་སུ་ལུངས་སྐུ་ལ་རྩལ་སྦྱང་དགོས་ཏེ། དེ་དེ་ཉིད་རང་ཆོས་སྐུ་ཡིན་ཡང་ངོ་མ་ཤེས་ཤིང་རྩལ་མ་རྫོགས་པས། གོང་ཙམ་དུ་ལས་པས་འཁྲུལ་པ་དེ་དངོས་སུ་གཅོད་མ་ནུས་པའི་མངོན་གྱུར་དུ་སོང་པས་ནི། ཉམས་མྱོང་དང་མ་འབྲེལ་བས་གོ་མ་ཆོད་པའོ་ལྟར་མ་གྱུར་ན་རང་མཚན་རང་གི་བདུད་དུ་བབས་པ་འདྲའོ། །དེའི་གདམས་པ་སྔར་བཤད་པ་ལྟར། དེ་ལྟར་ལོངས་སྐུ་ལ་འབྱོངས་པས་བར་དོ་ལས་ངེས་པར་ཟིན་མ་ཟིན་གདོན་མི་ཟ་བས། བར་དོ་ལ་བར་དོར་ངོ་ཤེས་པའི་དུས་སུ་སྤྲུལ་པ་དཔག་ཏུ་མེད་པ་འགྱེད་པ་ནི་སྤྲུལ་སྐུས་འགྲོ་དོན་བྱེད་པ་སྟེ། དེ་ནི་སྒྱུ་མ་གསུམ་རྒྱུད་ཀྱི་གདམས་ངག་ཞེས་བྱ། དུས་གསུམ་མཉམ་སྦྱོར་གྱི་གདམས་ངག་ཞེས་བྱ། བསྲེ་བ་བསྐོར་གསུམ་གྱི་གདམས་ངག་ཞེས་བྱའོ། །སྐུ་གསུམ་རོ་གཅིག་ཏུ་བསྲེ་བ་འབྲེལ་པ་གསུམ་ལྡན་གྱི་གདམས་ངག །ཨྠྀི།། །།རྗེས་གསུམ་ལ་རོ་མཉམ་སྟེ། བསྒོམ་པ་ལ་གཉིས་ཏེ། རོ་སྙོམས་དངོས་དང་། དེ་རྣམས་ལ་ཡ་ང་བ་
2-2-158b
སྤང་བའི་གདམས་ངག་གོ །དང་པོ་ལ་ལྔ་སྟེ། སྐུ་སྒྱུ་མར་བྱིན་གྱིས་རླབས་པ་དང་། གསུང་སྒྱུ་མར་བྱིན་གྱིས་རླབས་པ་དང་། ཐུགས་སྒྱུ་མར་བྱིན་གྱིས་རླབས་པ་དང་། དགེ་བ་སྒྱུ་མར་བྱིན་གྱིས་རླབས་པ་དང་། སྡིག་པ་སྒྱུ་མར་བྱིན་གྱིས་རླབས་པའོ། །དེ་རྣམས་ཀྱང་བསྡུས་ན་གཉིས་ཏེ། འཁོར་ལོ་སྒྱུ་མར་བྱིན་གྱིས་རླབས་པ་དང་། མྱ་ངན་ལས་འདས་པ་སྒྱུ་མར་བྱིན་གྱིས་བརླབ་པའོ། །གཉིས་པ་དེ་རྣམས་ལ་ཡ་ང་བ་སྤང་བའི་གདམས་ངག་ནི། རང་གི་མགྲིན་པར་རྡོ་རྗེ་སེམས་དཔའ་དཀར་པོ་བཀོད་ལ། དེ་ལ་འོད་ཟེར་འཕྲོས་ཏེ། སེམས་ཅན་གྱི་འཇིག་རྟེན་གྱི་ཁམས་ཐམས་ཅད་སྦྱང་ཞིང་དག་པར་བྱས་ནས་རྡོ་རྗེ་སེམས་དཔར་བསམ༑ སངས་རྒྱས་ཀྱི་ཞིང་ཁམས་ཐམས་ཅད་དུ་མཆོད་པའི་སྤྲིན་ཕུང་དཔག་ཏུ་མེད་པས་གཏིབས་ནས་ཚོགས་བསགས་ཏེ། ་དེ་རྣམས་རང་གིས་བྱས་པའི་སྒྱུ་མའི་རྣམ་པར་བསམ། དེ་རྗེས་ཁོ་ན་ལ་རང་གི་མགྲིན་པར་རིགས་དྲུག་གི་ས་བོན་ལས། རིགས་དྲུག་གི་སྡིག་པ་དང་སྡུག་བསྔལ་དུ་བཅས་པ་བསམས་ལ། དེ་ཡང་རང་གིས་བྱས་པའི་སྒྱུ་མའི་རྣམ་འཕྲུལ་དུ་བསམ་ལ། དེ་ལྟར་སྐད་ཅིག་སྔ་ཕྱི་རུ་སྤེལ་ཞིང་བསྒོམས་པས། དགེ་སྡིག་ཐམས་ཅད་སྒྱུ་མར་རོ་མཉམ་པའི་རྟོགས་པ་ཤུགས་ལ་འཆར་བར་འགྱུར་ཏོ། །རྗེས་འབྲེལ་པ་གསུམ་ལྡན་གྱི་གདམས་པ། །ཨྠྀི།། །།མཁའ་འགྲོ་མ་ཐམས་ཅད་ཀྱི་ཡང་སྙིང་། རྨི་ལམ་
2-2-159a
༄༅། །འབྲེལ་པ་གསུམ་ལྡན་རྫོགས་སོ། །ལས་ཅན་རྣམས་དང་དཔེ་འདི་འཕྲད་པར་གྱུར་ཅིག །སྐལ་མེད་རྣམས་ཀྱི་ལག་ཏུ་མི་འགྲོ་བའི་ཕྲིན་ལས་འདི་ནི། རྡོ་རྗེ་འཛིན་པའི་ས་མཁའ་འགྲོ་རྣམས་ལ་གཏད་ཀྱིས། སྐྱོངས་ཤིག །ཀྱེ་བཀའ་རྒྱས་བཏབ། དེས་རྒྱས་བཏབ་པོ། །ཤུབྷཱཾ།། །།
༄༅། །བར་དོ་བཀའ་རྒྱ་མ་བཞུགས་སོ། །
༄། །བར་དོར་འཁོར་བར་འཁྱམས་ལུགས།
༄༅། །བར་དོ་བཀའ་རྒྱ་མ་བཞུགས་སོ། །ན་མོ་གུ་རུ། སྣང་བ་ཐིམ་པ་དང་རྟོག་པ་ཐིམ། །རགས་པ་ཐིམ་དང་ཕྲ་བ་ཐིམ། །ཐིམ་པའི་རྗེས་ལ་འོད་གསལ་དང་། །ཟུང་འཇུག་སྐུ་ནི་ངེས་པར་འཆར། །ཟུང་འཇུག་ལ་ཡང་རྣམ་གཉིས་ཏེ། །སློབ་པ་དང་ནི་མི་སློབ་པའོ། །མི་སློབ་པ་རུ་གྱུར་ཙམ་ན། །འབྲས་བུ་ཐོབ་ཅེས་བསྟན་པའོ། །སྣང་བའི་རིགས་པ་ཐིམ་པ་ལ་གཉིས་ཏེ། ཡུལ་ཐིམ་པ་དང་འབྱུང་བ་ཐིམ་པའོ། །དང་པོ་ཡུལ་ཐིམ་པ་ནི། གཟུགས་སྒྲ་ལ་ཐིམ་ཙམ་ན། མིག་ཅུང་ཟད་རྟུལ་དུ་འགྲོ་སྟེ། རང་གིས་ཚོར་མ་ཚོར་རུང་རྒྱང་མིག་མི་མཐོང་། སྒྲ་དྲི་ལ་ཐིམ་ཙམ་ན་རྣ་བ་ཅུང་ཟད་འོན་དུ་འགྲོ། དྲི་རོ་ལ་ཐིམ་ཙམ་ན་སྣས་ཅུང་ཟད་དྲི་མི་ཚོར། རོ་རེག་བྱ་ལ་ཐིམ་ཙམ་ན། ལྕེས་རོ་མི་ཚོགས། རེག་བྱ་འབྱུང་བ་ཆེན་པོ་བཞི་ལ་ཐིམ་ཙམ་ན། ལུས་ཀྱིས་འཇམ་རྩུབ་ལ་སོགས་པ་རེག་བྱ་ཅུང་ཟད་ཙམ་མི་ཚོར། ས་ཆུ་ལ་ཐིམ་ཙམ་ན་ཆུ་ནང་དུ་
2-2-159b
རྡོ་བ་བཞིན་སོང་ནས། ལུས་དམའ་ཐིམ་ཐིམ་སོང་བ་སྙམ་བྱེད། ང་ཡར་ཁྱོག་དང་ཟེར་དགོས་པ་སྤོང་། ཆུ་མེ་ལ་ཐིམ་ཙམ་ན། གྲེ་ཕུགས་སྐམ་ཆོམས་ཀྱིས་འགྲོ། ནད་གཡོག་པས་ལྟས་ཙ་ཁ་སྣ་ཆུ་བྲུག་པ་འདྲ། ཡང་ན་སྐམ་ཆོམས། གདོང་པ་ཧཾ་སྐྱ་བོར་འགྲོ། མེ་རླུང་ལ་ཐིམ་ཙམ་ན། རྐང་མཐིལ་ལས་སོགས་པའི་དྲོད་འཆོར། རླུང་རྣམ་པར་ཤེས་པ་ལ་ཐིམ་ཙམ་ན། དབུགས་མི་བདེ་ཀར་ལ་ནང་དུ་བསྡུད་མི་ཤེས་ཏེ། ངར་ངར་ལ་རྐང་ལག་གཡབ་ལ་ཤི་འཕྲས་བྱེད་པ་འོང་། དེ་དག་ནི་འབྱུང་བ་ཐིམ་པའོ། །དེ་ལྟར་ཡུལ་ཐིམ་པ་དང་འབྱུང་བ་ཐིམ་པར་གཉིས་སོ། །སྣང་བ་ཐིམ་པ་ཞེས་བྱ། རགས་པ་ཐིམ་ཞེས་བསྟན་ཏེ། ད་ནི་རྟོག་པ་ཐིམ་པའམ། ཕྲ་བ་ཐིམ་པའི་ཐིམ་ལུགས་ནི། རྣམ་ཤེས་སྣང་བ་ལ་ཐིམ་ཙམ་ན། ཕྱི་དབུགས་ཆད་ནས་ནང་དབུགས་མ་ཆད་པའི་སྐབས་སུ། སྐད་ཅིག་མ་བཞི་ལ་ཕྱི་རྟགས་དང་ནང་རྟགས་འཆར་ཏེ། སྐད་ཅིག་མ་དང་པོ་ལ། ཕྱི་རྟགས་ཟླ་བ་ཤར་བ་ལྟ་བུ་སྣང་བ་དཀར་ལམ་པ་གཅིག་འོང་། ནང་རྟགས་དུ་བ་ལྟ་བུ་ཤེས་པ་བན་བུན་འོང་། དེ་ལ་སྣང་བའི་ཡེ་ཤེས་ཞེས་བྱ་སྟེ། དེའི་དུས་སུ་ཞེ་སྡང་ལས་གྱུར་པའི་རྟོག་པ་སུམ་བཅུ་སོ་གསུམ་འགགས་པས་སྟོང་པ་ཞེས་བྱའོ། །གཉིས་པ་ལ། ཕྱི་རྟགས་ཉི་མ་ཤར་བ་ལྟ་བུ་སྣང་བ་དམར་ལམ་པ་གཅིག་འོང་། ནང་རྟགས་སུ་སྲིན་བུ་མེ་ཁྱེར་བ་ལྟ་བུ་ཡེ་ཤེས་སྐེམ་པ་གཅིག་འོང་། 
2-2-160a
༄༅། །དེ་ལ་སྣང་བ་མཆེད་པའི་ཡེ་ཤེས་ཞེས་བྱ་སྟེ། འདོད་ཆགས་ལས་གྱུར་པའི་རྟོག་པ་བཞི་བཅུ་འགགས་པས་ཡེ་ཤེས་ཅེས་བྱ། གསུམ་པ་ལ། ཕྱི་རྟགས་མུན་བསྲོས་པ་ལྟ་བུ་ནག་ཐིབ་པ་ཅིག་འོང་། ནང་རྟགས་སུ་མར་མེ་རླུང་གིས་མ་བསྐྱོད་པ་ལྟ་བུ་གསལ་ལ་རྟོག་པ་མེད་པ་གསལ་སིང་ངེ་བ་ཅིག་འོང་། དེ་ལ་སྣང་བ་ཉེ་བར་ཐོབ་པའི་ཡེ་ཤེས་ཅེས་བྱ་སྟེ། གཏི་མུག་ལས་གྱུར་པའི་རྟོག་པ་བདུན་འགགས་པས༑ ཤིན་ཏུ་སྟོང་པ་ཞེས་བྱའོ། །བཞི་པ་ལ། ཕྱི་རྟགས་སྐྱ་རེངས་ཤར་བ་ལྟ་བུ། སྐྱ་སེང་ངེ་བ་ཅིག་འོང་། ནང་རྟགས་ནམ་མཁའ་སྤྲིན་དེངས་པ་ལྟ་བུ་ཆོས་ཉིད་མངོན་དུ་བྱེད་དོ། །དེ་ལ་འོད་གསལ་ཅེས་བྱའོ༑ ༑རང་བཞིན་བརྒྱད་བཅུ་ལ་སོགས་ཕྲ་རགས་ཐམས་ཅད་འགག །ཐམས་ཅད་སྟོང་པ་ཞེས་བྱའོ། །དེ་ལྟ་བུའི་འོད་གསལ་ཐམས་ཅད་སྟོང་པ་དེ། མཚམས་མེད་པ་ལྔའི་ལས་བྱས་པ་དེ་ཡན་ཆད་ཀྱི་སེམས་ཅན་ཐམས་ཅད་ཀྱིས་ཉམས་སུ་མི་མྱོང་མི་སྲིད་དོ། །དེ་ལྟ་བུའི་འོད་གསལ་སྟོང་པ་དེའི་མིང་གི་རྣམས་གྲངས་ནི། འཆི་བའི་འོད་གསལ་ཞེས་བྱ་བ། རང་བཞིན་གྱི་འོད་གསལ་ཞེས་བྱ། འཆི་བ་ཆོས་སྐུ་ཞེས་བྱ། འཆི་བ་དོན་དམ་པའི་བདེན་པ་ཞེས་བྱ། འཆི་བ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །རྒྱུད་རྣམས་སུ་གྲགས་སོ། །སེམ་ཅན་གྱིས་དེ་ཉམས་སུ་མྱོང་མོད་ཀྱི། གདམས་ངག་མེད་པར་ངོ་མ་ཤེས་པའི་སྐྱོན་
2-2-160b
གྱིས་འཁོར་བར་འཁྱམས་པའོ། །དེ་བས་ན་བར་དོའི་གདམས་ངག་འདི་ཤིན་ཏུ་གཅེས་སོ། །དེ་ལས་ངོ་མ་ཤེས་པར་ཆུ་ལས་གསུམ་འཕར་བ་ལྟར་བར་དོའི་ཡིད་ཀྱི་ལུས་སུ་ཀྲོང་གིས་བལྟའོ། །ལུས་དེའི་མཚན་ཉིད་ནི། སྔོན་འབྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་རྒྱུ། །ལས་ཀྱི་རྫུ་འཕྲུལ་ཤུགས་དང་ལྡན། །རིགས་མཐུན་ལྷ་མིག་དག་པས་མཐོང་། །གསུངས་པས། སྔོན་འབྱུང་ཞེས་པ་ནི། བར་དོའི་ལུས་གཉིས་ལ་འགྲོ་སྟེ། སྐྱེ་བ་སྔ་མར་བཞག་པའི་ལུས་དང་། སྐྱེ་བ་ཕྱི་མར་ལེན་པའི་ལུས་སོ། །དེ་ཡང་ཞག་བདུན་ཕྲག་དང་པོའི་དབང་དུ་བྱས་ན། ཞག་ཕྱེད་དང་བཞི་ཕན་ཆད་སྐྱེ་བ་སྔ་མའི་ལུས་སུ་སྣང་ཞིང་། བག་ཆགས་ལ་སྤྱོད་དོ། །སྔོན་གྱི་ཡུལ་དང་ཁང་ཁྱིམ་ལ་སོགས་པར་ཕྱིན་པ་དང་། གཉེན་ལ་སོགས་པ་དང་ཕྲད་པ་སྙམ་བྱེད། སྣང་བ་སྣ་ཚོགས་ལ་ཕྱད་སྤྱོད་ཡད་ཡུད་དུ་འོང་སྟེ། བར་དོ་ཡིན་པར་ངོ་ཤེས་པར་མི་འོང་སྟེ། དེ་ལ་མ་དག་པའི་སྒྱུ་ལུས་ཞེས་བྱའོ། །དེ་ཕྱེད་དང་བཞི་ལོན་ནས་སྐྱེ་བ་ཕྱི་མའི་ལུས་སུ་སྣང་བས། ཨ་བ་ང་ཤི་ནས་འདུག་སྙམ་པ་ཅིག་འོང་སྟེ། བར་དོའི་གདམས་ངག་མེད་པ་རྣམས་ནི༑ སྔར་གྱི་ཡོ་བྱད་དང་དགྲ་ལ་སོགས་པ་ཆགས་སྡང་དྲག་པོ་དེ་ཉིད་ལས་སྐྱེ་སྟེ། དེས་སྡུག་བསྔལ་གྱི་ཁ་རྒྱུད་དེ། ཁམས་གསུམ་དུ་འཁོར་ལོ། །དེ་བས་ན་བར་དོའི་གདམས་ངག་འདི་མེད་ཐབས་མེད་དོ། །དེ་
2-2-161a
༄༅། །ནས་ཞག་བཞི་བཅུ་རྩ་དགུ་ཚོན་ཆོད་ལ། བར་དོར་སྡུག་བསྔལ་རྣམ་པ་སྣ་ཚོགས་མྱོང་ངོ་། །དེས་སྐྱེ་བ་ལེན་པར་འགྱུར་རོ། །སྐྱེ་བ་ལེན་ལུགས་ནི། བརྫུས་སྐྱེས་དང་། དྲོད་གཤེར་ལས་སོགས་པར་སྐྱེ་བ་ཡིན། ཁང་བཟང་ངམ་བྱ་སྐྱིབས་ལ་སོགས་པ་ལ་ཆགས་ཏེ། དེར་གནས་པ་ལ་སོགས་མངལ་སྐྱེས་ན་སྲོག་ཆགས་གང་དུ་སྐྱེ་བ་དེའི་ཕ་མ་ཆགས་པ་སྤྱོད་པ་མཐོང་ནས། ཕོར་སྐྱེ་ན་མ་ལ་འདོད་ཆགས་སྐྱེ༑ ཕ་ལ་ཞེ་སྡང་སྐྱེ། མངལ་དུ་ཞུགས་ཏེ་འཁོར་བར་འཁྱམས་སོ། །བར་དོར་འཁོར་བར་འཁྱམས་ལུགས་རྫོགས་སོ།། །།
༄། །བར་དོའི་ལམ་ལོག་པ་དེར་མ་ནོར་ཞིང་བླ་ན་མེད་པའི་ལམ་དེར་དགོད་པ།
ད་ནི་བླ་མ་དམ་པའི་གདམས་ངག་གིས། བར་དོའི་ལམ་ལོག་པ་དེར་མ་ནོར་ཞིང་བླ་ན་མེད་པའི་ལམ་དེར་དགོད་པ་ནི། དང་པོ་གཟུགས་སྒྲ་ལ་ཐིམ་པ་ལ་སོགས་པའི་རྟགས་རེ་རེ་ནས་གཅིག་ཀྱང་མ་ནོར་བར་བྱས་ལ། རྟགས་རེ་རེ་རྗེད་བསྐུལ་བྱ་ཞིང་བླ་མའི་གདམས་ངག་བསྒོམ་མོ། །བླ་མའི་གདམས་ངག་ནི། དང་པོ་གཟུགས་སྒྲ་ལ་ཐིམ་པའི་རྟགས་བྱུང་པའི་དུས་སུ། སྔོན་འགྲོ་གསུམ། དངོས་གཞི་གཅིག་སྟེ་བཞི་ཉམས་སུ་བླང་པར་བྱའོ། །སྔོན་འགྲོ་གསུམ། སྙིང་རྗེ་བྱང་ཆུབ་ཀྱི་སེམས་བསྒོམ་པ་དང་། རང་གི་བླ་མ་དྲན་པ་དང་། ཡི་དམ་གྱི་ལྷ་དྲན་པའོ། །ཡི་དམ་གྱི་ལྷ་དྲན་པའོ། །དང་པོ་སྙིང་རྗེ་བྱང་ཆུབ་ཀྱི་སེམས་དྲན་པ་ནི། འོ་ང་འཆི་བར་འདུག་པས། བར་དོའི་གདམས་ངག་དྲན་པར་བྱའོ་སྙམ་དུ་
2-2-161b
བསམ༑ བར་དོ་དང་པོ་འོད་གསལ་ངོ་ཤེས་པར་བྱས་ལ། དེ་ལ་ཟིན་པར་བྱ། དེ་ལ་མ་ཟིན་ན། གཉིས་པ་སྒྱུ་ལུས་ཀྱི་བར་དོ་ཤེས་པར་བྱའོ། །དེར་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་བྱས་ལ། ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ལ་ཉེ་རིང་མེད་པར་ཕན་ཅིང་ཐོགས་གཅིག་བྱ་དགོས་སྙམ་དུ་བསམ་མོ། །རང་གི་བླ་མ་དྲན་པ་ནི། བླ་མ་མདུན་དུ་ཡེར་གྱིས་དྲན་པར་བཞུགས་པར་བསམ་ལ༑ མོས་གུས་དུངས་པ་ཅིག་བྱས་ལ་གསོལ་བ་གདབ་པོ། །ཡི་དམ་གྱི་ལྷ་དྲན་པ་ནི། ལུས་ལྷའི་སྐུར་ཝལ་གྱིས་བསྒོམ། སྔོན་འགྲོ་གསུམ་མོ། །དངོས་གཞི་གཅིག་པོ་ནི་སེམས་ཕྱག་རྒྱ་ཆེན་པོ་སྟེ། རིག་པ་མ་བཅོས་པའི་ངང་ལ་ལྷོད་ཀྱིས་ཀློད་ལ་ཙེན་གྱིས་བཞག་གོ །དེ་ལྟར་གཟུགས་སྒྲ་ལ་ཐིམ་པ་དང་། སྒྲ་དྲི་ལ་ཐིམ་པ་དང་། དྲི་རོ་ལ་ཐིམ་པ་དང་། རོ་རེག་བྱ་ལ་ཐིམ་པ་དང་། རེག་བྱ་འབྱུང་བ་ཆེན་པོ་བཞི་ལ་ཐིམ་པ་དང་། འབྱུང་བ་ཆེན་པོ་བཞི་ཡང་། ས་ཆུ་ལ་ཐིམ་པ། མེ་རླུང་ལ་ཐིམ་པ་དང་། རླུང་རྣམ་པར་ཤེས་པ་ལ་ཐིམ་གྱི་བར་དུ། ཐད་སོ་ཐད་སོའི་རྟགས་རྣམས་མ་རྗེད་པར་དྲན་པས་བསྒྲིམས་ཏེ་ངོས་བཟུང་ལ། སོ་སོའི་རྟགས་ཐད་ཁར་བསྐུལ་ཅིང་། སྔོན་འགྲོ་གསུམ། །དངོས་གཞི་གཅིག་སྟེ་བཞི་པོ་ལས་མ་ཡེངས་པར་བྱའོ། །དེའི་རྗེས་ལ་ཕྱི་དབུགས་ཆད་ཀྱིས་ཆད། ནང་དབུགས་མ་ཆད་པའི་སྐབས་ཡུད་ཙམ་གཅིག་ལ། 
2-2-162a
༄༅། །རྟོག་པ་ཕྲ་བ་འབྱུང་སྟེ། སྣང་བའི་ཡེ་ཤེས་ཤར་བའི་རྟགས་དང་། སྣང་བ་མཆེད་པའི་ཡེ་ཤེས་ཤར་བའི་རྟགས་དང་། སྣང་བའི་ཉེ་བར་ཐོབ་པའི་ཡེ་ཤེས་ཤར་བའི་རྟགས་དང་། རང་བཞིན་གྱིས་འོད་གསལ་ཤར་བའི་རྟགས་འབྱུང་ངོ་། །རྟགས་དེ་རྣམས་ཀྱི་དུས་སུ་སྔོན་འགྲོ་གསུམ་བྱས་ནས། བློ་ཡུལ་དུ་འགྲོ་བས། སྔོན་འགྲོ་ལིངས་ཀྱིས་བཞག་ལ། རྟགས་རེ་རེ་ནས་དྲན་པ་བསྐུལ་ཞིང་། སེམས་ཕྱག་རྒྱ་ཆེན་པོ་བསྒོམ་ཞེས་བྱ་སྟེ། རིག་པ་གཉུག་མའི་ངང་དུ་ལྷོད་ལྷོད་ཀློད་ཀྱིན་ཙེན་ཙེན་བཞག་གོ །དེ་ལྟར་བསྒོམས་པས་རང་བཞིན་གྱི་འོད་གསལ་སེམས་ཅན་ཐམས་ཅད་ལ་རང་ཆས་སུ་སྔོན་སྟོང་པ་དེ་དང་། བསྒོམས་པའི་འོད་གསལ་གཉིས། བླ་མ་དམ་པའི་གདམས་ངག་དང་བྱིན་རླབས་ཀྱིས་སྔར་འདྲིས་པའི་མི་ཕྲད་པའམ། མ་དང་བུ་ཕྲད་པ་ལྟ་བུར་འཕྲད་པ་དང་ངོ་ཤེས་ཏེ། སྐད་ཅིག་མ་དེ་ཉིད་ལ་བག་ཆགས་དང་བཅས་པའི་རྣམ་པར་རྟོག་པའི་དྲི་མ་ལ་ལུས་པར་དྲུངས་ཕྱུང་སྟེ། འོད་གསལ་གྱི་མེས་བསྲེགས་ནས། སྐུ་གསུམ་མངོན་དུ་བྱེད་ཞེས་བྱ་སྟེ། ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་འགྱུར་རོ། །རབ་ཚེ་གཅིག་གིས་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་འགྱུར་རོ། །ཞེས་བྱའོ།། །།
༄། །དབང་པོ་འབྲིང་གིས་བར་དོར་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པའི་ལམ།
ན་མོ་གུ་རུ། འོད་གསལ་མ་ཟིན་ན་བར་དོར་དོན་གྲུབ་པར་བྱ་བ་ནི། སྒྱུ་ལུས་མ་ཡིན་ཏེ། དེ་ཡང་བདུན་ཕྲག་དང་
2-2-162b
པོའི་དབང་དུ་བྱས་ན། ཞག་ཕྱེད་དང་བཞི་ཚུན་ཆོད་བར་དོར་ངོ་ཤེས་པ་མེད་པས། མ་དག་པའི་སྒྱུ་ལུས་ཞེས་བྱ་སྟེ། དེར་རྨི་ལམ་བསྒོམ་དུ་མི་བཏུབ། ཞག་ཕྱེད་བཞི་པོ་ནས་ང་ཤི་བ་ཡིན་ཨང་སྙམ་པ་འོང་སྟེ། སྔོན་གྱི་དུས་སུ་བླ་མའི་གདམས་ངག་ལས། བར་དོ་ལ་བར་དོར་ངོ་ཤེས་པར་བྱའོ་གསུང་པ་དེ་དྲན་ནས། དེ་ཉིད་ལ་བར་དོ་ལ་བར་དོར་ངོ་ཤེས་ཏེ། ད་གདམས་ངག་བསྒོམ་དགོས་སྙམ་པ་ཞིག་འབྱུང་བས། སྔར་གྱི་སྣང་བ་མེད། རགས་པ་ཐིམ་པའི་དུས་ཀྱི་གདམས་ངག་སྔོན་འགྲོ་རྣམ་པ་གསུམ་སྟེ། སྙིང་རྗེ་དྲན་པ། བླ་མ་དྲན་པ། ཡི་དམ་གྱི་ལྷ་དྲན་པ་དང་དངོས་གཞི་གཅིག་སྟེ་བསྒོམ་མ་མོ་ཆེན་མོ་དྲན་པར་འགྱུར་རོ༑ ༑དེ་ནས་ཞག་བཞི་བཅུ་རྩ་དགུའི་བར་དུ། སྔོན་འགྲོ་གསུམ་དང་དངོས་གཞི་གཅིག་པུ་གོམས་པར་བྱས་པས་འོད་གསལ་གྱི་མེས་བག་བགས་ཀྱི་རྩ་བ་མ་ལུས་པ་དྲུངས་ཕྱུང་པའམ་བསྲེག་ནས། དག་པའི་སྒྱུ་ལུས་ཞེས་བྱ། སློབ་པའི་ཟུང་འཇུག་ཅེས་བྱའོ། །དེ་ནས་ཞག་བཞི་བཅུ་རྩ་དགུ་ལོན་པའི་སྐད་ཅིག་མ་དེ་ཉིད་ལ་སྐུ་གསུམ་མངོན་དུ་བྱེད། འབད་རྩོལ་དང་བྲལ་བ་དེ་ཉིད་དུ་མཆོག་ཐོབ་པར་འགྱུར་རོ། །དབང་པོ་འབྲིང་གིས་བར་དོར་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པའི་ལམ།། །།
༄། །བར་དོ་བཀའ་རྒྱ་མ། ཚེ་གཅིག་ལུས་གཅིག་གིས་སངས་རྒྱ་བའི་གདམས་པ་ཐུན་མོང་མ་ཡིན་པ།
ན་མོ་གུ་རུ། དེ་ལ་མ་ཐོབ་ན། གསུམ་པ་མངལ་སྒོ་དགག་པ་ནི། དགག་ཐབས་རྣམ་པ་ལྔ་སྟེ། བླ་མ་ཡབ་ཡུམ་གྱིས་དགག་
2-2-163a
༄༅། །པ་དང་། འོད་གསལ་གྱིས་དགག་པ་དང་། སྒྱུ་ལུས་ཀྱིས་དགག་པ་དང་། དྲན་པ་དང་འདུན་པས་དགག་པའོ། །དེ་ལ་དང་པོ་བླ་མ་ཡབ་ཡུམ་གྱིས་དགག་པ་ནི། རང་ཉིད་སྲོག་ཆགས་གང་དུ་སྐྱེ་བའི་ཕ་མ་ཆགས་པ་སྤྱོད་པ་མཐོང་བའི་ཚེ། ཕ་མ་ཡབ་ཡུམ་གྱིས་བདག་ལ་གསང་བའི་དབང་བསྐུར་བྱེད་པར་བསམ་ལ། དེ་ཉིད་ཀྱི་མོས་པ་སྐྱེས་ཏེ། ངེས་པར་ཆགས་སྡང་ལྡོག་པར་འགྱུར་རོ། །དེ་ནས་སྔར་གྱི་སྔོན་འགྲོ་གསུམ་ལ་སོགས་པ་བཞི་པོ་བསྒོམ་པར་བྱའོ། །དེས་མ་ཁེགས་ན། ཡི་དམ་གྱི་ལྷས་དགག་པ་ནི། ཕ་མ་གཉིས་པོ་དེ་ཡི་དམ་གྱི་ལྷ་ཡབ་ཡུམ་དུ་བསམ་ལ། ཡི་དམ་ཀྱི་ལྷའི་སྣང་བ་མངོན་སུམ་དུ་འཆར་རོ༑ ༑དེ་ལ་ཕྱག་དང་མཆོད་པ་བྱས་པས། ཆགས་སྡང་ལྡོག་སྟེ་སྔར་བཞིན་བསྒོམ་པར་བྱའོ། །ཕྱག་རྒྱ་ཆེན་པོ་ལ་སེམས་མ་བཅོས་པར་ལྷོད་ཀྱི་ཀློད་པའོ། །དེས་ཡང་མ་ཁེགས་ན་སྒྱུ་ལུས་ཀྱིས་དགག་པའོ། །ཕ་མ་ཡབ་ཡུམ་མཐོང་བའི་ཚེ། འདི་བདེན་ངེས་པ་སྒྱུ་མ་ཡིན། སྒྱུ་མ་ལ་ཆགས་སུ་ཅི་ཡོད་བསམ་པས་ཆགས་སྡང་ལྡོག་པར་འགྱུར་རོ། །སྔར་བཞིན་དུ་བསྒོམ་པར་བྱའོ། །དེས་མ་ཁེགས་ན་དྲན་པ་དང་འདུན་པས་དགག་པ་ནི། ཕ་མ་ཡབ་ཡུམ་མཐོང་བའི་ཚེ། ཨ་ཙ་མ་སྐྱུག་རེ་བྲོ་འདི་ལྟ་བུ་ཞིག་ཆགས་སྡང་མ་སྤྱོངས་པས། ཐོག་མ་མེད་པ་ནས་ཡུན་རིང་པོ་ཞིག་ཏུ། ཁམས་གསུམ་འཁོར་བའི་སྡུག་བསྔལ་ཅི་ཙམ་ཞིག་མྱོང་། 
2-2-163b
ད་ཡུད་ཙམ་ཞིག་ལ་འདི་ལ་ཆགས་པའི་དཔེ་ཡོད་དམ་སྙམ་དུ་ཧག་གིས་བྲོས་པར་བྱའོ། །དེ་ནས་ཆགས་སྡང་ལྡོག་སྟེ་སྔར་བཞིན་བསྒོམ་པར་བྱའོ། །གསུམ་པ་མངལ་སྒོ་དགག་པའི་གདམས་ངག་གོ །དེས་ཀྱང་ཁེགས་པར་མ་གྱུར་ནས་ངེས་པར་མངལ་དུ་སྐྱེ་སྲིད་ན། མངལ་སྒོ་བདམ་པའི་གདམས་ངག་ནི། སྐབས་འདིར་འགྲོ་དྲུག་ཐམས་ཅད་མེ་ལོང་གི་གཟུགས་བརྙན་བཞིན་དུ་གཅིག་ཏུ་མཐོང་བའོ། །འགྲོ་དྲུག་སྐད་ཅིག་མ་ལ་བསྐོར་ནུས་པའོ། །དེར་གང་དང་གང་དུ་ཕ་མ་ཡབ་ཡུམ་མཐོང་བ་དེ་དང་དེའི་ཚེ། དུད་འགྲོ་དང་མཛེ་སྤྲང་དང་། རིགས་ངན་ལ་སོགས་པའི་མི་འོས་པ་གང་དང་གང་མཐོང་ན་ཡང་། འདི་ལ་མི་ཞུགས་སྙམ་དུ་བསམ། ཧུར་ཧུར་བྲོས་པར་བྱ་ཞིང་། ཚངས་པའམ། བརྒྱ་བྱིན་ནམ། འཁོར་ལོས་བསྒྱུར་བའི་རྒྱལ་པོའམ། ཁྱིམ་བདག་འབྱོར་པ་ཅན་ནམ། གྲུབ་ཐོབ་བམ། པཎྜི་ཏ་ལ་སོགས་པ་བདམ་པར་བྱས་ལ་དེར་འཇུག་པའི་ཚེ། སྙིང་རྗེ་ཆེན་པོས་སེམས་ཅན་གྱི་དོན་དུ་བློ་བསྐྱེད་དེ། བླ་མ་ལ་གསོལ་བ་བཏབ་ལ། རང་ལྷའི་ང་རྒྱལ་གྱིས་མའི་མངལ་དུ་པད་ཉིའི་སྟེང་དུ། ཡི་དམ་ལྷའི་ས་བོན་ལས་ཡི་དམ་ལྷར་བསམ་ལ། བདག་གིས་སྐྱེ་བ་ཕྱི་མ་ལ་བླ་མ་ཚད་ལྡན་བྱིན་རླབས་ཅན་གཅིག་དང་མཇལ་བར་གྱུར་ཅིག །ཡི་དམ་ལྷ་འདི་ཉིད་ཀྱི་སྐུར་འགྱུར་ཏེ། ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་ནས། སེམས་ཅན་གྱི་
2-2-164a
༄༅། །དོན་ཡོངས་སུ་རྫོགས་པར་བྱེད་པ་གཅིག་ཏུ་གྱུར་ཅིག །ཅེས་སྨོན་ལམ་བཏབ་ལ། ལྷ་ལ་ལྷ་ཐིམ་པའི་ཚུལ་གྱིས་མའི་མངལ་དུ་ཞུགས་པར་བྱའོ། །དེས་མའི་མངལ་དུ་ཡང་སྡུག་བསྔལ་མེད་ཅིང་ཚ་བར་འགྱུར་རོ། །དེར་ཚེ་འདི་ཉིད་ལ་བླ་མ་མཚན་ལྡན་བྱིན་རླབས་ཅན་ཅིག་དང་མཇལ་ཏེ། ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་ནས། གཟུགས་སྐུ་རྣམ་པ་གཉིས་ཀྱིས་སེམས་ཅན་ཐམས་ཅད་ཀྱི་དོན་མཐར་འབྱིན་པར་འགྱུར་རོ། །འདི་ནི་བྱང་ཆུབ་སེམས་དཔའ་བསམ་བཞིན་དུ་མའི་མངལ་དུ་འཇུག་པ་ཞེས་བྱའོ། །སྐྱེ་བ་ལ་རང་དབང་ཐོབ་པ་ཞེས་བྱའོ། །སུ་ལ་ཡང་བསྟན་དུ་མི་རུང་ངོ་། །རང་འཆི་འཆི་འདྲ་ན༑ ཡིག་གེ་འདི་མེ་ལྷའི་ཕྱག་ཏུ་ཕུལ་ཅིག །བར་དོ་བཀའ་རྒྱ་མ། ཚེ་གཅིག་ལུས་གཅིག་གིས་སངས་རྒྱ་བའི་གདམས་པ་ཐུན་མོང་མ་ཡིན་པ་རྫོགས་སོ།། །།
༄༅། །གེགས་སེལ་ཐོར་བུ་པ་རྣམས་བཞུགས་སོ། །
༄༅། །གེགས་སེལ་ཐོར་བུ་པ་རྣམས་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །རིན་པོ་ཆེའི་ཞལ་ནས། དམིགས་པ་ཐོར་བུ་འདི་ལྟར་བསྒོམ་གསུང་། ཚེ་བསྲིང་བར་འདོད་ན། ནང་པར་སད་མ་ཐག་ཏུ་ཁ་ཤར་དུ་བལྟས་ལ། སེམས་ཅན་ཚེ་ཐུང་རྣམས་ཀྱི་ཚེ་བསྲིང་བར་བྱ་སྙམ་དུ་སེམས་བསྐྱེད་ལ། རྩ་ཐམས་ཅད་རྐང་མཐིལ་ནས་སྤྱི་བོའི་བར་དུ་སྒྲོ་རྩ་གཤིབས་པ་བཞིན་དུ་ཟུག་པར་བསམ། བླ་མ་སྤྱི་བོར་
2-2-164b
བསམས་ལ་བདུད་རྩིར་ཞུ་བས་རྩ་རྣམས་ཁེངས་པར་བསམ་མོ། །དེས་ཚེ་བསྲིང་བར་བསམ་ལ་ཡང་ཡང་བསྒོམ་མོ། །ཡང་རིན་པོ་ཆེའི་ཞལ་ནས། འཇིགས་ཤིང་ཉམས་ང་བ་བྱུང་ན་རང་ཉིད་ཐུགས་རྗེ་ཆེན་པོར་བསྒོམ་ལ། དེའི་སྙིང་གི་དཀྱིལ་དུ་ཧྲིཿདམར་པོ་གཅིག་བསམ། ཧྲིཿ དེ་ལས་འོད་འཕྲོས་པས་འཇིགས་ཤིང་ཉམས་ང་བ་ཐམས་ཅད་ཧྲིཿཡི་ནང་དུ་བཏུམས་ལ་ཕྱིར་མི་ཐོན་པར་བསམ་གསུང་། ཡང་རིན་པོ་ཆེའི་ཞལ་ནས། གློ་སྙིང་ན་ན་མདུན་དུ་ཟླ་བའི་དཀྱིལ་འཁོར་གཅིག་བསམ་ལ་དེའི་སྟེང་ན་པུང་ངེ་ཡོད་པར་བསམ་གསུང་། ཡང་གློ་བུར་དུ་སྐྲངས་པའམ་ན་བ་བྱུང་ན། གང་ན་ས་དེར་སོལ་བའི་རྒྱ་གྲམ་གཅིག་བྲིས་ལ་རང་གི་སོ་ཞེས་བཀུས་ནས། ལག་པ་གཡོན་པའི་མཛུབ་མོའི་རྩེ་མོ་ལ་ཨ་དཀར་པོ་གཅིག་ཡོད་པར་བསམ་ལ་རྒྱ་གྲམ་གྱི་དཀྱིལ་དུ་གཏད་པས། ཡིད་ཀྱིས་ཨ་དམར་མོ་དཔག་ཏུ་མེད་པ་འཕྲོས་པས་ལྡེམ་ལྡེམ་གང་བར་བསམ་གསུངས། ཡང་རིན་པོ་ཆེའི་ཞལ་ནས། སྙིང་ན་ན་འོག་སྒོ་ན་མར་སྙིང་དེ་རྒྱང་ངེ་ཡོད་པར་ཐོན་པར་བསམ་གསུང་། ཡང་རིན་པོ་ཆེའི་ཞལ་ནས། སྙིང་འཕྱོ་ན་སྙིང་གི་རྩེ་མོ་གྱེན་དུ་ཡོད་པར་བསམ་ལ་བླ་མ་བསྒོམ་གསུང་། ཡང་རིན་པོ་ཆེའི། སྙིང་འཕར་ན་གསེར་གྱི་ཐུར་མ་སོར་བཞི་པ་ཞིག་གི་ནུ་མ་དང་ཕར་ལ་འཇར་བར་བསམས་ན་ཕན་གསུང་། ཡང་རིན་པོ་ཆེའི། ཆུ་ལ་བྱིན་རླབས་
2-2-165a
༄༅། །བྱེད་པར་འདོད་ན། རང་ཉིད་ཡི་དམ་དུ་བསྒོམ་ལ། ཆུ་དེ་སྭ་བྷཱ་ཝའི་སྔགས་ཀྱིས་སྟོང་པར་བསམ་ལ། ཆུ་དེ་ཡི་དམ་དུ་བསམ་ལ་ཁྲོ་ཆུ་ཁོལ་མར་བསྒོམས་ནས་བླུད་དམ་འཐུངས་ན་ཕན་གསུང་། ཡང་རིན་པོ་ཆེའི། སྣ་བུག་ན་ན་ཕྱི་བའི་དུ་བ་མནམས་ན་ཕན་གསུང་། ཡང་རིན་པོ་ཆེའི། ཚེ་བསྲིང་བར་འདོད་ན་ནང་པར་སད་མ་ཐང་ཏུ་ཁ་ཤར་དུ་བལྟས་ལ་སེམས་བསྐྱེད་སྔོན་དུ་བཏང་བས་ངག་ཏུ་བློ་བརྗོད། སྤྱི་བོ་ན་བྷཾ་ཡོད་པར་བསམ་ལ། ཡང་བློ་བརྗོད་པས། ཧཱུྃ་ལ་ཧཱུཾ་ཡར་བརྩེགས་པར་བསམ་ལ། ཡང་ངག་ཏུ་བློ་བརྗོད་པས་བདུད་རྩིར་གྱུར་པར་བསམ་མོ། །ཡང་རིན་པོ་ཆེའི། སོ་ན་ན། ཨོ་སོད་ཏ་སྔོལ་ཅི་ཅི་ལ་སྭཱ་ཧཱ། ཆམ་པ་ན་ན། ཨོ་ཀ་ར་ཀ་ར་དྷ་ར་དྷ་ར་མཱ་ར་ཡ་ཧཱུྃ་ཕཊ། གྲིབ་སེལ་བར་འདོད་ན། ཨོཾ་པ་གི་བྱེ་བྱེ་སད་དེ་སད་དེ་ཧཱུྃ་ཕཊ། ཡང་རིན་པོ་ཆེའི། མགོ་ན་ན་སྨིན་མཚམས་ནས་བདུད་སྒོ་བར་དུ་བྲེགས་པར་བསམ༑ དེ་ལ་སྟོང་སང་ངེ་སོང་བར་བསམས་ན་ཕན་ནོ། །ཡང་གློ་ན་ནས་མ་བཟོད་ན་སྐེ་ཡས་བཅད་ནས་མེད་པར་བསམ། ཡང་མགོ་གཡས་ན་ན། དེར་བླ་མ་བཞུགས་པར་བསམ་ལ་བདུད་རྩིར་གྱུར་པར་བསམ༑ དེས་ཕན་གསུང་། མགོ་གཡོན་ན་ན། ནང་དུ་འཁོར་ལོ་རྩིབས་བརྒྱད་པ་ཀ་ར་ར་འཁོར་བར་བསམ་མོ། །ནད་ཐམས་ཅད་ཕྱིར་བུད་པར་བསམ། རྩ་རྒྱུས་ཐམས་ཅད་ན་ན། ཐམས་ཅད་བདུད་རྩིས་
2-2-165b
གང་བར་བསམས་ན་ཕན་གསུང་། རྣ་བ་ན་ཞིང་འོན་ན། རྣ་བ་གཉིས་ཕར་ཐལ་ཚུར་ཐལ་དུ་དཀར་ཧ་རེར་ཡོད་པར་བསམ་མོ། །རྣ་བ་གཟེར་ན། རྣ་བ་ན་ངོས་ནང་དུ་རང་གི་དྲི་ཆུ་བར་པ་སྣོད་དུ་བཏང་ནས་བལ་དུད་ཀྱིས་བཙངས་ནས་དུས་གཅིག་ཏུ་རླུང་བཟུང་ལ་དུས་གཅིག་ཏུ་བཏང་ན་དེས་ཕན་འོང་གསུང་། ཡང་རྣ་བ་འོན་ན་གང་འོན་ཕྱོགས་དེ་ལག་པས་བཀག་ལ། ལག་མཐིལ་དུ་གངས་དཀར་པོ་གཅིག་ཡོད་པར་བསམ་ལ། བདུད་རྩི་དཀར་ནར་རེ་བྱུང་ནས་རྣ་བ་གང་བར་བསམ་པས། རྣ་བ་འོན་པ་དེས་ཀྱང་སོས་པར་བསམ་མོ། །ཡང་རྣ་བ་ཟ་བ་རེ་རེ་སོང་ན་གང་ན་བ་དེ་ཕྱེ་མར་བསྲེས་ལ་དུད་པས་བདུག ཕྱེ་མར་བསྲེས་པའི་བསུར་དུད་ཀྱིས་བདུག་ན་ཕན་གསུང་། འཚུལ་ཁུང་འགགས་ནས་ན་ན། ལག་པ་གཉིས་བསྣོལ་ནས་ཕྲག་མགོར་བཟུང་ལ། རོ་སྟོད་ཕར་གཅུ་ཚུར་གཅུ་བྱས། དེ་ནས་རླུང་བཟུང་བ་གལ་ཆེ། མིག་ལ་བད་ཀན་སྐྱ་རིབ་བྱུང་ན། མིག་གཉིས་ཀྱི་ཐད་ཀར་བུག་པ་དཀར་ཧ་རེ་བ་གཅིག་ཡོད་པར་བསམ་ལ། དེ་ལ་བདུད་རྩི་བབས་པས་ལྡེམ་གྱིས་གང་བར་བསམ། གྲེ་བ་ན་བ་ལ་རླུང་བཟུང་། ངག་བསྡམ། སྐེ་ཕར་གཅུ་ཚུར་གཅུ་བྱ། དེས་ཀྱང་ཕན། ཨ་དཀར་པོ་གཅིག་ཀ་ར་ར་འཁོར་བར་བསམས་ན་ཡང་ཕན། གྲེ་བ་འགགས་ན། གྲེ་བའི་ནང་ན་ཧཱུཾ་སྔོན་པོ་གཅིག་ལ་འོད་ཟེར་འཕྲོས་པར་བསམས་ན་ཕན་ངེས་
2-2-166a
༄༅། །གསུང་། སོ་ན་བ་ལ། སོ་དེའི་ནང་དུ་གངས་དཀར་པོ་གཅིག་ཡོད་པར་བསམ། དེ་ལ་བདུད་རྩི་བབས་པས་དཀར་ལྟེམས་ཀྱིས་གང་བར་བསམ། དར་དཀར་ཡར་འཚངས་པར་སོང་ན་ལོང་ཐག་དཀར་ནར་རེ་བ་གཅིག་མགོ་ནས་མར་འཐེན་པར་བསམ། འཚུལ་པ་འགགས་ན། སྐེ་ཕར་གཅུ་ཚུར་གཅུ་བྱའོ། །དེའི་དུས་སུ་རླུང་ཕར་བཟུང་བ་གལ་ཆེ། སྙིང་མི་དགའ་ལྷང་ལྷང་བྱེད་ན། གཞོགས་གཡོན་ཕྱོགས་ཀྱི་རྩིབ་མའི་གོ་བར་ན་ས་ནས་གསེར་གྱི་ཐུ་མ་མཛུབ་གང་པ་གཅིག་གིས་སྙིང་དཀར་ནག་མཚམས་སུ་བརྒྱབ་པས་གཟེར་ནས་སྦྲེལ་བར་བསམ། སྙིང་རླུང་ལངས་ནས་འགྲོ་འདོད་ན། སྙིང་གི་དཀྱིལ་ན་མཚོན་སོར་བཞི་པ་ཞིག་སེར་ལྷག་གི་ཡོད་པར་བསམ། འོ་སྐོལ་ཐ་མལ་པའི་སྙིང་འདི་ཐུར་ན་མར་བསྟན་ནས་ཡོད་པ་ཡིན་པས། ཁ་གྱེན་ལ་ལོག་པར་བསམ། དེས་བདེ་བར་འོང་། ནུ་མ་དང་བྲང་ན་བ་ལ། བྲང་གི་དཀྱིལ་ན་ཆོས་འབྱུང་བསྣོལ་མའམ། གང་རུང་གཅིག་བསྒོམ། དེ་ལས་འོད་འཕྲོས་པས་གནོད་བྱེད་བསྲེགས་པར་བསམ། ལག་པའི་རྐང་ན་བ་ལ། རྐང་ནང་དུ་བཾ་དཀར་པོ་གཅིག་བསམ། ཡང་ན་ཧཱུཾ། སྔོན་པོ་གཅིག་བསྒོམ། དེ་ལས་བདུད་རྩི་བབས་པས་ནད་ཐམས་ཅད་ཕྱིར་བུད་པར་བསམ། མཛུབ་མོ་རྣམས་ན་བར་བྱུང་ན། འཛུབ་མོ་རྣམས་ལ་ཕྱིར་བདུད་རྩི་དཀར་མེར་རེ་བབ་པར་བསམ། ཐམས་ཅད་
2-2-166b
དཀར་མེར་རེ་རེ་སོང་བར་བསམ་མོ། །ནད་ཐམས་ཅད་འདོན་པ་རྣམ་པ་ལྔ་ཡིན་ཏེ། རོ་སྟོད་སྟོང་སང་ངེར་སོང་བར་བསྒོམ་པ་དང་གཅིག ། གྲུ་གྲུ་ལྟར་བསྒྲིལ་བ་དང་གཉིས། འཁོར་ལོ་ལྟར་བསྐོར་བ་དང་གསུམ༑ བུམ་པ་ལྟར་མང་པོའི་སྦྱོར་བ་དང་བཞི། ཟོ་ཞབས་བུམ་པ་ལྟར་བསྒོམ་པ་དང་ལྔ་ལས། དང་པོ་རོ་སྟོད་ཐམས་ཅད་སྟོང་སང་ངེ་ཡོད་པས་ནད་ཐམས་ཅད་རླངས་པ་བཞིན་སོང་བར་བསམ། གྲུ་གུ་ལྟར་བསྒྲིལ་བའི་དུས་སུ། ནད་ཐམས་ཅད་སྐེ་རགས་བཅིངས་པ་ཡན་ཆད་ལ་ཡོད་པས་གྲུ་གུ་རྟུལ་བ་ལྟར་ནད་ཐམས་ཅད་ཡར་དེད་མར་དེད་བྱས་པས་ནད་ཐམས་ཅད་དེད་པར་བསྒོམ་ལ་བུད་པར་བསམ། བུག་པ་མང་པོའི་སྦྱོར་བ་ནི། ནད་གང་ཡོད་སར་བུག་པ་གཉིས་བརྩེགས་སུ་ཡོད་པར་བསམ། ནད་ཐམས་ཅད་དེ་ནས་ཕྱིར་སོང་བར་བསམ། འཁོར་ལོ་ལྟར་བསྐོར་བ་ནི། རང་གིས་རླུང་བཟུང་བས་འཁོར་ལོ་ཀ་ར་ར་འཁོར་བར་བསམ། འཁོར་ལོའི་རྩིབས་ཀྱིས་ནད་ཐམས་ཅད་གཏོར་བར་བསམ་མོ། །ཕོ་བ་ན་ནས་སྦོས་ན། རང་གིས་རླུང་བཟུང་ལ། ཞབས་ཟོ་བ་ལྟར་དྲང་བར་བསམ་ལ། ནད་དེ་དམར་ཤ་ར་ར་བྱུང་བར་བསམ༑ ཡང་ཕོ་བའི་ནང་ན་མེའི་འཁོར་ལོ་རྩིབས་བརྒྱད་པ་གཅིག་འཁོར་བར་བསམ། འཁོར་ལོའི་རྩིབས་ཀྱིས་ནད་ཐམས་ཅད་བསྲེགས་པར་བསམ་མོ། །ཕོ་བའི་ཁ་ན་ནས་མ་ཞུ་བ་བྱུང་ན། བརླ་ཕྲ་སྦོམ་
2-2-167a
༄༅། །གཉིས་ཀྱི་མཚམས་སུ་ལག་པ་གཉིས་ཀྱིས་བཟུང་ལ་སྐེད་པ་ཕར་བསྐོར་ཚུལ་བསྐོར་བྱས་ན་ཕན། སྐྱིལ་ཀྲུང་བཅའ་བ་དང་རླུང་བཟུང་བ་གལ་ཆེ། ཡང་ཕོ་ཁ་ན་བ་ལ། རང་ཐུགས་རྗེ་ཆེན་པོར་བསྒོམ༑ རླུང་དམ་དུ་བཟུང་ལ་རེས་དགྱེ་རེས་དགུ་བར་བྱའོ། །སྐེད་པ་ན་ནས་སྒུར་པོར་སོང་ན། ངག་བསྡམ། རླུང་བཟུང་ལ། སྐེད་པ་ཕར་བསྒུལ་ཚུར་བསྒུལ་བྱའོ། །དེས་ཕན་གསུང་། ནད་པའི་སར་འགྲོ་ན། རང་གི་བུ་ག་དགུར་ཧཱུྃ་དགུ་བསམ་མོ། ཁྱིམ་དེ་ཐུགས་རྗེ་ཆེན་པོར་བསྒོམ། རང་ཡང་ཐུགས་རྗེ་ཆེན་པོར་བསྒོམ། དེས་ནས་མི་ཡོང་གསུང་། གྲང་བ་བྱུང་ནས་མ་དྲོས་ན། རྡོ་རྗེ་གསུམ་པོའི་འཁྲུལ་འཁོར་ནི། རང་གི་རྐང་པ་གཡས་གཡོན་གཉིས་གཅིག་ལ་གཅིག་གནོན་རེས་བྱའོ། །པུས་མོ་གཉིས་ལ་འཁྱུད་པ་དང་། རྐང་པ་གཉིས་གཡས་བསྐོར་གཡོན་བསྐོར་བྱའོ། །སྔགས་པས་སྦོད་གཏོང་བྱུང་གྱུར་ན། །རང་ཉིད་རྣམ་ཤེས་མེད་པར་ནི། །དུང་གི་མདོག་ལྟར་དཀར་པོར་བསམ། །ཕྱི་ནང་ཐོད་པ་སྲུབས་མེད་པར། །དབྱིབས་ནི་སྒོ་ང་ལྟ་བུར་བསམ། །རང་ཉིད་དེའི་ནང་དུ་བསྡད་པར་བསམ། །སྦོད་གཏོང་དག་གིས་མི་ཐུབ་ངེས༑ ༑རང་ཉིད་ཉལ་ནས་བླ་རྡོལ་བྱེད་གྱུར་ན། །རང་གི་ཐོག་ཏུ་ཐོད་པ་དུམ་བུ་གཅིག་པ་གཅིག་བཟུང་བར་བསམ། རང་ཉིད་ཐུགས་རྗེ་ཆེན་པོར་བསྒོམ། ཐུགས་རྗེ་ཆེན་པོའི་ཐུགས་ཀ་ནས་ཧྲིཿདཀར་པོ་
2-2-167b
གཅིག་ལས་འོད་ཟེར་འཕྲོས་པས་གནོད་འཚེ་ཐམས་ཅད་ཐུམ་རིལ་གྱིས་བཏང་བར་བསམ། རང་ཉིད་འཇིགས་སར་ཕྱིན་གྱུར་ན། །རྭ་དུང་ནག་པོ་མཐོ་གང་ལ། །ད་ལོག་ཉི་ཤུ་རྩ་གཅིག་བྲིས་ལ། གསལ་མཚལ་གྱིས་བཏབ་པར་བྱའོ། །དེའི་ནུས་པས་གནོད་བྱེད་ཐམས་ཅད་འབྱེར་བར་འགྱུར་རོ། །ཡང་ན་བྱ་ངང་སེར་གྱི་ཤ་བསྲེགས་པས་ཆོག་གསུང་། རང་གར་འགྲོ་སར་ཨ་དཀར་པོ་ཁ་བ་བབ་པ་ལྟར་བསམ། རང་ཡང་ཨ་དཀར་པོ་ཁྲུ་གང་པ་གཅིག་ཏུ་བསམ། སྨུག་ཤད་སོར་བཞི་པ་གཅིག་དབྱིབས་ཟེར་བ་འདྲ་བ་གཅིག་བྱས་ལ། ཨ་དཀར་པོ་ཉི་ཤུ་རྩ་གཅིག་བྲིས་ཏེ་རང་གར་འགྲོ་སར་རྣ་བའི་ལྡག་ཏུ་བཅུག ། ཉིན་པར་གར་འགྲོ་སར་མིས་མི་མཐོང་བར་བཞག །རང་གར་འགྲོ་ཡང་དྲི་ཆུ་བར་པ་དེ་ལ་ཧུབ་གཅིག་གམ་གསུམ་བཟུང་། སྣ་བུག་གཉིས་ཀྱིས་རྔུབས། དེས་ནི་དུག་དང་དུག་ནད་མི་ཡོང་། ནད་གར་བྱུང་སར་ཨ་དཀར་པོ་རེ་རེ་བསམ། རང་གར་འགྲོ་སར་ཐུགས་རྗེ་ཆེན་པོར་བསམ། རང་གར་འཇིགས་ཀྱི་ས་དེར་བླ་མ་བསམ། ཡང་ཐུགས་རྗེ་ཆེན་པོ་འཇིགས་པ་ཆེན་པོ་བརྒྱུད་ལས་སྐྱོབ་པའི་ཐུགས་རྗེ་ཆེན་པོ་ཤིན་ཏུ་ཆེ་བ༑ ཕྱག་གཅིག་རང་གི་གནས་སུ་ཡོད་པ། ཕྱག་ཡ་བ་གཅིག་རང་འགྲོ་བའི་གནས་སུ་ཡོད་པ། དེའི་ཐུགས་ཀར་བླ་མ་བཞུགས་པ་ལ་བསྐོར་བ་བྱེད་པར་བསམ་ཞིང་། འགྲོ་ལ་གསོལ་བ་གདབ་པོ། །རྗེ་རིན་པོ་
2-2-168a
༄༅། །ཆེ་གནས་ནང་པའི་གདམས་པ་དམིགས་པ་རྣོན་པོའོ། །དེས་བླ་མ་རས་ཆེན་པ་ལའོ། །དེ་ནས་རིམ་པར་རྒྱུད་པ་རིན་པོ་ཆེ་གནས་ནང་པའི་ཕྱག་བཞེས་ལ་ལགས་སོ།། །།
༄༅། །གེགས་སེལ་གྱི་ཞལ་གདམས་བཞུགས་སོ། །
༄༅། །གེགས་སེལ་གྱི་ཞལ་གདམས་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །གེགས་སེལ་ཞལ་གྱི་གདམས་པ། ཉམས་རྟོགས་གསལ་བའི་སྒྲོན་མེ། འགྲོ་བ་འདྲེན་པའི་ལམ་མཁན། མི་ནུབ་རྒྱལ་མཚན༑ གནད་དུ་བསྣུན་པ་དཔག་ཏུ་མེད་པ་ཞིག་གསུངས་ཀྱང་། འདི་ནི་གནས་ལུགས་རྟོགས་པའི་ཐབས་སུ་གསུངས་ཏེ། དེ་ཡང་དོན་རྣམ་པ་བཞིའམ་ལྔ་སྟེ། ཀླད་པ་ན་ན་སྤྱི་འགྲེང་བྱ་ཞིང་འཇམ་རླུང་བཟུང་ཞིང་མགོ་ཕུར་སྤྲུག་བྱས་པ་དང་གཅིག །ཡང་ལག་པ་ལ་མཆིལ་མའམ་དྲི་ཆུ་བླུག་ལ་མགོ་ལ་དྲུད་པ་དང་གཉིས། རླུང་སྐྱེས་ནས་མགོ་ན་ན་མར་རྙིང་པའམ། བཤུལ་ཚིལ་གྱིས་ཚོགས་མའི་སྐྲ་ལམ་ཕྱེ། སྣུམ་ཚ་མོས་བྱུགས་ཏེ་རྡོ་ཚན་གྱིས་ནན་བྱས་ན་ཕན་པ་དང་གསུམ། མགོ་ན་ཞིང་འཐིབས་ན་རླུང་འཚང་པ་ཡིན་པས་དེ་ལ་གསང་གནས་ཀྱི་མེ་དེ་ཇེ་རིང་ལ་བྱུང་བས། དེ་ཡར་འདུས་པས་སྤྱི་བོའི་རྩ་འདབ་ཁྱབ། དེ་ཡར་འདུས་པས་སྙིང་གའི་རྩ་འདབ་ཁྱབ། དེ་ཡར་འདུས་པས་མགྲིན་པའི་རྩ་འདབ་ཁྱབ། དེ་ཡར་སོང་བས་སྤྱི་བོ་ཚངས་བུག་ཏུ་དམར་ཏ་ལ་ལ་སོང་བར་བསྒོམ། འཇམ་རླུང་མནན་ནོ། །སྤྱི་བོ་ན་བའི་ནད་སོལ་
2-2-168b
ནས་གསང་གནས་སུ་བསྒོམ་མོ། །ཡང་ན་སྤྱི་བོ་དྲ་ཚགས་བཞིན་སོང་བར་བསམ་ལ་དེའི་ནང་ན་ཡར་རླུང་སྔོ་དམར་སིབ་སིབ་སོང་བར་བསམས་ན་ཕན་པ་དང་ལྔ། སྨིན་མཚམས་ནས་ལྡག་པའི་བདུད་སྒོའི་བར་དུ་ཐོད་པ་བཀོག་པར་བསམ་ལ། དེར་རླུང་ཕར་ལ་མ་སོང་བར་བསམ་ལ་དྲུད་ཀྱང་སྐབས་སུ་དྲུད་དོ། །དོན་དྲུག་གོ །མོས་གུས་ཆེན་པོས་མ་སྐྲག་པར་བསྒོམས་ཀྱང་ཆོག་གསུང་ངོ་། །དེ་རྣམས་ཀྱིས་མ་སོལ་ན་གེགས་ཡིན་པས་ཤེས་པར་བྱ་སྟེ་ཆོས་བྱའོ། །རིག་པ་སེམས་ཀྱི་ངར་སོ་བཟུང་ངོ་། །མིག་འབྲས་དམར་པོར་སོང་ནས་ཕྱིར་འབུར་ནས་བྱུང་བའི་དུས་སུ་དར་རམ་རས་ཤགས་མ་དྲི་མ་མེད་པར་བྱས་ཏེ། དེ་ལ་ལ་བསིལ་སྨན་བཏབ་སྟེ། དེ་དྲི་ཆུ་བསིལ་མོར་སྣུབས་ནས་མིག་ལ་དཀྲིས་ཏེ། ལྟག་པར་རན་པར་བསྡམས་ལ། ཡང་གསང་གནས་ནས་ཀྱང་རས་ཀྱི་བཤགས་བཏོན་ཏེ་སྤྱི་བོར་མདུད་པ་གཅིག་བྱ། དེ་ནས་ལག་པ་སྤྱི་བོར་བཞག་ལ། སྐེ་དང་ལུས་ཡར་བསྐུམ་མར་བསྲིང་བའི་ཚུལ་དུ་བྱ། དེའི་ཚེ་གྲོགས་པོ་གཅིག་གིས་ཀྱང་མགོ་རས་ཀྱི་མདུད་པ་ད་ལྷོད་བྱ། དེ་ཡང་ཡིད་དལ་བར་བྱ། དེ་མ་ཐག་ཏུ་མིག་ནང་དུ་ཚུད་དོ༑ ༑དེ་ནས་ལུས་ཐམས་ཅད་ལ་བཀུ་མཉེ་བྱས་ན་བརྟན་པར་འགྱུར་རོ། །གཞན་ཡང་མིག་ན་ཞིང་དམར་ལ་ཚག་པར་གྱུར་ན་དྲི་ཆུ་གྲང་མོ་ལ་འབྲུས་བུ་གསུམ་དང་བསིལ་སྨན་སྣ་ཚོགས་བཏབ་ལ། དུས་
2-2-169a
༄༅། །གསུམ་དུ་དེའི་ཐིགས་པ་ནང་དུ་བཏགས་ནས་དེའི་རྗེས་ལ་ཆུ་གཙང་གིས་བཀྲུའོ། །རྟག་པར་བཀུ་བྱུག་བྱ། དེས་མྱུར་དུ་ཞིའོ། །སྤྱིར་མིག་གིས་མ་མཐོང་ཞིང་ན་བ་ལ་གོ་བཟློག་གི་སྦྱོར་བ་ཞེས་བྱ་སྟེ༑ ལྟག་ཁུང་དུ་ཤེས་པ་གཏད་ལ་བསྒོམ། དེས་མ་ཞི་ན་འདོམ་གང་ཙམ་མམ་དཔག་ཚད་ཙམ་དུ་རིམ་གྱིས་གཏད་ཅིང་བསྒོམ། ཚུར་ལ་ཡང་དེ་བཞིན་བྱའོ། །ཡང་ལག་མཐིལ་དང་ལྟག་ཁུང་དུ་བཀུ་མཉེ་བྱ། ཁྱད་པར་དུ་ལྟག་ཁུང་དུ་ཁུ་ཚུར་མི་དྲག་པ་ཡང་ཡང་བརྡེག་པར་བྱའོ། །དེས་ཞིའོ། །སྤྱིར་རླུང་རེངས་པའི་སྟོབས་ཀྱིས་མིག་སྔོན་པོ་ལ་སོགས་པའམ། སྐྱ་བོར་གྱུར་ནས་མི་གསལ་བའི་ཕྱིར། ལག་པ་དང་རྐང་པའི་མཐིལ་དང་རྣ་ལྟག་གཉིས་ལྟག་ཁུང་དང་མདུན་དུ་བཀུ་མཉེ་བྱ། ལྟག་ཁུང་དུ་ཁུ་ཚུར་གྱིས་བརྡུང་། བསིལ་སྨན་སྣ་ཚོགས་བཏབ་པའི་ཁུ་བ་མིག་དུ་བཏབ་པ་ཡང་། ཡང་བསྒོམ་པའི་དུས་སུ་སྐུར་དྲག་ན་མིག་ལ་གནོད། དགྱེ་དྲག་ན་མགོ་འདར་བར་འགྱུར་རོ། །ཡང་མིག་རན་པ་དང་ཚ་བར་གྱུར་ན། མིག་འཁོར་མར་བསྐུལ་ཞིང་རླུང་བཟུང་ན་ཕན། མིག་མི་ན་ན་མི་བྱ། ལིང་ཏོག་གསར་པ་ཕན་པར་འདོད་ན། སྟེང་འོག་གི་རླུང་ཁ་སྦྱར་ལ་ལིང་ཏིག་གི་དཀྱིལ་ན་ཕར་སོང་བར་བསམ་ལ་འཇམ་རླུང་བཟུང་ན་ཕན། མིག་རབ་རིབ་ཀྱི་ནད་ལ། གཡོན་པའི་སྲིན་ལག་གཡས་པའི་ལག་མཐིལ་དུ་དྲུད་ལ། དྲོས་པ་དང་གཡས་
2-2-169b
པའི་མིག་ལ་གླན། དེས་གྲོལ། དེ་ལྟ་བུ་ཡང་ཡང་བྱ། མིག་ཚ་ནས་ན་བ་དང་རྫི་མ་བྱི་བ་ལ་ནང་པར་ཁྱེ་སུས་ལ་དྲི་ཆུ་ཁར་བླུག་སྟེ་སྒྲོགས་ནས། དེ་ལག་པར་བླུག་སྟེ་དྲག་ཏུ་མིག་ལ་རྒྱབ་ན་ཕན་ནོ། །རིག་པ་སེམས་ཀྱི་ངར་སོ་བཟུང་། རྣ་བ་འོན་པའམ། ན་བ་ལ་རྣ་བ་གཉིས་གཉའ་ལ་འཐེན་ནས་ལག་པའི་མཐིལ་དུ་ཆུའམ་མར་ཁུ་བླུགས་ནས་ལེགས་པར་འགྲོར་བཅུག་ནས་སྲུབས་ན་ཕན། སྐབས་སྐབས་སུ་འུར་འུར་དྲག་ཏུ་བསྒྲགས་ཤིང་ཞག་བདུན་འདས་ནས་རྣ་བ་འོན་ཅིང་ཕྱི་ནས་ཁྲག་འཛག་པའི་རྣམ་གྲོལ་ཕྱག་རྒྱ་བཅས་ལ། གང་འོན་པ་ཞབས་སུ་བཅུག་པ་མི་བཀབ་ལ། མ་འོན་པ་བཀབ་ལ་ཧི་ཀ་དྲག་པོ་བཞི་བཅུ་ཞེ་བརྒྱད་བགྲང་ངོ་། །དེ་ནས་དྲག་ཤུལ་དུ་ལངས་ལ། གཏོང་བའི་ཡན་ལག་ཅི་རིགས་པ་བྱས་ན་ངེས་པར་ཕན་ནོ། །དེས་ཀྱང་མ་ཞི་ན། མི་དང་གཡག་ལ་སོགས་པའི་ཚིལ་ལམ། མར་རྙིང་པའམ། ཚིལ་རྙིང་པ་གང་རུང་ལ་ནས་ཀྱི་ཕྱེ་བསྲེས་ཏེ། མེ་སྟག་གི་ཐོག་ཏུ་བསྲེགས་ལ་དུ་བ་མྱུ་གུའི་རྒྱུན་ཡོད་པར་བཏང་ལ། མ་བདེ་བའི་སྣ་བུག་ལ་གཏད་དོ། །དེ་ཡིས་ཆུ་ཐིགས་ཏིག་པ་འོང་སྲིད་དོ། །དེ་ནས་རྣ་བུག་ཏུ་མར་ཁུ་བླུག་ལ་སོར་མོས་རྣ་ཁུང་མཉེ་ཞིང་ཐལ་མོ་བརྡེག་སྟེ། དེ་ལྟར་ཡང་ཡང་བྱས་ན་སེལ་ལོ། །དེས་མ་ཞི་ན་སེང་གེ་རྣམ་གྲོལ་གྱི་ཕྱག་རྒྱ་བྱས། འོན་ཕྱོགས་ཞབས་སུ་བཅུག་ནས་ལུས་དྲག་ཏུ་སྤྲུགས་ནས་ལག་
2-2-170a
༄༅། །མཐིལ་གྱིས་མཉེ་ཞིང་ཧར་གྱིས་ཕྱེ་ལ་ལན་གསུམ་ལ་སོགས་པར་བྱས་ན་མི་བདེ་མི་སྲིད་དོ། །དེ་བྱེད་པའི་དུས་སུ་ལུས་ཐམས་ཅད་བཀྲུས་ལ་བཀུ་མཉེ་ལེགས་པར་བྱེད་པ་ཡིན། རིག་པ་སེམས་ཀྱི་ངར་སོ་བཟུང་། བསྒོམ་སར་སྣ་ཁྲག་བྱུང་ནས་མ་ཐུབ་ན་འཇམ་རླུང་མནན་ལ། སྣ་ཁྲག་བྱུང་བའི་ངོས་ཀྱི་ཚིགས་ལྷོད་མོར་བྱས་ཏེ་ལག་པ་ཕྱིར་སྤྲུགས་བྱས། དེའི་དུས་སུ་སྣ་ཁྲག་མ་བྱུང་བའི་ངོས་ཀྱི་ལག་པའི་རྒྱབ་ཀྱིས་སླེབས་ན་ཁུར་ཚུར་གྱིས་བརྡུང་ངོ་། །དེ་ནས་ཐི་གུས་སྣ་ཁྲག་བྱུང་ངོས་ཀྱི་ལུས་འཇུག་གཉིས་བཅིང་ངོ་། །དེས་ཕན་ནོ། །ཡང་སྣ་ཞོམ་ཞིང་དྲི་མི་ཚོར། དབུགས་ཀྱང་ཁ་ནས་འགྲོ་སྙམ་བྱེད་ན། དེ་ཞི་བར་བྱ་བ་ནི། ཨ་དའི་སྦྱོར་བ་ཞེས་བྱ་སྟེ། བཅའ་སྒ་དང་། ཚྭ་དང་གཡེར་མ་ཞིབ་ཏུ་བྱས་ཏེ་སྣ་བུག་གཉིས་སུ་བླུག་ལ། མཛུབ་མོས་པོར་ཁ་མནན་ཏེ་ཉེས་ལ་སྣ་བུག་བཀབ་ལ་གཅིག་ཕྱིར་འབུད་དོ། །ཡང་ཧཱུྃ་གིས་བཏང་། རྔུབ་པའི་དུས་སུ་ཧཱུཾ་ཧཱུཾ་གིས་རྔུབ། དེ་ལྟར་རེ་མོས་ཀྱང་བྱས་ལ། མཐར་སྦྲིད་པ་གཅིག་བྱུང་བ་དང་རླུང་གཉིས་ཀ་ནས་ཤུགས་བསྐྱེད་ནས་བཏང་བར་བྱས་ན་ཞིའོ། །ཡང་ན་སྟོབས་ཀྱིས་ཧཱུཾ་དེ་ཉི་ཤུ་རྩ་གཅིག་བྱས་ན་ཞིའོ། །སྣ་གཉིས་ནས་གཏོང་བའི་ཡན་ལག་སྦྱངས་པས་སྦྲིད་པ་འབྱུང་སྟེ་འཕྲལ་དུ་ཞི་བར་འགྱུར་རོ། །རླུང་བསྒོམ་པའི་དུས་སུ་སྣ་ལན་གསུམ་ཕྱིར་འབུད་ལ་སྣའི་འོག་མཆུའི་གོང་དེར་ཡཾ་
2-2-170b
ལས་རླུང་གི་དཀྱིལ་འཁོར་གཞུ་ལྟ་བུའི་སྟེང་དུ། རཾ་ལས་མེའི་དཀྱིལ་འཁོར་གྲུ་གསུམ་པ་གཅིག་བསམ་ལ། ལན་གསུམ་ཕྱིར་འབུད་པས་རླུང་གཡོས། དེས་མེ་སྦར། རླུང་གི་ནང་དུ་མེ་བསྡུས་པས་ཁྲག་གང་འོང་གི་རྩར་མེ་ཡིས་སིབ་སིབ་གང་བར་བསམ་ཞིང་། འཇམ་རླུང་བྱའོ། །དེའི་དུས་སུ་བླ་མ་ལ་མོས་གུས་བྱའོ། །ལག་པ་དྲི་ཆུའམ་མཆིལ་མས་བྱུགས་ནས་གདོང་ལ་ཡང་ཡང་བྱུགས་ན་གཉེར་མ་མི་འབྱུང་ངོ་། །དེ་ཡང་བྱེད་དགོས་སོ། །སྒྲ་བཅས་སུ་ཧཱུྃ་ཡང་ཡང་ཕྱིར་ཕུད་ནས། ཤོག་གཅིག་ལ་མ་ཡེངས་པར་གནས་པར་བྱའོ། །འདི་ལ་ཕན་ཡོན་བསམ་གྱིས་མི་ཁྱབ་པོ། །དམུ་ཆུ་མི་འོང་། དུག་ནད་ལ་ཕན། གྲང་བ་ལ་ཕན༑ མ་ཞུ་བའི་ནད་ཐམས་ཅད་ལ་ཕན། སྤྱིར་ཡང་སྙིང་རླུང་ལ་སོགས་པའི་ནད་ཐམས་ཅད་ལ་ཕན། གདོན་གྱིས་སྙིང་དཀྲུགས་པ་ལ་འདི་ཡང་ཡང་བྱས་ན་ཕན་ནོ། །ཟས་ཟོས་པའི་རྟིང་ལ་བྱས་ན་ཞུ་སླའོ། །ཉལ་ཁར་བྱས་ན་ཟས་ཞུ་སླའོ། །དེས་བདེའོ། །འདིའི་ཡོན་ཏན་བསམ་གྱིས་མི་ཁྱབ་པོ། །བདུད་རྩི་སྨན་དང་འདྲ་བར་གསུངས་སོ། །རླུང་སྣ་བུག་གཉིས་ནས་རྔུབ་རེས་བྱ་ཞིང་དྲག་ལ་རིང་བ་གཅིག་ནང་དུ་རྔུབ། དྲག་ལ་རིང་བ་གཅིག་ནས་བཏང་། མི་བཟུང་ན་རོལ་མོ་ཡང་ཡང་བྱ། ཆམ་པས་སུབས་པ་ལ་ཕན་ནོ། །རིག་པ་སེམས་ཀྱི་ངར་སོ་བཟུང་། སྦྲིད་པ་བྱུང་ན་གུང་མཛུབ་དང་ལག་མཐིལ་གྱི་བར་དུ་སྣ་བཅུག་ནས་
2-2-171a
༄༅། །ཉེས་ན་ཕན་ནོ། །མཛུབ་མོ་ལྕེའི་ཆུང་ཉེས་པས། དུག་དང་། བད་ཀན་དང་། ཁྲིས་པ་དང་། གློ་ནད་ལ་ཡང་ཡང་བྱས་ན་ཕན་ནོ། །ལྕེ་རྩེ་ལྕེའི་ཆུང་ལ་གཏད་ནས་འཇིབས་ན་ཚེ་རིང་བ་ལ་ཕན་ནོ། །ཟླ་བ་དྲུག་བསྒོམས་ན་སྐྲ་དཀར་པོ་ནག་པོར་འགྱུར་རོ། །མཆིན་པའི་ནད་ཡོད་ན་ཡང་ཡང་ལྕེ་འཐེན་ན་ཕན་ནོ། །ལྕེ་རིང་པོར་འོང་། བདེ་བར་འོང་། འབྲུམ་པའམ་སྐྲངས་ལ་ཤིན་ཏུ་ཕན་ནོ། །དང་པོར་སྨྲ་དཀའ་ཞིང་ལྔ་འདས་ནས་ལྐུགས་པར་འགྱུར་ཏེ། ངག་འདྲེན་དྲག་པོའི་གནད་བཞི་བཅུ་ཞེ་བརྒྱད་དྲངས་ཏེ། དེ་ནས་ཁ་ནས་སྒྲ་བཅས་སུ་གཏོང་བའི་ཡན་ལག་གང་རུང་དུ་སྦྱངས་པ་ཉིད་ཀྱིས་སོས་སོ། །ཡང་ན་སྐྱིལ་ཀྲུང་བཅས་ལ་ལག་པ་གཉིས་ཀྱིས་རྐང་ལག་གཉིས་ལ་འཁྱུད་དེ་སྣ་རྩེ་གཉིས་ནས་ཐལ་མོས་བཟུང་ལ་རེས་མཐོ་གང་སོ་ནས་བཏེག་ཅིང་འོག་ཏུ་སྒྱུར། རེས་གྱེན་ལ་ཡར་འབད་རྩོལ་གྱིས་མཆོང་རྒྱུག་ལ་སོགས་པ་བྱའོ། །ཡང་ན་བཙན་ཐབས་ཀྱི་སྦྱོར་བ་ཞེས་བྱ་སྟེ་སྟན་ཐོག་དུ་ལུས་སྔར་བཞིན་འདུག་ལ་གྲ་བཞི་ནས་མི་བཞིས་འཇུས་ལ་ཡར་སྐུར་མར་སྒྱུར་ཐེངས་འགའ་བྱ། དེ་ནས་མཆོང་བ་ལ་སོགས་པ་བྱའོ། །ཡང་ན་དྲག་ཤུལ་གྱི་སྦྱོར་བ་ཞེས་བྱ་སྟེ། རྡོ་རྗེ་སྐྱིལ་ཀྲུང་བྱས་ལ་རང་གིས་མ་ཚོར་བར་གན་རྐྱལ་དུ་བསྐྱེལ་ན་ཕན། རིག་པ་སེམས་ཀྱི་ངར་སོ་བཟུང་། སོ་ན་ན་སོའི་བར་འཕྱིང་པ་སོར་བཞི་པ་བཅུག་སྟེ་བསྡམས་
2-2-171b
ནས་སོའི་རྩ་བར་དྲུད་ན་ཕན། སྐེ་རྒྱས་ཤིང་ན་ན། རྐང་པ་རྡོ་རྗེ་སྐྱིལ་ཀྲུང་བྱས་ལ། ལག་པ་གཉིས་ཀྱིས་པུས་མོ་ལ་འཁྱུད་ཅིང་མིག་བསྒྲད་ལ་ཤུགས་ཆེ་བར་མགོ་བསྒྲིལ། མཇིང་པ་ལ་ལེགས་པར་བཀུ་མཉེ་བྱ། བསྒོམ་པའི་དུས་སུ་གཡས་སུ་འགྱེལ་ན་གཡོན་པའི་རྩེའུ་ཆུང་སྟེང་ན་ཐིག་ལེ་སེར་པོ་རྒྱ་སྲན་ཙམ་ཞིག་བསམ། མདུན་དུ་འགྱེལ་ན་ལྟག་ཁུང་དུ་བསམ། གཡོན་དུ་འགྱེལ་ན་གཡས་སུ་བསམ། གཡས་སུ་འགྱེལ་ན་གཡོན་དུ་བསམ། རྒྱབ་ཏུ་འགྱེལ་ན་སྲོག་མདུད་སྟེང་དུ་བསམ། སྤྱིར་འཕྱིང་པ་ལ་བཀུ་མཉེ་འགའ་རེ་བྱ། ལག་པ་ན་ན་ལག་པའི་ཚིགས་ལྷོད་མོར་བྱས་ལ། ཕྱི་ནང་དུ་དྲག་པོར་བསྐོར་རེས་བྱས་ལ་གཉིས་ཀས་དུས་གཅིག་བསྐོར། སོར་མོ་གཉིས་ཀྱིས་གཞུ་བཞིན་འཐེན། འཕུར་སྤྲུག་ལེགས་པར་བྱ། ལེགས་པར་བཀྲུས་ལ་མར་རྙིང་པའམ། ཚིལ་ཆེན་གྱི་བཀུ་བྱུང་ལེགས་པར་བྱས་ལ། རྗེས་ལ་ཙམ་པས་ཕྱིའོ། །རིག་པ་སེམས་ཀྱི་ངར་སོ་བཟུང་། །ལུས་སྤྱིར་རྩ་དང་ལྤགས་པ་དང་བ་སྤུའི་ཚོགས་ཐམས་ཅད་ལ་ཟ་ཕུག་དང་། ཤུ་བ་ཆགས་པ་དང་། ལྤགས་པ་རམ་གྱིས་འགོགས་པ་བྱུང་ན། རྩི་མར་རྙིང་པའམ། འབྲུ་དང་ཚིལ་ཆེན་དང་། གཡེར་ཆེན་དང་། དེ་མེད་ན་གཡེར་མ་གཞན་དཔུང་བསྐྱེད་ནས་ཞིབ་ཏུ་བཏགས་ཏེ། མར་དང་བསྲེས་ལ་ཡུན་རིང་དུ་བཀོལ་ཏེ། ཅུང་ཟད་གྲངས་ལ། འཇམ་པར་བྱུགས་ཏེ་ཡང་ཡང་བྱའོ། །
2-2-172a
༄༅། །དེས་མ་ཞི་ན། ལུང་མ་བསྟན་གྱི་ལུས་སྦྱོང་ཀྱང་བྱའོ། །ཏིང་ངེ་འཛིན་གྱིས་བསལ་བ་བཞི་སྟེ། སེམས་ཉིད་རིག་པའི་སྟོབས་ཀྱིས་སྤྱིར་གནོན་བྱ་བའི་གདམས་ངག་དང་། རླུང་ཐོད་རྒལ་དུ་འཇུག་པའི་གདམས་ངག་དང་། རྩ་མདུད་གྲོལ་ནས་རྩ་ལམ་སྦྱངས་ཏེ་རྩ་སྣ་ནས་འདོན་པའི་གདམས་ངག་དང་། ལུས་དྲ་བ་ལྟ་བུའི་གདམས་ངག་དང་། ཁྱད་པར་དུ་དང་པོ་ནི། ལུས་ཁོལ་བུར་ན་བ་དང་། སྐྲངས་པ་དང་༑ ཚ་བ་བྱུང་ན་ལུས་སྐྱིལ་ཀྲུང་བྱ། རླུང་ཁ་སྦྱར་ཡིད་ཀྱིས་གང་ན་བའི་སར་ཤེས་པ་གཏད་ལ་བསྒོམ། དེས་མ་ཞི་ན། ན་བའི་ངོས་འོག་ཏུ་བཅུག་ལ་ནང་རླུང་ཅུང་ཟད་བཅིངས་ལ། ལུས་ཡང་ཡང་བསྒུལ་ཞིང་ན་སར་རིག་པ་སེམས་ཀྱི་བུག་པ་གཅིག་བཏོན་ལ། བུ་ག་ན་རླུང་ཡས་དུད་པ་ལྟ་བུ་འགྲོ་བ་ལ་ཤེས་པ་གཏད་ན་ཐུན་གསུམ་ཚུན་ཆད་ཀྱིས་རླུང་སྐྱོན་སེལ་བར་འགྱུར་རོ། །འདི་ནི་ཁམས་དུབ་པ་ཡིན་པས་ཁམས་ཐུན་ཆུང་ངུ་བྱའོ། །གཉིས་པ་རང་གི་ལུས་མཉེ་ལ་སོགས་པ་བྱས་ལ་སྐྱིལ་དཀྲུངས་བཅས་ཏེ་མདུན་གྱི་གཡས་གཡོན་གཉིས་ཀྱི་མི་ཉེ་མི་རིང་བའི་ཁྲུ་དོ་ཙམ་གྱི་ཕར་སོ་ཚུར་སོར་ཤིང་ཁྲུ་གང་པ་གཉིས་བཙུགས་ཏེ། དེའི་རྩེ་མོའི་ལོགས་ལ་རཾ་ལ་སོགས་པའི་ཐིག་ལེ་སྔོན་པོའམ། ནག་པོ་བྱས་ལ། དེ་ནས་དང་པོ་གཡས་ནས་བཟུང་སྟེ། སེ་གོལ་ཉི་ཤུ་རྩ་གཅིག་གྲངས་ཏེ། ཐིག་ལེ་དེ་ལ་དམིགས་པ་གཏད་ཅིང་། 
2-2-172b
མ་ཡེངས་པར་ཤེས་པ་གཏད་ཅིང་དེའི་དུས་སུ་ཡན་པར་བཞག །དེ་ནས་བགྲགས་པ་ཁ་ནས་འདོན་ནོ། །ཐོན་ནས་རླུང་གཉིས་ཀ་ནས་ཤུགས་བསྐྱེད་དེ་ཡང་བཏང་། དེའི་དུས་སུ་རླུང་ཡན་པར་བཞག །གཡོན་དུ་ཡང་དམིགས་དེ་ཡང་ཡང་བྱའོ། །ཤེས་པ་མི་རྟོག་པ་ལ་ལྟེམས་སེར་བྱེད་པ་སྙམ་པ་ཞིག་འབྱུང་ངོ་། །དེ་ཐོད་རྒལ་དུ་རླུང་དབུ་མར་ཞུགས་པ་ཡིན་པས་དེ་མ་ཐག་ཏུ་རླུང་སྐྱོན་མཐའ་དག་སེལ། དེ་ལྟར་བྱས་པས་ལུས་འདར་བའམ་འགྱེལ་བ་བྱུང་ན་ཡོན་ཏན་ཡིན་པས། དེ་བཞིན་བྱུང་རྒྱལ་དུ་བཞག་པས་སོས་པ་ཡང་ཡོད། གསུམ་པ་ནི་ལུས་ཀྱི་བྱ་བ་སྔ་མ་བཞིན་བྱས་པ་དེའི་བསྒོམ་གཏོར་གྱེར་གྱི་ཚུལ་བཞིན་སེང་གེ་རྣམ་གྲོལ་གྱི་ཕྱག་རྒྱ་བཅས་ལ། ལུས་གཡོན་དུ་དགྱེ་བ་ལ་སོགས་གནད་ཟིན་དུ་བྱས་པས་རྩ་མདུད་གྲོལ་ལོ། །དེ་ནས་སྐྱིལ་དཀྲུངས་བཅས་ལ་ཁུར་མཚར་བཅངས་ཏེ་བྲང་དུ་བསྣོལ་ལ། སྟོབས་ཀྱིས་ཧཱུྃ་ཉི་ཤུ་རྩ་བརྒྱད་རིང་ལ་དྲག་པ་ངག་ཏུ་འདྲེན་པ་ཞི་དྲག་ཉི་ཤུ་རྩ་བརྒྱད་ཀྱིས་སྦྱངས་ལ། དེ་ནས་རྩ་སྣ་ནས་བཏོན་ཏེ་ལྟེ་བ་ཡན་ཆད་དུ་རེངས་ན། ལུས་སྐྱིལ་ཀྲུང་བྱས་ཏེ་རླུང་ཅུང་ཞིག་རྔུབས་ལ་གང་ན་བའི་ངོས་འོག་ཏུ་བཅུག་སྟེ། མི་ན་བའི་ངོས་ཀྱི་ལག་པ་ཁུ་ཚུར་བྲང་དུ་བཅངས་ལ། ན་བའི་ངོས་ཀྱི་ལག་པ་ཞབས་སུ་བརྐྱང་ནས་སོར་མོ་བཟིངས་ཏེ། ཡིད་ཀྱིས་སེན་མོའི་རྩ་བ་ན་ཕར་ལ་རླུང་སོང་བར་བསམ་མོ། །དེ་ནས་ན་
2-2-173a
༄༅། །ཕྱོགས་སྟེང་དུ་བཏོན་ལ་ཡང་དེ་ལྟར་བྱའོ། །དེ་ལྟར་བྱས་པས་རླུང་གཟེར་ཆེར་འགྲོ་བའམ་རང་སོ་ཟིན་པ་འོང་། ལྟེ་བ་མན་ཆད་དུ་རེངས་ན་གཡས་གཡོན་གང་ཡིན་པའི་རྐང་པའི་སོར་མོ་ནས་དྲངས་ཏེ་སྔ་མ་ལྟར་རོ། །སྙིང་ཁ་ལ་སོགས་སྟེང་འོག་གི་རྩ་གནས་སུ་རེངས་ན། དེའི་གཡས་གཡོན་གཉིས་དང་རྩ་སྣ་ནས་འདོན་ནོ། །བཞི་པ་ནི་སྐྱིལ་ཀྲུང་བཅས་ལ་ལག་པ་གཉིས་པུས་མོ་ལ་བརྟེན། ཏིང་ངེ་འཛིན་གྱིས་ནང་ཐམས་ཅད་སྟོང་པར་བསམ་སྟེ། ལག་པ་གཉིས་ཀྱང་ཤིན་ཏུ་སྲབ་པར་བསམ་ལ། ལུས་ཐམས་ཅད་དྲ་མིག་བཞིན་དུ་དཀར་སིང་ངེར་བསྒོམ་ཞིང་། རྡོ་ཁང་ལ་མེ་བཏང་བ་བཞིན་བསྒོམ། དེ་ནས་སྣ་ནས་ཀྱང་རླུང་ཅིག་ཅར་དུ་འགྲོ་བར་སྤྱད་དོ། །ནད་སོས་ནས་ལུས་ལ་བཀུ་བྱུག་བྱའོ། །བཞི་པ་ནི་ནང་རླུང་རྩར་རེངས་པ་ལ་ཐོན་པར་འགྱུར་རོ། །རྩིབ་ལོགས་ན་ན། ལག་པ་པུས་མོ་གཡས་གཡོན་གཉིས་ལ་འཁྱུད་དེ་ཅི་ནུས་ཅིག་གཅུས་ནས་རླུང་དྲག་པོར་བཟུང་ན་རྩིབས་ལོགས་ན་བ་ལ་ཕན། ལག་པ་དང་རྐེད་པ་ན་ན། རྒྱབ་ཏུ་ཐལ་མོ་སྦྱར་ནས་ཅི་ནུས་པར་ཕུལ་ནས་རླུང་འཇམ་པོར་མནན་ན་ཕན་ནོ། །རིག་པ་སེམས་ཀྱི་ངར་སོ་བཟུང་ངོ་། །སྲིན་ལག་ན་ན། དང་པོ་མགོ་ན་བ་དང་སྐྱུག་འདོད་པ་འོང་། ཁ་ནས་ཆུ་སྐྱུར་འོང་བ་སྲིད་དོ། །རྒྱུ་སྨད་སྐྲངས་རྒྱུག་འོང་། གཟེར་ཟུག་འོང་། དེ་ཞི་བར་བྱེད་པའི་ཐབས་ལ། 
2-2-173b
མཛུབ་མོ་གཉིས་ཀྱིས་བཤང་ལམ་ཕྱེ་ལ། རླུང་སྔོ་དམར་བཤང་ལམ་ན་མར་ན་ར་ར་སོང་བར་བསམ། དབང་ཆེན་གསེར་གྱི་ས་གཞི་ལ་ཤེས་པ་གཏད། རླུང་དྲག་ཏུ་མནན་ཅིང་ཡང་ཡང་བྱ། གལ་ཏེ་ཁྲག་བཤལ་གྱིས་སོང་ནས་དེ་བཅད་པའི་ཐབས་ལ། སོར་མོ་རྣམས་བཀྲོལ་ལ་སྲིན་ལག་གཉིས་ནང་དུ་བཅུག་སྟེ་དེ་གཉིས་ཀྱིས་ལྟེ་བ་མནན་ལ། སྒལ་ཚིགས་ལ་གཏུགས་ཏེ། འཇམ་རླུང་མནན་ལ་ཡང་ཡང་བྱ། ཡང་ན་ཤིང་སྐམ་པོ་གོས་ཀྱིས་བཏུམས་ལ་ཡང་ཡང་བྱ། དེས་ནི་ཆད་པར་འགྱུར་རོ། །ཡང་རླུང་གི་སྐྱོན་གྱིས་འདི་ལྟར་འབྱུང་། ལྟེ་བ་མན་ཆད་དུ་རླུང་སྟོང་རྒྱུ། སྲོག་གི་རླུང་གི་དབང་དུ་བྱས་ནས་འགྲོགས་ན་ལྟེ་བའི་འོག་ན་བླུགས་ནས་ཤེས་དང་། རླུང་ཐམས་ཅད་ཐུར་སེལ་གྱི་དབང་དུ་བྱས་ན་རྒྱུན་ལོག་པས། ཕྱིར་ལྟོ་བ་ཐམས་ཅད་གྲུ་རྒྱས་པ་བཞིན་སྤོས་སོ། ཁྱད་པར་ནི་ལྟེ་བའི་འོག་རྡོ་ལྟར་སྲ་བར་གྱུར་ནས་དྲི་ཆེན་དྲི་ཆུ་དང་རླུང་མི་ཐོན་པས། དང་པོ་གཟེར་ཞིང་ཟུག །དེ་ནས་རྩ་བསྡུས་ཏེ། ཤེས་པ་རེས་གསལ་རེས་མི་གསལ་བར་གྱུར་ནས། དེ་མྱུར་དུ་ཞི་བ་ནི། ལྟེ་བའི་འོག་སོར་བཞི་པ་མེ་ལོང་ཙམ་བྱ། དེའི་སྟེང་དུ་རས་སམ་འཕྱིང་ཁུག་ལས་སོགས་པའི་ཕོན་དོ་སྙམ་པ་ཙམ་ཞིག་བྱས་ལ། དེ་ནས་ཕར་སྐེ་རགས་སམ། རས་ཀྱི་ཤགས་མས་རིམ་གྱིས་བསྡམས་ཏེ། རྒྱབ་ཏུ་མདུད་པ་བྱས། དེ་ནས་བླ་མའམ། གྲོགས་པོ་གཅིག་གིས་
2-2-174a
༄༅། །སྐེད་པ་ནས་བཟུང་སྟེ། དྲག་ཤུལ་དུ་ལངས་ལ། རྐང་པ་གནམ་དུ་བསྟན་ཏེ་ལག་པ་གཉིས་ས་ལ་གཏད། འོག་མ་ལ་ཧ་ཅང་ལྗིད་མི་ལྷུང་བར་བྱ། དེ་ནས་ཡང་གྲོགས་གཞན་ཞིག་གིས་དང་པོ་རྐང་མཐིལ་གཉིས་མར་བཀུས་ལ། དེ་ཁུར་ཚར་གྱིས་ལན་གསུམ་གསུམ་བརྡུངས་ནས། དེ་ནས་ཅུང་ཞིག་སྤྲུགས་ནས་དལ་གྱིས་ཉལ། རྐང་མཐིལ་རིམ་གྱི་ཅུང་ཟད་གཅུ། རྐང་ལག་གི་མཐིལ་དང་སོར་མོ་རྣམས་མཉེ་ཞིང་མར་གྱིས་བྱུགས་ལ། དེ་ཡིས་རང་ཞིའམ་ཕྱིས་བྱུང་ན་ཡང་སྔར་བཞིན་བྱའོ། །རོགས་མེད་ན་རས་ཀྱིས་ལྟོ་བ་བཅིང་བ་ལ་སོགས་པ་རྣམས་རང་གིས་བྱས་ལ། ལག་པ་གཉིས་ཀྱིས་བརྟེན། རྐང་པ་གཉིས་གྱེན་དུ་བརྐྱང་ལ། རྐང་པའི་རྟིང་པ་གཉིས་ཀྱིས་འཕོངས་ལ་བརྒྱབ་ཅིང་བརྐྱང་བསྐུམ་རེ་མོས་ཀྱིས་བྱའོ། །ལུས་གཅུ། དེ་ནས་དལ་གྱིས་བབས་ནས་ཡན་ལག་ཐམས་ཅད་མཉེ་བ་སྔར་དང་འདྲ་དེས་མ་ཞི་ན་ཡང་ཡང་བྱའོ། །དེས་ལྟེམ་གྱིས་སོང་བ་སྟེ། དེ་ནས་དལ་གྱིས་ཉལ་ལོ། །དྲག་ཤུལ་དུ་ཉལ་ན་སྔར་བཞིན་འོང་ངོ་། །བྱུང་ཡང་བཅོས་ལུགས་སྔར་བཞིན་བྱའོ། །གལ་ཏེ་སྐྱུགས་ན་སེངས་པོ་སྐོལ་ལ་བཏང་ངོ་༑ ༑དེ་ནས་རང་སོ་བཟུང་བ་ཉིད་ཀྱིས་ཞི་བར་འགྱུར་རོ། །དེ་ནས་ཡུན་རིང་དུ་ཤེས་པ་མི་གསལ་ན་སྙིང་གར་ཆུ་ལྕག་བརྡེག་གོ །དེ་མ་ཐག་ཏུ་སྐྱོན་དེ་ལས་གྲོལ་ལོ། །རིག་པ་སེམས་ཀྱི་ངར་སོ་བཟུང་། ཡང་
2-2-174b
འོག་རླུང་གི་དབང་དུ་བྱས་ནས་འགྲོ་སྟེ། སྟེང་དུ་ལྷགས་པས་རླུང་ལྕེ་ཆུང་གི་འཁོར་ལོ་དང་འཇིང་རུས་ལ་གཏུགས་ཏེ། དཔེར་ན་ཁང་ཆུང་དུད་པས་འཚངས་པ་ཞན་དུ་སོང་ནས་ཁ་སྣ་སྐམས་ཞིང་སུབས་ན། དེས་རོ་སྟོད་རྒྱངས་པ་བཞིན་དུ་གཟེར། དབུར་མགྲིན་པར་འཚངས་ནས་ཞགས་མི་ཐོན། ད་ལྟ་འཆི་ཁར་ཕྱིན་སྙམ་པ་འབྱུང་། རྩ་བསྡུས་སྔར་གྱི་ཤེས་པ་མི་གསལ་བར་གྱུར་ནས། དེ་ཞག་གཅིག་འདས་ན་སྲོག་གི་བར་ཆད་དུ་འགྱུར་བས། དེ་ཞི་བར་བྱ་བ་ནི། སྙིང་འཕར་སར་མེ་ལོང་ཙམ་གྱི་བཀུ་བྱུག་བྱ། དེའི་མདུན་དུ་རྒྱབ་ཏུ་རས་སམ་དར་དཀར་གྱི་ཕོ་ལོང་སྙམ་པ་ཙམ་རེ་བཞག་སྟེ། རས་ཀྱི་ཤགས་མས་རིམ་གྱིས་བསྡམས་ལ་མདུད་པ་བཏང་། དེ་ནས་ཡང་ལག་པ་གཉིས་ཀྱིས་མི་བཟུང་ནས་སྤྲུག་ཅིང་དྲག་ཤུལ་དུ་ལངས་ཏེ། སྤྱི་བོར་ཐལ་མོས་ལན་གསུམ་ཙན་བརྡུང་། དེ་ནས་ཕྲག་པ་གཉིས་སུ་བརྡེག །དེ་ནས་གདོང་རུས་ནས་བརྡེག་སྟེ་སྒལ་ཚིགས་མ་ཟད་ཀྱི་བར་དུ་ཡང་ནས་ཡང་དུ་ཁུར་ཚུར་གྱིས་བརྡུང་ཞིང་། དེ་ལྟ་བུ་ལན་གསུམ་གྱི་བར་དུ་བྱས་ནས་རོ་སྟོད་པང་གིས་བཏབ་སྟེ་ཅུང་ཟད་སྤྲུག །དེ་ནས་ལུས་དལ་བུས་ས་ལ་ཕབ་སྟེ་ཕོ་ལྟོས་ལོགས་སུ་བཞག་ལ། ཡན་ལག་མཉེ་བ་ལ་སོགས་སྔར་བཞིན་དུ་བྱས་ལ་ཉལ་ལོ། །དེ་ནས་འཕྲལ་དུ་དྲན་པ་བསྐྱེད་དོ། །ཕྱིས་སེམས་གསལ་བར་འགྱུར་བ་དང་བཏང་བའི་ཡན་ལག་ཅི་རིགས་སུ་
2-2-175a
༄༅། །བྱས་ནས། སྐྲག་པ་ཆེན་པོ་འདོན་ནོ། །དེས་སྐྱོན་ལས་གྲོལ་བ་དང་ཏིང་ངེ་འཛིན་མཆོག་ཏུ་འགྱུར་རོ། །གལ་ཏེ་རོགས་མེད་ན་ལྟོ་བ་བཅིངས་པ་ལ་སོགས་སྔ་མ་ལྟར་བྱས་ནས་རང་ཉིད་དྲག་ཤུལ་དུ་ལངས་ལ་སྤྱི་བོ་ནས་ཐལ་མོ་བརྡེག །དེ་ནས་ཁད་ཀྱིས་མཐོ་བ་སྟག་མཆོངས་བྱ། ལན་འགའ་ཙམ་བྱས་ནས་ཅུང་ཞིག་སྤྲུག སྟ་ཟུར་གྱི་སྐ་རགས་བཟུང་ལ་སོ་ལྟོ་བརྡུང་། དེ་ནས་ལུགས་ལ་ཡན་ལག་རིམ་གྱིས་མཉེ་བ་སྔ་མ་བཞིན་ནོ། །རིག་པ་སེམས་ཀྱི་ངར་སོ་བཟུང་། ཏིང་ངེ་འཛིན་མཆོག་ཏུ་འགྲོའོ། །ལུས་མི་བརྟན་ཅིང་འགྱེལ་སྙམ་པ་བྱུང་ན། རླུང་གི་བྱང་ཆུབ་ཀྱི་སེམས་གནས་འཕགས་པ་ཡིན་པས་སྨིན་ཕྲག་ཏུ་ཐིག་ལེ་དཀར་སྐྱིལ་ལེ་བ་གཅིག་ལ་དམིགས་པ་གཏད་ལ་བསྒོམ། ལུས་སྦྲིད་ཅིང་བེར་བ་ལངས་ན་བྱང་སེམས་གནས་ནས་འཕགས་ཏེ་རླུང་དང་འཐབ་པའི་ལྟས་ཡིན་པས་རྡོ་རྗེའི་རྩེ་མོར་སེམས་གཏད་ཅིང་བསྒོམས་པས་ཕན་ནོ། །རྡོ་རྗེ་རྩེ་མོ་འགས་པ་སྙམ་བྱེད་ཅིང་བྱང་སེམས་འཛག་ན་རླུང་ཤས་ཆེ་བ་ཡིན་པས་ལྟེ་བ་སྤྲུལ་པའི་འཁོར་ལོ་ནས་བྱང་སེམས་ཁོལ་བ་ལ་སེམས་གཏད་ལ་བསྒོམ། ཡང་ན་ཧཾ་དགུ་ཨོ་གསུམ་བརྗོད། བསྒོམ་སྙིང་མི་འདོད་ཅིང་འགྲོ་སྙིང་འདོད་ན། རླུང་ཤས་ཆེ་བས་འབར་འཛག་བསྒོམ། བཀུ་མཉེ་བྱ། ལུས་ཀྱི་ནང་དུ་ན་ཚ་དྲག་པོ་བྱུང་ནས་རྒྱབ་ཏུ་ཟུག་གཟེར་བྱུང་ན། རླུང་འབུར་བ་ཡིན་པས་
2-2-175b
གང་ན་འབུར་བའི་སར་བཀུ་མཉེ་བྱ། བུ་ག་ནས་རླུང་སེམས་འདྲེས་པ་ཐོན་པར་བསམ། ཁ་མི་སྨྲ་བར་མཆོངས་ན་རླུང་ལྐུགས་པ་ཡིན་པས་བདུད་རྩི་ལྔ་དང་གཡེར་མ་དང་ཚིལ་ཆེན་རྣམས་མར་རྙིང་དང་བསྲེས་པ་བྱུག་པ་བྱ། ཤ་མདོག་དམར་སྐྱར་སོང་ན་ཁྱབ་བྱེད་ཀྱི་རླུང་གྱེན་ལ་ལོག་པ་ཡིན་པས་ལྟོ་སྟོང་ལ་ཆུ་ཕུལ་གང་ཙམ་བསྐོལ་ལ་དུ་བར་བྱས་ལ་བཏང་། ཆུ་ཁྱོར་བ་ཕྱེད་ཙམ་ལྕེ་ཐོག་ཏུ་བཞག་ལ་ལྕེ་ཐོག་ནས་ཕྱིར་ལ་ཕོའོ། །ལུས་ཟ་ཞིང་ཚ་ན། ཤ་འཐངས་བར་དུ་རླུང་སོང་བ་ཡིན་པས་ལོ་མར་དང་གཡེར་མས་ལུས་ལ་བྱུག ། རོ་སྨད་གྲང་ཞིང་ལུས་པོ་ལྗིད་ཅིང་འགུལ་མི་ནུས་ནས་བྱང་སེམས་བདེ་བ་མེད་པར་འཛག་ན་ཆུ་ཤས་ཆེ་བ་ཡིན་པས་ཡིག་གེ་གསུམ་བྱ། འབར་འཛག་བསྒོམ། ལུས་སྦྲིད་ན་མི་རྟོག་པ་ཤས་ཆེ་བ་ཡིན་པས་སྙིང་གར་ཐིག་ལེ་བསྒོམ། དེ་ལྟར་མེ་ཏོག་ཁུག་ཆོས་ལྟར་བསྒོམ། ཤེས་པ་འཕངས་བསྟོད། མིག་ཚག ཁ་ཆུ་བསྐམས། སྐོམ་སྙམ་བྱེད་ནས་བསྒོམ་སྙིང་མི་འདོད་ན་མེ་ཤས་ཆེ་བ་ཡིན་པས། ཆུ་གྲང་མོ་བཏུང་། ཁ་ནས་སྒྲ་བཅས་སུ་རྔུབ་ལ་སྣ་ནས་བཏང་། འབར་འཛག་བསྒོམ། སེམས་ཀྱིས་མི་བཟོད་ཅིང་སྐད་སྙན་པོ་འདོན་འདོད་ན་ལུས་ཀྱི་བདེ་བ་རྒྱས་པ་ཡིན་པས་ཤེས་པ་གཟེངས་བསྟོད། མགྲིན་པར་བྱང་སེམས་དཀར་པོ་ལ་བདེ་བ་ཡོད་པར་བསམ་ལ་བསྒོམ། ཀུ་ཅོ་ཆེན་པོ་བྱེད་འདོད་པ་དང་། ལུས་ཤིན་ཏུ་
2-2-176a
༄༅། །གཡང་ཟ་བ་སྙམ་བྱེད་ཅིང་མི་བཟོད་ན་ཤིན་ཏུ་བདེ་བ་རྒྱས་པ་ཡིན་པས་སྤྱི་བོ་བདེ་བ་ཆེན་པོར་སེམས་གཏད་ལ་བསྒོམ། སྐྲངས་པ་བདེ་མོ་དང་འཕྲད། རྟག་ཏུ་བདེ་དགའ་དང་མི་འབྲལ་ན་བདེ་བ་གྲམ་པ་ཡིན་པས་ཆུའི་ལྕག་རྒྱག །ཆུར་སྐྱུར་རོ། །བདེ་བ་ཤས་ཆེས་ན། རྩ་ཨ་བ་དྷཱུ་ཏཱིའི་རྩེ་མོ་སྨིན་མཚམས་དང་ལྟེ་བའི་བར་སྟོང་སང་ངེ་བ་བསྒོམ་པ་ལ་ཐིག་ལེ་དཀར་པོ་སྨིན་མཚམས་ནས་དེར་བསྒྱུར་བས་སྟོང་སང་ངེ་བ་ཡོད་པར་བསྒོམ་མོ། །བདེ་བ་ཆུང་ན་འབར་འཛག་བསྒོམ། ཐུན་ཆེ་ཆུང་བླ་མ་ལ་དྲིའོ། །རྩ་ཆུང་བསྡམས་ནས་རྒྱུ་སྨད་དཀྲིས་ནས་སྦོས་པ་བྱུང་ན། རླུང་རྟིང་སྨད་དུ་ལུས་པ་བྱ་བ་ཡིན་པས། བརྩིག་པ་ཕར་སྲོ་ཚུར་སྲོ་ཁ་ལ་དབྱུག་པ་སྦྲེལ། སྐུ་སྨད་བཀལ་བ་བྱ་ཞིང་ཁྱད་པར་དུ་རྐང་པ་ཤད་ཤད་བྱའོ། །དེའི་དུས་འཇམ་རླུང་མནན་ནོ། །གྲང་བ་ཆེ་བའམ། ཚ་བ་ཆེ་ནས་ན་ན་ངན། སྐྱིལ་ཀྲུང་བཅས་ལ་ལག་པ་གཉིས་པུས་མོའི་སྟེང་དུ་བཞག་ལ། རྡོ་རྗེའི་སྐྱུག་གཏད་བྱའོ། །འཇམ་རླུང་མནན། ཐིག་ལེ་འཛགས་ན་རྟེན་ཉམས་ནས་ཏིང་ངེ་འཛིན་མི་སྐྱེ་བས། དེ་ཏིང་ངེ་འཛིན་གྱི་བར་ཆད་ཡིན། ཐིག་ལེ་འཛག་པ་དྲུག་གསུངས་པ་ནི། བདེ་བ་སྐྱེས་ཏེ་གང་བས་འཛག །གདོན་དང་བར་ཆད་ཀྱིས་རྨི་ལམ་དུ་འཛག །འདི་ལ་ཚོར་བས་འཛག་པ་ཡིན། རིག་མའི་རྐྱེན་ཆགས་སྡང་སྐྱེས་ནས་འཛག ཁ་ཟས་མི་མཐུན་པས་ཉམས་
2-2-176b
ཏེ་འཛག །དེ་ནས་སྔར་གྱི་སྤང་བྱའི་ཟས་རྣམས་བསྟེན་པས་ཐིག་ལེ་རང་སྐམས་སུ་སོང་ནས་དེས་འཛག་རྒྱུ་མེད་དོ། །སྤྱོད་ལམ་གྱིས་རྡུལ་དང་སྡོངས་ཏེ་འཛག །རྔུལ་ཐོན་པས་ལུས་ཀྱི་བཅུད་འཚོར་བ་ཡིན་པས༑ དོན་གྱིས་འཛག་པ་དང་འདྲ་བས་སྤྱོད་ལམ་གྱི་རྡུལ་དང་སྡོངས་ཏེ་འཛག་ཅེས་བྱ། དེ་ལ་དང་པོ་ལུས་བདེ་བས་གང་བ་དྲག་ཤུལ་དུ་ཕྱིན་པའམ། གད་མོ་ཆེན་པོ་གད་པ་ཙམ་གྱིས་འཆོར། དེ་བསྲུང་བ་ནི། འགྱུར་བ་རྣམ་པ་དྲུག་ངག་འདྲེན་ཅིང་། བཞི་བཞི་དྲག་ཁྱད་པར་དུ་ཧཱུྃ་གིས་བསྲུང་། བསྐྲད་པའི་ཐབས་དང་། སེང་གེ་རྣམ་གྲོལ་གྱི་ཕྱག་རྒྱ་གོམས་ནས་ཐིག་ལེ་འཆོར་མི་སྲིད་གསུང་། གཉིས་པ་ནི། གུ་གུལ་ནག་པོ་དང་། མིའི་ལྤགས་པ་མ་རུལ་བ་དང་། ལྕགས་ལ་སོགས་པའི་སྣོད་དུ་ཉུངས་ཀར་བསྲེགས་པའི་ཐལ་བ་དང་། རང་བྱུང་མེ་ཏོག་དང་བཞི་རང་གི་དྲི་ཆུ་དང་སྦྱར་ལ་ལེགས་པར་བྱས་ལ། སྲོད་ཀྱི་དུས་སུ་གསང་གནས་དང་སྐེད་པར་སྐེ་རགས་ཀྱི་ཚུལ་དུ་བྱུག །ཡང་སྐུད་པ་ནག་པོ་ལ་མདུད་པ་ཉི་ཤུ་རྩ་གཅིག་བྱས་ལ་ལྷག་པའི་ལྷའི་སྙིང་པོ་མང་དུ་བཟླས་ལ་བཅིང་། བག་ཆགས་ལ་བུད་མེད་ཀྱི་གོས་ཀྱི་དྲི་མའི་ཐུམ་པོ་བྱས་ལ་ལུས་ལ་གདགས། གཞན་ལུས་སྤྱོད་ལམ་ཙོག་པུར་བསྡད་པ་ལ་སོགས་པ་བཞིན་བྱ་རྒྱུད་དང་མཐུན་པས་ཀྱང་བསྲུང་སྟེ། གཞོན་ནུ་མས་ཀྱང་བཀལ་བའི། ལེབ་རྒན་རྩིའམ། གུར་གུམ་དུ་བཙོས་པའི་
2-2-177a
༄༅། །མདུད་པ་བདུན་བྱས་ཏེ། སྲོད་ལ་རིགས་སྔགས་སྟོང་རྩ་བརྒྱད་བཟླས་ཏེ་རྐེད་པར་བཅིང་། འདི་བསྒྲུབ་པ་དག་གིས་ནི་ཁུ་བ་རྟག་ཏུ་འཛག་པར་ངེས། རིགས་སྔགས་ནི། ཨོཾ་ཀྵུ་ཏྲ་དྷ་ར་བྷ་དྷ་མི་སི་ཐར་ཏེ་སྭཱ་ཧཱ། ཞེས་པའོ། །གཞན་ཡང་སྐྱེས་པ་གྲིར་ཤི་བའི་རུས་པ་གཞན་གྱིས་ལོངས་མ་སྤྱད་པ་ཁུ་ཆུ་ལྟ་བུ་འདར་ཙམ་བྱས་ལ་ལྟེ་བར་ཐིག་ལེ་མེ་ལོང་ཙམ་ཡང་ཡང་བྱ། དེས་ངེས་པར་ཐུབ་གསུང་། གསུམ་པ་ནི༑ ཟས་བཅུད་ཅན་བཟའ། ཚ་བ་གསུམ་གྱི་གམ་ཕྱེ་ལྟོ་སྟོང་ལ་བཏང་། གཅན་ཟན་ལ་སོགས་པའི་ལྤགས་པས་གནས་ཁྱབ་པར་དཀྲི། ལངས་ཏེ་གྲུ་མོས་སླེབ་པའི་ཚད་མཁལ་ཁུང་དུ་མེ་བཙའ་སྤྲ་ཚུགས་ལྔའམ་དྲུག་གམ་བདུན་གདབ། ངེས་པར་ཞིའོ། །བཞི་པ་བསྲུང་བ་ནི། བརྒྱད་འགྱུར་རྣམ་པ་དྲུག །བསྐྲད་པའི་ཐབས་ཁྱད་པར་གསུངས་ཏེ། འདིའི་བསྲུང་བ་ནི་གཞན་དུ་བླ་མའི་ཞལ་ལས་ཤེས་པར་བྱ་བ་ནི། གུ་གུལ་གྱི་དུད་པས་དབང་པོའི་སྒོ་རྣམས་བདུག ཁྲའི་སྒོ་ང་ཟ་མ་ཏོག་ཏུ་གཏུམས་ལ་གནས་སུ་གདགས་པར་བྱ། ངང་པ་སེར་མོའི་སྒོ་ང་ལུས་ལ་བྱུག ། ཕྱེད་ཆུར་སྐྱུར། དེས་ཀྱང་བསྲུང་ནུས་སོ། །ཡང་མེ་ཏོག་ར་རྒྱ་མོ་ཞེས་བྱ་བ་དེ་ཡོངས་སུ་སྨིན་པ། ཞིབ་པར་བྱས་ལ་རྭའི་འོ་མ་ལ་བཏབ་ལ་ལྟོ་སྟོང་ལ་བཏང་། ཁ་ཟས་དང་སྨན་དེས་བསྲུང་བའི་མཆོག་ཏུ་འགྱུར་རོ། །དེ་དག་གིས་བསྲུང་བ་མ་ནུས་ན། གོ་བཟློག་པའི་
2-2-177b
གདམས་ངག་ཞེས་བྱ་བ། རང་ཉིད་དབང་ཕྱུག་ཆེན་པོ་གཅེར་བུ་ལ་བའི་གཅི་བས་ལུས་ལ་བྱུགས་པ། རལ་པ་གཅིག་ཡོད་པ། ལག་པ་གཡས་ཀྱིས་རྨ་བྱའི་སྒྲོས་གསང་གནས་བཀབ་པ། གཡོན་གྱིས་རིལ་བ་སྤྱི་བླུགས་འཛིན་པ། དེ་ལྟ་བུ་ཞིག་བསྒོམས་ལ། ཨོཾ་ཧ་རི་ཧན་ཏ་ཙོག་ཙོག །རྒྱུན་མི་ཆད་པ་མང་དུ་བཟླས་ན་འཕྲལ་དུ་ཐིག་ལེ་བསྲུང་ངོ་། །དེ་ཡང་བདེ་བ་ཉམས་སུ་འགྲོ་བས་སྐབས་སྐབས་སུ་ཉམས་དང་སྦྱོར། འཛག་པ་གཉིས་པོ་སྔར་ཟས་སྤྱོད་ལམ་གྱི་བདུད་རྩི་ཞེས་སོ། །བསྙེན་པའི་སྐབས་སུ་ཁྱད་མེད་དོ། །ཐུར་སེལ་རིངས་ནས་རྩ་ཆུ་སྡོམ་པ་དང་། ཟུག་གཅེར་བསྐྱེད་དེ། རྩ་སྒོ་དྲིལ། དམྱལ་བ་ལྟ་བུར་གཟེར་བ་དང་༑ རྐང་ལག་འཁངས་པ་དང་། རོ་སྨད་བཤལ་ཅིང་མི་ཐེག་པ་ལ་སོགས་གང་ཡང་རུང་བ་འོང་ངོ་། །དེ་ལ་ཐུན་མོང་དུ་ལུས་སྐྱིལ་ཀྲུང་བཅའ། རེས་འགའ་ཙོག་པུར་བྱ། རེས་འགའ་འཆོང་རྒྱུག་བྱ། བཤང་གཅིའོ་བར་ཉེད། སྲིན་པོའི་ཞལ་ཡར་ཐེན་མར་ལྷོད་ཀྱིས་ཕུལ་བ་ཡང་ཡང་བྱ། ཅུང་ཟད་འགྲོ། སེམས་དང་ངག་གི་གནད་ནི་གོང་མ་བཞིན་བྱ། བྱེ་བྲག་ཏུ་རྩ་ཆུ་ཐོགས་ལ། སོར་མོ་རིང་གསུམ་པའི་སེན་མོ་བྲེགས་ལ་དེ་དར་གྱིས་དཀྲིས་ལ་འོག་སྒོ་མཉེའོ། །འོག་རླུང་ཡང་ཡང་བསྐྱོད། བརྐྱང་བསྐུམ་གྱི་སྦྱོར་བ་ཞེས་བྱའོ། །དེའི་དུས་སུ་རྐང་བོལ་གཉིས་མཉེའོ། །རླུང་གིས་དགང་བའི་མན་ངག་གང་རུང་གཅིག་
2-2-178a
༄༅། །བསྡམས་ནས་སེམས་ཀྱིས་གཤང་ལམ་ན་མར་རླུང་ཏ་ར་ར་སོང་བར་བསམ། དེ་མ་ཐག་ཏུ་ཞིའོ། །རིག་པ་སེམས་ཀྱིས་ངོས་བཟུང་། ཁྱབ་བྱེད་མགོ་དང་ཚིགས་པ་བཅུ་གསུམ་པ་གཉིས་ལ་ལྡིངས་ནས་ཚིགས་ཐམས་ཅད་ན་བ་དང་། རྩ་ཐམས་ཅད་ཁབ་རྩེས་བཙགས་པ་སྙམ་བྱེད་ན། འབར་འབུར་སྐྲངས་པ་སྙམ་བྱེད་ཅིང་། ཡན་ལག་ཐམས་ཅད་འཁུམས་ཏེ་སྒུར་པོ་ལ་སོགས་པར་འགྱུར་རོ། །དེ་ཞི་བར་བྱ་བ་ནི། རྩེད་མོ་དང་། མཆོང་རྒྱུག་དང་། དྲག་ཤུལ་གྱི་ལས་ཀྱིས་ཀྱང་འཕྲལ་དུ་སེལ་ལོ། །ཡང་ན་སྨན་གྱིས་བཅོས་ཏེ། ཏིལ་མར་ཡོད་ན་རབ། མེད་ན་མར་ནག་བསྡུ་བ་ལ་ནང་དུ་གཡེར་མ་ཞིབ་པར་བཏགས་པའི་ཕྱེ་མ་བཏབ་ཅིང་། ཚོགས་མའི་སྐྲ་ཕྱེ་ལ་བཀུའོ། །སྐྲ་མཚམས་དཔྲལ་བ་དང་སྙིང་ཁར་བཀུ། ཡང་དབྱར་ཡིན་ན་གྲང་མོས་ཆོག །དགུན་ཡིན་ན་རྩེ་ཆག་ཙམ་བྱས་ལ། དེས་ལུས་སྐེད་ནུབ་པ་ཙམ་བཅུག་ལ་ལུས་ཐམས་ཅད་ལ་བཀུའོ། །དེ་ནས་གཞན་གྱི་འོག་ན་མར་ཆུ་བླུག་ཏུ་བཅུག་གོ །དེ་ནས་གོས་ཀྱིས་བཏུམས་ལ་རླུང་ཁ་སྦྱོར་ཐུབ་ཚད་ལ་གསུམ་མམ་ལྔ་ཙམ་བྱའོ། །ཆུ་སྐམས་ན་ཡང་གཤེར་དུ་གཞུག །མ་ཕན་གྱི་བར་དུ་དེ་ལྟར་བྱའོ། །གཏོང་བའི་ཡན་ལག་གང་རུང་ནས་བསྐྱེད་ལ་བཏང་ངོ་། ཁྱད་པར་དུ་སོང་། ཧ་པ་ལའི་སྦྱོར་བ་སྟེ། རྐང་པ་རྡོ་རྗེ་སྐྱིལ་ཀྲུང་བཅའ། ལག་པ་གཉིས་བསྣོལ་ཏེ། རྐང་
2-2-178b
པའི་མཐེ་བོང་གཉིས་ནས་བཟུང་ནས་རླུང་མནན་ཅིང་བཅུད་དོ། །དེས་སེལ་ལོ། །ཡང་ལུགས་གཅིག་ལ། རྐང་པ་གཡས་བསྐོར་གཡོན་བསྐོར་བྱེད་ཅིང་ཐུར་ལ་གཞོལ་བ་སྟག་མཆོང་ལན་འགའ་ཙམ་བྱ། ཚིགས་ཀུན་ལ་བཀུ་མཉེ་བྱ། མ་སོས་ཀྱི་བར་དུ་བྱ། རིག་པ་སེམས་ཀྱི་རང་སོ་བཟུང་། རྐང་པ་ཐོར་པ་འོང་ཞིང་རྩུབ་པར་གྱུར་ན་རྟག་ཏུ་བཀུ་བྱུག་བྱ། ལག་མཐིལ་གྱིས་དྲུད་དོ། །དེས་ཕན་ནོ། །སྨད་ཀྱི་བྱང་སེམས་རླུང་གིས་གཏོར་བར་གྱུར་ན། འཕུར་ན་སྙམ་པ་དང་། མཐོང་སྣ་རིགས་མི་འདྲ་བ་མང་པོ་འབྱུང་སྟེ། ཡུན་རིང་དུ་བཞག་ན་སྨྱོ་ཡོང་པས་འདི་བཟློག་པའི་ཐབས་ལ། ལུས་མདུན་དུ་བཀུག །རྐང་པ་སྔོན་གཤིབས་ལ་བརྐྱང་། རླུང་མནན། བཏང་བ་ནི་སྣ་གཉིས་ཀ་ནས་དྲག་ཏུ་འབུད་ལ་དྲག་ཏུ་བཏང་། དམིགས་པ་ནི་གཤང་ལམ་དུ་གཏད་ལ། དབང་ཆེན་གསེར་གྱི་ས་གཞི་ལ་རླུང་སྔོ་དམར་ཕྱུ་རུ་རུ་ཐུག་པར་བསམ༑ སྤྱི་བོ་ནས་མར་སྣུམ་དུགས་དྲག་ཏུ་བྱ། ལུས་ཀྱི་ཕྱི་ལ་བཀུ་མཉེ་དྲག་ཏུ་བྱ། མལ་དྲོན་མོར་ཉལ་ལ་ཡང་ཡང་དེ་ལྟར་བྱས་ན་དེ་མ་ཐག་ཏུ་ཞི་བར་འགྱུར་རོ། །རིག་པ་སེམས་ཀྱིས་ངོས་བཟུང་ངོ་། །གེགས་སེལ་ཞལ་གྱི་གདམས་པ་རྫོགས་སོ།། །།
2-2-179a
༄༅། །མགོན་པོ་བྱ་རོག་མའི་སྒྲུབ་ཐབས་དྷརྨ་ཀཱིརྟིའི་ལུགས་ཀྱི་མགོན་པོའི་བདག་བསྒོམ་བཞུགས་སོ། །
༄༅། །མགོན་པོ་བྱ་རོག་མའི་སྒྲུབ་ཐབས་དྷརྨ་ཀཱིརྟིའི་ལུགས་ཀྱི་མགོན་པོའི་བདག་བསྒོམ་བཞུགས་སོ། །ཆོས་སྐྱོང་འདིའི་རྒྱུད་པའི་ལོ་རྒྱུས་ནི། དཔལ་རྒ་ལོ་ལ་བླ་མ་དུས་གསུམ་མཁྱེན་པ། ཕག་མོ་གྲུ་པ། ཞང་སུམ་ཐོག་པ། དགེ་བཤེས་ཨར་ལ་སོགས་པའི་དགེ་བའི་བཤེས་གཉེན་བཅུ་གསུམ་གྱིས་བཅོམ་ལྡན་འདས་འཁོར་ལོ་བདེ་མཆོག་དང་། ཆོས་སྐྱོང་ཕྱག་བཞི་པ་ལ་སོགས་པའི་དབང་རྗེས་གནང་དང་བཅས་པ་ཞུས། དེའི་དུས་སུ་ཆོས་རྗེ་དུས་གསུམ་མཁྱེན་པའི་གཟིགས་སྣང་ལ། དཔལ་རྒ་ལོ་ནི་འཁོར་ལོ་བདེ་མཆོག་དངོས་སུ་གྱུར་ནས། དཔའ་བོ་དང་དཔའ་མོ་བསམ་གྱིས་མི་ཁྱབ་པའི་འཁོར་གྱིས་བསྐོར་ནས་དབང་བསྐུར་ཞིང་། ཆོས་སྐྱོང་འཁོར་དང་བཅས་པས་བར་ཆད་སེལ་བའི་གཟིགས་སྣང་བྱུང་། དེ་ནས་ཤིན་ཏུ་དད་དེ། གོས་ཡུག་གཅིག་དང་གསེར་ཞོ་ཕྱེད་དང་དོ་ཕྱག་ཏུ་ཕུལ་ནས། བདག་ལ་ཆོས་སྐྱོང་གི་གདམས་ངག་དེ་ཞུ་ཞེས་ཞུ་བ་ཕུལ་བསམ། དེ་ཙུག་བྱ་ཡིས་ཤིན་ཏུ་ལེགས་གསུངས་ནས། ཆོས་སྐྱོང་འདིའི་རྒྱུ་མཚན་ཞིག་ངས་བཤད་དེ། འཕགས་པ་ཀླུ་སྒྲུབ་བི་ཀ་མ་ལ་ཤི་ལ་ན་བཞུགས་པའི་དུས་སུ། ཆུ་བོ་གང་གཱའི་འགྲམ་དུ་བྱོན་པས་མགོན་པོའི་རྡོ་སྐུ་ཞབས་ཀྱི་པུས་མོ་མན་ཆད་ཆུ་ལ་ནུབ་པ་ཅིག་གཟིགས་ནས་ཉམས་དགའ་བ། དང་བ་སྐྱེ་བ་དགའ་ཡལ་བ་ཞིག་བྱུང་། དེ་ནས་བི་ཀ་མ་ལ་ཤི་ལའི་བཀའ་བསྲུངས་སུ་འབྱོན་པར་ཞུ་ཞེས་གསོལ་
2-2-179b
བ་བཏབ་པས། ཕྱི་ནང་གཙུག་ལག་ཁང་གི་སྒོའི་ཕྱི་འཁྱམས་ན་བྱོན་ནས་བཞུགས་པ་ཐམས་ཅད་ཀྱིས་ཞལ་གཟིགས། ཕྱི་དྲོའི་དུས་སུ་དགེ་འདུན་གྱི་གཉེར་པས་ཤ་ཆང་ལ་སོགས་པའི་གཏོར་མ་ཆེན་པོ་གཅིག་བཤམས་ནས་འབུལ་བར་འདོད་པ་ལ། དུས་རེ་ཞིག་གི་ཚེ་ན་དགེ་འདུན་ཐུགས་ཡེངས་ནས་བྱིན་རླབས་མ་བྱས་པའི་བར་དུ་གཏོར་མ་ཁྱིས་ཁྱེར་ཏེ་དཀོན་ཁྲོས་ནས། ཁྱོད་འདྲའི་ཆོས་སྐྱོང་རང་གི་གཏོར་མ་མི་ཐུབ་པ་བྱས་ནས་ཐལ་མོ་བརྡབས་པས། ནང་པར་ཆོས་སྐྱོང་གཤེགས་ནས་མི་སྣང་། དེ་ནས་སློབ་དཔོན་ཀླུ་སྒྲུབ་ཀྱིས་ཐུགས་ཐག་པ་ནས་འབྱོན་པར་ཞུ་ཞེས་གསོལ་བ་བཏབ་པས། ང་དེར་མི་འོང་། དུར་ཁྲོད་བསིལ་བའི་ཚལ་དུ་འོང་གསུངས་ནས། བསིལ་བའི་ཚལ་དུ་གཤེགས་པའི་སྣང་བ་བྱུང་ངོ་། །ཡང་སློབ་དཔོན་གྱིས་གསོལ་བ་བཏབ་སྟེ། ཁྱེད་གང་གི་ཆོས་སྐྱོང་ལགས་ཞུས་པས། ང་ནི་སཾ་བྷ་ར་དངོས་ཡིན་ཏེ་ལོ་ཀའི་ལྷ་འདྲེ་དྲེགས་པ་ཕོ་མོ་ཐམས་ཅད་འདུལ་བའི་ཕྱིར་ཡེ་ཤེས་ཀྱི་མགོན་པོ་ཞལ་གཅིག་ཕྱག་བཞི་པར་སྤྲུལ་ནས་སེམས་ཅན་གྱི་དོན་མཛད་པ་ཡིན་ནོ་གསུངས་ནས་རང་དམ་རང་གིས་བཅས་ཏེ་རང་ཉིད་ཀྱི་སྒྲུབ་ཐབས་ཀླུ་སྒྲུབ་ལ་གསུངས། སློབ་དཔོན་གྱིས་ཨརྱ་དེ་བ་ལ་གནང་སྟེ། བླ་མའི་མན་ངག་གཞུང་དུ་བཀོད་པའི་སྒྲུབ་ཐབས་དེ་མཛད་པ་ཡིན། དེས་སློབ་དཔོན་མར་མེ་མཛད་བཟང་པོ་ལ་བཤད། དེས་རྡོ་རྗེ་
2-2-180a
༄༅། །གདན་པ་ལ་བཤད། དེས་ཙ་མི་ལོ་ཙཱ་བ་ལ་བཤད། དེས་བསྒྲུབ་པ་ལས་ཀྱི་རིམ་པ་མན་ཆད་ཀྱི་སྒྲུབ་ཐབས་ཐམས་ཅད་མཛད་པ་ཡིན། དེ་ནས་བྱ་རོག་ཅན་གྱི་ཆོས་སྐྱོང་འདི་བོད་དུ་ཡེ་མ་འགྱུར་བ་ལ། དུས་ཕྱིས་ཡུལ་མདོ་སྨད་དུ་སྐུ་འཁྲུངས་པའི་དཔལ་རྒ་ལོ་ཞེས་བྱ་བ་བརྩོན་འགྲུས་ཀྱི་སྟོབས་དང་ལྡན་པ། ཡོན་ཏན་རིན་པོ་ཆེ་དོན་དུ་གཉེར་བའི་ཕྱིར་དུ། རྒྱ་གར་གྱི་ཡུལ་དུ་ཕྱིན་ནས། དཔལ་ཙ་མི་ཆེན་པོ་ལ་གདམས་ངག་ཞུས་པ། བླ་མ་ཨ་བྱཱ་ཀ་ར་ལ་དབང་བཞི་རྫོགས་སུ་ཞུས་ནས། མགོ་ས་ལ་ཀྲ་མར་ལོ་བདུན་དུ་ལྷན་སྐྱེས་དང་དུས་འཁོར་གྱི་བསྐྱེད་རྫོགས་གཉིས་ཉམས་སུ་བླངས་ནས་ཐུན་མོང་གི་དངོས་གྲུབ་ཐོབ་ནས་ཏིང་ངེ་འཛིན་གྱི་རྩལ་སྦྱོང་བ་དང་ནུས་པ་བརྟན་པ་མཐར་དབྱུང་བའི་ཕྱིར། བླ་མ་ལ་ཞུས་ནས་དུར་ཁྲོད་བསིལ་བའི་ཚལ་དུ་གཏོར་མ་གཏོང་དུ་ཕྱིན་པ་ལ། དུག་ཤིང་གི་སྡོང་པོ་ཞིག་གི་རྩར་མི་ནག་པོ་བྱ་རོག་གི་གདོང་ཅན་གཡས་ན་གྲི། གཡོན་ན་ཐོད་ཁྲག་ཐོགས་པ་སྤྱན་ཁྲག་གི་རང་བཞིན་དུ་འདུག་པ་ཞིག་སྣང་ནས། དེ་ལ་རྒྱབ་བསྟན་ནས་བསྒོམས་པས་ཐུན་ཐ་མ་ལ་ལྕེ་སྤྱང་གི་ཚོགས་དང་། ཌཱ་ཀི་མ་ལ་སོགས་ཏེ་ལོ་ཀའི་དྲེགས་བྱེད་ཕོ་མོ་དཔག་ཏུ་མེད་པ་བདག་ལ་བར་ཆོད་བྱེད་པར་མཐོ་འཚམ་དུ་བྱུང་ཀྱང་བསམ་གཏན་ལ་བར་དུ་མ་ཆོད་དེ། སླར་ལས་ཏིང་ངེ་འཛིན་མཆོག་ཏུ་གྱུར་པ་རྒྱུད་ལ་སྐྱེས་སོ། །
2-2-180b
དེ་ནས་མི་ནག་པོ་གཅིག་བྱུང་ནས་ཏིང་ངེ་འཛིན་གྱིས་དེ་ཚར་བཅད་དེ། ཁྱོད་སུ་ཡིན་དྲིས་པས། ང་ལོ་ཀའི་མགོན་པོ་ཤིན་ཏུ་སྟོབས་ཆེ་བ་ཞིག་ཡིན་ཟེར། ཁྱེད་ཀྱི་གཉེན་པོ་སུ་ཡིན་བྱས་པས། སྔོན་སློབ་དཔོན་ཀླུ་སྒྲུབ་ཀྱིས་བི་ཀ་མ་ལ་ཤི་ལར་སྤྱན་དྲངས་པའི་མགོན་པོ་ཞལ་གཅིག་ཕྱག་བཞི་པ་དེ་ཡིན་ཟེར། འོ་ན་ཁྱེད་གཅིག་པུ་ཡིན་ནམ་གཞན་ཡང་ཡོད་བྱས་པས། ང་གཅིག་པུ་མིན་ཏེ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་མགོན་པོ་ལྔ། ལས་ཀྱི་མགོན་པོ་གསུམ་དང་། ཆོས་སྐྱོང་གི་ཚོགས་བསམ་གྱིས་མི་ཁྱབ་པ་བི་ཀ་མ་ལ་ཤི་ལའི་གཙུག་ལག་ཁང་དུ་སློབ་དཔོན་ཀླུ་སྒྲུབ་ཀྱིས་སྤྱན་དྲངས་པའི་དུས་སུ། དཀོན་གཉེར་གྱིས་བརྙས་པ་བྱས་ནས། ངེད་དཔོན་གཡོག་བསིལ་བའི་ཚལ་དུ་འོངས་ནས། ང་ནི་བསིལ་བའི་ཚལ་གྱིས་བདག་པོར་བསྐོས། གཞན་ཡང་དུར་ཁྲོད་བརྒྱད་ན་ང་འདྲ་བ་བརྒྱད་རེ་རེ་ལ་ཡང་ཤ་ཟ་དང་ཁྲག་འཐུང་ལ་སོགས་པ་འཁོར་བསམ་གྱིས་མི་ཁྱབ་པ་ཡོད་ཟེར་བ་དང་། དེའི་དུས་སུ་དམ་ལ་བཏགས་ཏེ་སྲོག་གི་སྙིང་པོ་ཕུལ་ཆོས་སྐྱོང་བྱེད་པར་ཁས་བླངས་སོ། །བླ་མས་ཀྱང་གཏོར་མ་དང་དུག་གི་མེ་ཏོག་ཕུལ་ནས་བསྟོད་པ་ཞིག་མཛད་པས། ཁོང་ཡང་ཤིན་ཏུ་དགྱེས་ནས་བསྟོད་པ་དེ་ད་ལྟ་ཡང་བསིལ་ཚལ་མར་གྲགས་པ་དེ་ཡིན་ནོ། །དེ་ལ་ཁོ་ལ་བྱ་རོག་གི་གདོང་པ་ཡོད་པས་གཡོག་པོའི་མིང་གཙོ་བོ་ལ་ཆགས་ནས་
2-2-181a
༄༅། །ཆོས་སྐྱོང་བྱ་རོག་མ་ཞེས་ཀྱང་དེ་ནས་གྲགས་སོ། །དེ་ནས་བླ་མ་དཔལ་གྱིས་བླ་མ་ཙ་མི་ལ་གདམས་ངག་མ་ལུས་པ་ཞུས། དེ་ནས་བོད་དུ་བྱོན་ཏེ། བྱང་རྣམས་སུ་བཞུགས་པའི་དུས་སུ་ཆོས་རྗེ་དུས་གསུམ་མཁྱེན་པ་ལ་སོགས་ཏེ་གོང་དུ་བཤད་པའི་དགེ་བཤེས་རྣམས་ལ་གདམས་ངག་མ་ལུས་པར་གནས། ཁྱད་པར་དུ་ཆོས་རྗེ་གྲགས་པ་ལ་གདམས་ངག་དོན་དང་བཅས་པ་མ་ལུས་པར་གནང་། དེས་སྟག་དེལ་བ་དང་པྲཛྙཱ་ཀཱིརྟི་གཉིས་ལ་གནང་། པྲཛྙཱ་ཀཱིརྟིས་དཔལ་མི་བསྐྱོད་རྡོ་རྗེ་ལ་གནང་། དེས་བླ་མ་ཁམས་ཆེན་པ། དེས་བླ་མ་གཞོན་ནུ་དར་ལའོ།། ༈ །།
༄༅། །དཔལ་ཆེན་པོའི་སྒྲུབ་ཐབས།
རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ས་དྷ་ནཾ། བོད་སྐད་དུ། དཔལ་ཆེན་པོའི་སྒྲུབ་ཐབས། དཔལ་ཧེ་རུ་ཀ་ལ་ཕྱག་འཚལ་ལོ། །དཔལ་ལྡན་ཁྲག་འཐུང་འགྲོ་བའི་མགོན། །ལྷ་མོ་དང་བཅས་འཁོར་ལོ་ལ། །བཏུད་དེ་ནག་པོ་ཆེན་པོ་ཡི། །བསྒྲུབ་པའི་རིམ་པ་བྲི་བར་བྱ། །
༄། །དཔལ་ནག་པོ་ཆེན་པོའི་བསྒྲུབ་པའི་ཐབས།
དབང་གིས་སྨིན་བྱས་དམ་ཚིག་ལྡན། །བླ་མ་ལ་གུས་སྙིང་རྗེ་གཏོང་། །ཤེས་རབ་བཟོད་ལྡན་བརྩོན་འགྲུས་ཆེ། །བསྒྲུབ་ལ་དཔའ་བའི་སྔགས་པ་ཡིས། །ཡིད་འོང་དབེན་པའི་གནས་དག་ཏུ། །རང་གི་འདོད་ལྷའི་རྣལ་འབྱོར་དུ། །ཞུགས་ཏེ་སེམས་ཅན་འཚེ་བ་དང་། །བླ་མ་ལ་སྨོད་བསྟན་ལ་ལྡང་། །དེ་དག་རབ་ཏུ་ཞི་བྱའི་ཕྱིར། །བདག་གིས་ནག་པོ་བསྒྲུབ་པར་བྱ། །སྙམ་དུ་བློ་ནི་བསྐྱེད་བྱས་ལ། །ཕྱི་དང་ནང་
2-2-181b
གི་དངོས་པོ་རྣམས། །སྐད་ཅིག་སྟོང་པར་བསྒོམ་བྱ་སྟེ། །མདུན་དུ་པདྨ་ཉི་མ་ལ། །གནས་པའི་ཡིག་གེ་ཧཱུྃ་ནག་པོ། །བསམ་སྟེ་དེའི་འོད་ཟེར་གྱིས། །གདུག་པ་མ་ལུས་ཞི་བྱས་ཏེ། །འགྲོ་ཀུན་བདེ་བ་ལ་བཀོད་ནས༑ ༑སླར་འདུས་ཧཱུྃ་ལ་ཞུགས་གྱུར་ཏེ། །ཡིག་གེར་གྱུར་པས་སྐད་ཅིག་གིས། །བྱ་རོག་མིང་ཅན་ནག་པོ་ཆེ། །ཞལ་གཅིག་ཕྱ་བཞི་གཡས་པ་ཡི། །དང་པོ་བྷེ་ཏའི་འབྲས་བུ་དམར། །གཉིས་པ་རལ་གྲི་འཛིན་པའོ༑ ༑གཡོན་གྱི་དང་པོ་རཀྟ་ཡིས། །རབ་ཏུ་གང་བའི་ཐོད་པ་འཛིན། །གཉིས་པ་ཁ་ཊྭཱཾ་འཛིན་པའོ། །སྟག་གི་ལྤགས་པས་སྨད་དཀྲིས་ཤིང་། །དབུ་སྐྲ་ཨག་ཚོམས་སྨིན་མ་སེར། །སྤྱན་གསུམ་མཆེ་གཙིགས་འཇིགས་པར་བྱ། །ཐོད་པ་རིན་ཆེན་སྦྲུལ་གྱིས་བརྒྱན། །སྣ་ཚོགས་པ་མ་ཉི་སྟེང་དུ། །དཔའ་བོའི་འདུག་སྟངས་ཀྱིས་གནས་པའོ། །དེ་ནས་རང་གི་ཐུགས་ཀ་ཡི། །ས་བོན་ལས་འཕྲོས་འོད་ཟེར་གྱིས། །ཡེ་ཤེས་སེམས་དཔའ་སྤྱན་དྲངས་ཏེ། །མཆོད་ལ་ཛ༔ཧཱུྃ་བཾ་ཧོ༔ཡིས། །དགུག་གཞུག་བརྟན་དང་མཉེས་པར་བྱ། །སྤྱི་བོ་མགྲིན་པ་སྙིང་དག་ཏུ། །པད་མ་ལ་གནས་ཟླ་ཉི་ཡི། །སྟེང་དུ་ཨོ་དང་ཨཱ༔ཧཱུྃ་གིས། །སྐུ་གསུང་ཐུགས་ནི་བྱིན་གྱིས་རླབས། །ལེགས་མཆོད་བསྟོད་དེ་དེ་ནས་ནི། །ཨོཾ་མ་ཧཱ་ཀཱ་ལ་ཡ་ཧཱུྃ་ཕཊ། ཞེས་བྱའི་སྔགས་ཀྱིས་ཅི་ནུས་པ། །མན་ངག་བཞིན་དུ་བཟླས་པར་བྱ། །སྐྱོ་ན་གཏོར་མ་བྱིན་རླབས་ཏེ། །རང་སྔགས་ཀྱིས་
2-2-182a
༄༅། །ནི་བསྔོ་བར་བྱ། །ཞི་རྒྱས་དབང་དང་མངོན་སྤྱོད་ཀྱི། །ལས་རྣམས་གང་ཡིན་དེ་བཅོལ་བྱ། །དེ་ལྟར་བློ་ལྡན་སྔགས་པ་ཡིས། །ཇི་སྲིད་མཚན་མ་མ་བྱུང་གི །བར་དུ་འབད་དེ་བསྒྲུབ་པར་བྱ། །དཔལ་ནག་པོ་ཆེན་པོའི་བསྒྲུབ་པའི་ཐབས་རྫོགས་སོ།། །།
༄། །བཟླས་པའི་ཐབས།
བཟླས་པའི་ཐབས་ནི། རང་བཅོམ་ལྡན་འདས་བདེ་མཆོག་ཏུ་བསྒོམ་པའི་མདུན་དུ། མགོན་པོ་ཞལ་གཅིག་ཕྱག་བཞི་པ་བསྒོམ་སྟེ། རང་གི་སྙིང་གར་ཉི་མའི་སྟེང་དུ་ཧཱུྃ་ནག་པོ་བསམས་ནས། དེ་ལ་སྔགས་ཡིག་གེ་བདུན་པས་བསྐོར་བར་བསམ་ལ། ཨོཾ་མ་ཧཱ་ཀཱ་ལ་ཀཱ་ལ་ཡ་ཧཱུྃ་ཕཊ། ཞེས་ངག་ཏུ་ཤུབ་བུས་བཟླས་པའི་ཚེ། རང་གི་ཞལ་ནས་པར་ཐོན། མགོན་པོའི་ཞལ་དུ་ཞུགས། དེའི་ཐུགས་ཀ་ནས་ཉི་མའི་སྟེང་ན་ཧཱུྃ་ནག་པོ་གནས་པ་ལ་བསྐོར་བ་བྱས། ཡར་ཐོན། མགོན་པོའི་ཞལ་ནས་རང་གི་ཞལ་དུ་ཞུགས། སྙིང་རྗེའི་ཧཱུྃ་ལ་གཡས་བསྐོར་དུ་བསྐོར་བ་ལ་ཤེས་པ་གཏད་དེ་བཟླས་པར་བྱའོ། །དེ་ནི་བཟླས་པའི་མན་ངག་གོ །བྱང་རྩེ་བཏང་དུ་བླ་མ་དཔལ་གྱི་ཕྱག་དཔེ་ལ་བྲིས་སོ།། །།
༄། །ནག་པོ་ཆེན་པོའི་གཏོར་མའི་རིམ་པ།
༈ བླ་མ་རྣམས་ལ་ན་མོ། ནག་པོ་ཆེན་པོའི་གཏོར་མ་འབུལ་བར་འདོད་པའི་སྔགས་པས། ཤ་ལྔ་དང་། བདུད་རྩི་ལྔ་དང་། ཉའི་ཤ་དང་། ཆན་དང་། སྲན་མ་ནག་པོ་ལ་སོགས་པ་ཅི་འབྱོར་པ་ཐོད་པ་ལ་སོགས་པའི་སྣོད་དུ་བླུག་ལ། རང་ལྷའི་བདེ་མཆོག་གི་ལྷའི་རྣལ་འབྱོར་དུ་གནས་པའི་མདུན་དུ། སྐད་
2-2-182b
ཅིག་ལ་སོགས་ནག་པོ་འཁོར་ཅན་ཡིན་པས་བསྐྱེད་པའམ། ཡང་ན་རང་གི་ཐུགས་ཀའི་ཧཱུྃ་གི་འོད་ཟེར་གྱིས་ཡེ་ཤེས་པ་དབྱེར་མེད་པར་སྤྱན་དྲངས་ལ། ལྗགས་ཧཱུྃ་དུ་གྱུར་པ་ལས། ཧཱུྃ་གིས་མཚན་པར་གཞན་ཀུན་ལྗགས་རྡོ་རྗེས་མཚན་པར་འདོད་དེ། བླ་མ་༑ རྡོ་རྗེ་སྦུ་གུས་དྲངས་ནས་གསོལ་བར་བསམ་པ་ཡིན་གསུང་བསམ་ལ། མཆོད་ཡོན་ལ་སོགས་པས་དངོས་སམ། ཡིད་ཀྱིས་མཆོད་ལ། ཧཱུྃ་གི་འོད་ཟེར་གྱིས་གཏོར་མ་ལ་ཟུག་པར་བསམ་སྟེ་སྔགས་འདིས་བསྔོ་བར་བྱའོ། །ཨོཾ་མ་ཧཱ་ཀཱ་ལ་ཀཱ་ལ་ཡ། ཤ་ས་ན་ཨ་པ་ཀཱ་རི་ཨེ་ཊ། ཨ་པས་ཙ་མ་ཧཱ་ཀཱ་ལ་ཨ་ཡཾ། ཨེ་དམ་རཏྣ་ཏྲ་ཡ་ཡཱ། ཨ་པ་ཀ་རི་ནམ། ཡ་ཏི་པྲ་ཏིག་ཛྙཱ། སྨ་ར་སིདྡྷཾ། ཨི་མཾ་དུཥྚ་ས་ཏ། ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྲྀཧྞ་༑ བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ནི་མེ་གེ་ན། སརྦ་དུཥྚ་མཱ་ར་ཡ་ཧཱུྃ་ཕཊ། ཅེས་པའི་སྔགས་གསུམ་ལ་སོགས་པས་བསྔོས་ལ། ཡང་དག་པར་མཆོད་དེ། ཞི་བ་དང་། རྒྱས་པ་དང་། དབང་དང་། མངོན་སྤྱོད་ལ་སོགས་པའི་ལས་འདི་དང་འདི་དག་མཛད་དུ་གསོལ། །ཞེས་པས་ཕྲིན་ལས་བཅོལ་ལ། བཛྲ་མུཿགཤེགས་སུ་གསོལ། །འཁོར་སྤྱན་དྲངས་པ་ཡིན། གཤེགས་བསྐྱེད་པ་ཡིན། ཡང་ན། ཡེ་ཤེས་པ་གཤེགས༑ དམ་ཚིག་པ་མི་དམིགས་རྣམས་མི་དམིགས་པའམ། རང་གི་གནས་སུ་གཤེགས་སུ་གསོལ། །ནག་པོ་ཆེན་པོའི་གཏོར་མའི་རིམ་པ་རྫོགས་སོ།། །།
༄། །རྒྱུན་གཏོར་བསྡུས་པ།
ནག་པོ་ཆེན་པོའི་གཏོར་མ་བསྡུས་པ་བྱེད་པར་འདོད་པས། 
2-2-183a
༄༅། །རང་སྐད་ཅིག་གིས་ལྷར་དོན་ལ་དམ་ཚིག་པ་བསྐྱེད། ཡེ་ཤེས་པ་ལ་སོགས་པ་མི་བསྐྱེད་པར། རང་བཞིན་གྱི་མགོན་པོར་དམ་རང་སྤྱན་འདྲེན་པ་ལ་ཟེར་གསུང་བསྐྱེད་དེ། བདག་གིས་ཚེ་འདི་ཉིད་ལ་བདེ་བ་ཆེན་པོའི་སྐུ་ཐོབ་པར་བྱ༑ དེའི་ཆེད་དུ་བར་དུ་གཅོད་པ་ཐམས་ཅད་ཞི་བར་བྱ་བའི་ཕྱིར། མགོན་པོ་གཏོར་མ་དབུལ་ཞིང་གསོལ་བ་གདབ་སྙམ་དུ་སེམས་བསྐྱེད་ལ། ཇི་ལྟར་བཤམས་པའི་གཏོར་མ་ལ། ཨོཾ་ཨཱ༔ཧཱུྃ་ལན་གསུམ་བརྗོད་པས་བདུད་རྩིར་བྱས་ལ། གཏོར་མའི་མདུན་དུ་རང་གི་ཧཱུྃ་གི་ཡིག་གེ་དང་དབྱེར་མེད་པ་སྤྱན་དྲངས་པའམ། སྐད་ཅིག་གིས་འཁོར་དང་བཅས་པར་བསྐྱེད་ལ། ཨོཾ་མ་ཧཱ་ཀཱ་ལ་ཨི་མཾ་བ་ལིཾ་ཏ་ཁཱ་ཧི་ཁཱ་ཧི་ཧཱུྃ་ཕཊ། ཞེས་ལན་གསུམ་བརྗོད་པས་དབུལ་ལོ། །དེ་ནས་མཆོད་པ་དངོས་སུམ། ཡིད་ཀྱི་ཏིང་ངེ་འཛིན་གྱིས་ཕུལ་ཏེ། གསོལ་དངོས་གྲུབ་དང་ཕྲིན་ལས་བཅོལ་བ་ལ་སོགས་བ་བཏབ་ལ། ཡིག་གེ་བརྒྱ་པ་བཏོན་ཏེ་སྤྱན་དྲངས་ན་བཛྲ་མུ༔ གཤེགས་སུ་གསོལ་བའམ། དེ་ཉིད་དུ་མི་དམིགས་པར་བྱའོ། །རྒྱུན་གཏོར་བསྡུས་པ་རྫོགས་སོ།། །།ཧཱུཾ་མ་ཧཱ་ཀཱ་ལ། ཁྲག་འཐུང་གི་རྒྱལ་པོ། ནག་པོ་སྟོང་གི་ཚོགས་ཀྱིས་བསྐོར་བ། ཤ་ཟ་འབུམ་གྱི་ཚོགས་ཀྱིས་བསྐོར་བ། མ་མོ་བྱེ་བའི་ཚོགས་ཀྱིས་བསྐོར་བ། བསྟན་པའི་བཀའ་བསྲུངས། དམ་ཉམས་ཀྱི་སྲོག་གཅོད། རིགས་འཛིན་གྱི་སྲོག་ཤིང་། རྣལ་འབྱོར་གྱི་དགྲ་ལྷ། དུག་གསུམ་ནད་ཀྱི་སྨན་པ། གཙུག་ལག་
2-2-183b
ཁང་དང་དཀྱིལ་འཁོར་གྱི་བསྲུངས་མ། བདག་གི་རྣལ་འབྱོར་སྲུངས་ཅིག །ཚེ་དང་དབང་ཕྱུག་སྤེལ་ཅིག །དཔལ་དང་གྲགས་པ་སྒྲུབས་ཤིག །འཁོར་དང་བསྟན་པ་སྲུངས་ཅིག །ཅེས་པས་ཕྲིན་ལས་བཅོལ་བར་བྱའོ༑ ༑དེ་ནས་ནག་པོ་ཆེན་པོ་རང་བཞིན་གྱི་གནས་སུ་གཤེགས་སུ་གསོལ་བའམ། མི་དམིགས་པ་བྱ། རང་ཅི་རིགས་པའི་སྤྱོད་པས་གནས་པར་བྱའོ། །འདིའི་རྒྱུད་པ་ནི། དཔལ་ཡེ་ཤེས་ཀྱི་མགོན་པོས། སློབ་དཔོན་ཀླུ་སྒྲུབ་ལ་གསུངས། དེས་སློབ་དཔོན་ཨརྱ་དེ་བ་ལ་གསུངས། དེས་མར་མེ་མཛད་ཡེ་ཤེས་བཟང་པོ་ལ་གསུངས། དེས་བླ་མ་རྡོ་རྗེ་གདན་པ་ལ་གསུངས། དེས་བླ་མ་ཙ་མི་ལོ་ཙཱ་བ་ལ་གསུངས། དེས་དཔལ་ཆེན་པོ་རྒ་ལོ་ལ་གསུངས། དེས་ཆོས་རྗེ་དུས་གསུམ་མཁྱེན་པ་ལ་གསུངས་སོ།། །།
༄༅། །དྷརྨ་ཀཱིརྟིའི་ལུགས་ཀྱི་མགོན་པོ་བྱ་རོག་མའི་ཐོད་ནག་གི་སྒྲུབ་ཐབས་བཞུགས་སོ། །
༄༅། །དྷརྨ་ཀཱིརྟིའི་ལུགས་ཀྱི་མགོན་པོ་བྱ་རོག་མའི་ཐོད་ནག་གི་སྒྲུབ་ཐབས་བཞུགས་སོ། །དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །
༄། །དེ་དག་ནི་ལས་འགྲུབ་པའི་རྟགས།
ཐོད་ནག་གི་བསྒྲུབ་པ་དྲག་པོའི་བཙན་དེང་འདྲ་དུག །སྲོག་གི་སྤུ་གྲི་དེ་དང་འདྲ། དམ་ཉམས་ཀྱི་སྲོག་གཅོད། བསྟན་པའི་བཀའ་བསྲུངས། ཡེ་ཤེས་ཀྱི་སྤྱན་ལེགས་ཉེས་ཀྱི་ལྟངས་གཅོད་པ་ཅན། ནག་པོ་ཆེན་པོའི་སྙིང་ཐིག་མན་ངག་དུ་བཀོལ་གནད་རྣམས་འདི་ན་ཡོད་བ་ཉིང་ཁུ། བསྟན་ལ་སྡང་བའི་སྡིག་
2-2-184a
༄༅། །ཅན་ལ། །མཱ་ར་ཡ་བསད་པའི་ཡི་ལས་བྱའོ། །དུར་ཁྲོད་གནས་དང་ཤིས་བྲག་ནག་པོ་བྱ་རོག་གི་ཚང་ཡོད་པ་པའི་སར། །ནག་པོ་བདུད་ཀྱི་གཟའ་ཕུར་བུ་ཉི་ཤུ་དགུ་ཉི་མ་ལ། །ཕུང་མི་མང་པོ་ཤི་བའི་སའི་ཤུལ་ནས་ས་བླངས་ཏེ། །དཀྱིལ་འཁོར་ཁྲག་སྣ་རོ་སོལ་ལས་བྱས་པའི་གྲུ་གསུམ་ནག་པོས་བྱུག །དེའི་ནང་དུ་ཐོད་པ་ཁ་སྦྱར་ལ་ནི། རབས་ཆད་ནག་པོ་ཉིད་ལ་བསྔགས། །དེའི་ནང་དུ་དམ་ཉམས་ཀྱི་ལིང་གའམ། །རྐང་རྗེས་ས་ལ་བྱས་བ་སོགས་པ་ལས་སྐྲ་འབལ་པ་ཡི། །གཟུགས་ཀྱི་སྙིང་ཁར་འཁོར་ལོ་གསང་སྔགས་གཞུག །ཐོད་པ་རབས་ཆད་དུམ་བུ་གཅིག་ནག་གམ་མཚན་ངན་དུ། །ཉུངས་ཀར་དུག་དང་མཚོན་ལ་སོགས་ལྕགས། ཟངས་རྡོ་སྣ་ཚོགས་པ། ཐུན་གྱི་རྫས་རྣམས་བསག་པར་བྱ། །བདག་ཉིད་ཞལ་གཅིག་ཕྱག་བཞི་པའི། །སྒྲུབ་ཐབས་འབྱུང་བ་ལྟར་ཡེ་ཤེས་མགོན་པོ་བསྒོམ་པར་བྱ། །དཀྱིལ་འཁོར་གྲུ་གསུམ་གྱི་ཟུར་གསུམ་གནས་སུ་ནི། །མ་ཧཱ་ཀཱ་ལ་བྱ་རོག་གདོང་། །ཞལ་གཅིག་ཕྱག་ནི་གཉིས་པ་ཡི། །ལས་ཀྱི་མགོན་པོ་འཇིགས་པའི་གཟུགས། །གཡས་པ་གྲི་གུག་འབར་བ་ཡིས། །དམ་ཉམས་སུ་བསམ་པའི་བྲུབ་ཁུང་ལིང་ཀ་གཅོད་པར་བྱེད། །གཡོན་པ་དམ་ཉམས་སྙིང་ཁྲག་གིས༑ ༑བཀང་བའི་ཐོད་པ་དམར་པོ་འཛིན། །ཞལ་ནས་ཧཱུཾ་དང་ཕཊ་ཞེས་སྒྲོག །དམ་ཉམས་གླད་པ་འགེམས་པར་བྱེད། །དེ་རྣམས་དེ་ལྟར་དཀྱིལ་འཁོར་གྱི་ཟུར་གསུམ་དུ་བསྐྱེད་པ་ལས་ཀྱི་མགོན་པོ་སྟེ། །དེ་
2-2-184b
ལྟར་གོམས་པའི་སྔགས་པ་ཡིས། །ཞག་བདུན་ཕྲག་གསུམ་དུ་ཐུན་གྱིས་བྲབ། །བསྟན་པ་བསྲུང་བའི་བསམ་པ་དང་། །སྙིང་རྗེ་ཆེན་པོའི་བསམ་པ་ཡིས། །ཡེངས་པ་མེད་པར་བྱས་གྱུར་ན། །བརྒྱ་བྱིན་དག་གི་སྲོག་ཡང་གཡོ། །སྡིག་ཅན་དགྲ་བགེགས་སྨོས་ཅི་དགོས། །ཨོཾ་མ་ཧཱ་ཀཱ་ལ་འབོད་པའི་སྔགས་ལ་སི་ཏི་ཡཾ་དུ་ཛ། ཨོཾ་མ་ཧཱ་ཀཱ་རྦད་པའི་སྔགས་ལ་ཪྣྲི་ཐུཾ་ལཾ་ཐུཾ་རིལ་རྦད། ཙིཏྟ་ཁ་རག་ཛ་ཛ་ཙིཏྟ་ལ་ཡ། ཐུཾ་རིལ་རྦད། ཪྣྲི་ཤག་ཤག་ཆེ་གེ་མོའི་ཙིཏྟ་ལ་ཡ། མ་ཧཱ་ཀཱ་ལ་གིང་ཀ་ར་གིང་ཀ་ར་སྲོག་ལ་ཡ། སྙིང་ལ་ཡ། རུ་ལུ་ཙ་པ་ལ་མ་ཧཱ་ཀཱ་ལ་ཡ་བྷྱོ། མ་ཧཱ་བསད་པའི་སྔགས་ཀཱ་ལ་ཆེ་གེ་མོའི་སྙིང་ཁྲག་འཇིབས་འཇིབས། ཆོད་ཆོད་སྲོག་རྩ་ཆོད༑ ཐུམ་རིལ་རྦད། མ་ཧཱ་ཀཱ་ལ་ཤཀ་ཕྱེད་ཤག་ཕྱེད་མ་མཱ་ཏྲག་རུ་དྲ་མཱ་ར་ཡ་ཕཊ། ཞེས་བྱ་བའི་སྔགས་ཀྱིས་ཐུན་བརྡེག་གོ ། གཞི་ཡེ་ཤེས་པ་དང་། མདུན་དུ་ལས་མགོན་དང་། དེ་རྣམས་ཀྱིས་བསྒྲུབ་བྱ་དེའི་སྲོག་རྩ་གཅོད་པ་དང་། སྙིང་ཁྲག་འཐུང་བ་ལ་སོགས་པ་སྙིང་གཅིག་ཏུ་དྲིལ་བའི་སྔགས་སོ། །རྩ་བའི་བསྙེན་པ་འབུམ་ལ་སོགས། །ཚུལ་བཞིན་གྲངས་ཀྱི་བསྙེན་པ། ཡིག་གེ་བདུན་པའི་ཡིག་འབྲུ་རེ་རེ་ལ་འབུམ་ཕྲག་གསུམ་གསུམ་དུ་གྲངས་དང་དུས་དང་མཚན་མའི་བར་དུ་བསྙེན་པ་བྱས་པ་ཡིས། །དྲག་པོའི་ལས་འདི་བརྩམས་པར་བྱ། །དེ་ལྟར་བྱས་ན་གདོན་མི་ཟ། །གཞན་ཡང་། བསྒྲུབ་ལ་བརྩོན་པ་ཤིན་ཏུ་གཅེས། །དམ་ཚིག་འཛིན་པ་དང་ཤིན་ཏུ་གཅེས། །མ་ཧཱ་ཀཱ་ར་ལ་ལས་
2-2-185a
༄༅། །ལ་སྦྱར་བའི་དུས་སུ། ཤར་ཕྱོགས་སུ་ཤ་སྣ་ཚོགས་པའི་གཏོར་མ། ལྷོ་ཕྱོགས་སུ་སྙིང་སྣ་ཚོགས་པའི་གཏོར་མ། ལྷོ་ཕྱོགས་སུ་སྙིང་སྣ་ཚོགས་པའི་གཏོར་མ། ནུབ་ཕྱོགས་སུ་ཁྲག་སྣ་ཚོགས་པའི་གཏོར་མ། བྱང་དུ་རུས་པ་དང་། རྐང་དང་། གླད་པ་དང་། ཚིལ་བུ་སྣ་ཚོགས་པའི་གཏོར་མ་བཤམས་ཏེ། དུས་བཞིར་དབུལ་ཞིང་གཏར་བཟུང་ངོ་། །གཏོར་དེ་ལྟར་གཏོར་མ་བཞི་པོ་དེ་ལྷ་ཡ་ལོ་བསྔོས་ལ་བསྒྲུབ་པ་མ་ཐོན་བར་དུ་གཏར་བཟུང་བར་བྱའོ་མ་ལ་ལིང་ག་གྲི་ཁྲག་གིས་བཀུས་ལ་གཟུགས་སོ། །བསྒྲུབ་པ་ཐོན་པ་དང་བཏང་བར་བྱའོ། །མ་ཧཱ་ཀཱ་ལའི་རྟེན་ལ་ཕྱི་ནང་གསང་གསུམ་གྱི་རྟེན་གཟུགས། ཕྱིའི་རྟེན་ནི་ལུག་ནག་གམ། གཡག་རོག་པོའི་མགུལ་དུ། མ་ཧཱ་ཀཱ་ལའི་སྲོག་གི་སྙིང་པོ་གསེར་གྱིས་བྲིས་ལ་རབ་ཏུ་གནས་པ་བྱས་ཏེ་བཏགས་ལ། མ་ཧཱ་ཀཱ་ལ་ལ་བསྔོ་ཞིང་བསྟབ་པོ། ནང་གི་རྟེན་བྱ་རོག་གི་གསོབ་མ་ཉམས་པ་རྒྱལ་མཚན་ལ་སྲོག་གི་སྙིང་པོ་བྲིས་ལ་གཏར་བཟུང་། གསང་བའི་རྟེན་བསྐྱེད་པ་དར་མ་གྲི་རྒོད་དུ་ཤི་བའི་གློ་བ་དང་སྙིང་བཅས་པའི་མཚམས་ན་བར་བྲེགས་ནས། སྤུ་གུ་གསུམ་སྨྱུག་མས་བརྒྱངས་ནས་སྙིང་ལ་རྩ་གསུམ་ཡོད་པའི་དབུས་མའི་ནང་གི་ནང་དུ། དེའི་ཁྲག་གིས་བྲིས་པའི་སྲོག་གི་སྙིང་པོ་དང་། གསེར་གཡས་ཀྱི་རྩའི་ནང་དུ་ལ་སོགས་པ་རིན་པོ་ཆེན་ལྔ་དང་། སྨན་གཡོན་གྱི་སྣ་ཚོགས། རྩ་ནང་དུ་བཟང་དྲུག་ལ་སོགས་པ་བཅུག་སྟེ། མིས་དེ་ལྟར་སྙིང་རེ་མ་མཐོང་བར་བཅང་ངོ་། །
2-2-185b
དམ་ཚིག་ལ་སྐྱོན་མེད་པར་བྱས་ནས་རྟེན་བཅས་ཤིང་རྒྱུན་དུ་མཆོད་པས། ཅི་དང་ཅི་བསྒོ་བ་ཉན་ཅིང་བསྟན་པ་བསྲུང་བར་འགྱུར་རོ། །བསྒྲུབ་པ་པོ་དེའི་བསམ་པ་ཡིད་བཞིན་གྱི་ནོར་བུ་རིན་པོ་ཆེ་བཞིན་དུ་བསྐོང་བར་འགྱུར་རོ། །བར་དུ་གཅོད་པ་གང་གིས་ཀྱང་ཀླགས་མི་རྙེད་དོ། །ཨོཾ་མ་ཧཱ་ཀཱ་ལ་གུ་ན་ཧྲི་འདིས་མ་འཆུན་ན་གཅུན་པའི་སྔགས་སུ་ཡང་འགྲོ་གསུང་ཏ་ཧཱུཾ་ཕཊ། གོང་དུ་བྲིས་པའི་སྔགས་ཀྱང་འདི་ཉིད་དོ། །ཞེས་སྲོག་གི་སྙིང་པོའོ། །ༀ་མ་ཧཱ་ཀཱ་ལ་ཆེ་གེ་མོ་ས་མ་ཡ་ཆེ་གེ་མོ་ཨི་དམ་བ་ལིང་ཏ་ཁཱ་ཧི་ཁཱ་ཧི། གྲྀཧྞ་གྲྀཧྞ་ཆེ་གེ་སྔགས་འདི་གྲུ་གསུམ་གྱི་ཕྱོགས་བཞིའི་གཏོར་མ་བཞི་བསྔོ་བའོ་སྔགས་སོ་མོའི་མཾ་ས་ལ་ཁཱ་ཧི་ཁཱ་ཧི། ཧ་ན་ཧ་ན། ཆེ་གེ་མོའི་གོ་རོ་ཙ་ན་ལ་ཁཱ་ཧི་ཁཱ་ཧི། ད་ཧ་ད་ཧ་ཆེ་གེ་མོའི་བ་སུ་ཏ་ལ་ཁཱ་ཧི་ཁཱ་ཧི། ཞིང་ཆེན་ལ་ཁཱ་ཧི་ཁཱ་ཧི། མ་ཧཱ་ཀཱ་ལ་ཆེ་གེ་མོའི་ཙིཏྟ་ལ་མཱ་ར་ཡ་མཱ་ར་ཡ། ཙིཏྟ་ལ་ཁཱ་ཧི་ཁཱ་ཧི། ཞེས་པ་ནི་གཏོར་མའི་སྔགས་ཀྱི་ངེས་པའོ། །གཏོར་མ་ཆེ་གེ་མོར་བསམ་ལ། དུས་གསུམ་མམ་བཞིར་དབུལ་བར་བྱའོ། །དེ་ལྟར་བྱས་པས་བསྒྲུབ་པ་པོ་རྟགས་ནི། རང་གི་བསྒྲུབ་ཁང་དུ་བྱ་རོག་གི་ཚང་བཅས་པའམ། དགྲའི་ཕྱོགས་སུ་དམག་འདྲེན་པའམ། ཕྱུགས་ལ་སོགས་པ་བཤས་བྱེད་པའམ། ཆེ་གེ་མོ་དངོས་སུ་ཁྲིད་ནས་འོང་པ་ལ་སོགས་པའི་ལྟས་འབྱུང་ངོ་། །དེའི་དུས་སུ་དགྲའི་སར་ཡང་། ལྟས་ངན་པ་སྣ་ཚོགས་འོང་སྟེ། དངོས་སུ་བྱ་རོག་མང་པོ་གཤོག་པ་
2-2-186a
༄༅། །སྡེབས་པ་དང་། མཆུ་བདར་བ་དང་། སྡེར་མོས་འབྲད་པ་ལ་སོགས་པ་དང་། སྐད་སྣ་ཚོགས་འདོན་ཅིང་འོང་བར་འགྱུར་རོ། །གཞན་རྨི་ལྟས་སུ་བསྒྲུབ་པའི་ཁང་པར་བྱ་རོག་མང་པོས་ཚང་བཅས་པ་དེ་དག་གིས་སྲོག་ཆགས་བསད་ནས་ཤ་ཟ་བ་དང་། ཁྱེར་ནས་འོང་བ་ལ་སོགས་པའི་རྟགས་འབྱུང་ངོ་། །དེ་དག་ནི་ལས་འགྲུབ་པའི་རྟགས་སོ།། །།
༄། །དེ་དག་གི་དུས་སུ་ཕྲིན་ལས་བཅོལ་བ།
དེ་དག་གི་དུས་སུ་ཕྲིན་ལས་བཅོལ་བ་ནི། ཧཱུྃ་དུར་ཁྲོད་ཆེན་པོ་བསིལ་བའི་ཚལ། །འཇིགས་སུ་རུང་དང་བསྐལ་པའི་མེ། །དམར་ནག་འབར་བའི་ཀློང་དཀྱིལ་ན། །མ་ཧཱ་ཀཱ་ལ་བྱ་རོག་གདོང་། །ཧཱུྃ་ལས་བྱུང་བའི་ནག་པོ་ཆེ། །ཐུང་ལ་སྦོམ་པའི་གསུས་པ་ཆེ། །ཧ་ཧ་ཞེས་སྒྲོག་འཇིགས་པར་བྱེད། །དུག་སྦྲུལ་གདུག་པས་སྐུ་ལ་བརྒྱན། །གཏུམ་པོ་སྤྱན་གསུམ་འབར་བས་ཏེ། །ཕྱག་གཡས་འབར་བའི་གྲི་གུག་འཆང་། །དམ་ཉམས་དོན་སྙིང་ཚལ་པར་འགས། །གཡོན་པ་ཁྲག་གི་ཐོད་པ་འཛིན། །རྡོ་རྗེ་སྲིན་བུ་སྙིང་ཁྲག་འཐུང་། །རལ་པ་སེར་པོ་གྱེན་དུ་འབར། །མི་མགོ་རློན་པའི་ཕྲེང་བ་ཅན། །རྡོ་རྗེ་གནོད་སྦྱིན་དགྲ་ལ་ཕོབ། །ཁ་གདངས་ཁྲག་གི་རྒྱུན་འཛག་པ། །རྣོ་ལ་གདུག་པའི་མཆེ་བ་གཙིགས། །རྟག་ཏུ་ཤ་དང་ཁྲག་ལ་དགྱེས། །དགྲ་བོའི་སྲོག་རྩ་འདྲེན་པར་བྱེད། །སྟག་གི་ལྤགས་པའི་ཤམ་ཐབས་ཅན། །ཉི་མ་འབུམ་གྱི་གཟི་བརྗིད་ཅན། །ཞལ་ནས་དམ་ཉམས་མཱ་ར་ཡ། །ཧཱུྃ་དང་
2-2-186b
ཕཊ་ཀྱི་སྒྲ་སྒྲོག་པ། །ཀླུ་གདོན་ནག་པོའི་འཁོར་གྱིས་བསྐོར། །ཞབས་གཉིས་ས་ལ་བརྡབས་པ་ནི། །ཐམས་ཅད་སྒྲོལ་ཞིང་རྡུལ་དུ་རློག །ཁྱོད་ཀྱི་སྤྲུལ་པས་བར་སྣང་ཁེངས། །བྱ་རོག་གདོང་ཅན་ཕྲིན་ལས་མཛོད༑ ༑སོ་རྣོ་ལག་པ་དམར་པོ་དང་། །མཆུ་ནི་ཁྲག་གིས་བཀུས་པ་དང་། །ལུས་ཕྱེད་ལག་པ་ཟོས་པ་དང་། །མཁལ་མ་སྙིང་དང་ནང་གྲོལ་གྱིས། །སྙིམ་པ་ཤིན་ཏུ་བཀང་ནས་ནི། །ཟ་བཞིན་དུ་ནི་རྒྱུག་པ་ཡི། །ཤ་ཟ་འབུམ་གྱི་འཁོར་གྱིས་བསྐོར། ཁྱོད་ཀྱིས་མི་ཐུབ་གང་ཡང་མེད། །བསྟན་པ་བསྲུང་བར་ཞལ་གྱིས་བཞེས། །བསྟན་ལ་སྡང་བ་ཕུང་བར་མཛོད། །སྟོབས་ཆེན་ཐུགས་དམ་དུས་ལ་བབ། །མ་གཡེལ་མ་གཡེལ་ཕུར་བུས་ཐོབ། །ཁ་ནས་མེ་འབར་རྒྱ་མཚོ་སྐེམས། །འུར་འུར་ཆེམ་ཆེམ་སྤྲིན་ནག་འཁྲིགས། །མ་རུངས་འབྲུག་སྒྲ་དི་རི་རི། །མི་ཟད་གློག་འོད་སྐེམ་འབར། །གནམ་ལྕགས་ཐོག་གི་བུ་ཡུག་འཚུབ། །རྡོ་རྗེ་མེ་ཡི་སེར་བ་འབེབས། །དཔྲལ་བའི་ཁྱུང་གིས་ཁྱུང་ཆར་འབེབས། །དམ་ཉམས་ཐལ་བ་རྡུལ་དུ་བརླག །བླ་མ་ལ་སྡང་གསང་སྔགས་སྨོད། །དམ་ཉམས་ཤ་ཟོ་ཁྲག་ལ་འཐུང་། །སངས་རྒྱས་བསྟན་ལ་རབ་མདའ་བཟློག ། ནག་པོ་ཆེན་པོ་ལས་ལ་བྱོས། །རྣལ་འབྱོར་བདག་གི་རེ་བ་སྐོངས། །བསྟན་ལ་སྡང་བའི་དམ་ཉམས་ཀྱི། །རང་གིས་ལས་བྱས་རང་ལ་སྨིན། །མ་ཧཱ་ཀཱ་ལ་ཕྲིན་ལས་མཛོད། །གནམ་ལྕགས་
2-2-187a
༄༅། །འབར་བའི་མཆུ་སྡེར་གྱིས། །དམ་ཉམས་སྲོག་རྩ་མྱུར་དུ་དྲོངས། །བྱ་རོག་གདོང་ཅན་དུས་ལ་བབ། །རོལ་ཅིག་སྤྲུལ་ཅིག་ཁ་རཾ་ཁཱ་ཧི། །དུས་ལ་བབ་པོ་ས་མ་ཡ། །སྔོན་གྱི་ཐུགས་དམ་དགོངས་མཛོད་ལ། །བཅོལ་བའི་ཕྲིན་ལས་གྲུབ་པར་མཛོད། །ཞེས་བྱ་བའི་བསྐུལ་དུས་བཞིར་ཤིན་ཏུ་ཁྲོས་པའི་ཡིད་ཀྱིས་བྱའོ། །ལས་ཀྱི་དུས་སུ་ལིང་ག་ལ་དགུག་གཞུག་དྲག་ཏུ་བྱའོ། །ལྷ་དང་དབྱེ་བའི་མན་ངག་ནི་གུ་གུལ་གྱི་དུད་པས་བདུག་གོ །ཨྠྀི།། །།
༄། །དཔལ་བྱ་རོག་ནག་པོའི་ལས་ལ་སྦྱར་བའི་རིམ་པ་འཁོར་ལོ་སྡོམ་པའི་སྐོར་མཆོག་དང་ཐུན་མོང་གི་དངོས་གྲུབ་བརྙེས་པའི་རྣལ་འབྱོར་གྱི་དབང་ཕྱུག་ཀུ་མ་ར་ཤྲིའི་གདམས་པ།
མ་ཧཱ་ཀཱ་ལའི་ལས་གསུམ་པ། །སྦྱིན་སྲེག་གིས་བསྒྲུབ་པའི་དུས་ཀྱི་མཎྜལ་གྲུ་གསུམ་དེ་ཉིད་དོ་བསད་པ་མཎྜལ་དེ་ཉིད་དུ། ཚེར་མ་སྐྱེར་པ་ལ་སོགས་པ་དྲགས་པོའི་ཅན་གྱི་ཤིང་ལས་ནི། གྲུ་གསུམ་དྲག་པོའོ་གཟུགས་སུ་བརྩིག །གཞན་ཡང་དྲག་པོའི་རྫས་རྣམས་ལ། །གྲི་རྒོད་དག་ཏུ་ཤི་བ་ཡི། །ཤ་དང་རུས་པ་ཁྲག་དང་ནི། །ཚིལ་དང་སྦགས་པ་ལ་སོགས་པ་མ་ལུས་པ། །བསྒྲུབ་པ་པོ་ཡི་གཡས་སུ་བཞག །དུག་སྣ་ཚོགས་པ་དང་དང་ཀེ་ཚེ་ཉུངས་ནག་སོགས། །སྒྲུབ་པ་པོ་ཡི་གཡོན་དུ་བཞག །དུར་ཁྲོད་རས་སམ་མི་ལྤགས་ལ། །ཆེ་གེ་མོའི་མིང་དང་གཟུགས་བྲིས་ཏེ། །བཀྲ་མི་རབས་ཆད་དམ་མཚན་ངན་དུ་ཤིས་པའི་ཐོད་པར་གཞུག །མ་ཧཱ་ཀཱ་ལ་ལས་ཀྱི་མགོན་པོ་འཇིགས་པའི་གཟུགས། །ནག་པོ་ཆེན་པོ་བསྒོམ་པར་བྱ། །མཆེ་གཙིགས་ཞལ་ནི་བསྒྲད་པ་ཡི། །ནང་དུ་དྲག་པོའི་སྦྱིན་སྲེག་བྱ། །བསྒྲུབ་པའི་དུས་ཀྱི་རྐང་རྗེས་ཀྱི་ས་
2-2-187b
སོགས་ལ་བྱས་པའི་ལིང་ག་ཡང་། །མི་བསད་པའི་མཚོན་དུར་ཁྲོད་ཀྱི་སོལ་བས་བསྲེགས་ནས་དུག་ཆུས་ངར་བླུད་པའི་ནམ་གྲི་གུག་གིས། །དུམ་བུར་གཏུབ་ཅིང་སྦྱིན་སྲེག་བྱ། །ཨོཾ་མ་ཧཱ་ནག་པོ་ཆེན་པོ་ཀཱ་ལ་སརྦ་ཐམས་ཅད་ཤ་ཏུམ་ད་ཧ་བསྲེགས་ད་ཧ་བསྲེགས་པ་ཚོས་ཙ་པ་ཚོས་ཙ། དི་ན་ཉོན་ཅིག་དགྲ་བོ་མེ་ཀེ་ན། ཆེ་གེ་མོ་མཱ་ར་ཡ་ཧཱུྃ་ཧཱུྃ་ཕཊ། ཞེས་བྱ་བའི་སྔགས་ཀྱིས་དབུལ་བར་བྱའོ། །སྦྱིན་སྲེག་དྲག་པོའི་ལས་འདི་ཡང་། །རེ་རེ་ལ་ཡང་རེ་རེར་ལྡན༑ ༑སྔགས་སྔགས་རེ་རྫས་རེ་ལིང་ག་རེ་ནི་མང་དང་ལིང་ག་ཉུང་། །ལིང་ག་མང་དང་བསྲེག་སྔགས་ཉུངས། །གཉིས་ཀ་ཉེས་པར་བཤད་པས་ན། །རྣལ་འབྱོར་པ་ཡིས་སྤང་བར་བྱ། །དེ་ཡི་དུས་སུ་བསྒྲུབ་པོས་ནི། བསྟན་པ་བསྲུང་བའི་བསམ་པ་དང་། །དམ་ཉམས་བསྒྲལ་བའི་བསམ་པ་བྱ། །གོས་དང་ཞྭ་ནི་ནག་པོར་བྱ། །ཤ་ཁྲག་ལ་སོགས་གཏོར་མས་ནི། །ནག་པོ་ཆེན་པོ་མཆོད་པར་བྱ། །དྲག་པོའི་ལས་དེ་ཟིན་པ་དང་༑ ༑ཀླུ་ཡོད་གནས་སམ་ལྷ་དབང་ཕྱུག་ཆེན་པོའི་རྟེན་བོད་ན་མེད་གསུང་རྟེན་འོག །དགེ་འདུན་འདུ་བའི་ཁང་འོག་གམ། །རྣལ་འབྱོར་པ་ཡི་མལ་འོག་ཏུ། །གྲུ་གསུམ་དོང་དུ་མནན་པར་བྱ། །ཐོད་པ་ནག་གམ་མཚན་ངན་དུ། །སྦྱིན་སྲེག་བྱས་པའི་ཐལ་བ་དང་ནི་ལིང་ཀ་ལ། །དགུག་གཞུག་དྲག་ཏུ་བྱས་པ་ནི། །དྲག་པོའི་སྔགས་འདིས་མནན་པར་བྱ། །མ་ཧཱ་ཀཱ་ལ་སརྦ་ཤ་ཏུམ་ཆེ་གེ་མོའི་རུས་པ་ད་ཧ་ད་ཧ། པ་ཙ་པ་ཙ། ཚིན་དྷ་ཚིན་
2-2-188a
༄༅། །དྷ། བིནྡྷ་བིནྡྷ། སྟམ་བྷ་ཡ། སྟམ་བྷ་ཡ། མོ་ཧ་ཡ་མོ་ཧ་ཡ། མཱ་ར་ཡ། མཱ་ར་ཡ། ཧཱུཾ་ཧཱུཾ་ཕཊ་ཕཊ། ཞེས་པའི་སྔགས་དང་ཉི་ཤུ་རྩ་དགུའི་ནུབ་མོ་མཚན་མོ་ཕྱེད་ན་མནན་པར་བྱའོ། །བསྟན་པ་ལ་གནོད་ཆེ་བ་དང་། བླ་མོའི་བཀའ་བྱུང་ན་བྱ་ཡི། གཞན་དུ་སྡིག་ཏུ་འགྱུར་བས་སྤང་བར་བྱའོ་གསང་བར་བྱའོ་བ་ཡིན་གསུང་། །ཨྠྀི།། །།དཔལ་བྱ་རོག་ནག་པོའི་ལས་ལ་སྦྱར་བའི་རིམ་པ་འཁོར་ལོ་སྡོམ་པའི་སྐོར་མཆོག་དང་ཐུན་མོང་གི་དངོས་གྲུབ་བརྙེས་པའི་རྣལ་འབྱོར་གྱི་དབང་ཕྱུག་ཀུ་མ་ར་ཤྲིའི་གདམས་པ་བྱང་རྩེ་བཏང་དུ་བྲིས་པའོ་རྫོགས་སོ།། །།
༄། །ནག་པོ་ཆེན་པོའི་རྟགས་ཀྱི་མན་ངག
དཔལ་མགོན་པོ་ལ་ཕྱག་འཚལ་ལོ། །བླ་མ་ལ་གུས་དམ་ཚིག་འཛིན། །བསྟན་པ་བསྲུང་བའི་བསྒྲུབ་པ་པོས། །ནག་ཡེ་ཤེས་ཀྱི་ཆེན་པོ་བསྒྲུབས་པ་ལས། །མཚན་མ་སྣོད་ལྡན་གལ་ཆེ་སྟེ། བསྒྲུབ་པ་པོས་སྣོད་དང་མི་ལྡན་ན་མཚན་མ་ལ་སོགས་པ་ཡང་མི་འབྱུང་གསུང་ཐོབ་པར་གྱུར་པའི་ཚེ། །ལས་ལ་སྦྱོར་བ་རྩོམ་པ་ནི། །ཕྲིན་ལས་འ འགྲུབ་དང་འགྱངས་པ་དང་། །རང་ལ་ལྡོག་པར་འགྱུར་བ་རྣམས། །རྟགས་དང་མཚན་མས་ཤེས་པ་ལས། །དང་པོར་འགྲུབ་པའི་རྟགས་བསྟན་པ། །བསྒྲུབ་ཁང་བྱ་རོག་གི་ཚང་འཆས་དང་༑ ༑དར་ནག་ཏུ་མཚོན་ཕྱར་བའི་དམག་མང་པོ། །དགྲའི་ཡུལ་ལམ་གྲོང་གི་ཕྱོགས་སུ་འདྲེན་པ་དང་། ཤྭ་བ་བ་གླང་གཡག་ལ་སོགས། །སྲོག་ཆགས་དེད་ནས་གསོད་པ་བ་
2-2-188b
དམ་ཉམས་ཉིད། །དངོས་སུ་ཁྲིད་ནས་འོང་བ་དང་། །བསྟན་པ་ལ་སྡང་བའི་དགྲ་དེ། གནས་པའི་ཡུལ་ཕྱོགས་དེར། ཁྲག་ནམ་མཁའ་ན་མར་དང་མཚོན་ཆའི་ཆར་འབེབས་དང་། །མི་ནག་འཇིགས་པའི་གཟུགས་ཅན་གྱིས། །དགྲ་བོའི་སྙིང་རློན་པ་ཙིཏྟ་ཁྱེར་ནས་གཏེར་ལ་སོགས་པ་དེ་དག་དངོས་སམ་ཉམས་སམ་རྨི་ལམ་དུ་ཡོང་། །མི་ནག་འཇིགས་པའི་གཟུགས་ཅན་གྱིས། །དགྲ་བོའི་སྙིང་རློན་པ་ཙིཏྟ་ཁྱེད་ནས་གཏེར་ལ་སོགས་ཡང་དེ་དག་དངོས་སམ་ཉམས་སམ་རྨི་ལམ་དུ་ཡོང་། ནག་པོ་རྣམ་པར་འགྲུབ་པའི་རྟགས། །ལས་རྣམས་འགྱངས་པར་འགྱུར་བ་ན། །རྨི་ལྟས་མཚན་མ་མི་འབྱུང་དང་། །མི་ནག་ཁྲོས་པས་བརྒྱ་ལམ་ན་བྱུང་ཡང་རྒྱབ་སྟོན་དང་། །བྱིང་རྒོད་ཆེན་པོ་མི་འབྱུང་དང་། །བྱ་རོག་གཏོར་མ་མི་ལེན་དང་། །བསྒྲུབ་དང་བཟླས་པ་བྱེད་པ་ན། །གཉིད་ཀྱིས་ནོན་སོགས་འབྱུང་བ་ན། །ནག་པོའི་ལས་རྣམས་འགྱངས་པའི་རྟགས། །རང་ལ་ལྡོག་པའི་རྟགས་རྣམས་ནི། །རང་ཉིད་སྙིང་མི་དགའ་བས་ངུ་སྙིང་འདོད། །ཤེས་པ་འཇིགས་པས་སྒྲུབ་ཁང་ནས་འགྲོ་སྙིང་འདོད། །ཚིག་པ་ཟ་བས་རྒོད་སྙིང་འདོད། །རྨི་ལྟས་བྱ་རོག་འཐབ་པ་དང་། །མི་ནག་འཁྲུག་ཅིང་རྩོད་པ་དང་༑ ༑བསྒྲུབ་ཁང་སྟེང་དུ་མཚོན་ཆའི་ཆར་པ་འབེབས། །ལུག་ནག་གཡག་ནག་འཐབ་ལ་སོགས། །ནག་པོ་རང་ལ་ལྡོག་པའི་རྟགས། །ནག་པོ་ཆེན་པོའི་རྟགས་ཀྱི་མན་ངག །ཨྠྀི།། །།
༄། །དཔལ་བྱ་རོག་ནག་པོ་ཆེན་པོའི་ལས་སྦྱོར་གྱི་མན་ངག་བསྟན་པ།
དེ་ལྟར་རྟགས་རྣམས་
2-2-189a
༄༅། །ཤེས་བྱས་ལ། །ཕྲིན་ལས་གྲུབ་པར་གྱུར་པའི་རྟགས་བྱུང་ན། །ཤ་ཁྲག་སྣ་ཚོགས་སྙིང་དང་བཅས། །ཆང་ཕུད་ལ་སོགས་གཏོར་མ་ཡིས། །ནག་པོ་འཁོར་བཅས་ཐུགས་དམ་བསྐང་། །འགྱངས་ན་རྟེན་ཕྱི་ནང་གསང་གསུམ་གྱི་ཤ་ཁྲག་ལ་སོགས་པའི་རྟེན་རྣམས་གཟུགས་པ་དང་། །དུས་བཞིར་གཏོར་མ་དབུལ་བ་དང་། མཆོད་དང་བསྟོད་ལ་འབད་པ་དང་། །ཐུགས་དུར་ཁྲོད་ཆེན་པོ་བསིལ་བའི་ཚལ་ལ་སོགས་པ་ནས་དམ་བསྐུལ་བའི་ཕྲིན་ལས་དང་། །བཟླས་པ་རྣམས་ལ་བརྩོན་པར་བྱ། །བཟློག་ན་གཏོར་བཟློག་ཆེན་པོ་དང་། །བླ་མ་དཀོན་མཆོག་མཆོད་པ་དང་། །བསྐང་མདོས་ཆེན་པོ་དབུལ་བ་དང་། །གཏོར་མ་ཟོར་དུ་འཕང་བ་དང་། །ཡེ་ཤེས་མགོན་པོའི་ངར་འཛིན་གྱིས། །སྲོག་གི་སྙིང་པོ་བཟླས་པར་བྱ། །ཤིན་ཏུ་མཚན་མ་དེ་ལྟར་བྱས་ཀྱང་སྔར་གྱི་དེ་འཇམ་དུ་མ་སོང་ན་རྩུབ་པ་ན། །ཡེ་ཤེས་ལྷ་ཡི་བསྒོམ་རིམ་དང་། །སྔགས་གཉིས་སྦྲེལ་ཏེ་བཟླས་པ་ཡིས༑ ༑རིམ་པ་བླ་མའི་ཞལ་ལས་ཤེས། །དཔལ་བྱ་རོག་ནག་པོ་ཆེན་པོའི་ལས་སྦྱོར་གྱི་མན་ངག་བསྟན་པ་སྟེ་རྫོགས་སོ།། །།
༄། །ཆོ་འཕྲུལ་བཏང་བའི་ཐབས།
མ་ཧཱ་གུ་རུ་ན་མོ། བསྟན་ལ་སྡང་བའི་དམ་ཉམས་རྣམས། །མ་ཧཱ་ཀཱ་ལའི་ཆོ་འཕྲུལ་གྱིས། །ཤིན་ཏུ་སྐྲག་ཅིང་སྔངས་པར་བྱེད། །ཐལ་ན་འཆི་དང་སྨྱོ་བར་འགྱུར། །ཐུན་དུ་བྱེད་ཀྱང་། ཐུན་གྱི་དུས་སུ་རང་ཡེ་ཤེས་མགོན་པོའི་ཏིང་ངེ་འཛིན་གྱི་བཟླས་པ་བྱས་ན། ཐུན་འཚམས་ལས་མགོན་དུ་བསྒོམས་ནས་ཁྲག་དྲོ་བ་ཙམ་བྱས་
2-2-189b
ཤིང་༑ ལིང་ག་བདུག་པའོ། །དེ་ཡང་སྲོག་ཡོད་ན་ང་ཡེ་ཤེས་པའི་ཏིང་ངེ་འཛིན་གྱི་བཟླས་པ་བྱ་ཞིང་། པྲ་གོ་དེ་ལས་མགོན་དུ་བསྒོམས་པས་ལིང་ག་བདུག །དགེ་བཤེས་ཡང་གསུང་། ཞེས་བྱང་ཆུབ་སེམས་དཔའ་གསུང་། བསྒྲུབ་ཚོད་ཟིན་པས་རང་འདུན་པར་བྱེད། དེ་ལ་མ་ཧཱ་ཀཱ་ལའི་ཆོ་འཕྲུལ་བཏང་བའི་ཐབས་ལ། གནས་དབེན་པར་དུར་ཁྲོད་ལ་སོགས་པར་མི་རྐང་གི་སྒྱེད་པུའི་སྟེང་དུ། རབས་ཆད་ཐོད་པའི་ནང་དུ། རྟ་ནག་དང་ཁྱི་ནག་དང་བྱ་རོག་གི་ཁྲག་བླུག་སྟེ། ཚེར་མ་ཤོག་བུ་ཐོད་པའི་ཁ་ཆོད་པ་གཅིག་བྱས་ལ་བསྒྲུབ་བྱའི་ལིང་ག་བྲིས་ལ་ཅན་གྱི་ཤིང་མེས་བཀོལ་ལ། རླངས་པ་ལ་སྡིག་ཅན་དེ་བདུག་ཅིང་། དྲག་སྔགས་བཟླས་སོ། །དེའི་སྔགས་ནི། མ་ཧཱ་ཀཱ་ལ་རྒྱུག་རྒྱུག །བྲེང་བྲེང་། མ་ཧཱ་ཀཱ་ལ་ས་དུ་ས་མ་ཡ། འུར་པ་འུར་པ། རྒྱུ་ཏྲི་རྒྱུ་ཏྲི། མ་ཧཱ་ཀཱ་ལ། གིང་ཀ་ར་གིང་ཀ་ར། ཏེ་ཤ་ཀུ་རུ་རྒྱུག་རྒྱུག་བྲེང་བྲེང་མ་ཧཱ་ཀཱ་ལ་བྷྱོ་བྷྱོ། ཞེས་པའི་སྔགས་བརྗོད་ཅིང་། ལས་ཀྱི་མགོན་པོ་འཇིགས་སུ་རུང་བའི་སྐུར་བསྒོམས་པར་བྱའོ། །དེ་ལྟར་ཞག་བདུན་ནམ་ཉི་ཤུ་རྩ་གཅིག་ཏུ་བར་མ་ཆད་པར་བསྒྲུབ་པར་བྱའོ། །དེའི་དུས་སུ་སྒྲུབ་ཁང་དུའང་ཆོ་འཕྲུལ་སྣ་ཚོགས་འབྱུང་སྟེ། འཇིགས་པ་མི་བསྐྱེད། དམ་ཉམས་སར་ཡང་ཨ་ཙ་ར་ནག་པོ་དངོས་སུ་འོང་ངོ་དེ་ལྟ་བུའི་སྦྱོར་བས་ཞག་བདུན་ནམ་ཉི་ཤུ་རྩ་གཅིག་གི་བར་དུ་བསྒྲུབ་པར་བྱའོ། །བྱ་རོག་མང་པོ་དངོས་སུ་མཆུ་བདར་བ་དང་། སྡེར་མོས་འབྲད་པ་ལ་སོགས་པ་འབྱུང་ངོ་། །ནོར་ཁྱེར་ན་ངའི་
2-2-190a
༄༅། །ནོར་བླང་ཟེར་ནས་གཉིད་ལོག་ཏུ་མི་སྟེར་བ་འོང་ངོ་། །དེའི་དུས་སུ་ཤ་ཁྲག་གི་གཏོར་མས་མཆོད། ཆང་ཕུད་ཀྱིས་མཆོད། བསྒྲུབ་པ་ཐོན་པ་དང་དགྲའི་མཁར་ཁང་ངམ་ཡུལ་ཕྱོགས་སུ་ཐོད་པའི་ཁྲག་གཏོར་བར་བྱའོ། །ཞག་ཉི་ཤུ་རྩ་གཅིག་ལས་ཐལ་ན་དགྲ་འཆི་བར་འགྱུར་བས་ཚོད་ཟིན་པར་བྱའོ། །ཆོ་འཕྲུལ་བཏང་བའི་ཐབས་རྫོགས་སོ།། །།
༄། །བཟླས་པའི་ཐབས།
བླ་མ་དམ་པ་རྣམས་ལ་ཕྱག་འཚལ་ལོ། །འདིའི་ལྷག་པའི་ལྷ་ཡི་དམ་ལྷན་སྐྱེས་ཡིག་གེ་བདུན་པའོ། །དེའི་ལས་ཀྱི་མགོན་པོ་བྱ་རོག་ཅན་གཡོག་བྱེད་པའོ། །དེའི་བསྙེན་པ་ཟླ་བ་གསུམ་བྱ། དེ་ཡང་ཡིག་འབྲུ་རེ་རེ་ལ་འབུམ་ཕྲག་གསུམ་གསུམ་བྱའོ། །སྤྱིར་འབུམ་ཕྲག་ཉི་ཤུ་རྩ་གཅིག་བྱའོ། །དོན་མ་ཧཱ་ཀཱ་ལའི་ཡིག་གེ་བདུན་པའི་ཡིག་འབྲུ་རེ་རེ་འབུམ་ཚོ་གསུམ་གསུམ་བསྐྱེལ་དགོས་པའོ། །བསྙེན་པའི་དུས་སུ་ཡི་དམ་གང་བསྒོམ་པའི་ཐུན་རྗེས་ལ། རང་སྐད་ཅིག་གིས་མགོན་པོར་བསྐྱེད་ལ་བཟླས་པ་བྱ་བ་ནི་མན་ངག་ཡིན་ཏེ་དེ་ལྟར་མོས་པ་བྱའོ། །དེ་ནི་བླ་མའི་མན་ངག་བཟླས་པའི་ལུགས་སོ། །ད་ནི་སྒྲུབ་ཐབས་ཇི་ལྟ་བ་བཞིན་དུ་བཟླས་པ་བྱེད་ན། རང་གི་ཡི་དམ་ལྷར་བསྐྱེད་པའི་ཟེར་བས་ན། རང་བཅོམ་ལྡན་འདས་བདེ་མཆོག་ཏུ་བསྒོམ་པའི་མདུན་དུ། མགོན་པོ་ཞལ་གཅིག་ཕྱག་བཞི་པ་ཡེ་ཤེས་པ་གཞུག་པ་དང་གནས་གསུམ བྱིན་གྱིས་རླབས་པ་དང་། མཆོད་བསྟོད་བྱས་ནས་བསྒོམ་ཏེ། རང་གི་སྙིང་
2-2-190b
གར་ཉི་མའི་སྟེང་དུ་ཧཱུྃ་ནག་པོ་བསམས་ནས། དེ་ལ་སྔགས་ཡིག་གེ་བདུན་པས་བསྐོར་བར་བསམས་ཏེ། ཨོཾ་མ་ཧཱ་ཀ་ལ་ཧཱུྃ་ཕཊ། ཞེས་ངག་ཏུ་ཤུབ་བུས་བཟླས་པའི་ཚེ། རང་གི་ཞལ་ནས་པར་ཐོན། མགོན་པོའི་ཞལ་དུ་ཞུགས། དེའི་ཐུགས་ཀ་ན་ཉི་མའི་དཀྱིལ་འཁོར་གྱི་སྟེང་ན། ཧཱུྃ་ནག་པོ་གནས་པ་ལ་བསྐོར་བ་བྱས། ཡར་ཐོན། མགོན་པོའི་ཞལ་ནས་རང་གི་ཞལ་དུ་ཞུགས། སྙིང་ཁའི་ཧཱུྃ་ལ་གཡས་བསྐོར་དུ་བསྐོར་བ་ལ་ཤེས་པ་གཏད་དེ་བཟླས་པ་བྱའོ། །དེ་ནི་བཟླས་པའི་ཐབས་སོ།། །།
༄། །དཔལ་བྱ་རོག་ཆེན་པོའི་བསྙེན་པའི་རིམ་པ་ལས། དཔལ་ཆེན་པོ་ཀུ་མ་ར་ཤྲིའི་གདམས་ངག
དེ་ལྟར་དུས་ཀྱི་བསྙེན་པ་ལ་མཚན་མ་ཡོང་མི་ཡོང་། བསྒྲུབ་པ་ལ་བརྩོན་མི་བརྩོན་གྱི་རྩོལ་བསྒྲུབ་ལ་ཡང་རག །དགེ་བཤེས་མ་ངེས་གསུང་ཤེས་པར་བྱས་ཏེ། གྲངས་ཀྱི་བསྙེན་པ་འབུམ་ཕྲག་ཉི་ཤུ་རྩ་གཅིག་གམ། དུས་ཀྱི་བསྙེན་པ་ཟླ་བ་གསུམ་ཐེམ་པར་བྱའོ། །བླ་མའི་ཞལ་ནས། གྲངས་དང་དུས་ཀྱི་བསྙེན་པ་བས་ཀྱང་མཚན་མའི་བསྙེན་པ་གལ་ཆེ་སྟེ། བསྒྲུབ་པ་པོ་སྣོད་དུ་རུང་མི་རུང་དང་། ལས་འཕྲོ་ཡོད་མེད་ཀྱིས་བྱས་ནས། གྲངས་དང་དུས་ཀྱི་བསྙེན་པ་མ་རྫོགས་པར་མཚན་མ་ཡོང་བར་ཡང་སྲིད་ཅིང་། གལ་ཏེ་ན་གྲངས་དང་དུས་ཀྱི་བསྙེན་པ་གཉིས་ལྟབ་ལ་སོགས་པ་ལྡབས་ལྡབས་སུ་མཚན་མ་མི་འོང་པའི་ཉེན་ཡང་ཡོད་པས། མཚན་མ་གལ་ཆེ་གསུང་། དེ་ལ་མཚན་མ་ནི་གཉིས་ཏེ། ནང་གི་མཚན་མ་དང་། ཕྱིའི་མཚན་མའོ། །དེ་ལ་ནང་གི་མཚན་མ་ནི། གཏོར་མའི་སྟེང་དུ་བྱ་རོག་
2-2-191a
༄༅། །པུངས་པུངས་འདུག་པ་སྙམ་བྱེད་པའོ། །ཕྱིའི་མཚན་མ་ནི། དགྲའི་ཁང་པར་བྱ་རོག་འཕུངས་པའམ། བཀྲ་མི་ཤིས་པ་འབྱུང་པའོ། །དེ་ནི་མཚན་མའོ། །དེ་ལྟར་མཚན་མ་གལ་ཆེ་བས་ཀྱང་། བསྒྲུབ་ཐབས་ཉིད་ནས། ཇི་སྲིད་མཚན་མ་མ་བྱུང་གི །བར་དུ་འབད་དེ་བསྒྲུབ་པར་བྱ། །ཞེས་ཟེར་བས་སོ། །དཔལ་བྱ་རོག་ཆེན་པོའི་བསྙེན་པའི་རིམ་པ་ལས། དཔལ་ཆེན་པོ་ཀུ་མ་ར་ཤྲིའི་གདམས་ངག་ཡིག་གེར་བྲིས་པ་རྫོགས་སོ།། །།
༄། །ས་བཅད་གཞུང་གི་སྟེང་དུ་སྦྱོར་ལུགས།
ས་བཅད་གཞུང་གི་སྟེང་དུ་སྦྱར་ན། བཅོམ་ལྡན་འདས་ཁྲག་འཐུང་ཞེས་པ་ནས། བཏུད་དེ་ཞེས་པ་ཡན་ཆོད་མཆོད་པར་བརྗོད་པའོ། །ནག་པོ་ཆེན་པོའི་ཞེས་པ་ནས། བྲི་བར་བྱ་ཞེས་པ་ཡན་ཆད་ཀྱིས་བཤད་པར་དམ་བཅའ་བའོ། །དབང་གིས་སྨིན་བྱས་ཞེས་པ་ནས། སྔགས་པ་ཡིས་ཞེས་པ་ཡན་ཆོད་ཀྱིས་བསྒྲུབ་པ་པོ་རྟེན་གྱི་གང་ཟག་བསྟན། ཡིད་འོང་ཞེས་བྱ་བ་ནས། བདེ་བའི་སྟན་ཏེ་ཞེས་བྱ་བ་ཡན་ཆད་ཀྱིས་བསྒྲུབ་པའི་གནས་བསྟན། ད་ནི་བསྒྲུབ་པའི་ཐབས་ཉམས་སུ་བླང་བའི་རིམ་པ་ནི། རང་གིས་ཞེས་བྱ་བ་ནས། བསྒོམ་བྱ་སྟེ་ཞེས་བྱ་བ་ཡན་ཆད་ཀྱིས་བསོད་ནམས་དང་ཡེ་ཤེས་ཀྱི་ཚོགས་བསགས་པའི་སྒོ་ནས་སྦྱོར་བ་ཚོགས་བསག་པ་བསྟན། རང་གི་ཡི་དམ་གྱི་ལྷར་བསྐྱེད་པའི་ཞེས་པ་ནས། སྐུ་གསུང་ཐུགས་ནི་བྱིན་གྱིས་རླབས། །ཞེས་པ་ཡན་ཆད་ཀྱིས་དངོས་གཞི་ལྷ་བསྒོམ་པ་བསྟན་
2-2-191b
ཏོ༑ ༑ད་ནི་མཇུག་གི་དོན་ལ་གསུམ། ལྷ་ཉེ་བར་བསྟེན་པའི་ཕྱིར། བཟླས་པ་བྱ་བ་དང་། གཏོར་མ་བཏང་བ་དང་། ལས་ལས་སྦྱར་བའོ། །དེ་ལ་དང་པོ་ནི། ལེགས་མཆོད་ཞེས་པ་ནས། བཟླས་བྱ་ཞེས་བྱ་བ་ཡན་ཆད་ཀྱིས་བསྟན་ནོ། །གཏོར་མ་གཏོང་བ་ནི། སྐྱོ་ན་ཞེས་བྱ་བ་ནས། དེ་བཅོལ་བྱ། ཞེས་བྱ་བ་ཡན་ཆད་ཀྱིས་བསྟན་ཏོ། །ལས་ལ་སྦྱར་བའི་རིམ་པ་ནི། དེ་ལྟར་བློ་ལྡན་ཞེས་བྱ་བ་ནས། ལས་ལ་སྦྱར་ཞེས་བྱ་བ་ཡན་ཆད་ཀྱིས་བསྟན་ཏོ། །གང་དུ་ས་བཅད་ཆེན་མོར་རྣམ་པ་གསུམ་དུ་ཕྱེ་བའི་མཇུག་གི་དོན་ཞེས་པ་དེ་ནི། བསོད་ནམས་སྨོན་ལམ་དུ་གདབ་པ་སྟེ། དེ་ཡང་བླ་མའི་གསུང་གི་ཞེས་པ་ནས། །མྱུར་ཐོབ་ཤོག་ཞེས་བྱ་བ་ཡན་ཆད་ཀྱིས་བསྟན་ཏོ། །ས་བཅད་གཞུང་གི་སྟེང་དུ་སྦྱོར་ལུགས་ཡིན་ནོ། །ཨྠྀི།། །།བླ་མ་དམ་པ་རྣམས་ལ་ཕྱག་འཚལ་ལོ། །དཀྱིལ་འཁོར་གྲུ་གསུམ་ནག་པོས་བྱུག །ཞེས་བྱ་བ་འདི་ལ། དང་པོ་དཀྱིལ་འཁོར་གྲུ་བཞིར་བྱས་ལ། དེའི་དཀྱིལ་དུ་གྲུ་གསུམ་པ་རྒྱ་དང་ཟབས་སུ་ཁྲུ་གང་པ་བྲུ། དེར་དུག་དང་དུར་ཁྲོད་སོལ་བ་དང་ཁྲག་བསྲེས་ཏེ་ནག་པོར་བྱུག་པའོ། །དེའི་ནང་དུ་ཐོད་པ་ནི། ཞེས་པ་ནི། ཐོད་པ་ཁ་སྦྱར་ཏེ། དེ་ཡང་ཕོ་ཐོད་སྟེང་། མོ་ཐོད་འོག་ཏུ་བྱེད་པ་སྟེ། ཕོ་མོ་གཉིས་ཀྱི་ཐོད་པ་ཚང་བར་མེད་ན། ཕོ་མོ་གང་རྙེད་པ་ཞིག་གི་ཐོད་པ་ཁ་སྦྱར་བས་ཀྱང་འོང་གསུང་ངོ་། །གཟུགས་ཀྱི་སྙིང་ཁར་འཁོར་
2-2-192a
༄༅། །ལོ་གཞུག་ཅེས་པ་ནི། གང་ལ་དམིགས་ནས་ཕྲིན་ལས་བྱེད་པའི་བསྒྲུབ་བྱ་དེའི་དྲི་ཆེན་དྲི་ཆུ་རྐང་རྗེས་ས་དང་གསུམ་བག་ཟན་དུ་བསྲེས་ཏེ། རང་གི་དྲི་མ་མ་སོང་བར་བྱས་ནས་གཟུགས་མཐོ་གང་པ་བྱས་ཏེ། དེའི་སྙིང་ཁར་གྲུ་གསུམ་པ་བྲུས་ལ། ཨོཾ་མ་ཧཱ་ཀཱ་ལ་ཡ་ཧཱུྃ་ཕཊ། ཞེས་པ་དང་། ༀ་མ་ཧཱ་ཀཱ་ལ་གུ་ན་ཧྲི་ཏ་ཧཱུཾ་ཕཊ། ཞེས་པ་དང་། ༀ་མ་ཧཱ་ཀཱ་ལ་སི་ཏི་ཡཾ་དུ་ཛ། ཞེས་བྱ་བ་ལ་སོགས་པའི་ཐུན་སྔགས་རྣམས་རྫོགས་པར་བྲིས་པའི་འཁོར་ལོ་དྲིལ་ནས་གཟུགས་ཀྱི་སྙིང་གར་བཅུག་སྟེ། སླར་བག་ཟན་གྱིས་བཀབ་ནས་ནན་ཏན་ལེགས་པར་བྱས་ཏེ། ཐོད་པ་ཁ་སྦྱར་གྱི་ནང་དུ་བཅུག་ནས། དེ་ནས་དཀྱིལ་འཁོར་གྲུ་གསུམ་པའི་ནང་དུ་འཇུག །ཐོད་པ་ནག་གམ་མཚན་ངན་དུ། །ཉུངས་ཀར་དུག་དང་མཚོན་ལ་སོགས་། །ཐུན་གྱི་རྫས་རྣམས་བསག་པར་བྱ། །ཞེས་བྱ་བ་ནི། རབས་ཆད་ནག་པོའི་ཐོད་པའམ། ཐོད་པ་དམ་བུ་བཞི་པའམ། དྲུག་པའི་ནང་དུ་ཉུངས་ཀར་དང་། ཉུངས་ནག་དང་། དུག་སྣ་ཚོགས་དང་། མི་བསད་པའི་མཚོན་གྱི་རྩེ་མོ་བདར་བ་ལ་སོགས་པའི་ཐུན་གྱི་རྫས་རྣམས་བསག་པའོ། །བདག་ཉིད་ཞལ་གཅིག་ཕྱག་བཞི་པའི། །ཡེ་ཤེས་མགོན་པོ་བསྒོམ་པར་བྱ། །ཞེས་པ་ནི། རང་སྐད་ཅིག་གིས་བསྒྲུབ་ཐབས་ནས་འབྱུང་བ་བཞིན་དུ་ཡེ་ཤེས་མགོན་པོ་ཞལ་གཅིག་ཕྱག་བཞི་པར་བསྒོམ་པའོ། །དཀྱིལ་འཁོར་གྲུ་གསུམ་
2-2-192b
གནས་སུ་ནི། །མ་ཧཱ་ཀཱ་ལ་བྱ་རོག་གདོང་། །ཞེས་བྱ་བ་ལ་སོགས་པ་ནི་དཀྱིལ་འཁོར་གྲུ་གསུམ་ཡོད་པའི་ཟུར་གྱི་ནང་དུ་ཧཱུཾ་ཁ་དོག་ཤིན་ཏུ་གནག་པ་ལས་མགོན་པོ་གསུམ་བསྐྱེད་པའོ། །དེ་ལྟར་བསྐྱེད་པའི་མགོན་པོ་དེས། བྲུབ་ཁུང་གི་ནང་གི་ལིང་ག་དེ་བསྒྲུབ་བྱར་བསམས་པའི་བསྒྲུབ་བྱ་དེའི་སྲོག་རྩ་གཅོད་པ་དང་། སྙིང་ཁྲག་འཐུང་པ་ལ་སོགས་པར་བསམ་པར་བྱའོ། །དེ་ལྟར་བསྒོམས་པའི་སྔགས་པ་ཡིས། །བདུན་ཕྲག་གསུམ་དུ་ཐུན་གྱིས་བྲབ། །ཞེས་པ་ནི། རང་ཉིད་ཡེ་ཤེས་མགོན་པོ་དང་། མདུན་གྱི་ཟུར་གསུམ་དུ་ལས་ཀྱི་མགོན་པོ་གསུམ་བསྒོམས་པས། ཞག་བདུན་ཕྲག་གསུམ་སྟེ་ཉི་ཤུ་རྩ་གཅིག་དུ། ཐུན་བཞིར་བཅད་པའམ། དྲུག་ཏུ་བཅད་དེ། ནམ་ཕྱེད་ཉི་མ་ཕྱེད་ལ་སོགས་པ་ཐུན་མཚམས་བཞིའམ། དྲུག་ཏུ་ལྷའི་ཏིང་ངེ་འཛིན་དང་བཅས་པས་སྔགས་བཟླས་ཀྱིན་བྲུབ་ཁུང་གི་ལིང་ག་དང་ཐོད་པའི་ནང་དུ་ཐུན་གྱིས་བྲབ་པའོ། །བསྟན་པ་བསྲུང་བའི་བསམ་པ་དང་། །སྙིང་རྗེ་ཆེན་པོའི་བསམ་པ་ཡིས། །ཞེས་པ་ནི། རང་གི་དོན་དུ་མ་ཡིན་པར། །སངས་རྒྱས་ཀྱི་བསྟན་པ་རིན་པོ་ཆེ་བསྲུང་བའི་དོན་དུ། བསྟན་པ་ལ་སྡང་བ་རྣམས་ཚར་བཅད་ནས་བསྟན་པ་ལ་གནས་པར་བྱ་སྙམ་པ་དང་། གཞན་ཡང་བླ་མ་ལ་སྨོད་པ་དང་། ཐེག་པ་ཆེན་པོ་ལ་རྒྱབ་ཀྱིས་ཕྱོགས་པ་དང་། སེམས་ཅན་རྣམས་ལ་རྣམ་པར་འཚེ་བ་ལ་སོགས་པ་བྱེད་
2-2-193a
༄༅། །པས། བསྒྲུབ་བྱ་ངན་པ་འདི་ཚར་མ་བཅད་ན། འཇིག་རྟེན་འདིར་ཁོས་གཞན་ལ་གནོད་པ་བྱེད་ཅིང་། དེའི་རྣམ་པར་སྨིན་པས་འཇིག་རྟེན་ཕྱི་མར་ཁོ་རང་ཉིད་ལ་ལས་ཀྱི་གནོད་པ་འབྱུང་བས་ན། རང་དང་གཉིས་ཀ་ལ་གནོད་པ་བྱེད་པ་འདི་རྒྱུན་བཅད་པའི་ཕྱིར་བསྒྲུབ་བྱ་ངན་པ་འདིའི་ཚེའི་འདུ་བྱེད་བཏུང་བར་བྱའོ་སྙམ་དུ་སེམས་བསྐྱེད་པའོ། །ཨྠྀི།། །།
༄། །རྟེན་གྱི་མན་ངག
མ་ཧཱ་ཀཱ་ལའི་རྟེན་ལ། ཕྱི་ནང་གསང་བ་གསུམ་གྱི་རྟེན་གཟུགས་པ་ནི། ཕྱིའི་རྟེན་ནི་ལུག་ནག་པོའམ། གཡག་རོག་པོའི་མགུལ་དུ། ཨོཾ་མ་ཧཱ་ཀཱ་ལ་གུ་ན་ཧྲི་ཏ་ཧཱུཾ་ཕཊ། ཞེས་པའི་སྲོག་གི་སྙིང་དར་ནག་པོ་པོ་རིན་པོ་ཆེ་གསེར་གྱིས་བྲིས་པ་ལ་རྟེན་འབྲེལ་སྙིང་པོས་རབ་གནས་པ་བྱ་སྟེ། བཏགས་ནས་མགོན་པོ་ལ་བསྔོ་ཞིང་བསྟབ་པར་བྱའོ། །ནང་གི་རྟེན་བྱ་རོག་གི་གསོབ་མ་ཉམས་པའི་རྒྱལ་མཚན་ལ་ཁ་དང་ཉེ་བར་བྱས་པའི་གྲེ་བའི་ནང་དུ་གྲོ་གའམ། ཤོག་བུ་ལ་སྲོག་གི་སྙིང་པོ་བྲིས་ནས་བཅུག་པའོ། །གསང་བའི་རྟེན་བསྐྱེད་པ། དར་ལ་བབ་པ་གཡུལ་དུ་བསད་པའི་སྙིང་ལ་རྩ་གསུམ་ཡོད་པ་ལས། རྩ་དབུ་མའི་ནང་དུ་དེའི་ཁྲག་གིས་བྲིས་པའི་སྲོག་གི་སྙིང་པོ་གཞུག །རྩའི་སྦུབས་གཡས་པའི་ནང་དུ་གསེར་ལ་སོགས་པ་རིན་པོ་ཆེ་སྣ་ལྔ་གཞུག །གཡོན་དུ་བཟང་དྲུག་ལ་སོགས་པའི་སྨན་སྣ་ཚོགས་བཅུག་སྟེ། དེ་དར་མཐིང་ནག་གིས་དྲིལ་ནས་གང་དག་ཏུ་འགྲོ་བའི་དུས་སུ་རང་གི་མཆན་
2-2-193b
འོག་ཏུ་བཅིངས་ཏེ་ཕྱིན་པས་ལུས་དང་གྲིབ་མ་བཞིན་དུ་འགྲོགས་ཏེ། དགོས་པ་ཐམས་ཅད་འགྲུབ་པ་དང་། བར་དུ་གཅོད་པ་ཐམས་ཅད་སེལ་བས་གྲོགས་བྱེད་དོ། །རྟེན་གྱི་མན་ངག །ཨྠྀི།། །།
༄། །ཐུན་གྱིས་བསད་པ་དང་སྦྱིན་སྲེག་གིས་བསད་པ།
དེ་ལྟར་ཐུན་གྱིས་བསད་པ་དང་སྦྱིན་སྲེག་གིས་བསད་པ་གཉིས་བྱས་ནས། ད་མནན་པ་བྱ་བ་ནི། གྲུ་གསུམ་དོང་དུ་མནན་པར་བྱ། །ཞེས་ཟེར་བ་ལས། དེའི་མན་ངག་ནི། མནན་པའི་ས་གང་ཡིན་པ་དེ་རུ་དོང་གྲུ་གསུམ་པ་བྲུས་ལ། དེར་ཐོད་ནག་ཏུ་ཐལ་བ་དང་ལིང་ག་བཅུག་སྟེ། བསྒྲུབ་བྱའི་རྣམ་པར་ཤེས་པ་དགུག་གཞུག་དྲག་ཏུ་བྱས་ལ་གཡམ་པ་ལ་རྡོ་རྗེ་རྒྱ་གྲམ་བྲིས་དོང་གི་ཁ་བཅད་ལ། ཏིང་ངེ་འཛིན་ནི། རང་གི་སྙིང་གའི་ཧཱུྃ་ལས་འོད་འཕྲོས་པས། ལས་ཀྱི་མགོན་པོ་ཞགས་པ་དང་ལྕགས་ཀྱུ་ཐོགས་པར་གྱུར་ནས་བསྒྲུབ་བྱ་བཀུག་ནས་དོང་དུ་བཅུག་པ་དང་། རི་རབ་ཀྱི་འོག་ཏུ་བཅུག་ནས་འཕར་དབང་མེད་པར་བསམ་མོ། །ཀླུ་ལ་སོགས་པ་ཡོད་པའི་གནས་སུ་མནན་པ་བྱེད་ན། རང་ཡེ་ཤེས་མགོན་པོའི་ང་རྒྱལ་དུ་གནས་པས་གཏོར་མ་བྱིན་ལ་གཏད་གཉེར་བཅོལ་བར་བྱའོ། །འདིའི་རྗེས་ལ་མགོན་པོའི་བསྐང་མདོས་ཁྲག་མཚོ་ཁོལ་མ་ནས་ཕྱུང་པ་གཅིག་འདུག་སྟེ་བདག་གིས་མ་བྲིས་སོ། །བསྒྲུབ་ཐབས་གོང་མ་གཉིས་ན་བྲིས་ཡོད་པ་དེས་དགེའོ།། །།
༄། །རྡོ་རྗེ་ནག་པོའི་ལས། བསྐྲད་པའི་མངོན་སྤྱོད།
སེམས་ཅན་དོན་དུ་གཟུགས་སྐུར་སྣང་བས་ཐུགས་རྗེའི་བདག་ཉིད་ཀྱང་ཡིན་ཞིང་ཀ་ལ་འདི་བསྒྲུབ་པ་ལ་ལྷག་
2-2-194a
༄༅། །པའི་ལྷ་ཡང་ཡིན་པའི། །དཔལ་ལྡན་ཁྲག་འཐུང་སྟེ་སྐུ་བཞིའི་བདག་ཉིད་ཅན་ལ་རྡོ་རྗེ་དེ་ཡང་ངོ་བོ་ལ་དབྱེར་མེད་པས་ཅན། །དེ་ཡང་གང་ཡིན་ན་ལྷ་མོའི་ཚོགས་དང་བཅས་པའི་བདེ་མཆོག་གི་ཡུམ་བྱེད་པ་ལ། །ལུས་ངག་ཡིད་གསུམ་གུས་ཕྱག་འཚལ། །རྡོ་རྗེ་བྱ་རོག་ནག་པོ་ཆེན་པོ་ཡི། །བསྙེན་ཡིག་གེ་བདུན་པ་ལ་སྔོན་སོང་བསྒྲུབ་པ་པོས། །གདུག་པ་ཅན་གྱི་སེམས་ཅན་རྣམས་ཚར་གཅོད་པའི། །དྲག་པོའི་ཆོ་ག་བྱ་བ་ཇི་ལྟར་བྱ་བའི་ལས་ཀྱི་རིམ་པ་སྟེ་མན་ངག་བཤད། །གང་ཞིག་གང་ཟག་བསྟན་པ་འཇིག་པ་དང་སངས་རྒྱས་ཀྱི་དང་། །བླ་མ་རང་གི་ལ་ནི་རྒྱབ་ཕྱོགས་ནས་གནས་ཅིང་། །སེམས་ཅན་དུ་མ་འཚེ་བར་བྱེད་པ་སྟེ་མང་པོ། །དེ་མངོན་སྤྱོད་ཀྱི་ལས་འདི་རྣམས་ལ་བརྩམ་གྱིས་དེ་ལས་གཞན་དུ་དེ་ལྟ་བུ་མིན་པའི་གཟས་པ་ལ་བརྩམ་པ་མིན། །དེ་ལ་དེ་ཡང་དབྱེ་བ་ལ་སོགས་མང་དུ་ཡོད་པ་ལས་བསྔགས་པས་དེ་ལྟ་བུ་ལ་བརྩམ་པ་བསྒྲུབ་བྱ་བསད་པར་འདོད་ན། །དེའི་དུས་སུ་བྱ་བའི་རིམ་པ་སྟེ་མན་ངག་ནི་འདི་ཡིན་ཏེ། །དང་པོར་གང་ཡིན་ན་གསོད་པ་རང་བྱེད་པའི་ལིང་ག་རྣམ་ཤེས་དགུག་པའི་རྟེན་བྱ་བ་ནི། །ཆུ་འགྲམ་ཕར་ཀ་ཚུར་ཀའི་ས་དང་ཤིང་གཅིག་ས། །གྲོག་མཁར་གྱི་ས་དང་ཚྭ་སྒོ་ཅན་གྱི་ས། །གང་ལ་དམིགས་པའི་བསྒྲུབ་བྱ་དེའི་གཤང་གཅི་དང་སྤྲ་ཚིལ། །མཚན་ངན་ཐོད་པར་བསྲེས་པ་ལས། །བསྒྲུབ་བྱའི་གཟུགས་ནི་སོར་བརྒྱད་བྱས་པའི། །སྙིང་ཁར་ཁྲོད་ཀྱི་ས་དང་དུག་ཁྲག་དུར་ཁྲོད་སོལ་བ་རྣམས། །སྦྱར་བས་བྲིས་པའི་གཟུགས་བརྙན་གྱི། 
2-2-194b
སྙིང་ཁར་སྔགས་དང་གང་དམིགས་པའི་བསྒྲུབ་བྱའི་མིང་། །བསྐུལ་ཚིག་མཱ་ར་ཡ་མཐའ་རྟེན་ཅན་ཧཱུྃ་ཕཊ་བྲིས་གཞུག །དེ་ནས་མཚན་ངན་ཐོད་པ་དུམ་བུ་བཞི་པའམ་དྲུག་པའི་ཡི། །ནང་བཅུག་མི་ཤེས་སྐྱ་རོའམ། ཡུགས་སའི་ཡིས་བཅིང་༑ ༑གྲུ་གསུམ་གྲུ་བཞིའི་དབུས་སུ་ཟུར་ལྷོར་བསྟན་ནས་བྲུས་པའི་དཀྱིལ་འཁོར་སྟེང་བཞག་སྟེ། །རང་ཉིད་ལྷོ་ཕྱོགས་ཁ་ལྟས་དེ་ན་གསོད་པ་ལ་དགའ་བའི་གཤིན་རྗེ་ཡོད་པས་དེ་ཕྱོགས་སུ་ལྟས་པས་ལས་དེ་མྱུར་དུ་འགྲུབ་པོ་ནས། །ལྷ་ཡི་རྣལ་འབྱོར་བསྒྲུབ་ཐབས་བཞིན་ཡེ་ཤེས་མགོན་པོའི་བྱས་པ་ཡིས། །སྙིང་ཁའི་ན་གནས་པའི་ས་བོན་ལས་འཕྲོས་པའི། །མགོན་པོའི་ཚོགས་ནི་དཔག་མེད་པ། །མདོག་དམར་ཞལ་གཅིག་ཕྱག་གཉིས་པ། །གཡས་ལྕགས་ཀྱུ་ཞགས་པ་གཡོན་འཛིན་པ་འཕྲོས་པ་ཡིས། །བསྒྲུབ་བྱ་བཀུག་ནས་རང་གི་མདུན་གནས་པར། །བསམ་སྟེ་ཁ་སྦྱར་ཕྱེད་པ་དང་། །གཟུགས་ལ་བསྟིམ་ནས་གཟུགས་དང་བསྒྲུབ་བྱ་གཉིས་སུ་མེད་པར་བལྟ། །དེ་ནས་བཟླས་པ་བརྩམ་པ་ནི། །ཨོཾ་བཛྲ་མ་ཧཱ་ཀཱ་ལ་ཆེ་གེ་མོ་མཱ་ར་ཡ་ཧཱུྃ་ཕཊ། ཞེས་བཟླས་སྔགས་ཀྱི་ཡིག་འབྲུ་རྣམས། །རང་གི་ཁ་ནས་འཐོན་པ་དང་། །བསམ་མི་ཁྱབ་པའི་མགོན་པོའི་ཚོགས། །མདོག་ནག་ཞལ་གཅིག་ཕྱག་གཉིས་པ། །སྣ་ཚོགས་གྲི་གུག་རལ་གྲི་སོགས་མཚོན་ཆ་འཛིན་པར་གྱུར་པ་ཡིས། །བསྒྲུབ་བྱ་རྣམ་པར་འབིགས་པ་དང་། །གཅོད་དང་ཡན་ལག་ལུས་གཏུབས་པའི་བསྒྲུབ་བྱའི་ཕུང་པོ་ནི། །ཏིལ་འབྲུའི་ཚད་ཙམ་ཕྱེ་མར་
2-2-195a
༄༅། །བསྒོམ། །དེ་ལྟར་བསྒོམ་དང་བཟླས་པ་ནི། །བདུན་གསུམ་བར་བྱ་རྫོགས་པ་དང་། །གཟུགས་བརྙན་ཕྱུང་སྟེ་གཏུབ་པ་དང་། །དུག་གི་ཆུ་ལ་སྦགས་པ་ཡིས། །ཚེར་མ་ཅན་གྱི་ཤིང་མེ་ལ། །གསང་སྔགས་བཟླས་ཤིང་མིང་བསྐུལ་ཚིག་མཐའ་རྟེན་ཅན་བསྲེག་པར་བྱ། །དེས་ནི་བསྒྲུབ་བྱ་ཚངས་པ་དང་། །དབང་པོ་ཡིན་ཡང་ངེས་པར་ནི། །ཚེའི་འདུ་བྱེད་འཇམས་པ་ལ། །ཐེ་ཚོམ་ཡོད་པ་མ་ཡིན་ནོ། །རྡོ་རྗེ་ནག་ཆེན་པོའི་ལས། །བསད་པའི་མངོན་སྤྱོད་རྫོགས་སོ། ། གལ་ཏེ་རྣལ་འབྱོར་པས་བསྒྲུབ་བྱ་གནས་གཞན་དུ་བསྐྲད་པར་འདོད་ན། དེའི་རིམ་པ་ནི་འདི་ཡིན་ཏེ། དང་པོ་བསྐྲད་ལས་བྱེད་པའི་འཁྲུལ་འཁོར་ལས་དེ་གང་ལ་ཀླུ་བརྟེན་ནས་བསྒྲུབ་པའི་རྟེན་དུ་བྲི་བ་ལས། །གཞི་ནི་དེ་ཡང་གང་ལ་བྲི་ན་ཤིང་ལོ་ལ་བྲི་བ་ལས་དེའི་ཡང་བྱེ་བྲག་རླུང་གིས་ཕབ་པ་ཡི། །ཤིང་ལོ་ལ་བྲི་བ་དེ་ཡང་བར་སྣང་ནས་བླངས་པ་གཅིག་ལ་བྲི་བས་ཏེ། ཁྲག་དང་དུར་ཁྲོད་སོལ་བ་རྣམས༑ ༑མི་ཤིས་ལ་བྱེད་པ་ལས་དེ་ཡང་། རབས་ཆད་དམ་མཚན་ངན་པ། ཐོད་པའི་ནང་ཁྲག་རློན་པ་ཡིན་ན་དེ་ཉིད་ཀྱི་ཆུས་ཆུ་བྱས་ནས་དེ་དང་སྦྱོར་བའོ། ཡང་ན་བརྒྱད་པ་གསུངས་ཏེ་དེ་ལྟར་ལེགས་གསུང་། དུ་སྦྱར། །རབ་ཏུ་བཏོགས་པའི་བྱ་རོག་སྒྲོ་རྩ་ཡིས། །འཁོར་ལོ་རྩིབས་སྔགས་ལ་བཛྲ་འཛུད་ན་རྩིབས་བརྒྱད། མི་འཛུད་ན་དྲུག་པ་བཅུག་ནས་བརྒྱད་པར་བྱེད་པ་ལེགས་གསུང་དྲུག་ལྟེ་བ་དང་། །བཅས་པ་བྲིས་ཏེ་རྩིབས་རྣམས་ལ་སྔགས་ཨོཾ་མ་ཧཱ་ཀཱ་ལ་ཧཱུྃ་ཕཊ། ཅེས་པ་གཡོན་སྐོར་དུ་
2-2-195b
དྲུག་དགོད་བྱ་དེ་དབུས་ཕཊ། །དེ་མཐའ་ཕཊ་བསྒྲུབ་བྱའི་མིང་དང་ནི། །ཨུ་ཙ་ཧཱུྃ་ཕཊ་ཆེ་གེ་མོ་ཨུ་ཙ་ཏ་ཡ་ཧཱུྃ་ཕཊ་ད་ཡིས་བསྐུལ་ཚིག་ལ། །ཕཊ་ཀྱི་མཐའ་རྟེན་སྦྱར་བ་བྲིས། །དེ་ནས་མཚན་ངན་དུ་སྔར་གྱི་སྣག་ཚས་ཐོད་པ་ལ༑ ༑རླུང་གི་དཀྱིལ་འཁོར་བྲིས་པ་ཡི། །ནང་འཁོར་ལོ་ཁ་གྱེན་དུ་བསྟན་ལ་དུ་བཞག་སྟེ་རྣལ་འབྱོར་པ། །ལྷོར་ལྟས་ཡེ་ཤེས་མགོན་པོ་ལྷ་ཡི་རྣལ་འབྱོར་དུ། །གནས་པའི་མདུན་དུ་ནག་པོ་ཆེ། །སྒྲུབ་ཐབས་ལྟར་བསྐྱེད་ལ་ཡེ་ཤེས་གཞུག་པ་དང་གནས་གསུམ་བྱིན་གྱིས་རླབས་སོགས། །བྱས་ཏེ་མཆོད་དང་གཏོར་མ་དང་། །བསྟོད་རྐང་པ་བརྒྱད་པ་པས་མཉེས་པར་བྱས་པ་དང་། །ཕྲིན་ལས་བསྒྲུབས་ཞེས་གསོལ་བ་ནི། །བསྟན་ལ་སྡང་བའི་གདུག་པ་ཅན། །ཆེ་གེ་མོ་ཞེས་བྱ་བ་འདི། །བཀུག་ཅིང་དབང་དུ་བསྡུ་བ་དང་། །གནས་གཞན་རྣམས་སུ་བསྐྲད་དུ་གསོལ། །ཞེས་བརྗོད་ནས་ནི་སྔགས་བཟླས་ཤིང་། །ༀ་བཛྲ་མ་ཧཱ་ཀཱ་ལ་ཆེ་གེ་མོ་ཛ་ཛ་ཧཱུྃ་ཧཱུྃ་བཾ། ཞེས་སྔགས་ངག་ཏུ་བཟླས་པའི་བསྒོམ་པའི་ཏིང་ངེ་འཛིན་ཚེ། །མདུན་ན་གནས་པའི་མགོན་པོ་ལས། །སྤྲུལ་པ་དཔག་མེད་སྤྲོས་པ་ནི། །ཞལ་གཅིག་ཕྱག་གཉིས་མདོག་དམར་བ། །ལྕགས་ཀྱུ་ཞགས་པ་འཛིན་པ་ཡིས། །བསྒྲུབ་བྱའི་གནས་སུ་སོང་སྟེ་བསྒྲུབ་བྱའི་སྙིང་ཕུག་མགྲིན་པ་བཅིངས་པ་དང་། །བཀུག་ནས་མིང་ལ་མི་དོན་དུ་ཞེན་པ་བྱ་བསྟིམ་ལ་གཉིས་མེད་བལྟ། །དེ་ནས་བསྐྲད་པའི་གསང་སྔགས་ནི། །ཨོཾ་མ་ཧཱ་ཀཱ་ལ་ཆེ་གེ་མོ་ཨུ་ཙ་ད་ཡ་ཧཱུྃ་
2-2-196a
༄༅། །ཕཊ། ཅེས་བཟླས་པ་དང་ཏིང་ངེ་འཛིན། །མདུན་ནས་མགོན་པོ་ལས་སྤྲུལ་བའི། །ཁྲོ་བོའི་སྐུར་སྣང་བ་ཞལ་གཅིག་ཕྱག་གཉིས་པ། །ལག་གྲི་གུག་རལ་གྲི་མདུང་སོགས་ན་སྣ་ཚོགས་མཚོན་ཐོགས་ནས། །སྡིགས་མོའི་ཕྱག་རྒྱ་བྱེད་པ་དང་། །ཆེ་གེ་མོ་དེ་རྣམས་ཀྱི་ངག་ཏུ་ཡང་འདི་ཡུལ་འདི་ནས་གཞན་དུ། །ད་ལྟ་ཉིད་དུ་མི་འགྲོ་ན། །བ་སོད་རྣམ་པར་ལུས་འབིགས་པ། །དུམ་བུར་བྱེད་ཞེས་ཟེར་བ་ཡི། །བསྒྲུབ་བྱ་སྟེ་ངེས་པར་འཚེ་བར་བྱེད་པ་རྣམ་པར་གཙེས་ནས་སུ། །རང་བསྒྲུབ་བྱ་གི་གནས་ནས་གང་ཡིན་དེ་བསྐྱོད་པར་བསྒོམ་དང་། །འོག་ཡང་དེའི་དུས་སུ་བསྒྲུབ་བྱའི་ནས་རླུང་གི་དཀྱིལ་འཁོར་དང་། །ཁྲོ་བོའི་ཚོགས་ཀྱི་ལུས་ལས་ཀྱང་། །རླུང་གི་རང་བཞིན་འོད་འཕྲོས་པས། །བརྡེག་འོག་གི་རླུང་གིས་ཅིང་རྒྱབ་ནས་འཕུལ་བ་དང་། །ཁྲོ་བོའི་ལུས་ལས་བྱུང་པའི་རླུང་གིས་སྐད་ཅིག་ཙམ་ཡང་མ་ཐོགས་པར། །བསྒྲུབ་བྱ་གནས་གཞན་རྣམས་སུ་ཁྱེར་བར་བསམ། །དེ་ལྟར་བསྒོམ་དང་བཟླས་པ་ནི། །སྟོང་ཕྲག་བདུན་བྱ་རྫོགས་པ་དང་། །འཁོར་ལོ་རྟའམ་རྔ་མོ་ཡི། །རྔ་མས་བཅིངས་ཏེ་བྱ་རོག་གི །མགུལ་པར་བཅིངས་ནས་སྤུར་བ་ན། །བསྒྲུབ་བྱ་རང་གི་གནས་དེ་ནས། གཞན་དུ་བསྐྱོད་པར་ཐེ་ཚོམ་མེད། །རྡོ་རྗེ་ནག་པོའི་ལས། བསྐྲད་པའི་མངོན་སྤྱོད་རྫོགས་སོ།། །།
༄། །རྡོ་རྗེ་ནག་པོའི་ལས། དབྱེ་བའི་མངོན་སྤྱོད།
གལ་ཏེ་རྣལ་འབྱོར་པས་བསྒྲུབ་བྱ་བསྟན་པ་ལ་གནོད་པའི་ཕན་ཚུན་འབྱེད་པར་འདོད་ན། དང་པོ་འཁྲུལ་འཁོར་བྲི་
2-2-196b
བ་ནི། །རྟ་དང་མ་ཧེའི་གང་རུང་གཅིག་ལ་བྱ་རོག་གི་བྲི། གང་རུང་གཅིག་ལ་འུག་པའི་བྲི་རུས་པ་ལ། །བྱ་རོག་འུག་པའི་ཁྲག་གིས་སུ། །བསྒྲུབ་བྱ་གཉིས་ཀྱི་གཟུགས་བྲིས་པའི། །སྙིང་ཁར་སྔགས་དང་བསྒྲུབ་བྱའི་མིང་། བསྐུལ་ཚིག་མཐའ་རྟེན་བཅས་པ་བྲི། །དེ་ནས་ཐོད་པ་མཚན་ངན་དུ། །གཟུགས་གཉིས་མགོ་མཇུག་བསྣོལ་མ་རུ། །བརྩེགས་ནས་བཞག་ཅིང་བྱ་རོག་དང་། །འག་པ་རྟ་དང་མ་ཧེ་ཡི། །ཁྲག་དང་འཇུག་ངོས་ཕན་ཚུན་པ། །སྦྱར་བའི་ཕྱེ་མ་གཟུགས་གཉིས་ཀྱི་མལ་དུ་བླུགས། །ལྷོ་ཕྱོགས་ཁ་བལྟས་རྣལ་འབྱོར་པས། །རང་ཉིད་སྒྲུབ་ཐབས་བཞིན་ཡེ་ཤེས་མགོན་པོའི་ལྷའི་རྣལ་འབྱོར་དུ། །གནས་པའི་སྙིང་ཁའི་ས་བོན་ལས། །སྤྲོས་པའི་སྤྲུལ་པའི་བསྒྲུབ་བྱ་གཉིས། །བཀུག་སྟེ་རང་རང་གཟུགས་ལ་བསྟིམ། །དེ་ནས་དབྱེ་བའི་གསང་སྔགས་ནི། །ཨོཾ་བཛྲ་མ་ཧཱ་ཀཱ་ལ་ཆེ་གེ་མོ་དང་། ཆེ་གེ་མོ་བི་དེ་ཤ་ཡ་ཧཱུྃ་ཕཊ། ཅེས་བཟླས་དེ་དུས་ཏིང་ངེ་འཛིན་ནི། །བསྒྲུབ་བྱ་ཕན་ཚུན་འཚང་འབྲུ་ཞིང་། །གཅིག་གཅིག་ཉེས་པ་སྣ་ཚོགས་བརྗོད། །གཅིག་ལ་གཅིག་གིས་བརྡེག་པ་དང་། །ཕན་ཚུན་གཅིག་གིས་གཅིག་གི་ལུས་རྨས་པར་བྱས་པ་ཡི། །སོ་སོར་གཅིག་གིས་གཅིག་འཁོན་དུ་བཟུང་ནས་གནས་པར་བསམ་པར་བྱ། །བསྒོམ་དང་ཐུན་བཞིའམ་དྲུག་ཏུ་བྱེད་པའི་ཐུན་རེ་ལ་བཟླས་པའི་རིམ་པ་དེས། །སྟོང་ཕྲག་བདུན་དུ་སྔགས་བཟླས་ཏེ། །མཐར་ནི་གཟུགས་བརྙན་གཅིག་ལ་གཅིག །དྲུད་པས་
2-2-197a
༄༅། །ཕན་ཚུན་ཉམས་བྱས་ནས། །ཕྱེ་མར་རུས་པ་གཉིས་བརྡུངས་ནས་བྱས་ཏེ་ཆུ་བོ་ལ། །དོར་བས་འབྱེད་པར་གདོན་མི་ཟ། །རྡོ་རྗེ་ནག་པོའི་ལས། དབྱེ་བའི་མངོན་སྤྱོད་རྫོགས་སོ།། །།
༄། །རྡོ་རྗེ་ནག་པོའི་ལས། ལུས་རེངས་པར་བྱེད་པའི་མངོན་སྤྱོད།
གལ་ཏེ་དབང་གི་སྨིན་བྱས་སོགས་ཀྱི་མཚན་ཉིད་ཅན་གྱི་རྣལ་འབྱོར་པས་བསྒྲུབ་བྱའི་ལུས་ལ་གང་ཞིག་བསྟན་པ་འཇིགས་སོགས་རེངས་པར་བྱ་བར་འདོད་ན། དང་པོ་འཁྲུལ་འཁོར་བྲི་བ་ནི། དུར་ཁྲོད་རས་ལ་ཡུང་བ་དང་། །དུར་ཁྲོད་རོ་སོལ་བསྲེས་པ་ཡིས། །དབང་ཆེན་དཀྱིལ་འཁོར་གྲུ་བཞི་པའི་གྲ་བཞིར་རྡོ་རྗེ་རྩེ་གསུམ་པས་མཚན་པ་བྲིས་པ་ཡི། །སྟེང་དུ་བསྒྲུབ་བྱའི་གཟུགས་བྲིས་ཏེ། །སྙིང་ཁར་ཨོཾ་བཛྲ་མ་ཧཱ་ཀ་ལ་ཧཱུྃ་ཕཊ། ལམ་ཆེ་གེ་མོའི་ཀ་ཡ་སྟཾ་བྷ་ཡ་ལཾ། ཞེས་པ་སྔགས་མིང་བསྐུལ་ཚིག་དང་། །མཐའ་རྟེན་བཅས་པ་བྲི་བར་བྱ། །ཡན་ལག་བཞི་དང་མགོ་བོ་ལ། །ལཾ་ཡིག་སེར་པོའི་ཡུང་ང་སྟེང་གནས་པའི། །སུམ་ཡིག་ཡུང་ང་དང་རོ་སོལ་བསྲེས་ལ་ལྗང་ཁུ་བྲི་བར་བྱ། །ལྟེ་བའི་སྟེང་དུ་ལམ་ཡིག་སེར་བ་ཡུང་གིས་སོ། །དེ་སྟེང་གནས་པའི་སུམ་ཡིག་ལྗང་། །ལ་གནས་ཧཱུྃ་ཡིག་ནག་པོ་སུམ་གྱི་སྟེང་དུ་རོ་སོལ་གྱིས་བྲི། །རང་ཉིད་ལྷོར་མངོན་སྤྱོད་དེ་རྗེས་སུ་མཐུན་པའི་ཕྱོགས་ལྟས་མདུན་གྱི་ཆར། །འཁོར་ལོ་མཎྜལ་སྟེང་བཞག་ནས། །བསྒྲུབ་པོ་ལྷའི་ཡེ་ཤེས་མགོན་པོའི་རྣལ་འབྱོར་དུ། །གནས་པའི་སྙིང་ཁའི་ས་བོན་ལས། །སྤྲུལ་ཞལ་གཅིག་ཕྱག་གཉིས་པ་པ་སྤྲོས་པས་བསྒྲུབ་བྱ་ནི་དམར་པོ། །བཀུག་ནས་གཟུགས་ལ་བསྟིམ་པ་དང་། །ཨོཾ་
2-2-197b
བཛྲ་མ་ཧཱ་ཀཱ་ལ་ཧཱུྃ་ཕཊ། ལམ་ཆེ་གེ་མོའི་ཀཱ་ཡ་སྟཾ་བྷ་ཡ་ལཾ། ཞེས་པའི་སྔགས་ནི་བཟླས་བྱ་ཞིང་། །རེངས་བྱེད་ཏིང་ངེ་འཛིན་བསྒོམ་པ། །བསྒྲུབ་བྱ་དབང་ཆེན་སྟེང་གནས་པའི། །ལུས་རྣམས་ལམ་ཡིག་ཡོང་གྱུར་ལས། །གྲུབ་པའི་དབང་ཆེན་དཀྱིལ་འཁོར་གྱི། །སྟེང་དུ་སུམ་ཡིག་ཡོངས་གྱུར་ལས། །རི་བོས་རྣམ་པར་མནན་པ་དང་། །ལྟེ་བར་པ་ཡི་དཀྱིལ་འཁོར་སྟེང་གནས་པའི་རི་བོ་ལ་གནས་པའི། །ཧཱུྃ་གྱུར་པ་ལས་རྡོ་རྗེ་རྒྱ་གྲམ་གྱི། །རྡོ་རྗེས་རྣམ་པར་མནན་པ་རུ། །བསྒོམ་ཞིང་སྔགས་སྟོང་ཕྲག་བདུན་བཟླས་ན། །བསྒྲུབ་བྱའི་ལུས་ནི་རེངས་འགྱུར་བར། །ཐེ་ཚོམ་ཡོད་པ་མ་ཡིན་ནོ། །རྡོ་རྗེ་ནག་པོའི་ལས། ལུས་རེངས་པར་བྱེད་པའི་མངོན་སྤྱོད་རྫོགས་སོ།། །།
༄༅། །བསང་གཏོར་དང་། སྒབ་འདྲེ་མནན་པའི་ཐབས་སོ། །
༄། །པད་མ་མཐོང་འཕྲེང་རྩལ་གྱི་གདམས་ངག
༄༅། །བསང་གཏོར་དང་། སྒབ་འདྲེ་མནན་པའི་ཐབས་སོ། །དཔལ་ལྷ་མོའི་བསང་གཏོར་དང་། རྒབ་འདྲེ་གནོན་པ། བསྙེན་པའི་བཅའ་ཀ་དང་གསུམ་ལ། ནས་ཀྱི་ཚོམ་བུ་བདུན་བྱས་ལ། དཀྱིལ་མའི་སྟེང་དུ་བུམ་པ་གཅིག་བརྡའ་ལ། སྨུག་རྒོད་གཅིག་ལ་དར་སྣ་ལྔ་དང་སོར་གདུབ་བཏབ། །མེ་ལོང་གཅིག་ལ་པདྨ་འདབ་བཞིས་བསྙེན་སྔགས་བྲི། སྙིང་ནང་དུ་པཉྩ་བྱང་སེམས་དཀར་དམར་གཉིས་སྤེལ། འཁོར་ལོ་བྲིས་ལ་
2-2-198a
༄༅། །བཅུག །ར་དཀར་གྱི་འོ་མ། བ་དཀར་གྱི་འོ་མ། མིའི་འོ་མ་རྣམས་བག་ཕྱེ་ལ་བསྲེས་ལ། མི་དབང་གི་སྙིང་གི་གཟུགས་གཅིག་བྱ། དེར་དར་སྣ་ལྔས་བཏུམས་ལ་བུམ་པའི་ཁ་རྒྱན་གསེབ་དུ་བཞག་ལ༑ ལྷ་མོ་དམར་སེར་གཟི་མདངས་དང་ལྡན་པ་གཅིག་ཏུ་བསྐྱེད། །རྩམ་པ་བྲེ་ཕྱེད་ལ་གཏོར་མ་གུར་འདྲ་བ་གཅིག་བྱ། རྩམ་པ་ཕུལ་གང་ལ་གཏོར་མ་སྙིང་འདྲ་བ་གསུམ་བྱས་ལ་རྩེ་མོ་ཡར་བསྟན་ལ་བཞག་གཡོན་དུ་ནག་མོ་གྲིར་ཤི་བའི་སྙིང་གཅིག་བཞག །གཏོར་མ་མཁར་ཐབས་གཅིག་གི་སྟེང་ན་བཤོས་བུ་གཅིག་བྱས་ལ་དེའི་མར་རྒྱན་ཟླ་བ་ལ་ལྷ་མོའི་གསང་མཚན་བྲི། ཉི་མ་ལ་གསང་ཚན་པད་མའི་མཚལ་གྱིས་བྲི། རྒབ་འདྲེ་མནན་པ་ནི། རང་འདུག་པའི་གཡོན་ཕྱོགས་སུ་དོང་གྲུ་གསུམ་གཅིག་བྱས་ལ། དེའི་ནང་དུ་འདྲེ་ལིངྒ་གཅིག་བྱས་ལ་བཅུག ཁ་རྡོ་རྗེ་རྒྱ་གྲམ་གྱིས་བཅད་ལ་རྐང་པ་གཡོན་པའི་ཞབས་སུ་མནན༑ དེའི་དམིགས་པ་ནི། གཏོར་མ་བསྔོ་སྐྱོང་གི་རྗེས་སུ་རྒབ་འདྲེ་ལིང་ག་ལ་བསྟིམ་ལ་ཐུན་བརྡེག་གོ །ཉི་མ་བྱང་ཤར་གྱི་མཚམས་སུ་ཐོད་པ་དགུ་བརྩེགས་མཁར་གཅིག་བསྒོམ། མཁར་དེའི་ཤར་ཕྱོགས་མི་ལ་སོགས་པ་གདོང་པ་ཅན་གྱི་ཐོད་པ་ལ་བྱས་པ། ལྷོ་ཕྱོགས་རྟ་ལ་སོགས་པ་རྨིག་པ་ཅན་གྱི་ཐོད་པ་ལ་བྱས་པ། ནུབ་ཕྱོགས་བྱ་བ་ལ་སོགས་པ་སྡེར་མོ་ཅན་གྱི་ཐོད་པ་ལ་བྱས་པ། བྱང་ཕྱོགས་གཅན་གཟན་
2-2-198b
ལ་སོགས་པ་མཆེ་བ་ཅན་གྱི་ཐོད་པ་ལ་བྱས་པར་བསྒོམ། དེའི་ནང་དུ་འཚུབ་མ་མུན་པ་དང་བཅས་པ་ཞིག་བསྐྱེད་དོ། །དེའི་ནང་དུ་ཏི་ལས་གཞུང་ནས་འབྱུང་བ་བཞིན་བསྐྱེད་དོ། །ཚིལ་ཆེན་གྱི་དུད་པ་རྒྱུན་མི་བཅད་༑ ༑བུ་གཅིག་ཐུར་ནི་སྐྱེས་པ་གཞོན་ནུ་ལོ་བཅུ་དྲུག་ལོན་པ་ཡན་ཆོད་ཀྱི་བྱང་སེམས་སྣོད་དུ་མ་བཞག་པ་ལག་གི་འདུ་བྱེད་ཀྱིས་ཕྱུང་པ་ལ་བྱའོ། །མི་དབང་འབྲས་བུ་ནི་ནལ་ཕྲུག་ལ་བྱའོ། །མཚལ་གྱི་ཤིང་ཐོག་ནི་བུ་མོ་གཞོན་ནུ་རྡོ་རྗེའི་མདའ་མ་ཕོག་པའི་ཟླ་མཚན་ལ་བྱའོ། །དེ་བསྒྲུབ་པའི་དུས་སུ་དར་དཀར་པོ་ལ་བུ་མོའི་མཚལ་གྱི་ཐིག་ལེ་དགུ་བྱས་ལ་ཚེ་བུམ་གྱི་འོག་ཏུ་བཏིང་། དར་དམར་པོ་ལ་བྱང་སེམས་ཀྱི་ཐིག་ལེ་དགུ་བྱས་ལ་ཚེ་བུམ་གྱི་སྟེང་དུ་དགབ། ཚེའི་འབྲང་རྒྱས་ལ་དར་དཀར་གྱིས་དགབ། མ་མོའི་གཏོར་མ་དང་ཟླ་གམ་ཡང་དགབ། ཡང་བུ་མོ་གཙང་མ་ལ་བསྒྲུབ་པ་པོ་སྦྱོར་བ་བྱས་པའི་བྱང་སེམས་ལ་བྱའོ༑ ༑ནལ་ཕྲུག་གི་ཤ་ནི་གཏོར་མར་བཞག་གོ ། ཤེལ་ནག་སྤྱི་དཀར་ཞེས་པ་ལུག་ནག་དཔྱི་དཀར་ཡིན་ཏེ། མ་ནི་བདུད་མདོས་ཀྱི་དུས་ན་འཐེམས་སུ་གཞུག །སྒྲུབ་པའི་ཚེ་ན་བསྒྲལ་ལོ། །བསྟེན་པའི་ཚེ་ན་དར་སྣས་བརྒྱན་ལ་ཁྱུར་བཞག །དཀར་ནག་ཞེས་པ་ནི། ཚེའི་དུས་སུ་འབྲང་རྒྱས་དཀར་པོ་བཞག །མདོས་ཀྱི་དུས་སུ་འབྲང་རྒྱས་ཟླ་གམ་ནག་པོར་བྱས་ལ་བཞག ། སོལ་བའི་ཕྱེ་དང་ཞེས་པ་ནི། བསད་པའི་
2-2-199a
༄༅། །ངན་སྔགས་ཀྱི་ཡས་བཏགས་ཏེ། གཅན་གཟན་སྣ་ཚོགས་ཀྱི་མཆེ་སྡེར་དང་། རུས་པ་དང་། བྱ་གཅན་སྣ་ཚོགས་ཀྱི་མཆུ་དང་སྡེར་མོ་དང་། རུས་པ་དང་བསྲེས་པ་བཏགས་ལ་ཕྱེར་བྱ། མི་རུས་དགུའི་སེན་མོ་ལ་མཚལ་ཏིག་ཏུ་བསམ། ལྷོ་དང་ལྷོའི་ཞེས་པ་མདོས་ཀྱི་ཡས་བཏགས་ཏེ། ལྷོ་རྫས་རས་དང་སྐག །བཙོད་ཞུ་མཁན་དང་། མཚལ་དང་ལྡོང་རོས་གླུ་གང་དང་། བྱ་སྤུ་ལ་སོགས་པའི་ལྷོ་རྫས་ཅི་སྙེད་དང་། སྟག་གཟིག་དོམ་དྲེད། དབྱི་སྤྱང་། དར་ཟབ་ཁ་དོག་སྣ་ཚོགས་དང་ལྡན་ཅིང་དཀོར་དུ་ཆེ་བ་དང་། ཁ་ཟས་ཆེ་བའི་བཅུད་དང་ལྡན་པ་སྣ་ཚོགས་དང་དྲི་སྟེ། ཨ་རུ་ར་དང་། དུ་རུ་ཀ་དང་། དེ་དག་ལ་སོགས་ཏེ་དྲི་སྣ་ཚོགས་སོ། །རོ་སྟི་ཀ་ར་དང་། བུ་རམ་ལ་སོགས་ཏེ་སྨན་སྣ་ཚོགས་དང་། ཁ་དོག་ནི་སྤྱན་གཟིགས་སྣ་ཚོགས་དང་། མཚོན་གྱིས་ཁ་དོག་བསྒྱུར་བ་དང་། རང་རང་གི་ཁ་དོག་དང་ལྡན་པ་སྣ་ཚོགས་འཚལ་ཏེ། མཆོད་པ་སྣ་ཚོགས་ལ་རྫས་སུ་བཞག་གོ །མདོས་སུ་བཏང་བའི་དུས་སུ་མིང་གི་མེད་དུ་མི་རུང་ངོ་། །ལྗང་ཁུ་དེ་ཁྲིས་པ་དང་། དམར་པོ་ཁྲག་སྣ་ཚོགས་དང་དམར་ཆེན་ཏེ། བཾ་གྱི་སྙིང་ཁྲག་དང་༑ མཚོ་སྟེ་མཚོ་ཙམ་དུ་མང་བ་དང་། ལྟུམ་སྟེ་སྙུག་རྒོད་ལ་དར་སྣ་ལྔ། བལ་ཚོན་སྣ་ལྔ་བཏགས་ལ་འབྲང་རྒྱས་ལ་བཙུག་གོ །བཾ་གྱི་སྙིང་ཁྲག་དམར་གྱི་གཏོར་མ་བཞག་གོ །མ་མོ་བསྒྲུབ་ཅིང་མདོས་བཏང་
2-2-199b
བའི་དུས་སུ་མིང་མེད་དུ་མི་རུང་། དེ་ནས་ཞེས་པ་ནས་ཡས་བཏགས་ཚོགས་ཚད་བསྒྲུབ་པ་བརྩམ། མ་མོ་སྤྱིའི་ཕྱག་རྒྱ་བཅའ། བཟླས་བརྗོད་བསྙེན་པའི་དུས་བསྟན་ཏེ། མ་མོ་གསལ་བར་བསྒོམས་པའི་ཐུགས་ཀར་མ་ལས་ཉི་མའི་དཀྱིལ་འཁོར་གཅིག་གསལ་བར་བསྒོམ། དེའི་དབུས་སུ་མ་མོའི་སྲོག་གིས་ས་བོན་མ་དམར་ནག་གསལ་བར་བསྒོམ། དེའི་མཐའ་མར་སྔགས་ཀྱིས་འཁོར་བར་བསྒོམ། བདག་དཔལ་ཆེན་པོར་བསྒོམ་པའི་ཐུགས་ཀར་ཡང་དེ་བཞིན་ནོ། །དེ་ནས་འོད་ཟེར་ཕར་འཕྲོས་པས་ནི། བུས་མ་ལ་མཆོད་ཅིང་དྲིན་ལན་གླན་པ་ལྟ་བུ་ལ། ཚུར་བསྡུ་བ་ནི་མས་བུ་ལ་དངོས་གྲུབ་སྩོལ་བ་ལྟ་བུ་ལགས། མ་དངོས་སུ་བསམ་མོ། །འབུམ་མམ། བྱེ་བར་བཟླས་པ་ནི། དཔེར་ན་མ་གྲོང་དུ་སོང་བ་ལ་བུས་བོས་ན་འོང་བ་དང་འདྲ་བར། སྲོག་སྙིང་མང་དུ་བཟླས་ན་མྱུར་དུ་འོང་། ལས་ཅི་བྱེད་ཀྱི་དངོས་གྲུབ་སྟེར་རོ། །གྲུབ་པ པའི་རྟགས་བསྟན་པ། བསྒྲུབ་པའི་དུས་སུ་དངོས་གྲུབ་བླང་ངོ་། །དེ་ཡང་གྲུབ་པའི་རྟགས་ནི། སུབ་མ་ནག་པོ་ཆེན་པོ་འབྱུང་བ་དང་། སྒྲ་ཆེན་པོ་གྲགས་པ་དང་། སྨན་ལ་དྲི་འབྱུང་བ་དང་། མུན་ནག་འཐིབས་པ་ཁང་པ་སྒྲ་ཆེམ་ཆེམ་ཟེར་བ་དང་། ལྷ་མོ་ཉིད་ཀྱི་ཐུགས་ཀྱི་དངོས་གྲུབ་བླང་སྟེ། དངོས་གྲུབ་བླང་བའི་ཐབས་ཀྱང་། བྷན་དྷའི་ནང་དུ་སྨན་དང་སྐྱེམས་སྩལ་བ། མ་ཉམས་པའི་བྱང་ཆུབ་སེམས་དང་། 
2-2-200a
༄༅། །མཚལ་ཏིག་ཀྱང་གསལ། དེའི་ཁར་སྙིང་ཁྲག་རྩ་བ་མ་ཉམས་པ་དང་། དངོས་གྲུབ་སྩོལ་ཅིག་ཅེས་པའི་ཐུགས་དམ་བསྐུལ་ལོ། །དངོས་གྲུབ་བླང་ཅིང་འདོད་པའི་དངོས་གྲུབ་ཐོབ་པར་གྱུར་ཅིག །དེ་ནས་བསྲེས་ཏེ་སྲིན་ལག་གི་ཁྲག་དང་ཨ་མྲྀ་ཏར་བཅས་པ། དམ་ཚིག་སྙིང་ཁྲག་ཆེན་པོ་ཞེས་བྱ་བ་ལྷན་ཅིག་པར་བདག་དང་ལྷ་མོ་གཉིས་ཀྱི་ལྕེ་ལ་བཞག་པས་དམ་ཚིག་སྙིང་གི་ལུ་གུ་རྒྱུད་དུ་འབྲེལ་བར་བསམ་མོ། །རྒྱུན་གྱི་ཏིང་ངེ་འཛིན་ནི། ཕན་གནོད་ལས་ཀྱི་བདག་མོ་ཞེས་པས། སྐུའང་བཞིར་བསྟན་ཏེ། ཞི་བའི་དུས་ཀྱི་ཐུགས་རྗེ་དང་བྱམས་པར་ལྡན་པས། སྐུ་དོག་དཀར་མོ་ལ་ཤིན་ཏུ་མཛེས་པར་ཞབས་གདུབ་དང་ལྡན་པ། ཕྱག་གཡས་ན་ལྕགས་ཀྱུ་འབར་བ་བསྣམས་པ་རྒྱུད་དྲུག་གི་ཚེ་འགུགས་པ་བསྒོམ། རྒྱས་པའི་དུས་སུ་སྐུ་དོག་སེར་མོ་བར་སྣང་གི་ཁམས་ན་བཞད་པའི་ཚུལ་གྱིས་བཞུགས་པར་བསམ་མོ། །ཕྱག་ནེའུ་ལེའི་རྐྱལ་བ་རིན་པོ་ཆེས་བཀང་བ་གཅིག་བསྣམས་པའོ། །སེམས་ཅན་བསོད་ནམས་ཅན་གྱི་རྒྱས་པར་མཛོད། དབང་གི་དུས་སུ་སྐུ་མདོག་ཀྱང་དམར་མོ་ཞལ་རྔམ་ཞིང་གཏུམ་བག་ཏུ་བཞུགས་པ། ཕྱག་ན་བྷནྡ་མར་གྱིས་བཀང་བ་དང་། ཡེ་ཤེས་ཀྱི་རལ་གྲི་བསྣམས་ཏེ་ལྷ་ཆེན་པོ་རྣམས་བྲན་བཞིན་བཀོལ་ཞིང་ཁམས་གསུམ་དབང་དུ་བསྡུད་དོ། །དྲག་པོའི་ལས་མཛད་པའི་དུས་སུ་སྐུ་མདོག་སྔོ་ནག་ལ་རལ་
2-2-200b
པ་ཡང་འཇིགས་འཇིགས་ལྟར་འབར་བ། ཕྱག་ན་ནད་ཀྱི་རྐྱལ་པ་དང་ཁྲམ་ཤིང་ཐོགས་པ་སྟེ། སེམས་ཅན་ལ་ནད་གཏོང་ཞིང་སྲོག་བཅད་ནས་ཁྲམ་ལ་འདེབས་པའོ། །དེ་ལྟར་ཞི་རྒྱས་ཀྱི་ཕན་གནོད་བྱེད་པ་ཡང་ལྷ་མོ་རེ་མ་ཏི་ཡིན་པས། དབང་དང་དྲག་པོས་གནོད་པ་བྱེད་པ་ཡང་རེ་མ་ཏི་ཡིན་པས་ལས་ཀྱི་བདག་མོ་ཞེས་བྱའོ། །མ་མོའི་གྲུབ་པ་ཐོབ་ནས་བདག་དང་གཉིས་སུ་མེད་པར་ལུས་དང་གྲིབ་མ་བཞིན་དུ་མི་འབྲལ་ཏེ། མ་མོ་ཉིད་ཀྱང་བདག་ཡིན་པར་བསྒོམ་མོ། །རྒྱུན་གྱི་གཏོར་མ་ནི་འབྲུ་སྣ་ཚོགས་དང་། ཁྲག་སྣ་ཚོགས་དང་། སྙིང་དང་མི་དབང་གི་ཤ་སྦྱར་ཏེ། ནལ་ཕྲུག་གི་བྷན་དྷའི་དུམ་བུའམ་ལྤགས་པའི་ནང་དུ་སྨན་མཆོད་དང་གཏོར་མ་ཡང་དེར་བྱའོ། །རྒྱུན་དུ་བདག་ཅི་ཟ་ཅི་སྤྱོད་པ་ཐམས་ཅད་ཡིག་གེ་ཐམས་ཅད་ཡིག་གེ་འབྲུ་གསུམ་གྱིས་བསྲེག་སྦྱང་བྱས་པ་འདོད་པའི་ཡོན་ཏན་ལྔར་བྱིན་གྱིས་རླབས་ལ། མ་མོའི་འདོད་ཚོགས་སུ་བྱིན་གྱིས་རླབས་ལ་ལན་གསུམ་བསྟབ་སྟེ་གཏོར་མའི་ནང་དུ་བརྩལ་ལོ། །དེ་ནས་ནང་ནུབ་སྨན་མཆོད་མི་བཅད་པར་བྱའོ། །དེ་ལྟར་མ་གྲུབ་ན་ཡང་ཉ་དང་ཉི་ཤུ། དུས་དྲུག་ཏུ་ཐུགས་དམ་བསྐུལ་ཞིང་མཆོད། དེ་ལ་འདས་ནས་ཤེ་མོང་ནག་མོ་དང་། བྱ་ནག་མོ་བསྒྲལ་དུས་སུ་ཆགས་པའི་ཐུགས་དམ་བསྐུལ་ལོ། །སྲོག་གི་སྙིང་པོ་རྒྱུན་དུ་བགྲང་ངོ་། །ཕན་གནོད་ཀྱི་ལས་ལ་ཕན་པར་འདོད་ན་ཚེ་དང་
2-2-201a
༄༅། །མདོས། གནོད་པར་འདོད་ན་ཐུན་དང་ཟོར། སོ་སོའི་ཡས་བཏགས་མ་ནོར་བར་བསག་གོ །སྦོས་པ་དུག་ཐུན། སྐྱུགས་པ་ཁྲག་ཐུན། གཟེར་བ་མདའ་ཐུན། མྱོས་པ་ཡུངས་ཐུན་ནོ། ཁྱད་པར་འཕགས་པའི་རྫས་བརྒྱད་ཡོད་པ་ནི། རང་ལ་མི་གནོད་པར་བྱ་བ་ནི་རྟ་ནག་པོའི་སྲོག་རྩ་དང་སྙིང་མ་བྲལ་བར་བྱ་བ་དང་། བུ་ཚ་ལ་མི་གནོད་པ་ལུག་གི་སྙིང་དང་། འཁོར་ལོ་མི་སྡང་བ་ཁྱི་དཀར་པོའི་སྙིང་། རྣལ་འབྱོར་པ་ཚེ་རིང་རྨ་བྱའི་རྒྱལ་མཚན་དང་། མཚན་མ་མི་སྟོན་ཁ་མེད་པ་བྱི་ལ་ག་བའི་སྙིང་དང་། བརྒྱད་པོ་འདི་དག་རྒྱུད་ལགས་སོ། །བདུན་པོ་དེ་སྲོག་རྩ་དང་མ་བྲལ་བར་བྱའོ། །ལས་བྱེད་ཁ་མེད་པ་བན་ཏེ་བཀའ་ལོག་གྲིར་ཤི་བའི་སྙིང་དང་དགུ་པོ་འདི་རྒྱུད་ལགས་སོ། །པད་མ་མཐོང་འཕྲེང་རྩལ་གྱི་གདམས་ངག་གོ །གསལ་པོ་བྱས་སོ། །ཨྠྀི།། །།
༄། །བསྒྲུབ་པའི་དུས།
བསྒྲུབ་པའི་དུས་ལྷ་མོའི་ཕོ་བྲང་དགྲ་བགེགས་ཀྱི་བསད་ཁ་སྔར་ཐོད་པ་ཁ་སྦྱོར་བཞག་པ་དེའི་མལ་དུ་རཱུ་པ་བཞག ཁ་ཁྱེར་ལ་ལྕགས་ཕུར་བདུན། འཇིམ་པ་ལ་ཐོད་པའི་གཟུགས་ཆུང་ཆུང་བྱས་ནས། ནང་དུ་དུག་ཁྲག་ཐིགས་པ་རེ་རེ་བླུགས་སྟེ། ཕུར་པའི་སོ་གནམ་དུ་བསྟན༑ མགོ་དུག་ཁྲག་ལ་གཏད་དེ། རྩང་གིས་བསྐོར་ཡོད་པ་ལ་བརྟེན་ནས་བཞག་པ་ཡིན། རྦད་བསད་ཀྱི་དུས། ཕུར་པ་བདུན་དེ། ལས་ཁུང་སྣུར་ཉན་པ་བྱང་ཟུར་དུ་ཡོད་པའི་ནང་ན་ལྷ་དབྱེ་དང་ཐུན་
2-2-201b
བརྡེག་པའི་རཱུ་པ་བཅུག་ཡོད་པ་དེའི་ཁ་ན་སོ་ཐུར་ལ་བསྟན་ནས་བཙུགས་པ་ཡིན། ཕུར་ཐུན་བྱེད་དུས་ལས་ཁུང་གི་རཱུ་པ་དེ་ཤིང་གི་སྐམ་པས་བླངས་ནས་རང་གི་མདུན་དུ་ལྕགས་སྡེར་གཅིག་གི་ནང་དུ་མགོ་རང་ལ་བསྟན་ཏེ་བཞག །རལ་གྲི་སོར་བཙུད་པ་དེའི་རྩེ་མོ་གཡས་སུ་བསྟན་ནས་རང་གི་ལག་པ་གཡོན་པས་ཡུ་བ་ལ་བཟུང་བཟུང་སྟེ་རཱུ་པ་དེའི་སྐེ་ནས་མནན། དེ་ནས་མདུན་བཟླས་ནི། མ་མ་ཏྲག་རཀྵ་མ་ཧི་དུན་བྷྱོ། མ་ཧཱ་ཡཀྵ། མ་ཧཱ་ཏིཀྵྞ་ནག་མོ་དུན་ཏིང་བྷྱོ། རག་མོ་རག་མོ་ས་མ་ཡ། དུན་ཏིམ་མ་བྷྱོ། ཧེད་ཧེད་མ་ཧེད་བྷྱོ། ཨོཾ་བཛྲ་ཀརྟ་རི་ནི་རྦད། ཅེས་བཟླས་ཤིང་ཕུར་པ་གཅིག་བླངས་ནས་སྣེ་མོ་ཁྲག་དང་དུག་ཐུན་ལ་བགྲེས་ཏེ་རཱུ་པའི་སྤྱི་བོར་འདེབས། ཡང་གོང་གི་སྔགས་དེ་གསུམ་ལ། སྙིང་ཁྲག་ཚལ་པ་ས་རྦད་ཅེས་བཏགས། ཕུར་པ་གཅིག་བླང་། ལག་གི་སྡུན་མའི་ཕུར་པ་དང་གཉིས་ཀ་དུག་ཁྲག་ལ་བགྲེ། རཱུ་པའི་མགྲིན་པར་གདབ། སྔགས་དེ་བཞི་བཞི་ལ། གཏུབས་ཙིཏྟ་རྦད། གཏུབ་ཅེས་བཏགས། ཕུར་པ་གཅིག་བླངས། ལག་གི་གཉིས་དང་གསུམ་པོ་མཉམ་དུ་དུག་ཁྲག་ལ་བགྲེ། རཱུ་པའི་སྙིང་གར་གདབ། སྔགས་དེ་ལྔ་ལ་མྱོགས་མུགས་རྦད་བཏགས། ཕུར་པ་གཅིག་བླངས། ལག་གི་ཕུར་པ་གསུམ་དང་བཞི་པོ་དུག་ཁྲག་ལ་བགྲེ། རཱུ་པའི་ལྟེ་བར་གདབ། སྔགས་དེ་དྲུག་ལ། སྙིང་ཁྲག་ཚལ་པ་ཁ་ལ་རྦད་བཏགས། ཕུར་པ་གཅིག་
2-2-202a
༄༅། །བླངས། ལག་གི་ཕུར་པ་བཞི་དང་ལྔ་པོ་དུག་ཁྲག་ལ་བགྲེ། རཱུ་པའི་གསང་བར་གདབ། སྔགས་དེ་བདུན་ལ། ཚལ་བུ་སེ་ན་སེ་བ་དུ་རྦད་བཏགས། ཕུར་པ་གཅིག་བླངས། ལག་གི་ཕུར་པ་ལྔ་དང་དྲུག་པོ་དུག་ཁྲག་ལ་བགྲེ། ལག་པ་གཉིས་ལ་གདབ། སྔགས་དེ་བརྒྱད་ལ། ཧུར་ཐུམ་སྲོག་ལ་རྦད། བཏགས། ཕུར་པ་གཅིག་ལེན། ལག་གི་དྲུག་དང་བདུན་པོ་དུག་ཁྲག་ལ་བགྲེ། རྐང་པ་གཉིས་ལ་གདབ། དོན་ལ་བོད་རྦད་གཉིས་ཀྱི་བཤམ་དུ། དྲག་སྔགས་གཟེར་བདུན་དེ་ལ་ཤད་བར་བདུན་ཡོད། དེ་རེ་རེ་ལ་གོང་མ་ལ་བཏགས་པ་དང་། ཕུར་པ་རེ་ལེན་ནས་ཕུར་པ་ཚོ་ལག་ན་བསོག་ཅིང་། གནས་བདུན་དུ་བརྡེག་པ་ཡིན། བདུན་བཟླས་ཟེར་བ་དེ་བོད་རྦད་གཉིས་ལ་དྲག་སྔགས་གཟེར་བདུན་དེ་ལྟར་བཏགས་ཤིང་། བདུན་མ་ཚང་བར་མ་ལུས་པར་བཟླ་བ་ལ་ཟེར། བདུན་སྦྲེལ་ནི། སྔགས་གཅིག་ལ་གཅིག་འཐུད་པ་དང་དུས་མཉམ་དུ་ཕུར་པ་རེ་ལེན་པ་ལ་ཟེར། བདུན་སྒྲོལ་ནི། རཱུ་པའི་གནས་བདུན་ལ་རིམ་ལྟར་བརྡེག་པ་དེ་ལ་ཟེར། བདུན་གྱིས་བདུན་ལ་བརྡེག་པ་ནི། ལྕགས་ཕུར་བདུན་དེ་རྩགས་པ་གཅིག་བྱེད་ན་ལག་ཏུ་བཟུང་། རྩེ་མོ་རྣམས་དུག་ཁྲག་ལ་བགྲེས་ནས། མ་མ་ཏྲག་རཀྵ་མ་ཧི་དུན་བྷྱོ་སོགས་ཀྱིས་འབོད་པ་དང་། རག་མོ་རག་མོ་སོགས་རྦད་པ་དང་། ༀ་བཛྲ་ཀརྟ་རི་ནི་རྦད། སྙིང་ཁྲག་ཚལ་པ་རྦད། གཏུབས་
2-2-202b
ཙིཏྟ་རྦད། མྱོགས་མུགས་རྦད། སྙིང་ཁྲག་ཚལ་པ་ཁ་ལ་རྦད། ཚལ་བུ་སེ་ན་སེ་དུ་རྦད། ཧུར་ཐུམ་སྲོག་ལ་རྦད། རཱུ་པའི་སྤྱི་བོར་གདབ། དེ་བཞིན་སྔགས་ཚར་རེ་བཟླ་ཞིང་མགྲིན་པ་སོགས་གནས་རྣམས་སུ་གདབ་པ་ཡིན། དོན་ལ་འབོད་རྦད་སོགས་ཐམས་ཅད་ལ་ཚར་བདུན་འགྲོ་བ་ཡིན། གཟིགས་ཚར་ནས་ཡིག་གེ་མེ་ལ་ཕུལ།། །།
༄༅། །རང་བྱུང་རྒྱལ་མོའི་སྒྲུབ་ཐབས།
༄༅། །རང་བྱུང་རྒྱལ་མོའི་སྒྲུབ་ཐབས། བླ་མ་ལྷ་རྗེ་སྣུབས་ཀྱི་གཏེར་མའོ། ། བཅོམ་ལྡན་འདས་དཔལ་ཁྲག་འཐུང་རྒྱལ་པོ་ལ་ཕྱག་འཚལ་ལོ། །བདུད་འདུལ་རང་བྱུང་གི་རྒྱལ་མོའི་སྒྲུབ་ཐབས། དོན་མན་ངག་ཏུ་ཕྱུང་ལ། མ་མོ་སྲོག་གི་ཡང་སྙིང་གསང་སྔགས་བསྟན་པ་ནི། ཏྲག་རཀྵ་མ་ཧི་ཐུན་བྷྱོ། མ་ཧཱ་ཀཱ་ལི་ཡཀྵ། མ་ཧཱ་ཏིཀྵྞ་ནག་མོ་དུན་བྷྱོ། དེ་ཡང་གཉིས། ལྷ་འཛབ་དང་། དགྲ་འཛབ་བོ། །དེ་ལ་ལྷ་འཛབ་ཀྱི་དགོངས་པ་ནི། བ་སུ་ཏ་སུམ་བསྒྲིལ་དུ་བཀལ་བས་གཟུངས་ཐག་བྱས་ཏེ། སྦྱིན་དང་ཁྲག་གིས་མ་མོའི་ཐུགས་ཀར་སྦྱར་ཏེ། བདག་གི་སྲིན་ལག་ལ་བཏང་སྟེ་བསྒོམ་པ་ནི། བདག་གི་ཙིཏྟ་རིན་པོ་ཆེའི་གའུའི་ནང་དུ་ཉི་མའི་དཀྱིལ་འཁོར་མཐེ་བོང་ཙམ་གྱི་སྟེང་དུ་ཡིག་གེ་མ་སྨུག་པོའི་ས་བོན་གསལ་བར་བསྒོམ་ལ། དེའི་མཐའ་མ་ན་ཕར་ལ་བཟླ་བར་བྱ་བའི་ཡིག་འབྲུ་བཅུ་བདུན་པས་བསྐོར་བར་བསམ་ལ། གཟུངས་ཐག་དེ་སྲོག་
2-2-203a
༄༅། །རྩའི་རང་བཞིན་རིན་པོ་ཆེའམ། གསེར་སྐུད་སུམ་སྒྲིལ་ཁོང་སྟོང་དུ་ཡོད་པའི་ནང་དུ་མ་སྨུག་པོའི་འོད་འཕྲོས་པས། ཕར་སྤྲོས་པས་བུས་མ་མོ་ལ་མཆོད་པར་བསམ། ཚུར་འདུས་པས་མས་བུ་ལ་དངོས་གྲུབ་སྟེར་བར་བསམ་ལ་བཟླས་པར་བྱ་སྟེ། འཕྲོ་འདུ་ནི་འགལ་མེ་གླད་ལ་བསྐོར་བ་བཞིན་དུ་དེ་ལྟར་བསམ་མོ། །བདག་སྐྱོ་བའི་ཚེ་ན་བསྒྲུབ་པའི་གྲོགས་ལ་གཏད། གྲོགས་མེད་ན་ཕུར་པ་གཅིག་ལ་གཏད་དེ། ཕུར་པ་མའི་སྐུར་བསྒོམ། དེ་ནི་ལྷ་འཛབ་ཀྱི་དགོངས་པའོ། །དེ་ནས་དགྲ་འཛབ་ཀྱི་དགོངས་པ་ནི། མ་མོའི་ཐུགས་ཀའི་བ་སྤུའི་བུ་ག་ནས། བོང་བུ་ག་དམར་དང་། མཛོ་རྟོལ་དང་། ཁྱི་ལ་ཞོན་པའི་བུད་མེད་རལ་ནག་ཅན་མང་པོས་ལག་ན་མཚོན་ཆ་སྣ་ཚོགས་ཐོགས་ཏེ། དགྲ་བོ་བཀུག་ཅིང་ཤེས་པ་ལིང་ག་ལ་གཏད་པར་བསམ་མོ། ཁྲག་རླངས་ཚིལ་ཆེན་གྱི་དུད་པ་ཡང་བཏང་ངོ་། །ཞིང་ལྤགས་བརྡབས། བྲང་བརྡུང་། ཆོ་ངེས་བཏབ། མ་ཉེས་པའི་ཤགས་དང་། ཐུན་མཚམས་སུ་མགོན་པོའི་རྒྱུད་ནས་བཏོན་པའི་བསྟོད་པ། བསྐལ་པ་མེ་ལྟར་འབར་བའི་ཀློང་དཀྱིལ་ནས། །ཞེས་པ་བཏང་ངོ་། །དགྲ་འཛབ་བོ། འཛབ་དགོངས་ནི། དེ་ནས་རྟགས་བྱུང་པ་དང་། རྦད་པའི་སྙིང་པོ་ནི། རག་མོ་རག་མོ་མ་མ་དུན་ཏིང་ཧེར་མ་ཧེད། ཞེས་བཟླས་སོ། །དེའི་དགོངས་པ་ནི། དགྲ་འཛབ་དང་མཐུན་ནོ། །དེ་ལ་ཕུར་འཛབ་སྔགས་
2-2-203b
ལ༑ ཛ་རེ་མ་ཏི་པ་ཤཾ་རྩ་ལ་ཛཿཛཿ ནག་མོ་དགྲ་བོའི་སྙིང་ལ་ཐུམ་རིལ་རྦད། ནག་མོ་དགྲ་བོའི་སྲོག་ལ་བི་རིལ་རྦད། ནག་མོ་དགྲ་བོའི་སྲོག་ལ་བི་རིལ་རྦད། ནག་མོ་དགྲ་བོའི་རྩ་ལ་བི་རིལ་རྦད། ནག་མོ་དགྲ་བོའི་དབུགས་ལ་བི་རིལ་རྦད། པ་ཤ་ཙ་པ་ལ་མཱ་ར་ཡ་ཐིམ་རིལ་རྦད། ཅེས་པའི་དགོངས་པ་ནི། ཕྱི་སྣོད་གྲུ་གསུམ་འབར་བའི་གཞལ་ཡས་ཁང་། །ནང་བཅུད་ཕུར་པའི་ལྷ་ཞལ་གསུམ་ཕྱག་དྲུག་པས་བཀང་ནས༑ གང་ལ་དམིགས་པ་དེའི་དབང་པོ་བཀུག་ནས་ནང་གྲོལ་ཐམས་ཅད་གཏུབས་པར་བསམ་ཞིང་བཟླས་སོ། །དེ་ནས་བསད་ལས་བྱ་སྟེ། ཕུད་བཏང་། མ་ཉེས་པའི་དབང་གཟུགས། བདེན་པ་བདར་ལ་ཚིལ་ཆེན་དུད་པ་བཏང་། དམར་ཆེན་སྦྲེང་ལ་མ་མོ་ཐམས་ཅད་ལས་བཅོལ། བསྐུལ་བཏང་ལ་ཤེས་པ་ལིང་ག་ལ་བསྟིམ། ཕུར་བསྐོར་བྱ། ཁ་སྦྱོར་དབྱེ། སྦྱོར་བ་གཞོམ། ལྕགས་ཕུར་ལྷ་མོ་རང་དུ་བསྒོམས་ལ་གདབ་པོ། །དེ་ཡང་སྐུ་གསུང་ཐུགས་ཀྱི་བྱིན་རླབས་ལས། གཟེར་སྔགས་བདུན་པ་འདི་གདབ་པོ། །ཨོཾ་བཛྲ་ཀ་རུ་ཎ་རྦད། སྙིང་ཁྲག་ཚལ་པ་རྦད། གཏུབས་ཙིཏྟ་རྦད། མྱོགས་མྱོགས། རྨུགས་རྨུགས་རྦད། སྙིང་ཁྲག་ཁ་ལ་རྦད། ཚལ་བུ་སེ་ན་སེ་དུ་རྦད། ཧུར་ཐུམ། སྲོག་ལ་མཱ་ར་ཡ་རྦད། བདག་གི་ལག་པ་གཡོན་པའི་རལ་གྲིས་ལིང་ག་མནན་ལ། གཡས་པའི་ཕུར་པའི་རྩེ་མོ་ལ་ཁྲག་གིས་བྱུགས་ལ་བཏབ་པོ། །བདག་
2-2-204a
༄༅། །གི་ཁར་ཤ་ཆེན་མུར། ཞེ་སྡང་བསྐྱེད་ལ་གདབ་པོ། །གཏད་པའི་ལྟ་བ་ནི་འདྲེ་བ་ལྟར་བྱའོ། །སྟབས་པ་ནི་དཀྱུས་བཞིན་ནོ། །དེ་ནས་ཟོར་འཕང་ངོ་། །དཀྱིལ་འཁོར་ལ་ལྷ་བཀོད་དུ་མེད། དཀྱིལ་འཁོར་དབུས་སུ་ཤིང་ཚེར་མ་ཅན་ཆག་གང་བ་ལ་མ་མོ་མངའ་གསོལ་ལ་གཟུགས། ཤིང་ལོ་ལ་མིང་བྲིས་སྐུད་པ་སྔོ་དམར་བཏགས་ལ་ཁར་བ་ལ་གདགས། བ་ལིམ་གཉིས་བྱ། བྱ་ལུག་ནག་མོས་ཐུགས་དམ་བསྐང་༑ རྟགས་ནི། དཀྱིལ་འཁོར་དབུས་སུ་གྲུ་གསུམ་ནང་དུ་དགྲ་ཁུགས་པའི་རྗེས་འོང་། དུས་དེར་ཁྱི་དང་བུད་མེད་མི་བསྙེན། བསྒྲུབ་པ་ཐོན་པ་དང་ལིང་ག་ཕུར་པས་གདབ་ལ་གཏུབས་ལ་བ་ལིམ་སྟབས། འཁོར་ལོ་དགྲ་ཕྱོགས་སུ་སྦ། བསྲེག་མནན་གྱིས་མཇུག་བསྡུའོ། །ལག་ལེན་མངོན་རྟོགས་གསང་བ་དམ་པ་ལྷ་རྗེ་སྣུབས་ཀྱི་ཐུགས་གཏེར། གནག་པའི་མཚོན་ཆ། སྣོད་དང་ལྡན་པ་དང་། བླ་མ་མིག་གི་འབྲས་བུ་ལྟར་བསྲུང་བ་ལ་ཤོད། ས་མ་ཡཱ། རྒྱ་རྒྱ་རྒྱ། ཏྲི་ནི་ཙ་ཏི་ཀུ་རུ་ཐུམ། བུ་གར་ཏི་ར་ཏྲེ་གཤིན་ཏྲི། ཀ་ལི་ཏ་ཛ། ཏྲག་རཀྵ་ཁ་མུན་ཏྲ། སྙིང་ཁ་རག་བཛྲ་དུན་བྷྱོ་བྷྱོ། རག་མོ་ཁ་རཀྵ་ཙིཏྟ་ཁ་ལ་རཀྵ་སེ་དུན། མཱ་ར་ཡ་སྙིང་ཁྲག་ཚལ་པ་ཁ་ལ་རཀྟ་མཱ་ར་ཡ་དུམ་དུམ་སེན་བྷྱོ་ཏྲི་ནན་འདིར་ཡམ་ཤག་སེན་སེན་མཱ་ར་ཡ་ཕཊ་ཕཊ། ཅེས་ཡུངས་ཀར་ཡུངས་ནག་ཀེ་ཙེ་གསུམ་བསྲེས་ལ་བསྔགས་ཅིང་། བྲུབ་ཁུང་གི་ལིང་ག་ལ་བྲབ་
2-2-204b
པོ༑ ༑སེང་ལྡེང་གི་ཕུར་པའམ་ལྕགས་ཕུར་གནས་བདུན་དུ་གདབ་པོ། །གསང་སྔགས་སྤུ་གྲི་ལྟ་བུ་གསང་བ་དམ་པའོ། །རྒྱ་རྒྱ་རྒྱ།། །།
༄༅། །དཔལ་རེ་མ་ཏིའི་སྲོག་སྒྲུབ་ཀྱི་མན་ངག་བཞུགས་སོ། །
༄། །མདོས་དང་བསྐང་བཤགས།
༄༅། །དཔལ་རེ་མ་ཏིའི་སྲོག་སྒྲུབ་ཀྱི་མན་ངག་བཞུགས་སོ། །དུས་གསུམ་རྒྱལ་བ་ཀུན་དངོས་བླ་མ་དང་། །དངོས་གྲུབ་མཆོག་གཏེར་ཡི་དམ་མཁའ་འགྲོའི་ཚོགས། །ཕྲིན་ལས་མངའ་བདག་དཔལ་ལྡན་ལྷ་མོ་ལ། །གུས་པར་བཏུད་དེ་བསྟན་པ་རྒྱས་བྱའི་ཕྱིར། །རང་བྱུང་རྒྱལ་མོ་བསྒྲུབ་པའི་གསལ་བྱེད་འདི། །བླ་མའི་གསུང་ལས་བྱུང་བཞིན་བཤད་པར་བྱ། །དཔལ་ལྷ་མོ་རེ་མ་ཏིའི་སྲོག་སྒྲུབ་ཉམས་སུ་བླང་བར་འདོད་པའི་རྣལ་འབྱོར་པས། དབང་དང་དམ་ཚིག་ཤེས་རབ་དང་སྙིང་རྗེ་ཅན་གྱིས། ཚད་མེད་པའི་སྙིང་རྗེས་སེམས་ཅན་ལ་བརྩེ་བས་བརྟུལ་ཞུགས་ཀྱི་སྤྱོད་པས། དུར་ཁྲོད་དམ། ཆུ་གསུམ་འདུས་པའི་མདོ་འམ། གསུམ་འདུས་པའི་རྩེའམ། བྲག་ནག་པོ་རྒྱའོ་འམ། དམར་པོ་ཟངས་འདྲ་བའི་དྲི་མ་ལ་སོགས་པ། ཤིན་ཏུ་དབེན་པར། ཕྱིའི་བཤགས་པ་ལྷ་འདྲེ་ལ་ཆུ་གཏོར་དང་གསེར་སྐྱེམས་གཏོང་། པང་ཀོང་འདོན་པ་ལ་སོགས་བྱས་ནས། གནས་ཀྱི་ཕྱོགས་བཞིར་མཐོ་བཙུགས་ཏེ། རྒྱལ་པོ་ཆེན་པོ་བཞིར་བསྒོམ་ལ་གཏོར་མ་གཏོང་། བཀའ་བསྒོ། ཕྱི་མཚམས་བཅད་ནས་ནང་གི་ཚོགས་དང་གཏོར་མ་བཤམས། མཚོན་ཆ་ལྔ་
2-2-205a
༄༅། །དང་། ཁྲོ་བོ་བཅུས་མཚམས་བཅད། ཡི་དམ་གྱི་གཞུང་བསྲང་བཤགས་པ་ལ་སོགས་དམ་སྲི་ཕྲེ་ཕུར་ནག་མོ་དང་བྱ་མཆུ་ལ་གནོན་པ་བྱའོ། །དེ་ནས་དུར་ཁྲོད་ཀྱི་ས་ལ། དཀྱིལ་འཁོར་གྲུ་བཞི་མདའ་གང་མཐོ་དམན་ཅི་རིགས་པ་གཅིག་བྱས་ཏེ། དེའི་སྟེང་དུ་མཐའ་རས་སོར་གསུམ་ཙམ་དོར་ལ། བཟླུམ་ཡར་ལ་སོར་བཞི་བརྩིག་ལྕགས་ཁ་ཆུ་རིས་ཡུལ་པོར་བསྐོར་བ་མཚོ་མུ་ལེ་མཐིང་གི་ངོ་བོ་ཡིན། གྲུ་བཞི་ནི་ཉི་མ་བྱང་ཤར་གྱི་ངོ་བོ་སྟེ། སྒོ་རྒྱན་དང་བཅས་པ་ལ། ཤིང་ཡོངས་འདུལ་གྱི་ངོ་བོ་སྟེ། ཤིང་སྣ་ཚོགས་དང་། བྱ་སྣ་ཚོགས་ཏེ་དུར་བྱ་མཆུ་རིང་དང་། བྱ་རོག་དང་འུག་པ་ལ་སོགས་སྟག་དང་སེང་གེ་དང་། དོམ་དང་། དྲེད་དང་། སྤྱང་ཀི་དང་། ལྕེ་སྤྱང་ནག་མོ་ལ་སོགས་པས་རྡོ་རྗེའི་ས་གཞི་ཡོངས་སུ་གང་བར་བསམ་མོ། །དེའི་སྟེང་དུ་གྲུ་གསུམ་ཕྱི་མ་རྩིག་པ་ནི་ཡར་སོར་བཞི་རྩིབས་བརྒྱད་དང་མདའ་གང་བྱ། མཐིང་ཤུན་སྔོན་པོའི་བྲག་ཕུག་གི་ངོ་བོ་སྔོ་ནག་བྱའོ། །དེའི་སྟེང་དུ་ཟླུམ་ཡར་སོར་བཞི་བརྩིག་པོར་བསྐོར་བ་བརྩིག་པ་ནི། མེ་རླུང་དམར་ནག་མེ་རི་རླུང་རི་ཁྲི་འཚུབ་མའི་ངོ་བོ་ཡིན་ཏེ། དེའི་སྟེང་དུ་ནང་སོར་བཅུ་གཅིག་པ་ཉི་ཤུ་བསྐོར་བའི་གྲུ་གསུམ་ཁྲུ་གང་བརྩེགས་མ་བང་རིམ་གསུམ་པ། ནང་སོར་བཞིས་ཕྱི་ནག་དམའ་བ་ནང་དམར་པོ་བྱ་བརྩིག་པ་ནི། ཐོད་པའི་མཁར་གྱི་ངོ་བོ། དེ་ནི་དཔལ་ལྡན་མའི་ཕོ་བྲང་དུ་འདོད་པ་ཡིན་གསུང་། དེ་ལ་དུག་རིགས་སྣ་ཚོགས་དང་། ཁྲག་
2-2-205b
ཆེན་དང་། རྟ་ནག་ཁྱི་ནག་ཕག་གསུམ་ལ་སོགས་ཏེ་ཁྲག་གི་བྱེ་བྲག་མང་པོ་དང་། དུར་ཁྲོད་ཀྱི་ཐལ་སོལ་ལ་སོགས་པས་དམར་ནག་ནང་དམར་ཕྱི་ཐམས་ཅད་རོ་སོལ་ལ་སོགས་པ་ཏུ་བྱུག་པར་བྱའོ། །དེའི་ཁ་ཁྱེར་ཕྱི་མ་མེ་རི༑ བར་མ་ལ་ཐོད་འཕྲེང་ཐོད་པ་སྐམ་རློན་ཤ་རབ་རིབ་ཅན་དང་ཚར་གསུམ་བརྩིག་ནང་མ་ལ་རྩངས་དབང་ཕྱུག་མའི་ངོ་བོ་ཉེར་བརྒྱད་ཀྱིས་བསྐོར། ཕྱི་རྡོ་རྗེའི་ས་གཞི་ལ། དུར་བྱ་མཆུ་རིང་དང་། ཀཾ་ཀ་ལ་སོགས་ཏེ། ཞིང་གི་ལྷུ་དུམ་དང་སྒལ་ཚིགས་དང་བ་སུ་ཏའི་ཞགས་པ་བཀོད་ལ་དུར་ཁྲོད་དུ་དམིགས་སོ། །དེ་ནས་ཐོད་པ་མཚན་བཟང་ལྕང་ལོ་ཅན་རྙེད་ན་རབ། མོ་ཐོད་ལ་དམ་རྫས་སྦྱར་བས། སོག་པོ་སྣ་ལ་མགོ་བསྟན་ཏེ། མ་དང་བློ་ལས་རྩ་སྔགས་ཡིག་གེ་བཅུ་པས་གཡོན་བསྐོར་དུ་བསྐོར། ཕོ་ཐོད་ལ་ཧཱུྃ་ལས་ཡི་དམ་གྱི་སྙིང་རྗེས་གཡས་སུ་བསྐོར་ཏེ། ཁ་སྦྱོར་བྱ་བའི་འོག་མའི་ནང་དུ། ནལ་བུ་ལ་སོགས་པའི་གླད་པ་དང་། ག་བུར་གིའུ་ཝང་ལ་སོགས་པའི་སྨན་སྣ་ཚོགས་དང་། ཁྲག་ཆེན་པོ་ལ་སོགས་པའི་ཁྲག་སྣ་ཚོགས་དང་། ཨ་མྲྀ་ཏ་ལ་སོགས་ཏེ་བདུད་རྩི་ལྔ་དང་། ཤ་ཆེན་དང་། ཚིལ་ཆེན་དང་། གྲི་སྙིང་ལ་སོགས་པའི་སྙིང་སྣ་ཚོགས་དང་། ཅོང་ཞི་སེར་པོ་དང་། བྱིན་རླབས་བྱས་པའི་ཆང་དང་། བག་ཕྱེ་སྦྱར་ཏེ། ཁྲག་དང་སྦྲུས་པའི་རི་ལུ་བྱས་ལ། བསྐམས་ཏེ་ཐོད་པ་བཀང་ངོ་། །དེའི་གསེབ་ཏུ་ལྷ་མོའི་གསང་རྟེན་འཁོར་ལོ་ནི། དར་ནག་པོ་ལ་པད་
2-2-206a
༄༅། །མ་རཀྟ་དང་མཚལ་དང་། ནལ་བུའི་ཁྲག་དང་དྲི་བཟང་གིས་ལྷ་མོའི་སྐུ་བྲིས་པའི་ལྟེ་བར་པདྨ་འདབ་བརྒྱད་བྲིས། དེའི་ལྟེ་བར་མ་ལས་བསྙེན་པའི་སྔགས་ཀྱིས་གཡས་སུ་བསྐོར། རྩིབས་ལ་ཨཱ་ལྀ་བཅུ་དྲུག་ཟུང་རེ་བྲི། མུ་ཁྱུད་ལ་རྟེན་འབྲེལ་བྲིས་ལ་རབ་ཏུ་གནས་པ་བྱ་བ་དང་། ནལ་བུའི་རྩ་སྦུབས་དབུ་མ་རུ། མ་མོའི་སྙིང་པོ་གསེར་གྱིས་བྲིས་ལ་བཅུག་པ་དང་། གཞན་ཡང་བོང་བུའི་སྙིང་། མི་དབང་འབྲས་བུའི་ཤ་ཁྲག་ལ། སྐྱེས་པ་གྲིར་ཤི་བའི་མཚལ་ཏིག་ཁྲག་རྨ་ལས་བྱུང་བ། ནས། གསེར་རྒོད། ལྕགས་རྒོད། གངས་ཆུ། བྱ་ནག་སྒོང་ཆུ། གོང་གི་ལྷ་མོའི་འཁོར་ལོ་དྲེལ་མོའི་སྙིང་གི་ནང་དུ་བཞུགས་པ་རྣམས་ལ༑ ནལ་བུའི་རྒྱུ་མའམ། གྲི་མོའི་སྐྲའམ། སྔོན་དམར་ཚོན་གྱི་སྐུད་པའི་གཟུགས་ཐག་བཏགས་ནས། ཐོད་པ་ཁ་སྦྱོར་བར་དུ་དྲངས་ནས་མཆོག་ཕུར་ལ་བརྗོད། ལྷ་མོའི་རྟེན་ཡིན་པས་ནལ་བུའི་ལག་པ་ཡང་གཟུགས༑ ཐོད་པ་ཁ་སྦྱོར་ཡང་དར་ནག་གིས་གཡོགས། ཚོན་སྐུད་ཀྱིས་རྒྱ་གྲམ་དུ་བཅིངས་ལ། ད་ལའི་དབུས་ཀྱི་གྲུ་གསུམ་དུ་མ་འཇི་འམ་ཁྲིལ་གྱི་མཆོག་གི་ཕུར་པའམ། མི་རྐང་ངམ་ཁ་ལ་བཞག་གོ །གཞན་ཡང་ཐོད་པ་མཚན་ངན་དུ་དུམ་བུ་དྲུག་པ་ལ་སོགས་པར། དུག་སྣ། ཁྲག་སྣ། ཡུངས་ཀར། ཡུངས་ནག །ཀེ་ཙེ། ཤངས་ཙེ། མི་རྟ་ཁྱི་ཕག །རྭའི་ཁྲག་དང་། ཐུན་རྫས་སྣ་ཚོགས་ཀྱིས་བཀང་སྟེ། གྲི་ལྕགས་ཀྱི་ཕུར་གྲི་
2-2-206b
སོལ་གྱིས་བསྲེགས་ནས། དུག་ཁྲག་གིས་ངར་བླུད་པ་སོར་བརྒྱད་པ་བདུན་གྱི་རྩེ་མོ་གྱེན་དུ་བསྟན་ནས་གཞུག་ལ། མདུན་གྱི་ཟླ་གམ་ལ་བཞག་གོ །དེའི་སྟེང་དུ་རིན་པོ་ཆེའི་གཞོང་པ་གཅིག་གི་ནང་དུ། བག་ཕྱེ་ལ་ཆང་དང་གྲི་ཁྲག་གིས་སྦྲུས་ལ། བཤོས་ནང་དུ་མ་མོའི་སྲོག་སྔགས་གཞུག་བུ་ཟུར་གསུམ་པ་ཁྲུ་གང་པ་ཁྲག་གིས་བྱུགས་པ་ལ། བཤོས་བུ་མཛུབ་པ་གང་པ་བདུན་གྱིས་བསྐོར། སྙིང་སྣ་ཚོགས་དང་། ཁྲག་སྣ་ཚོགས་ཀྱིས་བྲན། གསང་རྟེན་གྱི་འཁོར་ལོ་ཅན་བྲིས་ལ། དཀྱིལ་འཁོར་གྱི་སྟེང་དུ་ལྷ་མོར་བསྐྱེད་ལ། ཡེ་ཤེས་སེམས་དཔའ་རྒྱུན་མི་ཆད་པར་བསྟིམ་སྟེང་དུ་ཞིང་གི་གཡང་བཞི་དར་གྱིས་བརྒྱན་པ་གཅིག་བླ་རེར་བྲེའོ། །རྒྱབ་ཏུ་ཟླ་གམ་གསུམ་ལ། བྷནྡྷ་གཡས་སུ་སྨན། གཡོན་དུ་རཀྟ། མདུན་དུ་གཏོར་མ་མཆོད་པའི་རྫས་སྣ་ཚོགས་ཀྱིས་བཀང་བ་རེ་རེ་བཞག་གོ །ནང་གི་ཟུར་གསུམ་དུ། མཐིང་ཤུན་བྲག་གི་སྟེང་འོག་མ་ལ་ཡང་དུར་ཁྲོད་ཀྱི་གནས་སུ་དམིགས་ལ། ཞིང་གི་ལྷུ་དུམ་དང་། སྒལ་ཚིགས། གློ་སྙིང་། བ་སུ་ཏའི་ཞགས་པ་བཀྲམ་མོ། །མདུན་དུ་མཆོད་པ་དང་གཏོར་མ་བཤམ་མོ། །རོ་རས་ཞིང་ལྤགས་བུད་མེད་ཀྱི་བྲང་གི་ལ། དཔལ་ལྷ་མོའི་སྐུ་བྲིས་པ་ལ་རབ་ཏུ་གནས་པ་བྱས་ནས་དཀྱིལ་འཁོར་དབུ་མའི་བྱང་ཤར་གྱི་ཟུར་ལ་བྲེའོ། །བདག་སྒྲུབ་པ་པོ་ལྷོ་ནུབ་ཏུ་བསྡད་ནས། ཁ་བྱང་ཤར་དུ་རྒྱུ་ལ་ཐུན་བཞིར་བཅད་དེ། ཐུན་མགོ་ལ་ཏིང་ངེ་འཛིན་ལ་འཇུག་པ་ནི། ཡི་
2-2-207a
༄༅། །དམ་ལྷའི་བསྐྱེད་རྫོགས་དང་། བཟླས་པ་དང་། གཏོར་མའི་ཆོ་ག་རྣམས་ཚར་བའི་རྗེས་སུ་སངས་རྒྱས་ཀྱི་བསྟན་པ་བསྲུང་བ་དང་། བསྒྲུབ་པ་པོའི་བར་ཆོད་བསལ་བའི་དོན་དུ་དཔལ་ལྷ་མོ་བསྒྲུབ་པར་བྱའོ་སྙམ་དུ་སེམས་བསྐྱེད་ནས། བདག་ཡི་དམ་ལྷར་གསལ་བའི་ཐུགས་ཀ་ནས། ས་བོན་ལས་ཧཱུྃ་སྨུག་ནག་མང་པོ་སྤྲོས་པས། གནས་ཁང་དེ་དུར་ཁྲོད་ཆེན་པོ་ཀེང་རུས་འབར་བའི་དབུས། གཤིན་རྗེ་ཕོ་མོ་བསྣོལ་བའི་གདན། མ་ཧེ་བསྣོལ་བའི་ཁྲི་སྟེང་ན། པདྨ་ཉི་མའི་གདན་ལ། བདག་ཉིད་ཁྲོ་བོ་ཆེན་པོ་གཤིན་རྗེ་གཤེད་དུ་གསལ་བར་བསྒོམ་པའི་ཐུགས་ཀ་ནས་འོད་ཟེར་སྔོན་པོའི་ཚོགས་ཡུངས་འབྲུ་ཙམ་འཕྲོས་པས། བདག་གི་མདུན་དུ་ཉི་མ་བྱང་ཤར་གྱི་མཚམས། ཤིང་ཡོངས་འདུའི་རྩ་བར་མོས་ལ། མཐིང་ཤུན་སྔོན་པོའི་བྲག་ཕུག ། ནམ་མཁའ་སྤྲིན་མེད་པ་ལྟ་བུའི་གུར་ཁང་། རྒྱ་ཁྱོན་དཔག་ཏུ་མེད་པའི་ནང་༑ མཚོ་མུ་ལེ་མཐིང་གི་དབུས་སུ། ཡཾ་ནག་པོ་ལས་རླུང་ནག་འཚུབ་མ་འབུམ་འཁྱིལ་པ། དེའི་ནང་དུ་རཾ་ལས་མེ་རླུང་འཚུབ་མ་དགུ་ཀློང་འཁྱིལ་བའི་དབུས་ན། ནང་གནམ་ལྕགས་འབར་བའི་གཞལ་ཡས་ཁང་རབ་ཏུ་འཇིགས་ཤིང་སྐྱི་གཡའ་བ། རྒྱ་ཆེ་ཞིང་། ཕྱི་ཐོད་པ་སྐམ་རློན་ཤ་ར་རི་ཅན་ལ་སོགས་ཏེ། སྣ་ཚོགས་བརྩིག་པའི་སྐུ་མཁར། གཞལ་ཡས་ཁང་དེའི་དབུས་སུ་མི་རོ་རྟ་རོ་བཅལ་དུ་བཀྲམ་ཞིང་། ཁྲག་
2-2-207b
གི་རྒྱ་མཚོར་འཁྱིལ་པར་བསམ། དེའི་སྟེང་དུ་བདག་གི་ཐུགས་ཀ་ནས་ཏི་སྔོན་པོ་འོད་ཟེར་ནག་པོ་འབར་བའི་ཚོགས་སྤྲོས་ཤིང་གཅིག་ཏུ་འདུས་ནས། ཡོངས་སུ་གྱུར་པ་ལས། ལྕགས་ཀྱི་དྲེལ་རྟ་སྔོ་ནག་རྐང་གསུམ་པ། མྱུར་མགྱོགས་རླུང་གི་གཤོག་པ་ཅན། རྫུ་འཕྲུལ་གྱི་རྐང་པ་གསུམ་དང་ལྡན་པ། ཁ་ཚུར་གྱུ་བ་གཅིག་བསམ། དེ་ལ་ཡང་སྟག་དང་ཞིང་ལྤགས་ཀྱི་གདན་ལ། བསེ་སྒ་དམར་པོ་ལ་སྦྲུལ་ནག་གི་གོང་སྨད་དང་། མཆོང་གི་གློ་ནན། དངུལ་གྱི་ཡོབ་ཅན། ཞིང་ཆུང་གི་སྨེད་བྱིལ་བྱས་པ། གཡུ་མཐུར་སྔོན་པོ་དང་གསེར་སྲབ་སེར་པོ་ལ་བྱི་རུ་དམར་པོའི་ཆུན་འཕྱང་ཅན། མི་མགོ་དང་སྙིང་གི་དོམ་དོམ་ལ། དྲིལ་བུ་གཡེར་ཁས་བརྒྱན་པ། ཕྱི་ཤ་ལ་ལྕགས་ཀྱི་དྲ་བ་དང་། ནད་ཀྱི་རྐྱལ་པ། སྦྲུལ་གྱི་ཁ་ཆིངས་ཅན་བཏགས་པ། སྔ་ཤ་ལ་མཚོན་གྱི་གྲུ་གུ་བཅིངས་པ། དེའི་སྒོ་གོང་དུ་པདྨ་སྔོན་པོ་དང་། ཉི་མའི་དཀྱིལ་འཁོར་གྱི་སྟེང་དུ། མ་སྔོ་སྐྱ་ལ་འོད་ཟེར་མཐིང་ནག་འཕྲོ་བ་གཅིག་བསམ། དེ་ལ་འོད་ཟེར་སྔགས་ཀྱི་སྒྲ་དང་བཅས་པ་སྤྲོ་པ་ལས། མཆོད་པའི་ཚོགས་བྱུང་བས་སངས་རྒྱས་མཆོད། འཕགས་པའི་ཐུགས་དམ་གྱི་རྒྱུད་བསྐུལ་ནས། བྱིན་རླབས་སླར་འདུས་པ་དང་། དུར་ཁྲོད་ཀྱི་མ་མོ་དང་། སྲིད་པའི་མཁའ་འགྲོ་མ་ལ་སོགས་ཏེ། འཇིག་རྟེན་དང་འཇིག་རྟེན་ལས་འདས་པའི་ཆོས་སྐྱོང་རྣམས་ཀྱི་སྲོག་གི་སྙིང་པོ་དང་། ནུས་མཐུ་
2-2-208a
༄༅། །ཐམས་ཅད་བསྡུས་ཏེ། མ་ལ་ཐིམ་པ་ལས་རྡོ་རྗེ་ཁ་ཊྭཱཾ་ཁ་བུམ་པའི་ནང་དུ་ཉི་མ་ལ་མས་མཚན་པ་གཅིག་ཏུ་གྱུར། དེ་ལས་འོད་ཟེར་འཕྲོས་ཚུར་འདུས་མ་ལ་ཐིམ་པ་ལས། ཨོཾ་ནག་མོ་ཏིང་ལམ་མ་མ་དུན་ཏིམ་མ་ཧཱུཾ། ཞེས་བརྗོད་པ་ཙམ་གྱིས། རྡོ་རྗེ་ཁ་ཊྭཱཾ་ག་མས་མཚན་པ་ཡོངས་སུ་གྱུར་པ་ལས། དཔལ་ལྷ་མོ་ནག་མོ་རེ་མ་ཏི་སྐུ་དོག་ནག་མོ་ལ་འོད་ཟེར་འབར་ཞིང་འཚེར་བ། ཞལ་གཅིག་ཕྱག་བཞི་མ། གཡས་དང་པོ་ན་ཁ་ཊྭཱཾ་ག་འབར་བ་བསྣམས་པ། འོག་མ་ན་གནམ་ལྕགས་ཀྱི་ཕུར་པ་འདྲིལ་ཞིང་འདེབས་པ། གཡོན་གྱི་དང་པོ་ན་འཕྲུལ་གྱི་མེ་ལོང་བསྣམས་པ་ལ། ཕྱི་ཞིང་ལྟ་བས་ཁམས་གསུམ་སྲིད་གསུམ་ས་ལེར་གཟིགས་པ། འོག་མ་སྦྲུལ་ནག་གི་ཞགས་པ་འདོམ་དགུ་བརྒྱ་དགུ་བཅུ་རྩ་དགུ་པ་འདྲེན་ཅིང་འཕེན་པས་དགྲ་བོ་དམ་ཉམས་ཐམས་ཅད་འཆིང་ཞིང་སྡོམ་བཀྱིག་བྱེད་པ་སྤྱན་གསུམ་པ། མཆེ་བ་བཞི་གཙིགས་པ། ཁྲོ་གཉེར་བསྡུས་པ། དབུ་སྐྲ་རལ་པ་ཁཾ་ནག་གྱེན་དུ་མེ་ལྟར་འབར་བ། ཕྱེད་ཐུར་དུ་གྲོལ་བ་ལ་གསེར་དང་བྱི་རུ་དང་མུ་ཏིག་གི་ཆུན་འཕྱང་གིས་བརྒྱན་པ་ལས་འོད་ཟེར་འཕྲོ་བ། རལ་པའི་གསེབ་ནས་དུས་བཞིའི་ལྷ་མོ་བཞི་ཡང་སྒྲུབ་པ་པོ་ལ་ཅི་ལྟར་བཅོལ་བ་བཞིན་དུ་ཕྲིན་ལས་བྱེད་པ། སྤྱན་མིག་ཉི་མའི་དཀྱིལ་འཁོར་ལྟར་འབར་བ་ལས། འོད་ཀྱི་མདོག་ཁྲག་ལྟར་དམར་བ། སྐུ་ལ་དར་ནག་གི་གོས་
2-2-208b
སྔོན་པོ་དཔུང་རྡུམ་གོན་ཞིང་། ཞིང་ལྤགས་གི་གཡང་གཞིས་སྐུ་སྟོད་གཡོགས་པ། དར་ནག་འབར་བའི་གོས་ཟུང་ལ། ཐ་མ་ན་དར་ཚོན་སྣ་ལྔའི་ཆ་ག་འཇའ་ཚོན་སྣ་ལྔས་བརྒྱན་པ། སྦྲུལ་ནག་འབར་བས་སྒྲོག་ཟུངས་བྱས་པ་ལ། སྒྲོག་གདན་གོང་མཚན་གཡུའི་རྡོ་རྗེ་རྒྱ་གྲམ་ཡོད་པ། སྐུ་སྨད་སྟག་གི་ཤམ་ཐབས་ཅན། ཡན་ལག་ཐམས་ཅད་སྦྲུལ་དང་རིན་པོ་ཆེས་བརྒྱན་པ། དར་གྱི་ཅོད་པན་བར་སྣང་ལ་འཕུར་བ། སྙན་ཆ་གཡས་ན་སེང་ཕྲུག་འགྱིང་ཞིང་། གཡོན་དུ་སྦྲུལ་ནག་འཕུར་བ། དུར་ཁྲོད་ཆས་ཀྱིས་མཛེས་པར་བརྒྱན་ཅིང་། སྤྱི་བོ་ན་ཟླ་ཚེས་དང་རྨ་བྱའི་མདོངས་ཀྱིས་བརྒྱན་པ། ལྟེ་བ་ན་ཉི་མ་ཤར་བ། ནུ་མ་དང་བྷ་ག་རྒྱས་པ། དབུ་ལ་ཐོད་སྐམ་ལྔས་བརྒྱན་ཅིང་ཐོད་རློན་ལྔ་བཅུའི་དོ་ཤལ་བྱས་པ། ཞབས་གཉིས་ལྕགས་སྒྲོག་གིས་བརྒྱན་ཅིང་། སྒ་གོང་དུ་བཙན་སྐྱིལ་གྱིས་འགྱིང་ཐབས་སུ་བཞུགས་པ། འཁོར་ཡེ་ཤེས་ཀྱི་མ་མོའི་ཚོགས་སྤྲིན་ལྟར་འདུ་བ། ལས་ཀྱི་མ་མོ་རླུང་ལྟར་འཚུབ་པ། འཇིག་རྟེན་གྱི་མ་མོའི་ཚོགས་དང་། ལྷ་མོ་དང་། ཀླུ་མོ་དང་། གནོན་སྦྱིན་མོ་དང་། གྲུལ་བུམ་མོ་དང་། དྲི་ཟ་མོ་དང་། སྲིན་མོ་ཚོགས་པའི་དབུས་ན་བཞུགས་པ། བདག་ཡི་དམ་ལྷའི་ལྟེ་བ་མན་ཆད་དུ་སླེབ་པ་ཅིག་བསྒོམ་མོ། །བདག་གིས་ཅི་བཅོལ་བའི་ལས་རྣམས་ཀྱང་བསྒོས་པ་བཞིན་དུ་སྐད་ཅིག་ཉིད་ལ་བྱེད་པར་བསམ་མོ། །དེའི་ཐུགས་རིན་
2-2-209a
༄༅། །པོ་ཆེའི་གུར་ལྟ་བུའི་ནང་དུ་ཉི་མའི་སྟེང་ན། རྡོ་རྗེ་ཁ་ཊྭཱཾ་ག་ཡི་བུམ་པར་ཡི་གེ་མ་མཐིང་ནག་ལ་བྷྱོ་བདུན་གྱིས་བསྐོར་བ་གཅིག་བསམ་མོ། །དེ་ནས་བདག་ཡི་དམ་ལྷའི་ཐུགས་ཀ་ནས་འོད་ཟེར་འཕྲོས་པས། མདུན་གྱི་དཔལ་ལྷ་མོའི་ཐུགས་ཀར་ཕོག །མ་ལས་འོད་ཟེར་ལྕགས་ཀྱུ་སྒྲིལ་མ་ལྟ་བུ་སྤྲོས་པས། རི་རབ་ཀྱི་བྱང་ཤར་འཚམས་ནས་དཔལ་ཡོངས་འདུལ་ཤིང་གི་རྩ་བ་ན། ཤུན་སྔོན་པོའི་བྲག་ཕུག་ཏུ། །མཚོ་མུ་ལེ་མཐིང་གི་ནང་། རླུང་ནག་འཁྱིལ་པའི་དབུས། མེ་རླུང་འཚུབ་མའི་ནང་དུ། ཐོད་པའི་སྐུ་མཁར་ལྡེམ་པའི་ནང་དུ་ལྷ་མོ་ཕོ་བྲང་དང་བཅས་པ་བཞུགས་པ་ལ་ཕོག་པས། སྔོན་བཅོམ་ལྡན་འདས་ཀྱི་སྤྱན་སྔར་ཁས་བླངས་དམ་བཅས་པ་རྗེས་སུ་དྲན་པར་བྱས་ནས། ལྕགས་ཀྱུས་དྲེལ་གྱི་མཐུར་མདའ་ནས་ཁྲོད་དེ་སྤྱན་དྲང་པ་ནི། །ཧཱུྃ་བྷྱོཿ དཔལ་ལྡན་གཉན་གྱི་རེ་མ་ཏི། །མ་ཁྱོད་ཀྱི་སྤྱི་བོའི་གཙུག་རུམ་ནས། །ཉི་མ་ཟླ་བའི་འོད་ཟེར་འཕྲོ། ནག་མོ་མི་ཟད་ཆོ་འཕྲུལ་ཅན། །ཐུགས་དམ་དུས་ལ་བབ་ཀྱི་ད་ཚུར་བྱོན། །མ་ཁྱོད་ཀྱི་ཐུགས་ཀྱི་དཀྱིལ་འཁོར་ནས། །འདོད་ཁམས་མ་མོ་སྟོང་སྟོང་འགྱེད། །མ་ཁྱོད་ཀྱི་གསང་བའི་བྷ་ག་ནས། །ལས་ཀྱི་མ་མོ་སྟོང་སྟོང་འགྱེད༑ ༑མ་ཁྱོད་ཀྱི་ཞབས་བརྡབས་གཡས་གཡོན་ནས། །ཕོ་ཉ་སྟོང་ཕྲག་དྲུག་བཅུ་འགྱེད། །བདུད་དང་ལྷ་འདྲེ་ངན་སེམས་ཅན། །དགྲ་བོ་མ་ལུས་ཀུན་འདུལ་མ། །དཔལ་ལྡན་ལྷ་མོ་རལ་གཅིག་གཤེགས་སུ་
2-2-209b
གསོལ༑ ༑ཨོཾ་ཨཱཿཧཱུྃ་ཨེ་ཧྱ་ཧི་ཛ་ཨ་ཨ་ར་ལི་ཧྲིང་། ཞེས་པ་དང་། མ་མོ་ནག་མོ་ཏིཾ་ལཾ། མ་མོ་ནག་མོ་དུན་ཏིང་བྷྱོ། ཛ༔ཧཱུྃ་བཾ་ཧོ༔ ནག་མོ་དུན་བྷྱོ། ཞེས་པ་བརྒྱ་རྩ་བརྒྱད་བཟླས་པ་ཙམ་གྱིས། དཔལ་ལྷ་མོ་འཁོར་སྲིད་པའི་མ་མོ་དང་བཅས་པ་ཇེ་ཉེར་བྱོན་ནས། མདུན་གྱི་ནམ་མཁའ་ལ་བཞུགས་པ་ལ། དམ་ཚིག་མའི་ཐུགས་ཀ་ནས། ལྷ་མོ་ཞོན་པ་མེད་པ་གཅིག་བྱོན་ནས། ཡེ་ཤེས་མ་དེ་ལ་ཕྱག་འཚལ་བར་བསམ་ཞིང་། བྷྱོ༑ མཁའ་ལ་དབང་བསྒྱུར་ཡིད་བཞིན་སྤྲུལ་པའི་སྐུ། །ཡ་མཚན་རྨད་བྱུང་ལུས་ལ་ཏིལ་མར་སྔོན་པོས་བྱུགས། །བདུད་ཀྱི་ཡུམ་ལ་གཤིན་རྗེའི་ལྕམ་གཅིག་མ། །དབང་ཕྱུག་ནག་མོ་གསང་བའི་རེ་མ་ཏི། །ནག་མོ་རལ་གཅིག་སྟོང་གི་གཙོ་ལ་བདག་བསྟོད་དོ། །ནག་མོ་རག་མོ་དུན་ཏིང་མ་མ་ཡ་ཡ། ཨེ་ཧྱི། ནག་མོ་དུན་ཏིང་མ་མ་ཡ་ཡ་ཧི་ཧི། ཞེས་གསུམ་མམ་བདུན་བརྗོད་དོ། །དེ་ནས་བཞུགས་སུ་གསོལ་བ་ནི། ཧཱུཾ་བྷྱོ་ཐོད་རུས་འབར་བ་བརྩིག་པའི་གཞལ་ཡས་ཁང་། །ལྷ་སྲིན་འབུམ་ནི་གདན་དུ་བཏིང་བའི་ཕྱག་རྩེ་ལ། །ནག་མོ་རལ་གཅིག་རྡོ་རྗེ་སྲིད་པ་ཀུན་གྱི་ཡུམ། །བརྗིད་ཅིང་འགྱིང་བའི་ཚུལ་གྱིས་བཞུགས་སུ་གསོལ། རག་མོ་རག་མོ་མ་མ་ཧི་ཀུ་ལ་པདྨ་ས་མ་ཡ་ཏིཥྛ་ལྡན། ཞེས་གསུམ་མམ། བདུན་བརྗོད་པས་བསྐྱེད་པ་ལ་བསྟིམ་མོ། །དེ་ནས་སྐུ་དང་དམ་ཚིག་གསུམ་གཉིས་སུ་མེད་པར་བསམ་ཞིང་། མཆོད་པ་ལྔ་དང་དམ་
2-2-210a
༄༅། །རྫས་ཀྱི་མཆོད་པ་ལ་སོགས་རྣམས་བསངས་ཞིང་བྱིན་གྱིས་བརླབས་ནས། སྨན་མཆོད་རཀྟ་གཏོར་མ་རྣམས་འབུལ་བའི་སྔགས་བརྗོད་ཅིང་། དངོས་སུ་བཤམས་པ་ཡོད་ན་གྲངས་མང་དུ་འབུལ་ལོ༑ ༑དེ་ནས་བསྟོད་པ་བྱས་ནས། བསྙེན་པ་བྱ་བ་ནི། ཐོད་པར་དྲང་བའི་གཟུངས་ཐག་སྐུའི་ཐུགས་ཀ་ནས་གཟུངས་ཐག་སྦྱོར་ལ། རང་གི་གཡོན་པའི་སྲིན་ལག་གིས་བཟུང་ལ། མཁའ་འགྲོ་མའི་སྲོག་གི་ཡང་གསེར་གྱི་ཡི་གེ་སྙིང་འབྲུ་བཅུ་བདུན་པ་ནི། ཏྲག་རཀྵ་མ་ཧི་དུན་བྷྱོ། མ་ཧཱ་ཡཀྵ། ཏིཀྵ་ཀ་ལི་དུན་བྷྱོ། ཞེས་པ། དཔལ་ལྡན་རྡོ་རྗེ་རེ་མ་ཏིའི་ཐུགས་ཀའི་མ་ལ་གཡས་སུ་བསྐོར་བར་བསམ་ལ། བདག་གིས་སྔགས་བཟླས་པས་ཐུགས་ཀའི་ས་བོན་ལས་འོད་འཕྲོས་པའི་རྩེ་མོ་ལ་ཕྱིའི་མཆོད་པ་ཡོན་ཆབ་དང་མེ་ཏོག་ལ་སོགས་པ་དང་། ནང་གི་མཆོད་པ་ཤ་ལྔ་བདུད་རྩི་ལྔ་དང་། གསང་བའི་མཆོད་པ་སྐྱེ་མེད་ཀྱི་བདུད་རྩི་ཡིས་མཆོད་པས་ཐུགས་མཉེས་ནས་འོད་དང་གཟི་བརྗིད་འབར་ནས་བདག་ལ་ཞལ་གྱིས་ཕྱོགས། སྤྱན་གྱིས་གཟིགས་ཏེ། ཐུགས་ཀྱིས་དགོངས་པས་ལྷ་མོའི་ཐུགས་ཀའི་མ་དང་སྔགས་ཀྱི་ཕྲེང་བ་ལས་འོད་ཟེར་འཕྲོས་པས། རི་རབ་ཀྱི་བྱང་ཤར་གྱི་ལྷ་མོ་ལ་མཉེས་པའི་མཆོད་པ་འབུལ། འཁོར་དང་བཅས་པའི་ནུས་མཐུ་བྱིན་རླབས་རྫུ་འཕྲུལ་ཡོན་ཏན་ཐམས་ཅད་འོད་ཟེར་སྔོ་དམར་གྱི་རྣམ་པར་བསྡུས་ནས་མདུན་དུ་
2-2-210b
གནས་པ་ཉིད་ལ་ཐིམ་སྟེ། མོའི་ཐུགས་ཀའི་སྔགས་ཕྲེང་དང་དབྱེར་མེད་པ་དེ་སྲོག་རྩ་གསེར་གྱི་སྤུ་གུ་གཟུངས་ཐག་དང་ཐ་མི་དད་པའི་ནང་ནས། འོད་ཟེར་དང་བཅས་པ་ཙུར་བྱུང་པ་ལས། བདག་གི་ཐུགས་ཀའི་ས་བོན་ལ་ཐིམ་པས། མོའི་མཐུ་དང་ནུས་པ་སྲོག་གི་སྙིང་པོ་ཐམས་ཅད་ཕུལ་བར་བསམ་མོ། །དེ་ལྟར་སྲོག་གི་ཡང་སྙིང་དྲངས་ཤིང་ཐུགས་དམ་བསྐུལ་བས་འཇིག་རྟེན་པའི་དངོས་གྲུབ་ཐམས་ཅད་སྟེར་ཞིང་༑ ཡིད་ལ་གནག་པའི་དགྲ་བོ་ལ་ལས་བྱེད་པར་བསམ་མོ། །སྤྲོ་བསྡུའི་དམིགས་པ་དེ་ལྟར་བྱ་ཞིང་སྨྲ་བ་བཅད་ལ་བཟླས་པ་ཅི་ནུས་བྱའོ། །ཐུན་མཚམས་སུ་ཡི་དམ་གཞུང་ནས་འབྱུང་བའི་ཆོ་ག་ལྟར། གཏོར་མ་བྱིན་གྱིས་བརླབས་ཏེ། བསྙེན་པའི་དུས་སུ། ཤ་ལྔ་བདུད་རྩི་ལྔར་བསམ། བསྒྲུབ་པ་དང་ལས་ལ་སྦྱར་བའི་དུས་སུ། དགྲ་བགེགས་ཀྱི་ཤ་ཁྲག་ཏུ་དམིགས་ནས། ཡེ་ཤེས་ཀྱི་བདུད་རྩི་བསྟིམ་ལ་བསྲེ་སྟེ༑ རྡོ་རྗེ་ནག་མོ་འཁོར་དང་བཅས་པའི་ལྗགས་ཁ་ཊྭཱཾ་གི་དབྱིབས་སུ་འདུག་པའི་སྦུ་གུ་ནས་གསོལ་བར་བསམ་ལ། རྩ་བའི་སྙིང་པོ་ལ་དམ་རྫས་ཀྱི་མཆོད་པ་འབུལ་བའི་སྔགས་འདི་བཏག་གོ །མ་མོ་ནག་མོ་པེ་ཏ་ལི་ཀུ་ལུ་ཀུ་ལུ་ཧ་ཧ་མ་ཧཱ་མཾ་ས་ལ་ཁ་རཾ་ཁཱ་ཧི། མ་ཧཱ་རཀྟ་ལ་ཁ་རཾ་ཁཱ་ཧི། མ་ཧཱ་ཙིཏྟ་ལ་ཁཱ་རཾ་ཁཱ་ཧི། མ་ཧཱ་བ་སུ་ཏ་ལ། མ་ཧཱ་མ་ཙ་མེ་ཙི་ལ། མ་ཧཱ་གོ་རོ་ཙ་ན་ལ། མ་ཧཱ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། མ་ཧཱ་བ་
2-2-211a
༄༅། །ལིཾ་ཏ་ལ་ཁ་རཾ་ཁཱ་ཧི། ཞེས་གསུམ་མམ་བདུན་བརྗོད་ནས། མཉེར་ཟན་ལྟ་བུ་གཏོར་མས་མཉེས་པར་བསམ་མས་མཉེས་པར་བསམ་སྟེ། རླུང་ནག་འཚུབ་མ་དགུ་ཀློང་འཁྱིལ་པ་ཞེས་བསྟོད་པ་དང་། བསྐལ་པ་མེ་ལྟར་འབར་བའི་བསྐུལ་དང་། དུས་གསུམ་ཀུན་ཏུ་མ་སྒྲིབས་ཅེས་པའི་ལས་ཀྱི་གཉེར་གཏད་པ་དང་། དཔལ་ལྡན་ལྷ་མོ་རེ་མ་ཏི། །ལྷ་མོ་ཆེན་མོ་ནམ་གྲུ་མ། །ཞེས་པའི་ཐུགས་དམ་བསྐང་བ་དང་། དཔལ་ལྡན་ནག་མོ་རེ་མ་ཏི། །ཁྱོད་ཀྱི་མིང་ནས་འབོད་པ་ནི། །ཞེས་པའི་ཐུགས་དམ་བསྐུལ་བ་དང་། ཕྲིན་ལས་བཅོལ། དེ་ནས་ལས་ཀྱི་གཉེར་གཏད་ཅིང་ཕྲིན་ལས་བཅོལ་བའི་སྔགས་ནི། མ་མ་སྙིང་ཁྲག་ཚལ་པ་དུན་ཏིང་བྷྱོ། གླུམ་དུན་ཏིང་བྷྱོ། ཞེས་པ་སྟོང་རྩ་བརྒྱད་དྲང་ངོ་། །ཡང་ཐུན་མགོ་ལ་བསྐྱེད་པ་ལ་སོགས་གོང་ལྟར་བྱས་ལ། བསྟེན་པའི་གཏོར་མ་དང་། རྟེན་ལ་ཡང་ལྷ་མོའི་གཞལ་ཡས་ཁང་། ལྷ་མོ་འཁོར་དང་བཅས་པ་བསྒོམ་པའི་དབུའི་ཐད་ཀར། ཡི་དམ་གཞུང་ལྟར་བསྐྱེད་པ་ལ། ཡེ་ཤེས་པ་བསྟིམ། གཏོར་མ་ལ་འདོད་པའི་ཡོན་ཏན་སྣ་ཚོགས་དང་། མཆོད་པའི་བྱེ་བྲག་ཕྱི་ནང་གསང་བ་དཔག་ཏུ་མེད་པ་འབྱུང་ཞིང་འཕྲོ་བ་ལ༑ ཆགས་ཤིང་འཁོར་བར་དམིགས་ལ། སྐབས་སྐབས་སུ། མ་ལྟར་བསྟེན་པའི་བཟླས་པ་དང་། སྲིང་མོ་ལྟར་བསྟེན་པ་དང་། མཛའ་མོ་ལྟར་བསྟེན་པ་དང་། བྲན་མོ་ལྟར་བསྟེན་པའི་ལུགས་ཀྱི་བཟླས་པ་
2-2-211b
དང་༑ དེའི་འདུ་ཤེས་ཀྱང་བཞག་པར་བྱ་གསུང་ངོ་། །ཐུན་མཚམས་སུ་མཆོད་བསྟོད་དང་། བསྐང་བཤགས་ཅི་ལྟར་འབྱོར་པ་བྱའོ། །དེ་ལྟར་བསྒྲུབ་པའི་དུས་སུ། གྲུབ་པའི་རྟགས་ནི། ནམ་མཁའ་ལ་མེ་ཏོག་གི་ཆར་འབབ་པ་དང་། ནམ་ལངས་པ་དང་། ཉི་མ་ཤར་བ་དང་། སྦྱོར་བའི་ཚུལ་སྟོན་པ་དང་། ནམ་མཁའ་དམར་པོ་དང་། ན་ཆུང་ཕྱག་འཚལ་ཞིང་སྡུག་པ་སྟོན་པ་དང་། རླུང་སུབས་མ་སྡང་བ་དང་། ནམ་མཁའ་ལ་མུན་ནག་ཏུ་གྱུར་པ་དང་། རང་གི་ཁང་པའི་སྒོ་ཆེམ་ཆེམ་ཟེར་བ་དང་། ནམ་མཁའ་ལ་འཇའ་ཚོན་འབྱུང་བ་དང་། བུད་མེད་དཀར་མོ་ལ་དུང་གི་སོ་སེན་ཡོད་པ་དང་། བསེའི་ལན་སྲན་ཅན་དུ་བྱུང་ན། དེ་རྣམས་བཟང་པོའི་ཆོ་འཕྲུལ་ཡིན། རླུང་ནག་སུབས་མར་ལྡང་བ་དང་། སྒོ་ཆེམ་ཆེམ་ཟེར་ན། ཡེ་ཤེས་ཀྱི་མཐུ་རང་བྱུང་སྟེ། དགྲའི་གཟུགས་གཏུབས་ནས་རླུང་ལ་བསྐུར། ནམ་མཁའ་ལ་འཇའ་ཚོན་བྱུང་ན། ཅི་འདོད་པའི་དངོས་གྲུབ་སྟེར་རོ། །སེམས་སིང་སིང་པོར་སོང་ན་ཕྱག་རྒྱ་གསལ་བར་བསྟན། བུད་མེད་དཀར་མོ་ནམ་མཁའ་ལ་བྱུང་ན་རྣལ་འབྱོར་པ་ལ་ཅི་འདོད་པ་སྟེར་རོ། །བུད་མེད་དཀར་མོ་རལ་པ་ཅན་བྱུང་ན་དངོས་གྲུབ་སྟེར་བ་ཡིན་ནོ། །འཐབ་ཅིང་བྱུང་ན་མ་མོའི་ཐུགས་དམ་བསྐང་། དུ་བ་དང་བྲང་བརྡུང་ཞིང་བྱུང་ན། རྣལ་འབྱོར་པ་ལ་ཉམས་པའི་སྐྱོན་ཡོད་པའི་རྟགས་ཡིན་པས། བྱ་དཀར་མོ་གློ་སྙིང་གི་
2-2-212a
༄༅། །ཐུགས་དམ་བསྐང་། ཁྲོ་ཞིང་བྱུང་ན། ཕུད་ཉམས་པས་དམ་རྫས་གསོའོ། །རྒོད་ཅིང་ཧེ་ཧེ་ཟེར་ཅིང་བྱུང་ན་ལས་སར་མི་འགྲུབ་པའི་རྟགས་སོ། །སྲིང་མོ་དང་ནེ་ནེ་མོར་བྱུང་ན། བུ་དང་ནོར་གྱི་དངོས་གྲུབ་སྟེར་རོ། །བུད་མེད་དཀར་མོ་སྡུག་པའི་ཆ་བྱད་ཅན་དུ་བྱུང་ན་ཚེའི་དངོས་གྲུབ་སྟེར་རོ། །བོང་བུ་ལྕགས་སྒྲོག་ཅན་དུ་བྱུང་ན་བོང་བུའི་ཆོ་འབྲང་འདོན་ཏེ་དྲིལ་བསྟོད་བྱའོ། ཁྱད་པར་དུ་དངོས་གྲུབ་ཀྱི་ཐོད་པ་དང་། རི་ལུ་ལ་ཁ་འོད་འབར་བ་དང་། དྲི་བཟང་པོ་བྲོ་བ་དང་། རྔ་དང་། གཟུངས་ཐག་དང་། ལྕགས་ཕུར་གྱི་རྩེ་ལ་མེ་འབར་བ་དང་། ལྷ་མོའི་སྐུ་ལ་འོད་འབྱུང་བ་དང་། དངོས་སམ། ཉམས་སམ། རྨི་ལམ་དུ་བུད་མེད་ནག་མོ་དང་། དཀྱིལ་འཁོར་འགྲམ་དུ་མེ་རྡེབ་པ་དང་། དེ་ལ་སོགས་པའི་རྟགས་དང་། བུད་མེད་ཀྱི་ཚོགས་འདུ་བ་དང་། ཅི་འདོད་ཟེར་བ་ལ་སོགས་པ་མང་དུ་འབྱུང་བར་འགྱུར་རོ། །དེའི་དུས་སུ་ལྷའི་རྟགས་ནི་ཉམས་དགའ་ཞིང་ཤེས་པ་གསལ་ལ། སྦྱོར་བ་བྱས་པ་རྨིས་ཀྱང་ཆམ་མི་ཉམས་པར་བདེ་བ་སྐྱེའོ། །དམ་སྲི་ལྟེ་ཕུར་གྱིས་བར་དུ་གཅོད་ཅིང་ཉམས་པ་ལ་ནི། རྟགས་བཟང་བ་འདྲ་ཡང་། ཉམས་མི་དགའ་ཞིང་ཤེས་པ་བྱིང་ནས། ཐིག་ལེ་ཉམས་ཤིང་ཁྲོ་འདོད་པའོ། །དེ་ལ་ལྡེ་ཕུར་ནག་མོ་ལ་སོགས་ཏེ། དམ་སྲི་བརྡུང་ཞིང་མནན་པ་བྱའོ། །དེ་ལྟར་རྟགས་དང་མཚན་མ་བཟང་པོ་ཡང་དང་ཡང་དུ་
2-2-212b
བྱུང་ནས། བསྒྲུབ་པ་ཐོན་པའི་དུས་སུ། དངོས་གྲུབ་བླང་བ་ནི། ཡི་དམ་གྱི་གཞུང་གི་ཚོགས་དང་གཏོར་མ་དང་། ལྷ་མོ་དང་ཆོས་སྐྱོང་གི་གཏོར་མ་དང་། མཆོད་པ་ཡང་བཤམས་ལ། ཐོད་པ་ཁ་སྦྱོར་ཕྱེས་ན། རི་ལུ་དང་རྟེན་བསལ། ཐོད་པ་འོག་མ་ཡིག་གེ་དང་བཅས་པ་ལ་མར་གྱིས་བྱུག །ཆང་ཕུད་བདུད་རྩིའི་རི་ལུ་དང་། ཨ་མྲི་ཏ་སྦྱར་བ་ལ་བྱིན་གྱིས་བརླབས་ནས་བཀང་། དམ་རྫས་ཀྱི་རི་ལུ་དེ་ལ་ཡང་འགའ་བླུགས་ནས༑ ཐོད་པ་སྟེང་མས་དགབ་ལ། སྔར་གྱི་མལ་དུ་བཞག །དེ་ནས་དང་པོ་ཡི་དམ་གྱི་ཚོགས་དང་གཏོར་མའི་ཆོ་ག་རྫོགས་པར་བྱ། དེའི་རྗེས་ལ་ཐོད་པ་འོག་མའི་ཆང་དང་ཡིག་གེ་ལས། དཔལ་ལྡན་མ་བསྒོམ་པའི་ཆོ་ག་ནས་བཟུང་སྟེ། ཕྲིན་ལས་བཅོལ་བ་ཡན་ཆད་གོང་དུ་བསྟན་པ་བཞིན་རྫོགས་པར་བྱ་བའི་རྗེས་སུ། བསྙེན་པ་ཅི་རིགས་སུ་བྱ་སྟེ། མ་ལྟར་བསྟེན་པའི་ལུགས་ནི། གོང་གི་བསྙེན་པའི་དུས་ལྟར། ཐུགས་ཀ་ནས་ཐུགས་ཀར་འཁོར་བ་དེས། མ་ལྟར་བྱམས་ཤིང་གྲོགས་མཛད་དོ། །སྲིང་ལྟར་བསྟེན་པ་ནི། མ་མོའི་སྔགས་ཕྲེང་མའི་ཞལ་ནས་ཚུར་བྱུང་། རང་གི་ཞལ་ནས་ཐུགས་ཀར་འཁོར་བས་མ་མོའི་སྔགས་ཀྱི་དངོས་གྲུབ་ཐོབ། རང་གི་ཐུགས་ཀ་ནས་སྔགས་ཕྲེང་མར་སོང་། ལྟེ་བ་ནས་ཕར་འཕྲོས་མ་མོའི་ལྟེ་བའི་ཁུང་དུ་ཞུགས། ཡར་ཐུགས་ཀར་རྒྱུད་དེ། མ་ལ་མཉེས་པའི་མཆོད་པ་ཕུལ་ཏེ། སྔར་ལྟར་
2-2-213a
༄༅། །བསྐོར་རོ། །དེ་ནི་སྲིང་ལྟར་གདུང་ཞིང་གྲོགས་བྱེད་དོ། །མཛའ་མོ་ལྟར་བསྟེན་པ་ནི། རང་གི་རྡོ་རྗེ་ནོར་བུ་ནས་སྔགས་ཀྱི་ཕྲེང་བ་བྱུང་ནས། མ་མོའི་གསང་གནས་སུ་ཞུགས་ཏེ་ཡར་རྒྱུད། ཐུགས་ཀའི་མ་ལ་ཐིམ་པས། མོ་མཉེས་པའི་མཆོད་པ་ཕུལ་ནས་དགྱེས་ནས། སྔགས་ཀྱི་ཕྲེང་བ་དངོས་གྲུབ་ནུས་མཐུ་དང་བཅས་པ། མགྲིན་པ་ན་ལྗགས་ཀྱི་རྒྱུད་ལ་ཚུར་བྱུང་། རང་གི་ཞལ་ནས་མགྲིན་པར་རྒྱུད་དེ། ཐུགས་ཀའི་ས་བོན་ལ་ཐིམ་པས་དངོས་གྲུབ་ཐོབ་པར་བསམ་མོ། །མཛའ་མོ་ལྟར་སྙིང་ཉེ་ཞིང་གྲོགས་མཛད་པའོ། །བྲན་མོ་ལྟར་བསྟེན་པ་ནི། མདུན་གྱི་མ་མོ་དེ་ཉིད་བདག་ཉིད་དཔལ་གྱི་བྲན་ལྟར་བཀའ་ལ་ཉན་ཅིང་གསུང་སྡོད་པ་དེ་ལ། བཀའ་བསྒོ་བའི་ཚུལ་དུ། མ་མོའི་ཐུགས་ཀའི་མ་ལ་སྔགས་ཕྲེང་གིས་བསྐོར་བ་དེ་ཀློག་པའི་ཚུལ་དུ་བཟླས་སོ། །དེ་དག་ལ་བརྒྱ་སྟོང་ཅི་རིགས་སུ་བཟླས་ནས། མཆོད་པ་དང་བསྟོད་པ་ཅི་རིགས་རེ་བྱའོ། །ཐོད་པ་གཞལ་ཡས་ཁང་གི་ཚུལ་དུ་བསྒོམ་པའི་དབུས་སུ་བདག་གི་ཡི་དམ་གྱི་ལྷ་དང་། ལྷ་མོ་ཡབ་ཡུམ་གྱི་ཚུལ་དུ་བསྒོམ་ལ། མཁའ་གསང་བསྐོར་བའི་བཟླས་པ་ཅི་རིགས་པ་བྱ། དེ་ནས་ཐོད་པ་སྟེང་ན་བསལ་ལ། འོག་མ་ལག་ཏུ་ཚུར་བླངས་ལ། སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་ལྷ་ཚོགས་ཐམས་ཅད་ཀྱི་བྱིན་རླབས་དང་། ལྷ་མོའི་མཐུ་དང་ནུས་སྟོབས་ཐམས་ཅད་
2-2-213b
བདག་ལ་གནང་བར་བསམ་ཞིང་། བཤགས་པའི་ཚིགས་བཅད་དང་། བཀྲ་ཤིས་དངོས་གྲུབ་གསོལ་བའི་ཚིགས་བཅད་རྣམས་བརྗོད་ལ། དངོས་ཆེ་མཆོག་ཡི་དམ་དཔང་དུ་གཟུག་གྲུབ་བླང་ཞིང་བཏུང་ཆང་དེ་ལ་རང་གིས་བཏུང་༑ རྗེས་སུ་མདུན་གྱི་ལྷ་མོ་ལ་ཕུལ། དམ་བསྲེ། སྙིང་གར་ཧཱུྃ་ལས་ཧེ་རུ་ཀར་གྱུར་པས་བསྲུང་ཞིང་། ལས་མ་བྱས་ན་སྙིང་ཁ་ནས་གཤེགས་པར་བསམ་བས། དཔལ་ལྷ་མོའི་ནུ་མ་ལ་འཇུས་ནས་ནུས་པས་མཐུ་སྟོབས་དངོས་གྲུབ་མ་ལུས་པ་དང་༑ དབང་བྱིན་རླབས་ཐམས་ཅད་བདག་ལ་གནང་ནས། བདག་ཉིད་ལྷ་མོ་དང་གཉིས་སུ་མེད་པར་བདག་ལྷ་མོར་གསལ་བ་དང་། མདུན་གྱི་ལྷ་མོ་ཡང་བདག་ལ་བསྟིམ་མོ། །དེ་གལ་ཆེའོ། །དངོས་གྲུབ་ཀྱི་ང་ལུ་ཀུན་ཀྱང་གསུམ་ཆ་རང་གིས་དངོས་གྲུབ་དུ་བླང་། སུམ་ཆ་མཎྜལ་དབུས་ཀྱི་ཞབས་སུ་གཏེར་དུ་སྦའོ། །དེའི་རྗེས་སུ་དངོས་གྲུབ་གསོལ་བའི་བཀྲ་ཤིས་བརྗོད་པར་བྱའོ། །དགྲ་ཡོད་ན་མོད་ལ་ལས་ལ་སྦྱར་བ་ཡིན་ལ། དགྲ་མེད་ན་བསྒྲུབ་པའི་དཀྱིལ་འཁོར་བསྡུ། ལྷ་མོའི་སྐུ་དང་། རི་ལུ་དང་། ཞིང་གི་བླ་རེ་དང་། རྟེན་རྣམས་ཚགས་སུ་རྩལ། བསྟེན་པའི་གཏོར་མ་འབུལ་ལ་གཤེགས། ཆ་གཅིག་དངོས་གྲུབ་ཏུ་བླང་༑ ཆ་གཅིག་ཕྱིས་ཀྱི་རུ་མར་བཞག །རྡུལ་ཚོན་རྣམས་ཆུ་བོ་ལ་དོར། རྟེན་གཏོར་གྱི་གསང་རྟེན་དར་སྐུ་ལེགས་པར་དྲིལ་ནས་། རང་གི་ལུས་ལ་ནུ་མ་གཡོན་པའི་འོག་ཏུ་འཆང་ངོ་། །མ་མོ་རྒྱུ་བའི་དུས་ནི། གནམ་
2-2-214a
༄༅། །སྟོང་དང་། ཚེས་བརྒྱད་དང་། བཅོ་ལྔ་དང་། ཉི་ཤུ་གཉིས་སོ། །དེ་ལ་གཏོར་མ་བཏང་། ནམ་ཕྱེད་ན་གཏོར་མ་བཏང་། ཐུན་ཟོར་དགྲ་ལ་འཕང་ཞིང་། ཁྲོས་པའི་ཡིད་ཀྱིས་བསྐུལ་ཞིང་རྦད་པས། མྱུར་དུ་རྟགས་འོང་ངོ་། །བླ་མ་རིན་པོ་ཆེའི་ཞལ་གྱི་གདམས་པ། དཔལ་ལྷ་མོ་རེ་མ་ཏིའི་སྲོག་གི་བསྒྲུབ་པའི་མན་ངག །བསྙེན་པར་བྱ་བའི་ཡིག་ཆུང་རྫོགས་སོ། །རྒྱལ་བའི་བསྟན་སྲུང་དཔལ་ལྡན་ལྷ་མོ་ཡི། །ཁྱད་པར་འཕགས་པའི་སྲོག་བསྒྲུབ་གསལ་བྱེད་པའི། །མངོན་པར་རྟོགས་པའི་མན་ངག་འདི་བཀོད་པས། །ཆོས་རྗེ་བླ་མའི་བསྟན་པ་རྒྱས་པར་ཤོག། །། ༄༅། །དཔལ་ལྷ་མོའི་སྲོག་སྒྲུབ་ཀྱི་ལས་སྦྱོར་བཞུགས་སོ། །དཔལ་ལྷ་མོ་སྲོག་བདག་གི་རྒྱལ་མོ་རེ་མ་ཏི་ལ་ཕྱག་འཚལ་ལོ། །གོང་དུ་བསྙེན་པའི་རྟགས་བྱུང་ནས། འཕྲལ་དུ་ལས་ལ་སྦྱར་བའམ། དེ་མ་དགོས་ན། ཕྱིས་ལས་སྦྱོར་བྱེད་ན། གོང་དུ་བཤད་པའི་གནས་སུ་སྔོན་འགྲོ་རྣམས་བྱས་ལ། སྔར་གྱི་དཀྱིལ་འཁོར་ཉིད་དམ། ཡང་ན་ལོགས་སུ་དཀྱིལ་འཁོར་གྲུ་བཞི་མདའ་གང་པའི་དབུས་སུ། ཕུང་ཤུལ་དང་དུར་ཁྲོད་ཀྱི་ལ་བྲུབ་ཁུང་ནག་པོ་གྲུ་གསུམ་བང་རིམ་གསུམ་པ། ཟླ་གམ་གསུམ་གྱིས་བསྐོར་བ་བརྩིགས་ལ། དུག་སྣ་ཚོགས་ལ། ཁྲག་སྣ་ཚོགས་རོ་སོལ་ལ་སོགས་པས་ནང་དམར་ཕྱི་ནག་པོ། ཟླ་གམ་དམར། མུ་ཁྱུད་
2-2-214b
དཀར༑ གྲུ་བཞི་སེར་པོས་བྱུག །བང་རིམ་ནང་མ་ལ་རྩང་དམར་ནག་ཉེར་བརྒྱད་སྲིན་མོ་འགྲོས་སུ་གཟུག །བར་མ་ལ་ཐོད་ཕྲེང་། ཁ་ཁྱེར་ཕྱི་རིམ་ལ་མེ་རིས་བསྐོར། །ལིང་ག་ནི། དགྲའི་རྐང་རྗེས་ཀྱི་ས་ལ་སོགས་ཏེ། ལུང་པ་གྲོགས་རལ་གྱི་ཕར་འགྲམ་ཚུར་འགྲམ་གྱི་ས་ཆད་ལ་ཁད་དང་། བཤའ་སྣའི་ས་དང་། ཆུ་འགྲམ་གྱི་ས་ཆད་ལ་ཁད་དང་། གྲོག་མ་དམར་ནག་ཚང་གི་ས་རྣམས། ཤུན་གྱི་རྒྱལ་མཚན་ཞེས་བྱ་སྟེ། དུར་འགལ་གྱི་ཤིང་ལ། ཁ་ཊྭཱཾ་ག་རྩེ་གསུམ་པ་བྱས་པའི་རྩེ་མོ་བསྡུས་ལ་བག་ཕྱེ་དང་བསྲེས་ཏེ། རེ་ལྕགས་ལ་སོགས་པའི་དུག་སྣ་ཚོགས་དང་། ཚ་བ་བ་སུ། ལན་ཚྭ། དབྱི་ཆུང་བ། རས་སྲུས་བ་གསུམ་དང་། མངོན་སྤྱོད་རྫས་ཁྲག་སྣ་ཚོགས་ལ་སོགས་པས་སྦྲུས་ནས། ལིང་ག་མཛུབ་གང་གཅིག་བྱས་ལ་ཤིང་ལོའམ། གྲོ་བའམ། རོ་རས་ལ། ཤི་ཀའི་མཚལ་ཏིག་དང་། དུག་ཁྲག་གི་ཁུ་བས་དགྲའི་གཟུགས་ལག་པ་རྒྱབ་ལག་བཅིངས་པ། རྐང་པ་ལྕགས་སྒྲོག་བྱས་པའི་དཔྲལ་བར་རུས། སྙིང་གར་རྨི་ཛ་ལ་དགྲ་དུ་ཡོད་པའི་མིང་རྦད་བསད་ཀྱི་སྔགས་དང་སྤེལ་ལ་བསྐོར། དེ་འདྲ་བ་གསུམ་འདོམས་སུ་ཕཊ། བརླ་ལ་བརླ་དག ། རྐང་ཞབས་སུ་ཡཾ། སྤྱི་བོར་སུཾ། ཚིགས་ལ་ཕུར་པའི་སྔགས། ཐ་མ་བློ་དང་ཛ་དང་དྲག་སྔགས་ཀྱིས་བསྐོར། དེ་འདྲ་བ་གསུམ་བྲིས་པ་དང་། ཤིང་ལོ་ས་ལ་མ་རེག་པ་ལ་བྲིས་པའི་ལིང་ག་གཉིས་ཀྱང་བྱའོ། །དེ་དག་
2-2-215a
༄༅། །ལ་ཉེས་པ་བསྒོ་བསྒྲིག ། དགུག་གཞུག་དྲག་ཏུ་བྱས་ལ་ཁ་སྦྱོར་དབྱེ་བའི་ཆོ་གས་ལྷ་དང་དབྱེ་ལ། ལིང་ག་རྒྱབ་ངོས་སུ་ལྡེབ་ནས་ཁ་དང་རྫི་མིག་འཕྲོད་པར་བྱ་གཅིག་གི་སྙིང་གའི་རྨི་ལས། ཞིང་རྒྱུས་སམ། ཤི་སྐྲའམ༑ མཚོན་སྐུད་དམར་ནག་གིས་ཕྱིན་ལོག་གི་བྱད་ཐག་དྲངས་ལྡེབ་ལ་ཤི་སྐུ་གྲི་སྐྲ་དང་། སྔོན་བྱད་ཐག་དམར་གྱིས་བཅིངས་ནས། གཟུགས་ཀྱི་སྙིང་ཁར་གཞུག །དེའི་རྗེས་སུབ། གཟུངས་ཐག་སྙིང་གར་དྲངས་ལ་སྐེ་ནས་བཏགས་ཏེ། དེ་དབུས་ཀྱི་གྲུ་གསུམ་དུ་ཡུགས་པའི་དོར་རྟ་བཏིང་བའི་སྟེང་དུ་མགོ་ལྷོར་བསྟན་ལ་གན་རྐྱལ་དུ་བཞག །གཟུངས་ཐག་གི་སྣེ་དེ་རང་གིས་བཟུང་ལ། སྐབས་སུ་ཕུར་པ་ཞལ་གསུམ་པ་གཅིག་གཤིན་རྗེ་གཤེད་དམ་ཡི་དམ་ལྷར་བསྐྱེད་ལ། རང་གི་མདུན་ཟུར་དུ་གཟུག་ལ་བརྟོད་དེ། རང་གི་མདུན་གྱི་ཟླ་གམ་སྟེང་དུ། ས་སྤྱིན་གྱི་འདག་པ་ལ། དུར་ཁྲོད་ཀྱི་ཐལ་སོལ་བསྲེས་ལ། གྲུ་གསུམ་ནག་པོ་ཕྱི་སོར་ཉི་ཤུ་རྩ་གཅིག །ནང་དུ་མཛུབ་གང་པ། ཁ་ཁྱེར་སོར་བཞི་ཙམ་བྱས་ལ། འདམ་པ་རློན་པའི་དུས་ན། ཁ་ཁྱེར་ལ་ཕུར་པ་བདུན་བཙུགས་པའི་མལ་ཕུག་ལ། དེ་ལེགས་པར་སྐམས་ནས། སོ་བཏང་པ་ལ་དུག་ཁྲག་གིས་བྱུགས་ནས། དེ་རང་གི་ལག་པས་སླེབ་སར་བཞག་གོ །དེའི་ནང་དུ་ཐོད་པ་མཚན་ངན་དུ་དུམ་བུ་དྲུག་པ་ལ་སོགས་པར། སྤྱང་དུག་བཙན་དུག་ར་དུག་ལ་སོགས་པའི་དུག་སྣ་
2-2-215b
ཚོགས༑ མི་རྟ་ཁྱི་ཕག་ར་ལ་སོགས་པའི་ཁྲག་སྣ་ཚོགས། ཡུངས་ཀར། ཡུངས་ནག །ཀེ་ཙེ་ཤངས་ཙེ་ལ་སོགས་པའི་ཐུན་རྫས་སྣ་ཚོགས་ཀྱིས་བཀང་སྟེ། ལྕགས་ཕུར་བདུན་གྱི་མལ་དུ་གཟུག་ལ་བསྐོར་ལ་བཞག ༑གྲི་ལྕགས་ཀྱི་རལ་གྲི་སོར་བཅུ་གཉིས་པ་ཡང་མདུན་དུ་བླང་ནས་བཞག །ཐོད་པ་མཚན་ངན་གཉིས་སུ་ཡུངས་ཀར། ཡུངས་ནག ། ཀེ་ཙེ། ཤངས་རྩེ། ཟངས་ཕྱེ། ལྕགས་ཕྱེ། རྡོ་ཕྱེ་ལ་སོགས་པའི་སྐམ་ཐུན་གཡས་སུ་བཞག །རིམས་ནད་སྣ་ཚོགས་ཀྱིས་བསད་པའི་ཁྲག་དང་། གྲི་ཁྲག་ལ་སོགས་པའི་ཁྲག་སྣ་ཚོགས་དང་། དུག་སྣ་ཚོགས་ཀྱི་ཕྱེ་མ་སྦྱར་བའི་རློན་ཐུན་གཡོན་དུ་བཞག །ཟླ་གམ་གཡས་པར་སྨན་ཕུད་དང་རཀྟ་བཤམ། གཡོན་གྱི་ཟླ་གམ་ལ་རྒྱུན་གཏོར་བཤམ། སྟེང་དུ་བསྟེན་པའི་གཏོར་མ་བསྙེན་པའི་དུས་ལྟར་བཤམ། གཏའ་གཏོར་རྒྱུན་གཏོར་གཉིས་སུ་ལིང་ག་རེ་རེ་ཤིང་ལོ་ལ་བྲིས་པའི་སྦྲགས་ནས། མགོ་ཐུར་ལ་བསྟན་ལ་གཟུག །རྒྱུན་གཏོར་གཏོང་བའི་དུས་སུ། ལིང་ག་ཡར་བླངས་ལ་གཏོར་མ་སར་པ་བཅས་པའི་ནང་དུ་གཞུག་གོ །མི་དབང་འབྲུའི་ཤ་ཕྱེ་བསྲེས་པའི་རི་ལུས་གཏོར་མ་དང་། མཆོད་པ་ཀུན་ལ་རྒྱས་གདབ་པོ། །གྲི་ཕོ་མོའི་ཐོད་པ་གང་རུང་གི་ནང་དུ་བོང་བུའི་སྙིང་ལ་སོགས་པའི་གོང་གི་ཐོད་པ་ཁ་སྦྱོར་དུ་བཅུག་པའི་རྫས་རྣམས་གཞུག །གྲི་སྙིང་གི་རྩ་གསུམ་ཡོད་པའི་དབུ་མའི་ནང་དུ། ལྷ་མོའི་
2-2-216a
༄༅། །གསང་རྟེན་གྱི་འཁོར་ལོ་གཞུག །རྩ་སྦུབས་གཡས་སུ་རྡོ་རྗེ་རྣོན་པོའི་བྱང་སེམས་སྐྱོན་མེད་པ་དང་རི་ལུ་བཅུག །རྩ་སྦུབས་གཡོན་དུ་དགྲའི་ལིང་ག་རྩ་སྔགས་ཀྱིས་གཡོན་དུ་བསྐོར་ལ་གཞུག་སྟེ། དེ་དག་བསྟེན་པའི་གཏོར་མའི་ནང་གི་གྲར་བཞག་པའམ། ཡང་ན་འོག་ཏུ་གདགས་ལ། སྙིང་ནང་གི་ལིང་གའི་སྙིང་ནང་ནས། མིའི་རྒྱུ་མའམ། སྐུད་པ་སྔོ་དམར་གྱིས་ཐུན་ཐག་དྲངས་ལ་སྔར་གྱི་གཟུངས་ཐགས་དང་སྦྲེལ་ལོ། །དེ་ནས་བདག་ཁ་ལྷོར་བལྟས་ནས་ཡི་དམ་གྱི་ལྷ་བསྒོམས་པ་ནས་མདུན་དུ་མ་མོ་གཙོ་འཁོར་བསྒོམ་པ་དང་། བསྟེན་པའི་གཏོར་མ་བྱིན་གྱིས་རླབས་ཅིང་། མ་མོ་ལ་ལས་གྲུབ་ནས་གཏང་རག་ཏུ་འབུལ་བར་ཁས་བླངས་ནས། རྒྱུན་གཏོར་བསྒྲུབ་བྱའི་ཤ་ཁྲག་ཏུ་དམིགས་ཏེ་ཕུལ་ཅིང་། ཕྲིན་ལས་བཅོལ་བ་ཡན་ཆད་རྫོགས་པར་བྱས་ལ། མདུན་གྱི་འབྲུབ་ཁུང་མ་མོའི་ཕོ་བྲང་། བསྒྲུབ་བྱའི་བཙོན་ཁང་། གནམ་ལྕགས་ཀྱི་ཁང་སྒྲོམ་འབར་བ། ནད་འདུ་བ་རྣམ་བཞིའི་རླངས་པ་བྱུང་ཞིང་། ཁྲག་གི་རྒྱ་མཚོ་འཁྱིལ་པ་ལ། དུག་ནི་ན་བུན་འཐིབས་ནས་མཚོན་ཆའི་ཆར་པ་བབ་པའི་ནང་དུ། དམ་ཉམས་པའི་དགྲ་བོ་དུ་ཡོད་དེ་རྨི་དུད་ཁ་ལས། རང་རང་ཅི་འདྲ་བར་རང་ཉིད་ཅིང་སྐྲ་གཟིངས་པ་ཚོན་གྱི་གྲུ་གུ་སྔོན་དམར་སྦྲུལ་ཞགས་ལྟ་བུས་བཅིངས་ནས་གན་རྐྱལ་དུ་བསམ་ལ། དང་པོ་ཉེས་པ་བསྒོ་བ་ནི། བདག་གི་ཐུགས་ཀ་
2-2-216b
ནས་འོད་འཕྲོས་པས། ཕྱོགས་བཅུའི་སེམས་ཅན་རྣམས་སངས་རྒྱས་སུ་གྱུར་པར་བསྒོམ་ལ། ཁམས་གསུམ་གྱི་སེམས་ཅན་གྱི་དུག་ལྔ་ཁོ་ལ་ཐིམ་ནས། དགྲ་བོ་དེས་ལག་ཆ་ཅི་བཟུང་བ་དེ་སྟ་རེ་དང་རལ་གྲིར་གྱུར་ནས། དེ་རྣམས་གཏུབ་པོ་དང་། མི་དགེ་བ་སྣ་ཚོགས་སྤྱད་ཅིང་། མཚམས་མེད་ལྔའི་ལས་ཐམས་ཅད་བྱས་པར་བསམ་མོ། །ཉེས་པ་བསྒྲག་པ། བདག་གི་སྨིན་མཚམས་ནས་རྡོ་རྗེ་སེམས་དཔའ་གཅིག་སྤྲོས་པས། ཕྱོགས་བཅུའི་སངས་རྒྱས་ཀྱི་ཞིང་ཁམས་ཐམས་ཅད་དུ་ཁོའི་ཉེས་པ་རྣམས་བསྒྲག་ཅིང་ཡེ་ཤེས་པ་དང་། འཇིག་རྟེན་པ་ཀུན་ལ་གཟུ་དཔང་གསོལ་བས། ཕྱོགས་བཅུའི་དེ་བཞིན་པ་རྣམས་ཀྱིས་སྒྲོལ་གཅིག་པའི་ལུང་ཕོག ། ཁོ་རང་གི་ལྷས་གནང་སྦྱིན་བྱས། ཁོས་བསད་པ་རྣམས་ཀྱི་རྣམ་ཤེས་ཀྱང་མ་མོའི་དམག་ཚོགས་སུ་གྱུར་ནས། རྣམ་ཤེས་འདྲེན་པའི་ཕོ་ཉ་ནི། བདག་གི་ཐུགས་ཀ་ནས་རཾ་དམར་ནག་གཅིག་སྤྲོས་པ་ལས། ཕུར་པ་ཅན་གྱི་ཐོད་པར་ཁྲག་གི་རྒྱ་མཚོ་ཆེན་པོར་གྱུར་ནས། ཁྲག་དེས་མ་མོ་དང་མཁའ་འགྲོ་མའི་ཐུགས་དམ་བསྐང་སྟེ། རྣལ་འབྱོར་པའི་དབང་དུ་གྱུར་པར་བསྒོམ། ཁྲག་གི་དྭངས་མ་ལས་ལྕགས་ཀྱི་སྤྱང་ཀི་ཁྲག་གི་སྤུ་དང་མཆེ་སྡེར་བཀུས་པ་བདུན་ལ། ཕུར་པ་བདུན། དེ་ལས་བུད་མེད་དམར་མོ་ཁྲག་གི་རལ་པ་ཅན་ལག་ན་ལྕགས་ཀྱི་ཁྲག་འཛག་པ་བཟུང་བ་བདུན་དུ་གྱུར་པས་ཞོན་པ་བྱུང་
2-2-217a
༄༅། །བ་དང་། སྤྲུལ་པའི་མ་མོ་དྲེའུ་རྟ་བོང་དྲེད་མཛོ་ལ་སོགས་པ་ཞོན་ཞིང་། སླེལ་དང་གོ་ཟུ་གོན་པ་དཔག་ཏུ་མེད་པ་དང་། གོང་གི་མ་མོའི་དམག་ཚོགས་རྣམས་ཀྱིས་གང་ལ་བྱ་བ་དེ་དག་བཀུག་ཅིང་རྣམ་ཤེས་ཙར་ཙར་འདྲེན་པར་བསྒོམ་ལ། ཁྲག་སྐྱུག་ཅིང་ངུ་འབོད་སྨྲེ་སྔགས་དང་བཅས་པ། མིག་རྩ་རིག་རིག་པ་ལྕགས་ཀྱུས་སྙིང་ནས་བཟུང་། ཞགས་པས་སྐེ་ལ་བཏགས། ལྕགས་སྒྲོག་གིས་གནས་ལྔ་བསྡམས༑ དྲིལ་བུ་དབང་དུ་བསྡུས་ཏེ་མྱོས་པར་བྱས་ནས། གཟུགས་ལ་ཡང་དང་ཡང་དུ་བསྟིམ་པར་བྱས་ཤིང་། ངག་ཏུ། བོད་རྦད་གཉིས་ཀྱི་བཤམ་དུ་ཆེ་གེ་མོ་ཨ་ཀཪྵ་ཡ། ཛཿཧཱུྃ་བཾ་ཧོཿ བཛྲ་ཨཾ་གུ་ཤ་ཡ་ཛ། བཛྲ་པ་ཤ་ཧཱུྃ། བཛྲ་ཕོ་ཊ་བཾ། བཛྲ་གནྡྷེ་ཧོཿ བརྗོད་པ་རེ་དང་ཏིང་ངེ་འཛིན་རེ་སྤྲད་ལ་བརྒྱ་རྩ་བརྒྱད་དམ། སྟོང་རྩ་བརྒྱད་རེ་བྱའོ། །ཕོ་ཉ་རྣམས་འགུགས་འདྲེན་ཐོན་པ་དང་ཕུར་པུ་ལ་བསྟིམ་མོ། །དེ་ནས་ལྷ་མོའི་སྤྲུལ་པ་མཁའ་འགྲོ་མའི་ཚོགས་མི་སྲུན་པ་ཁ་དོག་དང་ཆ་བྱད་མི་འདྲ་བ་དཔག་ཏུ་མེད་པ་སྤྲོས་ནས། ཞེས་འགུགས་པའི་དུས་སུ། བསྒྲུབ་བྱའི་སྙིང་ནས་བཟུང་བ་ལ་སོགས་པ། ཏིང་ངེ་འཛིན་དང་བོད་རྦད་ཀྱི་སྔགས་བཟླས་སོ། །དེ་ནས་ཁ་སྦྱོར་དབྱེ་བ་དང་། ཉེས་པ་བསྒྲག་པ་ནི། ལྷ་མོ་གཙོ་འཁོར་ལ་གཏོར་མ་འབུལ་ཞིང་བསྐུལ། སྦོད་གཏོང་དྲག་ཏུ་བྱ། གཟུ་དཔང་གསོལ། ཁོའི་ལྷ་སྲུང་སྐྱོབ་བྱེད་པ་རྣམས་དང་། ཕྱི་རྒྱུད་པ་ལ་དཀར་གཏོར་འབུལ། གསེར་སྐྱེམས་གཏོར། ཁོའི་
2-2-217b
ཉེས་པ་བསྒྲག་སྟེ། དམ་ཉམས་པ་འདིས་བླ་མའི་སྐུ་ལ་བསྡོམས། སངས་རྒྱས་ཀྱི་བསྟན་པ་བཤིགས་སོ། །དཀོན་མཆོག་དབུ་འཕངས་སྨད་དོ། །ཅེས་པ་ལ་སོགས་པ་བརྗོད་དོ། །གུ་གུལ་མུ་ཟི་རྟ་བོན་ར་རུ་ཁྱི་ལུད་དང་། ལྷམ་འབོབ་ཚིལ་ཆེན། དུག་སྣ་ཚོགས་པ་རྣམས་དང་སྦྱར་ནས། ལས་ཁུང་གཅིག་ཏུ་མེ་ལ་བསྲེགས་པ་ལ། ལིང་ག་ཤིང་བུའི་བར་ནས་བཟུང་སྟེ་བདུགས་པས། མགོ་བའི་ལྷ་ལྔ་ལ་སོགས་པའི་བསྲུངས་སྐྱོབས་ཀྱི་ལྷ་རྣམས་བྱེད་བར་བསམ་པ་ནི། ལུས་དང་ལྷའི་ཁ་སྦྱོར་དབྱེ་བའོ། །རང་ཡི་དམ་གྱི་ཐུགས་ཀ་ནས་འོད་ཟེར་སྤྲོས་པས་ལྷ་མོ་བསྐུལ་བས། མ་མོའི་ཁ་ཊྭཱཾ་གིས་དམ་ཉམས་པའི་སྙིང་གར་རྒྱབ་ནས་སྙིང་བཀྲལ་བར་བསམ་པ་ནི། ཤ་དང་རུས་པའི་ཁ་སྦྱོར་དབྱེ་བ་སྟེ། ཁོའི་སྙིང་གི་དབུས་སུ་ཉི་ཟླའི་གའུ་ན། ཡེ་ཤེས་སེམས་དཔའ་ཡིག་འབྲུ་ཨའམ། ཧཱུྃ་གི་རྣམ་པ་དེ། ལྷ་མོས་ཕུར་པའི་རྗེས་ཏོག་གིས་བླངས་ནས། བདག་ཡི་དམ་ལྷའི་ཐུགས་ཀར་བསྟིམ་པ་ནི་བེམ་པོ་དང་རིག་པ་ཁ་སྦྱོར་དབྱེ་བ་ཞེས་བྱའོ། །དེ་དག་གི་དུས་སུ་ཡང་སྔགས་ནི་ལྟར་བཟླས་སོ། །དེ་ལྟ་བུ་ཐུན་བཞིར་བཅད་དེ་ཞག་བདུན་ལ་སོགས་ཏེ༑ དགྲའི་བླ་ཁུགས་པའི་རྟགས་སུ། བུད་མེད་དམ་དམག་གི་ཚོགས་འདུ་བ་དང་། ལིང་བྱེད་པ་དང་། སེམས་ཅན་གཟུངས་བཏག་བྱས་པ། ལྕེ་སྤྱང་གིས་དུད་འགྲོ་ལ་སོགས་པ་དེད་ནས་འོང་པ་དང་། རྒྱ་
2-2-218a
༄༅། །འཛུགས་པས་སེམས་ཅན་ཟིན་པ་ལ་སོགས་པ་ངེས་པ་ཅན་དུ་བྱུང་ནས། བསད་པའི་སྦྱོར་བ་ནི། ཐུན་མགོ་ལ་བདག་ཡི་དམ་དང་། མདུན་དུ་ལྷ་མོ་བསྐྱེད་པ་ནས། གཏོར་མ་བཏང་ཞིང་རྗོད་བསྐུལ་བྱ་བ་ནས། དགུག་གཞུག་དང་ཁ་སྦྱོར་དབྱེ་བའི་བར་དུ་རྫོགས་པར་བྱས་ལ། བོད་རྦད་ལ་དགུག་གཞུག་གི་སྔགས་བཏགས་ལ་ཉེར་གཅིག་རེའམ། བརྒྱ་རྩ་བརྒྱད་བཟླས། དེ་ནས་སྐད་ཅིག་གིས་རང་ཉིད་ཀྱང་ལྷ་མོར་གསལ་གདབ་ལ། མདུན་གྱི་ཕུར་པ་བདུན་པོ་ལ་ཡང་། ཁྲག་གི་རྒྱ་མཚོའི་ཁར་བྱོ་བདུན་བཟླས། ལས་ཀྱི་མ་མོ་སྐུ་མདོག་ནག་མོ་རབ་ཏུ་འཇིགས་ཤིང་རྔམ་པ། གཅེར་བུ་རལ་པ་གྱེན་དུ་འགྲེང་ཞིང་། ཕྱེད་ས་ལ་བཤལ་བ། གཡས་ཁྲག་གི་ལྕགས་ཀྱུ། གཡོན་པ་ཕུར་པ་འདྲིལ་བ་ལ་ཁྲག་འཛག་པ། ཞལ་ནས་དུག་གི་ཁ་ཆུ་དགྲ་ལ་འཐོར་བ། སྐུ་སྨད་ཕུར་པའི་དབལ་དང་ལྡན་པས་ཁྲག་གི་མཚོ་ལ་འབོག་ཅིང་རྐྱལ་བར་བསྒོམ། བདག་ལ་ཡང་དེ་འདྲ་བ་བདུན་ཐུགས་ཁའི་བློ་བདུན་ལ་སྤྲོས་ལ་བསྟིམ་ཞིང་། རང་བཞིན་གྱི་གནས་བྱང་ཤར་ནས་ཀྱང་སྤྱན་དྲངས་ལ་བཞུགས་ནས། མཆོད་པ་དང་བསྟོད་པར་བྱས་ཏེ། སྔགས་པས་ཀྱང་ཁར་ཤ་ཆེན་མུར་ཞིང་། ཕུར་བུའི་རྩེ་མོ་ཁྲག་དང་དུག་ཆུ་ལ་ངར་བླུད་ཅིང་། ཚིལ་ཆེན་དང་གུ་གུལ་གྱིས་བདུག་ལ་གཟི་མདངས་བསྐྱེད་ནས། བདག་ཉིད་རེ་མ་ཏིར་གསལ་བ་ཡང་
2-2-218b
ཤིན་ཏུ་ཁྲོས་ནས་བོད་རྦད་གཉིས་ལ་ཕུར་པའི་སྔགས་དང་ཐུན་སྔགས་རིམ་པར་བརྒྱ་རེ་གདགས་རེས་བྱས་ནས་བཟླས་པས། སྔགས་ཀྱི་འོད་ཟེར་གྱི་རྩེ་མོ་ལ། སྤྲུལ་པའི་མ་མོ་དང་འཁོར་གྱི་མ་མོ་དང་། མཁའ་འགྲོ་མའི་ཚོགས་དཔག་ཏུ་མེད་པ་སྤྲོས་པས། རལ་གྲི་དང་། ལྕགས་ཀྱུ་དང་། གྲི་གུག་དང་། རྩེ་གསུམ་དང་། ཕུར་པ་ལ་སོགས་པའི་མཚོན་ཆ་རྣམ་པ་སྣ་ཚོགས་པ་ཐོགས་ནས། ཤ་ཟ་ཞིང་ཁྲག་འཐུང་བ་དང་༑ སྲོག་ལ་མངའ་མཛད་པའི་ཌཱ་ཀི་མའི་ཚོགས་མང་པོར་སྤྲུལ་ཞིང་། ལས་བྱེད་བསམ་གྱིས་མི་ཁྱབ་པའི་ཚོགས་བྱུང་ནས། བསྒྲུབ་བྱའི་མགྲིན་པ་བཅད་ཅིང་ཁྲག་འཐུང་བ་དང་། གཟུགས་ཕུར་ཕུག་ཅིང་བཀྲལ་ཏེ། དབང་པོ་ལྔ་དོན་སྙིང་ལྔ་ལ་སོགས་པ། རྩ་རྒྱུད་ཤ་རུས་ཆུ་རྒྱུས་ཀུན་དྲངས་ཤིང་སོ་སོར་ཕྱེ་ནས་གསོལ་ལོ། །བསྒྲལ་བར་བསམ་མོ། །རག་མོ་རག་མོ་མ་མ་ཡ་དུན་ཏིང་། ཧེད་ཧེད་མ་ཧེད་བྷྱོ། ཞེས་རྦད་པའི་སྔགས་གོང་གི་རྩ་བའི་བསྙེན་སྔགས་ལ་གདགས། དེ་ལ་ཕུར་པའི་སྔགས། དྲག་སྔགས་གཟེར་བདུན་པོ་འདི་རིམ་པར་གདགས་ཏེ། ཨོཾ་བཛྲ་ཀརྟི་རི་ནི་རྦད། ཆེ་གེ་མོའི་སྙིང་ཁྲག་ཚལ་པ་རྦད། གཏུབས་ཙིཏྟ་རྦད། མྱོགས་མུགས་རྦད། ཆེ་གེ་མོའི་སྙིང་ཁྲག་ཚལ་པ་ཁ་ལ་རྦད། ཚལ་བུ་སེ་ན་སེ་དུ་རྦད། ཆེ་གེ་མོའི་ཙིཏྟ་ཧུར་ཐུམ། སྲོག་ལ་མཱ་ར་ཡ་རྦད། ཅེས་པ་གདགས་ལ་བཟླས་པས། ཕུར་པའི་མ་མོ་
2-2-219a
༄༅། །བདུན་ལས། བསད་པའི་ཕོ་ཉ་མོ་སྤྱང་ཀི་ཞོན་པ། ལྕགས་ཀྱུ་ཅན་བདུན་བྱུང་བས། བསྒྲུབ་བྱའི་བུ་གའི་སྒོ་ནས་ཞུགས་པས། སྙིང་གི་ནང་དང་སྲོག་རྩའི་སྦུ་གུ་ནས་ཞུགས་ཏེ། སྲོག་སྙིང་གི་རྩ་བ་བཅད་པ་དང་ཁྲག་འཇིབ་ཅིང་། ལྟེ་བའི་ཁུང་བུ་དང་སྐྱེ་བའི་གནས་ཀུན་ཏུ་ཞུགས་ནས་གསོད་པའི་ལས་བྱེད་པར་བསམ་སྟེ། བདུན་སྦྲེལ་བདུན་བཟླས་བདུན་གྱིས་བདུན་དུ་བརྡེག་པ་ཡིན་ཏེ། རང་མ་མོར་གསལ་བའི་ལག་པ་གཡོན་པས་རལ་གྲི་སོར་བཅུ་གཉིས་པས་གཟུགས་ཀྱི་སྐེ་ནས་མནན་ཅིང་། གཡས་པས་ལྕགས་ཕུར་གྱི་རྩེ་མོ་ལ་ཁྲག་དང་དུག་བྱུགས་ནས་ངར་བླུད། དུར་ཁྲོད་ཀྱི་མེ་ལ་གུ་གུལ་ཚིལ་ཆེན་བསྲེགས་པ་ལ་བདུགས་ནས། བོད་རྦད་གཉིས་ལ་ཕུར་སྔགས་རེ་རེ་ཞིང་གདགས་པ་ལ། ཐུན་སྔགས་ཀྱང་རེ་རེ་སྦྲེལ་ལ་བདུན་བཟླས་ཏེ། ཕུར་པ་བདུན་གྱིས་རེ་རེ་ནས་བླང་ཞིང་དྲིལ་ལ། རང་གི་ཕྱག་གཡས་ཀྱིས་འོག་མའི་ཕུར་པ་དང་དབྱེར་མེད་པར། སྟོད་མ་མོ་ལྕགས་ཀྱུ་དང་ཕུར་པ་འདྲིལ་བ། སྨད་གནམ་ལྕགས་ཀྱི་ཕུར་པ་དམར་སེལ་བ། མགར་བའི་སོལ་མལ་ནས་ཕྱུང་བ་ལྟ་བུའི་ཚ་ཚ་འཕྲོ་བ་དེས། དམ་ཉམས་པའི་སྙིང་ཁ། སྤྱི་བོ། མགྲིན་པ། གསང་གནས། ལྟེ་བ། མིག་ལ་སོགས་པའི་དབང་པོ་ལྔ། ཡན་ལག་བཞི་དང་ལུས་སྤྱི་སྟེ། གནས་བདུད་དུ་གདབ། མཁའ་འགྲོ་མའི་ཚོགས་རྣམས་ཀྱིས་དགྲ་བོའི་རྣམ་
2-2-219b
ཤེས་ཕུར་པའི་རྩེ་ནས་བླང་ཞིང་གནས་སྤར་ནས། ཕུང་པོ་གདོས་པ་བསྒྲལ་ཏེ་ལྷུ་དུམ་དང་ཕྲལ་ནས། དུམ་བུ་ཕྱེ་མ་རྡུལ་བཞིན་བརླག་པའི་ཤ་ཟོས་རུས་པ་འཆའ་ཞིང་ཁྲག་ལ་རྐན་སྒྲ་སྡེབ་ཅིང་རོལ་པར་བསྒོམ། དེ་ལྟར་བདུན་སྦྲེལ་གྱི་སྔགས་བདུན་བདུན་བཟླས་ཅིང་། ཕུར་པ་རེ་རེས་ཀྱང་གནས་བདུན་དུ་བདུན་བདུན་བརྡེག་གོ །དེ་ནས་ལྕགས་ཕུར་བདུན་པ་རྫོགས་པ་དང་། ཐུན་གྱིས་བྲབ་སྟེ། དང་པོར་ཁྲག་དང་དུག་གི་རློན་ཐུན་ལས། མ་མོའི་ཁ་རླངས་ནད་ཡམས་དང་། དུག་གི་རླངས་པ་སྔོན་དམར་ཁྲག་གི་ཆར་པར་བསམ་ལ། མི་རྐང་ལ་རོ་སྐྲའི་པིར་བཏགས་པས། རློན་ཐོན་དུ་སྦུབ་ཅིང་བྲབ་སྟེ། ཆེ་གེ་མོའི་བུ་ག་དགུ་ནས་ཞུགས་པ་ལས། རྩ་རྒྱུད་ནད་ཀྱིས་ཁྱབ་ནས་མྱོས། དུག་ཁྲག་གིས་རྣམ་ཤེས་ནག་ཐིབ་ཐིབ་བསད་པར་བསམ། སྐམ་ཐུན་ནི། མཚོན་ཆ་སྣ་ཚོགས་དང་། གནམ་ལྕགས་ཀྱི་ཐོག་རྒོད་དང་། ཁྲོ་ཆུའི་ཕ་འོང་མེ་འབར་བར་བསམས་ནས་བྲབས་པས། དགྲ་བོ་འཁོར་དང་བཅས་པ་རྣམས་དམར་མྱ་ལ་ལ་བཏང་ཞིང་། རགས་རགས་བསྲེགས་པར་བསམ་མོ། །ཐུན་སྔགས་ནི། གོང་གི་བོད་རྦད་ཕུར་སྔགས་སྤྱི་དྲིལ་བ་ལ༑ ཙ་ཐུན་མཱ་ར་ཡ་ཐུན་སོད། ཤག་ཐུན་མཱ་ར་ཡ་ཐུན་སོད། རུ་རུ་རག་མོ་མཱ་ར་ཡ་ཐུན་སོད། མ་མ་མུག་ཏི་གྲྀཧྞ་མཱ་ར་ཡ་ཐུན་སོད། མ་མ་ཤག་ཐུན་ཏི་མཱ་ར་ཡ་ཐུན་སོད། མ་མ་རྦད་ཐུན་མཱ་ར་ཡ་ཐུན་སོད། མ་
2-2-220a
༄༅། །མ་ཤག་ཤག་ཚལ་པ་རག་མོ་མཱ་ར་ཡ་ཐུན་སོད། རག་མོ་རག་མོ་ཆེ་གེ་མོའི་སྙིང་ཁྲག་རྩ་ལ་བྷྱོ། ཁྲག་ལ་རག་མོ་མུ་ཤ་ལ་བྷྱོ། རག་མོ་སེམ་བྱེད་སྙིང་ལ་བྷྱོ། རག་མོ་ལྟ་བྱེད་མིག་ལ་བྷྱོ། རག་མོ་ཉན་བྱེད་རྣ་བ་ལ་བྷྱོ། རག་མོ་སྨྲ་བྱེད་ལྕེ་ལ་བྷྱོ། རག་མོ་ཚོར་བྱེད་ལུས་ལ་བྷྱོ། རག་མོ་རག་མོ་དགྲ་བོའི་སྙིང་ལ་རྦད། སྲོག་ལ་རྦད། ཐུམ་རིལ་ལི་ལི། ཆེ་གེ་མོའི་ཤ་རྒྱུས་སྙིང་བྱུང་། སྙིང་རྒྱུས་སྲོག་ཆོད། སྲོག་རྒྱུས་དབུགས་ལོང་། དགྲ་བོའི་ཤ་ལ་ཟོ། ཁྲག་ལ་རྔུབས། ཆེ་གེ་མོའི་སྲོག་སྙིང་ཁྱེར་མཱ་ར་ཡ་རྦད། ཅེས་པ་བདུན་ནམ་ཉེར་གཅིག་བརྒྱ་རྩ་བརྒྱད་རེ་བཏབ་ལ་ཐུན་བྱའོ། །དེ་ནས་རྒྱུན་གཏོར་གྱི་ལིང་ག་དེ་གཏོར་མ་ལ་སྟབས་པ་ནི། གཏོར་མ་དང་བཅས་པ་ལག་ཏུ་བླང་ལ་སྟབ་ཅིང་འདི་སྐད་དོ། ། བྷྱོཿ རྡོ་རྗེ་ནག་མོ་རེ་མ་ཏི། །སྤྲུལ་པས་སྟོང་གསུམ་མ་ལུས་འགེངས་བྱེད་མ། །ཁམས་གསུམ་སྲིད་གསུམ་མ་ལུས་སྒྲོལ་བྱེད་མ། །མ་མོ་ནག་མོའི་ཚོགས་ཀྱིས་སྟོང་ཁམས་གང་། །དཔལ་ལྡན་ནག་མོ་རེ་མ་ཏི། །ནག་མོ་ཆེན་མོ་གློག་འགྱུ་མ། །སྡང་བྱེད་དགྲ་བོ་འདི་བཞེས་ཅིག །ནག་མོའི་ཞལ་དུ་དགྲ་བོ་འདི་ཁཱ་ཧི། ཆེ་གེ་མོའི་མཾ་ས་ལ་ཁ་རཾ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། མ་ཧཱ་བ་སུ་ཏ་ལ། གོ་རོ་ཙ་ན་ལ། ཕུང་པོ་ལྔ་ལ་ཁ་རཾ་ཁཱ་ཧི། རྣམ་ཤེས་བརྒྱད་ལ། འབྱུང་བ་ལྔ་ལ། དགྲ་བོའི་ལྷག་མ་རྗེས་ཤུལ་ལ་ཁ་རམ་ཁཱ་ཧི། 
2-2-220b
ཞེས་པས་འདིར་ཡང་བདུན་ནམ་ཉེར་གཅིག་ལ་སོགས་ནུས་ཚད་ཀྱིས་སྟབས་སོ། །དེ་ནས་གཟུགས་དེ་སྔགས་ཤུལ་དུ་བཞག་ལ། རཀྟ་ཕྱར་ཞིང་ཐུགས་དམ་བསྐང་བ་དང་། ཕྲིན་ལས་བཅོལ་བར་བྱའོ། དེ་ལྟར་ཉིན་ཕུར་པས་གདབ་པ་ལ་སྔགས་གཏོར་ནས་བཟླ་སྟེ། ཕུར་པས་གནས་བདུན་དུ་གདབ་པ་དང་། ཕུར་འདེབས་རྟིང་དུ་ཐུན་གྱི་དུས་དང་། མཚན་མའི་དུས་སུ་ནི་བོད་རྦད་ཕུར་པའི་སྔགས། ཐུན་སྔགས་དང་སྤྱི་དྲིལ་ལ་བཟླས་ཤིང་། ཐུན་གྱིས་གསོད་པའི་དམིགས་པ་བྱ་ཞིང་། གཤེར་ཐུན་དང་སྐམ་ཐུན་གཉིས་ཀྱིས་སོ་སོར་བརྡེག་རེས་བྱའོ། །དེས་སོད་པའི་རྟགས་སུ། གཡག་དང་སེམས་ཅན་ལ་སོགས་པའི་སེམས་ཅན་བསད་པ་དང་། མཁར་བསྐྱིལ་བ། ཤིང་བཅད་པ། བུད་མེད་ཀྱི་ཚོགས་ལ་སོགས་པས་ལིང་བྱས་པ་དང་། སེམས་ཅན་མང་པོ་བསད་ཅིང་ཤ་ཁྲག་མགོ་སྙིང་འོང་བ་དང་། ཤ་ཁྲག་ནང་གྲོལ་ཟ་བ་དང་༑ ལོངས་སྤྱོད་པ་འབྱུང་ངོ་། །གལ་ཏེ་མཚན་རྟགས་འབུལ་བའམ། ཡེ་མེད་དམ། འཁུ་ལྡོག་གི་རྟགས་སུ་རང་བས་དབང་ཆེ་བའི་ཇོ་བོ་ལྟ་བུ་འགྱིང་ཞིང་། ཕྱག་འདོད་པ་བྱུང་ན། མ་མོའི་མགོ་ཐོག་ཏུ་གཤིན་རྗེ་གཤེད་དམ། རང་གི་ཡི་དམ་གྱི་ལྷ་བསྐྱེད་པ་དང་། ཡི་དམ་གྱི་ཐུགས་ཀ་ནས་ཧཱུྃ་དམར་ནག་ཚ་ལ་རྩུབ་པ་ཅིག་སྤྲོས་པས། མ་མོའི་ཐུགས་ཀའི་མ་དེའི་སྟེང་མནན་ཏེ། ཧཱུྃ་གིས་མ་མོའི་སྐུ་གསུང་ཐུགས་
2-2-221a
༄༅། །ཀྱི་རྒྱུད་བསྐུལ་ཞིང་མ་མོས་མ་བཟོད་པ་དང་། སྤྱི་བོའོ་ལྷ་དེས་ཞབས་བརྡབས་པས་མ་འདར་ཕྲིལ་ལི་ལི་བྱེད་པར་བསམ་མོ། །ཡི་དམ་གྱི་བཤམ་དུ་མོའི་སྔགས་བཏགས་ནས་བཟླས་ཏེ། སྔགས་ཚར་རེ་ཐོན། གོ་ཆོག་ཚོགས་འབུལ། དབུའི་ཡི་དམ་ལྷ་རེ་རེ་བསྟིམ་པ་ནི། མ་གྲུབ་ན་སྤོག་པ་དང་། གནད་ལ་དབབ་པའི་བཟླས་པའོ། །གུས་པ་འབུལ་བ་ལ་སོགས་པ་འཆུན་པའི་རྟགས་དང་། བཀའ་ཉན་ཅིང་ལས་བྱེད་པའི་རྟགས་བྱུང་ནས། སྔགས་དཀྱུས་ལྟར་བཟླས་པས། སྔགས་ཚར་རེ་རེ་ཐོན་གོ་ཆོག །ལྷ་མོ་རེ་རེ་བསྟིམ་པ་དང་། མ་མོའི་ཐུགས་ཀའི་ཧཱུཾ་དེ་བྱང་ཆུབ་སེམས་ཀྱི་ཐིག་ལེར་གྱུར་ནས། མོའི་སྐུ་ལ་ཁྱབ་པས། དགྱེས་པ་དང་ལྡན་ཅིང་གཟི་བརྗིད་འབར་བར་བསམ་སྟེ། སྨན་མཆོད་དང་གཏོར་མ་འབུལ་བསྟོད་པ་བྱའོ། །དེ་ནི་གཟི་བྱིན་བསྐྱེད་པའི་མན་ངག་གོ །ལས་གྲུབ་པའི་རྟགས་ཐོན་ནས། ལས་ཀྱི་མཐའ་རྡུལ་བ་ནི། ཧཾ་དང་ཟོར་དང་མནན་པའི་ལས་བྱའོ། །ད་ནི་ལས་ཀྱི་མཐའ་རྡུལ་བ་ལ། རྟེན་གཏོར་རྒྱུན་གཏོར་ནང་གི་ལིང་ག་ཀུན་དང་། སྟག་མའི་ལོ་མའམ། དུག་ཤོག་ལ་ཁྱི་ནག་པོའི་སྙིང་ཁྲག་གིས་ཆེ་གེ་མོའི་མིང་རུས་མང་དུ་བྲིས་པ་རྣམས་བྲུབ་ཁུང་དབུས་མར་གཞུག །དགུག་གཞུག་ལྷ་དབྱེ་ཕུར་འདེབས་ཐུན་བྲབ་པ་ལ་སོགས་ཏེ་བསད་པའི་ལས་ཀུན་རྫོགས་པར་བྱས་ལ། ལིང་རོ་རྣམས་གཏོར་མ་གཅིག་ཏུ་
2-2-221b
བཞག་པ་དང་། རྟེན་པའི་གཏོར་མ་ཀུན། ལྷ་མོ་གཙོ་འཁོར་ཐམས་ཅད་ལ་ལས་གྲུབ་པའི་བཏང་རག་ཏུ་འབུལ་ཞིང་། ཕྲིན་ལས་བསྟོད་བསྐུལ་དང་། ཐུགས་དམ་བསྐང་ཞིང་སྟབས་པ་བྱའོ། །དེ་ནས་ལིང་ག་རྙིང་པ་རལ་གྲི་འམ་གྲི་མཚོན་གྱིས་དུམ་བུར་གཏུབས་ཏེ། སར་པ་དང་སྦྲགས་ལ་སྦྱིན་སྲེག་གི་ཐབས་ནི། སྔར་གྱི་གྲུ་གསུམ་ཆུང་བ་དེ་ཉིད་དམ། ཡང་ན་དཀྱིལ་འཁོར་གྱི་ལྷོ་ཟུར་དུ་མཎྜལ་གྲུ་བཞིའི་སྟེང་དུ་མ་ཏྲང་གི་གཟུགས་གཅིག་བྱས་ལ། དེའི་སྙིང་གར་ཧོཾ་གྲུ་གསུམ་པ་ངོས་རེ་རེ་ལ་མཐོ་རེ་རེ་ཡོད་པ་བྲུས་ཏེ། ཁ་ཁྱེར་ལ་ཐལ་ཆེན་གྱིས་མཚོན་ཆ་སྣ་ཚོགས་བྲིས། ནང་རྡོ་སོལ་དང་ཁྲག་གིས་བྱུགས། ཁར་སྦྱིན་སྲེག་ཐབ་ཀྱི་མཐའ་མ་ཕྱི་རོལ་དུ་དུ་ཕུར་པ་དང་ཆུང་གིས་བསྐོར། མཆོད་པ་ལྔ་དང་དམར་གཏོར་བཤམ། ཐབ་ཁུང་དུ་དུག་ཤིང་དང་། དུར་ཁྲོད་འགལ་དུམ་དང་ཤིང་ཚེར་མ་ཅན་གྱི་ཧོཾ་བརྩིག །ཤིང་སྐམ་པོས་ནང་བརྫང་། ནས་རང་ཉིད་ཡི་དམ་ལྷར་བསྒོམ། ཕྱི་རྒྱུད་སྐྱོང་བ་ལ་དཀར་གཏོར་གཏོང་། གཟུ་དཔང་གསོལ། མདུན་གྱི་ཐབ་བསངས་ལ། སྟོང་པའི་ངང་ལས་རཾ་ལས་མེ་ལྷ་སྐུ་མདོག་དམར་ནག་དྲང་སྲོང་གི་ཆ་བྱད་ཅན། བགྲང་ཕྲེང་དང་། མེ་ཧོཾ་བསྣམས་ནས་རྭ་སྐྱེས་ལ་བཅིབས་པར་བསྐྱེད། མེ་ལྷ་སྤྱན་དྲང་པའི་སྙིང་པོ་ནི། སརྦ་ཧོ་ཁྲི་ན་བ་ག་བ་ཏི། ཨ་གད་ཛ་ཡ། ཨ་གད་ཛ་ཡ། ཤྲཱི་དྲ་སཱ་ཧཱ། ཛཿཧཱུྃ་བཾ་ཧོ༔ ཞེས་པས་ཤར་ལྷོའི་
2-2-222a
མཚམས་ནས་སྤྱན་དྲངས་ནས་བསྟིམ་མོ། །དེ་ནས་དྲག་པོའི་མཆོད་པ་རྣམ་པ་ལྔ་འབུལ་བས། ཨོཾ་སརྦ་དུཥྚན་བག་ཤ་ནི། ཆེ་གེ་མོ་མཱ་ར་ཡ་ཕཊ། ཅེས་ལན་བདུན་ལ། ལིང་ག་གསར་རྙིང་དུམ་རེ་ཁྲག་དང་སྦྲགས་ལ་མེ་ལྷའི་ཞལ་དུ་བདུན་ནམ་ཉེར་གཅིག་འབུལ་ལོ། །དེ་ནས་མེ་ལྷ་མེའི་རང་བཞིན་དུ་གྱུར་པའི་དབུས་སུ། དམ་ཚིག་གི་ལྷ་བསྐྱེད་པ་དང་། སྤྱན་འདྲེན་པ་དང་། ཕྱག་འཚལ་བ་དང་། བཞུགས་སུ་གསོལ་བ་རྣམས་བྱས་ལ། མཆོད་པ་ལྔ་དང་གཏོར་མ་འབུལ་བ་དང་། བསྟོད་པ། བསྐུལ་བ་ཀུན་བྱས་ནས་བོད་རྦད་བསད་གསུམ་གྱི་བཤམ་ལ་སྔགས་འདི་བཏགས་ལ་སྔགས་ཚར་རེ་དང་། ལིང་ག་གསར་རྙིང་རེ་རེ་ཁྲག་དང་བཅས་པ། ལྷ་མོའི་ཞལ་དུ་བརྒྱ་རྩ་བརྒྱད་འབུལ་བས། དགྲ་བོ་རྐང་རྟིང་སྐྱ་ཀེར་ཀེར་སོང་བ་དེ། མེ་འབར་བས་བསྲེག་ཅིང་སུ་རུ་རུ་ཚིག་པར་བསམ་མོ། །ཆེ་གེ་མོ་སརྦ་ཤ་ཏུམ་མཱ་ར་ཡ། ཨུ་ཙུསྨ་ཏ་མཱ་ར་ཡ། བི་ཏ་བག་ཤ་ཡ་ཧཱུྃ་ཕཊ། ཅེས་བརྗོད་ཅིང་། མི་རྟ་ཁྱི་ར་ཕག་གི་ཁྲག་དང་། ཤ་རུས་ཚིལ་ཆེན་འབྲུ་ནག་དུག་གི་རིགས་ཀུན་འབུལ་ལོ། །དེ་ཚར་ནས་ལྷ་མོ་གཤེགས། མེ་ལྷ་སྐད་ཅིག་གིས་བསྐྱེད་ལ། བཏང་རག་གི་ཚུལ་དུ་སྦྱིན་སྲེག་བདུན་འབུལ་བ་དང་། མཆོད་བསྟོད་བྱས་ལ་བཟོད་པར་གསོལ་ཏེ། ཡེ་ཤེས་པ་གཤེགས། དམ་ཚིག་པ་རང་ལ་བསྡུ། ཐལ་བ་མནན་ནོ། །དེ་ནི་བསྲེག་པས་
2-2-222b
མཐའ་བརྟུལ་བའོ། །ཟོར་བྱ་བ་ནི། སྔར་བསྒྲུབ་པའི་དཀྱིལ་འཁོར་དེ་ཉིད་དུ། རབས་ཆད་ཀྱི་ཐོད་པའམ། དེ་མ་རྙེད་ན་ཐོད་པ་མཚན་ངན་གྱི་ནང་། དུག་སྣ་ཚོགས། ཁྲག་སྣ་ཚོགས། སྔར་གྱི་ཐུན་སྣ་ཚོགས་ཀྱི་ལྷག་མ་བླུག་ལ། ལིང་གའི་ཕྱེ་མ་ཚན་ཅིག་ཀྱང་བླུག །དགྲའི་ལིང་ག་བསྒྲུབ་པའི་དུས་ལྟར་བྲིས་པ་ལ། དགུག་གཞུག་ལྷ་དབྱེ་ཡང་སྔར་བཞིན་དུ་བྱས་ནས། སྙིང་ཁའི་ཪྣྲི་ལ་མཚོན་སྐུད་སྔོ་དམར་གྱིས་བཏགས་ཏེ༑ སེང་ལྡེང་གི་ཕུར་པ་ལ་བརྟོད་དོ། །རྟེན་གཏོར་རྒྱུན་གཏོར་ལ་སོགས་པ་བཤམ་བདག་ཡི་དམ་ལྷར་བསྒོམ། མདུན་དུ་དཀྱིལ་འཁོར་དང་། ཐོད་པ་ལས་ལྷ་མོ་གཙོ་འཁོར་བསྒོམ་པ་ནས་བཟུང་སྟེ། ཕྲིན་ལས་ཀྱི་བར་དུ་རྫོགས་པར་བྱས་ལ། དགྲ་བོ་ལ་ཉེས་པ་བསྒོ་བསྒྲག་བྱས་པ་དང་། དགུག་གཞུག་དང་། ཁ་སྦྱོར་དབྱེ་བ་རྣམས་བྱས་ནས། བདག་ཉིད་ལྷ་མོར་བསྒོམ་ལ། ཨོཾ་རག་མོ་ཐང་མུ་ལེ་ཐང་མུ་ལེ་རྦད་རྦད༑ རྩ་ཐང་རྩ་ཐང་རྦད་རྦད། མུཾ་སྣི་མུཾ་སྣི་རྦད་རྦད་ནན། རག་མོ་ནི་རག་མོ་ནི་རྦད་ཁ་ལོ་རྦད་རྦད། དུག་སྣི་དུག་སྣ་རྦད་རྦད། ཀྱི་ཁ་ལོ་ཀྱི་ཁ་ལོ་རྦད་རྦད། ཙ་ཏི་ཙ་ཏི་རྦད་རྦད། ནིར་ཏི་ནིར་ཏི་རྦད་རྦད། མུག་མུག་ཐུམ་ཐུམ་སུག་ཏིས་རྦད། སེ་ཁ་ལོ་སེ་ཁ་ལོ་རྦད་རྦད། མུ་ཁ་ལོ་རྦད། མྱོགས་མྱོགས་རྦད། ཆེ་གེ་མོ་ལིང་རྦད། མཱ་ར་ཡ་རྦད་རྦད། ས་མ་ཡ་ཛ་ཛ། ཞེས་པ་གོང་གི་བོད་རྦད་བསད་པ་ཐུན་སྤྱི་ལ་
2-2-223a
༄༅། །བཏགས་ནས་བཟླས་ཤིང་། ཡུངས་ནག་ལ་སོགས་པའི་ཐུན་རྫས་ལ་དམིགས་ཏེ་ཐུན་བྲབ་པའི་ཏིང་ངེ་འཛིན་དང་། བསད་པའི་དམིགས་པ་བྱས་ལ། བྷན་དྷའི་ནང་དུ་འཕང་། ལིང་ག་ལ་བརྡེག་གོ ༑དེ་ནས་ཐུན་ཁོལ་བའམ། རླངས་པ་བྱུང་ན། བུད་མེད་ཀྱི་ཚོགས་དང་། དམག་ཆས་པ་དང་། སེམས་ཅན་བསད་ཅིང་ཤ་ཁྲག་གློ་སྙིང་འོང་བ་ལ་སོགས་ཏེ། རྟགས་གང་ཡང་རུང་བའི་བཟང་པོ་བྱུང་བ་དང་། འཕང་པའི་སྔགས་འདི་ཡང་སྦྲེལ་ལ་བཟླའོ། །ཛ་ཛ་རེ་མ་ཏི། པ་ཤ་ཙ་པ་ལ་ཛ་ཛ། ནག་མོ་དགྲ་བོའི་སྙིང་ལ་ཐུམ་རིལ་རྦད། ནག་མོ་དགྲ་བོའི་སྲོག་ཐུ་རིལ་རྦད། ནག་མོ་དགྲ་བོའི་རྩ་ལ་བཾ་རིལ་རྦད། ནག་མོ་དགྲ་བོའི་དབུགས་ལ་བི་རིལ་རྦད། པ་ཤ་ཛ་པ་ལ། ཆེ་གེ་མོ་མཱ་ར་ཡ་ཐུཾ་རིལ་རྦད། དགྲ་བོ་ལ་བྷྱོ་བྷྱོ་བྷྱོ། ཞེས་ཞག་གསུམ་དུ་ཐུན་བརྡེག་ལ། དེ་ནས་ཕུར་པ་གདབ། གྲིས་གཏུབས་ཏེ། བསད་ལས་རྫོགས་པར་བྱས་ལ། ལིང་གའི་ཕྱེ་མ་དང་། ཐུན་གྱི་ལྷག་མ་ཐོད་ཟོར་དུ་བླུག ཁ་ལ་ཅས་བཅད། རེ་བས་དྲིལ། མཚོན་སྐུད་ཀྱིས་བཅིངས་ལ། དགྲ་ཕྱོགས་སུ་གཟའ་རྒྱུ་བའི་དུས་སུ་མ་མོ་བསྐུལ། ཟོར་ལས་བྱ། གསེར་སྐྱེམས་གཏོང་ལ་ཟོར་ལམ་ཕྱེ་སྟེ། ཐོད་པ་རྫས་དང་བཅས་པ་དགྲ་ཉེ་ན་ཁོའི་ཁང་ཁྱིམ། རིང་བ་ཡུལ་ཕྱོགས་སུ་འཕང་། ཐལ་བ་ཆ་གཅིག་ཀྱང་ཕྱར། མ་མོའི་ཟོར་བསྐུལ་ཡང་བྱའོ། །གོས་བརྡབ། ལྷ་འདྲེ་
2-2-223b
འབོད༑ བཞེས་དང་དམོད་བཅོལ་དྲག་པོ་བྱའོ། །དེ་ནི་ཟོར་གྱི་ལས་ཀྱི་མཐའ་བརྡུལ་བའོ། །མནན་པ་ནི། དུར་ཁྲོད་ཀྱི་དབུས་སམ། ལམ་རྒྱ་གྲམ་མམ། གྲོག་པོ་ཕུགས་རྡུགས་སམ། ལྷ་ཁང་ཐེམ་པའི་འོག་གམ་༑ མཆོད་རྟེན་ཆེན་པོའི་ཞབས་སམ། ཟམ་པ་ཆེན་པོའོ་སྡུར་གྱི་འོག་གམ། ཡང་ན་ཀླུ་གནས་པའི་སར། སྔར་གྱི་ཟོར་ཐོད་དེ། ཞིང་ལྤགས་ལ་ཆེ་གེ་མོའི་ལིང་ག་མིང་རུས་བྲིས་པ་དེ་ལ། དགུག་གཞུག་ལ་སོགས་པ་བྱས་ནས། ཡུག་པའི་སྒྲས་བཅིང་། དང་པོ་གྲུ་གསུམ་ངོས་རེ་ལ་མཐོ་རེ་ཡོད་པ་བྲུས་ནས། དེའི་ནང་དུ་བཅུག་ནས་ཐལ་བ་ཆ་གཅིག་ཡང་བླུག་པའི་ཁ་རོ་གཡམ་ལ། རྡོ་རྗེ་རྒྱ་གྲམ་བྲིས་པས་བཅད་པའི་ཐ་མར། ཨོཾ་ཧྲི་ཀ་ཧྲི་ཏ་ནན། མཱ་ར་སུཾ་ཏྲི་ནན། བྲིས་ལ་བརྗོད་ཅིང་མནན་པས། ལས་ཀྱི་གཤིན་རྗེ་དང་། ཀླུ་མོ་རེ་མ་ཏི་ཁ་གདངས་པའི་ཁར་བཅུག་ནས། ལྟོ་བར་ཆུད་པའི་སྟེང་དུ། འབྱུང་བ་རིམ་བརྩེགས་རྒྱ་གྲམ་རི་རབ་གླིང་བཞི་དང་བཅས་པས་མནན་ནས། དཔལ་ལྷ་མོའི་ཕོ་བྲང་བཏབ་པར་བསམ་ཞིང་། ཡི་དམ་ལྷའི་ང་རྒྱལ་གྱིས་བྲོ་བརྡུང་ངོ་། །ཐལ་བ་ཆ་གཅིག་གཏོར་མ་དང་སྦྲགས་ལ་ཆུ་བོའི་གཞུང་དུ་སྐུར་༑དེ་ནི་མནན་པ་ལས་ཀྱི་མཐའ་བརྟུལ་བའོ། །དེ་ནས་རྒྱུན་དུ་ཡང་སྦོད་གཏོང་བྱ་ཞིང་། ལས་མ་གྲུབ་ན་སྤོགས་པ་ལ་བསྒྲུབ་པོ། །དགྲ་ལ་ཕྱི་རྟགས་ཐོན་ནས། སྲུང་མ་ལ་བཏང་རག་གི་མཆོད་པ་དང་། 
2-2-224a
༄༅། །བསྐང་བཤགས་བྱ་བ་དང་། རང་གིས་སྡིག་པ་བཤགས་པ་དང་། ཕྲོལ་པོ་དེའི་དོན་དུ་བསྔོས་ནས། ཀློག་འདོན་ལ་སོགས་ཏེ་དགེ་བའི་ལས་ཅི་འགྲུབ་པ་རྒྱས་པར་བྱ་གསུང་ངོ་། །དཔལ་ལྷ་མོའི་སྲོག་སྒྲུབ་ཀྱི་ལས་སྦྱོར། བླ་མའི་ཞལ་གདམས། ཉམས་ལེན་དམར་ཁྲིད་དུ་ཡིག་གེར་བཀོད་པའོ། །ཤིན་ཏུ་གསང་ཞིང་སྦ་བར་བྱའོ། །སྲོག་བདག་རྒྱལ་མོ་མི་ཟད་དམ་པ་ཡི། །ཉམས་པ་རྩད་གཅོད་སྤུ་གྲིའི་སོ་འདྲ་སྟེ། །བསྟན་པ་བསྲུང་ཕྱིར་ལས་སྦྱོར་གསལ་བྱེད་འདིས། །དུག་ལྔ་རྒྱས་པའི་བསྟན་དགྲའི་བདུད་དུ་ཤོག། །། ༄༅། །དཔལ་ལྷ་མོ་རང་བྱུང་གི་རྒྱལ་མོའི་བྱིན་རླབས་ཀྱི་ཊཱིཀྐ་བཞུགས་སོ། །མ་མོའི་དམ་ཚིག་བསྲུང་བ་ནི། ཉ་དང་གནམ་སྟོང་ལ་ཡུགས་སའི་ཟས་མི་ཟ་ཟོས་ན་སེང་གེའི་ཁས་མཆོད། ཤིན་ཏུ་གསང་ངོ་། །ཕུ་ནུ་དང་མཁོན་ན་ཟ་འོག་བསགས་པའི་དུ་བས་ཕྱེ། ཞང་ལྷ་མཁོན་ན་དོར་མང་བསག་པའི་དུ་བས་ཕྱེ། ལེའུ་དང་མཁོན་ན་ནས་བསགས་པའི་དུ་བས་ཕྱེ། གཟུགས་ཀྱི་ཁ་རུ་མིང་བྲི། སྙིང་ཁར་རུས། འདོམས་སུ་ཕཊ། ཐ་མ་བྱོས་བསྐོར། མ་མོ་དྲོད་ཚད་རྣོ་སྤྱིལ་གཅེས། །མན་ངག་ཉི་ཤུ་རྩ་བཞི་ལ། །ཕྱག་རྒྱ་བཞི་ལ་རླུང་དང་། མེ་དང་། ཐོད་རློན་དང་། ཐོད་སྐམ་དང་། མེ་རླུང་གི་ཕྱག་རྒྱས་མཁའ་འགྲོ་མ་བསྒོམ། དམ་ཚིག་ཕྱག་རྒྱས་དབང་དུ་བསྡུ། ཁྱུང་གཤོག་གི་
2-2-224b
ཕྱག་རྒྱས་ཟིལ་གྱིས་མནན། རྟ་མགྲིན་གྱི་ཕྱག་རྒྱས་དབང་དུ་བསྡུས། དཔལ་ཆེན་གྱི་ཕྱག་རྒྱས་གནད་ལ་དབབ། མཚན་མ་བཞི། བོང་བུ་རལ་གྲི་འཚུབ་མ་བཏང་། མ་མོ་རྨིས་ན་དངོས་གྲུབ་བླངས་ལྟས་བཞི། མར་ལྟ་བ་དང་། སྲིང་མོར་ལྟ་བ་དང་། ཆུང་མར་ལྟ་བ་དང་། བྲན་མོར་ལྟ་བ་བཞིའོ། །བསྙེན་པ་བཞི། མར་ལྟ་ན་བཟླས་པ་ཕྲེང་བ་བཅུས་པ་དྲང་བ་དང་། སྲིང་མོ་ལ་ཐུགས་ཀར་བསྐོར། ཆུང་མ་ལ་གསང་གནས་སུའོ། །བྲན་མོ་ལ་བདག་གིས་བཟླས་པ་དང་། དམ་རྫས་བཞི། བྱ་ནག་སྙིང་། པཉྩ་ཨ་མྲྀ་ཏ། ན་ཆུང་མཚལ་དང་༑ མི་དབང་ཤ་དང་། ཤིང་ལོ། འཆིཀའི་མཚལ་ཏིག །ལོག་པ་དང་། སྡུག་པ་དང་། འཁྱམ་པ་དང་། འཁྲུག་པ་དང་། ཁ་རོག་འདུག་ལོག་པ་ཡིན། སྤྱི་བོར་ཁྲོ་བོ་བསྐྱེད། རྒྱབ་སྟོན་ན་སྡུག་པ་ཡིན་པས་མ་ལ་བཅོལ་ལོ། །ཡེ་མི་འཁོར་ན་འཁྱམས་པ་ཡིན། མཚང་འབྲུ། ཤེར་བྱེད། མི་སྡུག་པ་སྟོན་ན་འཁྲུགས་པ་ཡིན་པས་མདོས་དང་བསྐང་བཤགས་བྱའོ། །ཁྱད་པར་གྱི་རྫས་བཞི་ལ། བདག་རྟ་ནག་སྙིང་ལ་མི་གནོད་པའི་རྫས། བུད་མེད་ཁྱི་དཀར་སྣ་དམར་གྱི་སྙིང་སྲོག་རྩ་དང་བཅས་པ་ལ་མི་གནོད་པའི་དམ་རྫས། བུ་ཚ་ལུག་ནག་མོའི་སྙིང་སྲོག་རྩ་དང་བཅས་པ་ལ་མི་གནོད་པའི་དམ་རྫས། དམ་རྫས་མེད་དུ་མི་རུང་བ་ནི། རྣལ་འབྱོར་པ་མི་དབང་ཤ་ཚེ་རིང་བའི་དམ་རྫས། འཁོར་ལ་རྨ་བྱའི་རྒྱན་མི་གནོད་པའི་དམ་རྫས། རྟགས་དང་མཚན་མ་མི་སྟོན་ཁ་མེད་བྱི་ལ་ག་པའི་སྙིང་དང་དམ་རྫས་པའི་དམ་རྫས། དགྲ་ལ་རྟགས་མི་འོང་ཁ་བཀའ་ལོག་སྙིང་དང་སྲོག་རྩ་མེད་པའི་དམ་རྫས་འདི་བཞི་མེད་ཀ་མེད། དམ་རྫས་ཕུན་སུམ་ཚོགས་བྱས་ནས། 
2-2-225a
༄༅། །མི་དབང་འབྲས་བུ་སྙིམ་པ་དང་། །ཙིཏྟ་རྩ་ལག་བཅས་པ་དང་། །འཆི་ཁའི་མཚལ་ཏིག །ཤིང་ལོ་རླུང་ཁྱེར་དང་བཞིའོ། །དེ་ལ་མི་དབང་སྙིམ་པ་ནི་མ་ཆེན་མོའི་རྟེན་རྫས་སོ། །ཙིཏྟ་རྩ་ལག་མ་ཉམས་པ་ནི་དཔལ་ཆེན་པོ་ལ་སོགས་པའི་འཁོར་བསམ་གྱིས་མི་ཁྱབ་པའི་དམ་རྫས་སོ། །འཆི་ཁའི་མཚལ་ཏིག་ནི་བསྒྲུབ་པ་པོའི་དཔྲལ་བའི་དབྱིངས་སུ་བཀུའོ། །ཤིང་ལོ་རླུང་ཁྱེར་ས་ལ་མ་རེག་པ་ལ་དགྲའི་མིང་བྲིས་ལ་མཚན་མོ་ལ་འབོད་ཅིང་དབང་དུ་བསྡུ། རྫས་དང་ལག་ཆ་ལྡན་པའི་ཕྲིན་ལས་བཅོལ། གཉིས་མེད་ཡེ་ཤེས་ལྡན་པའི་འཇིག་རྟེན་མ་མོ་དབང་དུ་བསྡུ། དམ་ཚིག་སྡོམ་ལ་གནས་པ་ཡི། །བསྒྲུབ་པའི་མཁའ་འགྲོ་དབང་དུ་བསྡུ། །རྫས་དང་ཆ་ལག་ལྡན་པ་ཡི། །འཇིག་རྟེན་མ་མོ་དབང་དུ་བསྡུ། །གསང་ཚིག་གསུམ་ལ་འཁྲུག་པའི་ཐབས་དང་བཟློག་ཐབས་སོ། །ད་ནི་རྟེན་བཅའ་བ་ནི། མི་དབང་འབྲས་བུའི་གླུད་བུ་བཤུས་ལ། དེའི་ནང་དུ་དར་ཟབ་དང་། བལ་ཚོན་དང་། རྫས་ཀྱིས་བརྫང་ལ་སྙིང་པོ་ལ་སོགས་པའི་དམ་རྫས་སྣ་ཚོགས་བཟའ། རྨ་བྱའི་སྒྲོ་ཐོར་གཙུག །སྙིང་སྣ་ཚོགས་ཀྱི་ཕྲེང་བ་ཤར་ཤར་བཏག གཞན་ཡང་དམ་རྫས་སྣ་ཚོགས་བཀོད། གནས་དབེན་པར་དེ་ལྟར་བགྱིའོ། །དེ་ལ་མན་ངག་ཉི་ཤུ་རྩ་བཞི་པ་ལ། ཕྱག་རྒྱ་བཞི། མཚན་མ་བཞི། ལྟ་སྟངས་བཞི། དམ་རྫས་བཞི། ལོག་པ་དང་། རྡུགས་པ་དང་། 
2-2-225b
འཁྱམས་པ་དང་། འཁྲུག་པ་དང་། དེ་ལ་ཕྱག་རྒྱ་བཞི་བསྟན། རླུང་དང་མེ་དང་ཐོད་རློན་དང་། མེ་རླུང་གི་ཕྱག་རྒྱས་ནི་མཁའ་འགྲོ་མ་བསྐྱེད། དམ་ཚིག་གི་ཕྱག་རྒྱས་དབང་དུ་བསྡུ། ཐོད་སྐམ་ཕྱག་རྒྱས་དབང་བསྐུར༑ ཁྱུང་གཤོག་ཕྱག་རྒྱས་ཟིལ་གྱིས་མནན། རྟ་མགྲིན་ཕྱག་རྒྱས་དབང་དུ་བསྡུ། དབང་ཆེན་གྱི་ཕྱག་རྒྱས་དམ་ལ་བཏག །དཔལ་ཆེན་ཕྱག་རྒྱས་གནད་ལ་བོར། མཚན་མ་བཞི་བསྟན། བོང་བུ་རྨིས་ན་ནོར་གྱི་དངོས་གྲུབ་བླང་། རལ་གྲི་རྨིས་ན་ཕྲིན་ལས་དངོས་གྲུབ་བླང་། འཚུབ་མ་རྨིས་ན་ཁམས་གསུམ་དབང་བསྡུད་དངོས་གྲུབ་བླང་། མ་མོ་རྨིས་ན་ཕྲིན་ལས་ཀུན་འགྲུབ་པོ། །ལྟ་སྟངས་བཞི་བསྟན་པ། མ་ལྟར་ལྟ་བ་དང་། སྲིང་མོ་ལྟར། ཆུང་མར་ལྟ་བ་དང་། བྲན་མོར་ལྟ་བ་དང་བཞིའོ། །བསྙེན་པ་བཞི་བསྟན་པ། མ་ལྟར་ན་བཟླས་པ་ཕྲེང་བ་བཅུས་པ་འདྲ། སྲིང་མོར་ལྟ་ན་ཐུགས་ཀར་བསྐོར། ཆུང་མ་ལ་ནི་ཞལ་ནས་གསང་གནས་སོ། །བྲན་མོར་བདག་གི་བཟླས་པ་གྲང་། རྫས་བཞི་བསྟན་པ་། བུད་མེད་མི་གནོད་དམ་རྫས་བྱ་ནག་སྙིང་། མ་མོ་ནོར་ལ་མི་གནོད་པའི་དམ་རྫས་བྱ་ནག་སྙིང་། དཔལ་ཆེན་མོའི་དམ་རྫས་ཨ་མྲྀ་ཏ༑ མཐུན་པའི་དམ་རྫས་ན་ཆུང་མཚལ། མི་དབང་ཤིང་ལོ་མཚལ་ཏིག་མ་མོ་འཁོར་དང་མཐུན། ལོག་པ་བསྟན། ཁ་རོག་འདུག་ན་ལོག་པ་ཡིན། སྤྱི་བོར་ཁྲོ་བོ་བསྐྱེད། རྡུགས་པ་བསྟན། རྒྱབ་སྟོན་ན་རྡུགས་
2-2-226a
༄༅། པ་ཡིན་པས་ཕྲིན་ལས་བཅོལ། དྲག་ཏུ་བསྐུལ། ལས་བཅོལ། འཁྱམས་པ་བསྟན། ཡེ་མི་འཁོར་ན་འཁྱམས་པ་ཡིན་པས། མཚང་འབྲུ་ཤིན་སྐྱེ་རྒྱུད་ཤེར། འཁྲུག་པ་བསྟན། མི་སྡུག་པ་བསྟན་ན་འཁྲུག་པ་ཡིན། མདོས་དང་བསྐང་བཤགས་བྱའོ། །ཨྠྀི།། ༈ །།
༄། །དཔལ་ལྷ་མོའི་སྒོ་ནས་སྐུ་གསུང་ཐུགས་ཡོན་ཏན་ཕྲིན་ལས་ལྔའི་ལུང་དང་རྗེས་སུ་གནང་བར་བྱེད་པ།
ན་མོ་རཏྣ་གུ་རུ། དཔལ་ལྷ་མོའི་སྒོ་ནས་སྐུ་གསུང་ཐུགས་ཡོན་ཏན་ཕྲིན་ལས་ལྔའི་ལུང་དང་རྗེས་སུ་གནང་བར་བྱེད་པར་འདོད་པས། གནས་ཡིད་དུ་འོང་བར། ག་དར་དང་ཆག་ཆག་ལ་སོགས་པ་ལེགས་པར་བྱས་ལ། བླ་མ་དཀོན་མཆོག་གི་མཎྜལ་ཚོམ་བུ་དགུ་པ་ལ་སོགས་པ་ལེགས་པར་བྱས་ལ། དཀོན་མཆོག་སྤྱིའི་མཆོད་པ་ལེགས་པར་བསག་གཞན་ཡང་སྨན་རག་གཏོར་གསུམ་གྱི་བྱེ་བྲག་ལ་སོགས་པ་སྤྱི་ལྟར་བཤམ། ཚོགས་ཀྱི་ཡོ་བྱད་འབྱོར་ཚད་དང་། ཡི་དམ་ཆོས་སྐྱོང་གི་གཏོར་མ་རྒྱས་པ་བཤམ། ཁྱད་པར་དུ་རྗེས་གནང་སྦྱིན་པའི་གཏོར་མ་ཁྲུ་གང་བ་གཅིག་ལ་ཤ་མར་ལ་སོགས་པའི་ཁ་ཟས་སྣ་ཚོགས་ཀྱིས་བརྒྱན་ནོ། །གཉིས་པ་ཆོ་ག་ལ་འཇུག་པ་ནི། སྨན་རག་གཏོར་གསུམ་བྱིན་རླབས་པ་དང་། ཚོགས་དང་པཱུ་ཙའི་རིམ་པ་རྣམས་རྙིང་མའི་སྤྱི་ལྟར་ཤེས་པར་བྱའོ། ཁོ་བོའི་བླ་མ་ནི་རྙིང་མ་མ་ཤེས་ཀྱང་འགལ་བ་མེད། ཕག་མོའི་སྐབས་སུ་བྱེད་པ་ཁོ་ན་རིན་པོ་ཆེའི་བཞེད་པ་ཡིན་གསུང་། དེ་ནས་སྐབས་འདིར་རྗེས་གནང་དོན་དུ་གཉེར་བའི་སློབ་མ་ཕྱག་
2-2-226b
བྱེད་དུ་བཅུག་ལ། འོ་ཅག་དཔལ་ལྡན་རང་བྱུང་རྒྱལ་མོའི་སྒོ་ནས་གཏོར་མ་ལ་བརྟེན་ནས་སྐུ་གསུང་ཐུགས་བྱིན་གྱིས་རླབས་པ་དང་། སྔགས་ཀྱི་རྗེས་གནང་བྱེད་པ་ཡིན་པས། འདི་ལྟར་དུ་སེམས་བསྐྱེད་མཛད་འཚལ༑ སྤྱིར་སངས་རྒྱས་ཀྱི་བསྟན་པ་རིན་པོ་ཆེ་བསྲུང་བ་དང་། ཁྱད་པར་དུ་བདག་གི་བྱང་ཆུབ་ལམ་གྱི་བར་ཆད་ཞི་བ་དང་། ཆོས་སྐྱོང་དཔལ་ལྡན་མ་དང་མི་འབྲལ་བར་བྱ་བའི་ཕྱིར། བདག་གིས་དཔལ་ལྡན་ལྷ་མོ་རང་བྱུང་གི་རྒྱལ་མོའི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་བྱིན་རླབས་དང་དངོས་གྲུབ་ཐམས་ཅད་ཐོབ་པར་བྱ་ཨང་སྙམ་དུ་སེམས་བསྐྱེད་མཛོད། སློབ་མ་ལས་དང་པོ་པ་ཡིན་ན། སྐྱབས་འགྲོ་སེམས་བསྐྱེད་ཡང་བྱའོ། །དེ་ནས་སློབ་དཔོན་བདག་ཉིད་གཤིན་རྗེ་གཤེད་ཀྱི་བསྐྱེད་རིམ་གཞུང་བཞིན་བསྒོམ་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་བསམ་ལ། དེ་ནས་སློབ་མ་རྣམས་ལ། ཁྱེད་རང་རྣམས་སྐད་ཅིག་གིས་སྟོང་པར་བསྒོམ། དེའི་ངང་ལས་བཅོམ་ལྡན་འདས་གཤིན་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ་སྐུ་ལ་དུར་ཁྲོད་ཀྱི་ཆས་ཀྱིས་བརྒྱན་པ། ཕྱག་གཡས་པས་བེ་ཅོན་བསྣམས་པ༑ གཡོན་པས་སྡིགས་མཛུབ་མཛད་པ། སྣ་ཚོགས་པདྨ་དང་ཉི་མ་ལ་ཞབས་འདོར་ཐབས་སུ་བཞུགས་པ་གཅིག་བསྒོམ། དེའི་སྤྱི་བོར་ཨོཾ་ལ་ཟླ་བའི་སྟེང་དུ་ཨོཾ་དཀར་པོ། མགྲིན་པར་པད་མ་ལ་ཨཱཿདམར་པོ། 
2-2-227a
༄༅། །སྙིང་གར་རཾ་ལ་ཉི་མ་ལ་ཧཱུཾ་མཐིང་ཀ །དེ་རྣམས་ཀྱི་མཐའ་མར། ཨོཾ་ཨ་ཀྲོ་ཏི་ཀ་ཡ་མནྟ་ཀ་ཧཱུྃ། ཞེས་པ་གཡས་བསྐོར་དུ་འཁོར་བར་སེམས་ཅིག །ང་དེ་ལྟ་བུ་ཡིན་པའི་སྤྱི་བོའི་ཨོཾ་ལས་འོད་ཟེར་བྱུང་༑ ཁྱོད་རང་གི་ཨོཾ་ལ་ཐིམ་ལུས་ཀྱི་སྒྲིབ་པ་དག ། དེ་བཞིན་གཤེགས་པ་ཐམས་ཅད་ཀྱི་སྐུའི་བྱིན་རླབས་ཐོབ་པར་སོམས་ཅིག །དེ་བཞིན་དུ་མགྲིན་པའི་ཨ་ལས་འོད་ཟེར་བྱུང་། རང་ཉིད་ཀྱི་མགྲིན་པའི་ཨ་ལ་ཐིམ། ངག་གི་སྒྲིབ་པ་དག་གསུང་གི་དངོས་གྲུབ་ཐོབ་པར་སོམས་ཅིག །ཡང་ཐུགས་ཀའི་ཧཱུྃ་ལས་འོད་ཟེར་བྱུང་། ཧཱུྃ་ལ་ཐིམ་སེམས་ཀྱི་སྒྲིབ་པ་དག །ཐུགས་ཀྱི་དངོས་གྲུབ་ཐོབ་པར་སོམས་ཅིག །ཅེས་བརྗོད་ལ་ཡིག་གེ་བཅུ་པའི་རྗེས་ཟློས་ཉེར་གཅིག་ལ་སོགས་པ་བྱེད་དུ་བཅོལ། དེའི་ཚེ་དཔོན་སློབ་གཉིས་ཀས་སློབ་མའི་ལུས་ཀྱི་ནང་ཐམས་ཅད་ཡིག་གེ་བཅུ་པས་གང་བར་བསྒོམ་མོ། །སློབ་དཔོན་གྱི་ཕྲེང་བ་ནས་སློབ་མས་བཟུང་ལ་བྱའོ། །འདིའི་ཕྱིའི་རྗེས་གནང་ཡབ་ལ་བརྟེན་པ་སྟེ། འདིའི་གཞུང་དང་མན་ངག་ཀུན་ལ་སྔགས་པའི་ལྷ་སྟེ། ཡི་དམ་གཤིན་རྗེ་གཤེད་ཡིན་པས་སོ། །དེ་ཅིའི་ཕྱིར་ཞེ་ན། ལྷ་མོ་རེ་མ་ཏི་བྱ་བ་སྦྱོར་ཡུམ་རོ་ལངས་བེ་ཏ་ལི་དང་ཐ་དད་མེད་པ་དེ། གཤིན་རྗེ་གཤེད་ཀྱི་རྒྱུད་དང་ལྷ་མོའི་རྒྱུད་ཐ་དད་ཀྱིས་ཟིན་ནས་ཡོད་པའི་ཕྱིར། འདི་ལ་དགོས་པ་ཅི་ཡོད་ན། བཀྲ་ཤིས་ཤིང་དངོས་གྲུབ་མྱུར་བའི་དགོས་པ་
2-2-227b
ཡོད༑ དེས་ན་ཡབ་ཀྱི་རྗེས་གནང་འདི་གལ་ཆེའོ། །རྗེས་སུ་གནང་བའི་རིམ་པ་ཀུན་ཐོབ་ནས། དམ་ཚིག་བསྲུང་ཞིང་གསོལ་བ་བཏབ་ན། བསྙེན་བསྒྲུབ་མ་བྱས་ཀྱང་བར་ཆད་སེལ་བ་དང་། མཐུན་རྐྱེན་བསྒྲུབ་པར་འོང་གསུང་། མ་བྱས་ཀྱང་མི་ལྟོ་བ་རྣམས་ལ་ནི་གཏོར་མ་དང་དཔེ་མགོ་ཐོག་ཏུ་བཞག་ནས་སྨོན་ལམ་བཏབ་པས་ཆོག་གསུངས།། ༈ །།
༄། །ཡུམ་ལ་བརྟེན་ནས་ནང་གི་རྗེས་གནང་།
བླ་མ་དམ་པ་རྣམས་ལ་ཕྱག་འཚལ་ལོ། །ཡུམ་ལ་བརྟེན་ནས་ནང་གི་རྗེས་གནང་བྱེད་པར་འདོད་པས། ཤཱཀྱ་སེང་གེའི་བསྟན་པ་ལ། །བྱང་ཆུབ་མཆོག་ཏུ་སེམས་བསྐྱེད་ནས། །སངས་རྒྱས་བསྟན་པ་བསྲུང་བའི་ཕྱིར། །དཔལ་ལྡན་ལྷ་མོ་ནག་མོ་ཡི། །སྐུ་གསུང་ཐུགས་ཀྱི་དངོས་གྲུབ་དང་། །དབང་དང་ཕྲིན་ལས་བསྩལ་དུ་གསོལ། །ཅེས་ལན་གསུམ་བརྗོད་ལ། སྐབས་འདིར་སློབ་མ་ལ་དམིགས་པ་སྤྱོད་པ་ནི། གོང་གི་རྗེས་གནང་བྱིན་པའི་གཏོར་མ་དེ་དང་ཐ་མི་དད་པར། དཔལ་ལྷ་མོའི་བསྐྱེད་རིམ་གཞུང་ལྟར་སྤྲོད། རང་ཡང་དེ་ལྟ་བུར་བསྒོམ་ལ་སྤྱན་དྲང་བ་དང་། ཕྱག་འཚལ་བ་དང་། བཞུགས་སུ་གསོལ་བ་དང་། མཆོད་པ་འབུལ་བ་དང་། ཐུགས་དམ་བསྐང་བ་དང་། བསྟོད་བསྐུལ་ཅི་རིགས་སུ་བྱས་ལ། སྐབས་འདིར་བདུད་རྩི་སྦྲེང་ཞིང་མདུན་གྱི་གཏོར་མ་འདི་དང་ཐ་དད་མེད་པར། བསྐྱེད་རིམ་གཞུང་ལྟར་སྤོད། དེ་ནས་གཏོར་མ་དེ་སློབ་མའི་མགོ་ཐོག་ཏུ་བཞག་ལ། དཔལ་ལྷ་མོ་མཚོ་ལ་ཁ་
2-2-228a
༄༅། །བ་བབ་པ་ལྟར་ཁྱོད་རང་ལ་ཐིམ་པར་བསྒོམས་ཅིག་བྱས་ལ་སྤྱན་དྲང་བའི་ཚིགས་བཅད་དང་། བསྐལ་པ་མེ་ལྟར་འབར་བའི་དུར་ཁྲོད་ནས། །ཞེས་པ་བརྗོད་པས་ལྷ་མོ་དཔག་ཏུ་མེད་པ་ཐིམ་པར་བསམ༑ ལྷ་ཆ་དང་རོལ་མོ་དཀྲོལ་ཞིང་ཚིལ་ཆེན་གྱི་དུད་པ་བཏང་ངོ་། །རྐང་ཆེན་གྱི་དུང་འབུད། ཡང་གཏོར་མ་དེ་མགྲིན་པར་བཟུང་ལ། གཏོར་མ་འདི་དང་ཐ་དད་མེད་པར་དཔལ་ལྷ་མོ་དཔག་ཏུ་མེད་པས་སྔགས་ཀྱི་རང་སྒྲ་དང་བཅས་པས། ཁྱེད་རང་གི་མགྲིན་པའི་ཨ་ལ་ཐིམ། ངག་སྔགས་ཀྱི་སྒྲར་བྱིན་གྱིས་རླབས་པོ། ཡང་སློབ་མས་ཕྲེང་བ་ནས་བཟུང་ལ། སྔགས་ཀྱི་རྗེས་ཟློས་བདུན་ལ་སོགས་པ་བྱའོ། །ཡང་རོལ་མོ་དཀྲོལ། སྙིང་པོ་ཅི་རིགས་པར་བགྲང་། ཡང་གཏོར་མ་སྙིང་གར་བཟུང་ལ། གཏོར་མ་འདི་དང་ཐ་དད་མེད་པར། དཔལ་ལྷ་མོའི་ཐུགས་ཀར། སྣ་ཚོགས་པད་ཉི་ལ་མ་སྔོ་སྐྱ་གཅིག་བསྒོམ། མ་ལ་འོད་ཟེར་སྣ་ཚོགས་པ་བྱུང་པས། ཁྱོད་རང་གི་སྙིང་གའི་ཧཱུྃ་ལ་ཐིམ་པར་བསྒོམས་ཅིག་ཅེས་སྤྱོད་ལ། ཡང་དཔལ་ལྷ་མོ་དཔག་ཏུ་མེད་པ་ཐིམ་པར་བསམ། དེའི་རྗེས་ལ་ལྷ་མོ་རང་ཐུགས་ཀའི་མ་ལ་ཐིམ། མ་རང་གི་ཐུགས་ཀའི་ཧཱུྃ་ལ་བསྡུད་པ་ཡིན། ཞེས་སྐབས་འདིར་དེ་ཙམ་ལས་མི་བྱེད་ན། དཔེ་ལུང་བཀའ་རྒྱས་གདབ་གསུང་།། ༈ །།
༄། །དཔལ་ལྡན་རང་བྱུང་རྒྱལ་མོའི་བྱིན་རླབས་ཀྱི་ཆོ་ག
ཨོཾ་སྭཱ་སྟི། གསང་བ་ངོ་སྤྲོད་དང་། གཏོར་མ་ལ་བརྟེན་ཏེ་ཕྲིན་ལས་བཞིའི་རྗེས་
2-2-228b
གནང་བྱེད་པར་འདོད་ན། གོང་གི་གཉིས་པོ་སོང་བའི་རྗེས་སུ། སློབ་དཔོན་གྱིས་བདུད་རྩི་བྱིན་གྱིས་རླབས་པ་རྗེས་གནང་གི་གཏོར་མར་སྦྲེང་། དེས་དཔལ་ལྷ་མོའི་ཐུགས་དམ་བསྐོང་བར་བསམ། ཕྲིན་ལས་རྒྱས་པར་བྱ། སློབ་མ་དམ་པ་ཡིན་ན་ལྷ་མོའི་ཤེས་པ་ཐུགས་ཀར་བསྟིམ། དེ་ཙམ་མིན་ན་རང་གི་ཐུགས་ཀར་བསྡུའོ། །གཏོར་མའི་སྟོད་ཀྱི་སུམ་ཆ་ཙམ་གཙང་སར་བསྐྱལ་ལོ། །ལྷག་མ་དེ་དངོས་གྲུབ་ཀྱི་ཚུལ་དུ་སློབ་མ་རྣམས་ལ་སྟེར་རོ། །འདི་ལྷ་མོའི་སིདྡྷི་བླང་བར་བྱ་བ་ཡིན་པས། དཔལ་ལྷ་མོའི་སྐུ་གསུང་ཐུགས་ཡོན་ཡན་ཕྲིན་ལས་ལྔའི་དངོས་གྲུབ་ཁྱེད་རང་གིས་ཐོབ་པར་སོམས་ལ་རོལ་ཅིག་བྱའོ། །དེའི་རྗེས་ལ་ལྷ་མོའི་བསྙེན་བསྒྲུབ་ལས་གསུམ་གྱི་དཔེ་ཐམས་ཅད་སློབ་མའི་མགོ་ཐོག་ཏུ་བཞག་ལ། སྨོན་ལམ་གདབ་པ་ནི། ད་ཕྱིན་ཆད་ཡི་དམ་གཤིན་རྗེ་གཤེད་དང་། ཆོས་སྐྱོང་དཔལ་ལྡན་ལྷ་མོ་ལྕམ་དྲལ་འཁོར་བཅས་དང་མ་བྲལ་བར་བསྒོམས་ཅིག ། བསྒྲུབས་ཅིག །དངོས་གྲུབ་ཐོབ་པར་གྱིས་ཅིག །སངས་རྒྱས་ཀྱི་བསྟན་པ་བསྲུངས་ཅིག །གཞན་ཡང་དཔལ་ལྷ་མོ་རང་བྱུང་གི་རྒྱལ་མོ་འཁོར་མ་མོ་འབུམ་སྡེ་དང་བཅས་པ་རྣམས་ཀྱིས། དཔལ་ཆེན་པོའི་སྤྱན་སྔར་ཁས་བླངས་ཤིང་དམ་བཅས་པ་བཞིན་དུ། ཆེ་གེ་མོ་འདི་ཡི་བྱིན་པའི་ཟས་ཟོ། བཅོལ་བའི་ལས་ཀྱིས། དུས་འདི་ནས་བྱང་ཆུབ་མ་ཐོབ་ཀྱི་བར་དུ་བསྟན་པ་བསྲུངས་
2-2-229a
༄༅། །ཅིག །ཕྲིན་ལས་བསྒྲུབས་ཅིག །ཅེས་དཔེ་དེ་སློབ་མའི་ལག་ཏུ་གཏད་ལ་སྣོད་དང་ལྡན་པ་ལ་བྱིན་ཅིག །སྣོད་མེད་རྣམས་ལ་མ་བྱིན་ཅིག །ཅེས་བཀའ་བསྒོ། དེ་ནས་ངོ་སྤྲད་པ་ནི། གོང་གི་གཤིན་རྗེ་གཤེད་ཀྱི་སྔགས་ལུང་ལ་བརྟེན་ཏེ། ལྷ་མོ་ལུས་དང་དང་གྲིབ་མ་བཞིན་དུ་འགྲོགས་པའི་རྟེན་འབྲེལ་བྱས་པ་ཡིན་པས། འདི་དག་གང་རུང་རུང་དུ་མི་བྱའོ། །དེའི་རྗེས་སུ་གཏོར་མ་མགོར་བཞག་པས། ལྷ་མོ་ཁྱེད་རང་གི་སྤྱི་བོར་ཐིམ་པར་བསྒོམས་པས་སྐུའི་དངོས་གྲུབ་ཐོབ་པ་ཡིན། ཡང་མགྲིན་པར་བཞག་ནས། ལྷ་མོའི་ཞལ་ནས་སྔགས་ཀྱི་ཕྲེང་བ་རང་སྒྲ་དང་བཅས་པ་ཁྱེད་རང་གི་ངག་ལ་ཐིམ་པས་གསུང་གི་སི་ཏི་ཐོབ་པ་ཡིན། ཡང་དཔལ་ལྷ་མོ་ཐུགས་ཀའི་མ་ལ་ཐིམ། དེ་འོད་ཟེར་གྱི་ཚུལ་དུ་ཁྱེད་རང་གི་ཐུགས་ཁར་བསྡུ། དེས་ཐུགས་ཀྱི་སི་ཏི་ཐོབ་པ་ཡིན། གཏོར་མ་དངོས་གྲུབ་ཀྱི་ཚུལ་དུ་རོལ་བས་ཕྲིན་ལས་རྣམ་བཞིའི་སི་ཏི་ཐོབ་པ་ཡིན། ཞེས་ངོ་སྤྲད་དོ། །བཤོས་བུའི་སྟོད་ཀྱི་ཆ་དེ་སྣོད་གཅིག་ཏུ་བཤམས་ལ། ཚོགས་ཕུད་ལ་སོགས་པས་གསོས་ལ་བདུད་རྩིར་དམིགས་ནས་ལྷ་མོ་ལ་བཏང་རག་དུ་འབུལ་ལོ། །རྗེས་ཀྱི་བྱ་བ་རྫོགས་པར་བྱ། ཡིག་གེ་བརྒྱ་པ་བརྗོད། དགེ་བ་བསྔོ། དཔལ་ལྡན་རང་བྱུང་རྒྱལ་མོའི་བྱིན་རླབས་ཀྱི་ཆོ་ག་རྫོགས་སོ།། །།སྔོན་ཆད་ཡིག་གེ་མི་གདའ་སྟེ། །བདག་གིས་ཡིག་གེ་རིས་སུ་བཀོད། །མ་
2-2-229b
ཚོགས་མཁའ་འགྲོས་བཟོད་པར་གསོལ། །ཨོ། དུར་ཁྲོད་དབྱིངས་ཀྱི་དཀྱིལ་འཁོར་ནས། །ཟ་བུ་བྷ་ག་ལི་ནི་ཟ་བྱེད་ཆེན་མོ་སྟེ། །རྡོ་རྗེ་དྲ་བ་མ་དང་གློག་འགྱུ་མ། །རུ་ལུ་རུ་ལུའི་སྒྲ་སྐད་དྲག་པོ་ཡིས། །ནག་མོ་ཀྲོ་དྷ་ཀྵ་ཡིས་བོས་པའི་ཚེ། །ཡུན་དང་དཔལ་གྱི་མགོན་དུ་ཁྱོད་བསྟེན་ན། །དངོས་གྲུབ་མྱུར་དུ་སྩོལ་ཅིག་དཔལ་ལྷ་མོ། །ཀ་ཡ་ཝ་ཀ་ཙིཏྟ་སི་དྷི་ཧཱུྃ། །དོན་དམ་གཉིས་མེད་བྱང་ཆུབ་སེམས་ཉིད་ཡིན། །རང་སེམས་རྣམ་དག་ཆོས་དབྱིངས་ཕོ་བྲང་ནས། །སྐུ་གསུང་ཐུགས་ལས་སྤྲུལ་པའི་མ་མོ་ནི། །མ་ཅིག་དཔལ་ལྡན་ལྷ་མོ་ནག་མོ་རེ་མ་ཏི། །འགྲོ་དྲུག་སྒྲོལ་མཛད་བསྟན་པ་རྒྱས་མཛད་མ། །དབང་དང་དངོས་གྲུབ་བྱིན་རླབས་བསྩལ་ནས་ཀྱང་། །འཆི་མེད་ཚེ་ལ་ལོངས་སྤྱོད་རྒྱས་པར་མཛོད། །ཕྲིན་ལས་རྣམ་བཞིའི་དངོས་གྲུབ་བདག་ལ་སྩོལ། །མཾ་ག་ལཾ་བྷ་ཝནྟུ།། །།
༄༅། །ལྷ་འདྲེ་སྟོང་གི་སྒྲིབ་ཤིང་བཞུགས། །
༄༅། །ལྷ་འདྲེ་སྟོང་གི་སྒྲིབ་ཤིང་བཞུགས། །བླ་མ་རྣམས་ལ་ཕྱག་འཚལ་ལོ། །ལྷ་འདྲེ་སྟོང་གི་སྒྲིབས་ཤིང་ཉམས་སུ་བླང་བའི་མན་ངག་ནི། བདག་ཨོཾ་བཛྲ་རཀྵ་རཀྵ་ཧཱུྃ་བྷྲུཾ་ཞེས་པས་ཡི་དམ་གྱི་ལྷ་བསྒོམ། སྤྱི་བོར་ཨོཾ་ལས་སྐུའི་ཁྲོ་བོ། །མགྲིན་པར་ཨཱཿལས་གསུང་གི་ཁྲོ་བོ། ཐུགས་ཀར་ཧཱུྃ་ལས་ཐུགས་ཀྱི་ཁྲོ་བོ། སྤྱི་བོའི་ཁྲོ་བོའི་ཐུགས་ཀར་རྣམ་སྣང་ཟླ་བའི་གདན་ལ་བསྒོམ། མགྲིན་པར་དེ་དང་འདྲ་བར་པད་གདོན་ལ་སྣང་བ་
2-2-230a
༄༅། །མཐའ་ཡས་བསྒོམ། ཐུགས་ཀར་དེ་ཕྱག་རྡོར་ཐུགས་ཀར། དེའི་ཐུགས་ཀར་ཉི་མའི་སྟེང་དུ་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུྃ་ལ་བསྲུང་བྱའི་མིག་དང་རིག་པས་བསྐོར་བ་དང་འདྲ་བར་ཉི་མའི་གདན་ལ་རྡོ་རྗེ་སེམས་དཔའ་བསྒོམ། ལྟེ་བར་འོད་ཕུང་ནང་ན་རིན་ཆེན་འབྱུང་གནས་བསྒོམ། གསང་གནས་སུ་མེ་དཔུང་ནང་ན་དོན་ཡོད་གྲུབ་པ་བསྒོམ། དེ་ནས་རྒྱབ་ཏུ་ཉི་ཟླའི་གའུ། ཉི་མ་འོག །ཟླ་བ་སྟེང་། དེའི་རྒྱབ་ཏུ་ཐོད་པ་དུམ་བུ་གཅིག་པའི་གུར་ཁང་། ནང་དུ་ཨཱ་ལཾ་ལ་ཁྲོ་མོ། ཞལ་ནང་དུ་གྱུ། རྒྱབ་ཏུ་ཀཱ་ལི་ལ་འབུར་དུ་དོད་པའི་ཚུལ་དུ་ཁྲོ་བོ་ཞལ་ཕྱིར་གྱུ་བར་བསྒོམ། དེའི་རྒྱབ་ཏུ་གསེར་གྱི་པོ་ཏི། ཕྱི་མཆོད་རྟེན་ལ་ནང་རིན་པོ་ཆེའི་གཞལ་ཡས་ཁང་གྲུ་བཞི་པ། དེའི་ནང་གི་སྟེང་དུ་བཀའ་རྒྱུད་བླ་མ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡི་དམ་ལྷ་ཚོགས་ཁྲོ་བོ་ཁྲོ་མོ་ཐམས་ཅད་སྤུང་ངེ་བས། ཕྱོགས་ཐམས་ཅད་ན་ཆོས་དང་པོ་ཏི་གླེགས་བམ་གྱི་བརྩིག་པ། ཉན་ཐོས་ཀྱི་དགེ་འདུན་རྣམས་ཐལ་མོ་སྦྱར་ནས་དཔུང་ངེ་ཐིབས་སེ་བར་བསམ། དེའི་རྒྱབ་ཏུ་སངས་རྒྱས་སྟོང་རྩ་གཉིས། དབུས་སུ་ཐུབ་པ་ལ་བསྐོར་བ། ཐུབ་པ་ཆོས་གསུངས་པ་ལ་ལྷ་མ་སྲིན་སྡེ་བརྒྱད། རྒྱལ་ཆེན་ཕྱོགས་སྐྱོང་ཐམས་ཅད་བཀའ་ལ་ཉན་པར་བསམ། དེའི་རྒྱབ་ཏུ་གསེར་གྱི་འཁོར་ལོ་རྩིབས་སྟོང་བསམ། དེའི་རྒྱབ་ཏུ་རྡོ་རྗེ་སྔོན་པོའི་གུར་ཁང་། རྡོ་རྗེའི་ལྟེ་བ་ལ་རྡོ་རྗེ་སེམས་དཔའ་རེ་རེ་བསྒོམ། དེའི་རྒྱབ་ཏུ་འཁོར་ལོ་དཀར་པོའི་གུར་ཁང་། ལྟེ་བར་རྣམ་པར་སྣང་མཛད་རེ་རེ་བསྒོམ། དེའི་རྒྱབ་ཏུ་
2-2-230b
རིན་པོ་ཆེ་སེར་པོའི་གུར་ཁང་། རིན་པོ་ཆེའི་མིག་རེ་རེ་ལ་རིན་ཆེན་འབྱུང་ལྡན་རེ་རེ་བསྒོམ། དེའི་རྒྱབ་ཏུ་པད་མ་དམར་པོའི་གུར་ཁང་། པདྨ་རེ་རེ་ལ་སྣང་བ་མཐའ་ཡས་རེ་རེ་བསྒོམ། དེ་རྒྱབ་རལ་གྲི་ལྗང་ཁུའི་གུར་ཁང་། རལ་གྲིའི་ཡུ་བ་རེ་རེ་ལ་དོན་ཡོད་གྲུབ་པ་རེ་རེ་བསྒོམ། དེ་རྒྱབ་ལྕགས་ཀྱི་འཁོར་ལོ་རྩིབས་བཅུ་གཉིས་ཀྱི་གུར་ཁང་། རྩིབས་གདན་ཐབས་སུ་ཡོད་པ་ལ། ཐུགས་ཀྱི་ཁྲོ་བོ་ཕྱག་རྡོར་བཅུ་གཉིས་བསྒོམ༑ དེའི་རྒྱབ་ཏུ་ལྕགས་ཀྱི་རྡོ་རྗེའི་གུར་ཁང་། དེའི་རྒྱབ་ཏུ་ཟངས་ཀྱི་འཁོར་ལོ་རྩིབས་བཅུ་དྲུག་ལ་གསུང་གི་ཁྲོ་བོ་བཅུ་དྲུག་བསྒོམ། དེ་རྒྱབ་རལ་གྲིའི་གུར་ཁང་བསྒོམ། དེ་རྒྱབ་འཁོར་ལོ་དཀར་པོ་རྩིབས་ཉི་ཤུ་ལ། སྐུའི་ཁྲོ་བོ་ཉི་ཤུ་བསྒོམ། དེ་རྒྱབ་རྡོ་རྗེ་དཀར་པོ་ཕྱེད་པའི་གུར་ཁང་བསམ། དེ་རྒྱབ་ཐོད་པ་སྐམ་རློན་བརྩེགས་པའི་གུར་ཁང་། དེའི་རྒྱབ་དུ་མཚོན་ཆ་སོ་ཕྱིར་བསྟན་པ་སྣ་ཚོགས་ཀྱི་གུར་ཁང་བསམ། དེའི་རྒྱབ་ཏུ་བསྐལ་པའི་མེ་རིའི་གཡས་གཡོན་དུ་འཁྱིལ་ཞིང་འབར་བ་གུར་ཁང་བསྒོམ། དེའི་རྒྱབ་ཏུ་སྲིད་པའི་རླུང་གི་འཚུབ་པ་གུར་ཁང་བསྒོམ། དེའི་རྒྱབ་ཏུ་ཡེ་ཤེས་ཆུའི་འཕྱོ་བ་གུར་ཁང་། དེའི་རྒྱབ་ཏུ་རྡོ་རྗེ་བྲག་གི་སྲབ་གུར་ཁང་བསྒོམ། དེའི་རྒྱབ་ཏུ་སྟོང་པ་བཟློག་ཅིག །སོད་ཅིག་ཅེས་པའི་སྒྲའི་གུར་ཁང་བསྒོམ་བདག་གི་དཔུང་པ་གཉིས་སུ་ཉི་མའི་དཀྱིལ་འཁོར་གྱི་སྟེང་དུ། ཧཱུྃ་ལས་ཐུགས་ཀྱི་ཁྲོ་དེ་ལས་འོད་ཟེར་སྤྲུལ་པ། ཕོ་ཉ་རང་ལྟ་བུ་གཡས་
2-2-231a
༄༅། །ལྕགས་ཀྱུ་ཐོགས་པས་དགྲ་བོ་བཀུག་པར་བསམ་མོ་བོ་རེ་རེ་བསྐྱེད། ཡ་སོ་ཐམས་ཅད་ཁྲོ་བོ་ནག་པོ། མ་སོ་ཐམས་ཅད་ཁྲོ་མོ་དམར་མོ། ལྕེ་རྟ་མགྲིན་མཚོན་གང་པར་བསྒོམ། ཁྲོ་མོ་ཐམས་ཅད་གཡས་རྡོ་རྗེ། གཡོན་ཐུགས་ཀ་ན་སྡིགས་མཛུབ་མཛད་པའོ། །བསྲུང་བྱ་ཐམས་ཅད་བདག་གི་གཡས་གཡོན་བསྐོར་དུ་བསྒོམ། དེ་ནས་བསྲུང་སྔགས་མ་མ་རཀྵ་རཀྵ་ཀུ་རུ་ཧཱུཾ་བྷྲུཾ་སྭཱ་ཧཱ། བཏགས་པ་ཡེ་ཤེས་སེམས་དཔའ་རང་བསྐྱེད་པ་ལྟ་བུ་སྤྱན་དྲངས་ཡན་ལག་བདུན་པ་བྱ། དེ་ནས་རང་ལ་སོ་སོར་བསྟིམ་བརྒྱ་བཟླས། ཁྲོ་བོ་རྣམས་ཀྱང་ནང་དུ་ལྟ་བས་བསྲུང་བར་བསམ། དེ་ནས་བཟློག་སྔགས། རིགས་སྔགས་བཟློག་ཅིག་ཅེས་བརྒྱ་བཟླས་པས་ཞལ་ཕྱིར་འགྱུ་ཀླུ་བར་བསམ། ཕྲེང་བ་ཕར་བགྲང་དུས། མཐེ་བོང་ཆུ་གྲི། མཛུ་གུ་སྤུ་གྲིར་བསམ། དེའི་བར་དུ་བྱད་མའི་མགོ་ཐིས་ཐིས་བཅད་པར་བསམ་མོ། །ཕྱི་རིམ་གྱི་འཁོར་ལོ་ཡང་མྱུར་དུ་འཁོར་བས་ཁོ་ལྷ་སྲུང་དང་བཅས་པ་མྱ་ལ་ལ་གཏུབས་ཤིང་རྟུལ་རྟུལ་ཚིག་པར་བསམ་མོ། །ཉལ་བའི་དུས་ཕྱི་ནང་ཐམས་ཅད་རྡོ་རྗེའི་དྲ་གུར་ཐིབ་པར་བསམ་ལ། བདག་གི་སྐུའི་ངོ་བོ་ཨོ་ལས་རྡོ་རྗེ་དཀར་པོ། གསུང་གི་ངོ་བོ་ཨ་ལས་རལ་གྲི་དམར་པོ། ཐུགས་ཀྱི་ངོ་བོ་ཧཱུྃ་ལས་རྡོ་རྗེ་ནག་པོ། ལྟེ་བར་ཨཱཿམཚན་པར་བསྒོམ། ཨ་སྐྱེ་བ་མེད་པའོ། །སྤྱིར་བསྲུང་བའི་དུས་སུ་རང་གི་ལུས་པོ་ཟླ་བའི་དཀྱིལ་འཁོར་ཉ་རྒྱས་པ་ལྟར་དཀར་ལ་གསལ་བ། 
2-2-231b
ནང་རྒྱས་ཀྱི་དུས་སུ་ཉི་མའི་དཀྱིལ་འཁོར་སེར་ལ་ཚ་བར་བསམ་མོ། །རང་གི་ངག་གཞན་གྱིས་བཅིངས་པ་དང་བྱད་དང་གཏད་མནན་དུ་བཅུག་པ་བཀྲོལ་བ་ནི། བཀའ་རྒྱུད་བླ་མ་ཡི་དམ་ལྷ་ཚོགས་ནམ་མཁར་བསྒོམ་པ་ལ་ཡན་ལག་བདུན་པས་དག་པར་མཆོད། རང་ཐ་མལ་གྱི་སྤྱི་བོར་ཁཾ་བསམ། གླད་པ་དུང་ཁང་དུ་ཉི་མའི་སྟེང་དུ་རཾ་མཛུབ་གང་པ་རེ་བསམ། མགྲིན་པ་ཐུགས་ཁ་ལྟེ་བ་རྐང་ལག་བཞིར་ཉི་མའི་སྟེང་དུ་རཾ་མཛུབ་གང་པ་རེ་བསམ། ལུས་བ་སྤུའི་བུ་ག་ཐམས་ཅད་རཾ་ཕྲ་མོའི་གུར་ཁང་ཐེག་པར་བསམ། འདོམས་སུ་ཡཾ་ལས་རླུང་གི་དཀྱིལ་འཁོར་བསྒོམ། ལྗགས་རྡོ་རྗེར་བསྒོམ་པའི་རྩེ་མོར་ཨོཾ། རྩ་བར་ཨཱ༔ ལྟེ་བར་ཧཱུཾ་ལ་སྔགས་ཀྱིས་བསྐོར་བར་བསྒོམ། དེ་ནས་མདུན་གྱི་བླ་མ་ཡི་དམ་ཐམས་ཅད་ལས་འོད་འཕྲོས་པས་ཡཾ་ལ་ཕོག་པས་རླུང་བསྐུལ། རླུང་གིས་མེ་སྦར་བས་ལུས་ངག་ཡིད་གསུམ་གྱི་གནོད་པ་དང་སྡིག་སྒྲིབ་ཐམས་ཅད་བསྲེག་སྦྱང་བྱས་པར་བསམ། སྔགས་བརྒྱ་རྩ་བརྒྱད་བཟླ། ཡང་མདུན་གྱི་རྟེན་ལས་འོད་ཟེར་འཕྲོས་པས་ཡཾ་ལ་ཕོག་པས་རླུང་གིས་ཐལ་བ་སྟོར་ནས་ཁྱེར་བར་བསམ། སྔགས་བརྒྱ་བཟླས། ཡང་མདུན་གྱི་རྟེན་ལས་འོད་འཕྲོས་པས་ཁོ་ལ་ཆུ་བྱུང་པས་སྔར་གྱི་མལ་བཀྲུས་པར་བསམ། སྔགས་བརྒྱ་བཟླས། དེ་ནས་ཡང་མདུན་གྱི་རྟེན་ལས་འོད་འཕྲོས་པས་ལུས་ཀྱི་སྙགས་སྙིགས་ཐམས་ཅད་བྱེད་མའི་སྟེང་
2-2-232a
༄༅། །དུ་ཕར་འདས་ནས་ལོག་པས་ཁོའི་ལུས་ནག་ཐིབ་ཀྱིས་མནན་ནས་ཁ་རྡོ་རྗེ་རྒྱ་གྲམ་གྱིས་བཅད་པར་བསམ། ཡང་འོད་ཟེར་འཕྲོས་སྙགས་སྙིགས་ཙམ་ཡང་ཕར་ལོག་ནས་ཐིབས་སེར་བཏང་པས་ཁོའི་སྙིང་མ་བཟོས་ཡར་འཕར། ཁའི་རྡོ་རྗེ་ལ་ཐུག །མར་ལོག་པའི་ནང་དུ་ལྕགས་ཀྱི་འཁོར་ལོ་རྩིབས་བཞི་པ་རྣོ་ངར་དང་ལྡན་པ་གཅིག་རེད་པས་ལུས་པོ་ནང་སྲོག་སྙིང་ནང་གྲོལ་ཤ་ཅས་ཁྲག་རྩ་ཐམས་ཅད་མྱལ་མྱལ་གཏུབས་པར་བསམ། དེ་ནས་ཁོ་རང་གི་ལྷ་སྲུང་ཐམས་ཅད་གཅིག་ཏུ་འདུས་པ་ལས་ལྕགས་ཀྱི་སྡིག་པ་ནག་པོ་མགོ་དགུ་པ་གཅིག་ཏུ་གྱུར་པས་ཙ་ཀྲའི་ལྟེ་བ་ནས་ཤ་ཟོས་ཁྲག་འཐུངས་ནས་ཤིན་ཏུ་ཆེར་སྐྱེས་པར་བསམ། ཁོ་རང་གི་ཁྲག་ཐམས་ཅད་ནང་རྩ་ཐམས་ཅད་མཚོན་ཆ་སྣ་ཚོགས་སུ་གྱུར་པས་ལུས་ཕྱིར་བཤིག་པ་སྡིག་པས་ཟོས་པར་བསམ་མོ། །དེ་ནས་སྟོང་པའི་ངང་ལས་རང་ཡི་དམ་གྱི་ལྷ་སྲུང་འཁོར་དང་བཅས་པ་གོང་ལྟར་ཝལ་གྱིས་བསྒོམ་མོ། །མདུན་གྱི་ལ་འོད་ཟེར་འཕྲོས་པས་ལུས་ངག་ལ་ཕོག །ལྗགས་རྡོ་རྗེ་འོད་དུ་ཞུ། ཡིག་གེ་དྷི་སེར་པོ་གཅིག་ཏུ་གྱུར་པར་བསམ། ཡང་འོད་ཟེར་ཚུར་འཕྲོས་སྔར་གྱི་དྷི་ལ་ཐིམ་པས་ཧྲི༔ དམར་པོ་གཅིག་ཏུ་གྱུར་པར་བསམ། ཡང་འོད་ཟེར་འཕྲོས་པ་ཐིམ་པ་ལས་ཧྲིཿ ལས་རྟ་མགྲིན་རྒྱན་རྫོགས་སུ་བསམ། ཐུགས་ཀར་ཧྲིཿལ་སྔགས་ཀྱིས་བསྐོར་བར་བསམ། དེ་ནས་
2-2-232b
སྔགས་བཟླའོ། །ཨོ་ཏྲི་ག་ཏི་ཏྲི་མུ་དྷི་ཏྲི་ལོ་ཀ་མུ་ལོ་རྦད་ས་ཏ་ནི་ཧྲིང་མོ་རཏྣ་ས་ཀ་བྱ་སྟེམས་མཱ་ར་ཡ་ཧཱུྃ་ཕཊ། སྔགས་དག་ཡིག །ཡཀྵ་པ་ལ་སད། པ་ཤ་ས་ལ་སད། དེ་ནེ་སད། ད་རུ་པ་ད་རུ་སད། ངག་མནན་སྔགས་སོ། །ཨོཾ་བཛྲ་རཾ་པ་ཡཾ་ཀུ་རུ་ཤ་དྷ་ཡ་སྭཱ་ཧཱ། ངག་བཀྲོལ་སྔགས་སོ། །ཨོཾ་ཧྲི་ཧ་ཧ་ཧི་ཧི་ཧེ་ཧེ་ཧོ་ཧོ་ཧཱུཾ་ཧཱུཾ་ཕཊ་ཕཊ་བྷྱོ་བྷྱོ་བཟློག་བཟློག་ཛ་ཛ་གནོད་བྱེད་སརྦ་སྟཾ་བྷ་ཡ་ནན་སྭཱ་ཧཱ། ཧཱུཾ་རྦད་ཡན་ཏྲ་ཙག་ཏྲ་ཙག་ཏྲ་རྦད༑ མནྟྲ་ཙག་ཏྲ་ཙག་ཏྲ་རྦད། གནོད་བྱེད་སརྦ་སྟཾ་བྷ་ཡ་སྭཱ་ཧཱ། ཨོཾ་ཧ་ལ་ཧ་ལ་ཧུ་ལུ་ཧུ་ལུ་ཧེ་ཧེ་ཏྲོང་ཏྲོང་ཛ་ཛ་ཧཱུྃ་ཧཱུྃ་ཕཊ་ཕཊ་མཱ་ར་ཡ་ཛ་ཛ་བྷྱོ་བྷྱོ་བཟློག་བཟློག་ཛ་ཛ། བཟློག་པ་ཡང་དག་གི་སྔགས་སོ། །འཁོར་དང་ཡོན་བདག་བསྲུང་ན་འཁོར་ལོའི་ནང་དུ་བསྒོམ། གདགས་པ་ནི་ཡར་ངོའི་དུས་འཁོར་ལོ་དཔལ་བེའུ་དྲི་བཟང་གིས་ལྟར་བྲིས་ལ། རབ་ཏུ་གནས་པ་ཚུལ་བཞིན་བྱས་ལ་ལུས་ལ་གདགས་སོ། །བཟློག་པ་ནི། ཁྲག་སྣ་ཚོགས་དུག་སྣ་ཚོགས་ཐོད་ངན་དུ་བླུག་ལ་སྲོད་ལ་སྔགས་བརྒྱ་རྩ་བརྒྱད་བཏབ་ལ། ངོས་མ་ཟིན་ན་ཕྱོགས་བཞི་མཚམས་བརྒྱད་དུ་དྲག་སྔགས་བཟླས་ལ་གཏོར་བར་བྱའོ། །ངོས་ཟིན་ན་དེ་ཕྱོགས་སུ་འཕང་༑ དགྲ་བགེགས་གང་ལ་ཡང་ཁྱད་མེད། སེར་བ་བསྲུང་ན་སྤྲིན་ལ་གཏོར། དུག་དང་ཁྲག་དང་མེའི་ཕུང་པ་རི་རབ་ཙམ་དུ་སོང་བས། བྱད་མ་ཡུལ་འཁོར་དང་བཅས་པ་ཁོའི་ཡི་དམ་ཆོས་སྐྱོང་དང་བཅས་
2-2-233a
༄༅། །པ་རྡུལ་ཕྲ་རབ་ཡང་མ་རྗེས་པར་བྱས་པར་བསྒོམ། །ཡང་བྱད་མ་གསོད་པར་འདོད་ན། ལུང་པ་གསུམ་འདུས་པའི་སུམ་མདོའི་ཆུ་རྡོ། བཀྲ་མི་ཤིས་པའི་མིས་བླངས་ལ། རེ་བའི་སྟེང་དུ་ཟུར་གསུམ་བཀོད༑ ནག་པོ་སྔགས་པ་བསད་པར་འདོད་ན་ཕོ་རོག་ཁྲག །སེར་པོ་བཙུན་པ་བསད་པར་འདོད་ན་ངར་ངུར་ཁྲག །བུད་མེད་བསད་པར་འདོད་ན་ཙོང་ཀའི་ཁྲག །སྔོན་པོ་བོན་པོ་བསད་པར་འདོད་ན་ཕུག་རོན་ཁྲག །ཀུན་ལ་མེད་དུ་མི་རུང་བ་ནི་གྲི་ཁྲག་ཡིན། སྔགས་སྐོར་བུ་ལྟར་བྲིས་ལ། ཏིང་ངེ་འཛིན་གོང་ལྟར་བྱས་ལ། འུར་རྡོ་ནང་ནས་ཕྱོགས་བཞི་མཚམས་བརྒྱད་དུ་འཕང་པར་བྱའོ། །འུར་ཡུགས་སྐྲའི་རྡོ་ནི་ཀོང་ཟེར་ལྟར་བྱའོ༑ ༑དེ་ནས་བྱད་མ་བསད་པ་དང་། བྱད་ཐག་བཅད་པ་དང་། ལོ་ཁྲག་ཐུན་འཕང་བསྒོམ་ཟླ་བས་བཤིག་པ་དང་། ཟླ་བསྒོམ་ཞག་གིས་བཤིག་པ་དང་། ཞག་བསྒོམ་ཟ་མས་བཤིག་པ་ནི་བླ་མའི་ཞལ་ལས་ཤེས་པར་བྱའོ། །ངག་མནན་པ་དང་འདིའི་མཁན་པོ་དགྲར་ལགས་ན་བསད་པ་ལ་སོགས་ཐམས་ཅད་ནི་གཞུང་ལྟར་བྱའོ། ཁྲག་ཐུན་བྱ། རྡོ་འཇམ་ནང་དུ་ལིང་ག་བཅའ། འུར་རྡོ་འཕེན་དུས་བྱད་མ་སོད་ཅིག་ཅེས་བྱ༑ གཟའ་རྒྱུ་དུས་ཐེངས་བརྒྱད་བྱ། ཉི་ཤུ་དགུ་ལ་ཐེངས་གཅིག་བྱའོ། །འདི་ནི་མན་ངག་གསང་བའོ། །སྙིང་ལ་ཆོངས་ཅིག །གཞན་ལ་སྤེལ་ན་དམྱལ་བར་འགྲོ། ས་མ་ཡ་སྡོམས་ཞིག །ཨྠྀི།། མཚན་ལ་གནང་། 
2-2-233b
དེས་བདག་དྷརྨ་པུཉྫལ་གནང་།། །།ཨོཾ་ཧྲི་གྷ་ནི་ཧྲི་མུ་དྷ། ཏྲི་ལོ་ཀ ས་ཧི་ན་ཧི། མོ་ར་ན། སད་དུ་ཁ་བྱད་སྟེམས་མཱ་ར་ཡ་ཧཱུྃ་ཕཊ། སྐུ་སྔགས་བདུད་རྩི་འཁྱིལ་པ། ཨོཾ་ཧ་ཧ་ཧེ་ཧེ་ཧོ་ཧོ་ཧི་ཧི་ཧཱུཾ་ཧཱུཾ་ཕཊ་ཕཊ། བྱད་སྟེམས་གནོད་བྱེད་བྷྱོ་བྷྱོ་བཟློག་བཟློག །གསུང་སྔགས་རྟ་མགྲིན། ཧཱུཾ་རྦད་ཡན་ཏྲ་ཙག་ཏྲ་ཙག་ཏྲ་རྦད། མན་ཏྲ་ཙག་ཏྲ་ཙག་ཏྲ་རྦད། གནོད་བྱེད་སརྦ་སྟཾ་བྷ་ཡ་སྭཱ་ཧཱ། བྷྱོ་བཟློག །ཐུགས་སྔགས་ཕྱག་ན་རྡོ་རྗེའོ། །རྫོགས་སོ། །གསུམ་ཀ་སྦྲེལ་བ་ལ་མན་ངག་གོ། ༈ །། བླ་མ་ཡི་དམ་ཚད་མེད་པ་བཞི་དང་སེམས་བསྐྱེད་བྱ་མཁའ་འགྲོ་རྣམས་ལ་ཕྱག་འཚལ་ལོ། །བྲུཾ་རཀྵ་དང་པོ་བདག་ཡི་དམ་གཞུང་བཞིན་བསྒོམ་རཀྵ་བྲུཾ། ཞེས་བརྗོད་པས་རིན་པོ་ཆེའི་པུ་རི་སེར་པོ་གཞལ་ཡས་ཁང་ཟུར་བཞི་སྒོ་བཞི་དང་ལྡན་པ་གཅིག་བསྒོམ། དེའི་དབུས་སུ་ཉི་སྟེང་ཟླའི་འོག་གའུ་ཁ་སྦྱོར། དེའི་ནང་དུ་བསྲུང་བྱ་ཐམས་ཅད་བསྒོམ། གཞལ་ཡས་ཁང་གི་ནང་ཉི་ཟླ་ཁ་སྦྱོར་རྒྱབ་ཏུ་ཐོད་པའི་གུར་ཁང་ཨཱ་ལི་དཀར་པོ་བཅུ་དྲུག་ལ་ཁྲོ་བོ་བཅུ་དྲུག །གཡས་རྡོ་རྗེ་གཡོན་སྡིགས་མཛུབ་ཅན་བསམ། དེའི་རྒྱབ་ཏུ་ཀཱ་ལི་དམར་པོ་སུམ་བཅུ་སོ་བཞི་ལ། ཁྲོ་མོ་དམར་མོ་སུམ་བཅུ་སོ་བཞི་བསམ༑ གཡས་རྡོ་རྗེ་གཡོན་སྡིགས་མཛུབ་ཅན། དེ་རྒྱབ་རྡོ་རྗེ་སྔོན་པོ། འཁོར་ལོ་དཀར་པོ། རིན་པོ་ཆེ་སེར་པོ། པད་མ་དམར་པོ། རལ་གྲི་ལྗང་ཁུ། བསྐལ་པའི་མེ། སྲིད་པའི་རླུང་། ཡེ་ཤེས་ཀྱི་ཆུ། སྟོང་པ་
2-2-234a
༄༅། །ཉིད་ཀྱི་གུར་ཁང་རྣམས་བསྒོམ། དེའི་སྟེང་དུ་བཀའ་རྒྱུད་རྣམས་སྤྲིན་ཕུང་ལྟ་བུར་བཞུགས་པར་བསྒོམ། ཐོད་པ་དེའི་གློ་ན་ཕྱིར་ལ་ཁྲོ་བོ་ཁྲོ་མོ་རྣམས་ཞལ་ཕྱིར་ལ་རྒྱུ་བ། འབུར་དུ་དོད་པར་བསྒོམ༑ ཐོད་པའི་ཕྱི་རིམ་ན་མེ་རི་དང་ཚ་ཚ་འཕྲོ་བར་བསྒོམ། བསྲུང་བྱ་ཐམས་ཅད་གུར་ཁང་ནང་དུ་བསྒོམ། དེ་ནས་བདག་ཡི་དམ་དུ་བསྒོམ་པའི་སྤྱི་བོར། ཨོཾ་དཀར་པོ་གསལ་བ་གཅིག་བསྒོམ། ཨོཾ་དེ་ལས་འོད་ཟེར་དཀར་པོའི་ཚོགས་འཕྲོས་པས། སྐུའི་རིགས་ཀྱི་རྒྱུད་བསྐུལ། དྲེགས་པ་ཅན་ཐམས་ཅད་ཚར་བཅད། སྐུའི་བྱིན་རླབས་ཐམས་ཅད་ཚུར་བསྡུས་ནས་ཨོ་ལ་ཐིམ། ཨོཾ་ཡོངས་སུ་གྱུར་པ་ལས། རྡོ་རྗེ་དཀར་པོ་ཕྱེད་པ་ཨོཾ་གྱིས་མཚན་པ་གཅིག་ཏུ་གྱུར་པར་བསམ། ཡང་རྡོ་རྗེའི་ཨོཾ་ལས་འོད་འཕྲོས་པས། བདེ་བར་གཤེགས་པ་ཐམས་ཅད་ཀྱི་སྐུའི་རིགས་སུ་གྱུར་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ། དྲེགས་པ་ཅན་ཐམས་ཅད་ཚར་བཅད། སྐུའི་བྱིན་རླབས་ཐམས་ཅད་ཚུར་བསྡུས་ནས། རྡོ་རྗེ་དང་ཨོཾ་ལ་ཚུར་ཐིམ་ནས། དེ་ཡོངས་སུ་གྱུར་པ་ལས་པདྨའི་གདན་ལ་ཁྲོ་བོ་བདུད་རྩི་འཁྱིལ་པ་སྐུ་མདོག་དཀར་པོ་མདངས་དང་ལྡན་པ། ཞལ་གཅིག་ཕྱག་གཉིས་པ་གཡས་རྡོ་རྗེ། གཡོན་སྡིགས་མཛུབ་ཐུགས་ཀར་མཛད་པ། ཐུགས་ཀར་ཨོཾ་དཀར་པོས་མཚན་པ། རྒྱན་ཐམས་ཅད་ཀྱིས་བརྒྱན་པ། དེའི་ཐུགས་ཀར་འོད་འཕྲོས་པས་རྡོ་
2-2-234b
རྗེ་ཕྱེད་པ་དཀར་པོའི་གུར་ཁང་། རླུང་སེར་བུ་ཙམ་ཡང་མི་ཐར་བ། ཡངས་ཤིང་རྒྱ་ཆེ་བ་སེམས་ཀྱིས་ལྕོགས་ཚད་ཙམ་དུ་བསྒོམ། དེ་ནི་སྐུ་མི་འགྱུར་བ་གནད་ཀྱི་འཁོར་ལོ་ལགས་སོ། །དེ་ནས་བདག་གི་མགྲིན་པར་པདྨ་དམར་པོའི་གདན་ལ་ཨ་དམར་པོ་བསྒོམ། དེ་ལས་འོད་ཟེར་དམར་པོའི་ཚོགས་འཕྲོས་པས། གསུང་གི་རིགས་ཀྱི་རྒྱུད་བསྐུལ། དྲེགས་པ་ཅན་ཐམས་ཅད་ཚར་བཅད། འོད་ཟེར་ཨ་ལ་ཚུར་ཐིམ། ཡོངས་སུ་གྱུར་པ་ལས་རལ་གྲི་དམར་པོ་ཡུ་བ་ཨས་མཚན་པ་གཅིག་ཏུ་གྱུར་པར་བསམ། ཡང་དེ་ལས་འོད་ཕར་འཕྲོས། བདེ་བར་གཤེགས་པ་གསུང་གི་རིགས་སུ་གྱུར་པ་ཐམས་ཅད་ཀྱི་རྒྱུད་བསྐུལ། །དྲེགས་པ་ཅན་ཐམས་ཅད་ཚར་བཅད། གསུང་གི་བྱིན་རླབས་ཐམས་ཅད་ཚུར་བསྡུས་ནས། རལ་གྲི་དང་ཨ་ལ་ཚུར་ཐིམ་ནས། དེ་ཡོངས་སུ་གྱུར་པ་ལས་དཔལ་ཁྲོ་བོ་རྟ་མགྲིན་སྐུ་མདོག་དམར་བ་ལ་མདངས་དང་ལྡན་པ༑ ཞལ་གཅིག་གཉིས་པ་གཡས་རྡོ་རྗེ་གཡོན་སྡིག་མཛུབ་ཐུགས་དཀར་མཛད་པ། ཞལ་ཁྲོ་ཞལ་དུ་འདུག་པ། རྒྱན་ཐམས་ཅད་ཀྱིས་བརྒྱན་པ། ཐུགས་དཀར་ཨ་དམར་པོས་མཚན་པ་དེ་ལས་འོད་ཟེར་འཕྲོས་པས༑ རལ་གྲི་དམར་པོའི་གུར་ཁང་རླུང་སེར་བུ་ཙམ་ཡང་མི་ཐར་བར་བསྒོམ། དེ་ཡང་རྒྱ་ཁྱོན་བསམ་གྱིས་མི་ཁྱབ་པར་བསྒོམ། དེ་ནི་གསུང་མི་འགྱུར་བ་གནད་ཀྱི་འཁོར་ལོ་ལགས་སོ། ཡང་བདག་གི་ཐུགས་
2-2-235a
༄༅། །ཀར་ཉི་མའི་གདན་ལ་ཧཱུཾ་མཐིང་ནག་འོད་འཕྲོ་བ་གཅིག་ཡོད་པར་བསམ། དེ་ལས་འོད་ཟེར་ནག་པོའི་ཚོགས་འཕྲོས་པས། ཐུགས་ཀྱི་རིགས་ཀྱི་རྒྱུད་བསྐུལ། དྲེགས་པ་ཅན་ཐམས་ཅད་ཚར་བཅད༑ ཐུགས་ཀྱི་བྱིན་རླབས་ཐམས་ཅད་ཚུར་བསྡུས་ནས། འོད་ཟེར་ཧཱུྃ་ལ་ཚུར་ཐིམ། ཧཱུྃ་ཡོངས་སུ་གྱུར་པ་ལས། རྡོ་རྗེ་རྩེ་ལྔ་པ་ཧཱུཾ་གིས་མཚན་པ་གཅིག་ཏུ་གྱུར་པར་བསྒོམ། དེ་ཡོངས་སུ་གྱུར་པ་ལས་ཕྱག་ན་རྡོ་རྗེ་སྐུ་མདོག་ནག་པོ་ཞལ་གཅིག་ཕྱག་གཉིས་པ། གཡས་རྡོ་རྗེ་གཡོན་སྡིག་མཛུབ་ཐུགས་ཀར་མཛད་པ། ཞལ་ཁྲོ་ཞལ་དུ་འདུག་པ། རྒྱན་ཐམས་ཅད་ཀྱིས་བརྒྱན་པ། ཐུགས་ཀར་ཧཱུྃ་ནག་པོས་མཚན་པ། དེ་ལས་འོད་ཟེར་འཕྲོས་པས། གནམ་ལྕགས་ཀྱི་རལ་གྲི་རྡོ་རྗེ་ནག་པོའི་གུར་ཁང་ཡངས་ཤིང་རྒྱ་ཆེ་བ། རླུང་སེར་བུ་ཙམ་ཡང་མི་ཐར་བར་བསྒོམ། དེ་ནི་ཐུགས་མི་གྱུར་བ་གནད་ཀྱི་འཁོར་ལོ་ལགས་སོ། ཡང་ཡི་དམ་གྱི་དཔུང་པ་གཉིས་ལ་ཧཱུྃ་ནག་རྩེ་རེ་བ་གཉིས་བསྒོམ། དེ་ཡོངས་སུ་གྱུར་པ་ལས་ཕྱག་ན་རྡོ་རྗེ་གཡས་རྡོ་རྗེ། གཡོན་སྡིག་མཛུབ་མཛད་པ། དེ་ནི་ཕོ་ཉ་ལས་ཀྱི་ལྷ་ཞེས་བྱའོ། །དེ་གཉིས་ལ་ཡང་དེ་འདྲ་བ་སྤྲོས་ལ་བྱད་མ་ལིང་ག་ལ་བསྟིམ། གཡས་རྡོ་རྗེ། གཡོན་ལྕགས་ཀྱུ་ཅན་ནོ། །དེ་རྣམས་ཐམས་ཅད་ཁྲོ་བོའི་རྒྱན་གྱིས་བརྒྱན་པར་བསྒོམ། སྤྱི་བོར་བདུད་རྩི་འཁྱིལ་པའི་ཐུགས་ཀར་རྣམ་པར་སྣང་མཛད། ཟླ་
2-2-235b
བའི་གདན་ལ་བཞུགས་པར་བསམ། མགྲིན་པར་རྟ་མགྲིན་ཐུགས་ཀར་པདྨའི་གདན་ལ་སྣང་བ་མཐའ་ཡས། ཕྱག་ན་རྡོ་རྗེའི་ཐུགས་ཀར་ཉི་མའི་གདན་ལ་རྡོ་རྗེ་སེམས་དཔའ། ལྟེ་བ་ན་འོད་ཕུང་ནང་དུ་རིན་ཆེན་འབྱུང་ལྡན། གསང་གནས་མེ་དཔུང་ནང་དུ་དོན་ཡོད་གྲུབ་པ་བསྒོམ་སྤྱི་བོའི་ལྷ་དང་གུར་ཁང་ལས་འོད་འཕྲོས་པས་བྱད་མའི་ལུས་ལ་ཕོག་པས་འཁོར་ལོ་གཡོན་དུ་འཁོར་བས་བྱད་མའི་ལུས་མྱ་ལ་ལ་གཏུབས་པར་བསམ། མགྲིན་པའི་ལྷ་དང་གུར་ཁང་ལས་འོད་འཕྲོས། བྱད་མའི་ངག་ལ་ཕོག་པས་འཁོར་ལོ་གཡོན་དུ་འཁོར་བས་བྱད་མའི་སེམས་མྱ་ལ་ལ་གཏུབས་པར་བསམ། དེ་ནས་བདག་གི་ཐུགས་ཀའི་ཧཱུྃ་ལས་འོད་འཕྲོས་པས་འགྲོ་བའི་དོན་བྱས་ཚུར་འདུས་པ་ལས། འཁོར་ལོ་སེར་པོ་རྩིབས་བཅུ་གཉིས་གདན་ཐབས་སུ་བབས། ཡང་ཐུགས་ཀར་ཧཱུྃ་བཅུ་གཉིས་འཕྲོས་པས་རྩིབས་བཅུ་གཉིས་ཀྱི་སྟེང་དུ་བབས། དེ་ཡོངས་སུ་གྱུར་པ་ལས། དཔལ་ཕྱག་ན་རྡོ་རྗེ་གོང་གི་ཐུགས་ཀར་བསྐྱེད་པ་ལྟ་བུ་བཅུ་གཉིས་བསྒོམ། དེའི་རྒྱབ་ཏུ་རྡོ་རྗེ་སྔོན་པའི་གུར་ཁང་བསྒོམ། མགྲིན་པར་ཨ་ལས་འོད་ཟེར་འཕྲོས་འགྲོ་བའི་དོན་བྱས་ཚུར་འདུས་པ་ལས། འཁོར་ལོ་དམར་པོ་རྩིབས་བཅུ་དྲུག་པ་གདན་ཐབས་སུ་བསམ། མགྲིན་པར་ཧྲིཿདམར་པོ་བཅུ་དྲུག་འཕྲོས་པས་འཁོར་ལོའི་སྟེང་དུ་བབས། དེ་རྣམས་ཡོངས་སུ་གྱུར་པ་ལས། ཁྲོ་བོ་རྟ་
2-2-236a
༄༅། །མགྲིན་མགྲིན་པར་བསྐྱེད་པ་ལྟར་བསྒོམ། དེའི་རྒྱབ་ཏུ་རལ་གྲི་དམར་པོའི་གུར་ཁང་བསྒོམ། སྐུ་ལ་འོད་འཕྲོས་པས་འགྲོ་བའི་དོན་བྱས་ཚུར་འདུས་པ་ལས། འཁོར་ལོ་རྩིབས་ཉི་ཤུ་པ་གདན་ཐབས་སུ་བསམ། སྐུ་ལས་ཨོཾ་དཀར་པོ་ཉི་ཤུ་འཕྲོས་པས་འཁོར་ལོའི་སྟེང་དུ་བབས། དེ་རྣམས་ཡོངས་སུ་གྱུར་པ་ལས། ཁྲོ་བོ་ཆེན་པོ་བདུད་རྩི་འཁྱིལ་པ་གོང་གི་སྤྱིར་བོ་བསྐྱེད་པ་ལྟ་བུ་ཉི་ཤུ་བསྒོམ། དེའི་རྒྱབ་ཏུ་འཁོར་ལོ་དཀར་པོའི་གུར་ཁང་བསྒོམ། དེའི་རྒྱབ་ཏུ་ཐོད་པ་སྐམ་རློན་གྱི་གུར་ཁང་། དེའི་རྒྱབ་ཏུ་མཚོན་ཆ་སྣ་ཚོགས་ཀྱི་འཁོར་ལོ་བཀྱི་ལི་ལི་འཁོར་བའི་གུར་ཁང་། དེའི་རྒྱབ་ཏུ་བསྐལ་པའི་མེ་རིའི་གུར་ཁང་དམར་ནག་འུ་རུ་རུ་འབར་བར་བསམ། རང་ཡི་དམ་དུ་བསྒོམ་པའི་དཔུང་པ་གཉིས་ཀྱི་སྟེང་དུ་ཧཱུྃ་རེ་རེ་བསྒོམ། དེ་གཉིས་ཡོངས་སུ་གྱུར་པ་ལས་ཁྲོ་ཆུང་ཞལ་གཅིག་ཕྱག་གཉིས་པ། སྐུ་མདོག་ནག་པོ་གཡས་རྡོ་རྗེ་གཡོན་སྡིགས་མཛུབ་མཛད་པ་རེ་བསྒོམ། དེ་ནས་བདག་གི་སྐུའི་ངོ་བོ་དེ་ཨོཾ་དཀར་པོ་གཅིག་བསམ། དེ་ཡོངས་སུ་གྱུར་པ་ལས། རྡོ་རྗེ་དཀར་པོ་རྩེ་ལྔ་པ་གཅིག་བསམ། གསུང་གི་ངོ་བོ་ཨཱཿདམར་པོ་ཡོངས་སུ་གྱུར་པ་ལས། རལ་གྲི་དམར་པོ་གཅིག་ཏུ་བསམ། ཐུགས་ཀར་གྱི་ངོ་བོ་དེ་ཧཱུྃ་མཐིང་ནག་གཅིག་ཏུ་བསམ། དེ་ཡོངས་སུ་གྱུར་པ་ལས། རྡོ་རྗེ་རྩེ་ལྔ་པ་གཅིག་ཏུ་གྱུར་པར་བསྒོམ། བཟླས་པ་བྱེད་པའི་དུས་སུ། 
2-2-236b
བདག་ཡི་དམ་དུ་བསྒོམ་པའི་ཡ་སོ་བཅུ་ཁྲོ་བོ་ནག་པོ་བཅུ་རུ་བསྒོམ། མ་སོ་བཅུ་དེ་ཁྲོ་མོ་དམར་པོ་བཅུ་རུ་བསྒོམ། ལྗགས་དེ་རྟ་མགྲིན་དམར་པོ་གཅིག་ཏུ་བསྒོམ། བསྲུང་བའི་དུས་སུ་བདག་གི་ལུས་པོ་དེ་ཟླ་བའི་དཀྱིལ་འཁོར་ཉ་རྒྱས་པ་གཅིག་ཏུ་བསྒོམ། ནང་རྒྱས་ཀྱི་དུས་སུ། བདག་གི་ལུས་པོ་དེ་ཉི་མའི་དཀྱིལ་འཁོར་གཅིག་ཏུ་བསྒོམ། ཐུགས་ཀར་ཧཱུྃ་ནག་པོ་གཅིག་བསྒོམ། རང་ཉལ་ཁར་སེམས་དེ་ཡོངས་སུ་གྱུར་པ་ལས། རྡོ་རྗེ་རྩེ་ལྔ་པ་གཅིག་ཏུ་བསམས་ལ་ཉལ། སྣང་སྟོང་ཐམས་ཅད་དབྱེར་མེད་དོ། ཕྱི་ནང་ཐམས་ཅད་རྡོ་རྗེས་བལྟམས་པར་བསམ།། །།
༄༅། །ལྷ་འདྲེ་སྟོང་གི་སྒྲིབ་ཤིང་བསྲུང་བ་བསྒོམས་ཆོག་ཡེ་ཐུབ་བཞུགས་སོ། །
༄། །བླ་མའི་ཞལ་གྱི་གདམས་པ།
༄༅། །ལྷ་འདྲེ་སྟོང་གི་སྒྲིབ་ཤིང་བསྲུང་བ་བསྒོམས་ཆོག་ཡེ་ཐུབ་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །ལྷ་འདྲེ་སྟོང་གི་སྒྲིབ་ཤིང་བྱད་མ་སྟོང་གི་ཁ་ཆིངས། བདག་གཞན་བསྲུང་བའི་འཁོར་ལོ། བླ་མ་རིན་པོ་ཆེ་ལ་ཞིང་སྐྱོང་གི་མཁའ་འགྲོ་མས་དངོས་གྲུབ་དྲངས་ནས། དེའི་དུས་སུ་བདེ་མཆོག་འཁོར་ལོ་ཞལ་གཟིགས། དེའི་དུས་ཞིང་སྐྱོང་གི་མཁའ་འགྲོ་མ་དང་། མུ་སྟེགས་ཀྱི་མཁའ་འགྲོ་མ་རྣམས་ཀྱིས་སྲོག་གི་སྙིང་པོ་ཕུལ་ནས། བསྟན་པ་བསྲུང་བའི་ཕྱིར། ནང་པ་སངས་རྒྱས་པ་དང་། ཕྱི་བ་མུ་སྟེགས་པ་གཉིས་ཀྱིས་ཕྱིར་བཟློག་དྲག་སྔགས་སུམ་བསྒྲིལ་འདི་གནང་པ་ཡིན། ས་སྨད་ཀྱི་ཁམས་ན་རྒྱ་བོན་ཚང་དང་། 
2-2-237a
༄༅། །ཡོན་བདག་དགོན་པ་ཐུག་པ་ལ། རྒྱ་བོན་ཚང་བརྟུལ་ནས་བསྟན་པ་ལ་ཉི་མ་ཤར་བ་བཞིན་དུ་གྱུར་ཏོ། །སློབ་དཔོན་སྟག་དེལ་བ་ལ་བདག་གིས་ཞུས་ཙ། རིན་པོ་ཆེའི་བཀའ་རྒྱ་ཡོད་པས། ཁྱེད་རང་རིན་པོ་ཆེ་ཉིད་ལ་ཞུས་གསུངས་ནས་མ་གནང་། དེ་ནས་བླ་མ་རིན་པོ་ཆེ་ལ་ཡང་ཡང་ཞུས་པས་མ་གནང་། ཕྱིས་བླ་མ་ལྷ་རྗེའི་འདས་མཆོད་ཐོན་ནས། སློབ་དཔོན་དབང་རྡོར་དང་། དར་ཚུལ་དང་། ངེད་རང་གསུམ་གྱིས་དགྱེས་རྡོར་དབང་ཞུས་པའི་དུས་སུ། ཁྲབ་ཐག་གཉིས་ཕུལ་ནས་ཞུས་པ་ལ་བཀའ་དྲིན་ཆེ་བར་འདུག་གསུངས། བྱིན་རླབས་མྱུར་བར་འདུག་གསུངས་ནས་གནང་། བླ་མ་ཡི་དམ་མཁའ་འགྲོ་རྣམས་ལ་ཕྱག་འཚལ་ལོ། སྐུ་གསུང་ཐུགས་མི་འགྱུར་བ་གནད་ཀྱི་འཁོར་ལོ་ལག་ལེན་འདོད་པས། འདི་ལྟར་བྱ་སྟེ། དང་པོ་བདག་ཡི་དམ་གཞུང་བཞིན་བསྒོམ། དང་པོ་ཉི་ཟླའི་གའུ་དེ་ནས་ཐོད་པའི་གཞལ་ཡས་ཁང་བྷྲུཾ་ལས་རིན་པོ་ཆེའི་གཞལ་ཡས་ཁང་། དེ་རྒྱབ་རྡོ་རྗེ་སྔོན་པོ་འཁོར་ལོ་དཀར་པོ། རཏྣ་སེར་པོ། པད་མ་དམར་པོ། རལ་གྲི་ལྗང་ཁུའོ། དེའི་སྤྱི་བོར་ཟླ་བའི་གདན་སྟེངས་སུ། ཨོཾ་གནས་ཏེ། ཨོཾ་དེ་ལས་འོད་ཟེར་དཀར་པོ་འཕྲོས་པས། དྲེགས་པ་ཅན་ཐམས་ཅད་ཚར་བཅད། འོད་ཟེར་ཨོ་ལ་ཚུར་ཐིམ་ནས། དེ་ཡོངས་སུ་གྱུར་པ་ལས། རྡོ་རྗེ་དཀར་པོ་ཕྱེད་པ་ཨོཾ་གྱིས་མཚན་པ་གཅིག་ཏུ་གྱུར་པར་བསྒོམ། ཡང་རྡོ་
2-2-237b
རྗེའི་ཨོ་ལས་འོད་ཟེར་འཕྲོས་པས། བདེ་བར་གཤེགས་པ་ཐམས་ཅད་ཀྱི་སྐུའི་རིགས་སུ་གྱུར་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ། རྡོ་རྗེ་དང་ཨོ་ལ་ཚུར་ཐིམ་པས། དེ་ཡོངས་སུ་གྱུར་པ་ལས། པད་མའི་གདན་ལ་ཁྲོ་བོ་བདུད་རྩི་འཁྱིལ་པ་སྐུ་མདོག་དཀར་པོ་ཞལ་གཅིག་ཕྱག་གཉིས་པ། གཡས་རྡོ་རྗེ། གཡོན་སྡིག་མཛུབ་མཛད་པ། ཐུགས་ཀར་ཨོཾ་དཀར་པོས་མཚན་པ། རྒྱན་ཐམས་ཅད་ཀྱིས་བརྒྱན་པ། དེའི་རྒྱབ་དུ་རྡོ་རྗེ་བྱེད་པ་དཀར་པོའི་གུར་ཁང་རླུང་སེར་བུ་ཙམ་ཡང་མི་ཐར་བ། ཡངས་ཤིང་རྒྱ་ཆེ་བ་སེམས་ཀྱིས་ལྕོགས་ཚད་ཙམ་དུ་བསྒོམ། དེ་ནི་སྐུ་མི་འགྱུར་བ་གནད་ཀྱི་འཁོར་ལོའོ། །དེ་ནས་ཡང་བདག་ཉིད་ཡི་དམ་དུ་གནས་པ་དེའི་མགྲིན་པར་པད་མ་དམར་པོའི་གནད་ལ་ཨ་དམར་པོ་བསྒོམ། དེ་ལས་འོད་འཕྲོས་དྲེགས་པ་ཅན་ཐམས་ཅད་ཚར་བཅད། འོད་ཟེར་ཨ་ལ་ཚུར་ཐིམ། དེ་ཡོངས་སུ་གྱུར་པ་ལས། རལ་གྲི་དམར་པོ་ཡུ་བ་ལས་མཚན་པ་གཅིག་ཏུ་གྱུར་པར་བསྒོམ། ཡང་དེ་ལས་འོད་ཕར་འཕྲོས་པས་བདེ་བར་གཤེགས་པ་ཐམས་ཅད་ཀྱི་གསུང་གི་རིགས་སུ་གྱུར་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ་ནས་འོད་ཟེར་ཚུར་ཐིམ་ནས་ཡོངས་སུ་གྱུར་པ་ལས། དཔལ་རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས་པ། གཡས་རྡོ་རྗེ་གཡོན་སྡིགས་མཛུབ་མཛད་པ། རྒྱན་ཐམས་ཅད་ཀྱིས་བརྒྱན་པ། ཐུགས་ཀར་ཨ་
2-2-238a
༄༅། །དམར་པོས་མཚན་པ། དེའི་རྒྱབ་ཏུ་རལ་གྲི་དམར་པོའི་གུར་ཁང་རླུང་སེར་བུ་ཙམ་ཡང་མི་ཐར་བར་བསྒོམ། དེ་ཡང་རྒྱ་ཁྱོན་བསམ་གྱིས་མི་ཁྱབ་པར་བསྒོམ། དེ་ནི་གསུང་མི་འགྱུར་བ་གནད་ཀྱི་འཁོར་ལོའོ། །དེ་ནས་ཡང་བདག་གི་ཐུགས་ཀའི་ཉི་མའི་གདན་ལ་ཧཱུཾ་མཐིང་ནག་གཅིག་བསྒོམ། དེ་ལས་འོད་ཟེར་ནག་པོའི་ཚོགས་སྤྲོས་པས། དྲེགས་པ་ཅན་ཐམས་ཅད་ཚར་བཅད་ནས་འོད་ཟེར་ཧཱུྃ་ལ་ཐིམ། དེ་ཡོངས་སུ་གྱུར་པ་ལས་རྡོ་རྗེ་རྩེ་ལྔ་པ་ཧཱུཾ་གིས་མཚན་པ་གཅིག་ཏུ་གྱུར་པར་བསྒོམ། དེ་ལས་འོད་ཟེར་ཕར་འཕྲོས་པ་ལས། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་རིགས་སུ་གྱུར་བ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ་ནས། འོད་ཟེར་ཚུར་ཐིམ་ནས་དེ་ཡོངས་སུ་གྱུར་པ་ལས། ཕྱག་ན་རྡོ་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་རྡོ་རྗེ། གཡོན་སྡིག་མཛུབ་མཛད་པ། དེའི་རྒྱབ་དུ་རྡོ་རྗེ་སྔོན་པོའི་གུར་ཁང་ཡངས་ཤིང་རྒྱ་ཆེ་བ། རླུང་སེར་བུ་ཙམ་ཡང་མི་ཐར་བར་བསྒོམ། དེ་ནི་ཐུགས་མི་འགྱུར་བ་གནད་ཀྱི་འཁོར་ལོའོ། ཡང་ཡི་དམ་གྱི་དཔུང་པ་གཉིས་ལ་ཧཱུྃ་མཐིང་ནག་རྩེ་རེ་བ་གཉིས་བསྒོམ། དེ་ཡོངས་སུ་གྱུར་པ་ལས། ཕྱག་ན་རྡོ་རྗེ་གཡས་རྡོ་རྗེ་གཡོན་སྡིག་མཛུབ་མཛད་པ་གཉིས། དེ་ནི་ཕོ་ཉ་ལས་ཀྱི་ལྷ་ཞེས་བྱའོ། །དེ་གཉིས་ལ་ཡང་དེ་འདྲ་བ་སྤྲོས་ལ། བྱད་མའི་ངག་ལ་བསྟིམ། གཡས་རྡོ་རྗེ། 
2-2-238b
གཡོན་ལྕགས་ཀྱུ་ཅན་ནོ། དེ་རྣམས་ཐམས་ཅད་ཁྲོ་བོའི་རྒྱན་ཐམས་ཅད་ཀྱིས་བརྒྱན་པ། ནང་རྒྱས་བཟློག་པའི་དུས་སུ། གུར་ཁང་གི་རྒྱབ་ཏུ་གཅོད་པའི་ཙཀྲ་རེ་རེ་བསམ་པ་གལ་ཆེ་གསུངས་སོ། །འཁོར་ལོའི་རབ་གནས་ནི། བསྲུང་བྱ་ལྟེ་བ་ལ་བསྐྱེད། འཁོར་ལོ་ཕྱི་ཏ་རྣམས་ལ་ཧའི་སྐུ་རེ་རེ་བསྐྱེད། བར་པ་རྣམས་ལ་གསུང་གི་ལྷ་རེ་རེ་བསྐྱེད། ནང་མ་རྣམས་ལ་ཐུགས་ཀྱི་ལྷ་རེ་རེ་བསྐྱེད། འཁོར་ལོ་ནི་གདན་ཐབས་སོ༑ གུར་ཁང་ནི་སྔོན་དང་འདྲའོ། །སྔགས་ནི་འདི་ཡིན་ནོ། །ཧཱུཾ་རྦད་ཡན་ཏྲ། ཆེ་གེ་མོ་ལུས་སྟཾ་བྷ་ཡ་སྭཱ་ཧཱ། ཙག་ཏྲ་ཙག་ཏྲ་རྦད། མན་ཏྲ་ཙག་ཏཱ་ཙག་ཏྲ་རྦད། གནོད་བྱེད་སྟཾ་བྷ་ཡ་སྭཱ་ཧཱ། ཨོཾ་ཧ་ཧ་ཧི་ཆེ་གེ་མོའི་ངག་སྟཾ་བྷ་ཡ་སྭཱ་ཧཱ། ཧི་ཧེ་ཧེ་ཧོ་ཧོ་ཧཱུཾ་ཧཱུཾ་ཕཊ་ཕཊ་བྷྱོ་བྷྱོ། སརྦ་སྟཾ་བྷ་ཡ་སྭཱ་ཧཱ། ཨོཾ་ཏྲི་ག་ཆེ་གེ་མོའི་ཡིད་སྟཾ་བྷ་ཡ་སྭཱ་ཧཱ་དྷི་ཏྲི་མུད་དྷི་ཏྲ་ཏྲི། ལོ་ཁ་པ་ཐ་ནི། ཧི་མོ་ས་རུ་ཁཾ་རཏྣ་བྱད་སྟེམས་མཱ་ར་ཡ་ཧཱུྃ་ཕཊ། ཐུན་གཅིག་ལ་ཉི་ཤུ་རྩ་གཅིག་གམ་ལྔ་བཅུའམ། བརྒྱ་གང་རུང་བཟླའོ། །སྐུ་གསུང་ཐུགས་མི་འགྱུར་བ་གནད་ཀྱི་ཙཀྲའོ། །ལྷ་འདྲེ་སྟོང་གི་སྒྲིབ་ཤིང་། བླ་མའི་ཞལ་གྱི་གདམས་པ་རྫོགས་སོ།། །།
༄། །བདག་ཡི་དམ་དུ་བསྒོམ།
བདག་ཡི་དམ་དུ་བསྒོམ། སྤྱི་བོར་ཨོཾ་ཡོངས་སུ་གྱུར་པ་ཨོཾ། མགྲིན་པར་ཨ་ཡོངས་སུ་གྱུར་པ་ལས་རལ་གྲི། ཐུགས་ཀར་ཨ་སྐྱེ་མེད་ཆོས་སྐུའི་དོན། བསྒོམ་ལུགས་གཞུང་ལྟར་ཡིན། ཨོཾ་ཡོངས་སུ་གྱུར་པ་ལས། རྡོ་རྗེ་རྩེ་དགུ་པ་གཅིག་ཏུ་གྱུར་པར་བསྒོམ། ཨ་ཡོངས་སུ་གྱུར་པ་
2-2-239a
༄༅། །ལས། རལ་གྲི་གཅིག་ཏུ་གྱུར་པར་བསྒོམ། ཨ་སྐྱེ་བ་མེད་པའོ། རང་གི་དཔུང་པ་གཉིས་ལ་ཧཱུྃ་རེ་རེ་ཡོད་པར་བསྒོམ། དེ་ཡོངས་སུ་གྱུར་པ་ལས་ཕྱག་ན་རྡོ་རྗེའོ། །ཡ་སོ་ལ་ཁྲོ་བོ་མ་སོ་ལ་ཁྲོ་མོ་བསྒོམ༑ དེ་ལ་སྔགས་འདི་བཟླའོ། ཧཱུཾ་རྦད་ནས། ཀུན་དྲིལ་སྔགས་པ་མང་པོ་དང་འགྲས་ན་བརྒྱ་རྩ་བརྒྱད་རེ་བྱའོ། རྟག་ཏུ་བདག་བསྲུང་ན་ཉི་ཤུ་རྩ་གཅིག་རེ་བྱའོ། འཁོར་དང་ཡོན་བདག་བསྲུང་ན་འཁོར་ལོ་བསྒོམ༑ གཞན་གྱི་རིགས་སྔགས་བཟློག་པ་ནི། ཁྲག་སྣ་ཚོགས། དུག་སྣ་ཚོགས་ཐོད་ངན་དུ་བླུག་ལ། སྲོད་ལ་སྔགས་བརྒྱ་རྩ་བརྒྱད་རེ་གདབ། ངོས་མ་ཟིན་ན་ཕྱོགས་བཞི་མཚམས་བརྒྱད་དུ་དྲག་སྔགས་བཟླས་ལ་གཏོར་བར་བྱའོ། ངོས་ཟིན་ན་དེའི་ཕྱོགས་སུ་འཕང་ངོ་། དགྲ་བགེགས་གང་ལ་ཡང་ཁྱད་མེད། སེར་བ་བསྲུང་ན་སྤྲིན་ལ་གཏོར། དུག་ཁྲག་ལ་མིའི་ཕུང་པོ་རི་རབ་ཙམ་དུ་བསམ། བྱད་མ་ཡུལ་འཁོར་དང་བཅས་པ། ཁོའི་ཡི་དམ་ཆོས་སྐྱོང་དང་བཅས་པ་རྡུལ་ཕྲན་ཙམ་ཡང་མ་ལུས་པར་བྱས་པར་བསྒོམ། ཡང་བྱད་མ་བསད་པར་འདོད་ན། ལུང་པ་གསུམ་འདུས་ཀྱི་མདོའི་ཆུ་རྡོ་བཀྲ་མི་ཤིས་པའི་མིས་བླངས་ལ། རེ་བའི་སྟེང་ན་ཟུར་གསུམ་དུ་བཀོད། ནག་པོ་བསད་པར་འདོད་ན་ཕོ་རོག་ཁྲག །སེར་པོ་བསད་པར་འདོད་ན་ངར་དུར་ཁྲག །བུད་མེད་བསད་པ་འདོད་ན་ཅུང་ཀའི་ཁྲག །སྔོན་པོ་བསད་པར་འདོད་ན་ཕུག་རོན་
2-2-239b
ཁྲག ༑ཀུན་ལ་མེད་དུ་མི་རུང་བ་ནི་གྲི་ཁྲག་ཡིན། སྔགས་བསྐོར་བུ་ལྟར་བྲིས་ལ། ཏིང་ངེ་འཛིན་ནི་གོང་ལྟར་བྱས་ནས། འུར་རྡོ་ནང་དུ་ཕྱོགས་བཞི་དང་མཚམས་བརྒྱད་དུ་འཕང་བར་བྱའོ། །འུར་རྡོ་ནི་ཀོང་ཟོར་ལྟར་བྱའོ། །དེ་ནས་བྱད་མ་བསད་ཁྲག་ཐུན་བྱ་པ་དང་། བྱད་ཐག་བཅད་པ་དང་། ལོ་བསྒོམ་ཟླ་བས་བཤིག་པ་དང་། ཟླ་བསྒོམ་ཞག་གིས་བཤིག་པ་དང་། ཞག་བསྒོམ་ཟ་མས་བཤིག་པ་ཡིན། བླ་མའི་ཞལ་ལས་ཤེས་བཟླས་བསྒོམ་བྱ་ཁྲག་ཐུན་འཕང་པར་བྱའོ། །ཉིན་དགུ་ཐེངས་གཅིག་བྱ། རྡོ་འཇམ་ནང་དུ་ལིང་ག་བྱ། འུར་རྡོ་འཕེན། གཟའ་རྒྱུ་དུས་ལན་བརྒྱད་བྱ། ངག་མནན་བྱ་ཐབས་ལ། བསྒྲུབ་བྱའི་གཟུགས་བྱ། ལྕེས་བྲང་ལ་སླེབ་པར་བྱ། ལྕེའི་སྟེང་དུ་འཁོར་ལོ་རྩིབས་བཞི་པ་བྲིས་ཏེ། སྣག་ཚ་ཁྲག་སྣ་ཚོགས་ལ་བྱའོ། ལྟེ་བར་ཆེ་གེ་མོའི་ངག་སྟེ་བྷ་ཡ་ནན། ཞེས་པ་བྲི། མུ་ཁྱུད་ལ་སྔགས་ཧཱུཾ་རྦད་དང་། ཧ་ཧ་ཅན་བྲི། དགུ་དྲུག་གཞུག་བྱ་ཞིང་མནན་པ་ཚུལ་བཞིན་དུ་བྱའོ། །གྲི་ལྕགས་ཕུར་པས་གདབ་ལ། ལྕགས་ཀྱི་གཟེར་མདའ་ནག་པོར་བསྒོམ། མནན་པ་ནི་རང་གི་མལ་འོག་ཏུ་བྱ། སྟེང་དུ་ཚ་ཚ་རབ་གནས་ཅན་གྱིས་མནན། དེའི་སྟེང་དུ་རང་བསྡད༑ རོ་གཡམ་ལ་རྡོ་རྗེ་རྒྱ་གྲམ་བྲིས་ལ་ཁ་བཅད། དེས་ནི་ངག་འཆིང་བར་འགྱུར་རོ། །སྔགས་པ་མང་ན་སྟོང་བཟླའོ། །བཅུ་མན་ཆད་ན་བརྒྱ་རྩ་བརྒྱད་བཟླའོ། །མང་ན་རང་གི་རྒྱུད་ལ་གནོད་པས་རན་པར་
2-2-240a
༄༅། །བྱའོ། །ཕྲེང་བ་ནི་ཡར་ལ་ལོག་པའོ། །བཟློག་ཚེ་མེ་ལ་མི་ཕུ། མི་ལ་གཏམ་མི་སྨྲ་ལྷ་འདྲེ་སྟོང་གི་སྒྲིབ་ཤིང་། སྐུ་གསུང་ཐུགས་མི་འགྱུར་བ་གནད་ཀྱི་མན་ངག །ལོ་བསྒོམ་ཞག་གིས་བཤིག་པ་རྫོགས་སོ། །མངས་ན་རིན་ཆེན་གསེར་ཡང་ལོད། །གཞན་ལ་སྤེལ་ན་བསྟན་པ་འཇིག །གཅིག་གིས་ཤེས་ན་ཀུན་ལ་ཚར། །མང་པོར་སྤེལ་ན་ཉམས་པའི་རྒྱུ། །ཟབ་མོ་ཐུགས་ཀྱི་དཀྱིལ་དུ་སྦོས། །བསྲུང་བཟློག་འདི་མཁའ་འགྲོ་མས། རྗེས་དུས་གསུམ་མཁྱེན་པ་ལ་གསུངས། དེས་སྲེ་པོམ་རས་པ་ལ་གནང་། དེས་སློབ་དཔོན་ཐུགས་རྗེ་ཆེན་པོ་ལ་གནང་། དེས་བསྒོམ་པ་བྲག་ལྷ་ལ་གནང་པའོ། །བུདྡྷ་ཨོཾ་རྣམ་སྣང་བྷྲུཾ༔ བཛྲ་མི་བསྐྱོད་ཧུ་བྲུཾ། རཏྣ་རིན་འབྱུང་ཏྲཾ་བྲུཾ། པད་སྣང་བ་མཐའ་ཡས་མ་ཧྲི་བྲུཾ། ཀརྨ་དོན་ཡོད་གྲུབ་པ་ཧ་བྲུཾ། བྲུཾ་རཀྵ་རཀྵ་བྲུཾ། ཞེས་བརྗོད་པས་རིན་པོ་ཆེའི་གཞལ་ཡས་ཁང་གྲུ་བཞི་སྒོ་བཞི་དང་ལྡན་པ་གཅིག་བསྒོམ། དེའི་དབུས་སུ་ཉི་ཟླའི་གའུ་ཁ་སྦྱོར། དེའི་ནང་དུ་བསྲུང་བྱ་ཐམས་ཅད་བསྒོམ་གཞལ་ཡས་ཁང་གི་ནང་ཉི་ཟླ་ཀ་སྦྱོར་རྒྱབ་ཏུ་ཐོད་པའི་གུར། ཨཱ་ལི་དཀར་པོ་བཅུ་དྲུག་ལ་ཁྲོ་བོ་དཀར་པོ་བཅུ་དྲུག །གཡས་རྡོ་རྗེ་གཡོན་སྡིག་མཛུབ་ཅན་བསྒོམ་མོ། །དེའི་རྒྱབ་ཀཱ་ལི་དམར་པོ་སུམ་ཅུ་རྩ་གཉིས་ལ་ཁྲོ་མོ་དམར་མོ་སུམ་ཅུ་རྩ་གཉིས་བསམ། གཡས་རྡོ་རྗེ། གཡོན་སྡིགས་མཛུབ་ཅན། རྡོ་རྗེ། འཁོར་ལོ། རིན་པོ་ཆེ། པདྨ། 
2-2-240b
རལ་གྲི། དེའི་རྒྱབ་ཏུ་གུར་ཁང་གཞུང་བཞིན་བསྒོམ། འཁོར་ལོ་ནང་མ་རྩིབས་བཅུ་གཉིས་ལ། ཐུགས་ཀྱི་ཁྲོ་བོ་ཕྱག་གཡས་ན་རྡོ་རྗེ། གཡོན་ན་སྡིགས་མཛུབ་བཅུ་གཉིས་བསྒོམ། དེ་རྒྱབ་ཏུ་རྡོ་རྗེའི་ར་བ་བསྒོམ། རྒྱབ་འཁོར་ལོ་རྩིབས་བཅུ་དྲུག་པ། གསུང་གི་ཁྲོ་བོ་རྟ་མགྲིན་དམར་པོ་བཅུ་དྲུག །གཡས་རྡོ་རྗེ། གཡོན་སྡིགས་མཛུབ་ཅན་ནོ། །དེ་རྒྱབ་རལ་གྲིའི་གུར་ཁང་དང་འཁོར་ལོ་བསྒོམ། དེ་རྒྱབ་རྩིབས་ཉི་ཤུ་ལ་རལ་གྲིའི་གུར་ཁང་དང་འཁོར་ལོ་བསྒོམ་མོ། སྐུའི་ཁྲོ་བོ་བདུད་རྩི་འཁྱིལ་པ་དཀར་པོ་ཞལ་གཅིག་ཕྱག་གཉིས་པ། གཡས་རྡོ་རྗེ། གཡོན་སྡིགས་མཛུབ་ཅན་དུ་བསྒོམ་མོ། །དེ་རྒྱབ་རྡོ་རྗེ་ཕྱེད་པའི་གུར་ཁང་དང་འཁོར་ལོ་བསྒོམ་མོ། །དེ་ནས་སྔགས་འདིའི་འདོགས་གང་མོས་པའི་སྔགས་རྐྱང་པ་དངོས་ལ་བསྲུང་བ་ལ་ལྔ་བཅུ་རྩ་བཞི་བརྗོད། དེའི་ཚེ་ཁྲོ་བོ་རྣམས་ཞལ་ནང་དུ་རྒྱུ་བར་བསྒོམ། ཡང་བཟློག་གཞན་གྱི་རིགས་སྔགས་བཟློག་གཅིག །བསད་པ་ལ་མཱ་ར་ཡ་ཕཊ་ལ་སྔགས་དང་། དངོས་ལ་སྔགས་ཟོར་དང་བཟློག་པ་ལའོ་ཉི་ཤུ་རྩ་གཅིག་བརྗོད། དེའི་ཚེ་ཁྲོ་བོ་ཞལ་ཕྱིར་གྱུ་བར་བསྒོམ། དེ་ནས་ཕྲེང་བ་ལ་ཕར་བགྲང་། དེ་ནས་བསད་པ་ལ་བརྒྱ་རྩ་བརྒྱད་བཟླ་ཚེ་ཡང་ཕྲེང་བ་ལ་ཕར་བགྲང་། ཡང་ན་ཡང་བཟློག་འཁོར་ལོ་ལྔ་བཟློག་པ་བྱ་ནང་རྒྱས་བཟློག་པའི་དུས་སུ། གུར་ཁང་ཕྱིའི་རྒྱབ་ཏུ་མཚོན་ཆ་སྣ་ཚོགས། རྩེ་མོ་ཕྱིར་བསྟན་པའི་གུར་ཁང་གིས་བྱད་མ་
2-2-241a
༄༅། །ལྷ་དང་བཅས་པ་མྱག་མྱག་བཏང་བར་བསམ་པ་གལ་ཆེའོ། །བཟློག་པའི་དུས་སུ་བདག་གིས་སྔགས་བཟླས་པས་བྱད་མ་ལྷ་དང་བཅས་པ་ཕར་ལ་ལོག་མ་ཁོམ་པར་རྡུལ་ཕྲ་རབ་བཞིན་བཏང་བར་བསམ་པ་ཡང་ཡང་དུ་གལ་ཆེའོ། །བླ་མའི་ཞལ་གྱི་གདམས་ངག་ཟིན་བྲིས་སུ་བྱས་པའོ། །བསྲུང་བཟློག་བསད་གསུམ་གང་ཡིན་གྱི་རྟགས་གཞན་དང་མཐུན་གསུང་། བདག་ཉིད་ཡི་དམ་གཞུང་ལྟར་བསྒོམ། ཡི་དམ་ལྷ་ཚོགས་ཀྱི་ཕྱི་རོལ་དུ་ཐོད་པ་དུམ་བུ་གཅིག་པའི་གུར་ཁང་ཕྱི་ནས་ལྟས་ན་ནང་གསལ་བ། ཤེལ་སྒོང་ཕྱིས་པ་ལྟ་བུ་གཅིག་བསྒོམ། དེའི་རྒྱབ་ཏུ་རྡོ་རྗེ་སྔོན་པོ་འཁོར་ལོ་དཀར་པོ་རིན་པོ་ཆར་སེར་པོ་པད་མ་དམར་པོ། རལ་གྲི་ལྗང་ཁུ། བསྐལ་པའི་མེ། སྲིད་པའི་རླུང་། ཡེ་ཤེས་ཀྱི་ཆུ། སྟོང་པ་ཉིད་ཀྱི་གུར་ཁང་རྣམས་བསྒོམ་དེའི་སྟེང་དུ་བཀའ་རྒྱུད་རྣམས་སྤྲིན་ཕུང་ལྟར་བསྒོམ། ཐོད་པ་དེའི་གློ་ན་ཕྱིར་ལ་ཁྲོ་བོ་དང་ཁྲོ་མོ་རྣམས་ཞལ་ཕྱིར་ལ་གྱུ་བ་འབུར་དུ་དོད་པ་བསྒོམ། ཐོད་པའི་ཕྱི་རིམ་ན་མེ་རི་དང་ཚ་ཚ་འཕྲོ་བར་བསྒོམ། བསྲུང་བྱ་ཐམས་ཅད་གུར་ཁང་ནང་དུ་བསྒོམ་ཡི་དམ་ལྷ་སྤྱི་བོར་ཨོཾ་དཀར་པོ་ཡོངས་སུ་གྱུར་པ་ལས༑ རྡོ་རྗེ་རྩེ་ལྔ་པ། མགྲིན་པར་གསུང་གི་ངོ་བོ་ཨ་ལས་རལ་གྲི་དམར་པོ་རྡུལ་ཕྱིས་པ་ལྟ་བུ། ཐུགས་ཀར་ཨ་སྐྱེ་བ་མེད་པའོ། །དཔུང་མགོར་ཕྱག་རྡོར་རོ། །ཉལ་དུས་རྣམ་ཤེས་རྡོ་རྗེ་རྩེ་ལྔ་པའོ། སྣང་སྟོང་
2-2-241b
དབྱེར་མེད་དོ། །སྔགས་བསྐོར་བུ་ལྟ་བུའོ། །ཕྱག་བཟློག་མཚོན་ཆའི་འཁོར་ལོའོ། །ཐུགས་བཟློག་མེའི་འཁོར་ལོའོ། །གསུང་བཟློག་རླུང་གི་འཁོར་ལོའོ། །སྐུ་བཟློག་ཆུའི་འཁོར་ལོའོ། །འཁོར་ལོ་འདི་ལྔ་ཤིན་ཏུ་གཅེས། །བླ་མའི་ཞལ་ལས་ལེགས་པར་དྲིས། །མན་ངག་མདུད་པ་ཡོན་གྱིས་ཁྲོལ། །ངག་བཀྲོལ་བའི་སྔགས་ལ་རང་དབུ་མ་རལ་གྲི་རྡུལ་ཕྱིས་པ་ལྟ་བུར་བསྒོམ། ཨོཾ་ཨཱ༔ཧཱུྃ་བཛྲ་གུ་རུ་ཤོ་དྷ་ཡ་སྭཱ་ཧཱ་སྤྱི་བོར་བདུད་རྩི་འཁྱིལ་པ། ཐུགས་ཀར་རྣམ་པར་སྣང་མཛད་ཟླ་བའི་གདན་ལ་བཞུགས་པར་བསྒོམ། མགྲིན་པར་རྟ་མགྲིན་ཐུགས་ཁར་པད་མའི་གདན་ལ་སྣང་བ་མཐའ་ཡས། ཕྱག་ན་རྡོ་རྗེའི་ཐུགས་ཀར་ཉི་མའི་གདན་ལ་རྡོ་རྗེ་སེམས་དཔའ། ལྟེ་བའི་འོད་ཕུང་གི་ནང་དུ་རིན་ཆེན་འབྱུང་ལྡན། གསང་གནས་མེ་དཔུང་གི་ནང་དུ་དོན་ཡོད་གྲུབ་པ། ཧཱུཾ་རྦད་ཡན་ཏྲ་ཙག་ཏྲ་ཙག་ཏྲ་རྦད། མན་ཏྲ་ཙག་ཏཱ་ཙག་ཏྲ་རྦད། གནོད་བྱེད་སྟཾ་བྷ་ཡ་སྭཱ་ཧཱ། ཨོཾ་ཧྲི་ཧ་ཧ་ཧི་ཧི་ཧེ་ཧེ་ཧོ་ཧོ་ཧཱུཾ་ཧཱུཾ་ཕཊ་ཕཊ་བྷྱོ་བྷྱོ་བཟློག་བཟློག་ཛ་ཛ། གནོད་སརྦ་སྟཾ་བྷ་ཡ་སྭཱ་ཧཱ། ཨོཾ་ཏྲི་ག་དྷི། ཏྲི་མུན་དྷི། ཏྲི་ལོ་ཀ །མུ་ལོ་རྦད། ས་ཏ་ནི། ཏྲི་མུ་རཏྣ་ས་ག་བྱད་སྟེམས་མཱ་ར་ཡ་ཧཱུཾ་ཕཊ༑ སྔགས་ཀྱི་དག་ཡིག་གོ །ཡཀྵ་པ་ལ་སད། ཏེ་ནོ་སད་ཏེ་ནོ་སད། ད་རུ་པ་རུ་སད། མནན་སྔགས་ཡིན་ནོ། །རྫོགས་སོ།། །།
2-2-242a
༄༅། །སྐུ་གསུང་ཐུགས་མི་འགྱུར་བ་གནད་ཀྱི་འཁོར་ལོ་བཞུགས་སོ། །
༄༅། །སྐུ་གསུང་ཐུགས་མི་འགྱུར་བ་གནད་ཀྱི་འཁོར་ལོ་བཞུགས་སོ། ། ཨོཾ་སྭཱ་སྟི། དུས་གསུམ་སངས་རྒྱས་བླ་མ་རིན་པོ་ཆེ་དང་ནི། ཌཱ་ཀིའི་ཚོགས་ལ་ཕྱག་འཚལ་ལོ། །ལྷ་འདྲེ་སྟོང་གི་སྒྲིབ་ཤིང་གི་མན་ངག་འདི་ནི། བླ་མ་རིན་པོ་ཆེ་གནས་ནང་པ་ལ་མཁའ་འགྲོ་མས་ལུང་བསྟན་པ་ལགས་སོ། །དེ་ནས་ཚད་མེད་པ་བཞི་དང་སེམས་བསྐྱེད་ཆོ་ག་གཞན་ལྟར་བྱའོ། །བདག་ཡི་དམ་བསྒོམ་པའི་སྤྱི་བོའི་སྟེང་ན། ཨོཾ་དཀར་པོ་གསལ་བ་གཅིག་བསྒོམ། དེ་ལས་འོད་ཟེར་དཀར་པོའི་ཚོགས་འཕྲོས་པས། དུས་གསུམ་གྱི་བདེ་བར་གཤེགས་པའི་སྐུ་ལ་ཕོག་པས། སྐུའི་རིགས་ཀྱི་རྒྱུད་བསྐུལ། སྐུའི་བྱིན་རླབས་ཐམས་ཅད་བསྡུས་ནས། ཚུར་ཐིམ་པ་ལ་རྡོ་རྗེ་དཀར་པོ་ཨོཾ་གྱིས་མཚན་པ་གཅིག་བསམ། དེ་ཡོངས་སུ་གྱུར་པ་ལས། བདག་གི་སྤྱི་བོར་བཅོམ་ལྡན་བདུད་རྩི་འཁྱིལ་པ་སྐུ་མདོག་དཀར་པོ་མདངས་དང་ལྡན་པ། གཡས་རྡོ་རྗེ། གཡོན་ཐུགས་ཀར་སྡིགས་མཛུབ་མཛད་པ། ཞི་བའི་ཚུལ་དགྱེས་པའི་མདངས་དང་ལྡན་པ་གཅིག་བསྒོམ། དེའི་ཐུགས་ཀར་འོད་ཟེར་འཕྲོས་པ་ལས། རྡོ་རྗེ་དཀར་པོའི་གུར་ཁང་རླུང་སེར་བུ་ཙམ་ཡང་མི་ཐར་བ་གཅིག་ཏུ་བསྒོམ། དེ་ནི་སྐུ་མི་འགྱུར་བ་གནད་ཀྱི་བསྲུང་བ་ལགས་སོ།། །།དེ་ནས་ཡང་བདག་གི་མགྲིན་པར་པད་མ་དམར་པོ་གཅིག་གི་སྟེང་དུ། ཨ་དམར་པོ་གསལ་བ་གཅིག་བསྒོམ། དེ་ལས་འོད་ཟེར་དམར་པོའི་ཚོགས་
2-2-242b
འཕྲོས་པས། གསུང་གི་རྒྱུད་བསྐུལ་བ་ལ་སོགས་པ་གོང་གིས་འདྲེ། ཨ་ཡོངས་སུ་གྱུར་པ་ལས། རལ་གྲི་དམར་པོ་ཨས་མཚན་པ་གཅིག་བསྒོམ། དེ་ཡོངས་སུ་གྱུར་པ་ལས་བདག་གི་མགྲིན་པར་དཔལ་རྟ་མགྲིན་སྐུ་མདོག་དམར་ལ་མདངས་དང་ལྡན་པ། ཕྱག་མཚན་གོང་དང་འདྲ། ཞལ་ཁྲོ་ཞལ་དུ་འདུག་པ་གཅིག་བསྒོམ། དེའི་ཐུགས་ཀར་འོད་ཟེར་འཕྲོས་པ་ལས། རལ་གྲི་དམར་པོའི་གུར་ཁང་རླུང་སེར་བུ་ཙམ་ཡང་མི་ཐར་བར་བསྒོམ། དེ་ནི་གསུང་མི་འགྱུར་བ་གནད་ཀྱི་བསྲུང་བ་ལགས་སོ། །ཡང་བདག་གི་ཐུགས་ཀར་པད་ཉིའི་སྟེང་དུ་ཧཱུྃ་ནག་པོ་འོད་ཟེར་འཕྲོ་བ་གཅིག་བསྒོམ། འོད་ཟེར་སྤྲོ་བསྡུ་གོང་དང་འདྲ་ཧཱུྃ་ཡོངས་སུ་གྱུར་པ་ལས། བདག་གི་ཐུགས་ཀར་དཔལ་ཕྱག་ན་རྡོ་རྗེ་སྐུ་མདོག་མཐིང་ནག་མདངས་དང་ལྡན་པ། ཕྱག་མཚན་གོང་དང་འདྲ། ཞལ་ཁྲོ་ཞལ་དུ་འདུག་པ། འཇིགས་པའི་ཆ་བྱད་ཅན་དུ་བསྒོམ། དེའི་ཐུགས་ཀར་འོད་ཟེར་འཕྲོས་པ་ལས། གནམ་ལྕགས་ཀྱི་རྡོ་རྗེ་ནག་པོའི་གུར་ཁང་རླུང་སེར་བུ་ཙམ་ཡང་མི་ཐར་བ་གཅིག་ཏུ་བསྒོམ། དེ་ནི་ཐུགས་མི་འགྱུར་བ་གནད་ཀྱི་བསྲུང་བ་ལགས་སོ། །བདག་གི་གསང་གནས་སུ་མེ་དཔུང་གི་ནང་དུ་དོན་ཡོད་གྲུབ་པའོ་དཔུང་པ་གཡས་པའི་སྟེང་དུ། ཁྲོ་བོ་ར་ཀའི་མིང་བསྒོམ། ལྟེ་བར་འོད་ཕུང་གི་ནང་དུ་རིན་ཆེན་འབྱུང་ལྡན། དཔུང་པ་གཡོན་པའི་ནང་དུ་ཁྲོ་བོ་ཧཱུྃ་ཀ་རའི་མིང་བསྒོམ། སྤྱི་
2-2-243a
༄༅། །བོའི་ལྷ་དང་གུར་ཁང་ལས་འོད་འཕྲོས་ནས། ཁོའི་ལུས་ལ་ཕོག་པས་འཁོར་ལོ་གཡོན་དུ་འཁོར་བས་བྱད་མའི་ལུས་མྱ་ལ་ལ་གཏུབས་པར་བསྒོམ། གསུང་དང་ཐུགས་ཀྱང་དེས་འགྲེ། དེས་ནས་སྐུ་གསུང་ཧྲི་ག་དྷི་དང་ཧ་ཧ་ཅན་དང་ཧཱུྃ་རྦད་ལྔའོ་ཐུགས་གསུམ་ཀའི་སྔགས་ལ་བཟླས་པ་བྱ། དེ་ནས་བདག་གི་ཐུགས་ཀའི་ཧཱུྃ་ལས་འོད་འཕྲོས་པས་འགྲོ་བའི་དོན་བྱས། ཚུར་འདུས་པ་ལས་འཁོར་ལོ་ཟེར་པོ་རྩིབས་བཅུ་གཉིས་པ་གདན་ཐབས་སུ་བསམ། ཡང་ཐུགས་ཀ་ནས་ཧཱུྃ་བཅུ་གཉིས་འཕྲོས་པས་རྩིབས་བཅུ་གཉིས་ཀྱི་སྟེང་དུ་བབས། དེ་རྣམས་ཡོངས་སུ་གྱུར་པ་ལས། དཔལ་ཕྱག་ན་རྡོ་རྗེ་གོང་གི་ཐུགས་ཀར་བསྐྱེད་པ་ལྟ་བུ་བཅུ་གཉིས་བསྒོམ། དེའི་རྒྱབ་ཏུ་རྡོ་རྗེ་སྔོན་པོའི་གུར་ཁང་བསྒོམ། མགྲིན་པར་ཨ་ལས་འོད་འཕྲོས་པས། འགྲོ་བའི་དོན་བྱས་ཚུར་འདུས་པ་ལས། འཁོར་ལོ་དམར་པོ་རྩིབས་བཅུ་དྲུག་པ་གདན་ཐབས་སུ་བསམ༑ མགྲིན་པ་ནས་ཧྲིཿདམར་པོ་བཅུ་དྲུག་འཕྲོས་པས་འཁོར་ལོའི་སྟེང་དུ་བབས། དེ་རྣམས་ཡོངས་སུ་གྱུར་པ་ལས། ཁྲོ་བོ་བཅུ་དྲུག་མགྲིན་པར་བསྐྱེད་པ་ལྟར་བསྒོམ། དེའི་རྒྱབ་ཏུ་རལ་གྲི་དམར་པོའི་གུར་བསྒོམ་མོ། །ཡང་སྐུ་ལས་འོད་འཕྲོས་པས་འགྲོ་བའི་དོན་བྱས། ཚུར་འདུས་པ་ལས་འཁོར་ལོ་དཀར་པོ་རྩིབས་ཉི་ཤུ་པ་གདན་ཐབས་སུ་བསམ། སྐུ་ལས་ཨོཾ་དཀར་པོ་ཉི་ཤུ་འཕྲོས་པས་འཁོར་ལོའི་སྟེང་དུ་
2-2-243b
བབས༑ དེ་རྣམས་ཡོངས་སུ་གྱུར་པ་ལས། ཁྲོ་བོ་ཆེན་པོ་བདུད་རྩི་འཁྱིལ་པ་གོང་གི་སྤྱི་བོར་བསྐྱེད་པ་ལྟ་བུ་ཉི་ཤུ་བསྒོམ། དེའི་རྒྱབ་ཏུ་འཁོར་ལོ་དཀར་པོའི་གུར་ཁང་བསྒོམ། དེའི་རྒྱབ་ཏུ་ཐོད་པ་སྐམ་རློན་གྱི་གུར་ཁང་། དེའི་རྒྱབ་ཏུ་མཚོན་ཆ་སྣ་ཚོགས་ཀྱི་འཁོར་ལོའི་གུར་ཁང་དང་། བསྐལ་པའི་མེ་རིའི་གུར་ཁང་དམར་ནག་འུ་རུ་རུ་འབར་བར་བསམ། བསྲུང་བྱ་ཡོད་ན་བདག་གི་ཐུགས་ཀའི་ཉི་ཟླའི་གའུའི་ནང་དུ། ཧཱུྃ་དཀར་དམར་ཚོགས་པར་བསམ་ལྷ་འདྲེ་སྟོང་གི་སྒྲིབ་ཤིང་། བླ་མ་རིན་པོ་ཆེ་གནས་ནང་པ་ལ་ཌཱ་ཀི་མས་གནང་བ་ལགས་སོ། གཞན་ཡང་བསྲུང་བའི་འཁོར་ལོ་བྲི་བ་ནི། མཆོད་པ་ལེགས་པར་བཤམས་ལ། རབ་གནས་གཟབ། ལྷ་བསྐྱེད་བསྟིམ་ལེགས་པར་བྱས་ལ་གདགས་སོ། །བསྲུང་བྱ་ཡོད་ན་ཐུགས་ཀར་ཉི་ཟླའི་གའུའི་ནང་དུ་ཧཱུྃ་གི་ཚོགས་སུ་བསམ་མོ། །ཨྠྀི། །བླ་མ་དམ་པ་རྣམས་ལ་ཕྱག་འཚལ་ལོ། སྐུ་གསུང་ཐུགས་མི་འགྱུར་བའི་གདམས་ངག་ནི། རང་ཡི་དམ་དུ་བསྒོམ་པའི་དཔུང་པ་གཉིས་སུ་ཧཱུྃ་རེ་རེ་བསམ། དེ་གཉིས་ཡོངས་སུ་གྱུར་པ་ལས། ཁྲོ་ཆུང་ཞལ་གཅིག་ཕྱག་གཉིས་པ་སྐུ་མདོག་ནག་པོ་གཡས་རྡོ་གཡོན་སྡིགས་མཛུབ་མཛད་པ་རེ་རེ་བསྒོམ། དེ་ནས་བདག་གི་སྐུའི་ངོ་བོ་དེ་ཨོཾ་དཀར་པོ་གཅིག་ཏུ་བསམ། དེ་ཡོངས་སུ་གྱུར་པ་ལས་རྡོ་རྗེ་དཀར་པོ་རྩེ་ལྔ་པ་གཅིག་དུ་བསམ། གསུང་གི་ངོ་བོ་ཨ་དམར་པོ་
2-2-244a
༄༅། །ཡོངས་སུ་གྱུར་པ་ལས། རལ་གྲི་དམར་པོ་གཅིག་ཏུ་བསམ། ཐུགས་ཀྱི་ངོ་བོ་དེ་ཧཱུྃ་མཐིང་ནག །དེ་ཡོངས་སུ་གྱུར་པ་ལས། རྡོ་རྗེ་མཐིང་ནག་རྩེ་ལྔ་པ་གཅིག་ཏུ་གྱུར་པར་བསྒོམ། སྔགས་མན་ངག་ལྟར་བཟླའོ།། །།རིགས་སྔགས་མཁན་མང་པོ་དང་འགྲས་ནས་བདག་ལ་རིགས་སྔགས་བྱེད་ན་བརྒྱ་རྩ་བརྒྱད་རེ་བཟླ། དེ་བས་ཉུང་དང་འགྲས་ན་ལྔ་བཅུ་རྩ་ལྔ་རེ་བཟླ། དེ་བས་ཉུང་དང་འགྲས་ན་ཉི་ཤུ་རྩ་རེ་བཟླ༑ དེ་མིན་རང་ལ་བྱད་བྱེད་མི་ཡོད་ཀྱིས་དོགས་ནས་དུས་རྟག་ཏུ་རང་ལུས་བསྲུང་བ་ལ་བདུན་ནམ་ཉི་ཤུ་རྩ་གཅིག་བཟླས་སོ། །དེ་བས་མང་ན་རང་གི་རྒྱུ་འབྲས་བསྲེག་པས་དེ་བས་མང་པ་མི་བཟླའོ། །ཕ་རོལ་པོས་རིགས་སྔགས་མང་པོས་བདག་ལ་ལྷ་འདྲེ་སྟོང་རྦད་ཀྱང་དེས་མི་མཐོང་ངོ་། །སླར་ལོག་ནས་ཁོ་རང་གི་སྲོག་གཅོད་པ་ཡིན་པས། ཁོའི་རྒྱུ་འབྲས་འཚིག་པ་ཡིན་པས། དེ་བས་ཤིན་ཏུ་སྡིག་ཆེ་བ་ཡིན་གསུང་༑ སྐུ་གསུང་ཐུགས་མི་འགྱུར་བའི་མན་ངག །ལྷ་འདྲེ་སྟོང་གི་སྒྲིབ་ཤིང་རང་ལུས་བསྲུང་བ་འདི། རང་གི་སྙིང་གི་དཀྱིལ་དུ་ཆོངས། དམ་ཚིག་ལ་གནས་པ་མ་ཡིན་པའི། དམ་མེད་རྣམས་ལ་མ་སྤེལ་ཅིག །དེ་ལ་སྤེལ་ན་མནར་མེད་ན་ར་ཀན། བཟླས་པ་བྱེད་པའི་དུས་སུ་བདག་ཡི་དམ་དུ་བསྒོམ་པའི་ཡ་སོ་བཅུ་དེ་ཁྲོ་བོ་ནག་པོ་བཅུ་རུ་བསྒོམ། མ་སོ་བཅུ་དེ་ཁྲོ་མོ་དམར་མོ་བཅུ་རུ་བསྒོམ། ལྗགས་དེ་རྟ་མགྲིན་དམར་
2-2-244b
པོ་གཅིག་ཏུ་བསྒོམ། བསྲུང་བའི་དུས་སུ་བདག་གི་ལུས་པོ་དེ་ཟླ་བའི་དཀྱིལ་འཁོར་དཀར་ལ་གསལ་བ་ཉ་གང་བ་གཅིག་ཏུ་བསྒོམ། ནང་རྒྱས་ཀྱི་དུས་སུ་བདག་གི་ལུས་པོ་དེ་ཉི་མའི་དཀྱིལ་འཁོར་སེར་མ་འཚེར་བ་གཅིག་ཏུ་བསྒོམ། ཐུགས་ཀར་ཧཱུྃ་ནག་པོ་གཅིག་བསྒོམ། རང་ཉལ་བར་འདོད་ན་སེམས་དེ་ཡོངས་སུ་གྱུར་པ་ལས། རྡོ་རྗེ་རྩེ་ལྔ་པ་གཅིག་ཏུ་ཕྱི་ནང་ཐམས་ཅད་རྡོ་རྗེ་རྩེ་ལྔ་པ་གཅིག་གིས་བལྟམས་པར་བསམ། བསམ་ལ་ཉལ། སྒྲུབ་པ་པོ་རང་མིས་བྱད་དུ་བཅུག་ན། དེ་ཕྱུང་བའི་ཐབས་ལ། རང་གི་ཡན་ལག་བཞི་ལ་རཾ་དམར་པོ་བཞི་བསམ། དེར་སྔགས་བཟླས་པས་རཾ་ལས་མེ་དམར་ནག་འུ་རུ་རུ་འབར་བས་བྱད་མ་དང་གནོད་བྱེད་རྣམས་བསྲེགས་པར་བྱ་སྒྲོ་མེ་ལ་བསྲེགས་པ་བཞིན་བསམ། བསྲེགས་ནས་ཐལ་བའི་རྡུལ་དུ་བརླག་པར་བསམ་མོ། །དེ་ནས་བདག་གི་ཡན་ལག་བཞི་པོ་དེ་ལྕགས་ཀྱི་རྡོ་རྗེ་རྩེ་ལྔ་པ་རེ་རེར་བསམ་མོ། །ཕ་རོལ་པས་རང་ལ་མནན་པ་བྱས་ན། དེ་བཀྲོལ་བའི་ཐབས་ལ། བདག་ཐ་མལ་པའི་ལྕེ་རྩར་ནི་ཏྲི་ནག་པོ་གཅིག་བསམ། དེའི་འོག་ཏུ་ཡཾ་སྔོ་སྐྱ་གཅིག་བསམ། དེ་ལ་སྔགས་ནི། ཨོཾ་བཛྲ་རཾ་པ་ཡཾ་ཀུ་རུ་ཤ་ཊ་ཡ་སྭཱ་ཧཱ། ཞེས་ལན་བདུན་བདུན་བཟླས་པས། ཡཾ་ལས་རླུང་བྱུང་བས་རོ་ལ་ཕོག །རཾ་ལས་མེ་འབར་བས་ཁོའི་བསམ་སྦྱོར་ངན་པ་ཐམས་ཅད་བྱས་པའི་ངོ་བོ་ནི་ཏྲི་དེ་ཡིན་པར་བསམ་པ་དེ་བསྲེགས་ནས་ཐལ་བའི་རྡུལ་དུ་
2-2-245a
༄༅། །བརླག་པར་བསམ། དེ་ནས་བདག་གིས་ཁྲུས་བྱས་ལ་རང་གི་ལྕེ་དེ་རྟ་མགྲིན་དམར་པོ་མཚོན་གང་བ་གཅིག་ཏུ་བྱིན་གྱིས་བརླབ་བོ། །ཡང་རྡོ་རྗེ་རྩེ་ལྔ་པ་གཅིག་ཏུ་བསམ། དེ་ལས་ངག་ནུས་ཡེ་ཤེས་པའི་ངག་གི་ནུས་པ་ཐམས་ཅད་རང་ལ་བསྡུའོ་པ་དང་ལྡན་པར་བསམ་ལ་བསྒོམ་བཟླས་བྱའོ། །ཨྠྀི།། ༈ །། ཤྲཱི་ཌཱ་ཀི་མ་ལ་ན་མོ། འདི་མཁན་པོ་གཉིས་ནང་འགྲས་བྱུང་ན་མན་ངག་འདི་ལྟར་བྱའོ། ས་བཀྲ་མི་ཤིས་པ་གཅིག་ལ་ཚ་ཚ་ནག་པོ་གཅིག་བྱས་ལ། བྱད་མའི་ལིང་ག་ནང་དུ་བཅུག །ཚ་ཚ་བྲུབ་ཁུང་དུ་བཅུག་ལ་འགུག་འདྲེན་བྱ། རི་རབ་ནང་དུ་སྔགས་འདི་བྲིའོ། ཡཀྵ་པ་ལ་སད། ས་ཤ་པ་ལ་སད། ཧེ་ནེ་སད། ད་རུ་སད༑ རུ་སད་ཞག་བདུན་བསྒྲུབ་པའོ། །དེ་ནས་ཚ་ཚ་མཆོད་རྟེན་ནག་པོ་གཅིག་གི་ཞབས་སུ་མནན་པ་བྱའོ། །བདག་གི་སྤྱི་བོའི་སྟེང་ན་ཧཱུྃ་གཅིག་ཡར་བྱུང་བ་དེ་ཡོངས་སུ་གྱུར་པ་ལས། གསེར་གྱི་རྡོ་རྗེ་རྩེ་དགུ་པ་གཅིག་ཏུ་གྱུར། དེ་ཡོངས་སུ་གྱུར་པ་ལས། གསེར་གྱི་ཙཀྲ་རྩིབས་སྟོང་དང་ལྡན་པ་གཅིག་ཏུ་གྱུར་པར་བསྒོམ། དེ་རྣམས་ཀྱིས་དབུས་ཀྱི་ཐུབ་པ་ཆེན་པོ་ལ་ཕྱག་དང་བསྐོར་བ་བྱེད་པ་དང་། ཆོས་ཉན་པར་བསམ༑ ཞབས་ནས་སའི་ལྷ་མོ་བརྟན་མས་ཕྱོགས་བཞི་ནས་སའི་དཀྱིལ་འཁོར་དང་བཅས་པས་བརྟེན་པར་བསམ། འཁོར་ལོའི་ལྟེ་བའི་སྟེང་དུ་སངས་རྒྱས་ཤཱཀྱ་ཐུབ་པས་ཆོས་བཤད་པས། སྣང་སྲིད་ཀྱི་ལྷ་མ་
2-2-245b
སྲིན་སྡེ་བརྒྱད་ཀྱིས་ཆོས་ཉན་ནས་དེ་ལ་ཡེངས་པར་བསྒོམ། དེ་ལྟར་བྱས་ན་ཁོས་ཅི་ཙུག་རྦད་ཀྱང་། སླར་ལོག་ནས་ཁོ་རང་གི་སྲོག་ལ་འགྲོའོ། །ལྷ་འདྲེ་སྟོང་གི་སྒྲིབ་ཤིང་། བྱད་ཀ་བཟློག་པའི་མན་ངག །བླ་མ་རིན་པོ་ཆེ་གནས་ནང་པས་གྲུབ་ཐོབ་སྟག་དེལ་བ་ལ་གནང་། དེས་སློབ་དཔོན་ཁམས་སྟོན་ཤེས་རབ་གྲགས་པ་གནང་། དེས་སློབ་དཔོན་ཉེ་གནས་ལ་གནང་། དེས་སློབ་དཔོན་བྱང་ཆུབ་དཔལ་ལ་གནང་། དེས་སློབ་དཔོན་མཉྫུ་ཤྲཱི་སིང་ཧ་ལ་གནང་། དེས་དགེ་བཤེས་བློ་གྲོས་རྒྱལ་མཚན་ལ་གནང་། སེར་བ་བསྲུང་ན། སྔགས་མཇུག་ཏུ། སེར་བ་སྟཾ་བྷ་ཡ་བཟློག །མཚོན་བསྲུང་ན། མཚོན་གྱི་གདུག་པ་བཟློག་སྭཱ་ཧཱ། ཞེས་པའོ། སྲིའུ་གསོ་ན། ཆུང་སྲིའི་གདུག་པ་བཟློག་སྭཱ་ཧཱ། འཆང་བ་པོ་ལ་རཀྵ་རཀྵ་ཞེས་པ་དང་། བསྲུང་འཁོར་ལ་གང་བསྲུང་བྲི། དེ་རཏྣའི་སྟེང་དུ་བཞག་ལ། དེ་ལྟར་བསྐྱེད། ཡེ་ཤེས་པ་བསྟིམ། དེ་ལ་བཟླས་པ་འགའ་བྱ། དེ་ལ་རྟེན་འབྲེལ་བརྒྱ་རྩ་བརྒྱད་ཀྱིས་རབ་གནས་བྱ། དེ་ལྟར་ལན་བདུན་ལ་སོགས་པ་བྱ། དེ་ནི་སྤྱི་བོའི་གཙུག་ཏུ་གདགས། དེ་ལྟར་བྱས་ནས་བཏགས་ན། གང་བཏགས་རྡོ་རྗེ་འཆང་པའོ༑ ༑སྔགས་བཟླ་དུས་ཡ་སོ་ལ་ཁྲོ་བོ། མ་སོ་ལ་ཁྲོ་མོ་བསྒོམ། ཨོཾ་ཏྲི་ག་དྷི་ཏྲི་མུ་དྷི། ཏྲི་ལོ་ཀ །ས་ཏ་ནི་ཧིང་མོ་ར་ནི་ས་དུ་ཁ། བྱད་སྟེམས་མཱ་ར་ཡ་ཧཱུྃ་ཕཊ། ཨོཾ་ཧྲི་ཧ་ཧ་ཧེ་ཧེ་ཧོ་ཧོ་ཧི་ཧི་ཧཱུཾ་ཧཱུཾ་ཕཊ་ཕཊ། བྱད་
2-2-246a
༄༅། །སྟེམས་གནོད་བྱེད་བྷྱོ་བྷྱོ་བཟློག་བཟློག །ཨོཾ་ཧཱུཾ་རྦད་ཡན་ཏྲ་ཏྲག་ཏྲ་ཙག་ཏྲ་རྦད། མན་ཏྲ་ཙག་ཏྲ་ཙག་ཏྲ་རྦད། བྱད་མ་གནོད་བྱེད་སརྦ་སྟེ་བྷ་ཡ་བཟློག །ཨོཾ་ཧ་ལ་ཧ་ལ་ཧུ་ལུ་ཧུ་ལུ་ཧེ་ཧེ། དྲོང་དྲོང་། ཛ་ཛ། ཧཱུཾ་ཧཱུཾ་ཕཊ་ཕཊ། བྱད་མ་རྦོད་གཏོང་དང་གཞན་གྱི་བསམ་སྦྱོར་ངན་པ་ཐམས་ཅད་མཱ་ར་ཡ་མཱ་ར་ཡ། ཛ་ཛ། བྷྱོ་བྷྱོ། བཟློག་བཟློག་ཛ་ཛ༔ ཨྠྀི།། ལྷ་འདྲེ་སྟོང་གི་སྒྲིབ་ཤིང་། རྗེ་རིན་པོ་ཆེ་གནས་ནང་པས་མཛད་པའོ། །བཀྲ་ཤིས་པར་གྱུར་ཅིག། །།

